#العشق_المتمرد
#جمان_فريد
#الجزء_37
🌴🌴🌴🌴🌴🌴
" ﻛﻠﺐ ﺍﻟﺰﻳﻨﻪ .."
ﻧﺎﺽ ﻣﺸﻲ ﺑﻴﻄﻠﻊ ﻭﺧﻮﻩ ﻭﺭﺍﻩ ..
ﻫﺎﻧﻴﺒﺎﻝ؛ﺧﻴﺮﻩ ﺍﻟﺘﺎﻓﻪ ﻫﺪﻯ ..
ﻋﻤﺮ ﻧﺰﻝ ﻳﺠﺮﻱ ﻭﻣﺎﺭﺩﺵ ﻉ ﻫﺎﻧﻴﺒﺎﻝ ...
ﻭﺻﻞ ﻟﻮﻃﺎ ﻭﻟﻒ ﻉ ﺍﻟﺤﻮﺵ ﻭﺟﺎﻩ ..
ﻋﻤﺮ : ﺭﺍﺟﻞ ﻭﻧﻌﻠﻤﻚ ﻛﻴﻒ ﺗﻜﻮﻥ ﺭﺍﺟﻞ ..
ﺳﻠﻴﻤﺎﻥ ﺟﺎﻩ : ﻣﺎﻧﺎﻗﺺ ﺍﻻﺍﻧﺖ ﻳﺎﺗﺎﻓﻪ ﻳﺎﻓﺎﺷﻞ ﻳﺎﻣﺘﺎﻉ ﺍﻟﺒﻨﻮﺕ ..
ﻋﻤﺮ ﻣﻌﺎﺵ ﻳﺸﻮﻑ ﻓﺸﻲ .. ﻭﻗﺪﻣﻠﻪ ﺿﺮﺑﻪ ﺑﻮﻧﻲ ..
ﻏﺎﻟﻴﻪ ﺧﺸﺖ ﺗﺠﺮﻱ ... ﻭﺳﻌﻴﺪﻩ ﻛﺎﻧﺖ ﺟﺎﻳﻪ ﻣﻦ ﺣﻮﺵ ﺍﻫﻠﻬﺎ ﺗﺠﺮﻱ ﻋﻴﻄﺖ ...
ﻛﻴﻒ ﺑﺪﻭﺍ ﻳﻀﺎﺭﺑﻮﺍ ﻫﺎﻧﻴﺒﺎﻝ ﻓﻜﻬﻢ ..
ﻫﺎﻧﻴﺒﺎﻝ : ﺗﻲ ﺣﻮﻝ ﺍﻧﺖ ﻭﻳﺎﻩ ﻳﺎﻣﻔﺮﺥ ..
ﺳﻠﻴﻤﺎﻥ ﻭﻫﻮ ﺩﺍﻫﺶ : ﺷﺪ ﺧﻮﻙ ﺍﺣﺴﻠﻪ ﻳﺎﻫﺎﻧﻴﺒﺎﻝ ﻣﺎﻻﺵ ﺑﻴﺎ ﺩﺧﻞ ...
ﻋﻤﺮ : ﻻﻣﺪﺧﻞ ﻓﻴﻚ ﻭﻻ ﺣﺎﺳﺒﻚ ﻣﺨﻠﻮﻕ .. ﻟﻜﻦ ﻭﻻﺩ ﺧﻮﻱ ﻭﺍﻟﻠﻪ ﻣﺎﻣﺨﻠﻴﻚ ﺗﺴﺘﻌﺒﺪﻫﻢ ﻉ ﺧﺎﻃﺮ ﺍﻟﻔﻠﻮﺱ ..
ﺳﻠﻴﻤﺎﻥ : ﻧﺴﺘﻌﺒﺪﻫﻢ !! ﺗﻲ ﺍﻧﻲ ﻧﺎﻓﻌﻬﻢ ﺗﻲ ﻫﻤﺎ ﻗﺎﻋﺪﻳﻦ ﻳﺎﻛﻠﻮﺍ ﻭﻳﺸﺮﺑﻮﺍ ﻭﻳﺼﺮﻓﻮﺍ ﻣﻦ ﻭﺭﺍﻱ ﻭﺭﺍ ﺧﻮﺍﻟﻬﻢ .. ﺑﺎﻟﻚ ﺑﻴﻌﺒﻮﺍ ﻋﻠﻴﻜﻢ ..
ﺷﺒﺤﻠﻪ ﻫﺎﻧﻴﺒﺎﻝ : ﺗﺮﺍ ﺿﻢ ﻓﻤﻚ ﻭﺑﻼﺵ ﻣﻨﻪ ﻗﻄﺎﻓﻚ ﺍﻟﻔﺎﺭﻍ ..
ﺳﻠﻴﻤﺎﻥ : ﻛﻼﻡ ﺍﻟﺤﻖ ..
ﻋﻤﺮ : ﻣﻦ ﺍﻷﺧﻴﺮ ﻋﺪﻱ ﺩﻭﺭﻟﻚ ﻋﻤﺎﻝ ﻳﺨﺪﻣﻮﺍ ﺗﺤﺘﻚ ﺿﺮﺍﺭﻱ ﻣﻴﻼﺩ ﻣﻌﺎﺵ ﻟﻴﻚ ﺑﻴﻬﻢ ﻋﻼﻗﻪ ..
ﺳﻠﻴﻤﺎﻥ : ﻧﺨﻠﻴﻬﻢ ﻟﻴﻜﻢ ﺍﻧﺘﻢ ﻭﻧﺸﻮﻑ ﺷﻦ ﻳﻄﻠﻊ ﻣﻨﻬﻢ ﻛﺎﻥ ﻃﻠﻌﻮﻟﻜﻢ ...
ﻫﺎﻧﻴﺒﺎﻝ ﺩﻓﻪ ﺑﻴﺪﻩ : ﻋﺪﻱ ﺍﻗﻠﺐ ﻓﺴﺨﺘﻚ ﻋﺪﻱ ..
ﺳﻠﻴﻤﺎﻥ ﻭﺧﺮ ﻣﻦ ﺩﻓﺔ ﻫﺎﻧﻴﺒﺎﻝ ﻭﻗﺎﻝ : ﻛﺎﻥ ﻓﻴﻚ ﺧﻴﺮ ﺭﻩ ﻣﺎﺑﺎﺗﺘﺶ ﻓﻴﻚ ﺍﻟﻄﺮﻳﺤﻪ ...
ﻋﻤﺮ ﻓﻨﺺ ﻭﺭﻗﻲ ﺍﻟﺪﻡ ﻟﺮﺍﺳﻪ ...
ﺳﻌﻴﺪﻩ : ﻭﻭﻭﻭﻭﻭﻭﻙ ﻋﻠﻴﺎﺍﺍﺍﺍﺍ ...
ﻋﻴﻄﺖ ﻫﻜﻲ ﻟﻤﺎ ﺷﺎﻓﺖ ﻫﺎﻧﻴﺒﺎﻝ ﻫﺎﺟﻢ ﻉ ﺳﻠﻴﻤﺎﻥ ﻭﻳﻀﺮﺏ ﻓﻴﻪ ﻓﻀﺮﺏ ﻣﻮﺕ ..
ﻉ ﺟﻴﺔ ﻣﺤﻤﺪ ﻭﺭﻣﺰﻱ ... ﻟﻤﺎ ﺷﺎﻓﻮﻫﻢ ﺟﻮﺍ ﻳﺠﺮﻭﺍ ﻭﺣﺰﻭﻫﻢ ﻋﻦ ﺑﻌﺾ ﻣﻊ ﻋﻤﺮ ﺑﺎﻟﺴﻴﻒ ...
ﻫﺎﻧﻴﺒﺎﻝ ﻭﻣﺤﻤﺪ ﺷﺎﺩﻩ ... ﺍﺷﺮ ﺑﺴﺒﺎﺑﺘﻪ ﻉ ﺳﻠﻴﻤﺎﻥ : ﺭﺩ ﺑﺎﺍﻟﻚ .. ﺭﺩ ﺑﺎﻟﻚ ﺗﻄﻠﻊ ﻓﻲ ﻭﺟﻬﻬﻲ ..
ﻧﻔﺾ ﺧﻮﻩ ﻭﻟﻒ ﻭﻣﺸﻲ ...
ﺳﻠﻴﻤﺎﻥ ﺑﻌﺪ ﻋﻄﻲ ﺷﺒﺤﺔ ﺣﻘﺪ ﻟﻬﺎﻧﻴﺒﺎﻝ ﻣﺸﻲ ﻣﻊ ﺭﻣﺰﻱ ﻟﺤﻮﺵ ﺍﺧﺘﻪ ... ﺧﺸﺸﻮﻩ .. ﻭﺳﻌﻴﺪﻩ ﺗﺸﺒﺢ ﺟﻴﻬﺘﻬﻢ ..
ﺳﻌﻴﺪﻩ : ﻣﻮﺕ ﺗﺎﺧﺪﻛﻢ ﻣﻊ ﺑﻌﻀﻜﻢ ... ﻭﺧﺸﺖ ﻟﺤﻮﺷﻬﺎ ..
ﻣﺤﻤﺪ ﺟﻲ ﻟﻌﻤﺮ : ﺷﻨﻮ ﻓﻲ ..
ﻋﻤﺮ ﻓﺎﺗﻪ ﻭﻣﺸﻲ ﻭﻣﺤﻤﺪ ﻟﺤﻘﻪ ﻭﻣﺎﺯﺍﻝ ﻳﺴﺄﻝ ﻓﻴﻪ ...
.......
ﻏﺎﻟﻴﻪ : ﺑﺎﻫﻲ ﻟﺴﻴﺪﻱ ﻭﺃﻣﻲ ﻣﺶ ﻫﻨﻰ ...
ﺣﻤﻴﺪﻩ : ﻧﺒﻲ ﻧﻌﺮﻑ ﺷﻦ ﺻﺎﻳﺮ ..
ﻏﺎﻟﻴﻪ : ﺳﻤﻌﺘﻲ ﺍﻟﻜﻠﻤﻪ ﺍﻟﻠﻲ ﻗﺎﻟﻬﺎ ﺍﻟﺤﻘﻴﺮ ﺳﻠﻴﻤﺎﻥ ..
ﺣﻤﻴﺪﺓ : ﺧﺰﻳﻴﻲ ﺍﻟﻤﺴﺦ .. ﻛﺮﻫﺘﻪ ﻛﺮﻩ ..
ﻏﺎﻟﻴﻪ : ﺧﺴﺎﺭﺗﻪ ..
ﺣﻤﻴﺪﻩ : ﺑﺎﻟﻨﺎﻗﺺ ﻣﻨﻪ ﻛﻠﺐ ﻛﻴﻒ ﻫﺪﻯ ...
🍁🍁🍁🍁🍁
ﻃﺮﺍﺑﻠﺲ ...
ﺣﻲ ﺍﻷﻧﺪﻟﺲ ..
