#العشق_المتمرد
#جمان_فريد
#الجزء_الثالت
معليشي نعومه اهو حني مش شويه نهنوا..
نعيمه ببكي: شن نقول لأمي ؟!
كفايه بضيق: امك ماتقول شي عارفتيها ماتبيناش نعارضوا رجالنا..
زينب تنهدت..
غاليه: مادوريش نعومه ولاتكدري روحك مش مشكله..
زينب شبحتلها: خلاص بري اغسلي وجهك قبل يشوفوك السوسات ديداك "مرت عمك" وبنت عمك...
نعيمه هزت راسها بإيجاب وناضت ومشت للحمام وتحاول تخفي وجهها عن الموجودين وفعلا الكل كان لاهي ماحد لاحظ...
****
الساعه 3ليلا..
فوق سطح حوش ميلاد..
حميد: تربح اسكت..
محمود بإنتباه: لا وين يسكت!..كمل ميلاد كمل..
ضحك ميلاد..
الهادي راقد حدا هانيبال وعمار..
هانيبال : غريبه مش حدا محمود..
الهادي بضحكه: يسمع فنصايح ميلاد ..
هانيبال بإستغراب :نصايح شنو؟
الهادي بضحكه:كلام كبار مش ليكم..
عمار فهم وابتسم ع جنب..
هانيبال فهم حتى هو وفضل السكوت..
الهادي تنهد : إن شاء الله يجي اليوم اللي نسمع فيه النصايح هدي..
هانيبال شبحله ع جنب 😒..
وعمار ع وجهه نفس الأبتسامه..
التفتلهم الهادي : تو والنبي ماغويتوش.."ماحبيتوش"
عمار بضحكه:تبي نضبحلك ع محمود..
هانيبال بإمتعاض: يكون احسن😑
الهادي شبح فوق: تي عدوا...قام ايديه فوق..ياجعنكم اطيحوا في بحر غريق ماتطلعوا منه...
هانيبال : هي تفضل هي..
عمار يضحك وخلاص..
سكتوا التلاته..
"هههههههههههههههه"..
هانيبال: سيدي غير متحشم من الضيوف كانهدا وراهم الضحك فنصافات الليل كيف شكله..
الهادي وعمار ضحكوا..
الهادي : العقبه لينا..
عمار : كان زوجتوه مع خوه..
هانيبال: كان نعلم ان حالته صعبه هكي كنت اني بروحي سعيتله فيها..
الهادي :يجيكم نهار يصير فيكم اللي صاير فيا وفيهم..
هانيبال: اللهم جيرنا..
عمار : الزواج سنه...لكن العلاقات والكلام هدا ضياع وقت فيما لاينفع
الهادي بإبتسامه: حافظ قرآن طبيعي هدى كلامك..
هانيبال : وحتى كلامي اني ومعاه فيه ضياع وقت وقل عقل..
ضرب الهادي هانيبال بالشرشاف..
هانيبال ردهاله ..
وبدوا يترادسو الزوز ..
عمار ناض قعمز ع ركابه : غلبك هانيبال ياهادي صدمتني!!
وعمك الهادي يخبط في هانيبال وهانيبال يقاوم..
عمار : مظني تقدر عليه ياهانيبال..
برك هانيبال ع خوه وطاح فيه ضرب.
شبحوا لبعض غمزوا لبعض ..
عمار: تي وين القوة يالهادي اللي مخليه بارك عليك هكي!!
وفجأة هجموا عليه الزوز وطاحوا فيه ضرب وهو ميت بالضحك..
حميد: تي حي عليكم انتم الشيابين والنسايب راقدين تحتكم!!
ميلاد: كلب وغضب...
ومحمود يشوفلهم ويضحك...
وهما يترادسو ويضحكوا
"ت ارقد ياجيفه انت وياه"
🍃🍃🍃🍃
كل واحد تبت ع لقطه..
ولحظة صمت ع أرواح الشهداء...
بعدوا ع بعض وكل واحد استقر ففراشه..
