#العشق_المتمرد
#جمان_فريد
الجزء72
ﺻﺒﺎﺡ ﺍﻟﺨﻴﺮ ﻣﺎﻣﺎ ..
ﺍﻟﺘﻔﺘﺖ ﺳﻌﻴﺪﻩ ﻭﻋﻴﻮﻧﻬﺎ ﺣﻤﺮ ﻭﻣﻨﻔﺨﺎﺕ ﻭﻓﻴﺪﻫﺎ ﻃﺎﺳﺔ ﻣﻴﺔ ﻗﺎﻟﺖ ﺑﺼﻮﺕ ﻣﺒﺤﻮﺡ : ﺻﺒﺎﺡ ﺍﻟﻨﻮﺭ ...
" ﺁﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ "
ﺳﻌﻴﺪﻩ ﺑﺘﻀﻴﻴﻘﻪ ﻋﻴﻮﻥ : ﺷﻨﻮ ﻫﺪﻯ !!
ﺭﺯﺍﻥ ﺑﺨﻠﻌﻪ : ﻋﻤﺘﻲ ﻏﺎﻟﻴﻪ !
🍃 ﺻﻮﺕ ﻋﻴﻄﻪ ﻏﺎﻟﻴﻪ ..
ﺳﻤﻌﻮﻩ ﺧﻮﺗﻬﺎ ﺍﻟﻠﻲ ﻛﺎﻧﻮﺍ ﺭﺍﻗﺪﻳﻦ ..
ﻓﺰﻭﺍ ﺍﻟﺘﻼﺗﻪ .
ﻫﺎﻧﻴﺒﺎﻝ ﻭﻋﻤﺮ ﻭﻣﺤﻤﺪ ..
ﻧﺎﺽ ﻫﺎﻧﻴﺒﺎﻝ ﺍﻻﻭﻝ ﻭﻃﻠﻊ ﻃﻮﻝ ﻣﻦ ﺍﻟﺪﺍﺭ ﺍﻟﻠﻲ ﻓﻮﻕ ..
ﻭﻭﺭﺍﻩ ﺧﻮﺗﻪ ..
ﻭﺻﻞ ﺍﻟﺪﺭﻭﺝ ﻗﻌﺪ ﻳﻨﺰﻝ ﺟﺮﻱ .. ﻭﺧﻮﺗﻪ ﻭﺭﺍﻩ ..
ﻟﻮﻃﺎ ..
ﻓﺘﺢ ﺍﻟﻬﺎﺩﻱ ﺑﺎﺏ ﺣﻮﺷﻪ ﻭﻃﻠﻊ ﻭﻫﻮ ﻣﺨﻠﻮﻉ ...
ﻭﻉ ﺑﻌﺪ ﻣﺴﺎﻓﻪ ﺑﺴﻴﻄﻪ ﻣﻦ ﺣﻮﺷﻪ ..
ﻋﺒﺪﺍﻟﻠﻪ ﻭﻭﻻﺩﻩ ﺣﺴﻦ ﻭﺧﻠﻴﻔﻪ ﺟﺎﻳﻴﻦ ﻳﺠﺮﻭﺍ ...
ﻫﺎﺩﻡ ﻛﻠﻬﻢ ...
ﺷﺎﻓﻮﺍ ﻏﺎﻟﻴﻪ ﻃﺎﻳﺤﻪ ﻉ ﺭﻛﺎﺑﻬﺎ ﻭﺗﺸﻮﻑ ﻟﺒﻮﻫﺎ ﺍﻟﻠﻲ ﻃﺎﻳﺢ ﻗﺪﺍﻣﻬﺎ ﻭﺗﻌﻴﻂ ﺑﺼﻮﺕ ﻋﺎﻟﻲ ﺑﺪﻭﻥ ﻣﺎﺗﻘﻮﻝ ﻛﻠﻤﻪ ..
ﺣﺪﺍﻫﺎ ﺻﻔﺮﺓ ﺍﻟﻔﻄﻮﺭ ﻣﻠﻮﺣﻪ ...
ﺍﻟﺼﻮﻧﻴﺔ ﻣﻜﻔﻴﻪ ﻭﻣﺸﺘﺮﻋﻪ ﺣﺪﺍﻫﺎ ﺍﻟﺰﻣﻴﺘﻪ ..
ﻭﺍﻟﻄﺎﺳﻪ ﻣﻜﺴﺮﺓ ﻭﺍﻟﺤﻠﻴﺐ ﻣﺒﺰﻉ ...
ﻗﺪﻣﻠﻬﺎ ﺍﻟﻬﺎﺩﻱ ﻳﺠﺮﻱ ...
ﺍﻟﻬﺎﺩﻱ : ﻏﺎﻟﻴﻪ ... ﺻﺒﻲ ..
ﻫﻲ ﺗﻌﻴﻂ ﻭﺗﺎﺷﺮﻟﻪ ﻉ ﺑﻮﻩ ..
ﻫﻮ ﻏﻤﺾ ﻋﻴﻮﻧﻪ ﺑﺸﺪﻩ .. ﻭﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻘﻮﻝ : ﺇﻥ ﺍﻟﻠﻪ ﻭﺍﻧﺎ ﺇﻟﻴﻪ ﺭﺍﺟﻌﻮﻥ ..
ﻃﺒﺲ ﺣﻀﻨﻬﺎ ﻭﻧﻮﺿﻬﺎ ..
ﺷﺒﺢ ﻟﺨﻮﺗﻪ : ﺗﺤﺮﻛﻮﺍﺍﺍ ﺷﻦ ﻣﺼﺒﻴﻦ ﻫﻜﻲ !!
ﺍﺳﺘﺎﻗﻀﻮﺍ ﺍﻟﺘﻼﺗﻪ ..
ﻭﻗﺪﻣﻮﺍ ﻟﺒﻮﻫﻢ ﻳﺠﺮﻭﺍ ..
ﻓﻲ ﺍﻟﻮﻗﺖ ﺍﻟﻠﻲ ﻓﻴﻪ ﻓﺎﻃﻤﻪ ﻭﺍﻗﻔﻪ ﻛﺎﻧﺖ ﺗﺘﻔﺮﺝ ﻉ ﻛﻞ ﺷﻲ ﺑﺼﺪﻣﻪ ..
ﻗﺪﻣﻮﺍ ﻋﺒﺪﺍﻟﻠﻪ ﻭﻭﻻﺩﻩ ﻳﺸﻮﻓﻮﺍ ﻓﻲ ﺭﻣﻀﺎﻥ ..
ﻭﺍﻟﻬﺎﺩﻱ ﺧﺪﻱ ﻏﺎﻟﻴﻪ ﻭﻣﺸﻲ ﺑﻴﻬﺎ ﺩﺍﺧﻞ ﻭﻫﻮ ﻳﻘﻮﻝ : ﺧﻼﺹ ﺧﻼﺹ ..
ﻭﻏﺎﻟﻴﻪ ﺗﺒﻜﻲ ﺑﻌﻴﺎﻁ ..
ﻉ ﺟﻴﺔ ﺳﻌﻴﺪﻩ ﻭﺭﺯﺍﻥ ..
ﺳﻌﻴﺪﻩ ﻟﻤﺎ ﺷﺎﻓﺘﻬﻢ ﻳﻘﻴﻤﻮﺍ ﻓﻲ ﻋﻤﻬﺎ .. ﺷﻬﻘﺖ ﺑﺼﻮﺕ ﻋﺎﻟﻲ .
ﺍﻣﺎ ﺭﺯﺍﻥ ﻗﻌﺪﺕ ﺗﻘﺪﻡ ﺑﺨﻄﻮﺍﺕ ﺛﻘﻴﻠﻪ ﻭﻫﻲ ﻣﺼﺪﻭﻣﻪ ..
ﺷﺒﺤﺘﻬﻢ ﻛﻴﻒ ﻳﺮﻓﻌﻮﺍ ﻓﻴﻪ ﻟﻠﺴﻴﺎﺭﺓ ..
ﻭﻭﺟﻮﻫﻬﻢ ﺭﺍﺣﺖ ﺳﻮﺩﺍ ..
ﻭﺟﺪﻫﺎ ﻋﺒﺪﺍﻟﻠﻪ ﺍﻟﻠﻲ ﻫﻮ ﺧﻮﻩ ﻭﺭﺍﻫﻢ ﻋﻴﻮﻧﻪ ﺩﻣﻌﻮﺍ ﻭﻫﻮ ﻳﻘﻮﻝ ..
" ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .."
ﻗﻌﺪﺕ ﺑﻌﻴﻮﻧﻬﺎ ﻣﻌﺎﻫﻢ .. ﻟﻴﻦ ﺭﻛﺒﻮﻩ ﺳﻴﺎﺭﺓ ﻫﺎﻧﻴﺒﺎﻝ ..
ﻭﺭﻛﺒﻮﺍ ﻣﻌﺎﻩ ﺣﺴﻦ ﻭﻣﺤﻤﺪ ..
ﻭﺧﻠﻴﻔﻪ ﻣﺸﻲ ﻣﻊ ﻋﻤﺮ ﻟﺴﻴﺎﺭﺗﻪ ..
ﺳﻌﻴﺪﺓ ﺗﻌﻴﻂ ﻭﺗﻨﺪﺏ ...
ﻭﺳﻤﻴﻪ ﻃﻠﻌﺖ ﻣﻦ ﺣﻮﺷﻬﺎ ﺗﺠﺮﻱ ﻭﻫﻲ ﺗﺒﻜﻲ ..
ﻣﺸﺖ ﻃﻮﻝ ﻟﻌﺰﻭﺗﻬﺎ ﺍﻟﻠﻲ ﻛﺎﻧﺖ ﻣﺼﺪﻭﻣﻪ ..
ﺳﻤﻴﻪ ﺑﺒﻜﻲ : ﻋﻤﺘﻲ ... ﻋﻤﺘﻲ ...
ﺍﻟﻬﺎﺩﻱ ﻭﻏﺎﻟﻴﻪ ﺍﺳﺘﻘﺎﺿﻮﻟﻬﺎ ..