ﻣﺤﻞ ﻣﻮﺟﻮﺩﻩ ﻓﻮﻗﻪ ﻳﺎﻓﻄﻪ ﻣﻜﺘﻮﺏ ﻋﻠﻴﻬﺎ ...
ﺷﺠﺮﺓ ﺍﻟﺪﺭ ﻟﻠﺘﺼﻮﻳﺮ ...
" ﻋﺮﻭﺑﻪ ﻣﺼﻮﺭﺓ ﻣﺤﺘﺮﻓﻪ ﺗﺎﺑﺖ ﻭﻣﺘﺤﺮﻙ ﻭﻗﺮﺕ ﻓﻲ ﻫﺎﻟﺘﺨﺼﺺ ﻭﺣﺒﺎﺗﻪ ﻫﻠﺒﻪ ﻭﺍﺑﺪﻋﺖ ﻓﻴﻪ "
ﺩﺍﺧﻞ ﺍﻟﻤﺼﻮﺭ ...
ﻋﺮﻭﺑﻪ : ﻛﺘﻴﺮ ﻣﺒﺴﻮﻃﻪ ﺍﻧﺎ ﺭﺡ ﻧﺘﻌﺎﻭﻥ ﺳﻮﺍ ﺳﻤﻴﺮﺓ ..
ﺳﻤﻴﺮﺓ : ﺍﻧﺎ ﻣﺒﺴﻮﻃﺔ ﺍﻛﺜﺮ ﺣﺒﻴﺒﺘﻲ ﻋﺮﻭﺑﻪ ... ﻭﻉ ﻭﺟﻬﻚ ﺍﻟﺴﻤﺢ ﺟﺘﻨﺎ ﺯﺑﻮﻧﻪ ﺍﻟﺼﺒﺢ ﻭﻃﻠﺒﺖ ﻧﺼﻮﺭﻭﻟﻬﺎ ﻋﺮﺳﻬﺎ ﻛﺎﻣﻞ ..
ﻋﺮﻭﺑﻪ ﺑﻔﺮﺝ : ﻋﻦ ﺟﺪ .. ﺍﻟﺤﻤﺪ ﻟﻠﻪ ..
ﺳﻤﻴﺮﺓ : ﻣﻦ ﻳﻮﻡ ﺍﻹﺛﻨﻴﻦ ﻧﻌﺪﻭﺍ ﺍﻧﺎ ﻭﺍﻧﺘﻲ ..
ﻋﺮﻭﺑﻪ ﺍﺑﺘﺴﻤﺖ : ﺗﻤﺎﻡ ...
" ﻃﺒﻌﺎ ﺍﻟﻤﺼﻮﺭ ﺷﺮﺍﻛﻪ ﺑﻴﻨﻬﺎ ﻭﺑﻴﻦ ﺑﻨﺖ ﺷﺮﻗﺎﻭﻳﻪ ..."
🍁🍁🍁🍁🍁
ﺳﺮﺕ 💓
ﺍﻟﺴﺎﻋﻪ 7 ﻣﺴﺎﺀﺍ ...
ﻋﻤﺎﺭ ﻣﺪﺍﻳﺮ ﻋﺰﻭﻣﻪ ﻛﺒﻴﺮﺓ ﺑﻤﻨﺎﺳﺒﺔ ﺍﻟﺘﺮﻗﻴﻪ ..
ﻭﻣﻌﺰﻭﻣﻴﻦ ﻓﻴﻬﺎ ﺿﺒﺎﻁ ﺑﻌﺎﺋﻼﺗﻬﻢ ...
ﻃﺒﻌﺎ ﻧﺠﻤﺔ ﺍﻟﺤﻔﻠﻪ ﺩﻟﻮﻟﺘﻪ 💓⭐
ﻛﺎﻧﺖ ﻻﺑﺴﻪ ﻗﻔﻄﺎﻥ ﻣﻐﺮﺑﻲ ﻟﻮﻧﻪ ﺍﺑﻴﺾ ﻣﻄﺮﺯ ﺑﺎﻟﺬﻫﺒﻲ ﻭﻛﺎﻥ ﻓﻴﻪ ﻃﺮﻑ ﻃﻮﻳﻞ ﻣﻦ ﺍﻟﺨﻠﻒ ...
ﻭﺷﻌﺮﻫﺎ ﻛﺎﻥ ﻣﻄﻠﻮﻕ .. ﺑﺲ ﺟﺰﺀ ﺑﺴﻴﻂ ﻣﻨﻪ ﻣﺮﻓﻮﻉ ﻉ ﺟﻨﺐ ﺑﻤﺸﺒﻚ ﺫﻫﺒﻲ ..
ﻭﻛﺎﻧﺖ ﻃﺎﻟﻌﻪ ﺧﻴﺎﺍﺍﺍﺍﻝ ...💓💓
ﻭﺍﻟﻌﻴﻮﻥ ﻋﻠﻴﻬﺎ ..
ﺑﺲ ﻃﺒﻌﺎ ﻣﺶ ﺯﻱ ﻋﻴﻮﻥ ﺿﺮﺗﻬﺎ ﺍﻟﻠﻲ ﻛﺎﻥ ﺗﻠﻘﻰ ﺗﻄﻠﻖ ﻋﻠﻴﻬﺎ ﺍﻟﻤﻮﺕ ..
ﺗﺸﺒﺤﻠﻬﺎ ﻭﺗﺴﺤﻦ ﺳﺤﻦ ....
ﺳﻠﻮﻯ ﺑﻨﺖ ﺧﺎﻟﺔ ﻋﻤﺎﺭ : ﺷﻦ ﺗﺨﺼﺼﻚ ..
ﺩﻻﻝ : ﻫﻨﺪﺳﻪ ..
ﻏﺎﺩﻩ : ﻭﻋﻤﺎﺭ ﺑﻴﺨﻠﻴﻚ ﺗﻘﺮﻱ ﻧﻔﺲ ﺍﻟﺘﺨﺼﺺ ..
ﺩﻻﻝ : ﺍﻳﻪ ..
ﺳﻠﻮﻯ : ﻏﺮﻳﺒﻪ .. ﻋﻤﺎﺭ ﻋﻨﺪﻩ ﺗﺨﺼﺼﺎﺕ ﻣﻤﻨﻮﻋﻪ ﻉ ﺍﻟﺒﻨﺎﺕ ﻛﻴﻒ ﺍﻟﻘﺎﻧﻮﻥ ﻭﺍﻟﻬﻨﺪﺳﺔ ﻭﺍﻟﻔﻨﻮﻥ ..
ﺩﻻﻝ ﺑﺈﺑﺘﺴﺎﻣﻪ : ﺑﺎﻟﻨﺴﺒﺔ ﻟﻴﺎ ﺍﻧﻲ ﺳﺎﻣﺤﻠﻲ ﻧﻜﻤﻞ ﻓﺘﺨﺼﺼﻲ ..
ﻏﺎﺩﻩ ﺑﺮﻓﻌﺔ ﺣﺎﺟﺐ : ﺑﺘﻘﺮﻱ ﻓﻲ ﺍﻟﺘﺤﺪﻱ ...
ﺩﻻﻝ : ﺇﻥ ﺷﺎﺀ ﺍﻟﻠﻪ ...
ﺷﻮﻳﻪ ﻭﺑﺪﻭﺍ ﻳﺴﻤﻌﻮﺍ ﻓﻲ ﺻﻮﺕ ﺷﺎﻋﺮ ﻳﺤﻲ ﺑﺸﻌﺮﻩ ﻓﻲ ﺍﻟﻤﻮﺟﻮﺩﻳﻦ ..
ﻏﺎﺩﺓ : ﻓﻲ ﻛﻞ ﻣﻨﺎﺳﺒﻪ ﻻﺯﻡ ﻳﺤﻀﺮﻭﺍ ﺍﻟﺸﻌﺮﺍﺀ ..
ﺳﻠﻮﻯ : ﺷﺎﻋﺮ ﺣﺘﻰ ﻫﻮ ..
ﻏﺎﺩﻩ : ﺷﺎﻋﺮ ﻭﻳﻌﺸﻖ ﺍﻟﺸﻌﺮ ﻭﺍﺣﻠﻰ ﻣﺎﻓﻲ ﺷﻌﺮﻩ ﺍﻧﻪ ﻉ ﺍﻟﻮﻃﻦ ﺩﻳﻤﺎ ..
ﺩﻻﻝ ﺳﺮﺣﺖ ﺑﺘﻔﻜﻴﺮﻫﺎ ﻭﺍﺫﻛﺮﺕ ﺍﻟﻘﺼﻴﺪﻩ ﺍﻟﻠﻲ ﻗﺎﻟﻬﺎ ﻋﻨﻬﺎ ﻓﻲ ﻋﺮﺱ ﺧﺎﻟﻬﺎ ﺍﻟﻬﺎﺩﻱ .. ﺍﺑﺘﺴﻤﺖ ﻭﺣﺴﺖ ﺑﻨﺒﻀﺎﺕ ﻗﻠﺒﻬﺎ ﺯﺍﺩﺕ 💓
ﺍﺳﺘﺎﻗﻀﺖ ﺗﻨﺤﻨﺤﺖ ﻭﻗﺎﻟﺖ : ﻳﻌﻨﻲ ﻫﻮ ﻣﺎﻳﻜﺘﺒﺶ ﺷﻌﺮ ﻏﻴﺮ ﻭﻃﻨﻲ ﺑﺲ ..
ﻏﺎﺩﺓ : ﻋﻦ ﺍﻟﻮﻃﻦ ﻭﺍﻟﻔﺨﺮ ﻭﻋﻦ ﺍﻟﻘﺎﻳﺪ ﺭﺑﻲ ﻳﺤﻔﻈﻪ ..
ﺳﻠﻮﻯ : ﺳﻤﻌﺘﻲ ﺍﺷﻌﺎﺭﻩ ﺍﻛﻴﺪ ..
ﺩﻻﻝ ﺍﺑﺘﺴﻤﺖ ﺑﺴﺮﺣﺎﻥ : ﺍﻳﻪ ...💓
ﻏﺎﺩﺓ ﺷﺒﺤﺘﻠﻬﺎ ﻣﻦ ﻓﻮﻕ ﻟﻠﻮﻃﺎ ...
ﺷﻮﻳﻪ ﻭﺳﻤﻌﻮﺍ ﺻﻮﺗﻪ ﻫﻮ ....
ﺩﻻﻝ ﻓﺰﺕ ﺑﻘﻠﺒﻬﺎ ...💓 ﺗﻠﻘﺎﺋﻴﺎ ... ﻭﻗﻌﺪﺕ ﺗﺴﻤﻊ ﺑﺈﻧﺘﺒﺎﻩ ..
ﻭﻓﻲ ﺍﻟﻠﻲ ﻣﻦ ﻋﻴﻠﺘﻪ ﻧﺎﺿﻮﺍ ﻭﻭﻗﻔﻮﺍ ﺣﺪﺍ ﺍﻟﺮﻭﺍﺷﻦ ﺑﺶ ﻳﺴﻤﻌﻮﺍ ﻭﻣﻨﻬﻢ ﻫﻨﺪﺍ ..