رمضان بغضب : وغفة...
قعدوا ساكتين..
وهو مازال واقف فمكانه بعكوزه..
حرك راسه الهادي شويه بش يشوف كان قاعد ولانزل..لقاه قاعد رد راسه زي مكان بسرعه..
وعمار وهانيبال شادين ضحكتهم..
وحميد وميلاد ومحمود ...😴😪😴..اعمل نفسك ميت😂
شويه ونزل..
قعدوا يسمعوا فخطوات نزوله بالعكوز ...
ضحكوا بكتمان لين دموعهم نزلت...
💕في هالليله الكل رقد...
ماعدا شخص واحد...
في المخزن تحديدا مولع بيلا ومقعمز..
وفي حجره صونيه معبيه حلويات..
عمر وهو ياكل : عطيك الصحه يافضيله ماخلت ما حطت...
"طول ايام العرس وهو ملخبط فضيله لما يجوا يرفعوا الصفر يشوف فيها وع كلام حلو وشكر وهي دسله من كل شي حلو وحار ياكل فيهم فنص الليل في المخزن بروحه 😂"
******
تاني يوم..
يوم الدخول..
بيمشوا فيه الشبابات المتزوجات كلهم مع عمتهم ومرت عمهم
وكنتهم..
من 6تسقدوا لطرابلس...موكب مفتخر...
والبنات قعدوا يوتوا لجية الناس في الليل بس يشوفوا العروس..
في الجردينه..
هي غني..تعيش تعيش تعيش ياقايد..
هانيبال بضحكه: ماتخربش البنت..
عمار : اسكت انت..شبح لدلال اللي مقعمزة ع رجله..هي دلوله بش نصفقلك..
دلال : تعيث تعيث.. ضيقت عيونها... ثن تاني؟؟
عمار : هههههههههه..باسها من خدها..شبح لهانيبال..تخلوني نروح بيها؟
هانيبال قرن حواجبه بضحكه: نجيبوا شيخ وشهود وبعدين روح بيها ...
عمار: هههههههه...خلاص دسهالي لين تكبر..
هانيبال : تم..
عمار ضحك..
دلال خدت يده وقعدت تلعب بالخاتم وهو يشوفلها...
هانيبال تنهد: تو بتجي القرايه وهمها الاحرف..
عمار شبحله : اسكت ياراجل كل مانسهى شوي تخطر عليا..
هانيبال: غير تعدي هالسنى ع خير بس..
عمار : اني بعد تعدي بيبدا وجع الراس حق..
هانيبال شبحله: سيدك تحسه متفهم شوي..
عمار: في حاجات مايتفهامش فيهن..
شبح لدلال لقاها تجبد في الخاتم...
ضحك وحول وعطاهولها..
مدتله يدها..
هانيبال بضحكه: تبيك تلبسهولها..
ابتسم عمار : يدها كلها تخش فيه..
دلال مدت سبابتها فوجهه وقالت : هني..
ضحكوا الزوز..
عمار باس صبعها ولبسها : صبيعها ادرق..
هانيبال ضحك ....
******
كيف المدرسه جديده معانا فيها ولاد!!
عودة: ايه هكي ابله ابتسام قالت لأمي.
عروبه : تس مشكله!
عودة : هما مش معانا معانا حنى المبني اللي حداهم ادارتنا وحده وكان في نشاطات مع بعضنا..
عروبه بضيق : مانبيه الإختلاط..كنا بنات برواحنا وراحتنا...
عودة : حني مالينا دخل بحد نقروا ونروحوا..
عروبه شبحتلها : عندك حق...
عودة : قوليلي عروبه الثانوي ساهل ما يخوفش ولا..
ضحكت عروبه: لالا يخوف واجد ومايرقدش الليل..
عودة:😒
برا..
امانه تتكلم بالتليفون ع الأرضي: حتى اني ردتيهم مهبوله نعطي بنتي لواحد طير شر وفاسد زي هايل..
