اسماء بصت ليه وسكتت ورجعت بصت لموسي اللي متعصب جدًا: سيبني أمشي عشان متحصلش مشاكل.
موسي بغضب: قولت امشي معايا بالزوق بدل ما تزعلي مني عصبيتي وحشة وتجنبيها.
الشاب كشر وزق موسي: جرا إيه يا جدع انت ما تسيب الانسه في حالها لو مش لاقي حد يوقفك يبقي اوقفك أنا.... و...
مكملش الشاب كلامه واخد لكمة قوية من موسي في وشه خلته يتألم، موسي قرب من اسماء وبقا في قمة الغضب شدها من ايدها ومشي بيها وبص للشاب اللي بيمسح الدم من بوقه: قولتلك خليك في حالك مسمعتش.
شد اسماء وراه وهي مرعوبة منه وعيونها لورا علي الشاب اللي بينزف ومذهولة، وصل بيها لعربيته وفتحلها الباب ولسه هيركبها منعته وهي بتعاند: سيبني بقا إنت مش فاهم....
موسي بصوت هادي وفحيح يرعب: اركبي بدل اقسم بالله رد فعلي مش هيعجبك
اسماء بتحدي: مش هركب ووريني هتعمل إيه؟.
موسي بتحذير: اسماء اسمعي الكلام وبلاش تتحديني.
اسماء بتحدي أكبر: قولتلك مش هاجي معاك.
واحد وقف وبص ليهم: فيه حاجة يا اخ.
موسي بص ليه واتعصب: هو إيه جو الشهامة اللي زادت النهاردة دي ومش عارف جاية منين وهي معدومة أصلا ولا دا فضول وغتاتة منكم.
الشخص باستغراب وعيونه علي اسماء: بصراحه فضول.
اسماء بصت ليه باستغراب وموسي عيونه عليها: اركبي.
اسماء بعناد: لأ قولتلك لأ لأ لأ.
فجأة شالها وركبها وقفل الباب بغضب ورجع لف لمكانه وبص للشخص اللي واقف ومبتسم ع الآخر: بس حلوة الحركة دي.
موسي ابتسم باستفزاز: والله تيجي اجربها فيك(رجع لغضبه) وربنا لولا إنك مفيش فيك جسم كنت نفختك.
نفخ بضيق وركب العربية وشغلها وساقها بسرعة وخرج من الحي اللي كان فيه بص لأسماء بجنب عيونه ولاحظ انها باصة قدامها وعيونها مبرقة ومصدومة نوعًا ما ومش بتنطق، ضم حواجبه باستغراب من شكلها وبعد ما مشي بعربيته وقف في مكان هادي ووقف العربية ولف بجسمه ليها وحط إيديه قصاد وشها وبيحركها لفوق ولتحت وهي لسه مبرقة وعلي نفس الحال.
موسي بهدوء: اسماء.
هزها من كتفها وهي انتبهت ليه وبتحاول تستوعب اللي عمله موسي بلعت ريقها بصعوبة وصوتها مكنتش عارفه تخرجه وتتكلم بس همست بصوت واطي: إنت عملت إيه من شوية.
موسي باستغراب ومش فاهم: عملت ايه إنتِ مبرقة كدا ليه!
اسماء بنفس الحال ومذهولة: إنت شيلتني.
موسي رجع بجسمه علي كرسي العربية وسند ضهره براحة وبص ليها: قولتلك رد فعلي مش هيعجبك مصدقتيش وسبق وحذرتك متعانديش معايا عشان نهاية العناد وحشة.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
بارت⁹ لِـ «كيـان فريـدة».
ابدأ من البداية