ﺑﻌﺪ ﺣﻴﺎ ﺍﻟﻤﻮﺟﻮﺩﻳﻦ ﺑﺪﻱ ﻳﻠﻘﻲ ﻓﺸﻌﺮﻩ ...
ﺍﺳﺘﻔﺘﺤﻪ ﺑﺤﻤﺪ ﺍﻟﻠﻪ ﻭﺷﻜﺮﻩ ... ﻭﺑﻌﺪﻳﻦ ﺑﻮﺻﻒ ﻧﻔﺴﻪ ﺑﺈﻋﺘﺰﺍﺯ ﻭﺍﻫﻠﻪ ﻭﻗﺒﻴﻠﺘﻪ ... ﻭﺑﻌﺪﻳﻦ ﻋﻦ ﻗﻮﺍﺕ ﺍﻟﺸﻌﺐ ﺍﻟﻤﺴﻠﺢ .. ﻭﻋﻦ ﻧﻔﺴﻪ ﻛﻌﺴﻜﺮﻱ ...
ﻭﻃﺒﻌﺎ ﻻﺯﻡ ﻳﺬﻛﺮ ﺍﻟﻘﺎﻳﺪ ﻓﻲ ﺍﺑﻴﺎﺗﻪ ...🍃
ﻛﺎﻧﺖ ﺗﺴﻤﻊ ﻓﻴﻪ ﻭﺣﺎﺳﺔ ﺑﺸﻌﻮﺭ ﻏﺮﻳﺐ ﻭﺣﻠﻮﺓ ﻗﺎﻋﺪ ﻳﺠﺘﺎﺣﻬﺎ ..
ﻭﺑﺪﻱ ﻗﻠﺒﻬﺎ ﻳﺘﻔﺎﻋﻞ ﻣﻊ ﻫﺎﻟﺸﻌﻮﺭ ﺑﻘﻮﺓ 💓....
ﻛﻤﻞ ﺍﺑﻴﺎﺗﻪ ﻭﻗﺎﻝ ﺑﻌﺪ ﺗﺼﻔﻴﻖ ﺣﺎﺭ ﻣﻦ ﺍﻟﺤﺎﺿﺮﻳﻦ ..
ﻋﻤﺎﺭ : ﺑﻨﻘﻮﻝ ... ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ .. ﻛﺎﻥ ﻋﻨﻮﺍﻥ ﻟﻠﺤﻴﺎﺀ ﻭﺍﻟﺤﺸﻤﻪ ...
ﺑﺲ ﻓﻲ ﺍﻟﺤﺐ ﻛﺎﻥ ﻳﺼﺮﺡ ﺑﺸﺠﺎﻋﻪ .. ﻷﻥ ﺍﻟﺤﺐ ﺍﻟﺼﺎﻓﻲ ﻣﺎﻓﻴﺸﻲ ﺣﺸﻢ .. ﻭﺍﻧﻲ ﻗﺪﻭﺗﻲ ﻓﻲ ﺍﻟﺪﻳﻦ ﺍﻟﺮﺳﻮﻝ ﺍﻟﻜﺮﻳﻢ ..
ﺍﻟﻠﻲ ﻭﻳﻦ ﺳﺄﻟﻮﻩ ﻓﻲ ﻣﺠﻤﻊ ﻓﻴﻪ ﺧﻴﺮﺓ ﺍﻟﺮﺟﺎﻝ ...
ﻣﻦ ﺍﺣﺐ ﺍﻟﻨﺎﺱ ﺇﻟﻴﻚ .. ﺭﺩ ﺑﻜﻞ ﺛﻘﺔ .. ﻋﺎﺋﺸﻪ ..
ﻛﻠﻬﻢ ﺷﺒﺤﻮﻟﻪ ﺑﺈﻋﺠﺎﺏ ﻭﻓﻲ ﺍﻟﻠﻲ ﻣﺒﺘﺴﻤﻴﻦ ﻣﻦ ﻛﺜﺮ ﻣﺎﻋﺠﺒﻬﻢ ﺍﻟﻠﻲ ﻗﺎﻟﻪ ..
ﺑﺲ ﺍﻟﻠﻲ ﺩﺍﺧﻞ ﻛﺎﻧﻮﺍ ﻣﺘﻔﺎﺟﺌﻴﻦ ﻣﻨﻪ ..
ﺍﻣﺎ ﻫﻲ ﻛﺎﻧﺖ ﺗﺴﻤﻊ ﻭﻣﻨﺴﺠﻤﻪ ..💓
ﻋﻤﺎﺭ : ﻭﺍﻟﻴﻮﻡ ﻭﻷﻭﻝ ﻣﺮﺓ ﻋﻨﺪﻱ ﻣﺎﻧﻘﻮﻝ ﻓﻲ ﺍﻟﺤﺐ ..
ﺻﻔﻘﻮﺍ .... ﻭﺣﻤﺴﻮﻩ ...
ﻭﻫﻮ ﻛﺎﻥ ﻣﺒﺘﺴﻢ ﻉ ﺟﻨﺐ ...
ﺳﻜﺘﻮﺍ ﻛﻠﻬﻢ ... ﻭﻫﻮ ﺑﺪﻱ ﻳﻘﻮﻝ ...
❣ ﺣﺎﻭﻟﺖ ﻧﻮﺻﻔﻠﻚ ﻏﻼﻱ ﺍﻭﺣﻠﺖ
ﺟﺮﺑﺖ ﻧﻜﺘﺒﻠﻚ ﺍﺷﻌﺎﺭ ﺟﺪﻳﺪﻩ ..
ﻳﺎﻟﻠﻲ ﻋﻠﻰ ﻛﻞ ﺍﻟﻐﻼ ﻫﻴﻤﻨﺖ
ﻳﺎﻧﺒﺾ ﻗﻠﺒﻲ ﻭﻟﻮﻋﺘﻪ ﻭﺗﻨﻬﻴﺪﻩ
ﻏﺰﻳﺖ ﺧﺎﻃﺮﻱ ﻭﺑﻴﻦ ﺍﻟﻀﻠﻮﻉ ﺳﻜﻨﺖ
ﻣﻊ ﻧﺎﺭ ﻗﻠﺒﻲ ﻭﻟﻌﺖ ﻧﺎﺭ ﺟﺪﻳﺪﻩ ...
🌸 ﻭﻫﻲ ﺗﺴﻤﻊ ﺍﻷﺑﻴﺎﺕ ﺗﻠﻤﺲ ﻓﻘﻠﺒﻬﺎ ﻗﺒﻞ ﺗﺴﻤﻌﻬﺎ ﻭﺫﺍﻧﻬﺎ ❤
❣ ﺍﻧﺖ ﺍﻟﻜﺎﺱ ﻭﺍﻧﺎ ﻋﻠﻴﻚ ﺍﺩﻣﻨﺖ
ﻭﺍﻧﺖ ﺍﻟﻌﺸﻖ ﻭﺍﻧﺖ ﺍﻟﺤﻴﺎﺓ ﺍﻟﺴﻌﻴﺪﻩ
ﻋﻴﻮﻧﻚ ﺧﺪﻧﻲ ﻓﻲ ﻫﻮﺍﻙ ﺣﺼﻠﺖ
ﻭﻟﻘﻴﺖ ﻓﻌﻴﻮﻧﻚ ﺍﻭﺻﺎﻑ ﻋﺪﻳﺪﻩ
ﻋﻠﻴﻚ ﻛﻞ ﻭﺻﻒ ﻳﻠﻴﻖ ﺑﻴﻚ ﻭﺻﻔﺖ .
ﻟﻘﻴﺘﻬﻦ ﻓﻌﻼ ﺍﻭﺻﺎﻑ ﻓﺮﻳﺪﻩ
ﺳﻠﺒﺖ ﻋﻘﻠﻲ ﻭﺍﻷﻓﻜﺎﺭ ﺷﻐﻠﺖ
ﻭﺗﻤﻴﺖ ﻫﺎﻳﻢ ﻓﻲ ﺃﻭﻃﺎﻥ ﺑﻌﻴﺪﻩ ...💕
ﻛﻠﻬﻢ ﻗﻌﺪﻭﺍ ﻳﺸﺒﺤﻮﻟﻬﺎ ... ﺍﻷﺑﻴﺎﺕ ﻭﺍﺿﺤﻪ ﻋﻠﻴﻬﺎ ...
ﻫﻲ ﻛﺎﻧﺖ ﺣﺎﺳﻪ ﺑﺸﻌﻮﺭ ﺣﻠﻮ ﻟﻴﻦ ﺧﻼﺹ ﻣﺎﺗﻤﻨﺘﺎﺵ ﻳﺴﻜﺖ ﺑﻜﻞ 💕💕💕💕💕💕💕💕💕💕💕....
ﺟﻮﻫﺎ ﺧﻮﺍﺗﻪ ...
ﺍﻣﻴﻨﻪ : ﻋﻠﻴﻚ ﺍﻟﻤﻌﻨﻰ ﺭﺍﻫﻮ ...
ﺳﻠﻴﻤﻪ ﺑﻀﺤﻜﻪ : ﻳﺎﺑﺨﺘﻚ ﻭﺧﻼﺹ ﺣﺎﺳﺪﺍﺍﺍﺍﺗﻚ ..
ﺿﺤﻜﻮﺍ ﺍﻟﻤﻮﺟﻮﺩﻳﻦ .. ﻭﻫﻲ ﺿﺤﻜﺖ ﺑﺨﺠﻞ ...💓
ﻟﻜﻦ ﻫﻨﺪﺍ ﻛﺎﻧﺖ ﺗﻔﻮﺭ ﻭﺗﻐﻠﻲ ...
ﻭﻧﻈﺮﺍﺗﻬﺎ ﻟﺪﻻﻝ ﺑﺮﻭﺣﻬﺎ ﺗﺨﻮﻑ ...
ﻳﺎﺑﺎﻝ ﻟﻮﻓﻜﺮﺕ ﺗﻔﻌﻞ ....
🌴🌴🌴🌴🌴🌴🌴🌴🌴🌴🌴🌴🌴
ﺧﺶ ﺑﻘﻮﺓ ﻭﺍﻧﺪﻓﺎﻉ ﻟﺤﻮﺵ ﺍﻫﻠﻪ ...
ﻣﻴﻼﺩ : ﻳﻤﻲ ... ﻳﻤﻲ ...
ﺧﻮﺍﺗﻪ ﻓﻲ ﺍﻟﺪﺍﺭ ﻛﺎﻧﻮﺍ ﻣﺘﻜﻴﺎﺕ ﻗﻌﻤﺰﻭﺍ ...
ﺣﻤﻴﺪﻩ : ﻋﺒﺎﺗﻪ ﺍﻟﺤﻘﻴﺮﺓ ..
ﻏﺎﻟﻴﻪ : ﻳﺴﺘﺮ ﺭﺑﻲ ..