سامي: ماكلمكش عمي في الموضوع؟
امانه: لا مرت عمك بس..
سامي : دامها غير دوة نساوين مادوريش..
امانه : حتى كان عمك تكلم ردي هو هو...مستحيل نعطي بنتي لولده مستحيل لو يوقف ع راسه..
*****
الساعه 10ليلا...
كلاكسات قالبين الدنيا..
والسيارات عبوا القطعه كلها...
نزلوا البنات ...وفتحوا الباب للعروسه ونزلوا...
وخشت ع الدربوكه والزغاريط...
اما الرجاله رفعوا حميد للخيمه والفرقة كانت موجوده...
وقعد ميلاد يوثق فهاللحظات📸📸📸📸
داخل..
قعمزوا العروسه في الخيمه ع الكوشه..
كانت حلوة هلبه ..
فضيله : زي الممثلات..
امال : تشبه ليلى علوي..
حميده : والله قلتها للبنات منين ريت صورتها فيها منها واجد..
ريلا :حتى حميد ماشاء الله وين نشوفه نذكر رشيد عساف..
غاليه بضحكه: اصلا حميد ماينادوا فيه قبل كان يارشيد عساف..
من جهة تانيه..
سعيده تشبح للعروسه وتبكبك قريب تنفجر..
اما الحموات..
نعيمه : ماشاء الله عليها..
زينب: مطنقرة خشيمها..
كفايه :حتى اني ركزت عليها حتى ضحكتها من فوق منافسها..
جتها فاطمه..
ناضت وسلمت عليها وباست ع راسها..
وسعيده "بتبدا من تو"
نعيمه : تبان كويسه...
كفايه: تو نشوفوها بعدين..
زينب تشبحلها وساكته...
دارو عليها شوط دربوكه..
فرقوا ع الناس ضيافتهم..
قيس ساعتين..
وبعدين طلعوا من الخيمه ورفعوها لدار النوم...
برا..
مدايرين القنديل لحميد والمولد...
وقعدوا يدوروا بيه في القطعه وهو فرحان ومتحمس😁..
معاه خوته وولاد عمه وولاد عمته وولاد خاله والنسايب..
الشيابين الكبار مش معاهم ..
وصلوا بيه حدا الحوش وبدوا يقروا في الفاتحه...
النساوين داخل يسمعوا ويراقبوا من البرسيانه..
والعروسه مقعمزة ع سريرها وحاسه برهبه..
مش غيرهي كل اللي يسمعوا حتى المتزوجات..
"ولا الضالين..آاااامين"...
ميلاد ضربه ع كتفه وهو مبتسم..
حميد ابتسم ومشي خش للحوش وطول توجه للدار..
فتحها وخش...وصكر الباب..
حميد: لطوف..
لطيفه شبحتله وابتسمت..
حميد وعيونه قلوب : ماشاء الله ...
نزلت عيونها بخجل..
قدملها حميد وقعمز حداها وبدوا يتجاذبوا في أطراف الحديث😁..
برا..
الكل يستنوا فيه يطلع..
"الجو الجاهل اللي اني نكرهه "..
المهم...
بعد ربع ساعه طلع حميد من الروشن لابس جلابيه بيضا..
ودار اشاره بيده بمعنى تمت المهمه بنجاح🖐..
ولأن السلاح ممنوع تحديدا فهديكا المدينه حتى المقرون الرجاله...
خشوا السيارات وقعدوا يكلكسوا..
عند النساوين..
زينب : حميد تهنى..
وبدت الدربوكه والزغاريط والدنيا انقلبت...
🍃وفاتت هديكا الليله والنومه فيها كانت مع الفجر ماعدا نعيمه اللي رقدت بكري بش تنوض وتروح بكري..
مسكينه رقدت متنكده..
🍁🌅
الصبح الساعه 7:30
تسقد فبنتها حدا السيارة ..
حاضنتها : ردي بالك من روحك يابنية روحي وتحملي.
نعيمه دموعها ينزلوا: حاضر يمي..
