#العشق_المتمرد
باقي الجزء92
#جمان_فريد
🍁🍁🍁🍁
ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ..
ﺣﻤﻴﺪﻩ ﻭﺳﻤﻴﻪ ﻭﻣﺮﺍﻡ ﻭﺳﻌﻴﺪﻩ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ..
ﻭﻓﻲ ﺍﻟﻜﻮﺟﻴﻨﻪ ..
ﻛﻔﺎﻳﻪ ﻭﻏﺎﻟﻴﻪ ﻳﻮﺗﻮﺍ ﻟﻠﺴﺤﻮﺭ ..
ﻭﻓﻲ ﺍﻟﻤﺮﺑﻮﻋﻪ ..
ﺍﻟﻬﺎﺩﻱ ﻭﻋﻤﺮ ﻭﻫﺎﻧﻴﺒﺎﻝ ﻣﻊ ﻣﺮﻭﺍﻥ ﻭﻣﺎﻟﻚ ﻭﺳﻌﺪ ..
🍁🍁🍁🍁
ﺣﻤﻴﺪﻩ ﻣﺮﺓ ﻣﺮﺓ ﻛﺎﻧﺖ ﺗﺸﻮﻑ ﻟﻤﺮﺍﻡ ..
ﻣﺰﻳﺎﻧﻪ ﻫﻠﺒﻪ ﻭﺳﺎﻣﻨﻪ .. ﻭﺗﺒﺎﻥ ﻣﺮﺗﺎﺣﻪ ..
ﺣﺴﺖ ﺑﻨﺎﺭ ﺗﺎﻛﻞ ﻓﻴﻬﺎ ..
ﻏﻴﺮﺕ ﻋﻴﻮﻧﻬﺎ ﻋﻨﻬﺎ ﻭﺷﺒﺤﺖ ﻟﻠﻔﻴﺮﻧﺪﺍ ..
ﻟﻘﺖ ﻫﺎﻧﻴﺒﺎﻝ ﻃﺎﻟﻊ ﻭﻗﻌﻤﺰ ﻉ ﺍﻟﻜﺮﺳﻲ ﺑﺮﺍ ..
ﺭﺟﻌﺖ ﺷﺎﻓﺖ ﻟﻤﺮﺍﻡ ﺍﻟﻠﻲ ﻟﻘﺘﻬﺎ ﺷﺎﻓﺘﻠﻪ ﻭﺍﺑﺘﺴﻤﺖ ..
ﻏﻴﺮﺕ ﻋﻴﻮﻧﻬﺎ ﻟﻠﺘﻠﻔﺰﻳﻮﻥ ..
ﺑﻌﺪﻳﻦ ﻗﺎﻟﺖ : ﺷﻦ ﺭﺍﻳﻜﻦ ﻓﻲ ﺍﻟﺒﻴﺎﻥ ..
ﻣﺮﺍﻡ ﻭﺳﻤﻴﻪ ﻭﺳﻌﻴﺪﻩ : ﻣﺎﺷﺎﺀ ﺍﻟﻠﻪ .. ﺣﻠﻮ ..
ﺣﻤﻴﺪﻩ : ﺭﻳﺘﻴﻦ ﻋﻤﺮ ﺷﻦ ﻭﺍﺧﺪﻟﻬﺎ ﻳﺎﺣﻨﻪ ..
ﺳﻤﻴﻪ ﺑﺈﺑﺘﺴﺎﻣﻪ ﻣﺠﺎﻣﻠﻪ : ﺍﻳﻪ ﻛﻠﻪ ﺣﻠﻮ ..
ﻣﺮﺍﻡ : ﻛﻠﻪ ﺫﻭﻕ .. ﺑﺎﻟﺼﺤﻪ ﻋﻠﻴﻬﺎ ..
ﺳﻌﻴﺪﻩ : ﻋﺠﺒﻨﻲ ﻭﺍﺟﺪ ..
ﺣﻤﻴﺪﻩ ﺿﺤﻜﺖ ﻭﻗﺎﻟﺖ : ﺧﻄﺮ ﻋﻠﻴﺎ ﺑﻴﺎﻧﻲ ﻭﺷﻦ ﺟﺎﺑﻮﻟﻲ ..
ﺍﺑﺘﺴﻤﺖ ﺳﻤﻴﻪ؛ﺣﺘﻰ ﺍﻧﻲ ﺍﺫﻛﺮﺕ ﺑﻴﺎﻧﻲ ..
ﺣﻤﻴﺪﻩ : ﺍﻧﺘﻲ ﻋﺎﺩ ﻓﺒﻴﺎﻧﻚ ﺣﻂ ﺍﻟﻬﺎﺩﻱ ﻫﺪﺍﻙ ﺍﻟﺤﺴﺎﺏ ﻗﺎﻝ ﺧﻮﺩﻭﻟﻬﺎ ﺣﺎﺟﺎﺕ ﺳﻤﺤﻪ .
ﺿﺤﻜﺖ ﺳﻤﻴﻪ ..
ﺣﻤﻴﺪﻩ : ﺍﻧﻲ ﺧﻮﺗﻲ ﻟﻤﺎ ﻳﺎﺧﺪﻭﺍ ﺍﻟﻠﻲ ﻳﺒﻮﻫﻦ ﻣﺎﻳﺨﻠﻮﺍ ﺷﻦ ﻳﺪﻳﺮﻭﻟﻬﻦ ..
ﺳﻤﻴﻪ : ﺧﻄﺮﺗﻲ ﻋﻠﻴﺎ ... ﺑﻌﺪﻳﻦ ﺳﻜﺘﺖ ﻟﻤﺎ ﺷﺎﻓﺖ ﻟﻤﺮﺍﻡ .. ﺿﺤﻜﺖ ﻭﻗﺎﻟﺖ .. ﻭﻻ ﺑﻼﺍﺵ ..
ﺍﺑﺘﺴﻤﺖ ﺣﻤﻴﺪﻩ ﺑﺮﻓﻌﺔ ﺣﺎﺟﺐ ..
ﺳﻌﻴﺪﻩ ﺭﻛﺰﺕ ﻋﻠﻴﻬﻢ ﻭﺷﺒﺤﺖ ﻟﻤﺮﺍﻡ ﻟﻘﺘﻬﺎ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ ﻭﺗﺒﺎﻥ ﻋﺎﺩﻳﻪ ..
ﺑﺲ ﻣﻦ ﺩﺍﺧﻞ ﺍﻟﻌﺎﻟﻢ ﺑﻴﻬﺎ ﺭﺑﻲ ﺑﺲ ﺍﻟﻤﻄﻠﻊ ﻉ ﺍﻟﻘﻠﻮﺏ 💔
ﻉ ﺧﺸﺔ ﻛﻔﺎﻳﻪ ﻗﺎﻟﺖ : ﺗﺎﻛﻠﻮﺍ ﻫﻨﻲ ﻭﻻ ﻓﻲ ﺍﻟﺠﻨﺎﻥ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﻓﻲ ﺍﻟﺠﻨﺎﻥ .. ﺍﻟﺠﻨﺎﻥ ﺧﻴﺮ ..
ﻛﻔﺎﻳﻪ : ﺑﺎﻫﻲ ﻧﻮﺿﻮﺍ ﻫﻲ ..
ﻧﺎﺿﻮﺍ ..
ﺣﻤﻴﺪﻩ ﺷﺒﺤﺖ ﻟﻠﻔﻴﺮﻧﺪﺍ ﻭﻗﺎﻟﺖ : ﺍﻳﻪ ﻛﻔﺎﻳﻪ .. ﺟﻴﺮﺍﻧﻜﻢ ﺣﻮﻟﻮﺍ؟؟
ﺷﺒﺤﻮﺍ ﻟﺤﻤﻴﺪﻩ ..
ﻛﻔﺎﻳﻪ ﺑﺤﺪﻩ : ﻟﻴﻬﻢ ﻭﻗﺖ .. ﻫﻴﺎ ﺗﻌﺎﻟﻮﺍ ..
ﻭﻣﺸﺖ ﻃﻠﻌﺖ ﻭﻫﻲ ﻣﺘﻜﻨﻄﻴﻪ ..
ﻭﻫﻤﺎ ﻭﺭﺍﻫﺎ ..
ﺣﻤﻴﺪﻩ ﺑﻀﺤﻜﻪ : ﻋﻠﻴﻚ ﻫﺎﻧﻴﺒﺎﻝ ..
ﺳﻤﻴﻪ ﺟﺘﻬﺎ ﻭﻗﺎﻟﺖ : ﻗﺼﺪﻙ ﺣﻮﺵ ﻫﻞ ﻋﺮﻭﺑﻪ ..
ﺣﻤﻴﺪﻩ : ﺍﻫﺎ ..
ﻭﻣﺸﻮﺍ ..
ﻭﻭﺭﺍﻫﻢ ﻣﺮﺍﻡ ﻭﺳﻌﻴﺪﻩ ﺍﻟﻠﻲ ﺳﻤﻌﻮﺍ ﺍﻟﻜﻼﻡ ..
ﻣﺮﺍﻡ ﻣﻦ ﺩﺍﺧﻠﻬﺎ ﻧﺎﺭ ﻭﻟﻌﺖ .. ﻭﺳﻌﻴﺪﻩ ﺑﺪﺕ ﺗﺘﻌﻔﻠﻖ ﻣﻦ ﺗﺼﺮﻓﺎﺕ ﺣﻤﻴﺪﻩ .. ﻭﺗﻠﻘﻴﺤﻬﺎ ..
ﻣﺸﻮﺍ ﻧﺰﻟﻮﺍ ﻟﻮﻃﺎ ..
ﺑﺲ ﻣﺮﺍﻡ ﻓﻨﺺ ﺍﻟﻄﺮﻳﻖ ﻭﻟﺖ ..
ﺳﻌﻴﺪﻩ : ﻭﻳﻦ ..
ﻣﺮﺍﻡ : ﺷﻮﻳﻪ ﻭﺟﺎﻳﻪ ..
ﻫﺰﺕ ﺳﻌﻴﺪﻩ ﺭﺍﺳﻬﺎ ﺑﺈﻳﺠﺎﺏ ..
ﻭﻣﺮﺍﻡ ﻃﻮﻝ ﻭﻟﺖ ﺭﻛﺒﺖ ﻓﻮﻕ ..
ﻭﺻﻠﺖ ﻟﻠﺼﺎﻟﻪ ..
ﻣﺸﺖ ﻟﻠﻔﻴﺮﻧﺪﺍ ..
ﺑﺪﻭﻥ ﻣﺎﻳﺤﺲ ﻭﻗﻔﺖ ﻭﺭﺍﻫﺎ ..
" ﺑﻨﺖ ﻋﺒﻮﺩﻩ .."
ﺍﻧﺨﻠﻌﺖ ..
ﻫﻮ ﺭﻓﻊ ﺭﺍﺳﻪ ﻓﻮﻕ ﻭﻭﺧﺮﻩ ﻟﻠﺨﻠﻒ ﻭﻫﻮ ﻳﺸﻮﻓﻠﻬﺎ : ﺷﻦ ﺟﻮ ..
ﻫﻲ ﺍﺑﺘﺴﻤﺖ : ﺗﻤﺎﻡ ..
ﺿﺤﻚ ﻭﻧﺎﺽ ..
ﺧﺪﺍﻫﺎ ﻣﻦ ﻳﺪﻫﺎ ﻭﻗﺎﻝ : ﺗﻌﺎﻟﻲ .. ﻗﻌﻤﺰﻫﺎ ﻉ ﺍﻟﻜﺮﺳﻲ ..
ﻭﻫﻮ ﺍﺗﻜﺎ ﻉ ﺍﻟﻤﺮﺷﺒﻴﺪﻱ ﻗﺪﺍﻣﻬﺎ ..
ﻫﺎﻧﻴﺒﺎﻝ : ﺷﻦ ﻛﺎﻧﺖ ﺍﻷﺟﻮﺍﺀ ﺳﻤﺤﻪ ..
ﻫﻲ ﺑﺈﺑﺘﺴﺎﻣﻪ : ﺍﻣﻢ ﺳﻤﺤﻪ .. ﺧﻴﺮﻙ ﻣﺎﺗﺴﺤﺮﺗﺶ ..
ﻫﺎﻧﻴﺒﺎﻝ : ﻛﻠﻴﺖ ﻛﻮﻳﺲ ﻓﺤﻮﺵ ﻫﻞ ﺍﻟﻌﺮﻭﺱ .. ﻭﻣﺎﻧﺒﻴﺶ ﻧﺘﻘﻞ .. ﺍﺑﺘﺴﻢ .. ﻗﻠﺖ ﺑﻌﺪﻳﻦ ﺍﻟﻤﺎﺭﻣﺮﻳﺘﺎ ﺗﺠﻴﺒﻠﻲ ﻃﺎﺳﺔ ﻟﺒﻦ ﻭﺗﻤﺮ ﺳﺎﺩ ..
ﺿﺤﻜﺖ ..
ﻭﻫﻮ ﺿﺤﻚ ﻭﻗﻌﺪ ﻳﺸﻮﻓﻠﻬﺎ ..