ﻧﺎﺿﺖ ﺍﻟﺤﺎﺟﻪ ﻓﺎﻃﻤﻪ ﺑﻌﺪ ﺳﻤﻌﺎﺗﻪ ﻧﺎﺩﻱ ﻭﻃﻠﻌﺖ ﻣﻦ ﺍﻟﺪﺍﺭ ...
ﻓﺎﻃﻤﻪ : ﺧﻴﺮﻙ ..
ﻣﻴﻼﺩ ﺑﻌﺼﺒﻴﻪ : ﺗﻮ ﻭﺍﻟﻨﺒﻲ ﺍﻟﻔﺮﺥ ﻟﻠﻲ ﻳﻨﻘﺎﻟﻪ ﻋﻤﺮ ﻣﻦ ﻓﻮﺿﻪ ﻳﺘﻜﻠﻢ ﻋﻨﻲ ... ﺷﻦ ﺩﺧﻠﻪ ﻫﻮ .. ﺍﻧﻲ ﻣﻮﺟﻮﺩ ﺍﻧﻲ ﺣﻲ .. ﻟﻤﺎ ﻧﻤﻮﺕ ﻳﻌﺪﻱ ﺑﻌﺪﻳﻦ ﻳﺤﻜﻢ ﻓﻀﺮﺍﺭﻳﺎ .
ﻓﺎﻃﻤﻪ ﻋﺮﻓﺖ ﺍﻟﻘﺼﻪ ﻣﻦ ﺑﻨﺎﺗﻬﺎ : ﻫﻮ ﺭﺍﻫﻮ ﻭﺍﺟﻌﻪ ﺗﻮﻓﻴﻖ ﺑﺲ ﻗﺎﻝ ﻣﺮﻭﺡ ﻓﻲ ﺍﻟﺼﻘﻊ ﺑﺮﻭﺣﻪ .. ﻭﻓﻮﻗﻪ ﻫﺎﻣﻞ ﻗﺮﺍﻳﺘﻪ ....
ﻣﻴﻼﺩ ﺿﺤﻚ ﺑﺘﻬﻜﻢ : ﺭﻳﺖ ﻣﻦ ﻳﻨﺼﺢ ﻳﺎﻭﺍﻟﻠﻪ ﻋﻠﻴﻚ ﻭﻗﺖ .. ﺍﺳﻤﻌﻲ ﻳﻤﻲ ﺑﻴﺪﺧﻠﻮﺍ ﻣﺮﺓ ﺗﺎﻧﻴﻪ ﻭﺣﻖ ﺍﻟﻠﻪ ﻣﺎﺿﺎﻝ ﺍﻻﺩﺍﻳﺮ ﺷﻲ ﻣﺎﻳﻨﺪﺍﺭ ... ﺷﺪﻱ ﺿﺮﺍﺭﻳﻚ .. ﻭﻟﻒ ﻭﻃﻠﻊ ﻭﺧﻼ ﺍﻣﻪ ﻣﺼﺪﻭﻣﻪ ...
ﻛﻞ ﻣﺎﻟﻪ ﻳﺰﻳﺪ ... ﻳﺒﻌﺪ ﻭﻳﺘﻤﺎﺩﻱ .. ﻭﻻ ﻭﻻﺋﻪ ﻛﻠﻪ ﻟﻤﺮﺗﻪ ﻭﻋﻴﻠﺘﻬﺎ ﻳﻌﺎﻣﻞ ﻓﻲ ﺣﺪﻫﻢ ﺑﺈﺣﺘﺮﺍﻡ ﺍﻛﺜﺮ ﻣﻦ ﺍﻣﻪ ....
ﻭﻳﺎﻛﺜﺮﻫﻢ ﺍﻟﻠﻲ ﺯﻱ ﻣﻴﻼﺩ ...🍃...
ﻃﻠﻌﺖ ﺣﻤﻴﺪﻩ ﻷﻣﻬﺎ : ﺗﻌﺎﻟﻲ ﻳﻤﻲ ﺗﻌﺎﻟﻲ ..
ﻓﺎﻃﻤﻪ : ﺷﻦ ﺩﺍﻳﺮﺓ ﻓﻌﻤﺮﻱ ﻣﺶ ﻋﺎﺭﻓﻪ ..
ﻏﺎﻟﻴﻪ : ﻣﺎﺩﺭﺗﻲ ﺷﻲ ﻳﻤﻲ ﻫﻮ ﺍﻟﻠﻲ ﻋﻘﻠﻪ ﻣﺶ ﻋﻠﻴﻪ ﺧﻼﺹ ...
ﻗﻌﻤﺰﻭﺍ ﺍﻣﻬﻢ ﻭﻗﻌﺪﻭﺍ ﻳﻬﺪﻭﺍ ﻓﻴﻬﺎ ﻭﻣﻦ ﺩﺍﺧﻠﻬﻢ ﻳﺪﻋﻮﺍ ﻉ ﺳﻌﻴﺪﻩ ..
🍁🍁🍁🍁🍁
ﺍﻟﺴﺎﻋﻪ 9:30 ﻟﻴﻼ ...
ﻣﺸﺖ ﻭﻗﻔﺖ ﻉ ﻣﺮﺍﻳﺔ ﺍﻟﻤﺪﺧﻞ ﺗﺸﻮﻑ ﻓﻲ ﺷﻜﻠﻬﺎ ..
ﻃﻠﻌﺖ ﺷﻴﺸﺔ ﻋﻄﺮ ﺻﻐﻴﺮﺓ ﻣﻦ ﺍﻟﺸﻨﻄﻪ ﻭﺑﺨﺖ ﺑﺨﺘﻴﻦ ... ﻭﺭﺩﺍﺗﻪ ..
ﻭﻛﻴﻒ ﺟﺎﻳﻪ ﺑﺘﻮﻟﻲ ﺗﺨﺶ ...
ﺳﻤﻌﺖ ﺻﻮﺕ ﻫﻨﺪﺍ ﺗﺘﻜﻠﻢ ﺑﺎﻟﺘﻠﻴﻔﻮﻥ ..
ﻫﻨﺪﺍ : ﺍﻧﻲ ﺣﺪ ﺍﻟﻤﺮﺑﻮﻋﻪ ﺍﻟﺪﺍﺧﻠﻴﻪ ... ﺗﻤﺎﻡ ...
ﻭﻟﺖ ﺩﻻﻝ ﻭﺍﺩﺭﻗﺖ ...
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﺤﻮﺵ .. ﻭﺧﺶ ﻋﻤﺎﺭ ﻭﺻﻜﺮ ﺍﻟﺒﺎﺏ ﻭﺩﻻﻝ ﺑﻴﻨﺖ ﺭﺍﺳﻬﺎ ﻭﺗﺮﺍﻗﺐ ...
ﻋﻤﺎﺭ : ﺍﺣﻜﻲ ﺷﻦ ﻋﻨﺪﻙ ﺑﺴﺮﻋﻪ ..
ﻫﻨﺪﺍ ﺑﻀﻴﻖ : ﻣﺶ ﻋﺎﺭﻓﻪ ﺷﻦ ﻧﺪﻳﺮ ﻣﻊ ﺍﻳﻤﻦ ﺭﻩ ﺗﻌﺒﺖ .. ﺧﺸﻠﻲ ﻉ ﺍﻟﺪﺧﺎﻥ ..
ﻓﻨﺺ : ﺷﻨﻮ !!
ﻫﻨﺪﺍ ﺑﻌﻴﻮﻥ ﻣﺪﻣﻌﻪ : ﻭﺍﻟﻠﻪ ﺍﻧﻲ ﺗﻌﺒﺖ ﻣﻌﺎﻩ ﺧﻼﺹ ..
ﻋﻤﺎﺭ ﻭﻣﻼﻣﺢ ﺍﻟﻌﺼﺒﻴﻪ ﺑﺎﻳﻨﻪ ﻓﻮﺟﻬﻪ : ﺗﻮ ﻧﺘﺼﺮﻑ ﺧﻼﺹ ...
ﻫﻨﺪﺍ ﻗﺪﻣﺖ ﻭﺷﺪﺕ ﺫﺭﺍﻋﻪ : ﻫﻤﺎ ﻣﺤﺘﺎﺟﻴﻦ ﺍﻫﺘﻤﺎﻣﻚ ...
ﻗﻌﺪﺕ ﺗﻤﺸﻲ ﻉ ﺫﺭﺍﻋﻪ ﻭﻗﺎﻟﺖ .. ﻳﺒﻮﻙ ﺗﻜﻮﻥ ﻗﺮﻳﺐ ﻋﻠﻴﻬﻢ ..
ﺩﻻﻝ ﺑﺪﺕ ﺗﺤﺲ ﺑﺤﺮﺍﺭﺗﻬﺎ ﺗﺮﺗﻔﻊ ﻭﺩﻣﻬﺎ ﻭﻛﺄﻧﻪ ﻳﻐﻠﻲ ﻓﻌﺮﻭﻗﻬﺎ ..
ﺗﺸﻮﻑ ﻟﻴﺪﻫﺎ ﻉ ﺫﺭﺍﻋﻪ ﻭﺑﺲ ..
ﻫﻮ ﺑﻌﺪ ﻭﻗﺎﻝ : ﺑﺎﻫﻲ ﻋﺪﻱ ﺧﺸﻲ ..
ﻫﻨﺪﺍ ﺷﺒﺤﺘﻠﻪ ﺷﻮﻳﻪ ﻭﻗﺎﻟﺖ : ﺑﺎﻫﻲ ... ﻭﻣﺸﺖ ...
ﻫﻮ ﺣﺮﻙ ﺭﺍﺳﻪ ﺍﻳﻤﻴﻦ ﻭﻳﺴﺎﺭ .. ﻭﻛﻴﻒ ﺟﺎﻱ ﺑﻴﻄﻠﻊ ..
ﺑﺎﻥ ﻋﻠﻴﻪ ﻃﺮﻑ ﺍﻟﻘﻔﻄﺎﻥ ... ﺍﺑﺘﺴﻢ ..
ﻓﺘﺢ ﺍﻟﺒﺎﺏ ﻭﺻﻜﺮﻩ ..
ﺩﻻﻝ ﺗﻨﻬﺪﺕ ... ﻭﺧﺪﺕ ﻧﻔﺲ .. ﻭﻛﻴﻒ ﺟﺎﻳﻪ ﺑﺘﻄﻠﻊ ..
ﻳﻮﻗﻒ ﻗﺪﺍﻣﻬﺎ ...
ﺷﻬﻘﺖ ﻭﺣﻄﺖ ﻳﺪﻫﺎ ﻉ ﻗﻠﺒﻬﺎ ..
ﻋﻤﺎﺭ ﺑﺮﻓﻌﺔ ﺣﺎﺟﺐ : ﺷﻦ ﻋﻨﺪﻙ ﻫﻨﻰ ..
ﺩﻻﻝ : ﺍﺣﻤﻢ .. ﻛﻨﺖ .. ﻧﺴﺎﻭﻱ ﻓﺸﻌﺮﻱ
ﻋﻤﺎﺭ : ﺷﻌﺮﻙ ﺳﻤﺢ ﻣﺎﻓﻴﻪ ﺷﻲ ..