ﻏﺎﻟﻴﻪ ﻓﻜﺖ ﺭﻭﺣﻬﺎ ﻣﻦ ﺍﻟﻬﺎﺩﻱ ﻭﺟﺖ ﻷﻣﻬﺎ ﺷﺪﺕ ﻭﺟﻬﻬﺎ ﺑﺈﻳﺪﻳﻬﺎ ﻭﻫﻲ ﺗﻘﻮﻝ : ﻳﻤﻲ ... ﻳﻤﻲ ...
ﺍﻟﻬﺎﺩﻱ : ﻳﻤﻲ !
ﻓﺎﻃﻤﻪ ﻭﻫﻲ ﺗﺸﻮﻑ ﻟﻠﻤﻜﺎﻥ ﺍﻟﻠﻲ ﻛﺎﻥ ﻃﺎﻳﺢ ﻓﻴﻪ : ﺃﻭﻝ ﺍﻣﺲ .. ﻗﺎﻟﻲ ﻧﺤﺰﻱ ﻓﺮﻭﺣﻲ ﻓﻲ ﺍﻟﺤﻠﻢ ﻋﻴﻮﻧﻲ ﻣﻔﻘﻮﻋﺎﺕ .. ﺷﻦ ﺗﻔﺴﺮﻳﻬﺎ ﻳﺎﻓﺎﻃﻤﻪ؟ !
ﺍﻧﻲ ﻧﻌﻠﻢ ﺷﻨﻮ ﺗﻔﺴﻴﺮﻫﺎ ﻟﻜﻦ ﻗﺘﻠﻪ .. ﻭﻳﻦ ﻧﻌﻠﻢ ﻋﻠﻴﻬﻦ ﺍﻷﺣﻼﻡ ﺍﻧﻲ !!..
ﻧﺰﻟﻮﺍ ﺩﻣﻮﻉ ﺍﻟﻬﺎﺩﻱ ..
ﻭﺳﻤﻴﺔ ﻭﺳﻌﻴﺪﻩ ﻗﻌﺪﻭﺍ ﻳﺒﻜﻮﺍ ﺑﻌﺒﺮﺗﻬﻢ ..
ﻭﻏﺎﻟﻴﻪ ﺗﺒﻜﻲ ﺑﺼﻤﺖ ﻭﻫﻲ ﺗﺸﻮﻑ ﻟﻤﻜﺎﻥ ﻃﻴﺤﺘﻪ ..
ﻉ ﺟﻴﺔ .. ﻋﺰﻳﺰﺓ ﻭﺍﻣﻬﺎ ﻭﻛﻨﺘﻬﻢ ﺻﺒﺮﻳﻪ .. ﺍﻟﻠﻲ ﻗﻌﺪﻭﺍ ﻳﺒﻜﻮﺍ ﻣﻌﺎﻫﻢ ..
ﻭﺭﺯﺍﻥ ﺗﺘﻔﺮﺝ ﻋﻠﻴﻬﻢ ...
ﻗﺎﻋﺪﻩ ﻣﺶ ﻣﺴﺘﻮﻋﺒﻪ ...
> : ﻧﻔﻜﺮ ﻧﺰﺭﻉ ﺭﻣﺎﻥ ﻳﺎﺟﺪﻱ ... ﺷﻦ ﺭﺍﻳﻚ ﺍﻟﻌﺎﻡ ﺍﻟﺠﺎﻱ ﻧﺰﺭﻋﻮﻩ ..
ﺿﺤﻚ ﺭﻣﻀﺎﻥ ﻟﻴﻦ ﻛﺢ ﻭﻗﺎﻝ؛ﺗﻲ ﻏﻴﺮﻧﻌﻴﺶ ﻟﻐﺪﻭﺓ <<..
ﻧﺰﻟﻮﺍ ﺩﻣﻮﻋﻬﺎ ...
ﻭﺷﻮﻳﻪ ﺷﻮﻳﻪ ﺑﺪﺕ ﺗﺒﻜﻲ ﺑﺎﻟﻌﺒﺮﺓ ..
🍁🍁🍁🍁🍁🍁🍁
🍃 ﺍﻷﺻﻌﺐ ﻣﻦ ﺳﻤﺎﻉ ﺧﺒﺮ ﺍﻟﻤﻮﺕ ..
ﻧﻘﻠﻪ ...
ﻳﻌﻨﻲ ﺳﻌﺪ ﺗﻮﺍ ﺍﻟﻠﻲ ﻛﻴﻒ ﺻﻜﺮ ﻣﻦ ﺣﻤﻴﺪ ﺑﻌﺪ ﺑﻠﻐﻪ ﺑﻤﻮﺕ ﺍﻟﺤﺎﺝ ﺭﻣﻀﺎﻥ .. ﻣﺶ ﻋﺎﺭﻑ ﻛﻴﻒ ﺑﻴﻘﻮﻝ ﻟﻤﺮﺗﻪ ..
ﻛﻔﺎﻳﻪ ﺍﻟﻠﻲ ﻟﻴﻬﺎ ﻓﺘﺮﺓ ﺧﺎﺷﻪ ﻓﻲ ﺣﺎﻟﺔ ﻛﺂﺑﻪ ﻉ ﺧﺎﻃﺮ ﻭﻟﺪﻫﺎ ..
ﻛﻴﻒ ﺑﻴﻘﻮﻟﻠﻬﺎ ﺗﻮﺍ ﺑﻮﻙ ﻣﺎﺕ !!
ﺧﺎﻑ ﺗﺼﻴﺮﻟﻬﺎ ﺣﺎﺟﻪ ..
ﻟﻜﻦ ﻟﻸﺳﻒ ﻻﻣﻔﺮ .. ﻻﺯﻡ ﻳﻘﻮﻝ ..
ﻣﺸﻲ ﺑﺨﻄﻮﺍﺕ ﺳﺮﻳﻌﻪ ﻟﻠﻜﻮﺟﻴﻨﻪ ...
ﻟﻘﺎﻫﺎ ﺑﺘﺤﻂ ﺍﻟﺒﻜﺮﺝ ﻉ ﺍﻟﻨﺎﺭ ..
ﻭﻗﻒ ﻉ ﺍﻟﺒﺎﺏ ..
ﺑﻠﻊ ﺭﻳﻘﻪ ﻭﻗﺎﻝ : ﻛﻔﺎﻳﻪ ..
ﻫﻲ ﺟﺎﻳﻪ ﺑﺘﻮﻟﻊ ﺍﻟﻐﺎﺯ ﻭﻗﻔﺖ .. ﺍﻟﺘﻔﺘﻠﻪ ﻭﻫﻲ ﺗﺘﺴﺎﺋﻞ ﺑﻨﻈﺮﺍﺕ ﻋﻴﻮﻧﻬﺎ ﺍﻟﻠﻲ ﻛﻠﻬﺎ ﺧﻮﻑ .. ﻣﺎﺟﺎﺵ ﻓﻲ ﺑﺎﻟﻬﺎ ﺷﻲ ﻏﻴﺮ ﻭﻟﺪﻫﺎ ..
ﺳﻌﺪ ﻓﻬﻢ ﻟﻤﺎ ﺷﺎﻑ ﻛﻴﻒ ﻭﺟﻬﻬﺎ ﻭﻻ ﺷﺎﺣﺐ ﺍﻟﻠﻮﻥ ..
ﻭﻳﺪﻫﺎ ﺗﺮﻋﺶ ﺍﻧﻬﺎ ﺗﺤﺴﺎﺏ ﺍﻟﺨﺒﺮ ﻳﺨﺺ ﻋﻤﺎﺩ ..
ﻗﺎﻝ ﻃﻮﻝ : ﻋﻤﻲ ﺭﻣﻀﺎﻥ ﺗﻮﻓﻰ ...
🍁🍁🍁🍁🍁
🍃 ﻧﻔﺲ ﺍﻟﺤﺎﻟﻪ
ﻛﺎﻥ ﻓﻴﻬﺎ ﺧﻴﺮﻱ ..
ﻋﺎﺭﻑ ﺯﻳﻨﺐ ﺗﺘﺎﺛﺮ ﺑﻘﻮﺓ ..
ﻟﻜﻦ ﻫﻮ ﻃﻮﻝ ﻣﺸﺎﻟﻬﺎ ..
ﻟﻘﺎﻫﺎ ﻛﻴﻒ ﻃﻠﻌﺖ ﻣﻦ ﺩﺍﺭ ﺍﻟﻨﻮﻡ ..
ﺯﻳﻨﺐ : ﻭﺭﺍﺱ ﺧﻴﺮﻱ ﺑﺘﺨﺶ ﺗﺒﺪﻝ ﺑﺎﻟﺸﻮﻳﻪ ﻣﺎﺗﻨﻮﺿﺶ ﺍﻟﺒﻨﺖ ﻧﺒﻲ ﻧﺨﺶ ﻧﺪﻭﺵ ﺑﺮﺍﺣﺘﻲ ﻗﺒﻞ ﺗﻨﻮﺽ ﻭﺗﻌﻜﺶ ﻓﻴﺎ ..
ﻛﻴﻒ ﺟﺎﻳﻪ ﺑﺘﻔﻮﺕ ﻣﻦ ﺣﺪﺍﻩ ..
ﺷﺪ ﺫﺭﺍﻋﻬﺎ ..
ﻫﻲ ﻗﻌﺪﺕ ﺗﺸﺒﺤﻠﻪ ﺑﺈﺳﺘﻐﺮﺍﺏ ..
ﺧﻴﺮﻱ ﺗﻨﻬﺪ ﻭﻗﺎﻝ : ﺯﻳﻨﺐ ... ﻋﻈﻢ ﺍﻟﻠﻪ ﺍﺟﺮﻙ ﻓﺒﻮﻙ ..
🍁🍁🍁🍁🍁
🍃 ﺑﺲ ﻣﺶ ﺯﻱ ﺍﻟﺤﺎﻟﻪ ﺍﻟﻠﻲ ﻓﻴﻬﺎ ﻋﺒﺪﺍﻟﺴﻼﻡ ..