ﻣﺮﺍﻡ ﺗﺒﻲ ﺗﺸﻮﻑ ﻟﻠﺤﻮﺵ ﺍﻟﻠﻲ ﺟﻨﺒﻬﻢ ﺑﺲ ﻣﺎﻗﺪﺭﺗﺶ .. ﻣﺎﺗﺒﻴﺶ ﺗﺒﻴﻨﻠﻪ ﺍﻱ ﺷﻲ ﻭﻻﺗﺸﻐﻞ ﺑﺎﻟﻪ ﺍﻟﻠﻲ ﻳﺒﺎﻥ ﻣﺶ ﻣﺸﻐﻮﻝ ﺑﺸﻲ ﻏﻴﺮﻫﺎ ..
ﺷﺒﺤﺘﻠﻪ ﺑﻨﻈﺮﻩ ﺣﻠﻮﺓ ﻭﻗﺎﻟﺖ : ﻫﺎﻧﻴﺒﺎﻝ ..
ﻫﺎﻧﻴﺒﺎﻝ ﺑﺈﺑﺘﺴﺎﻣﻪ : ﺍﻣﻢ ..
ﻣﺮﺍﻡ : ﺍﻧﻲ ﺣﺎﻣﻞ ..
ﺗﻔﺎﺟﺄ ﻫﻠﺒﻪ ... ﻗﻌﺪ ﻳﺸﻮﻓﻠﻬﺎ ﻭﺧﻼﺹ ﺳﺄﻝ ﺑﻨﺒﺮﺓ ﺗﺴﺎﺅﻝ : ﻛﻴﻒ ﻋﺮﻓﺘﻲ ..
ﻣﺮﺍﻡ ﺑﻀﺤﻜﻪ : ﺩﺭﺕ ﺗﺤﻠﻴﻞ ﻣﻨﺰﻟﻲ ﻭﻋﺮﻓﺖ .. ﻭﻃﺒﻌﺎ ﻧﺘﺄﻛﺪﻭﺍ ﺍﻛﺜﺮ ﺑﺘﺤﻠﻴﻞ ﻣﺨﺒﺮﻱ ..
ﺿﺤﻚ ﻭﻫﻮ ﻳﻤﺴﺢ ﺑﻴﺪﻩ ﻉ ﺷﻌﺮﻩ ﻟﻠﺨﻠﻒ ..
ﻣﺮﺍﻡ : ﻓﺮﺣﺖ؟
ﻫﺎﻧﻴﺒﺎﻝ ﺑﻀﺤﻜﻪ : ﺍﻛﻴﺪ .. ﺑﺲ ﺗﺼﺪﻗﻲ ﻣﺶ ﻣﺴﺘﻮﻋﺐ .. ﺣﻂ ﻳﺪﻩ ﻉ ﺻﺪﺭﻩ ﻭﻗﺎﻝ .. ﺷﻌﻮﺭ ﺣﺴﻴﺖ ﺑﻴﻪ ﻣﺶ ﻋﺎﺭﻑ ﻛﻴﻒ ﻧﻮﺻﻔﻪ .. ﻏﺮﻳﺐ ﻭﺣﻠﻮ ﻭﺍﺟﺪ ..
ﺿﺤﻜﺖ ...
ﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻭﻫﻮ ﻳﻀﺤﻚ ﻗﺎﻝ : ﻳﺎﺍﻟﻠﻪ .. ﺷﺒﺤﻠﻬﺎ ... ﻋﻴﺸﺘﻴﻨﻲ ﻣﻌﺎﻙ ﻣﺸﺎﻋﺮ ﻭﺍﺟﺪﻩ ﻳﺎﺑﻨﺖ ﻋﺒﻮﺩﻩ .. ﻭﻛﻠﻬﻦ ﺣﻠﻮﺍﺕ ﻭﺍﺟﺪ ..
ﻣﺮﺍﻡ ﺿﺤﻜﺖ ﺑﻔﺮﺡ ..
ﻭﻧﺴﺖ ﻛﻞ ﺍﻟﻤﺸﺎﻋﺮ ﺍﻟﺴﻠﺒﻴﻪ ﺍﻟﻠﻲ ﻋﺎﺷﺘﻬﺎ .. ﻭﻻ ﻛﺈﻧﻬﺎ ﻛﺎﻧﺖ ..
ﻣﻦ ﻟﻮﻃﺎ ..
ﻛﺎﻧﻮﺍ ﻣﺮﺓ ﻣﺮﺓ ﻳﺸﻮﻓﻮﻟﻬﻢ ..
ﻛﻔﺎﻳﻪ : ﺍﻛﻴﺪ ﻗﺎﻟﺘﻠﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﻭﺍﺿﺢ ..
ﺣﻤﻴﺪﻩ ﻭﻗﻔﺖ ﻣﻀﻎ ﻭﻗﺎﻟﺖ : ﺷﻨﻮ؟
ﺍﻣﻬﺎ ﺷﺒﺤﺘﻠﻬﺎ ...
ﻛﻔﺎﻳﻪ : ﻣﺮﺍﻡ ﺣﺎﻣﻞ .
ﻭﺟﻪ ﺣﻤﻴﺪﻩ ﺗﻐﻴﺮ ..
ﻭﺳﻤﻴﻪ ﺍﺗﻔﺎﺟﺌﺖ ..
ﺑﻠﻌﺖ ﺣﻤﻴﺪﻩ ﻟﻘﻤﺘﻬﺎ ﺑﺎﻟﺴﻴﻒ ﻭﻗﺎﻟﺖ : ﺍﻫﺎ ..
ﺷﺒﺤﺘﻠﻬﻢ ﺷﻮﻳﻪ .. ﺑﻌﺪﻳﻦ ﻧﺰﻟﺖ ﻋﻴﻮﻧﻬﺎ ﻟﺼﻮﻧﻴﻪ ﻭﻛﻤﻠﺖ ﻣﺎﻛﻠﻪ ..
ﻭﻛﻠﻬﻢ ﺳﻜﺘﻮﺍ ﻭﻛﻤﻠﻮﺍ ﻣﺎﻛﻠﻪ ..
🍁🍁🍁🍁🍁
ﺗﻐﺴﻞ ﻓﻤﺎﻋﻴﻦ ﺍﻟﺴﺤﻮﺭ ﻭﺗﻔﻜﺮ ﻣﻊ ﻧﻔﺴﻬﺎ ..
ﺭﻓﻘﻪ " ﻣﺶ ﻣﺮﺗﺎﺣﻪ ﺍﻟﻠﻲ ﻗﺎﻋﺪﻩ ﺳﺎﻛﺘﻪ ... ﺗﺨﺎﻳﻠﺘﻪ ﺷﺎﺭﻱ ﻟﻬﺪﻳﻜﺎ ﺍﻟﺤﻘﻴﺮﺓ ﻗﻔﻄﺎﻥ ﺯﻳﻬﺎ !! ﻳﺎﻧﺎﺭﻱ ﻋﻠﻴﻚ ﻳﺎ ﺭﻭﺯﻱ .. ﻛﻴﻒ ﺗﻜﻤﻠﻲ ﻣﻊ ﻭﺍﺣﺪ ﺯﻱ ﻫﺪﺍ ﻛﻴﻒ؟؟ "!
ﺭﻓﻘﻪ ﺑﻀﻴﻖ : ﺗﺲ .. ﺍﻓﻔﻔﻒ ..
ﻭﻛﻤﻠﺖ ﻏﺴﻞ ﻣﺎﻋﻴﻦ ﻭﻫﻲ ﻣﻀﺎﻳﻘﻪ ﻉ ﺍﻵﺧﺮ ..
🍁🍁🍁🍁🍁
ﺑﺎﻫﻲ ﺧﻼﺹ ﻻﺯﻡ ﻧﺼﻜﺮ ..
ﻋﻤﺎﺩ؛ﺷﻮﻳﻪ ﺗﺎﻧﻴﻪ ﺑﺲ ﻋﻤﺮﻱ ..
ﺭﺯﺍﻥ ﺑﻀﺤﻜﻪ : ﺧﻼﺹ ﻋﻤﺎﺩ ﻫﺪﺍﻙ ﻫﻮ .. ﺑﻨﻠﺤﻖ ﻧﺘﺴﺤﺮ ..
ﺍﺑﺘﺴﻢ ﻭﻗﺎﻝ ﺑﻌﺪ ﺗﻨﻬﺪ : ﺑﺎﻫﻲ ﻳﺎﻗﻠﺒﻲ ﺑﺮﻱ ﺗﺴﺤﺮﻱ ﺻﺤﺘﻴﻦ ..
ﺧﺶ ﻋﻠﻴﻪ ﺍﺗﺼﺎﻝ ..
ﺭﺯﺍﻥ : ﺍﻧﺘﻈﺎﺭ ﻋﻨﺪﻙ ..
ﺷﺒﺢ ﻟﻠﺮﻗﻢ ﺑﻌﺪﻳﻦ ﺭﺩﻩ ﻉ ﻭﺫﻧﻪ ﻭﻗﺎﻝ : ﻭﺍﺣﺪ ﺻﺎﺣﺐ .. ﺧﻼﺹ ﻗﻠﺒﻲ ﺑﺮﻱ ﺗﺴﺤﺮﻱ ﺗﻮﺍ ﻭﻛﻮﻟﻲ ﻛﻮﻳﺲ .. ﻭﺍﻧﻲ ﻧﻘﻌﺪ ﻧﺮﺍﺟﻲ ﻓﻐﺪﻭﺓ ﺑﻔﺎﺭﻍ ﺍﻟﺼﺒﺮ ﺍﻣﺘﻰ ﺗﺠﻮﺍ ..
ﺭﺯﺍﻥ : ﺑﺎﻫﻲ .. ﺗﺼﺒﺢ ﻉ ﺧﻴﺮ ..
ﻋﻤﺎﺩ : ﻗﺪﺍﻣﻚ ﻛﻞ ﺧﻴﺮ ﻳﺎﻗﻠﺐ ﻗﻠﺐ ﻗﻠﺐ ﻗﻠﺒﻲ ..
ﺿﺤﻜﺖ .. ﺑﻌﺪﻳﻦ ﺻﻜﺮﺕ .. ﺑﺲ ﻓﻴﺴﻊ ﻣﺎﺗﻼﺷﺖ ﺿﺤﻜﺘﻬﺎ ﻭﻫﻲ ﺗﻔﻜﺮ ﺯﻋﻤﺎ ﻣﻦ ﻳﻜﻠﻢ ﻓﻴﻪ ﻓﻬﺎﻟﻮﻗﺖ ..
....
ﻋﻤﺎﺩ : ﻫﺎﻩ ﺑﻮﺭﺍ ﺷﻦ ﺟﻮ ﻳﺎﻗﻨﻴﻦ ... ﻻ ﻳﺎﻣﻌﻠﻢ ﺍﻧﻲ ﻓﻲ ***** ﻻﻣﺮﻭﺡ ﺍﻥ ﺷﺎﺀ ﺍﻟﻠﻪ ﺗﺎﻟﺖ ﻳﻮﻡ ﺍﻟﻌﻴﺪ ...
🍃🍃🍃🍃🍃
ﻭﻋﺪﻭﺍ ﻳﻮﻣﻴﻦ ...
🌟🌟🌟
ﻟﻴﻠﺔ ﺍﻟﻌﻴﺪ ..
ﻓﻲ ﺍﻟﻜﻮﺟﻴﻨﻪ
ﻣﺎﺷﺎﺀ ﺍﻟﻠﻪ ﻋﻠﻴﻚ ﺭﺯﻭﻧﻪ ﻣﺎﺷﺎﺀ ﺍﻟﻠﻪ ..
ﺭﺯﺍﻥ ﺑﺈﺑﺘﺴﺎﻣﻪ : ﺗﺴﻠﻤﻲ ..
ﻣﺮﺍﻡ ﺑﻀﺤﻜﻪ : ﺧﺴﺎﺭﺓ ﻏﻴﺮ ﻋﻤﺎﺩ ﺳﺒﻖ ﻛﺎﻥ ﻫﺪﻯ ﺣﺰﻧﺎﻙ ﻟﻤﺆﻳﺪ ﻭﻟﺪ ﺍﺧﺘﻲ ﻓﺎﻳﺰﺓ ..
ﻉ ﺧﺸﺔ ﻋﻤﺎﺩ ﻃﺎﺣﺖ ﻓﻮﺫﻧﻪ ﺍﻟﻜﻠﻤﻪ ..
ﻋﻤﺎﺩ : ﻣﺮﺕ ﺧﺎﻟﻲ ﻧﺘﻌﺎﺭﻛﻮﺍ ﻟﻴﻠﺔ ﺍﻟﻌﻴﺪ ﻳﻌﻨﻲ؟
ﺿﺤﻜﻮﺍ ﺍﻟﺰﻭﺯ ...
ﻋﻤﺎﺩ : ﺧﻠﻴﻨﺎ ﺻﺤﺎﺏ ﺍﺭﺟﻮﻙ ..
ﻣﺮﺍﻡ ﺑﻀﺤﻜﻪ : ﺧﻼﺹ ﻣﻌﺎﺵ ﻧﻌﺎﻭﺩﻫﺎ ..
ﺿﺤﻚ ﺷﺒﺢ ﻟﺮﺯﺍﻥ ﻭﻗﺎﻝ : ﻏﺎﻟﻴﻪ ﻭﻳﻦ؟
ﻫﻲ ﺍﺑﺘﺴﻤﺖ ﻭﻗﺎﻟﺖ : ﻓﺎﻟﺪﺍﺭ ..
