💥هوس 💥السفاح💥

09

💥هوس السفاح 💥09
بقلمي✏رنوشة✏
الكل واقفين مقابلين بعض يحكيو على البضاعة شوية وبداو فالتسليم الكل متفطن وصاحي عينهم على بعضاهم يلي يغفل يتغدر ويروح فيها غير سلم البضاعة للزبون وإستلم دراهمو الشرطة داهمت المكان الحالة تقلبت صوت الرصاص مالي الجو رجالو محاوطينو هو وأسر يحميو فيهم يصاوب عليهم وتيليفونو صونا خرجتلو صورتها وهي راقدة فحضنو صورها ليلة البارح الزمان والأحداث حبسو عندو فاللحظة هاذيك يشوف فملامحها وسارح فطنو على وضعو رصاصة ختارقت كتفو خلات التيليفون يطيح من يدو رجالو وصاحبو جن جنونهم ودادو ثارو عليهم نصف ساعة من المواجهة قدرو فيها ينساحبو ويطيرو بيه للقصر مع وصلتهم قابلتهم واقفة فالبالكون شافتهم ساندينو باش يدخلوه رغم لوجيعة يلي فكتفو وكمية الدم لكبيرة يلي خسرها باقي صاحي هز عينيه لعندها قابلتو واقفة عمللها براسو تدخل وهي ماعاندتش ودخلت دقيقتين ودخل عليها وحدو يتمشى بالسيف جرحو ينزف قربت منو بلهفة سندتو عليها وتكاتو فالسرير تنحيلو فالفاست والشوميز أما هو من لمسة يديها تكوى وضاع فيها متناسي وجيعتو والرصاصة يلي فكتفو كملت نحاتهملو وتمسحلو فالدم 5دقايق وباب السويت دق وقفت باش تفتحو لقاتها طبيبة فأواخر العشرينات شعرها مارون وكيرلي عينيها عسلي وكبار عندها كل مقومات الأنوثة تبسمتلها ودخلت غير شافتو ذابت ونسات هي ويين ومع شكون عينيه الرمادي حرب من التناقض والتوافق فيهم الجنة والنار فيهم الكره والحب تقدمت منو وحطت يدها على كتفو باش تبدأ تفحصو وهي متناشية من زينو سمارو وفتنة عينيه شاف مع هوسو لقاها واقفة وراها وتشوف فيها واش قاعدة تعمل عمللها بيدو الثاني تقرب لعندو وتكلم بالسيف
أرسلان:أرواحي هنا بجنبي بلاصتك الحقيقية أتحركي وأنت ركزي فخدمتك كمليها وطيري برا
هبطت الدكتورة راسها حاشمة منو وآيات تبسمت عليه رغم إصابتو لسانو متبري منو راحت من الجيهة الثانية وطلعت بجنبو عالسرير جبدها ليه جابها فحضنو راسها على صدرو يبوس فيه موش هامو أنو معاهم الدكتورة نحاتلو الرقاصة وخيطتلو الجرح وهو ولا كأنو هنا بما أنو هوسو دائو ودواه فحضنو حاجة فالدنيا ماتأثر عليه إطلاقا كملت كتبتلو دواء ومرهم للجرح وتكلمت
💉💊💉:الحمد لله عسلامتك بوص هاذو دوايات للألم ومرهم للجرح بربي بيهم يتلم الجرح
أرسلان:لباب قدامك الرجال يرجعوك وين ماتحبي
شقلها وجها وماعطاهاش قيمة هزت دوزانها وخرجت مروحة وهو شاف مع الصغيرة يلي فحضنو ساكة وزراكحة شوية وبعدت عليه تحكي
آيات:طريق الظلام يلي عايش فيها هاذي مراحش تنفعك فالأخير تجيب أخرتك أخطيك منها أحسن
أرسلان:هذا أنا وهذا واقعي أنت ماتحطيش ليه البال عليك تخمي فيا وحدي حاجة ماتشغلك عليا
سكتت وخلاتو فرايو مازال ماتعرفوش مليح ولا هو يعرفها وديجا بدأت تنصح فيه وحابتو يتبدل قص عليهم تيليفونه يصوني أسر يعيط هزت عليه وحطتهولو فوذنو مايجيش يتحرك ويتعب لازمتو الراحة يسمع فيه وعينيه عليها أما هي سارحة فعينيه عيون الفتنة حصلت فيهم داخلها مد وجزر مرة تقول نخليه ونزيد نهرب منو نهرب من سجنو وهوسو ومرة تقول نقعد ونزيد نغرق ونذوب فيه فجمالو وسمارو فيومين خلاها تحارب بين خيارين
👑Ranoucha 👑