ﺩﻻﻝ : ﺍﻳﻪ ﻣﺎﻫﻮ ﺑﻌﺪ ﻣﺎﺳﺎﻭﻳﺘﻪ ..
ﻳﺘﺄﻣﻞ ﻓﻴﻬﺎ ﻛﻴﻒ ﺗﺘﻜﻠﻢ ﺑﺈﺭﺗﺒﺎﻙ ﺯﻱ ﺍﻟﻄﻔﻠﻪ ﺍﻟﻠﻲ ﻣﺪﺍﻳﺮﺓ ﻋﻤﻠﻪ ﻭﺗﻜﺬﺏ ﻭﺗﻨﻜﺮ ﻭﺍﺣﻤﺮﺍﺭ ﻭﺟﻬﻬﺎ ﻳﻜﺸﻔﻬﺎ ...
ﻗﺮﺏ ﻣﻨﻬﺎ ... ﻭﺣﺎﻭﻃﻬﺎ ﻣﻦ ﺧﺼﺮﻫﺎ ... ﻭﺑﺎﺳﻬﺎ 💓..
ﻭﻫﻲ ﻣﺼﺪﻭﻣﻪ ﻉ ﻣﺨﻠﻮﻋﻪ ﻉ ﻣﺶ ﻓﺎﻫﻤﻪ ﺷﻲ ..
ﺍﻣﺎ ﻫﻮ ﻣﺶ ﺣﺎﺱ ﺑﺸﻲ ﻏﻴﺮ ﺑﺄﻧﻪ ﺯﻱ ﺍﻟﻌﻄﺸﺎﻥ ﻓﻌﺰ ﺍﻟﺼﻴﻒ ﻭﺣﺼﻞ ﻃﺎﺳﺔ ﺍﻣﻴﺔ ﻋﺬﺑﺔ ﻭﺑﺎﺭﺩﺓ ..💕💕💕...
ﻫﻨﺪﺍ ﻓﻲ ﻫﺎﻟﻮﻗﺖ ﻛﺎﻧﺖ ﻣﻮﻟﻴﻪ ﺑﺘﻠﺤﻖ ﻋﻠﻴﻪ ﻭﺗﻜﻠﻤﻪ ﻓﺸﻲ ﺗﺎﻧﻲ ..
ﻟﻤﺤﺖ ﻟﻤﺎ ﻭﺻﻠﺖ ﻓﻲ ﺍﻟﺒﺎﺏ ﺑﻮﺗﻴﻠﻪ ﺍﻟﻌﺴﻜﺮﻱ ..
ﻭﻃﺮﻑ ﻗﻔﻄﺎﻥ ﺩﻻﻝ ...
ﻣﺎﻓﻜﺮﺵ ﺗﺸﻮﻑ ﺍﻛﺜﺮ ﻣﻦ ﻫﻜﻲ ...
ﺧﻼﺹ ... ﻭﻟﺖ ﻛﺘﻠﻪ ﻣﻦ ﺍﻟﺤﻘﺪ ﺍﻟﻠﻲ ﻳﻠﻬﺐ ﻭﻣﺸﺖ ﻭﻫﻲ ﻣﺶ ﻧﺎﻭﻳﻪ ﻉ ﺧﻴﺮ ...
..🌸💕
ﺑﻌﺪﺍﺗﻪ ﺑﺼﻌﻮﺑﻪ ..
ﺩﻻﻝ ﺑﻮﺟﻪ ﺍﺣﻤﺮ ﺯﻱ ﺍﻟﻄﻤﺎﻃﻢ : ﻋﻴﺐ ﺍﻟﺤﺮﻛﺎﺕ ﻫﺎﺩﻱ .. ﻛﺎﻥ ﺷﺎﻓﻨﺎ ﺣﺪ ..
ﻋﻤﺎﺭ ﺑﻬﻴﺎﻡ : ﺍﻧﺘﻲ ﺍﻟﻠﻲ ﺣﺎﺭﻣﺘﻴﻨﻲ ﻭﻳﻦ ﻧﻜﻮﻧﻮﺍ ﺑﺮﻭﺍﺣﻨﺎ ... ﻣﺎﻟﻘﻴﺘﺶ ﻗﺪﺍﻣﻲ ﻏﻴﺮ ﺍﻧﻲ ﻧﺤﺎﺻﺮﻙ ﻓﻲ ﺍﻟﺰﺣﻤﻪ ..💕
ﺣﻄﺖ ﺍﻳﺪﻳﻬﺎ ﻉ ﻳﺪﻩ ﻭﺣﻮﻟﺘﻬﻢ ﻣﻦ ﻉ ﺧﺼﺮﻫﺎ : ﺗﺤﺸﻢ ﻗﻠﺖ ..😳
ﻋﻤﺎﺭ : ﻫﻬﻬﻬﻬﻬﻪ .... ﺭﻓﻊ ﺍﻳﺪﻳﻬﺎ ﻭﺑﺎﺳﻬﻢ ﻭﻫﻲ ﺗﺸﻮﻓﻠﻪ .. ﺳﻤﻌﺘﻲ ﺍﻷﺑﻴﺎﺕ ..
ﺩﻻﻝ ﺑﻤﻜﺮ : ﺍﻟﻠﻲ ﻋﻠﻰ ﻣﻌﻤﺮ ﺍﻳﻪ ﺳﻤﻌﺘﻬﻢ ..
ﻋﻤﺎﺭ ﻓﻨﺺ ﺑﺮﻓﻌﺔ ﺣﺎﺟﺐ ﻭﻗﺮﺏ ﻣﻦ ﻭﺟﻬﻬﺎ ﻭﻗﺎﻝ ﺑﻨﺒﺮﺓ ﺻﻮﺕ ﺗﺨﻮﻑ : ﻧﻌﻀﻚ ﺭﻩ ..
ﺩﻻﻝ ﻟﻔﺖ ﻭﺟﻬﻬﺎ ﻋﻨﻪ ﻭﻗﻌﺪﺕ ﺗﻀﺤﻚ : ﺣﻮﻭﻝ .. ﻳﺎﻣﺎﺍﻣﺎ ..
ﻋﻤﺎﺭ : ﻫﻬﻬﻬﻬﻬﻬﻪ ... ﺑﺎﺳﻬﺎ ﻣﻦ ﺧﺪﻫﺎ .. ﻭﻋﻀﻪ .. ﻭﺑﻌﺪ ... ﺍﻧﺖ ﻋﻄﻴﺘﻬﻠﻲ ..
ﺩﻻﻝ ﺑﺄﻟﻢ : ﺣﺎﺭﺓ ﻳﺎﺷﺮﻳﺮ .
ﻋﻤﺎﺭ : ﻳﺎﻗﻠﺒﻲ ﺍﻧﻲ 💓💓💓💕💕💕
ﺩﻻﻝ ﺑﻀﺤﻜﻪ : ﺑﺎﻫﻲ ﺍﻃﻠﻊ ﻋﻴﺐ ﻭﺍﻟﻠﻪ ﻛﺎﻥ ﺣﺪ ﻳﺸﻮﻓﻨﺎ ﻣﻌﺎﺵ ﻧﻘﺪﺭ ﻧﺮﻓﻊ ﻋﻴﻮﻧﻲ ﻓﻴﻪ ..
ﻋﻤﺎﺭ ﺑﺈﺑﺘﺴﺎﻣﻪ : ﺑﺎﻫﻲ ﻃﺎﻟﻊ ... ﻋﻴﻨﻚ ﻣﻦ ﺭﻭﺣﻚ ..
ﺩﻻﻝ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻫﻮ ﺗﻨﻬﺪ ﺗﻨﻬﻴﺪﻩ ﻣﻦ ﻭﺳﻂ ﺧﺎﻃﺮﻩ ... ﻭﺑﺎﻟﺴﻴﻒ ﻛﺎﻟﻌﺎﺩﻩ ﻣﺸﻲ ﻭﺧﻼﻫﺎ ..
ﻭﻫﻲ ﺗﺸﻮﻓﻠﻪ ﻟﻌﻨﺪ ﻓﺘﺢ ﺍﻟﺒﺎﺏ ﻭﺟﻲ ﺑﻴﻄﻠﻊ ﺷﺒﺤﻠﻬﺎ ﻭﺍﺑﺘﺴﻢ ﻭﻫﻲ ﻧﺰﻟﺖ ﻋﻴﻮﻧﻬﺎ ﺑﺈﺑﺘﺴﺎﻣﻪ ...
ﻃﻠﻊ ﻭﺳﻜﺮ ﺍﻟﺒﺎﺏ ...
ﻫﻲ ﺗﻨﻬﺪﺕ ﻭﺭﺟﻌﺖ ﻟﻠﻤﺮﺍﻳﺎ ﺑﺶ ﺗﺴﺎﻭﻱ ﺍﻟﻠﻲ ﻓﺴﺪﻩ ﻋﻤﺎﺭ 💕
🌴🌴🌴🌴🌴🌴🌴🌴🌴🌴🌴🌴🌴🌴🌴
ﻣﻘﻌﻤﺰﺓ ﻣﻊ ﺑﻨﺎﺗﻬﺎ ﻓﻲ ﺍﻟﺪﺍﺭ ...
ﺍﻟﺘﻘﻌﻤﻴﺰﺓ ﻫﺎﺩﻱ ﺣﻴﺘﺎﺧﺪ ﻓﻴﻬﺎ ﻗﺮﺍﺭ ﻣﻬﻢ ....
ﻣﻮﺍﻗﻔﺔ ﻳﻤﻲ ﻉ ﺑﺮﻛﺔ ﺍﻟﻠﻪ ..
ﻓﺎﻃﻤﻪ : ﺧﻼﺹ ﺩﺍﺑﻴﻨﻚ ﺭﺍﺿﻴﻪ ﻧﺒﻌﺘﻮﺍ ﻟﻠﻌﺮﺏ ﻭﻧﻘﻮﻟﻠﻬﻢ ﻳﺘﻤﻮﺍ ﻣﻮﺿﻮﻋﻬﻢ .. ﻭﻳﺒﻌﺘﻮﺍ ﻣﻦ ﻳﺘﻔﺎﻫﻢ ﻣﻊ ﺳﻴﺪﻙ ..
ﺣﻤﻴﺪﻩ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻧﺎﺿﺖ ﺍﻟﺤﺎﺟﻪ ﻓﺎﻃﻤﻪ ﻭﻃﻠﻌﺖ ﻣﻦ ﺣﺪﺍﻫﻢ ...
ﻏﺎﻟﻴﻪ ﺑﺈﺑﺘﺴﺎﻣﻪ : ﻓﺮﺣﺎﻧﻪ ..
ﺣﻤﻴﺪﺓ : ﺧﺎﻳﻔﻪ .
ﻏﺎﻟﻴﻪ : ﻟﻴﺶ ..
ﺣﻤﻴﺪﻩ : ﻣﺶ ﻋﺎﺭﻓﻪ ... ﺑﺎﻟﻚ ﻹﻧﻲ ﻣﺎﻧﻌﺮﻓﺎﺵ ..