ﻭﺧﺮ ﺧﻄﻮﺗﻴﻦ ﻭﻫﻮ ﻳﺸﻮﻓﻠﻬﺎ ..
ﺗﻨﻬﺪ ﺑﻌﺪﻳﻦ ﻟﻒ ﻭﻣﺸﻲ ..
ﺷﺒﺤﺖ ﻣﺮﺍﻡ ﻟﺮﺯﺍﻥ ﻟﻘﺘﻬﺎ ﻣﺎﺯﺍﻝ ﻫﺎﻳﻤﻪ ﻭﻋﻴﻮﻧﻬﺎ ﻓﻲ ﺍﻟﺒﺎﺏ ..
ﻣﺮﺍﻡ : ﺗﻌﺎﻟﻲ ﻧﺴﺘﻔﻮﺍ ﺍﻟﺤﻠﻮ ﻫﻲ ..
ﺭﺯﺍﻥ ﺷﺒﺤﺘﻠﻬﺎ ﻭﺍﺑﺘﺴﻤﺖ ﺑﺨﺠﻞ ﻭﻫﻲ ﺗﻘﻮﻝ : ﺑﺎﻫﻲ ..
🍁🍁🍁🍁🍁
ﺍﻟﺪﺍﺭ ..
ﻏﺎﻟﻴﻪ : ﺍﺷﻲ ﺍﺷﻲ ﺍﺷﻲ ﻳﺎﺣﻨﻪ ..
ﻋﻤﺎﺩ ﺑﻀﺤﻜﻪ : ﻳﻌﺠﺒﻮﻫﺎ ..
ﻏﺎﻟﻴﻪ ﺑﻀﺤﻜﻪ : ﻟﻮ ﺗﺠﻴﺒﻠﻬﺎ ﺷﻜﺎﺭﺓ ﺭﺯ ﺗﻠﺒﺴﻬﺎ ﻭﻫﻲ ﻓﺮﺣﺎﻧﻪ ..
ﻋﻤﺎﺩ : ﻫﻬﻬﻬﻬﻬﻪ ..
ﻏﺎﻟﻴﻪ ﺑﻀﺤﻜﻪ : ﻳﺎﺑﺨﺘﻬﺎ ﻫﺎﻟﻤﻌﻠﻘﻪ ﻫﺪﻱ ..
ﺿﺤﻚ ﺗﺎﻧﻲ ..
💕💕💕💕💕
ﺍﻟﺴﺎﻋﻪ 12:30 ﻟﻴﻼ ..
ﺳﻤﺢ ﻭﺍﺟﺪ ﻭﺍﺟﺪ ..
ﻫﺎﻧﻴﺒﺎﻝ : ﺷﻔﺘﻪ ﺍﻟﻴﻮﻡ ﺻﺪﻓﻪ ﺗﺨﻴﻠﺘﻚ ﻓﻴﻪ ﻃﻮﻝ ﺩﺭﺳﺖ ﻭﻧﺰﻟﺖ ﺧﺪﻳﺘﻪ ..
ﻣﺮﺍﻡ ﻣﻦ ﻓﺮﺣﺘﻬﺎ .. ﻟﻔﺖ ﺍﻳﺪﻳﻬﺎ ﻉ ﺧﺼﺮﻩ ﻭﺣﻀﻨﺎﺗﻪ ..
ﻫﻮ ﺿﺤﻚ ﺑﺮﻓﻌﺔ ﺣﻮﺍﺟﺐ ﻭﻟﻒ ﺍﻳﺪﻳﻪ ﻭﻫﻮ ﻳﻤﺴﺢ ﻉ ﻇﻬﺮﻫﺎ ..
💕💕💕💕💕
ﺣﻴﻴﻴﻴﻴﻴﻲ؟؟؟ !!!
ﻏﺎﻟﻴﻪ : ﺭﻳﺘﻲ ﻳﺎﺣﻨﻪ .. ﻓﻮﻕ ﺍﻟﻠﺒﺴﻪ ﺍﻻﻛﺴﺴﻮﺭﺍﺕ ﻭﺍﻟﻜﻨﺪﺭﺓ ...
ﺭﺯﺍﻥ ﺷﺒﺤﺖ ﻟﻐﺎﻟﻴﻪ ﻭﻗﺎﻟﺖ : ﻧﺤﺒﻪ ﻭﺍﺟﺪ ﻳﺎ ﻋﻤﺘﻲ ﻭﺍﺟﺪ ..
ﺣﻀﻨﺘﻬﺎ .. ﺧﺎﻃﺮﻱ ﻧﻘﻮﻟﻬﻠﻪ ﻳﺎﻋﻤﺘﻲ ﺧﺎﻃﺮﻱ ..
ﺣﻀﻨﺘﻬﺎ ﻏﺎﻟﻴﻪ ﺑﻘﻮﺓ ﻭﻫﻲ ﺗﻀﺤﻚ ﻭﺗﻤﺴﺢ ﻉ ﻇﻬﺮﻫﺎ ﻗﺎﻟﺖ : ﺭﺑﻲ ﻳﺠﻤﻊ ﺑﻴﻨﺎﺗﻜﻢ ﻉ ﺧﻴﺮ ﻳﺎﺭﺑﻲ ...
ﺭﺯﺍﻥ : ﻋﻦ ﻗﺮﻳﺐ ﻳﺎﺭﺑﻲ ..
ﻏﺎﻟﻴﻪ : ﻫﻬﻬﻬﻬﻬﻬﻬﻬﻬﻬﻪ ﺣﻴﻴﻴﻪ ﻋﻠﻴﻚ !!
ﺭﺯﺍﻥ ﺣﻀﻨﺘﻬﺎ ﺑﺰﻳﺎﺩﻩ ﻭﻫﻲ ﺗﻀﺤﻚ ﺑﺨﺠﻞ ...
💕💕💕💕💕💕💕
🍁🍁🍁🍁🍁🍁🍁
ﻛﻴﻔﻬﺎ ﻛﻴﻒ ﺍﻟﺒﻨﻴﺎﺕ ﺍﻟﻠﻲ ﻓﻌﻤﺮﻫﺎ؟
ﺍﻟﺼﺪﻳﻖ : ﺍﻟﻠﻲ ﻳﺴﻤﻊ ﻳﻘﻮﻝ ﻣﺎﺧﺪﻳﻨﺎﻟﻬﺎ ﻣﺎﺗﻠﺒﺲ ..
ﺣﻤﻴﺪﻩ : ﺍﻳﻪ ﺑﺲ ﺷﻦ ﻓﻴﻬﺎ ﻛﺎﻥ ﺯﺩﺕ ﻟﺒﺴﻪ ﺍﺧﺮﻯ .. ﻫﻲ ﺭﺍﺱ ﻫﺎﻟﺒﻨﻴﻪ ...
ﺷﺒﺤﻠﻬﺎ ﺑﺤﺪﻩ ﻭﻗﺎﻝ : ﺭﺍﺱ ﻫﺎﻟﺒﻨﻴﻪ ... ﺭﺍﺍﺍﺱ ﻫﺎﻟﺒﻨﻴﻪ .. ﺍﺍﺍﺧﺨﺦ ﻭﺧﻼﺹ ..
ﺣﻤﻴﺪﻩ : ﺷﻦ ﻗﺼﺪﻙ !!! ؟
ﺍﻟﺼﺪﻳﻖ ﺑﺘﻬﻜﻢ : ﻗﺼﺪﻱ ﻋﺎﺭﻓﺘﻴﻪ ﻛﻮﻳﺴﺲ .. ﺣﺪﻑ ﻗﻔﻄﺎﻥ ﺑﻨﺘﻪ ...
ﻭﻟﻒ ﻭﻣﺸﻲ ...
ﻭﺣﻤﻴﺪﻩ ﻣﻌﺎﻩ ﺑﻌﻴﻮﻧﻬﺎ ﺍﻟﻠﻲ ﻳﺬﺭﻓﻮﺍ ﻓﻲ ﺍﻟﺪﻣﻮﻉ ﻭﻫﻤﺎ ﺷﺎﺧﺼﺎﺕ ﺍﻟﺒﺼﺮ ..
🍃🍃🍃🍃
ﻭﻋﺪﻯ ﻫﺎﻟﻴﻮﻡ ..
ﻭﺟﻲ ﺍﻭﻝ ﻳﻮﻡ ﺍﻟﻌﻴﺪ ..
ﺍﻭﻝ ﻋﻴﺪ ﻳﻌﻴﺪﻩ ﺍﻟﻌﻤﺪﻩ ﻣﻌﺎﻫﻢ ﻣﻦ ﺍﻭﻝ ﻳﻮﻡ ..
ﺑﻌﺪ ﺭﻭﺣﻮﺍ ﻣﻦ ﺻﻼﺓ ﺍﻟﻌﻴﺪ ..
ﻛﺎﻥ ﻣﻠﻬﻮﻑ ﻳﺸﻮﻑ ﺭﺯﻭﻧﻪ ..
ﻭﻫﻲ ﺗﺸﻮﻓﻪ ﺑﺎﻟﻌﺮﺑﻲ ﻷﻧﻪ ﻟﺒﺴﺘﻪ ﻣﻤﻴﺰﺓ ..
ﺳﻮﺭﻳﻪ ﻋﺮﺑﻴﻪ ﻟﻮﻧﻬﺎ ﺍﺑﻴﺾ ..
ﺭﻗﺒﺘﻬﺎ ﺗﺘﺴﻜﺮ ﻟﻔﻮﻕ ﺣﻮﺍﻓﻬﺎ ﻣﺰﺧﺮﻓﻪ ﺑﺎﻷﺳﻮﺩ ..
ﻭﺗﻨﺰﻝ ﻉ ﺟﻬﺔ ﺍﻟﺒﻄﻢ ﻛﻠﻬﺎ ﺑﻨﻔﺲ ﺍﻟﺰﺧﺮﻓﻪ ﻟﻌﻨﺪ ﺍﻟﺼﺪﺭ ..
ﻭﺟﻬﺔ ﺍﻟﺠﻴﺐ ﻛﺬﻟﻚ ..
ﻭﻣﺰﺧﺮﻑ ﻋﻠﻴﻬﺎ ﻣﻦ ﺟﻬﺔ ﺍﻹﻳﺴﺎﺭ ﺑﺨﻂ ﻋﺮﺑﻲ ﺣﻠﻮ ﻛﻠﻤﺔ
" ﺍﻟﺸﻬﻢ .."
ﻭﻻﺑﺲ ﺧﺎﺗﻢ ﻓﻀﻪ ﻓﺼﻪ ﺍﺳﻮﺩ ﻭﺳﺎﻋﻪ ﺳﻮﺩﺍ ...
ﻭﺷﻌﺮﻩ ﻃﻮﻟﻪ ﻭﻗﺘﻬﺎ ﻟﻌﻨﺪ ﺭﻗﺒﺘﻪ ﻷﻥ ﺣﺲ ﺍﻥ ﺭﺯﺍﻥ ﺗﺤﺒﻪ ﻫﻜﻲ .. ﻭﺍﻟﻠﺤﻴﻪ ﻛﺎﻥ ﻣﺨﻔﻔﻬﺎ ...
ﻛﺎﻥ ﺟﺬﺍﺏ ﺑﺰﻳﺎﺩﻩ ..
ﻟﻤﺎ ﺧﺶ ﻟﻠﺤﻮﺵ ﻣﻊ ﺧﻮﺍﻟﻪ ﻭﻋﻴﺪ ..
ﺑﺎﻧﺖ ﻋﻠﻴﻪ ..
ﻳﺴﻠﻢ ﻭﻋﻴﻮﻧﻪ ﻋﻠﻴﻬﺎ ﻃﺎﻟﻌﻪ ﺑﺎﻟﻠﺒﺴﻪ ﺍﻟﻠﻲ ﺧﺪﺍﻫﺎﻟﻬﺎ ﺗﺠﻨﻦ ..
ﻗﻠﺒﻪ ﻓﺮ ﻓﺮﺍﻥ .. ﻭﺫﺍﺏ ﻓﻴﻬﺎ ﻟﻠﻤﺮﺓ ﺍﻟﻤﻠﻴﻮﻥ ..
ﺷﺒﺢ ﻟﺨﺎﻟﻪ ﻣﻴﻼﺩ ﺑﻄﺮﻑ ﻋﻴﻨﻪ ﻭﻗﺎﻝ ﻓﻨﻔﺴﻪ " ﺍﻟﻠﻪ ﻳﺴﺎﻣﺤﻚ ﻳﺎﺧﺎﻝ .."
ﻋﻴﺪ ﻉ ﺣﻨﺎﻩ ﻭﺧﺎﻟﺘﻪ ﻭﻣﺮﺍﻡ ﻭﺳﻤﻴﻪ .. ﻭﻳﻦ ﻭﺻﻞ ﻓﺴﻌﻴﺪﻩ ﺑﺎﺱ ﺭﺍﺳﻬﺎ ..
ﺳﻌﻴﺪﻩ ﺑﺈﺑﺘﺴﺎﻣﻪ : ﺗﺒﻮﺱ ﻉ ﺍﻟﻜﻌﺒﻪ ﻳﺎﻏﺎﻟﻲ ..