ﺍﻟﻠﻲ ﺣﻮﺷﻪ ﻣﺎﺯﺍﻝ ﻓﻴﻪ ﺍﻟﺤﺰﻥ ﺟﺪﻳﺪ ..
ﻫﻮ ﺷﺎﻳﻒ ﻧﻌﻴﻤﻪ ﻣﺼﺪﺭ ﻗﻮﺓ ﻟﺪﻻﻝ ..
ﻭﻧﻌﻴﻤﻪ ﺑﻄﺒﻌﻬﺎ ﺭﻗﻴﻘﺔ ﻭﺣﺴﺎﺳﻪ ﻓﻲ ﺍﻱ ﺷﻲ ﻳﺨﺺ ﺍﻫﻠﻬﺎ ..
ﺑﻌﺪ ﻛﺎﻥ ﻓﻲ ﺍﻟﺠﻨﺎﻥ ..
ﺧﺶ ﻟﻠﺤﻮﺵ ...
ﻗﺎﺑﻼﺗﻪ ﺩﻻﻝ ﻃﺎﻟﻌﻪ ﻣﻦ ﺍﻟﺤﻤﺎﻡ ﺑﻌﺪ ﻛﺎﻧﺖ ﺗﺮﺟﻊ ﺩﺍﺧﻞ ..
ﻧﻌﻴﻤﻪ : ﺧﺸﻲ ﺍﺭﻗﺪﻱ ﻣﺎﻣﺎ ﺗﻮ ﻧﻐﻴﺮ ﻟﻤﻌﻤﺮ ..
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺧﺸﺖ ﺍﻟﺪﺍﺭ ..
ﺗﻨﻬﺪﺕ ﻧﻌﻴﻤﻪ ﻭﻣﺸﺖ ﻃﻮﻝ ﻟﺪﺍﺭ ﺍﻟﻨﻮﻡ ..
ﺧﺸﺖ ﺟﺎﺑﺖ ﻣﻨﻬﺎ ﻛﻠﻴﻨﻜﺲ ﻣﺒﻠﻞ ..
ﻟﻤﺎ ﻃﻠﻌﺖ ﻣﻨﻬﺎ ..
ﺭﻛﺰﺕ ﻉ ﻋﺒﺪﺍﻟﺴﻼﻡ ﻭﺍﻗﻒ ﻓﻲ ﺑﺎﺏ ﺍﻟﻔﺎﺻﻞ ﺑﻴﻦ ﺍﻟﺪﻳﺎﺭ ﺍﻟﻤﻤﺮ ﺍﻟﻠﻲ ﻳﺮﻓﻊ ﻟﺒﺎﺏ ﺍﻟﺤﻮﺵ ..
ﻳﺸﺒﺤﻠﻬﺎ ..
ﻫﻲ ﻃﻮﻝ ﻣﺸﺘﻠﻪ ...
ﻭﺻﻠﺖ ﻓﻴﻪ : ﻧﻤﺸﻮﺍ ﻧﺮﻓﻌﻮﻫﺎ ﻟﻠﻌﻴﺎﺩﺓ ﺍﻟﻴﻮﻡ ﻳﺮﻛﺒﻮﻟﻬﺎ ﺗﻐﺪﻳﻪ .. ﻭﺣﻤﻬﺎ ﻭﺍﻋﺮ ﺍﻟﻤﺮﺓ ﻫﺎﺩﻱ ﻣﺎﺗﺨﻠﻲ ﻓﺸﻲ ﻓﺒﻄﻨﻬﺎ ..
ﻋﺒﺪﺍﻟﺴﻼﻡ ﻭﺯﻉ ﻧﻈﺮﻩ ﺣﻮﺍﻟﻴﻪ ..
ﻧﻌﻴﻤﻪ ﺑﺄﻟﻢ : ﺍﻟﻠﻪ ﻏﺎﻟﺐ ﺑﻨﻴﺘﻲ ﻫﺪﺍ ﻧﺼﻴﺒﻬﺎ ﻭﺣﻈﻬﺎ ...
ﺷﺒﺤﻠﻬﺎ ...
ﺑﻌﺪﻳﻦ ﻗﺪﻡ ... ﻭﺣﻀﻨﻬﺎ ... ﻭﻗﺎﻝ : ﻧﻌﻴﻤﻪ ... ﺑﻮﻙ ﺗﻮﻓﻰ ..
ﻓﻨﺼﺖ ﻧﻌﻴﻤﻪ ...
ﻫﻮ ﻗﻌﺪ ﻳﻤﺴﺢ ﻉ ﻇﻬﺮﻫﺎ ﻭﻫﻮﺳﺎﻛﺖ ..
ﻧﻌﻴﻤﻪ ﺑﺼﺪﻣﻪ : ﺷﻨﻮ ...!! ﻗﻌﺪﺕ ﺗﺘﻨﻔﺲ ﺑﻘﻮﺓ .. ﻭﺑﺪﺕ ﺗﺒﻜﻲ ..
ﻭﺗﺸﻬﻖ .. ﻭﺗﻌﻴﻂ ﻓﻲ ﻧﻔﺲ ﺍﻟﻮﻗﺖ ..
ﻭﻋﺒﺪﺍﻟﺴﻼﻡ ﻳﺰﻳﺪﻳﺤﻀﻦ ﻓﻴﻬﺎ ..
ﺯﻱ ﻣﺎﻫﻲ ﺩﺍﺭﺕ ﻟﻤﺎ ﻣﺎﺕ ﺑﻮﻩ ..
☘ ﻋﺒﺪﺍﻟﺴﻼﻡ ﻣﻦ ﺍﻟﺮﺟﺎﻟﻪ ﺍﻟﻠﻲ ﺗﺄﺛﺮ ﻓﻴﻬﻢ ﺍﻟﻤﻮﺍﻗﻒ .. ﺍﻟﻠﻲ ﺩﺍﺭﺍﺗﻪ ﻣﻌﺎﻩ ﻧﻌﻴﻤﻪ ﻃﻮﻝ ﻓﺘﺮﺓ ﺯﻭﺍﺟﻬﻢ ﺑﺮﻏﻢ ﻛﻞ ﺍﻟﻠﻲ ﺩﺍﺭﻩ ﻓﻴﻬﺎ ﺧﻼﺗﻪ ﻳﺤﺘﺮﻣﻬﺎ .... ﻭﻫﺎﻹﺣﺘﺮﺍﻡ ﺗﺤﻮﻝ ﻣﻊ ﻛﻞ ﻣﻮﻗﻒ ﺗﺒﺎﻥ ﻓﻴﻪ ﻧﻌﻴﻤﻪ ﺑﻨﺖ ﺍﺻﻞ ﻟﺤﺐ ... ﻣﻦ ﺍﻻﻭﻝ ﻛﺎﻥ ﻋﺎﺭﻑ ﺍﻥ ﻣﺎﻓﻴﺶ ﻣﺮﺍﺓ ﺗﺘﺤﻤﻞ ﻃﺒﺎﻋﻪ ﺍﻟﺴﻴﺌﺔ ﻏﻴﺮﻫﺎ ﻟﻬﺪﺍ ﻣﺎﻗﺪﺭﺵ ﻳﺨﻠﻴﻬﺎ .. ﻭﺑﻌﺪ ﻣﺮﻭﺭ ﺍﻟﺴﻨﻴﻦ ﺑﻜﻞ ﻣﺎﻓﻴﻬﺎ ﻣﻦ ﺍﺣﺪﺍﺙ .. ﺑﺪﻱ ﻳﻨﻀﺞ ﺍﻛﺜﺮ ..
ﻭﺣﺒﻪ ﻟﻨﻌﻴﻤﻪ ﺍﻟﻠﻲ ﺟﻲ ﻣﺘﺄﺧﺮ ﻛﺎﻥ ﻗﻮﻱ ﻟﺪﺭﺟﺔ ﻗﺪﺭ ﻳﻐﻴﺮ ﻓﻲ ﻋﺒﺪﺍﻟﺴﻼﻡ ﻫﻠﺒﻪ ﺣﺎﺟﺎﺕ ...
ﻭﻣﻤﻜﻦ ﻣﻌﺪﻥ ﻋﺒﺪﺍﻟﺴﻼﻡ ﻓﻲ ﺍﻷﺻﻞ ﻃﻴﺐ ﻟﻬﺎﻟﺴﺒﺐ ﺗﻐﻴﺮ☘
🍁 ﻃﻠﻌﺖ ﻧﻮﺭ ﻣﻦ ﺍﻟﺪﺍﺭ ﻟﻤﺎ ﺳﻤﻌﺖ ﺑﻜﻲ ﺍﻣﻬﺎ ..
ﻗﻌﺪﺕ ﺗﺸﻮﻓﻠﻬﻢ ﻭﻫﻲ ﻣﻔﺠﻮﻋﻪ ..
ﻭﺩﻻﻝ ﺩﺍﺧﻞ ﺭﺍﻗﺪﻩ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺳﻤﻌﻮﺍ ﺻﻮﺕ ﺍﻣﻬﻢ ﻭﻫﻲ ﺗﻘﻮﻝ ﺑﻌﻴﺎﻁ ..
ﺑﻮﻭﻭﻭﻱ ... ﺑﻮﻭﻭﻱ ... ﺑﻮﻭﻭﻭﻱ ...
ﺣﻄﺖ ﻧﻮﺭ ﻳﺪﻫﺎ ﻉ ﻓﻤﻬﺎ ... ﻭﺑﺪﺕ ﺗﺒﻜﻲ ﻭﺑﻜﺎﻫﺎ ﻭﻻ ﺑﺎﻟﻌﺒﺮﺓ ..
ﻭﺩﻻﻝ ﺩﻣﻮﻋﻬﺎ ﻣﻦ ﻏﻴﺮ ﺷﻲ ﻣﺎﻭﻗﻔﻮﺵ ﺻﺒﺎﻥ ..