من بعيد شويه .
عبدالسلام ودلال فغمره وكانت تبكي: هي السلام عليكم..
شبحت لخالها قعدت اديرله فباي🖐..
وهانيبال مع دلال ماعنداش الروح قلبه يتقطع وشاد دمعته بالسيف ردهالها بإبتسامه..
وعمار مركز عليهم ومبتسم..
ركبوا كلهم السيارة وتسقدوا..
وكان الحاج رمضان ورا السيارة هووفاطمه..
قعدوا معاها بعيونهم لين طلعت من القطعه..
ولت فاطمه للحوش وهي تمسح فدموعها بطرف رداها..
في الكوجينه..
زينب : بخت ميلاد ونعيمه بالهون..
ع كلمتها هادي خشت سعيده..
سعيدة :خيره بخت ميلاد يازينب!!
زينب طنشتها: وين الزميته ياغاليه..
سعيدة: اني والله العظيم هالعرس ماحضرته الا بالسيف وقدام الناس مانبيش نحشمكم كان هدا والله ماهبطته..
زينب: ترا اقصري الشر واسكتي..
سعيده بصوت عالي: وخيرك ماقصرتيه انتي اللي لسانك ملوي ع رقبتك وطالقتيه ع الناس ماسلم منك حد..
زينب مضغوطه نفسيا وتوا لحظه الإنفجار..
حدفت طاسه الحليب والشاهي ع الحيط تكسرت وقالت بصوت عالي : اقعدييي فيهاااا..
طلعت من حداها وخشت الدار والنساوين يسمعوا..
مبروكه: شفتي بعيونك يافاطمه..
فاطمه وجهها راح أسود..
طلعت سعيده وهي تسحسح في الدموع: حسبي الله ونعم الوكيل حسبي الله ونعم الوكيل..
حدهم ناضت: شدي لبناويتك يافاطمه ايوه...
ولحقت بنتها..
فاطمه ماتحملتش كلامهم ونظراتهم وطول خشت لبنتها وصكرت الدار..
فاطمه : قشرتي وجهي قدام العرب ..امتى تعقلي انتي امتى تولي مراة مقومه..
زينب انفجرت في امها وهي تبكي : توا اني طلعتلك مش عاقله ومش مقومه يمي !!هادي انتي ديما هكي يمي لاعمرك دافعتي علينا ولا وقفتي معانا ديما حني الكيات وحني اللي مانصلحوش ديما..
فاطمه بصدمه: بارك الله فيك يابنيتي
وطلعت من حداها متوجهه لفم البوابه طلعت منه ومشت المخزن ولحقوها جاراتها
والبنات خشوا لزينب يهدوا فيها
زينب : تواااا تواااا تبعتوا لخيري تقولوله بنروح تواااا..
وعزوزتها تسمع فيها برا ومتشمته..
بس رباب البنية الصغيره كانت تفهم وتلقط وبدت تكن مشاعر كره شديد اتجاه كل شخص يبكي أمها...
🍁وفعلا بعتوا لخيري..
كذبوا عليه وقالوله امك تبي تروح وزينب معاها..
وبدي يوتي فروحه وسط استغراب الجميع..
في حوش عمهم..
سعيده : نبيلها حادث بجاه النبي...
حدهم: لفعه ياكبدي لفعه..
امال : معروفه زينب عودو بالله منها..
سعيده تمسح فدموعها بحقد: لكن باهي كان ماقطعتش كرعيهم من هنى مانبداش اني سعيده بنتك يمي..
حدهم تشوفلها وتهز فراسها بإيجاب..
🍃 وروحت زينب متنكده اكثر من اختها..وفاطمه في المخزن تبكي والنساوين يهدوا فيها..
في دار العرسان..
لطيفه تتكسل: ووواك حبيبي ازعاج ع الصبح ودوشه واني نحساب الهدوء هنايا..
حميد: احسن حاجه داروها نوضوك..
لطفيه بضحكة دلع: ووواك منك حميد...