ﻋﻤﺎﺩ ﺑﺈﺑﺘﺴﺎﻣﻪ : ﺍﻧﻲ ﻭﻳﺎﻙ ﻭﺍﻣﻲ ﻭﺍﻟﺒﺎﻗﻲ ..
ﺿﺤﻜﺖ ﺳﻌﻴﺪﻩ ..
ﻭﺭﺯﺍﻥ ﺗﺤﺸﻤﺖ ﻉ ﺍﻵﺧﺮ ..
ﺟﺎﻫﺎ ﻣﺪ ﻳﺪﻩ : ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ..
ﺻﺎﻓﺤﺎﺗﻪ ﻭﻗﺎﻟﺖ : ﻛﻞ ﻋﺎﻡ ﻭﺍﻧﺖ ﺑﺨﻴﺮ ..
ﻛﺎﻧﻮﺍ ﻋﻴﻮﻧﻬﺎ ﻟﻮﻃﺎ ﻭﻣﺘﺤﺸﻤﻪ ﻣﻦ ﺧﻮﻫﺎ ﻭﺑﻮﻫﺎ ﻭﺍﻣﻬﺎ ..
ﻭﺗﻮﻓﻴﻖ ﻋﻴﻮﻧﻪ ﻋﻠﻴﻬﻢ ...
ﻋﻤﺎﺩ ﻓﺎﻫﻢ ﺍﻟﻮﺿﻊ ﻣﺎﻳﺒﻴﺶ ﻳﻔﺘﺢ ﺍﻟﻌﻴﻮﻥ ﻋﻠﻴﻬﻢ ﻫﻠﺒﻪ .. ﺳﺎﺩ ﺍﻟﻠﺒﺲ ﺍﻟﻠﻲ ﻳﺎﺧﺪﻟﻬﺎ ﻓﻴﻪ ﻭﻫﻤﺎ ﺳﺎﻛﺘﻴﻦ ﻭﻳﺘﻐﺎﺿﻮﺍ ..
💕 ﺑﺲ ﺍﻟﺘﻠﻴﻔﻮﻥ ﻛﺎﻥ ﺩﺍﻳﺮ ﺣﻞ ..
ﺭﺯﺍﻥ : ﺣﻠﻮﺓ ﻭﺍﺟﺪ ..
ﻋﻤﺎﺩ؛ﻭﺍﻧﻲ؟ .
ﺳﻜﺘﺖ ﻭﻫﻲ ﻣﺒﺘﺴﻤﻪ ﺑﺨﺠﻞ ..
ﻋﻤﺎﺩ : ﻋﻴﺪﻱ ﻋﻠﻴﺎ ﻧﻬﺎﺭ ﻫﺎﻟﻌﻴﺪ ﺑﻜﻠﻤﻪ ﺗﻬﻮﻥ ﻳﺎﻟﻔﻌﻪ ﺍﺭﺣﻢ ﻣﻦ ﻓﺎﻷﺭﺽ ..
ﺭﺯﺍﻥ ﺑﻀﺤﻜﻪ : ﻏﻨﻴﺘﻠﻚ ﻗﺒﻞ ..
ﻋﻤﺎﺩ : ﻭﺍﻟﻠﻪ !! ﻧﺴﻴﺘﻲ ﺷﻦ ﻗﻠﺘﻲ ﺑﻌﺪﻫﺎ .. ﺍﻏﻨﻴﻪ ﻭﻏﻨﻴﺘﻬﺎ ﻭﺧﻼﺹ ... ﻗﺎﻟﻬﺎ ﻭﻫﻮ ﻳﻘﻠﺪ ﻓﺼﻮﺗﻬﺎ ..
ﺿﺤﻜﺖ ﻭﻗﻌﺪﺕ ﺳﺎﻛﺘﻪ ..
ﻋﻤﺎﺩ ﺑﺈﺑﺘﺴﺎﻣﻪ : ﺑﺎﻫﻲ ﻳﺎﻭﺩﻱ ﻓﻮﺗﻲ ﻭﻗﻮﻟﻴﻠﻲ .. ﺷﻦ ﺍﻟﻠﻲ ﺩﺭﺗﻴﻪ ﺑﺎﻟﺰﺑﻂ ﻣﻦ ﺍﻟﺤﻠﻮﻳﺎﺕ ..
ﺭﺯﺍﻥ ﺑﺈﺑﺘﺴﺎﻣﻪ : ﺍﻣﻤﻢ .. ﺍﻟﻤﻌﻤﻮﻝ .. ﻭﻏﺮﻳﺒﺔ ﺍﻟﺤﻠﻘﻮﻡ ... ﻭﺍﻟﺼﻨﻮﺑﺮﺓ ..
ﻋﻤﺎﺩ : ﺍﺍﺍﺍﻩ ﻳﺎﺣﻠﻘﻮﻡ ﺍﻧﺖ .. ﻳﺎﻣﻌﻤﻮﻝ .. ﻳﺎﺻﻨﻮﺑﺮﺓ ﻳﺎﻛﻨﺎﻓﻪ ﻳﺎﺑﻜﻼﻭﺓ ﻳﺎﻣﺎﻟﻔﻲ ﻳﺎﻛﺮﻳﺐ ﻳﺎﺑﺎﻥ ﻛﻴﻚ .. ﺍﺍﺍﻩ ﻭﺧﻼﺹ .. ﺍﻟﻠﻪ ﻳﺴﺎﻣﺤﻚ ﻳﺎﺧﺎﻟﻲ ﺍﻟﻠﻪ ﻳﺴﺎﻣﺤﻚ ..
ﺭﺯﺍﻥ : ﻫﻬﻬﻬﻬﻬﻬﻬﻬﻬﻪ .. ﺧﻼﺹ ﻳﺎﺑﺎﺭﺩ ﻋﺪﻱ ﺧﺶ ﻏﻴﺒﻮﺑﻪ ..
ﻋﻤﺎﺩ ﺑﻀﺤﻜﻪ : ﻧﻬﻮﻥ ﻋﻠﻴﻚ ..
ﺭﺯﺍﻥ ﺑﻀﺤﻜﻪ : ﻋﺪﻱ ﻳﺎﺑﺎﺭﺩ ﺧﻼﺹ ﺑﻨﺼﻜﺮ ..
ﻋﻤﺎﺩ : ﺍﻧﻲ ﻓﻐﻴﺒﻮﻳﻪ ﻣﻦ ﻏﻴﺮ ﻏﻴﺒﻮﺑﻪ ﺍﻥ ﺷﺎﺀ ﺍﻟﻠﻪ ﺗﺨﺸﻲ ﻏﻴﺒﻮﺑﺘﻲ ﻳﺎﺭﺑﻲ ..
ﺿﺤﻜﺖ ﻭﺻﻜﺮﺕ ﻋﻠﻴﻪ ﻭﻫﻲ ﺗﻘﻮﻝ : ﺧﺎﺷﺘﻬﺎ ﻣﻌﺎﻙ ﺧﺎﺷﺘﻬﺎ 💕
🍃🍃🍃🍃🍃🍃
ﻣﺮ ﺃﻭﻝ ﻳﻮﻡ ﻋﻴﺪ ..
ﻭﺟﻲ ﺗﺎﻧﻲ ﻳﻮﻡ ..
ﻭﺍﻟﺘﻤﻮﺍ ﺍﻻﺣﺒﺎﺏ ﺑﻌﺪ ﻏﻴﺎﺏ ﻣﺶ ﻃﻮﻳﻞ ﻣﻦ ﺑﻌﺪ ﺍﻟﻌﺮﺱ ..
ﻳﻮﻣﻬﺎ ﺍﻟﻜﻨﺎﻳﻦ ﻣﻦ ﺍﻟﺼﺒﺢ ﻋﻨﺪ ﺍﻫﺎﻟﻴﻬﻢ ..
ﺩﻻﻝ : ﺍﻭﻝ ﻣﺮﺓ ﻧﺠﻲ ﻭﻣﺎ ﻳﻘﺎﺑﻠﻨﻴﺶ ﺧﺎﻟﻲ ﻫﺎﻧﻴﺒﺎﻝ ..
ﺭﺍﻧﻴﺎ : ﻳﺴﺘﻨﻰ ﻓﻴﻨﺎ ﻗﺒﻞ ..
ﺗﻨﻬﺪﺕ ﺭﺑﺎﺏ ﻭﻗﺎﻟﺖ : ﻣﺎﻓﻲ ﺷﻲ ﻳﻘﻌﺪ ﻉ ﺣﺎﻟﻪ ..
ﺩﻻﻝ : ﺻﺪﻗﺘﻲ ... ﺳﺎﻭﺕ ﻋﻤﺎﻣﺔ ﻣﻌﻤﺮ ﻭﻗﺎﻟﺖ .. ﻫﻲ ﺑﺮﺍ ﺣﺒﻴﺒﻲ ..
ﻣﺸﻲ ﻣﻌﻤﺮ ﻃﻮﻝ ..
ﺭﺑﺎﺏ : ﻣﺎﺷﻴﻴﻦ ﻟﻮﻟﺪ ﻋﻤﺘﻬﻢ ..
ﺩﻻﻝ ﻭﺭﺍﻧﻴﺎ : ﻭﻟﻮﻟﺪ ﻋﻤﻬﻢ ..
ﺿﺤﻜﺖ ﺭﺑﺎﺏ : ﺣﻘﻴﺮﺍﺕ ..
ﺿﺤﻜﻮﺍ ...
🍁🍁🍁🍁
ﻓﻢ ﺍﻟﺒﻮﺍﺑﻪ ..
ﻭﺍﻟﻠﻪ ﺑﻌﺪ ﻋﺮﻓﺖ ﺍﻧﻬﺎ ﺗﻄﻠﻊ ﺑﻌﺪ ﺍﻟﻌﻴﺪ ﺗﻨﻜﺪﺕ ..
ﺭﺯﺍﻥ : ﻣﺎﺗﺨﻮﻓﻴﺶ ﺭﻭﺣﻚ ﻭﺍﺟﺪ ﻣﺘﺄﻛﺪﻩ ﺍﻧﻚ ﻧﺎﺟﺤﻪ ..
ﺭﻓﻘﻪ : ﻳﺎﺍﺍﺭﺏ .. ﺷﺒﺤﺖ ﻟﻠﺒﺴﺔ ﺭﺯﺍﻥ .. ﺣﺘﻰ ﻫﺎﺩﻱ ﺫﻭﻕ ﻋﻤﺎﺩ ..
ﺿﺤﻜﺖ ﺭﺯﺍﻥ : ﺍﻳﻪ ﺭﻏﻢ ﺍﻧﻲ ﺷﺮﻳﺖ ﺑﺲ ﻣﺶ ﻗﺎﺩﺭﻩ ﻧﻌﻴﺪ ﻣﻦ ﻏﻴﺮﻫﺎ ..
ﺍﺑﺘﺴﻤﺖ ﺭﻓﻘﻪ ﻭﻣﻦ ﺩﺍﺧﻠﻬﺎ ﻛﺎﻧﺖ ﻣﻐﺼﻮﺻﻪ ..
🍁🍁🍁🍁🍁
ﻓﻲ ﺍﻟﻜﻮﺟﻴﻨﻪ ..
ﻧﻌﻴﻤﻪ : ﺑﻨﺎﺗﻬﺎ ﺍﻟﻠﻲ ﻫﺎﺩﻱ ﺗﺤﺪﻑ ﻓﻴﻬﺎ ﻉ ﺍﻟﺘﺎﻧﻴﻪ .. ﺍﺧﺮ ﺷﻲ ﺍﻟﺘﻤﻮﺍ ﺍﻟﻮﻻﺩ ﻭﺩﺍﺭﻭ ﺟﺪﻭﻝ ﻭﻛﻞ ﻣﺮﺓ ﺗﻘﻌﺪ ﻋﻨﺪ ﻭﺍﺣﺪ ..
ﻓﺎﻃﻤﻪ ﺑﺄﺳﻒ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ .. ﺍﻟﻤﻬﻢ ﻳﺎﺑﻨﺘﻲ ﺍﻧﺘﻲ ﺗﻌﻤﻠﻲ ﺑﺎﻟﻠﻲ ﺗﺮﺑﻴﺘﻲ ﻋﻠﻴﻪ ... ﻭﻓﻜﺮﻱ ﺍﻥ ﺍﻟﻠﻲ ﺑﺪﻳﺮﻳﻪ ﺗﻠﻘﻴﻪ ..
ﻧﻌﻴﻤﻪ : ﺍﻛﻴﺪ ﻳﻤﻲ ..
ﺯﻳﻨﺐ : ﻟﻜﻦ ﺧﻮﻟﻪ ﻫﺎﺩﻱ ﻣﺤﻘﺮﻫﺎ ﺍﻟﺤﻖ ..
ﻛﻔﺎﻳﻪ : ﺍﻳﻪ .. ﻗﺎﻋﺪﻩ ﺻﺒﻴﻪ ﺷﻦ ﻭﺭﺍﻫﺎ ﻣﺎﺗﺮﻋﺎﺵ ﺍﻣﻬﺎ ﺑﺮﻭﺣﻬﺎ ..
ﻧﻌﻴﻤﻪ : ﻗﺎﻟﺖ ﻫﻠﺒﻪ ﻋﻠﻴﺎ ..