ﺟﻮﺍﺩ ﻭﻣﺠﺪ ﻧﺎﺿﻮﺍ ﻣﺨﻠﻮﻋﻴﻦ ..
ﻃﻠﻌﻮﺍ ﻣﻦ ﺩﺍﺭ ﺍﻟﻨﻮﻡ ﻭﻫﻤﺎ ﻳﺒﻜﻮﺍ ..
ﺟﺘﻬﻢ ﻧﻮﺭ ﺣﻀﻨﺘﻬﻢ ﻭﻗﻌﺪﺕ ﺗﺴﻜﺖ ﻓﻴﻬﻢ ...
🍁🍁🍁🍁🍁🍁
🍃 ﺣﻤﻴﺪﻩ ...
ﺣﻤﻴﺪﻩ : ﻫﻲ ﺷﻮﻳﻪ ﻳﺎﺻﺪﻳﻖ ﺍﻟﻘﻬﻮﺓ ﻗﺮﻳﺐ ﺗﻮﺗﻲ ..
ﺟﺎﻫﺎ ﻟﻠﻜﻮﺟﻴﻨﻪ ﻭﺧﺶ ﻋﻠﻴﻬﺎ : ﻃﻔﻲ ﻋﻠﻴﻬﺎ ﻭﻫﻲ ﺍﻟﺒﺴﻲ ﺑﺴﺮﻋﻪ ..
ﺣﻤﻴﺪﻩ ﻃﻔﺖ ﺍﻟﻐﺎﺯ ﻭﺷﺒﺤﻠﺘﻪ ﺑﺈﺳﺘﻐﺮﺍﺏ : ﺷﻨﻮ ﻓﻲ؟ !
ﺍﻟﺼﺪﻳﻖ : ﺳﻴﺪﻙ ﻣﺮﺽ ﺍﻟﻴﻮﻡ ﺍﻟﺼﺒﺢ ﻭﻗﻠﻮﻩ ﺍﻟﻤﺴﺘﺸﻔﻰ ..
ﺷﺒﺤﺘﻠﻪ ﺷﻮﻳﻪ ﻭﻗﺎﻟﺖ : ﻣﺎﺕ ﻭﻻ؟ !
ﺍﻟﺼﺪﻳﻖ ﺯﻓﺮ ﺑﻘﻮﺓ .. ﺑﻌﺪﻳﻦ ﻣﺴﺢ ﺑﻴﺪﻩ ﻉ ﻭﺟﻬﻪ
🌾🌾🌾🌾🌾🌾🌾
🍃 ﺍﻏﻠﺐ ﺍﻫﻞ ﺍﻟﻘﺒﻴﻠﻪ ﺍﻟﻠﻲ ﻳﻨﺘﻤﻴﻠﻬﺎ ﺍﻟﺤﺎﺝ ﺭﻣﻀﺎﻥ ﻛﺎﻧﻮﺍ ﻓﻲ ﺣﻮﺷﻪ ..
ﺍﺻﻮﺍﺕ ﺍﻟﻨﺤﻴﺐ ﻭﺍﻟﺒﻜﺎﺀ ﺗﺼﺪﺡ ﻓﻲ ﺍﻟﻘﻄﻌﻪ ﻛﻠﻬﺎ ..
ﺑﻌﺪ ﻭﺻﻠﺖ ﺣﻤﻴﺪﻩ ... ﺍﻣﺎﻝ ﺟﺖ ﻭﻛﺎﻧﺖ ﺑﺘﺘﻘﻄﻊ ﻣﻦ ﺍﻟﺒﻜﻲ ﻉ ﻋﻤﻬﺎ ..
ﻭﺷﻮﻳﻪ ﻭﻭﺻﻠﻮﺍ ﺍﻟﺒﻨﺎﺕ ..
ﺍﻭﻝ ﻣﻦ ﻭﺻﻞ ﺯﻳﻨﺐ ..
ﺍﻟﻠﻲ ﻧﺰﻟﺖ ﺗﺠﺮﻱ ﻣﻦ ﺍﻟﺴﻴﺎﺭﺓ .. ﻭﻫﻲ ﺗﻘﻮﻝ ..
ﻭﻳﻨﻪ ... ﻭﻳﻨﻪ ... ﺑﻮﻱ ﻭﻳﻨﻪ ... ﺳﻴﺪﻱ .. ﻳﺎﺳﻴﺪﻱ ..!!
ﻭﻣﺸﺖ ﺗﺠﺮﻱ ﻟﻤﺮﺑﻮﻋﺘﻪ ﺍﻟﻠﻲ ﺍﺗﺨﺪﻫﺎ ﻏﺮﻓﺔ ﺧﺎﺻﻪ ﺑﻴﻪ ﻓﻲ ﺍﻟﺴﻨﻴﻦ ﺍﻷﺧﻴﺮﺓ ..
ﻟﻘﺘﻬﺎ ﻣﺴﻜﺮﺓ ..
ﺗﺤﺎﻭﻝ ﺗﻔﺘﺤﻬﺎ ﻭﻫﻲ ﺗﻘﻮﻝ ﺑﺎﻟﻌﻴﺎﻁ ..
" ﺳﻴﺪﻱ .."
ﺑﻌﺪﻳﻦ ﻗﻌﺪﺕ ﺗﺨﺒﻂ ﺑﺈﻳﺪﻳﻬﺎ ﺍﻟﺰﻭﺯ ﻋﻠﻴﻬﺎ ..
ﻭﻭﺧﻮﺍﺗﻬﺎ ﻭﺑﻨﺎﺗﻬﺎ ﻳﺸﻮﻓﻠﻬﺎ ﻭﻳﺒﻜﻮﺍ ﺑﺎﻟﻌﺒﺮﺓ ..
ﺍﻣﺎ ﺍﻣﻬﺎ ﺟﺘﻬﺎ ﺷﺪﺗﻬﺎ ﺑﻘﻮﺓ ..
ﻓﺎﻃﻤﻪ ﺑﺒﻜﻲ : ﺧﻼﺹ ﻳﺎﺑﻨﻴﺔ ﺭﻭﺣﻲ ..
ﺯﻳﻨﺐ : ﺑﻮﻭﻭﻱ ﻳﻤﻲ ﻫﺪﺍ ﺑﻮﻱ ﻛﺒﻴﺮﻧﺎ ... ﺑﻮﻱ ﻳﻤﻲ .. ﺑﻮﻱ ..
ﺍﺭﺗﻤﺖ ﻓﻲ ﺣﻀﻦ ﺍﻣﻬﺎ ﻭﻫﻲ ﺗﻘﻮﻝ ﺑﺎﻟﻌﺒﺮﺓ : ﻛﺐ .. ﻳﺮﻧﺎ .. ﺭﺍﺡ ..
ﺍﻟﻨﺎﺱ ﺩﺍﺧﻞ ﻳﺒﻜﻮﺍ ﻟﻴﻦ ﺧﻼﺹ ..
ﻭﺳﻌﻴﺪﻩ ﻭﺍﻗﻔﻪ ﺗﺸﻮﻓﻠﻬﺎ ﻭﺗﺒﻜﻲ ..
ﻉ ﺟﻴﺔ ﻛﻔﺎﻳﻪ ..
ﺍﻟﻠﻲ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻫﻲ ﺑﺘﻤﻮﺕ ﺑﺎﻟﺒﻜﻲ ..
ﺳﺎﻧﺪﻫﺎ ﻣﺎﻟﻚ ...
ﻟﻴﻦ ﻭﺻﻞ ﺑﻴﻬﺎ ﻟﻴﻬﻢ ..
ﺷﺎﻓﺖ ﺍﻣﻬﺎ : ﺑﻮﻱ .. ﻳﻤﻲ ... ﺣﻖ ﻣﺎﺕ !!
ﺯﻳﻨﺐ ﻭﺧﺮﺕ ﻣﻦ ﻉ ﺍﻣﻬﺎ ﻭﻗﺪﻣﺖ ﻷﺧﺘﻬﺎ : ﺭﺍﺡ ﻳﺎﻛﻔﺎﻳﻪ ﺍﻟﺤﺎﺝ ﺭﻣﻀﺎﻥ ﺭﺍﺡ ..
ﻭﺣﻀﻨﺘﻬﺎ ﻭﻗﻌﺪﻭﺍ ﻳﺒﻜﻮﺍ ﺑﺎﻟﻌﺒﺮﺓ ..
ﻣﺎﻟﻚ ﻃﻮﻝ ﻣﺸﻲ ﻭﻳﻦ ﻣﺎﻓﻲ ﺍﻟﺮﺟﺎﻟﻪ ﻭﺩﻣﻮﻋﻪ ﻳﻨﺰﻟﻮﺍ ..
ﻉ ﻭﺻﻠﺔ ﺣﻤﻴﺪ ﻭﻧﻌﻴﻤﻪ ﻣﻊ ﺑﻌﺾ ...
ﻧﻌﻴﻤﻪ ﺍﻭﻝ ﻣﺎﺩﺭﺳﺖ ﺍﻟﺴﻴﺎﺭﺓ ..
ﻣﺎﻗﺪﺭﺗﺶ ﺗﻨﺰﻝ ﻗﻌﺪﺕ ﺗﺒﻜﻲ ﺑﺎﻟﻌﺒﺮﺓ ﻓﻴﻬﺎ ﻭﻫﻲ ﺗﻘﻮﻝ :
ﻛﻴﻒ ﺑﻨﻨﺰﻝ .. ﻛﻴﻒ .. ﻭﻫﻮ ﻣﺶ ﻭﺍﻗﻒ ﻗﺪﺍﻣﻲ ﻳﺮﺍﺟﻲ ﻓﻴﺎ .. ﻓﺮﺣﺎﻥ ﺑﺠﻴﺘﻲ ﺑﺶ ﻳﺴﻠﻢ ﻋﻠﻴﺎ ﻗﻮﻟﻮﻟﻲ ﻛﻴﻒ ..