****
العشيه
الساعه 6مساءا..
بارك الله فيك يامختار .
مختار : مش بجميلي يارمضان ..
رمضان : نردهولك في الفرح..
مختار بضحكه:الفرح عندي بعد شهرين ونبيكم اول الناس..
رمضان هز راسه بإيجاب:إن شاء الله..
...
عمار : ره مانسيتش كلامك ع الجي..
هانيبال بضحكه: اهو مع فرح محمود نجو إن شاء الله..
...
محمود: ربي يعطيك اللي تبيها...
الهادي ابتسم: ويتمملك ع خير ..
....
وبعد السلام الحار...
سلم مختار ع اخته..
وحميد وميلاد ع خالهم وولادخالهم..
ركبوا السيارة وتوكلوا..
والكل يسقدوا فيهم لين طلعوا من القطعه....
🍃ومن هداكا اليوم لليوم...
فاتوا الايام..
كانت العروسه في اول ايامها لاروا منها خير ولاشر..
ع حالها وقليل تطلع من دارها...
كل اللي لاحظوه عليها انها تعاف هلبه وتتكلم بشوفة نفس...
وفبالهم انها ممكن تكون متحشمه..
سبعت العروسه..
تسقدوا بيها لطرابلس ومعاهم كفايه اللي كانت مروحه منها غادي..
دارت زيارة لطيفه لأهلها..ومنها لشقتها في طرابلس...
والباقي روحوا...
🍁🍁🍁🍁🍁
طبعا عيد الفاتح كان فايت عليه 15يوم...
نهار السبت..
الصبح...
واقف ع المرايه يمشط فشعره..
كمل ساوا بدلته العسكريه...
وجاي بيطلع..
هانيبال: عمممر..انت يافرخ..
عمر طلع وهو ياكل :هي هي..
طلعوا الزوز..
فاطمه : يحفظهم ربي..
محمد يفطر حداها : مش معدي اليوم يمي..
فاطمه : بتعدي وكرعيك فوق راسك...
*****
ضمت شعرها بالستريشه..
كانت مش متحجبه وعادي وقتها يشوفوا فيها صغيرة بس قليل اللي كانوا زيهم..
امانه: فيسع عمكن برا..
طلعوا الزوز يجروا...
*****
ماشيين مع بعض وهما لابسين طواقي البدله العسكريه بش مايأنبوهمش...
سليمان : اني لازم ناخدها الشهادة السنى..
هانيبال بضحكه: تو نقريك ماتخافش..
قدامهم كان يمشي عمر هو واحد من الأولاد يقروا اعدادي ماه..
حدا المدرسه..
درست سيارة عم عروبه..
نزلت هي وأختها...
وعمها مشي طول..
وهما يجروا طاح من عروبه شيشة ميتها..
عروبه : عدي خشي لاحقاتك..
مشت تجري عودة..
وعروبه لفت وولت للشيشه خدتها..
هانيبال: عمر خش طول..
عمرشبحله وشقلب عيونه وخش..
عروبه خاشه للمبنى..
شبحت القدام...وجمدت فمكانها..
شافاته يهدرز ويضحك مع واحد وخشوا للمبنى متاع الولاد.
💕للحظه كانت سارحه فيه وفي طوله وعرضه وبشرته القمحيه مع عيونه العسليه والشمس عاكسه عليهم والبدله العسكريه والطاقيه كيف طالعين عليه..
🍃لكن فيسع ماأذكرت هداكا الموقف البايخ رجع دمها يفور ويغلي وخشت للمبني وهي تتوعد في نفسها..
****
مقعمز هو وأمه فم البوابه..
ميلاد: اني يمي سكتت الفترة اللي فاتت قلت خل هالمناسبه تعدي ع خير..لكن بنقولك بناتك يمي شديهن..فكل جيه لازم يديرن لسعيده مشاكل والمراة تقعد منكدة ومنكدتها عليا يمي ارجوك قوليلهن يخطنها...