ﺣﻤﻴﺪﻩ : ﻻ ﻳﺎﻣﺎﻣﺎ .. ﻫﺪﻱ ﺗﻔﻜﺮ ﻟﺒﻌﻴﺪ ﻣﺎﺗﺒﻴﻬﻤﺶ ﻳﺎﺧﺪﻭﺍ ﻋﻠﻴﻬﺎ ﺗﻘﻌﺪ ﺗﻌﺎﻧﻲ ﺯﻱ ﺍﻟﺨﺪﺍﻣﻪ ..
ﺷﺒﺤﻮﻟﻬﺎ ..
ﻭﻓﺎﻃﻤﻪ ﺷﺒﺤﺖ ﻟﻐﺎﻟﻴﻪ ..
ﺯﻳﻨﺐ : ﺍﻟﻠﻲ ﻣﺎﻓﻴﻪ ﺧﻴﺮ ﻷﻣﻪ ﻣﺎﻓﻴﻪ ﺧﻴﺮ ﻟﺤﺪ .. ﻭﺑﻌﺪﻳﻦ ﻓﻲ ﻭﺣﺪﻩ ﺗﺮﻓﺾ ﺗﻮﻟﻲ ﺧﺪﺍﻣﻪ ﻷﻣﻬﺎ !!
ﻛﻔﺎﻳﻪ : ﻣﻦ ﻣﺎﻳﺘﻤﻨﻬﺎﺵ ..
ﻧﻌﻴﻤﻪ : ﺻﺪﻗﺘﻮﺍ ..
ﺍﺑﺘﺴﻤﺖ ﺣﻤﻴﺪﻩ ﺑﺘﻬﻜﻢ ﻭﺳﻜﺘﺖ ..
ﻭﻟﻄﻴﻔﻪ ﺗﺴﻤﻊ ﻓﻲ ﺍﻟﺤﻮﺍﺭ ﻭﺳﺎﻛﺘﻪ ﻷﻧﻬﺎ ﻣﻌﺎﺵ ﻣﺘﺤﻤﻠﻪ ﺣﻤﻴﺪﻩ ﻧﻬﺎﺋﻲ ﻭﻣﺎﺗﺒﻴﺶ ﺗﺘﻜﻠﻢ ﻭﺗﻐﻠﻂ ﻣﻌﺎﻫﺎ ﻓﺎﻟﺪﻭﺓ ..
ﺃﻣﺎ ﻏﺎﻟﻴﻪ ﺗﺼﺐ ﻓﻲ ﺍﻟﻘﻬﻮﺓ ﻓﻲ ﻓﻨﺎﺟﻴﻠﻬﺎ ﻭﺻﺪﺭﻫﺎ ﺿﺎﻳﻖ ﻣﻦ ﻛﻼﻡ ﺟﺎﺭﺡ ﺟﺎﻫﺎ ﻣﻦ ﺍﻗﺮﺏ ﺍﻟﻨﺎﺱ ..
🍁🍁🍁
ﺩﺍﺭﻭ ﻏﺪﺍﻫﻢ ﺑﺎﺯﻳﻦ ..
ﺗﻐﺪﻭﺍ ... ﻭﻗﻴﻠﻮﺍ ..
ﻣﻊ ﺍﻟﺴﺎﻋﻪ 6:00 ﻣﺴﺎﺀﺍ ..
ﺍﻟﺠﻮ ﻛﺎﻥ ﻟﻄﻴﻒ ﻫﻠﺒﻪ ..
ﻃﻠﻌﻮﺍ ﻛﻠﻬﻢ ﻳﺪﻫﻮﺭﻭﺍ ﻓﻲ ﺍﻟﻘﻄﻌﻪ ..
ﻛﻞ ﻣﺠﻤﻮﻋﻪ ﻓﺘﺮﻛﻴﻨﻪ ..
ﻫﺪﺍﻛﺎ ﺍﻟﻮﻗﺖ ﺍﻟﻨﺴﺎﺑﺎﺕ ﻛﺎﻧﻮﺍ ﻣﺎﺷﻴﻴﻦ ﻳﺘﺤﻤﺪﻭﺍ ﺑﺎﻟﺴﻼﻣﻪ .. ﻟﻮﺍﺣﺪ ﻳﻌﺮﻓﻮﻩ ﻓﻲ ﺍﻟﻘﺒﻴﻠﻪ ﻣﺪﺍﻳﺮ ﻋﻤﻠﻴﻪ ﺟﺮﺍﺣﻴﻪ ..
🍁🍁🍁🍁
ﻭﺍﻗﻔﺎﺕ ﺍﻷﺭﺑﻌﻪ ﺣﺪﺍ ﺍﻟﺠﺮﻑ ﻭﻳﺸﻮﻓﻮﺍ ﻟﻠﻮﺍﺩﻱ ..
ﻧﻌﻴﻤﻪ : ﻧﺬﻛﺮ ﻣﺸﻴﺘﻠﻪ ﻣﺮﺗﻴﻦ ﺑﺲ ..
ﻛﻔﺎﻳﻪ : ﻛﻨﺖ ﻣﻌﺎﻙ ﻭﻗﺘﻬﺎ ..
ﺯﻳﻨﺐ ﺑﻀﺤﻜﻪ : ﻳﺎﻣﺎ ﻣﺸﻴﻨﺎ ﻗﺒﻞ ﺍﻧﻲ ﻭﺣﻤﻴﺪ ﻭﻣﻴﻼﺩ ..
ﻉ ﺟﻴﺔ ﺣﻤﻴﺪ ﻭﻣﻴﻼﺩ ..
ﻭﻗﻒ ﻣﻴﻼﺩ ﺣﺪﺍ ﺯﻳﻨﺐ ﻭﻗﺎﻝ : ﺍﺧﺮ ﻣﺮﺓ ﻋﺪﻳﺘﻲ ﻓﻴﻬﺎ ﺗﺬﻛﺮﻱ ﻟﻴﺶ ﺣﺮﻣﻬﺎ ﻋﻠﻴﻚ ..
ﺯﻳﻨﺐ : ﻫﻬﻬﻬﻬﻬﻬﻬﻪ ﻭﻭﻙ ﻋﻼﺵ ﺫﻛﺮﺗﻨﻲ ..
ﺣﻤﻴﺪ ﺑﻀﺤﻜﻪ : ﻛﺎﻧﺖ ﺗﻠﻌﺐ ﻭﺗﺠﺮﻱ ﻭﻗﺘﻬﺎ ﻋﺘﺮﺕ ﻃﺎﺣﺖ ﻉ ﺭﻛﺒﺘﻬﺎ ﻭﻣﻦ ﻗﻮﺓ ﺍﻟﻀﺮﺑﻪ ﺩﺍﺧﺖ ..
ﻛﻔﺎﻳﻪ ﻭﻧﻌﻴﻤﻪ ﻭﻟﻄﻴﻔﻪ ﺑﺎﻧﺖ ﻉ ﻭﺟﻮﻫﻢ ﻣﻼﻣﺢ ﺍﻟﺘﺄﻟﻢ ..
ﺯﻳﻨﺐ : ﻏﻴﺮﻭﺍ ﺍﻟﺪﺳﻜﻪ ﺗﺮﺍ ..
ﺿﺤﻜﻮﺍ ..
ﺑﻌﺪﻳﻦ ﻛﻔﺎﻳﻪ ﻗﺎﻟﺖ : ﺗﺬﻛﺮﻭﺍ ﻓﻌﻤﺘﻲ ﺍﻟﻠﻪ ﻳﺮﺣﻤﻬﺎ ﻟﻤﺎ ﺗﺮﻋﻰ ﻓﻲ ﺍﻟﺴﻌﻲ ﻭﻛﻨﺎ ﻧﻤﺸﻮﺍ ﻣﻌﺎﻫﻢ ..
ﺣﻤﻴﺪ ﺑﻀﺤﻜﻪ : ﻳﺨﻄﺮ ﻋﻠﻴﺎ ﻣﻨﻈﺮﻙ ﻛﻴﻒ ﻛﺎﻥ ﻭﻛﺎﻥ ﻳﻨﺪﺭﻱ ﻋﻠﻴﻚ ﺳﻌﺪ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻛﻔﺎﻳﻪ : ﺷﻜﺮﺍ ﻉ ﺍﻟﻤﺸﺎﺭﻛﻪ 😑..
ﺿﺤﻚ ..
ﺑﻌﺪﻳﻦ ﻗﺎﻟﺖ ﻧﻌﻴﻤﻪ : ﺍﻟﻠﻪ ﻉ ﻫﺪﻳﻜﺎ ﺍﻷﻳﺎﻡ .. ﻟﻤﺎ ﻛﺎﻧﻮﺍ ﻋﻤﺘﻲ ﺍﻟﻠﻪ ﻳﺮﺣﻤﻬﺎ ﻭﺍﻣﻲ ﻭﺳﻂ ﺣﻮﺵ ﺍﻟﺤﻮﺵ ﺍﻟﻘﺪﻳﻢ ﻛﻴﻒ ﻳﺨﻀﻮﺍ ﻓﻲ ﺍﻟﻠﺒﻦ ﻭﻳﺪﻳﺮﻭﺍ ﻓﻲ ﺍﻟﺸﻜﻮﺓ ..
ﻛﻔﺎﻳﻪ : ﺍﻟﻠﻪ ﻉ ﺍﻟﺸﻜﻮﺓ ..
ﻣﻴﻼﺩ : ﻗﺪﻳﺶ ﻟﻴﺎ ﻣﺎﺳﻤﻌﺖ ﺍﺳﻤﻬﺎ ..
ﻟﻄﻴﻔﻪ : ﺷﻦ ﻫﻲ ﺍﻟﺸﻜﻮﺓ؟
ﺣﻤﻴﺪﻩ : ﻗﺮﻳﺒﻪ ﻟﻠﺸﻨﻴﻨﻪ ...
ﻟﻄﻴﻔﻪ : ﺍﻫﺎ ..
ﺯﻳﻨﺐ : ﻭﻻ ﻓﻄﻴﺮﺓ ﻋﻤﺘﻲ ..
ﻛﻠﻬﻢ ﺑﺼﻮﺕ ﻭﺍﺣﺪ : ﺍﻟﻠﻪ !!
ﻧﻌﻴﻤﻪ : ﻣﺎﺭﻳﺘﺶ ﺯﻳﻬﺎ ﻳﺎﻧﺎﺱ ..
ﻣﻴﻼﺩ ﺑﻀﺤﻜﻪ : ﻋﻤﺘﻲ ﻋﻤﺘﻲ ﻧﺒﻲ ﻗﻄﻴﺮﺓ ..
ﺍﻟﺒﻨﺎﺕ ﻭﺣﻤﻴﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺯﻳﻨﺐ ﺑﻀﺤﻜﻪ : ﻫﻬﻬﻬﻪ ﻭﻭﻭﻭ .. ﺍﻟﻬﺎﺩﻱ ﻫﺪﺍ .. ﻧﻘﻮﻟﻮﻟﻪ ﺍﺳﻤﻬﺎ ﻓﻄﻴﺮﺓ ﻭﻫﻮ ﺷﻲ ﻗﻄﻴﺮﺓ ..
ﺿﺤﻜﻮﺍ ﺗﺎﻧﻲ ..
ﺑﻌﺪﻳﻦ ﺳﻜﺘﻮﺍ ﺷﻮﻳﻪ ..
ﻭﻗﺎﻟﺖ ﻛﻔﺎﻳﻪ : ﺷﻜﻼﻃﺔ ﺍﻟﻬﺮﻡ ..
ﻛﻠﻬﻢ : ﺍﻳﻴﻴﻴﻴﻪ ..
ﻧﻌﻴﻤﻪ : ﺭﺍﺟﻞ ﻋﻤﺘﻲ ﺍﻟﻠﻪ ﻳﺮﺣﻤﻬﻢ ﻛﺎﻥ ﻳﺠﻴﺒﻠﻨﺎ ﻓﻴﻬﺎ ﻛﻞ ﻋﺸﻴﻪ ..
ﺣﻤﻴﺪ : ﺍﻟﻠﻪ ﻳﺮﺣﻤﻬﻢ ﺭﺑﻲ ﻣﺎﻋﻄﺎﻫﻤﺶ ﺻﻐﺎﺭ ﺩﺍﺭﻭﻧﺎ ﺻﻐﺎﺭﻫﻢ ..
ﺗﻨﻬﺪﻭﺍ ﺑﺄﻟﻢ ﻭﻗﺎﻟﻮﺍ : ﺍﻟﻠﻪ ﻳﺮﺣﻤﻬﻢ ...
🍁🍁🍁🍁🍁🍁🍁
ﺣﺪﺍ ﺍﻟﻔﺮﻥ ..
ﺣﻤﻴﺪﻩ : ﺍﻟﻌﺮﺱ ﺍﺧﺮ 2014 ؟
ﺭﺑﺎﺏ : ﺍﻳﻪ ﺇﻥ ﺷﺎﺀ ﺍﻟﻠﻪ ..
ﺣﻤﻴﺪﻩ : ﻛﻮﻳﺲ ..
ﻏﺎﻟﻴﻪ : ﺑﺘﺴﻜﻨﻲ ﻓﻲ ﺷﻘﺔ ﺧﻠﻴﻔﻪ ﺗﻮ ..