ﻋﺒﺪﺍﻟﺴﻼﻡ ﺗﻨﻬﺪ ﺑﺤﺮﻗﻪ ﻭﻗﺎﻝ؛ﻻﺇﻟﻪ ﺍﻻﺍﻟﻠﻪ ..
ﻧﻮﺭ ﻭﺩﻻﻝ ﻣﺎﻗﺪﺭﻭﺵ ﻳﻨﺰﻟﻮﺍ ﺣﺘﻰ ﻫﻤﺎ ﻟﻤﺎ ﺳﻤﻌﻮﺍ ﻛﻼﻡ ﺍﻣﻬﻢ ﻫﻤﺎ ﻳﺒﻜﻮﺍ ..
ﻭﺍﻟﺼﻐﺎﺭ ﻳﺒﻜﻮﺍ ﻣﻌﺎﻫﻢ ..
ﻟﻌﻨﺪ ﻣﺎﻃﻖ ﺣﻤﻴﺪ ﻣﺮﺵ ﺍﻟﺴﻴﺎﺭﺓ .. ﻭﺍﺷﺮ ﻟﻌﺒﺪﺍﻟﺴﻼﻡ ﻳﻔﺘﺢ ﺍﻟﺒﺎﺏ ..
ﻋﺒﺪﺍﻟﺴﻼﻡ ﻓﺘﺢ ﺍﻟﺘﺄﻣﻴﻨﻪ ..
ﻓﺘﺢ ﺍﻟﺒﺎﺏ ﺣﻤﻴﺪ : ﻫﻴﺎ ﻧﻌﻴﻤﻪ ﺍﻧﺰﻟﻲ ﻫﻴﺎ .. ﻫﺪﺍ ﺍﻣﺮ ﺍﻟﻠﻪ ﻛﻠﻨﺎ ﻟﻴﻬﺎ ..
ﻧﻌﻴﻤﻪ ﺑﺤﺮﻗﻪ : ﻣﺶ ﻗﺎﺩﺭﺓ ﻳﺎﻭﺧﻴﻲ ﻭﺍﻟﻠﻪ ﻣﺎﻧﻲ ﻗﺎﺩﺭﺓ ..
ﺷﺪﻫﺎ ﻣﻦ ﻳﺪﻫﺎ ﻭﺑﺪﻱ ﻳﻨﺰﻝ ﻓﻴﻬﺎ ..
ﻧﺰﻟﺖ ﻣﻌﺎﻩ ﻭﻫﻲ ﺗﺒﻜﻲ ﺑﺎﻟﻌﺒﺮﺓ ..
ﺣﻀﻨﺎﺗﻪ .. ﻭﻫﻮ ﺣﻀﻨﻬﺎ ﻭﺩﻣﻮﻋﻪ ﻧﺰﻟﻮﺍ .. ﻭﻗﻌﺪ ﻳﻤﺸﻲ ﻭﻫﻮ ﻭﻳﺎﻫﺎ ﻟﻠﺤﻮﺵ ..
ﻭﻭﺭﺍﻩ ﻟﻄﻴﻔﻪ ﻭﺭﻓﻘﻪ ﻳﺒﻜﻮﺍ ..
ﻭﺍﻟﻮﻻﺩ ..
ﻭﺑﻨﺎﺕ ﻧﻌﻴﻤﻪ ﻧﺰﻟﻮﺍ ﺑﺎﻟﺼﻐﺎﺭ ﻭﻟﺤﻘﻮﻫﻢ ..
ﻭﺻﻠﻮﺍ ﻓﻴﻬﻢ ..
ﺯﻳﻨﺐ ﺷﺎﻓﺘﻬﻢ : ﺳﻴﺪﻱ ﻳﺎﺣﻤﻴﺪ .. ﺳﻴﺪﻱ ﻳﺎﻧﻌﻴﻤﻪ ..
ﻧﻌﻴﻤﻪ ﻣﺮﺭﺕ ﻧﻈﺮﻫﺎ ﻉ ﺍﻟﻤﺮﺑﻮﻋﻪ ﻭﺍﻟﺘﺮﺍﻛﺘﻮﺭ ﻭﺍﻟﺠﺮﺩﻳﻨﻪ : ﻣﺮﺑﻮﻋﺘﻪ ... ﺍﻟﻄﺮﻃﻮﺭﻱ ... ﺍﻟﺠﺮﺩﻳﻨﻪ .. ﻭﻭﻭﻭﻭﻭﻙ ﻋﻠﻴﺎ .. ﻧﺸﻮﻑ ﻓﻴﻪ ﻗﺎﻋﺪﻩ ... ﻧﺸﻮﻑ ﻓﻴﻪ .. ﻣﻦ ﻗﺎﻝ ﻳﺠﻲ ﻧﻬﺎﺭ ﻧﺠﻲ ﻓﻴﻪ ﻭﺳﻴﺪﻱ ﻣﺎﻳﻼﻗﻨﻴﺶ ...
ﻛﻼﻡ ﻧﻌﻴﻤﻪ ﺧﻼ ﺍﻟﻜﻞ ﻳﻨﻬﺎﺭ ...
ﻭﺍﻟﻨﺎﺱ ﺍﻟﻠﻲ ﺩﺍﺧﻞ ﻣﻦ ﻛﺜﺮ ﻣﺎﺗﺎﺛﺮﻭﺍ .. ﺑﻜﺎﻫﻢ ﻛﺎﻥ ﺑﺎﻟﻌﺒﺮﺓ ..
🍃 ﻛﺒﻴﺮﻫﻢ .. ﻣﻬﻤﺎ ﻛﺎﻥ ..
ﺣﺘﻰ ﻟﻮ ﻛﺎﻥ ﻣﺶ ﻫﺪﺍﻛﺎ ﺍﻷﺏ ﺍﻟﻤﺜﺎﻟﻲ .. ﺑﺲ ﻟﻮﺟﻮﺩﻩ ﻗﻴﻤﻪ ﻛﺒﻴﺮﺓ ﻓﻨﻔﻮﺳﻬﻢ ﻣﻬﻤﺎ ﻛﺎﻧﺖ ﻋﻼﻗﺘﻬﻢ ﺑﻴﻪ ..
ﺭﻣﻀﺎﻥ ﻣﺎﻗﺼﺮﺵ ﻣﻌﺎﻫﻢ ﻓﺸﻲ ..
ﺣﺘﻰ ﻣﻨﻴﻦ ﻳﺠﻮﻩ ﻳﻜﺒﺮ ﺑﻴﻬﻢ ﻳﺬﺑﺤﻠﻬﻢ ﻓﻲ ﻛﻞ ﺟﻴﺔ ..
ﻭﻳﻤﻮﺕ ﻓﺼﻐﺎﺭﻫﻢ ﻋﻼﻗﺘﻪ ﺑﻴﻬﻢ ﻓﺮﻳﺪﻩ ..
ﺑﻮﻫﻢ ﻳﻘﻌﺪ ﺣﺘﻰ ﻟﻮ ﻓﻲ ﺍﻗﻮﻯ ﻣﻮﺍﻗﻒ ﺣﻴﺎﺗﻬﻢ ﺟﻲ ﺿﺪﻫﻢ ﻳﻘﻌﺪ ﺑﻮﻫﻢ 🍃...
🍁 ﺍﻭﻝ ﻓﺎﺟﻌﺔ ﻣﻮﺕ ﺗﺼﻴﺮ ﻓﻲ ﺍﻱ ﻋﻴﻠﻪ ﻳﻜﻮﻥ
ﻭﻗﻌﻬﺎ ﻗﻮﻱ ﻋﻠﻴﻬﻢ .. ﺑﺎﻟﺬﺍﺕ ﻟﻤﺎ ﺗﺠﻲ ﻓﻲ ﺑﻮ ﺍﻟﻌﻴﻠﻪ 🍁
💔 ﻣﻬﻤﺎ ﺍﻧﻘﺎﻝ ﻓﻲ ﺍﻟﻤﻮﺍﻗﻒ ﻫﺎﺩﻱ ﻳﻜﻮﻥ ﺷﻮﻳﻪ ﻷﻥ ﻛﻤﻴﺔ ﺍﻟﺤﺰﻥ ﺗﻔﻮﻕ ﺍﻟﻘﺪﺭﺓ ﻋﺎﻟﻮﺻﻒ .. ﻫﺎﻷﻟﻢ ﻣﺮ ﺑﻴﻨﺎ ﻛﻠﻨﺎ ﻭﻛﻠﻨﺎ ﻋﺸﻨﺎﻩ ﻭﻧﻌﺮﻓﻮﺍ ﻛﻮﻳﺲ ﻗﺪﺍﺵ ﺻﻌﺐ ﻭﺛﻘﻴﻞ ...
💔💔💔💔💔
ﺳﻤﻌﻮﺍ ﻋﺮﺏ ﺳﺮﺕ ..
ﺍﻟﻠﻲ ﻛﺴﺮﻫﻢ ﻣﺎﺯﺍﻝ ﻗﺎﻋﺪ ﺟﺪﻳﺪ ..
ﻫﻤﺎ ﻓﻲ ﺍﻷﺳﺎﺱ ﻛﺎﻧﻮﺍ ﻧﺎﻭﻳﻴﻦ ﺍﻟﺴﻔﺮ ...
ﻣﺨﺘﺎﺭ ﺑﻴﺴﻔﺮ ﻣﺮﺗﻪ ﻭﺑﻨﺎﻭﻳﺘﻪ ﻛﻠﻬﻢ ﺣﺘﻰ ﺍﻟﻤﺘﺰﻭﺟﺎﺕ ﻭﺭﺟﺎﻟﺘﻬﻢ ﻣﺎﻗﺪﺭﻭﺵ ﻳﻤﺎﻧﻌﻮﺍ ..
ﻷﻥ ﺍﻷﻭﺿﺎﻉ ﻣﺶ ﻣﻄﻤﺌﻨﻪ ﺑﻜﻞ ..
ﻳﺒﻮﺍ ﻳﻄﻠﻌﻮﺍ ﺍﻟﻨﺴﺎﻭﻳﻦ ﻭﻳﻮﻟﻮﺍ ﻫﻤﺎ ﺑﻌﺪﻳﻦ ...