فاطمه هزت راسها بإيجاب وهي فقمة الضيق : تريح تو نبرملهن وسعيده قوللها قالتلك ديداك تعالي الحوش حوشك كيف قبل كيف توا وماعليكش في حد..
ميلاد ابتسم : كويس...ناض..ماتوصي ع شي..
فاطمه وهي تشبحله :سلامتك ياكبدي..
*****
الساعه 10صباحا..
شاده سماعة التليفون بيدها وتزلمط فصوابعها: نعدوا لمصر قبل............ايه ونروحوا ....وبعدين....ايه هكي...بعدين نمشوا للتشيك..ايه......خلاص حمودي زي مايعجبك...ابتسمت ..اني نحبك واجد واااجد...هههههه...باي..
وصكرت السماعه وكملت تزلميط...
ع جية امها..
نوريه : كنتي تحكي مع محمود؟
هندا وهي لاهيه باللي فيدها:ايه..
نوريه: مانيش عارفه كيف مشيتله حكايه مشيته ل*****
هندا: زي ماانتي مشتيها لخالي..انتي خوالك قدادفه وفوتيها...
"تقصد خوال امها ...لما تتجكتر بخوالها ع قولت اصاله...
و مختار خو نوريه وباقي خوته من بوهم بس...حنعروفوا اكثر بعدين قصة أم مختار وفاطمه"...
نوريه : ماليش حكم ع خوي..لكن انتي من توا لازم تحكمي فيه ويكون ليك عليه كلمه..
هندا بضحكه: ليا عليه كلمه ماتخافيش..
نوريه : اييه ..تو نشوفوا...😒
هندا ضحكت وحركت راسها ايمين ويسار...
*****
في المدرسه..
وقت الإستراحه..
عروبه : هو اني متأكده..
سالمه: وشن بديريله يعني بتعطيه طريحه؟!!
غزاله بضحكه: لالا بتحرش فيه الإداره..
عروبه بتعجيب: بتعطيه طنيحه ولا تحنش فيه انقققققق..
البنات:😂😂
عروبه : 😑
من بعيد شوي..
ليلى: عليك جراءة عندك ياامال..
امال : نحبه ماكذبتش...تنهدت ..ااه ياليلى كبدي ذابت منه مش عارفه كيف ندير معاه..
ليلى: انسيه احسن.
امال : مستحيييل..
ليلى: ياقعادك تاكلي في الكفوف..😒
.....
من ورا السور الفاصل..
كانوا الولاد بين اللي يلعبوا كورة واللي يهدرزوا..
وهو منهم..
هانيبال: والله نفكر فيها..
سليمان : خلاص بعد نطلعوا من المدرسه نعدوله..
هانيبال : تم..
جاهم واحد..
سالم : من منكم يتبرع ينقز معاي من السور ..
هانيبال شبحله برفعة حواجب.
سليمان بضحكه : من أولها..
سالم بضيق: ندوي جد ياراجل بنت نعرفها تقرا هنى ونبيها..
هانيبال بتهكم : ربي يعطيك عقل..
سالم: مافيكم ثمرة ..اني بنعدي..
وكيف جاي بيمشي شده سليمان: راجي ياراجل مع المرواح..
سالم: شن يصبرني بس..
هانيبال وهو حاط ايديه فجيوبه : من جدك انت!!
سالم : وحق الله البنت نبيها نبيها تقرا مع اختي كانت وع قد ماحاولت فيها شي ولا حسبتني مخلوق..
هانيبال : بنت مربيه صح..
سليمان: دام تعرف اختك احكي لأختك عليها..
هانيبال :شن يحكي لأخته انت التاني خلاص لاحشم لاجعرة...
....
شكله يخليك تقذفي..
عروبه بضحكه : حرام عليك والله وجعني..
سالمه بضحكه: هو صح رقيق واجد كن كيف السبيقة لكن راجل..
غزاله لفت وجهها عنهم: زيدن تسهوكن...تنهدت لما شافت امال..ياريته ولد عم امال..