ﻏﺎﻟﻴﻪ : ﻣﻤﻜﻦ ... ﺍﺑﺘﺴﻤﺖ ... ﺭﺑﻲ ﻳﺘﻤﻢ ﻉ ﺧﻴﺮ ﻳﺎﺍﺍﺭﺏ ...
ﺣﻤﻴﺪﻩ : ﺁﻣﻴﻦ ﻭﻋﻘﺒﺎﻟﻚ ﻳﺎﺭﺏ ..
ﻏﺎﻟﻴﻪ ﺍﺑﺘﺴﻤﺖ ﺑﻌﺪ ﻏﻤﻀﺖ ﻋﻴﻮﻧﻬﺎ ﻭﺳﻜﺮﺗﻬﻢ ..
🍁🍁🍁🍁🍁
ﺧﺸﺖ ﺗﺠﺮﻱ ﻟﻠﻜﻮﺟﻴﻨﻪ ...
ﻣﺎﻣﺎ ﻣﺎﻳﺒﻴﺶ ﻳﻔﺘﺤﻠﻲ ...
ﺳﻌﻴﺪﻩ : ﻣﻈﻨﻪ ﺭﺍﻗﺪ ..
ﺭﺯﺍﻥ : ﻻﻻ ﻳﻜﻠﻢ ﻓﻲ ﺑﻨﺖ ..
ﺳﻌﻴﺪﻩ ﺑﻀﺤﻜﻪ : ﻣﻦ ﻫﻲ ..
ﺭﺯﺍﻥ : ﻣﺎﻧﻌﺮﻓﺶ .. ﺑﺲ ﻧﺤﺲ ﻓﻴﻬﺎ ﺑﻠﻘﻴﺲ ﺑﻨﺖ ﻧﺠﺎﻩ ..
ﺳﻌﻴﺪﻩ ﺑﺮﻓﻌﺔ ﺣﺎﺟﺐ : ﻫﺪﻱ ﺍﻟﻠﻲ ﻣﺎﺯﺍﻟﺖ ... ﻣﻌﺎﺵ ﻟﻘﻲ ﻳﺎﻛﺒﺪﻱ ..
ﺭﺯﺍﻥ : ﻣﺶ ﻣﺘﺄﻛﺪﻩ ﻣﺎﻣﺎ ﺭﺍﻫﻮ .. ﻗﻠﺖ ﺑﺎﻟﻚ ..
ﺳﻌﻴﺪﻩ ﺳﺮﺣﺖ ﺑﺘﻔﻜﻴﺮﻫﺎ ﻭﻗﺎﻟﺖ : ﺗﻮ ﻧﻌﺮﻑ ﺑﺮﻭﺣﻲ ..
.....
ﻣﺎﻓﻬﻤﺘﺶ ﻗﺼﺪﻩ ﻣﻦ ﻛﻠﻤﺘﻪ ...
ﺭﺍﻧﻴﺎ : ﺍﻧﻲ ﻓﺎﻫﻤﻪ ..
ﺭﻣﺰﻱ : ﺷﻦ ﻓﺎﻫﻤﻪ ...
ﺭﺍﻧﻴﺎ : ﻧﻘﻮﻟﻚ ﻟﻜﻦ ﺭﺩﺑﺎﻟﻚ ﺗﻘﻮﻝ ﻭﻻﺗﻌﺎﻭﺩ ...
ﺭﻣﺰﻱ : ﺗﻌﺮﻓﻴﻨﻲ ﻋﻴﻞ 😑
ﺭﺍﻧﻴﺎ ﺑﻀﺤﻜﻪ : ﺣﺎﺷﺎﻙ ﺑﺲ ﻧﻮﻗﺾ ﻓﻴﻚ ..
ﺭﻣﺰﻱ : ﺑﺎﻫﻲ ﺍﺣﻜﻲ ....
ﻭﺑﺪﺕ ﺭﺍﻧﻴﺎ ﺗﺤﻜﻴﻠﻪ ﻋﻦ ﺍﻟﻠﻲ ﻋﺮﻓﺎﺗﻪ ﻣﻦ ﺭﺑﺎﺏ ﻋﻦ ﻗﺼﺔ ﻫﺎﻧﻴﺒﺎﻝ ﻣﻊ ﺍﻟﺒﻨﺖ ﺍﻟﻠﻲ ﻛﺎﻥ ﻳﺒﻴﻬﺎ ...
ﺭﻣﺰﻱ ﺑﺼﺪﻣﻪ : ﻣﺶ ﻗﺎﺩﺭ ﻧﺼﺪﻕ ..
ﺭﺍﻧﻴﺎ : ﺣﺘﻰ ﺍﻧﻲ ﺻﺎﺭﻟﻲ ﻫﻜﻲ ﻟﻤﺎ ﺳﻤﻌﺖ ..
ﺭﻣﺰﻱ : ﺩﻣﻲ ﺍﻧﺤﺮﻕ ﺗﻌﺮﻓﻲ ..
ﺗﻨﻬﺪﺕ ﺭﺍﻧﻴﺎ ...
ﺭﻣﺰﻱ ﻏﻤﺾ ﻋﻴﻮﻧﻪ ﺑﺸﺪﺓ ﻭﻣﺴﺢ ﻉ ﺷﻌﺮﻩ ﺑﻌﻨﻒ ﻭﻗﺎﻝ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
🍁🍁🍁🍁🍁🍁🍁🍁
ﺍﻟﺴﺎﻋﻪ 11:00 ﻟﻴﻼ ..
ﺍﻟﻨﺎﺱ ﺭﻭﺣﺖ ﻭﻣﺎﻗﻌﺪ ﺣﺪ ﻛﺎﻥ ﺍﻷﻗﺎﺭﺏ ..
ﺧﺎﻟﻪ ﻭﻋﻤﻪ ﻭﺑﻨﺎﺗﻬﻢ ...
ﻣﻘﻌﻤﺰﻳﻦ ﻓﻲ ﺍﻟﺼﺎﻟﺔ ﻭﻳﻬﺪﺭﺯﻭﺍ ...
ﻛﺎﻧﺖ ﻣﻨﺴﺠﻤﻪ ﻭﺗﺎﺧﺪ ﻭﺗﻌﻄﻲ ﻣﻌﺎﻫﻢ ﻓﻲ ﺍﻟﻬﺪﺭﺯﺓ ..
ﻭﻫﻨﺪﺍ ﻛﺎﻧﺖ ﺗﺸﻮﻓﻠﻬﺎ ﺑﻐﻞ .. ﻭﻫﻲ ﺟﺎﻳﻪ ﻣﻦ ﺑﺮﺍ ﺑﻌﺪ ﺳﻘﺪﺕ ﺍﻣﻬﺎ ..
ﺷﺎﻓﺖ ﺳﻠﻴﻤﻪ ﺷﺎﺩﺓ ﺍﻟﺒﺨﺎﺭﺓ ﻭﺗﺒﺨﺮ ﻭﺟﺖ ﺣﺪﺍ ﺩﻻﻝ ..
ﺷﺒﺤﺘﻠﻬﺎ ﺑﻨﻈﺮﺓ ﺧﺒﻴﺜﻪ ..
ﻭﻫﻲ ﻣﺎﺷﻴﻪ ﺑﺘﻘﻌﻤﺰ ..
ﻧﺎﺷﺖ ﺑﺎﻟﻘﺼﺪ ﻣﺮﻓﻖ ﺳﻠﻴﻤﻪ ..
ﺳﻠﻴﻤﻪ ﺍﻟﻠﻲ ﻛﺎﻧﺖ ﻻﻫﻴﻪ ﺑﺎﻟﻬﺪﺭﺯﺓ .. ﻣﺠﺮﺩ ﺍﻧﻀﺮﺑﺖ ﺫﺭﺍﻋﻬﺎ ..
ﻃﺎﺣﺖ ﻣﻨﻬﺎ ﺍﻟﺒﺨﺎﺭﺓ ﻭﺟﺖ ﻉ ﺭﺟﻞ ﺩﻻﻝ ..
ﻭﺟﻤﺮ ﺍﻟﻠﻲ ﻓﻴﻬﺎ ﺣﺮﻕ ﺭﺟﻞ ﺩﻻﻝ ...
ﻋﻴﻄﻮﺍ ﻛﻠﻬﻢ .. ﻭﺩﻻﻝ ﺗﻌﻴﻂ ﻭﺗﺒﻜﻲ ..
ﻗﻌﺪﻭﺍ ﻳﺼﺒﻮﺍ ﻉ ﺭﺟﻠﻬﺎ ﻓﻲ ﺍﻟﻤﻴﻪ ..
ﻛﺎﻣﻠﻪ ﻭﻫﻲ ﺗﻨﺪﺏ : ﻳﺎﻏﺒﺎﺭﺗﻜﻦ ﺍﻟﺴﻮﺩﺍ ﻣﻦ ﺧﻮﻛﻦ ..
ﺳﻠﻴﻤﻪ ﺗﻔﺮﻓﺶ ﻣﺴﻜﻴﻨﻪ ..
ﻭﺩﻻﻝ ﺗﻌﻴﻂ ﻭﺗﺒﻜﻲ ..
ﺧﺎﻟﺘﻪ ﺳﺎﻛﺘﻪ ﺷﺎﻓﺖ ﺭﺟﻞ ﺩﻻﻝ ﻛﻴﻒ ﺍﻧﺤﺮﻗﺖ : ﺣﺮﻗﻬﺎ ﻗﻮﻱ ﺭﺍﻫﻮ ..
ﺧﺒﻄﻮﺍ ﻭﺟﻮﻫﻬﻢ ..
ﻭﻛﺎﻣﻠﻪ ﺍﺗﺼﻠﺖ ﺑﻮﻟﺪﻫﺎ ﻭﻫﻲ ﺗﺸﻮﻑ ﻟﺪﻻﻝ ﻛﻴﻒ ﺗﺒﻜﻲ ﻭﺗﺘﻮﺟﻊ ..
ﺳﻠﻴﻤﻪ : ﻭﺍﻟﻠﻪ ﻣﺎﻗﺼﺪﻱ ﻳﺎﺩﻻﻝ ﻭﺍﻟﻠﻪ ..
ﺍﻣﻴﻨﻪ : ﺣﻲ ﻋﻠﻴﻨﺎ ﻣﻦ ﻋﻤﺎﺭ ﺣﻲ ..
ﺷﻮﻳﺔ ﻭﺧﺶ ..
ﻋﻤﺎﺭ : ﺣﻮﻟﻮﺍ .. ﺣﻮﻟﻮﻭﻭﺍ ..
ﺟﺎﻫﺎ ﻭﺷﺎﻑ ﺭﺟﻠﻬﺎ ﻗﺮﻳﺐ ﻣﺎﺕ ...
ﻃﻮﻝ ﺭﻓﻌﻬﺎ ﻭﻗﺎﻣﻪ ﺑﻴﻦ ﻳﺪﻳﻪ ...