ﺣﺘﻰ ﺣﻮﺵ ﻋﻤﺎﺭ ﻓﻀﻮﻩ ﺗﻤﺎﻣﺎ ﻭﺟﺎﺑﻮﺍ ﺣﺎﺟﺎﺕ ﻣﻨﻪ ﻟﺪﻻﻝ ..
ﻣﺎﺳﻔﺮﻭﺵ ﺩﻻﻝ ﻭﺻﻐﺎﺭﻫﺎ ﻟﺴﺒﺐ ﻭﺍﺣﺪ ﻷﻧﻬﻢ ﻣﻄﻤﻨﻴﻦ ﻋﻠﻴﻬﺎ ﻭﻉ ﺍﺣﻔﺎﺩﻫﻢ ﻣﻊ ﺑﻮﻫﺎ ..
ﻋﻨﺪ ﻣﺨﺘﺎﺭ ﺧﻠﻔﻴﻪ ﻉ ﺗﻮﺟﻬﺎﺕ ﻋﺒﺪﺍﻟﺴﻼﻡ ﺍﻟﻤﻌﺮﻭﻓﻪ ﻣﻦ ﺯﻣﺎﻥ ﻭﻓﻲ ﻣﻌﻠﻮﻣﺎﺕ ﻋﻨﺪﻫﻢ ﺍﻧﻪ ﻣﺸﺎﺭﻙ ﻓﻲ ﺍﻟﺜﻮﺭﺓ ﺑﻄﺮﻳﻘﺔ ﺍﻭ ﺑﺄﺧﺮﻯ ﻓﺄﻛﻴﺪ ﻣﺶ ﺣﻴﻘﺮﺑﻮﺍ ﺑﻨﺘﻪ ﻉ ﺧﺎﻃﺮﻩ ..
🍃 ﺍﻳﻪ ﻣﺸﺎﺭﻙ ﻓﻴﻬﺎ .. ﻭﺍﻣﺘﻰ ﺷﺎﺭﻙ ﺑﻌﺪ ﻣﻮﺕ ﺭﺍﺟﻞ ﺑﻨﺘﻪ ..
ﻋﻼﺵ؟ !
ﻷﻥ ﻓﻨﻈﺮﻩ ﺳﺒﺐ ﻣﻮﺕ ﻋﻤﺎﺭ ﻭﺍﻟﻠﻲ ﺯﻳﻪ ﺍﻟﻘﺬﺍﻓﻲ ﻧﻔﺴﻪ 🍃
🍁🍁🍁🍁
ﻭﺻﻠﻮﺍ ﻟﻤﺪﻳﻨﺔ ﺍﻟﺤﺎﺝ ﺭﻣﻀﺎﻥ ..
ﻟﻘﺎﺀ ﻣﺨﺘﺎﺭ ﺑﻮﻻﺩ ﺍﻟﻤﺮﺣﻮﻡ ﻣﺆﻟﻢ ﻫﻠﺒﻪ ..
ﻭﻟﻘﺎﺀ ﻛﺎﻣﻠﻪ ﻣﻊ ﻓﺎﻃﻤﻪ ﻛﺬﻟﻚ ..
ﺑﺲ ﻣﺶ ﺯﻱ ﻟﻘﺎﺋﻬﺎ ﺑﺪﻻﻝ ..
ﻭﻛﺄﻥ ﻋﺰﻱ ﻋﻤﺎﺭ ﺗﻜﺮﺭ ﻣﻦ ﺟﺪﻳﺪ ..
ﻟﻴﻦ ﻓﻘﺪﺕ ﺩﻻﻝ ﻭﻋﻴﻬﺎ ...
ﻭﺻﺎﺭ ﻓﻴﻬﻢ ﺣﺎﻝ ﻣﺎﻫﻮ ﺣﺎﻝ ...
🍃🍃
ﻃﻠﻌﻮﺍ ﺍﻻﻭﻻﺩ ﻟﺠﺪﻫﻢ .. ﺍﻟﻠﻲ ﻗﻌﺪ ﻳﺤﻀﻦ ﻓﻴﻬﻢ ﻭﻳﺒﻮﺱ ﻭﻳﺸﻢ
ﻭﺃﻳﻤﻦ ﻛﺎﻥ ﻳﺸﺒﺤﻠﻬﻢ ﻭﻭﺍﺟﻌﻴﻨﻪ ﻫﻠﺒﻪ ..
ﺣﺴﻬﻢ ﺯﻳﻪ ﺣﻴﻌﻴﺸﻮﺍ ﻧﻔﺲ ﺍﻷﻟﻢ .. ﺍﻟﻴﺘﻢ ...
🍁🍁🍁🍁
ﺩﻻﻝ ﺑﻌﺪ ﻓﺎﻗﺖ ﻗﻌﻤﺰﺕ ﻫﻲ ﻭﻋﺰﻭﺯﺗﻬﺎ ﻓﻲ ﺗﺮﻛﻴﻨﻪ ﺑﺮﻭﺣﻬﻢ ..
ﺣﺎﻣﻞ !!
ﺩﻻﻝ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻛﺎﻣﻠﻪ ﺍﺑﺘﺴﻤﺖ ﺑﻔﺮﺡ ﻭﺣﻄﺖ ﻳﺪﻫﺎ ﻉ ﻳﺪ ﺩﻻﻝ : ﺭﺩﻱ ﺑﺎﻟﻚ ﻉ ﺭﻭﺣﻚ ﺳﻠﻢ ﺑﻨﻴﺘﻲ ﺑﺎﻟﻠﻪ ﻋﻠﻴﻚ .. ﻭﺿﺮﺍﺭﻳﻚ ﻳﺎﺩﻻﻝ ﺭﺩﻱ ﺑﺎﻟﻚ ﺗﻬﻤﻠﻴﻬﻢ ..
ﺩﻻﻝ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ : ﻣﺴﺘﺤﻴﻞ .. ﺍﺻﻼ ﻫﻮ ﻭﺻﺎﻧﻲ ﻋﻠﻴﻬﻢ ﻗﺒﻞ ... ﻳﻤﺸﻲ ..
ﻧﺰﻟﻮﺍ ﺩﻣﻮﻉ ﻛﺎﻣﻠﻪ : ﺍﻟﻠﻪ ﻳﺮﺣﻤﻪ ﻭﻳﺴﺎﻣﺤﻪ ﺍﻟﻠﻪ ﻳﺮﺣﻤﻚ ﻭﻳﺴﺎﻣﺤﻪ ..
ﺩﻻﻝ ﺑﺒﻜﻲ : ﻳﺎﺍﺍﺭﺏ ..
ﻛﺎﻣﻠﻪ ﺷﺒﺤﺘﻠﻬﺎ : ﻻ ﺧﻼﺹ ﺑﻨﻴﺘﻲ ﺧﻼﺹ .. ﻧﺒﻮﻩ ﻛﺎﻥ ﺟﻲ ﻭﻟﺪ ﺗﺴﻤﻴﻪ ﻋﻤﺎﺭ ..
ﺩﻻﻝ ﺍﺑﺘﺴﻤﺖ ﺑﺄﻟﻢ ﻣﻦ ﺑﻴﻦ ﺩﻣﻮﻋﻬﺎ ﻭﻗﺎﻟﺖ : ﻛﺎﻥ ﺟﺖ ﺑﻨﻴﻪ ﺑﻨﺴﻤﻴﻬﺎ ﺍﺳﻴﺎ .. ﻫﻮ ﻫﻜﻲ ﻳﺒﻲ ..
ﻛﺎﻣﻠﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺩﻣﻮﻋﻬﺎ ﻣﺎﺯﺍﻟﻮﺍ ﻳﻨﺰﻟﻮﺍ ...
🍁🍁🍁🍁
ﻣﻦ ﻋﺎﺩﺍﺕ ﺗﻠﻚ ﺍﻟﻤﺪﻳﻨﻪ
ﻣﻦ ﺯﻣﺎﻥ
ﺍﻥ ﻏﺪﻱ ﻭﻋﺸﻲ ﺍﻟﻤﻌﺰﻳﻦ ﻉ ﺍﻟﺠﻴﺮﺍﻥ ﻗﺮﺍﺑﺔ ﺷﻬﺮ ﻛﺎﻣﻞ
ﺑﺲ ﺣﺎﻟﻴﺎ ﺍﺻﺒﺢ ﺍﺳﺒﻮﻉ ﺑﺎﻟﻜﺜﻴﺮ
ﻫﺎﻟﻤﺮﺓ ﺍﻟﺤﺎﺝ ﻋﺒﻮﺩﺓ .. ﺧﻼ ﺍﻷﺳﺒﻮﻉ ﻛﻠﻪ ﻋﻠﻴﻪ ﻫﻮ ﺑﺤﻜﻢ ﻋﻼﻗﺘﻪ ﺍﻟﻄﻴﺒﻪ ﺑﺎﻟﺤﺎﺝ ﺭﻣﻀﺎﻥ
ﺭﻭﺣﻮﺍ ﻣﺮﺗﻪ ﻭﺑﻨﺎﻭﻳﺘﻪ ﻗﺒﻞ ﺍﻟﻈﻬﺮ ﻟﻠﺤﻮﺵ ﺑﺶ ﻳﺒﺪﻭﺍ ﻳﻄﻴﺒﻮﺍ ﻭﻳﻌﺎﻭﻧﻮﻫﻢ ﺑﻨﺎﺕ ﺟﻴﺮﺍﻧﻬﻢ ..
ﻣﺮﺍﻡ ..
ﻛﺎﻧﺖ ﺍﺩﻳﺮ ﻓﻲ ﺍﻟﻮﺍﺟﺐ ﻛﻌﺎﺩﺗﻬﺎ ..
ﻭﻛﻌﺎﺩﺗﻬﺎ ﻻﻋﻨﺪﻫﺎ ﻏﺮﺽ ﻭﻻﻏﺎﻳﻪ ﻣﻦ ﺍﻱ ﺷﻲ ﺩﻳﺮﻩ ..