ﺣﻤﻴﺪﻩ ﺣﻀﻨﺖ ﺑﻨﺘﻬﺎ ﺍﻟﻠﻲ ﻛﺎﻧﺖ ﻓﺤﺠﺮﻫﺎ ﺑﺰﻳﺎﺩﻩ ﻟﻤﺎ ﺳﻤﻌﺖ ﺍﺳﻢ ﺧﻠﻴﻔﻪ ..
ﺩﻻﻝ : ﻭﻳﻦ ﺑﻴﺴﻜﻦ ﺧﻠﻴﻔﻪ ..
ﻏﺎﻟﻴﻪ : ﻓﻮﻕ ﺣﺪﺍ ﺍﻟﺴﻮﻕ ..
ﺩﻻﻝ : ﺍﻫﺎ ..
ﺣﻤﻴﺪﻩ : ﺍﻳﺠﺎﺭ؟
ﺭﺑﺎﺏ : ﻻﻻ ﻣﻠﻚ ﺷﺮﺍﻫﺎ ﺷﺮﻱ ..
ﺣﻤﻴﺪﻩ : ﻃﻠﻊ ﻋﻨﺪﻩ ﻓﻠﻮﺱ ..
ﺭﺑﺎﺏ : ﺩﺍﺳﻬﻢ ﻟﻬﺎﻟﻮﻗﺖ ...
ﻏﺎﻟﻴﻪ : ﺭﺑﻲ ﻳﺘﻤﻢ ﻉ ﺧﻴﺮ .
ﺣﻤﻴﺪﻩ : ﻫﺪﻱ ﺍﻫﻢ ﺣﺎﺟﻪ ﻭﻻﻳﺼﻴﺮ ﻛﻴﻒ ﻣﺎﺻﺎﺭ ﻣﻊ ﺍﻷﻭﻝ ..
ﺭﺑﺎﺏ ﺷﺒﺤﺖ ﻟﻐﺎﻟﻴﻪ ..
ﻭﺭﺍﻧﻴﺎ ﻭﺩﻻﻝ ﻭﻧﻮﺭ ﺷﺒﺤﻮﺍ ﻟﺤﻤﻴﺪﻩ ..
ﻏﺎﻟﻴﻪ : ﺧﻞ ﻧﻔﺎﻭﻟﻮﺍ ﺑﺎﻟﺒﺎﻫﻲ ﺑﺎﻟﻠﻪ ﻳﺎﺣﻤﻴﺪﻩ ..
ﺣﻤﻴﺪﻩ : ﻭﺍﻧﻲ ﺷﻦ ﻗﻠﺖ ..
ﺭﺑﺎﺏ؛ﺳﻼﻣﺘﻚ .. ﻭﻧﺎﺿﺖ ﻭﻣﺸﺖ ﻣﻦ ﺣﺪﺍﻫﻢ ..
ﺣﻤﻴﺪﻩ ﺭﻓﻌﺖ ﺣﻮﺍﺟﺒﻬﺎ ﻭﻗﺎﻟﺖ : ﻋﺪﻱ ..
ﻧﺎﺿﺖ ﺭﺍﻧﻴﺎ ﻭﻟﺤﻘﺖ ﺍﺧﺘﻬﺎ ﻭﻫﻲ ﻣﺘﻜﻨﻄﻴﻪ ..
ﺿﺤﻜﺖ ﺣﻤﻴﺪﻩ ﺑﺘﻬﻜﻢ ﻭﻗﺎﻟﺖ ﻭﻫﻲ ﺗﺸﻮﻑ ﻟﺪﻻﻝ ﻭﻧﻮﺭ : ﺍﻟﺤﻘﻮﻫﻦ ..
ﻧﺎﺿﺖ ﺩﻻﻝ ﺑﺒﻨﺘﻬﺎ ﻭﻭﺭﺍﻫﺎ ﻧﻮﺭ ..
🍃 ﺍﻟﻜﻞ ﻛﺎﻥ ﻳﺘﺠﻨﺐ ﻓﻴﻬﺎ ﻭﺧﺎﻳﻒ ﻳﻐﻠﻂ ﻓﻲ ﺍﻟﻜﻼﻡ 🍃
ﻏﺎﻟﻴﻪ : ﺣﻤﻴﺪﻩ .. ﻛﻼﻣﻚ ﻣﻮﻟﻲ ﺗﻘﻮﻝ ﺭﺻﺎﺹ ﺭﺍﻫﻮ ..
ﺣﻤﻴﺪﻩ : ﻻﺭﺻﺎﺹ ﻻﻏﻴﺮﻩ ﻫﻤﺎ ﻛﻠﻤﺔ ﺍﻟﺤﻖ ﻣﺎﻳﺤﺒﻮﻫﺎ ..
ﺿﻤﺖ ﻏﺎﻟﻴﻪ ﺷﻮﺍﺭﺑﻬﺎ ﻟﺪﺍﺧﻞ ﺑﻐﻀﺐ .. ﺑﻌﺪﻳﻦ ﻟﻔﺖ ﻭﻣﺸﺖ ﻟﻠﻔﺮﻥ ﻭﻫﻲ ﻣﻌﺼﺒﻪ ..
ﺍﺑﺘﺴﻤﺖ ﺣﻤﻴﺪﻩ ﺑﺘﻬﻜﻢ ﺑﻌﺪﻳﻦ ﺷﺒﺤﺖ ﻟﺒﻨﺘﻬﺎ ﻭﻗﺎﻟﺖ : ﻧﻌﺪﻭﺍ ﻧﺪﻫﻮﺭﻭﺍ ﻣﺎﻣﺎ ..
ﺣﻨﻴﻦ : ﺍﻳﻪ ..
ﺣﻤﻴﺪﻩ : ﺑﺎﻫﻲ ﻫﻲ ..
ﻧﺎﺿﺖ ﺣﻤﻴﺪﻩ ﻭﻧﺰﻟﺖ ﺑﻨﺘﻬﺎ ﻭﺷﺪﺕ ﻓﻴﺪﻫﺎ ﻭﻣﺸﻮﺍ ﻣﻊ ﺑﻌﺾ ..
ﻏﺎﻟﻴﻪ ﻭﻫﻲ ﺗﺸﻮﻓﻠﻬﻢ ﻗﺎﻟﺖ : ﺷﻦ ﺟﺎﻙ ﺷﻦ ﺧﻼﻙ ﻫﻜﻲ ﻣﺶ ﻋﺎﺭﻓﻪ !!!
🍁🍁🍁🍁🍁
ﻓﻲ ﺍﻟﺠﺮﺩﻳﻨﻪ ..
ﻭﺍﻗﻔﻪ ﺗﺴﻘﻲ ﻓﺸﺠﺮﺓ ﺍﻟﻠﻴﻢ ﻭﺣﺪﺍﻫﺎ ﺑﻨﺖ ﻋﻤﻬﺎ ..
ﻭﻓﻲ ﺍﻟﺠﻬﺔ ﺍﻟﺘﺎﻧﻴﻪ ﻣﻦ ﺍﻟﺠﺮﺩﻳﻨﻪ ..
ﻋﻤﺮ ﻭﻣﺤﻤﺪ ﻭﺣﻤﺰﺓ ﻭﻣﺎﻟﻚ ﻭﻋﻤﺎﺩ ﻭﻣﺮﻭﺍﻥ ﻭﺳﻨﺪ ..
ﻛﻠﻬﻢ ﻳﻬﺪﺭﺯﻭﺍ ﻣﺎﻋﺪﺍ ﻋﻤﺎﺩ ﻋﻴﻮﻧﻪ ﻉ ﺑﻨﻴﺔ ﻗﻠﺒﻪ ﻭﺑﺲ 💓
ﺷﻮﻳﻪ ﻭﺭﻥ ﺗﻠﻴﻔﻮﻧﻪ ..
ﻧﺎﺽ ﻣﻦ ﺣﺪﺍﻫﻢ ﻭﻃﻠﻊ ﻣﻦ ﺍﻟﺠﺮﺩﻳﻨﻪ ﺑﺶ ﻳﺘﻜﻠﻢ ..
....
ﺭﻓﻘﻪ : ﻧﺠﻴﺐ ﺻﻮﻧﻴﻪ ﻧﻘﻄﻒ ﻣﻨﻬﺎ ..
ﺭﺯﺍﻥ ﺑﻀﺤﻜﻪ؛ﻋﺪﻱ ﺟﻴﺒﻲ ..
ﺿﺤﻜﺖ ﺭﻓﻘﻪ ﻭﻣﺸﺖ ..
ﻭﻫﻲ ﻃﺎﻟﻌﻪ ﻣﻦ ﺍﻟﺠﺮﺩﻳﻨﻪ ﺷﺎﻓﺖ ﻋﻤﺎﺩ ﻳﺪﻭﻱ ﻓﻲ ﺍﻟﺘﻠﻴﻔﻮﻥ ..
ﻭﻗﻔﺖ ﺳﻤﻌﺎﺗﻪ ﻭﻫﻮ ﻳﻘﻮﻝ ..
ﻋﻤﺎﺩ : ﻻﻋﺎﺩ ﻭﺩﻭﺍ ﺍﻧﺘﻲ ﻏﻴﻴﻴﺮ ﺍﻟﻐﻴﺮ ...... ﻣﺎﻭﺻﻠﻜﺶ ﺍﻟﻠﻲ ﺑﻌﺘﻪ .... ﻫﻬﻬﻬﻬﻬﻬﻬﻪ .. ﺗﺒﻴﺪﻱ ﻭﻧﺸﺮﻳﻠﻚ ﻏﺎﻟﻲ ﻳﺎﺣﺒﻲ ... ﻫﻬﻬﻬﻬﻬﻬﻬﻬﻪ .. ﺭﺍﻙ ﺑﺮﻭﺣﻚ ﺍﻧﺘﻲ ﺑﺮﻭﺣﻚ ..
ﺭﻓﻘﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻃﻮﻝ ﻣﺸﺖ ﻭﻫﻲ ﻣﺨﻨﻮﻗﻪ ..
ﺭﻓﻘﻪ " ﻳﻜﻠﻢ ﻓﻲ ﺍﻟﻜﻠﺒﻪ ﻧﺎﻫﺪ ﺯﻱ ﻣﺎﺗﻮﻗﻌﺖ ﻭﺍﺧﺪﻟﻬﺎ ﺣﺘﻰ ﻫﻲ ﺩﺑﺶ ... ﺧﺰﻱ ﺍﻟﺤﻘﻴﺮ ﺧﺰﻱ .. ﻛﺮﻫﺘﻪ ﻛﺮﻫﺘﻪ ... ﻟﻜﻦ ﻭﺍﻟﻠﻪ ﻣﻌﺎﺩ ﺳﺎﻛﺘﻪ ﺧﻼﺹ ﻻﺯﻡ ﻧﻜﻠﻢ ﺭﺯﺍﻥ ﻻﺯﻡ ﺗﻌﺮﻑ .."
ﻭﻣﺸﺖ ﻃﻮﻝ ﻟﻔﻢ ﺍﻟﺒﻮﺍﺑﻪ ..
....
ﻋﻤﺎﺩ : ﺛﺎﻟﺖ ﻳﻮﻡ ﻣﺮﻭﺡ ..
ﻭﺩﺍﺩ " ﻋﻤﺘﻪ :" ﺑﺎﻫﻲ ﻭﺭﺍﺱ ﻭﻟﻴﺪﻱ ﺍﺳﺘﻌﺠﻞ ﻓﻲ ﺍﻟﻤﻮﺿﻮﻉ ﻣﻌﺎﺵ ﻗﺎﺩﺭﻩ ﻧﺘﺤﻤﻞ ﻭﺟﻊ ﻇﻬﺮﻱ ..
ﻋﻤﺎﺩ ﺑﺈﺑﺘﺴﺎﻣﻪ : ﺣﺎﺍﺍﺍﺍﺿﺮ .
ﺗﻠﻔﺖ ﺑﺶ ﻳﺸﻮﻑ ﺭﺯﺍﻥ ..
ﻟﻘﺎﻫﺎ ﻭﺍﻗﻔﻪ ﺗﺸﻮﻓﻠﻪ ﻟﻤﺎ ﺷﺒﺤﻠﻬﺎ ﺍﺑﺘﺴﻢ ﻭﻫﻲ ﺍﺑﺘﺴﻤﺖ ﻣﺠﺎﻣﻠﻪ ﻭﻗﻠﺒﻬﺎ ﻧﺎﺧﺼﻬﺎ .. ﻭﺗﺒﻲ ﺗﻌﺮﻑ ﻓﻤﻦ ﻳﻜﻠﻢ ؟؟؟ ...
🍁🍁🍁🍁🍁
ﻓﺎﺕ ﺑﺎﻗﻲ ﺍﻟﻨﻬﺎﺭ ...
ﻭﺟﻲ ﺍﻟﻠﻴﻞ ...
ﺗﻌﺸﻮﺍ ..
ﻭﺑﻌﺪ ﺍﻟﻌﺸﻲ ..
ﻏﺴﻠﻮﺍ ﺍﻟﻤﺎﻋﻴﻦ ﺭﻓﻘﻪ ﻭﺭﺯﺍﻥ ..
ﻛﺎﻧﺖ ﺭﻓﻘﻪ ﻃﻮﻝ ﺍﻟﻮﻗﺖ ﻓﺼﺮﺍﻉ ﻣﻊ ﻧﻔﺴﻬﺎ ..