سالمه شبحت لامال: قصدك هانيبال..
غزاله شبحتلهم : ايه..عديت لعرس خوها يدوب لمحته لمح وووك ياكبدي تشبحنه يابنات تولن ع وراكن"يغمى عليكم".
عروبه بضحكه: بري صاحبيها خليها توصلك لولد عمها..
سالمه: قولي تدبحها مش توصلها ..
غزاله: طايحه فيه ياحنه ...
عروبه وهي تضحك وتوزع فنظرها عليهم: مافيش امل ع هكي...
رن الجرس🔔....
مشوا كلهم اصطفوا طوابير...
وكذلك الولاد من الجهة التانيه...
شويه وخشوا لفصولهم..
🕛🕧
مر الوقت....
وجت الساعه 12..
وجي وقت المرواح ..
بإعتبارها اول ايام ماكانش في هديكا القرايه..
تعارفوا مع مدرسيهم ودفعوا حق الكتابات وخلاص..
برا..
هانيبال يستنى: الفرخ هدى بنبطحه عارف.
سليمان : عمر وعوايده مايبطلهن..
في جنبهم..
طالعة هي واختها تراجي..
ومعاها صاحباتها..
غزاله: عروبه هو هداك هانيبال...
عروبه بضحكه: يادي هاني....تلاشت ضحكتها وملامح وجهها تبدلت للغضب وقالت..هو هدى قليل الذوق اللي حكيتلكم عنه..
شبحوله صاحباتها واختها..
وشبحوا لعروبه اللي ماشيه بقوة واندفاع..
عودة: هدي وين بتعدي؟!🤤...
طلع عمر..
هانيبال : عااام!!..
كيف جاي بيرد...
"أنت"..
شبحوا لمصدر الصوت..
هانيبال يشبحلها بتضييقة عيون..
هي تلخبطت من عيونه بلعت ريقها وقالت: احمم..انت..واحد قليل ادب وبلا ذوق ومتخلف...
انصدموا التلاته...
وهي لفت ومشت طول....
رافعه حاجبها وع وجهها ملامح الغضب لكن من داخل ترعش بكل مافيها..
وصلت فأختها وصاحباتها..
عودة بصدمه: عروبه انتي طبيعيه؟؟؟
غزاله : تي اين طبيعيه هبلت هدي...
من بعيد..
سليمان : تعرفها!!
عمر : هانيبال!!
هانيبال بغضب : الفرخه الحقيرة...
ومشالها طول ..
وعمر وسليمان لحقوه..
سالمه : حي ياحي..جاي..
عروبه طاح قلبها فرجليها..
عودة : ياحي علينا..
عروبه بفرح شديد : عمو جي ...جبدت اختها من يدها وفاتت بيها تجري للسيارة
وهما راكبين....شبحت عروبه لهانيبال نفس شبحة الإستحقار اللي شبحهالها قبل وركبت..
وتحركت السيارة..
وهانيبال في اقصى درجات الغضب حول طاقيته من ع راسه بعصبيه وقال : يحبها ربي كان تجيش غدوة..يحرم عليا ديني كان فوتاته..
ومشي طول وخوه وولد عمه معاه...
هانيبال مااذكرش عروبه بس الموقف مارضاشي لنفسه بنت وتجي تهزبه قدام الولاد...
برغم نظرتها الأخيرة ليه بس ذاكرته ما اسعفتاش..
🌸بينما هي في السيارة..
كانت تسمع فنبضات قلبها القويه...
شافت لإيديها لقتهم يرجفوا...
مش فاهمه هل من الخوف؟؟
بس هي حاسه بمشاعر تانيه مخليتها كل ماتذكر شكله وهو يشبحلها بغضب تبتسم غصب عنها..
عمها : شن جو المدرسه الجديده..
عروبه شبحتله بعدين ابتسمت وقالت: سمحه واجد❤
وعودة ركزت عليها وابتسمت💕....
...يتبع...