ﻫﻲ ﻫﺎﻟﻤﺮﺓ ﻧﻬﺎﺋﻴﺎ ﻣﺶ ﺣﺎﻃﻪ ﻓﻲ ﺑﺎﻟﻬﺎ ﺍﻱ ﺷﻲ
ﺑﺎﻟﺬﺍﺕ ﺑﻌﺪ ﺳﻤﻌﺖ ﺑﻴﻪ ﻓﺴﺦ ...
ﺣﺴﺖ ﺷﻌﻮﺭ ﺍﻷﻣﻞ ﻓﻴﻪ ﻣﻦ ﺟﻴﻬﺘﻬﺎ ﻣﺎﺕ ..
ﻭﻣﻤﻜﻦ ﺍﻟﺨﻴﺒﺎﺕ ﺍﻟﺴﺎﺑﻘﻪ ﻫﻲ ﺍﻟﻠﻲ ﻣﻮﺗﺎﺗﻪ ..
ﺑﺲ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﻳﻘﻌﺪ ﺣﻲ ﻓﻴﻬﺎ ﻟﻴﻪ ..
ﻫﻮ ﻋﺸﻘﻬﺎ ... ﺍﻟﻠﻲ ﻣﻦ ﺍﻟﺼﻌﺐ ﻭﻳﻜﺎﺩ ﻳﻜﻮﻥ ﻣﺴﺘﺤﻴﻞ ﻣﻮﺗﻪ ..
🍁🍁🍁🍁🍁🍁
ﻭﻳﻦ ﻣﻴﻼﺩ ! ؟؟؟
ﻣﻴﻼﺩ ...
ﻛﺎﻥ ﻳﺪﻭﺭ ﻉ ﻭﻟﺪﻩ ...
ﻣﻴﻼﺩ ﺍﻟﻠﻲ ﻛﺎﻥ ﻳﻤﺸﻲ ﻷﻛﺜﺮ ﻣﻦ ﻣﺪﻳﻨﺔ ﻣﺆﻳﺪﺓ ﻳﺤﺎﻭﻝ ﻳﻮﺻﻞ ﻓﻴﻬﻢ ﻟﻠﻌﺴﻜﺮﻳﻴﻦ ﺍﻟﻜﺒﺎﺭ ﺍﻟﻠﻲ ﻓﻴﻬﺎ ﺑﺶ ﻳﺴﺄﻝ ﻋﻦ ﻣﺼﻴﺮ ﻭﻟﺪﻩ ﻟﻌﻞ ﻭﻋﺴﻰ ﻳﻮﺻﻞ ﻟﺸﻲ ..
ﻟﻜﻦ ﺍﻟﻤﺘﻄﻮﻋﻴﻦ ﻛﺎﻧﻮﺍ ﺑﺄﻋﺪﺍﺩ ﻛﺒﻴﺮﺓ ﻣﺴﺘﺤﻴﻞ ﻳﻌﺮﻓﻮﻫﻢ ﻧﻔﺮ ﻧﻔﺮ ..
ﺑﺲ ﺑﻌﺪ ﺑﺤﺚ .. ﻭﺻﻞ ﻟﺨﺒﺮ ﺍﻥ ﺭﻣﺰﻱ ﻛﺎﻥ ﻣﻦ ﺍﻟﻤﺘﻄﻮﻋﻴﻦ ﺍﻟﻠﻲ ﻣﺸﻮﺍ ﻟﻤﺼﺮﺍﺗﻪ ..
ﻫﻨﻲ ﻣﻴﻼﺩ ﺣﺲ ﺍﻥ ﻭﻟﺪﻩ ﺧﻼﺹ .. ﺭﺍﺡ ..
ﺍﻟﻠﻲ ﻭﺻﻠﻮﻟﻪ ﺍﻟﻤﻌﻠﻮﻣﻪ ﺍﻥ ﻓﻲ ﻣﻘﺎﺗﻠﻴﻦ ﻣﻦ ﺍﻟﻤﺘﻄﻮﻋﻴﻦ ﺍﻟﻠﻲ ﻗﺎﺗﻠﻮﺍ ﻓﻲ ﻣﺼﺮﺍﺗﻪ ﻭﺻﻠﻮﺍ ﻟﻤﺴﺘﺸﻔﻰ ﻓﻤﺪﻳﻨﻪ ﻣﻦ ﺍﻟﻤﺪﻥ ..
ﻳﺎﻧﺎﺱ ﻟﻘﻮﻫﻢ ﻣﻠﻮﺣﻴﻦ ﻓﻲ ﺍﻟﻄﺮﻕ ﺳﺎﻋﺪﻭﻫﻢ ..
ﻳﺎﻓﻲ ﻣﻨﻬﻢ ﺟﺮﺣﻰ ﻗﺪﺭﻭﺍ ﻳﻄﻠﻌﻮﻫﻢ ﺑﺄﻋﺠﻮﺑﻪ ..
ﻣﻴﻼﺩ ﻃﻮﻝ ﻣﺸﻲ ﻟﻬﺪﺍﻛﺎ ﺍﻟﻤﺴﺘﺸﻔﻰ ..
ﻭﺍﻟﻠﻲ ﻳﺴﺄﻟﻪ ﻋﻦ ﺭﻣﺰﻱ ﻳﻄﻠﻊ ﻣﺎﻳﻌﺮﻓﺎﺵ ..
ﻟﻌﻨﺪ ﻣﺎ ﻭﺻﻞ ﻓﻲ ﺍﻛﺮﻡ ..
ﺗﻌﺮﻓﻪ !!!
ﺍﻛﺮﻡ ﺑﺪﻣﻮﻉ : ﺍﻳﻪ .. ﺍﻧﻲ ﻭﻳﺎﻩ ﺗﺮﺍﻓﻘﻨﺎ ﻓﻲ ﺍﻟﺤﺮﺏ ﻓﻤﺼﺮﺍﺗﻪ ..
ﻣﻴﻼﺩ ﺑﻠﻬﻔﻪ : ﺍﻳﻪ ...
ﺣﻜﺎﻟﻪ ﺍﻛﺮﻡ ﺍﻟﻠﻲ ﺻﺎﺭ ... ﻭﻗﺎﻝ ﺍﻧﻪ ﻟﻤﺎ ﺟﻲ ﺑﻴﻮﻟﻲ ﺑﺶ ﻳﻄﻠﻊ ﻷﻧﻪ ﻣﺎﻗﺪﺭﺵ ﻳﺨﻠﻴﻪ .. ﺷﺎﻓﻪ ﻛﻴﻒ ﺍﻧﻀﺮﺏ ﻭﻃﺎﺡ ﻉ ﺍﻷﺭﺽ .. ﻭﻫﻮ ﻣﻦ ﺧﻮﻓﻪ ﻫﺮﺏ ...
ﻣﻴﻼﺩ ﺑﺼﺪﻣﻪ : ﻭﻟﺪﻱ ... ﻣﺘﺄﻛﺪ ﻭﻟﺪﻱ .. ﺭﻳﺘﻪ ﺑﻌﻴﻮﻧﻚ !! ﻭﺍﺷﺮ ﻣﻴﻼﺩ ﺑﺈﻳﺪﻳﻪ ﻉ ﻋﻴﻮﻧﻪ ..
ﺍﻛﺮﻡ ﻫﺰ ﺭﺍﺳﻪ ﺑﺈﻳﺠﺎﺏ ﻭﻗﺎﻝ ﺑﻨﺒﺮﺓ ﺑﺎﻛﻴﻪ : ﺳﺎﻣﺤﻨﻲ ﻳﺎﻋﻤﻲ ﻣﺎﻗﺪﺭﺕ ﻧﺪﻳﺮﻟﻪ ﺷﻲ ...
🍃🍃🍃
ﺍﻟﻴﻮﻡ ﺍﻟﻠﻲ ﻋﺮﻑ ﻓﻴﻪ ﻣﻴﻼﺩ ﻫﺎﻟﺨﺒﺮ ﺍﻟﻤﻔﺠﻊ ..
ﻛﺎﻥ ﻳﺴﺒﻖ ﻳﻮﻡ ﻣﻮﺕ ﺑﻮﻩ ..
ﻗﻠﺒﻮﺍ ﻋﻠﻴﻪ ﺍﻟﺪﻧﻴﺎ ﺑﺎﻹﺗﺼﺎﻻﺕ ﻣﺎﺭﺩ ﻉ ﺣﺪ ..
ﻟﻌﻨﺪ ﻣﺎﻭﺻﻞ ﻟﻠﻘﻄﻌﻪ ...
ﺧﺶ ﻣﻦ ﺍﻟﺒﻮﺍﺑﻪ ﺍﻟﺨﻠﻔﻴﺔ ﻟﻠﻘﻄﻌﻪ ..
ﻓﻲ ﻧﻔﺲ ﺍﻟﻮﻗﺖ ﺍﻟﻠﻲ ﺧﺸﺖ ﻓﻴﻪ ﺍﻟﺴﻴﺎﺭﺓ ﺍﻟﻠﻲ ﺗﺤﻤﻞ ﺗﺎﺑﻮﺕ ﺍﻟﺤﺎﺝ ﺭﻣﻀﺎﻥ ﻣﻦ ﺍﻟﺒﻮﺍﺑﻪ ﺍﻷﻣﺎﻣﻴﻪ ﻟﻠﻘﻄﻌﻪ ..
ﻣﻴﻼﺩ ﻟﻤﺎ ﺧﺶ ﺍﻧﺼﺪﻡ ﻓﻲ ﺍﻟﺨﻴﻤﻪ ﺍﻟﻤﻨﺼﻮﺑﻪ ..
ﻧﺰﻝ ﻣﻦ ﺍﻟﺴﻴﺎﺭﺓ ﻭﻫﻮ ﻳﻘﻮﻝ ﻓﻲ ﻧﻔﺴﻪ ﻣﻌﻘﻮﻝ ﺟﺎﻫﻢ ﻋﻠﻢ؟ !!