ﻋﻤﺎﺭ : ﺗﻮﻧﺘﻔﺎﻫﻢ ﻣﻌﺎﻛﻦ ...
ﻭﻃﻠﻊ ﺑﻴﻬﺎ ﻃﻮﻝ ﻣﻦ ﺗﺮﻛﻴﻨﻪ ﻣﺴﺘﺨﻄﻴﻪ ...
ﻭﻫﻲ ﺗﺄﻥ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻋﻤﺎﺭ : ﺩﻟﻮﻟﻪ ﻳﺎﻗﻠﺒﻲ ﺑﺴﻴﻄﻪ ﺭﺍﻫﻲ ...
ﺩﻻﻝ ﺑﺄﻟﻢ : ﺗﻮﺟﻊ ... ﻫﻠﺒﻪ ..
ﻗﻠﺒﻪ ﺗﻘﻄﻊ ﺗﻘﻄﻴﻊ ...
ﺣﻄﻬﺎ ﻓﻲ ﺍﻟﺴﻴﺎﺭﺓ ... ﻭﺑﻌﺪﻳﻦ ﺍﺳﺘﺎﻗﺾ ﻟﻠﺒﺴﺘﻬﺎ ..
ﻛﻴﻒ ﺟﺎﻱ ﺑﻴﺘﺼﻞ ﺟﺖ ﺍﻣﻪ ﻻﺑﺴﺔ ﺗﺠﺮﻱ ﻭﻓﻴﺪﻫﺎ ﻋﺒﺎﻳﻪ ..
ﻛﺎﻣﻠﻪ : ﻫﻴﺎ ﺍﺭﻛﺐ ﺍﺭﻛﺐ ..
ﺭﻛﺒﺖ ﺍﻣﻪ ﻣﻦ ﺍﻟﺨﻠﻒ ﺟﻨﺐ ﺩﻻﻝ ...
ﻭﻫﻮﺭﻛﺐ ﻃﻮﻝ ﻭﺷﻐﻞ ﺍﻟﺴﻴﺎﺭﺓ ﻭﺗﺤﺮﻙ ..
ﻃﻮﻝ ﺍﻟﻄﺮﻳﻖ ﻳﺴﻤﻊ ﻓﻲ ﺁﻧﻴﻨﻬﺎ ﻭﻳﺸﻮﻑ ﻓﻮﺟﻬﻬﺎ ﻛﻴﻒ ﺫﺍﺑﻞ ﻣﻦ ﺍﻟﻤﺮﺍﻳﻪ ﻳﺰﻳﺪ ﻳﻬﺒﻞ ﻭﻳﺠﺮﻱ ﻓﺠﺮﻱ ﺧﻄﻴﺮ ...
🍁🍁🍁🍁🍁
ﻭﺻﻞ ﺑﻴﻬﺎ ﻟﻠﻤﺴﺘﺸﻔﻰ ﺩﺍﻭﻭﻟﻬﺎ ﺍﻟﺤﺮﻕ .. ﻭﻗﻌﺪﺕ ﻋﻨﺪﻫﻢ ﺳﺎﻋﻪ
ﻭﺑﻌﺪ ﺳﺎﻋﻪ ﺭﻭﺡ ﺑﻴﻬﺎ ﻭﺑﺄﻣﻪ ..
ﺣﻂ ﺍﻣﻪ ﻓﻲ ﺣﻮﺷﻬﺎ .. ﻭﻣﻨﻪ ﻃﻮﻝ ﻟﺤﻮﺷﻪ ..
.....
ﻓﻲ ﺣﻮﺵ ﺍﻫﻠﻪ ..
ﺍﻣﻴﻨﻪ : ﺷﻦ ﻳﻤﻲ ...
ﻛﺎﻣﻠﻪ : ﺩﺍﻭﻫﻠﻬﺎ ... ﻟﻜﻦ ﻋﻤﺎﺭ ﻫﻮ ﺍﻟﻠﻲ ﻭﺍﻟﻊ ﻭﺭﻩ ﻣﺘﺤﻠﻒ ..
ﺍﻣﻴﻨﻪ : ﺳﻠﻴﻤﻪ ﻳﻤﻲ ﺍﻧﻈﺮ ﻛﻴﻒ ﺳﻬﺖ ﻭﻃﺎﺣﺖ ﻣﻨﻬﺎ ..
ﻛﺎﻣﻠﻪ : ﺳﻬﺖ ﻭﻻﻣﺴﻬﺘﺶ ﻋﻤﺎﺭ ﻣﺎﻩ ﻣﻔﻮﺗﻬﺎ ..
🍁🍁🍁🍁🍁
ﺣﻄﻬﺎ ﻉ ﺍﻟﺴﺮﻳﺮ ...
ﻋﻤﺎﺭ : ﺗﻘﺪﺭﻱ ﺗﻐﻴﺮﻱ ﺍﻟﻠﻲ ﻻﺑﺴﺘﻴﻪ ﻭﻻﻧﺴﺎﻋﺪﻙ ..
ﺩﻻﻝ : ﻻﻋﺎﺩﻱ ﺗﻮ ﻧﺮﻗﺪ ﺑﻴﻪ ..
ﻋﻤﺎﺭ ﺿﺤﻚ ﻭﻣﺎﻋﺒﺮﻫﺎﺵ .
ﻣﺸﻲ ﻃﻠﻌﻠﻬﺎ ﺗﻮﺗﻪ ...
ﺩﻻﻝ : ﻣﺶ ﻻﺯﻡ ..😳
ﻣﺎﺩﻭﺭﻫﺎﺵ ﻗﺮﺏ ﻣﻨﻬﺎ ﻭﺑﺪﻱ ﻳﻐﻴﺮﻟﻬﺎ .. ﻭﻫﻲ ﻗﺮﻳﺐ ﺗﺘﺨﺒﺮ ﻣﻦ ﺍﻟﺨﺠﻞ ...
ﻫﻮ ﺗﻤﺎﻟﻚ ﻧﻔﺴﻪ ﻟﻠﺪﺭﺟﻪ ﻓﻮﻕ ﻃﺎﻗﺔ ﺍﻟﺒﺸﺮ ... ﻃﺎﻗﺘﻪ ﻫﻮ ﻛﺮﺍﺟﻞ ...
ﺷﺪﺕ ﺍﻟﻘﻔﻄﺎﻥ ﻭﻗﺎﻟﺘﻠﻪ : ﺗﻮ ﻧﻜﻤﻞ ﺑﺮﻭﺣﻲ ..
ﻋﻤﺎﺭ : ﻳﻜﻮﻥ ﺍﺣﺴﻦ 💓💓💕💕..
ﻭﻃﻠﻊ ﻃﻮﻝ ﻣﻦ ﺣﺪﺍﻫﺎ ﻭﺻﻜﺮ ﺍﻟﺒﺎﺏ ﻭﻣﺶ ﻗﻌﻤﺰ ﺑﺮﺍ ..
ﻏﻤﺾ ﻋﻴﻮﻧﻪ ﻭﻗﺎﻝ : ﺣﺮﺍﻡ ﻋﻨﺪ ﺍﻟﻠﻪ ﺍﻟﻠﻲ ﻗﺎﻋﺪ ﻳﺼﻴﺮ .. ﻫﻲ ﻳﺮﻛﺒﻬﺎ ﺍﺛﻢ ﺑﺴﺒﺒﻲ ... ﺑﺲ ﻳﺎﺭﺑﻲ ﻣﺎﻧﻘﺪﺭﺵ ﻧﺠﺒﺮﻫﺎﻋﻠﻴﺎ ﻓﺤﺎﺟﻪ ﻛﻴﻒ ﻫﺪﻱ ... ﺻﻌﺐ ...
ﻓﺘﺢ ﻋﻴﻮﻧﻪ ﻭﻧﺎﺽ ﻣﺸﻲ ﻟﻠﻜﻮﺟﻴﻨﻪ ﻭﺷﺮﺏ ﻣﻴﻪ ..
🌸 ﺍﻣﺎ ﻫﻲ ...
ﻛﻤﻠﺖ ﺗﺒﺪﻳﻞ ﺑﺼﻌﻮﺑﻪ .. ﺑﻌﺪ ﻛﻤﻠﺖ ﺷﺒﺤﺖ ﻟﺮﺟﻠﻬﺎ .. ﻭﺗﺄﻟﻤﺖ ﻉ ﻵﺧﺮ ..
ﺭﻓﻌﺖ ﺳﺮﻭﺍﻟﻬﺎ ﻭﺷﺎﻓﺖ ﺍﺛﺮ ﺣﺮﻗﻬﺎ ﻓﻲ ﺭﻛﺒﺘﻬﺎ ﻭﻫﻲ ﺻﻐﻴﺮﺓ ..
ﺩﻻﻝ : ﺩﻳﻤﺎ ﻣﺘﻠﻘﻴﺔ ﺍﻧﻲ 💔...
ﺷﻮﻳﻪ ﻭﻃﻖ ﺍﻟﺒﺎﺏ ..
" ﺩﻟﻮﻟﻪ .."
ﺩﻻﻝ ﺑﺤﺰﻥ : ﺧﺶ ..
ﻓﺘﺢ ﺍﻟﺒﺎﺏ ﻭﺧﺶ ﺷﺎﻓﻬﺎ ﺭﺍﻓﻌﻪ ﺳﺮﻭﺍﻟﻬﺎ ..
ﻋﻤﺎﺭ : ﺗﻮﺟﻊ ﻓﻴﻚ ﻗﺎﻋﺪﺓ ..
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺷﺎﻑ ﻟﺮﻛﺒﺘﻬﺎ ﻭﻟﻘﻲ ﺍﻷﺛﺮ .. ﺣﺮﻗﺔ ﻗﺪﻳﻤﻪ؟ ..
ﺩﻻﻝ : ﻣﻦ ﻳﻮﻡ ﻳﻮﻣﻲ ﻣﺘﻠﻘﻴﻪ ..
ﺿﺤﻚ ﻋﻤﺎﺭ ﻭﻗﺪﻣﻠﻬﺎ ﻭﺑﺎﺱ ﺭﺍﺳﻬﺎ ﻭﻗﺎﻝ : ﺍﻟﻤﺆﻣﻦ ﻣﺒﺘﻠﻰ ﺩﻟﻮﻟﺘﻲ ﻭﻛﻠﻪ ﺑﺄﺟﺮﻩ ..
ﺩﻻﻝ ﺗﻨﻬﺪﺕ : ﻧﺒﻲ ﻧﺮﻗﺪ ...
ﺣﻄﺖ ﺭﺍﺳﻬﺎ ﻉ ﻣﺨﺪﻩ ...
ﻭﻏﻤﻀﺖ ﻋﻴﻮﻧﻬﺎ ..
ﻫﻮ ﺍﺑﺘﺴﻢ ﻭﻣﺸﻲ ﺧﺪﻱ ﺣﻮﺍﻳﺠﻪ ﻣﻦ ﺍﻟﺪﻭﻻﺏ ﺑﺶ ﻳﺎﺧﺪ ﺣﻮﺍﻳﺠﻪ ﻭﻳﺒﺪﻝ ...