ﺗﻘﻮﻝ ﻭﻻ ﺗﺴﻜﺖ .. ﺑﺎﻫﻲ ﻛﻴﻒ ﺑﺘﺒﺪﺍ ﺗﺘﻜﻠﻢ ..
ﻭﻗﻌﺪﺕ ﻉ ﻫﺎﻟﺤﺎﻝ ﻟﻌﻨﺪ ﻣﺎﻛﻤﻠﻮﺍ ..
ﺭﺯﺍﻥ ﻭﻗﻔﺖ ﻉ ﻃﺮﻣﺲ ..
ﺻﺒﺖ ﻣﻴﻪ ﻓﻲ ﺍﻟﻄﺎﺳﻪ .. ﻭﺟﺖ ﺑﺘﺸﺮﺑﻬﺎ ..
" ﺭﺯﺍﻥ .."
ﺷﺒﺤﺖ ﻟﺮﻓﻘﻪ ..
ﺭﻓﻘﻪ ﺑﺤﺰﻡ : ﺭﺯﺍﻥ ﻓﻲ ﺣﺎﺟﻪ ﻟﻴﺎ ﻭﻗﺖ ﻣﺪﺭﻗﺘﻬﺎ ﻋﻠﻴﻚ ﻭﺗﻮﺍ ﻻﺯﻡ ﺗﻌﺮﻓﻴﻬﺎ ﻻﺯﻡ ..
ﺍﻧﻘﺒﺾ ﻗﻠﺒﻬﺎ ﺑﻘﻮﺓ ... ﺑﻌﺪﺕ ﺍﻟﻄﺎﺳﻪ ﻭﻗﺎﻟﺖ ﻧﺒﺮﺓ ﺧﻮﻑ : ﺇﻥ ﺷﺎﺀ ﺍﻟﻠﻪ ﺧﻴﺮ !!
ﺧﺪﺕ ﺭﻓﻘﻪ ﻧﻔﺲ ﻭﺑﺪﺕ ﺗﺤﻜﻲ
ﻭﺭﻓﻘﻪ ﺗﺤﻜﻲ ...
ﻭﺗﺤﻜﻲ ..
ﻭﺭﺯﺍﻥ
ﺯﻱ ﻣﺎﻳﻨﻀﺮﺏ ﻓﻴﻬﺎ ﻛﻒ ﻭﺭﺍ ﻛﻒ ..
ﺗﺸﺒﺢ ﻟﺒﻨﺖ ﻋﻤﻬﺎ ﺑﻌﻴﻮﻥ ﻣﺘﻮﺳﻌﺎﺕ ﻉ ﺍﻵﺧﺮ ..
ﻗﻠﺒﻬﺎ ﺗﻘﻮﻝ ﻣﻮﺱ ﻗﺎﻋﺪ ﻳﺨﺮﻁ ﻓﻴﻪ ﺧﺮﻁ ..
ﺗﺴﻤﻊ ...
ﺟﺴﻤﻬﺎ ﺻﻘﻊ ﺷﻮﻳﻪ ﺷﻮﻳﻪ ... ﻭﻗﻌﺪﺕ ﺗﺮﻋﺶ ..
ﺭﻓﻘﻪ ﺑﺪﻣﻮﻉ : ﻣﺎﺗﺤﻤﻠﺘﺶ ﻳﺎﺭﺯﺍﻥ ﺍﻛﺘﺮ ﻣﻦ ﻫﻜﻲ ﺑﺎﻟﺬﺍﺕ ﻟﻤﺎ ﺳﻤﻌﺘﻪ ﻳﻜﻠﻢ ﻓﻴﻬﺎ ﺑﺎﻟﺘﻠﻴﻔﻮﻥ ... ﺍﺗﺎﺭﻱ ﻋﻨﺪﻙ ﺣﻖ ﻳﺎﺭﻭﺯﻱ ﻋﻨﺪﻙ ﺣﻖ .. ﺍﻟﻠﻲ ﺯﻱ ﻋﻤﺎﺩ ﻋﻤﺮﻩ ﻣﺎﻳﺘﻌﺪﻝ ..
" ﻣﺶ ﻗﺘﻠﻚ .."
ﺷﺒﺤﺖ ﺭﻓﻘﻪ ﻟﻠﺒﺎﺏ ..
ﺧﺸﺖ ﺣﻤﻴﺪﻩ ﻭ ﻓﻴﺪﻫﺎ ﺍﻟﺮﺿﺎﻋﻪ ﻭﻫﻲ ﻣﺒﺘﺴﻤﻪ ﺑﻨﺼﺮ : ﻗﺘﻠﻚ ﻭﻻ ﻣﺎﻗﺘﻠﻚ ﻋﻤﺎﺩ ﻃﺒﻌﻪ ﻋﻤﺮﻩ ﻣﺎﻳﺘﻐﻴﺮ ﺍﻟﻠﻲ ﻋﻴﻨﻪ ﺯﺍﻳﻐﻪ ﻣﺎﻳﻌﺒﻴﻬﺎ ﺷﻲ .. ﺗﻌﺮﻓﻲ ﻭﻧﻘﻮﻟﻚ ﺣﺎﺟﻪ ﻣﻦ ﺍﻷﺧﻴﺮ .. ﺣﺘﻰ ﻟﻤﺎ ﺧﻄﺒﻚ ﺳﺒﺒﻪ ﺍﻟﺮﺋﻴﺴﻲ ﺍﻧﻚ ﻗﺮﻳﺒﺘﻪ ﻭﻳﻌﺮﻓﻚ ﻭﻳﻌﺮﻑ ﺗﺮﺑﻴﺘﻚ ﻭﺍﻟﻠﻲ ﻛﻴﻔﻪ ﻫﻮ ﻋﺎﺷﻬﺎ
ﺑﺎﻟﻄﻮﻝ ﻭﺑﺎﻟﻌﺮﺽ ... ﻭﻳﻦ ﺑﻴﺠﻲ ﻳﺎﺧﺪ ﻻﺯﻡ ﻳﺨﺘﺎﺭ ﻛﻮﻳﺲ ..
ﻗﺪﻣﺖ ﻟﻼﻭﻧﺪﻳﻨﻮ ﻭﻫﻲ ﺗﻘﻮﻝ : ﻭﺍﺟﺪ ﻛﻴﻔﻪ ﺭﺍﻫﻮ .. ﻭﺧﺴﺎﺭﺓ ﺍﻧﺘﻲ ﻭﺣﺪﻩ ﻓﻄﻴﻨﻪ ﻛﻴﻒ ﻓﺎﺗﺖ ﻋﻠﻴﻚ ﻣﺶ ﻋﺎﺭﻓﻪ ..
ﺭﻓﻘﻪ : ﺣﻨﻲ ﺷﺠﻌﻨﺎﻫﺎ ﻳﺎﺭﻳﺘﻨﺎ ﺃﻳﺪﻧﺎ ﻛﻼﻣﻬﺎ ﻋﻨﻪ ﻭﻣﺎﺧﻠﻴﻨﻬﺎﺵ ﺗﻐﻴﺮ ﻓﻜﺮﺗﻬﺎ ..
ﺣﻤﻴﺪﻩ ﻭﻫﻲ ﺗﻤﺼﻤﺺ ﻓﺎﻟﺮﺿﺎﻋﻪ ﻗﺎﻟﺖ : ﺻﺢ ..
ﻫﻤﺎ ﻳﺘﻜﻠﻤﻮﺍ ..
ﻭﻫﻲ ﻣﻌﺎﻫﻢ ﻭﻣﺶ ﻣﻌﺎﻫﻢ ..
ﻭﻛﺄﻧﻬﺎ ﻓﻐﻴﺒﻮﺑﻪ ﻓﻌﻼ ..
ﻫﻲ ﻓﻬﺎﻟﻠﺤﻈﻪ ﻣﺎﻛﺮﻫﺘﺶ ﻋﻤﺎﺩ ﺑﺲ ﻻ ...
ﻫﻲ ﻛﺮﻫﺖ ﻧﻔﺴﻬﺎ ﻣﺮﺓ ﻭﺣﺪﻩ ...
ﺣﻄﺖ ﺍﻟﻄﺎﺳﻪ ..
ﻭﻟﻔﺖ ﻭﻣﺸﺖ ..
ﺭﻓﻘﻪ : ﺭﺯﺍﻥ .. ﺟﺖ ﺑﺘﻠﺤﻘﻬﺎ ﺷﺪﺗﻬﺎ ﺣﻤﻴﺪﻩ ﻭﻗﺎﻟﺖ ..
" ﺧﻠﻴﻬﺎ .."
🍁🍁🍁🍁
ﻫﻲ ﻃﻠﻌﺖ ﺗﺠﺮﻱ ﻟﻠﺤﻮﺵ ..
ﺯﻱ ﺍﻟﻠﻲ ﻫﺎﺭﺑﻪ ﻣﻦ ﺣﻘﻴﻘﻪ ﻣﺮﻩ ﻋﺮﻓﺘﻬﺎ ..
ﻣﺮﺓ ﻣﺮﺓ ﻫﻠﺒﻪ ..
ﺧﺸﺖ ﻟﻠﺤﻮﺵ ..
ﻭﻃﻮﻝ ﻟﺪﺍﺭﻫﺎ ..
ﺻﻜﺮﺗﻬﺎ ﻋﻠﻴﻬﺎ ..
ﻭﻗﻌﺪﺕ ﻭﺍﻗﻔﻪ ﻭﻫﻲ ﺷﺎﺩﻩ ﺍﻟﺒﺎﺏ ﺑﺈﻳﺪﻳﻬﺎ ﺍﻟﺰﻭﺯ ..
ﺗﺘﻨﻔﺲ ﺑﺼﻌﻮﺑﻪ ..
ﻭﻗﻠﺒﻬﺎ ﺗﻘﻮﻝ ﺗﻘﻄﻊ ﻷﺟﺰﺍﺀ ﻣﺠﺰﺋﻪ ..
ﻭﻓﺼﺪﺭﻫﺎ ﻧﺎﺭ ﻭﺍﻟﻌﻪ ..
ﻭﺍﻟﺪﻣﻮﻉ ﻳﻘﻄﺮﻭﺍ ﻣﻦ ﻋﻴﻮﻧﻬﺎ ..
ﻭﻣﺎﺯﺍﻟﺖ ﻣﺶ ﻣﺴﺘﻮﻋﺒﻪ ..
🍁🍁🍁🍁
ﻓﻲ ﺍﻟﺤﻮﺵ ..
ﺭﻭﺡ ﻫﺎﻧﻴﺒﺎﻝ ﻫﻮ ﻭﻣﺮﺍﻡ ﻭﻃﻮﻝ ﺧﺸﻮﺍ ﻉ ﺍﻟﻌﻴﻠﻪ ﻋﻴﺪﻭﺍ ﻭﻗﻌﻤﺰﻭﺍ ﺣﺪﺍﻫﻢ ﻳﻬﺪﺭﺯﻭﺍ ..
ﻭﺑﻌﺪﻫﻢ ﺳﻤﻴﻪ ﻭﺍﻟﻬﺎﺩﻱ ...
ﻭﺍﻻﺟﻮﺍﺀ ﺣﻠﻮﺓ ﻧﻮﻋﺎ ﻣﺎ ..
ﺷﻮﻳﻪ ﻭﺟﻮ ﺍﻟﻮﻻﺩ ﻛﻠﻬﻢ ﺣﺘﻰ ﻫﻤﺎ ..
ﻋﻤﺎﺩ ﻛﺎﻥ ﻣﻌﺎﻫﻢ ..
ﻋﻴﻮﻧﻪ ﻛﺎﻧﻮﺍ ﻳﺪﻭﺭﻭﺍ ﻋﻠﻴﻬﺎ ..
ﻣﻬﻨﺎﺵ ..
ﺑﺮﻏﻢ ﺍﻥ ﺍﻣﻬﺎ ﻛﺎﻧﺖ ﻣﻮﺟﻮﺩﻩ ..
ﻗﻠﺒﻪ ﺍﻧﻘﺒﺾ ..
ﻃﻠﻊ ﻣﻦ ﺍﻟﺤﻮﺵ ﻭﻟﻒ ﻋﻠﻴﻪ ﻭﻣﺸﻲ ﻃﻮﻝ ﻓﻢ ﺍﻟﺒﻮﺍﺑﻪ ..
ﻭﻗﻒ ﻉ ﺭﻭﺷﻦ ﺍﻟﻜﻮﺟﻴﻨﻪ ..
ﺍﻟﻜﻮﺟﻴﻨﻪ ﻓﺎﺿﻴﻪ ..
ﻣﺎﻓﻴﻬﺎ ﺣﺪ ..
ﻗﻠﺒﻬﺎ ﻗﻌﺪ ﻳﺎﻛﻞ ﻓﻴﻪ ..
ﻃﻮﻝ ﺍﺗﺼﻞ ﺑﻴﻬﺎ ..
💔💔💔💔
ﻫﻲ ﻛﺎﻧﺖ ﺭﺍﻗﺪﻩ ﻉ ﺑﻄﻨﻬﺎ ﻓﻮﻕ ﺍﻟﺴﺮﻳﺮ ..
ﺩﺍﻓﻨﻪ ﻭﺟﻬﻬﺎ ﻓﻲ ﺍﻟﻤﺨﺪﻩ ﻭﺗﺒﻜﻲ ﺑﺎﻟﻌﺒﺮﺓ ..
ﺻﻮﺕ ﺍﻟﺘﻠﻴﻔﻮﻥ ﻳﺮﻥ ﺑﺤﺪﺍﻫﺎ ..
ﻭﻻﻧﻬﺎ ﺣﺎﺳﻪ ﺍﻥ ﻫﻮ ﺍﻟﻠﻲ ﻳﺘﺼﻞ ..
ﺯﺍﺩﺕ ﺑﻜﺖ ﺑﻘﻮﺓ ..
ﺑﻮﺟﻊ .. ﺑﺄﻟﻢ .. ﺑﺼﺪﻣﻪ ...
ﺑﺨﻴﺒﻪ .. ﺑﺨﺬﻻﻥ ...
ﺗﺒﻜﻲ ﻭﺗﺒﻜﻲ ﻭﺣﺎﺳﻪ ﺭﻭﺣﻬﺎ ﺑﺘﻤﻮﺕ ..
ﻭﻣﺎﺍﺣﺮﻑ ﺍﻟﻠﻲ ﺗﺤﺲ ﺑﻴﻪ ﺭﺯﺍﻥ ﺗﻮﺍ ﻣﺎﺃﺣﺮﻓﻪ 💔
🍁🍁🍁🍁🍁
ﻋﻤﺎﺩ ﺑﻘﻠﻖ : ﺗﻲ ﻭﻳﻨﻬﺎ ﻫﺎﺩﻱ !! ؟
ﺍﺗﺼﻞ ﺑﻐﺎﻟﻴﻪ ﺗﺠﻴﻪ ..
ﻭﻓﻌﻼ ﻃﻠﻌﺘﻠﻪ ﻭﺳﺄﻟﻬﺎ ..
ﻗﺎﻟﺘﻠﻪ ﻗﺎﻟﺖ ﺭﻓﻘﻪ ﻛﺒﺲ ﻋﻠﻴﻬﺎ ﺍﻟﻨﻮﻡ ﻭﺗﺒﻲ ﺗﺮﻗﺪ ..
ﻫﻮ ﺍﺭﺗﺎﺡ ﻭﺍﻗﺘﻨﻊ ﺑﺎﻟﻠﻲ ﺳﻤﻌﻪ ..
ﻷﻥ ﺗﻐﻴﻴﺮ ﻧﻈﺎﻡ ﺭﻣﻀﺎﻥ ﺻﻌﺐ ..
ﻭﻓﺎﻟﻌﻴﺪ ﻏﺎﻟﺒﺎ ﻧﻀﻄﺮﻭﺍ ﻧﻮﺍﺻﻠﻮﺍ ﺍﻟﻠﻴﻞ ﻣﻊ ﺍﻟﻨﻬﺎﺭ ﻭﻃﺒﻴﻌﻲ ﻳﺘﻌﺐ ﺍﻟﺠﺴﻢ ﻭﻳﺴﺘﺴﻠﻢ ﻟﻠﺮﺍﺣﻪ ...
🍁 ﺑﺲ ﺍﻣﺎ ﺭﺍﺣﻪ ﺍﻟﻠﻲ ﻣﺎﺯﺍﻝ ﺑﺘﻌﺮﻑ ﻟﺮﺯﺍﻥ ﻃﺮﻳﻖ ﺑﻌﺪ ﺍﻟﻠﻲ ﻋﺮﻓﺎﺗﻪ ..
ﻃﻮﻝ ﻟﻴﻠﻬﺎ ﻭﻫﻲ ﺗﺒﻜﻲ ﻭﺗﻔﻜﺮ ﻓﻲ ﺍﻟﻜﻼﻡ ﺍﻟﻠﻲ ﺳﻤﻌﺎﺗﻪ ..
ﻭﻻﺑﺖ ﻧﺎﺭﻫﺎ ﺗﻬﺪﺍ ﻭﻻﻗﺪﺭﺕ ﺗﺮﺗﺎﺡ ﺣﺘﻰ ﺷﻮﻳﻪ ..
🍁 ﺯﻳﻪ ﻫﻮ ..
ﺍﻟﻠﻲ ﺗﻌﻮﺩ ﺍﻥ ﻳﻜﻠﻤﻬﺎ ﻗﺒﻞ ﻳﺮﻗﺪ ..
ﻣﺶ ﺟﺎﻳﻪ ﻧﻮﻡ ﻷﻧﻪ ﺍﻧﺤﺮﻡ ﺍﻧﻪ ﻳﺴﻤﻊ ﺻﻮﺗﻬﺎ ..
ﻭﻃﻮﻝ ﻟﻴﻠﻪ ﻭﻫﻮ ﻳﺘﻘﻠﺐ ﻉ ﻧﺎﺭ ﻋﺸﻘﻪ 💓
🍁🍁🍁🍁🍁🍁🍁🍁
ﺗﺎﻧﻲ ﻳﻮﻡ ﺍﻟﺼﺒﺢ ..
ﻛﻠﻬﻢ ﺗﺴﻘﺪﻭﺍ ﺑﻴﺮﻭﺣﻮﺍ ..
ﻭﻫﻮ ﻣﻌﺎﻫﻢ ..
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺭﻛﺐ ﻭﻫﻮ ﻳﺸﻮﻓﻠﻬﺎ ﻛﻴﻒ ﺗﺸﺒﺤﻠﻪ ﺑﺈﺑﺘﺴﺎﻣﻪ ..
ﺭﻛﺐ ﻭﺻﻜﺮ ﺍﻟﺒﺎﺏ ..
ﻓﻲ ﺍﻟﻮﻗﺖ ﺍﻟﻠﻲ ﺭﻛﺒﺖ ﻓﻴﻪ ﺭﻓﻘﻪ ﻭﻫﻲ ﺗﺸﻮﻓﻠﻬﺎ ﻛﻴﻒ ﺗﺸﻮﻓﻠﻪ ﻭﻫﻲ ﻣﺒﺘﺴﻤﻪ ﻭﻻ ﻛﺈﻧﻬﺎ ﺳﻤﻌﺖ ﺷﻲ ..
ﺗﺤﺮﻛﻮﺍ ﺍﻟﺴﻴﺎﺭﺍﺕ ..
ﻭﻫﻮ ﺑﺎﻟﺴﻴﻒ ﻣﺸﻲ ..
ﺑﻌﺪﻫﺎ ﻣﻌﺎﺵ ﻳﻘﺪﺭ ﻋﻠﻴﻪ ﺧﻼﺹ ..
ﻭﻛﺄﻧﻪ ﻣﺎﺷﻲ ﻭﻣﺨﻠﻲ ﺭﻭﺣﻪ ..
ﻣﺠﺮﺩ ﻣﺎﺍﺧﺘﻔﺖ ﺳﻴﺎﺭﺗﻪ ..
ﺗﻼﺷﺖ ﺍﺑﺘﺴﻤﺘﻬﺎ ..
ﻭﺗﺒﺪﻟﺖ ﻣﻼﻣﺢ ﻭﺟﻬﻬﺎ ﻟﻠﺤﻘﺪ .
ﻏﺎﻟﻴﻪ : ﺑﺘﺨﺸﻲ ﻭﻻﺑﺘﻌﺪﻱ ﻟﺤﻮﺷﻜﻢ ..
ﺷﺒﺤﺘﻠﻬﺎ ﻭﻗﺎﻟﺖ : ﻻ ﺑﻨﻌﺪﻱ ﻟﺤﻮﺷﻨﺎ ..
ﻏﺎﻟﻴﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﺖ ﺧﺸﺖ ﺩﺍﺧﻞ ..
ﻭﺭﺯﺍﻥ ﻛﻤﻠﺖ ﻃﻮﻝ ﻟﺤﻮﺷﻬﻢ ..
ﺭﻥ ﺗﻠﻴﻔﻮﻧﻬﺎ ﺑﻨﻐﻤﺔ ﺭﺳﺎﻟﻪ ..
ﻃﻠﻌﺎﺗﻪ ﻣﻦ ﺟﻴﺐ ﺍﻟﺴﺮﻭﺍﻝ ... ﻓﺘﺤﺖ ﺍﻟﺮﺳﺎﻟﻪ ﺍﻟﻠﻲ ﻛﺎﻧﺖ ﺟﺎﻳﻪ ﻣﻦ ﺭﻓﻘﻪ ﻭﻛﺎﻥ ﻓﻴﻬﺎ ..
( ﺷﻦ ﺑﺪﻳﺮﻱ ﻣﻊ ﻋﻤﺎﺩ ) ..
....
ﻓﻲ ﺍﻟﻄﺮﻳﻖ ..
ﻓﺴﻴﺎﺭﺓ ﺣﻤﻴﺪ ..
ﻛﺎﻧﺖ ﺭﻓﻘﻪ ﺗﺸﺒﺢ ﻟﻠﺮﻭﺷﻦ ﻟﻌﻨﺪ ﻣﺎﺳﻤﻌﺖ ﻧﻐﻤﺔ ﺍﻟﺮﺳﺎﻟﻪ ..
ﻃﻮﻝ ﻓﺘﺤﺘﻬﺎ ..
( ﻋﺎﺵ ﻋﻤﺮ ﻃﻮﻳﻞ ﻳﻠﻌﺐ .. ﺗﻮﺍ ﻻﺯﻡ ﻳﻨﻠﻌﺐ ﺑﻴﻪ .. ﻭﻳﺬﻭﻕ ﺍﻓﻌﺎﻟﻪ )
ﺭﻓﻘﻪ ﻓﻜﺮﺕ ﻓﻲ ﺍﻟﻜﻼﻡ ..
ﺑﻌﺪﻳﻦ ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ ﻓﻨﻔﺴﻬﺎ " ﻻﺯﻡ ﻳﺘﺮﺑﻰ .."
ﻛﺘﺒﺖ ﺭﺳﺎﻟﻪ ﻭﺑﻌﺘﺘﻬﺎ ﻟﺮﺯﺍﻥ ..
ﻛﺎﻥ ﻓﺤﻮﺍﻫﺎ ..
( ﺍﺣﺴﻦ ﻣﺎﺩﻳﺮﻱ ﻭﺍﻧﻲ ﻧﺪﻋﻤﻚ ﺑﻘﻮﺓ )
🍁🍁🍁🍁🍁
ﻓﻄﺮﻳﻖ ﺗﺎﻧﻴﻪ ..
ﻭﻫﻮ ﻳﺴﻮﻕ ﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﻋﻤﺎﺩ : ﺍﻳﻪ ﻳﺎﻏﺎﻟﻲ ﺭﺯﺍﻥ ﻣﻴﻼﺩ ﺭﻣﻀﺎﻥ ......**** ﺍﻳﻪ ﺭﻗﻢ ﺟﻠﻮﺳﻬﺎ ........*****.. ﺗﻢ .. ﺑﺎﻟﻠﻪ ﻣﺤﻲ ﺍﻭﻝ ﻣﺎﺗﻌﺮﻑ ﺍﻟﻨﺘﻴﺠﻪ ﻗﻮﻟﻲ ﻃﻮﻝ ...... ﻉ ﻣﻬﻠﻚ ﺣﺒﻴﺒﻲ ... ﻣﻨﻮﺭ ... ﺗﺸﺎﻭ ...
ﺍﺑﺘﺴﻢ ﺑﺘﻨﻬﻴﺪﻩ ﻭﺣﻂ ﺍﻟﺘﻠﻴﻔﻮﻥ ﺣﺪﺍﻩ ..
ﺷﺪ ﺍﻟﺪﻭﻣﺎﻥ ﺑﺈﻳﺪﻳﻪ ﺍﻟﺰﻭﺯ ﻭﻗﺎﻝ : ﻳﺎﻗﻠﺒﻲ ﻓﻨﺠﺎﺣﻚ ﻧﺨﻠﻲ ﺍﻟﺪﻧﻴﺎ ﻛﻠﻬﺎ ﺗﻔﺮﺣﻠﻚ .... ﺍﺍﺍﺍﻩ ﻳﺎﺭﺯﺍﻥ ﺍﻩ ﻟﻮ ﺗﻌﺮﻓﻲ ﺍﻧﻲ ﻋﺎﺷﻘﻚ ﻳﺎﺑﻨﻴﺔ ﻗﻠﺒﻲ ﻋﺎﺷﻘﻚ 💓💓💓💓
ﺿﺤﻚ ﻭﻭﺧﺮ ﺷﻌﺮﻩ ﺑﻴﺪﻩ ﻟﻠﺨﻠﻒ ...
ﻭﺑﺪﻱ ﻳﻐﻨﻲ : ﻳﺎﻣﺴﻬﺮ ﻋﻴﻨﻲ ... ﺣﺒﻚ ﻋﻠﻰ ﻋﻴﻨﻲ ..
ﻳﺎﻣﺤﻴﺮ ﻗﻠﺒﻲ ﺭﻭﺣﻲ ﻓﺪﺍﻙ ..
ﺟﻨﺒﻚ ﺧﻠﻴﻨﻲ .
ﻗﺮﺑﻚ ﻳﻮﺍﺳﻴﻨﻲ ..
ﻳﺎﺣﻴﺎﺗﻲ ﻭﺭﻭﺣﻲ ﺍﻧﺎ ﺑﻬﻮﺍﻙ ...
💓💓💓💓💓
💔💔💔💔
.... ﻳﺘﺒﻊ ...