💕💕💕
ﺑﻌﺪ ﻃﻠﻊ ﻣﻦ ﺍﻟﺤﻤﺎﻡ ...
ﻃﻮﻝ ﻋﻠﻖ ﺑﺪﻟﺘﻪ ﺍﻟﻌﺴﻜﺮﻳﻪ ...
ﻭﻣﺶ ﺧﺶ ﺍﻟﺴﺮﻳﺮ ..
ﻗﺮﺏ ﻣﻨﻬﺎ ﻭﺣﻂ ﻳﺪﻩ ﻉ ﺭﺍﺳﻬﺎ ﻭﻗﻌﺪ ﻳﻘﺮﺍ ﻋﻠﻴﻬﺎ ..
🌸 ﻫﻲ ﻛﺎﻧﺖ ﺗﺤﺲ ﺑﺤﻨﻴﺘﻪ ﻛﻞ ﻣﺎﻳﺤﻂ ﻳﺪﻩ ﻉ ﺭﺍﺳﻬﺎ .. ﺗﺮﺗﺎﺡ ﻭﺗﺴﺘﻜﻴﻦ ﻉ ﻃﻮﻝ ..💕..
ﺑﻌﺪ ﻛﻤﻞ ﻗﻌﺪ ﻳﺸﻮﻓﻠﻬﺎ ...
ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺼﺪﻣﻪ ....
ﻟﻤﺎ ﺣﺲ ﺑﺤﻀﻨﻪ ﺗﻌﺒﻰ ﻓﺠﺄﺓ ...💕
ﻗﻌﺪ ﻳﺸﻮﻓﻠﻬﺎ ﻛﻴﻒ ﺧﺎﺷﻪ ﻓﻴﻪ ﻣﻨﻈﺮﻫﺎ ﺯﻱ ﻣﻨﻈﺮ ﺩﻟﻮﻟﻪ ﺑﻨﺖ 4 ﺳﻨﻴﻦ ...
ﺍﺑﺘﺴﻢ ﻭﻟﻒ ﺍﻳﺪﻳﻪ ﻋﻠﻴﻬﺎ ﻭﻫﻮ ﻣﺎﺯﺍﻝ ﻣﺶ ﻣﺼﺪﻕ ﺍﻟﻠﻲ ﻫﻮ ﻓﻴﻪ ...💕💕💕
ﺍﻣﺎ ﻫﻲ ﻓﻜﺎﻧﺖ ﺣﺎﺳﺔ ﺑﺴﻜﻴﻨﻪ ... ﺭﻏﻢ ﺍﺯﻋﺎﺝ ﺻﻮﺕ ﺩﻗﺎﺕ ﻗﻠﺒﻪ ﺍﻟﻘﻮﻳﻪ 💓💓💓💓💓
🍁🍁🍁🍁
ﺗﺎﻧﻲ ﻳﻮﻡ ﺍﻟﺼﺒﺢ ..
ﻓﺎﻗﺖ .... ﻭﺭﻳﺤﺔ ﺍﻟﻌﻄﺮ ﺍﻟﻤﻤﻴﺰﺓ ﻋﺎﻟﻘﻪ ﻓﻲ ﺍﻧﻔﻬﺎ ..
ﻟﻘﺎﺗﻪ ﻣﺘﻜﻔﻬﺎ ﺑﺈﻳﺪﻳﻪ ﺗﻘﻮﻝ ﺧﺎﻳﻔﻬﺎ ﺗﺮﻳﺢ ...
ﺿﺤﻜﺖ ... ﻭﻗﺎﻣﺖ ﻋﻴﻮﻧﻬﺎ ﻭﻗﻌﺪﺕ ﺗﺸﻮﻑ ﻓﻲ ﻣﻼﻣﺤﻪ ..
ﺩﻻﻝ " ﺻﺢ ﻣﻌﻜﺮﺵ ﺷﻮﻳﻪ ﻭﻓﻴﻪ ﺗﺠﺎﻋﻴﺪ .. ﺑﺲ ﺟﺬﺍﺏ .."💓
ﺟﺮﺑﺖ ﺗﻔﻚ ﺭﻭﺣﻬﺎ ..
ﻫﻮ ﻓﺎﻕ ﻣﺨﻠﻮﻉ : ﺩﻟﻮﻟﻪ ﺷﻦ ﺗﺤﺴﻲ !!
ﺩﻻﻝ ﺑﻀﺤﻜﻪ : ﺷﻲ ﻧﺒﻲ ﺍﻧﻮﺽ ﺑﺲ ..
ﻋﻤﺎﺭ ﺍﺑﺘﺴﻢ ﺑﻌﻴﻮﻧﻪ : ﻧﻔﻜﻚ ﺑﺸﺮﻁ ...
ﺩﻻﻝ ﺿﺤﻜﺖ ﻭﻣﺪﺕ ﺧﺪﻫﺎ
ﻫﻮ ﺿﺤﻚ ﻭﺷﺪ ﺫﻗﻨﻬﺎ ﺑﺼﻮﺍﺑﻌﻪ ﻗﺒﻞ ﻭﺟﻬﻬﺎ ﻟﻴﻪ ﻭﺑﺎﺳﻬﺎ ..
ﻭﺑﻌﺪ : ﻧﻮﺿﻲ ﻫﻲ ..
ﺩﻻﻝ : ﻣﻌﺎﺵ ﺍﺩﻳﺮﻳﻠﻲ ﻫﻜﻲ ..💓😳
ﻋﻤﺎﺭ : ﻣﺶ ﻉ ﻛﻴﻔﻚ ﻳﺎﺳﻤﺤﻪ ﺭﺍﻧﻲ .. ﻛﻴﻒ ﻣﺎﺗﺨﻠﻌﻲ ﻓﻴﺎ ﺑﻨﺨﻠﻌﻚ ..
ﻭﺷﺪﻩ ﺧﺸﻤﻬﺎ ...
ﺩﻻﻝ : ﺍﻳﻴﻲ ...
ﻗﻌﺪ ﻳﻀﺤﻚ ﻉ ﺻﻮﺗﻬﺎ ..
ﺩﻻﻝ : ﺣﻮﻭﻭﻝ ..
ﻋﻤﺎﺭ : ﻫﻬﻬﻬﻬﻬﻪ ..
ﺩﻻﻝ : ﺑﺎﺍﺍﺍﺍﺭﺩ ..😣
ﺿﺤﻚ ﻭﺣﻮﻝ ﺻﻮﺍﺑﻌﻪ ..
ﻫﻲ ﺷﺪﺕ ﺧﺸﻤﻬﺎ ﻭﻋﻴﻮﻧﻬﺎ ﻣﺪﻣﻌﺎﺕ .. ﻭﻛﻴﻒ ﺟﺎﻳﺔ ﺑﺘﻨﻮﺽ ﺭﺟﻠﻬﺎ ﻭﺟﻌﺘﻬﺎ ..
ﻋﻤﺎﺭ ﺭﻛﺰ ﺗﻼﺷﺖ ﺿﺤﻜﺘﻪ ﻭﺿﻴﻖ ﻋﻴﻮﻧﻪ : ﻭﺟﻌﺎﺗﻚ ..
ﺩﻻﻝ ﻭﻉ ﺟﻬﻬﺎ ﻋﻼﻣﺎﺕ ﺍﻷﻟﻢ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻋﻤﺎﺭ : ﻛﺎﻥ ﻧﻌﺮﻑ ﻛﻴﻒ ﺻﺎﺭ ﻫﻜﻲ ﺑﺲ .. ﻋﻴﻮﻧﻬﻦ ﻭﻳﻦ .. ﻟﻜﻦ ﻭﺍﻟﻠﻪ ﻣﺎﻫﻲ ﻓﺎﻳﺘﻪ ..
ﺩﻻﻝ : ﻣﺶ ﺑﻘﺼﺪﻫﻢ ﺗﺼﻴﺮ ﻋﺎﺩﻱ ... ﻣﺎﺩﻳﺮﻟﻬﻤﺶ ﻣﺸﺎﻛﻞ ﺑﺴﺒﺒﻲ ﺗﻮ ﻳﻜﺮﻫﻮﻧﻲ ..
ﻋﻤﺎﺭ ﻗﻌﺪ ﺳﺎﻛﺖ ﻭﻫﻮ ﻗﺎﺭﻥ ﺣﻮﺍﺟﺒﻪ ...
ﺩﻻﻝ : ﻋﻤﺎﺭ ...
ﻋﻤﺎﺭ : ﺭﻭﺡ ﻋﻤﺎﺭ 💓💓💓
ﺩﻻﻝ ﺍﺑﺘﺴﻤﺖ : ﻣﺎﺩﻳﺮﺵ ﻣﺸﺎﻛﻞ ..
ﻋﻤﺎﺭ : ﺍﻣﺮﻙ ﻳﺎﻋﺴﺴﺴﻞ ...💓💕💕 ﺑﺲ ﻗﺒﻠﻬﺎ ﺏ ....
ﺭﻗﺪﺕ ﻭﻏﻄﺖ ﻭﺟﻬﺎ ﺑﺎﻟﺸﺮﺷﺎﻑ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ 💓...
🍁🍁🍁🍁🍁🍁🍁🍁
ﻃﺮﺍﺑﻠﺲ ...
ﻛﺎﻧﺖ ﺗﻐﺴﻞ ﻓﻲ ﻣﺎﻋﻴﻦ ﺍﻟﻔﻄﻮﺭﻭﺣﺎﺳﻪ ﺑﺘﻌﺐ ﺷﺪﻳﺪ ...
ﺧﺶ ﻭﻟﺪﻫﺎ ﻟﻠﻜﻮﺟﻴﻨﻪ ﺧﺪﻱ ﻣﻴﻪ ﻭﻃﻠﻊ ﻭﻫﻮﻣﺘﺠﺎﻫﻠﻬﺎ ..
ﻫﻲ ﺑﺘﻔﻘﺪ ﻭﻋﻴﻬﺎ ﺧﻼﺹ ...
ﻛﻔﺎﻳﻪ : ﻣﻤﺎ ... ﻣﺎﻟﻚ ...
ﻟﻜﻦ ﻣﻊ ﺍﻷﺳﻒ ﻣﺎﻟﻚ ﻣﺎﺳﻤﻌﻬﺎﺵ ..
ﻃﻠﻊ ﻣﻦ ﺍﻟﺤﻮﺵ ...
ﻓﻲ ﻧﻔﺲ ﺍﻟﻠﺤﻈﻪ ﺍﻟﻠﻲ ﻃﺎﺣﺖ ﻓﻴﻬﺎ ﺍﻣﻪ ﻓﺎﻗﺪﻩ ﺍﻟﻮﻋﻲ ...
... ﻳﺘﺒﻊ ...
ﺍﺑﻴﺎﺕ ﺍﻟﺸﻌﺮ ..
ﻟﻀﻴﺎﺀ ﺍﻟﻜﻴﺶ