ﻟﻤﺎ ﻛﻤﻞ ﻣﺸﻲ ..
ﻭﻗﻒ ﻟﻤﺎ ﺷﺎﻑ ﺧﻮﺗﻪ ﻣﺎﺷﻴﻴﻦ ﺑﺎﻟﺘﺎﺑﻮﺕ ﻟﻠﻤﺮﺑﻮﻋﻪ ﻭﻭﺟﻮﻫﻬﻢ ﺳﻮﺩ ﻭﺣﺰﻳﻨﻪ ..
ﻃﻮﻝ ﺩﺍﺭ ﺑﻌﻴﻮﻧﻪ ﻓﻲ ﺍﻟﺠﺮﺩﻳﻨﻪ ..
ﻭﺗﻠﻔﺖ ﺑﻌﺪﻫﺎ ﻟﻠﺨﻴﻤﻪ .. ﺑﻌﺪﻳﻦ ﺭﺟﻊ ﺷﺎﻓﻠﻬﻢ ..
ﻗﺪﻡ ﺑﺨﻄﻮﺍﺕ ﺛﻘﻴﻠﻪ ﻭﻫﻮ ﻳﺸﻮﻓﻠﻬﻢ ..
ﺣﻤﻴﺪ ﺍﻟﻠﻲ ﻛﺎﻥ ﻭﺍﻗﻒ ﻣﻊ ﺍﻟﻨﺴﺎﺑﺎﺕ ﺷﺎﻓﻪ : ﻭﻳﻨﻚ ﻳﺎﻣﻴﻼﺩ؟ !!
ﻣﻴﻼﺩ ﺑﺼﺪﻣﻪ؛ﺳﻴﺪﻱ !! ؟
ﺣﻤﻴﺪ ﺗﻨﻬﺪ ﺑﺤﺮﻗﻪ ﻭﻗﺎﻝ : ﺳﻴﺪﻙ ﻳﺎﻣﻴﻼﺩ ..
ﻏﻤﺾ ﻋﻴﻮﻧﻪ ﺑﺸﺪﻩ ..
ﻣﻌﺎﺵ ﻗﺪﺭ ﻳﺘﻮﺍﺯﻥ ..
ﻗﺪﻣﻠﻪ ﻋﺒﺪﺍﻟﺴﻼﻡ ﻳﺠﺮﻱ ﻭﻭﺭﺍﻩ ﺍﻟﺒﺎﻗﻲ ..
ﻋﺒﺪﺍﻟﺴﻼﻡ ﻭﻫﻮ ﺷﺎﺩﻩ : ﺷﻦ ﺗﺤﺲ ..
ﻣﻴﻼﺩ : ﻧﺒﻲ ﻧﻘﻌﻤﺰ ...
ﺧﺪﺍﻩ ﻋﺒﺪﺍﻟﺴﻼﻡ ﻭﺳﻨﺪﻩ ﻉ ﺍﻟﺤﻴﻂ ..
ﻭﻫﻮ ﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ﻭﺷﺪ ﺭﺍﺳﻪ ﺑﺈﻳﺪﻳﻪ ..
ﺣﻤﻴﺪ : ﺷﻦ ﺗﺤﺲ ﻳﺎﻣﻴﻼﺩ ..
ﻣﻴﻼﺩ ؛ﻧﺤﺲ ﻓﻲ ﺭﻭﺣﻲ .. ﺣﻮﻝ ﺍﻳﺪﻳﻪ ﻭﻗﺎﻡ ﺭﺍﺳﻪ .. ﺑﻨﺘﻘﻄﻊ .. ﺧﺒﺮ ﺳﻴﺪﻱ ﻭﻭﻟﺪﻱ ﻓﻨﻬﺎﺭ ﻭﺍﺣﺪ ..
ﺍﻧﺼﺪﻣﻮﺍ ﻛﻠﻬﻢ ..
ﺣﻤﻴﺪ : ﻗﺼﺪﻙ ﺭﻣﺰﻱ ﻣﺎﺕ ؟ !!
🍁🍁🍁🍁
ﺩﺍﺧﻞ ..
ﺣﺪﺍ ﺍﻟﺒﺎﺏ ..
ﻫﺎﻧﻴﺒﺎﻝ ﺑﺤﺪﻩ : ﺍﻟﻠﻲ ﻋﻨﺪﻫﺎ ﻋﺰﻡ ﺗﻄﻠﻊ ﺗﺸﻮﻓﻪ ﻗﺴﻤﺎ ﺑﺎﻟﻠﻪ ﺗﻄﻠﻊ ﻭﺣﺪﻩ ﻓﻴﻜﻦ ﻭﺗﻌﻴﻂ ﺣﺪﺍ ﺭﺍﺳﻪ ﻣﺎﺿﺎﻝ ﺍﻻ ﺿﺎﺭﺑﻬﺎ ﺻﻐﻴﺮﺓ ﻭﻻﻛﺒﻴﺮﺓ ..
ﺯﻳﻨﺐ : ﻻﻻ .. ﻣﺶ ﻣﻌﻴﻄﻴﻦ .. ﻏﻴﺮ ﻭﺭﺍﺱ ﻭﺧﻴﻲ ﺧﻠﻮﻧﺎ ﻧﺸﻮﻓﻮﻩ ..
ﻫﺎﻧﻴﺒﺎﻝ : ﺗﻌﺎﻟﻦ ..
ﻃﻠﻌﻮﺍ ﻛﻔﺎﻳﻪ ﻭﺯﻳﻨﺐ ﻭﺣﻤﻴﺪﻩ ..
ﻧﻌﻴﻤﻪ ﻭﻏﺎﻟﻴﻪ ﻣﺎﺑﻮﺵ .. ﻣﺎﻋﻨﺪﻫﻤﺶ ﻋﺰﻡ ..
ﻭﺻﻠﻮﺍ ﻟﻠﻤﺮﺑﻮﻋﻪ ..
ﺧﺶ ﻫﺎﻧﻴﺒﺎﻝ ..
ﺑﻌﺪﻳﻦ ﺧﺸﻮﺍ ﺍﻟﺒﻨﺎﺕ ...
ﻭﻫﻤﺎ ﻳﺮﻋﺸﻮﺍ ﻣﻊ ﺑﻌﻀﻬﻢ ..
ﻛﺎﻧﻮﺍ ﺣﺪﺍﻩ ﻋﻤﺮ ﻭﻣﺤﻤﺪ ﻭﺍﻟﻬﺎﺩﻱ ﻳﺒﻜﻮﺍ ﺑﺼﻤﺖ ..
ﻗﺪﻣﻮﺍ ﻭﻫﻤﺎ ﻳﺮﺟﻔﻮﺍ ..
ﻟﻤﺎ ﺭﻭﻩ ..
ﺍﻟﺜﻼﺗﻪ ﻓﻲ ﻧﻔﺲ ﺍﻟﻠﺤﻈﻪ .
ﺣﻄﻮﺍ ﺍﻳﺪﻳﻬﻢ ﻉ ﻓﺎﻣﻬﻢ ﺑﻘﻮﺓ ... ﻭﻫﻤﺎ ﻳﺒﻜﻮﺍ ..
ﻫﺎﻧﻴﺒﺎﻝ : ﻫﻲ ﺧﻼﺹ .. ﺍﻃﻠﻌﻦ ..
ﺷﺒﺤﻮﻟﻪ ﺷﻮﻳﻪ ..
ﻭﻃﻮﻝ ﻃﻠﻌﻮﺍ ﻭﺭﺍ ﺑﻌﺾ ﺑﺶ ﻳﺨﺸﻮﺍ ﻟﻠﺤﻮﺵ ﻳﻌﻴﻄﻮﺍ ﻣﻦ ﻫﻮﻝ ﺍﻟﻠﻲ ﺭﻭﻩ ..
ﺑﺲ ﺍﻟﻠﻲ ﺻﺎﺭ ﻭﻫﻤﺎ ﻃﺎﻟﻌﻴﻦ ..
ﺣﻤﻴﺪ ﺷﺒﺢ ﻫﺎﻧﻴﺒﺎﻝ ﻗﺎﻟﻪ : ﺭﻣﺰﻱ ﺗﻮﻓﻰ ..
ﺣﻤﻴﺪ ﻗﺎﻟﻬﺎ ﻗﺼﺪﺍ ﺑﺶ ﺗﺠﻲ ﻣﻊ ﺑﻌﻀﻬﺎ .. ﻫﻜﻲ ﺍﻓﻀﻞ ﻓﻨﻈﺮﻩ ...
ﻫﺎﻧﻴﺒﺎﻝ ﻛﺎﻧﺖ ﻓﻲ ﻗﺪﺍﻣﻪ ﺟﺮﺓ ﻣﻴﻪ ﻣﺤﻄﻮﻃﻪ ﻛﻤﻨﻈﺮ ...
ﺿﺮﺑﻬﺎ ﺑﺮﺟﻠﻪ ﺍﺗﻨﻄﺮﺕ ﺗﻜﺴﺮﺕ ..
ﻭﺧﻮﺍﺗﻪ ﺧﺸﻮﺍ ﻣﻔﺠﻮﻋﺎﺕ ..
ﺣﻤﻴﺪﻩ ﺑﻼﻭﻋﻲ : ﻭﻭﻭﻭﻩ ﺭﻣﺰﻱ ﻭﻭﻭﻩ ﻭﻭﻭﻭﻭﻭﻩ ﻳﺎﺭﻣﺰﻱ ...
ﺍﻟﻨﺎﺱ ﺍﻧﺼﺪﻣﻮﺍ ﻓﻴﻬﺎ ..
ﺍﻟﻜﻞ ﺍﻧﺼﺪﻡ ... ﻫﺎﺩﻱ ﺷﻦ ﺗﻘﻮﻝ !! ؟
ﻏﺎﻟﻴﻪ ... ﺳﻌﻴﺪﻩ ... ﺭﺍﻧﻴﺎ ...
ﻳﻘﻮﻟﻮﺍ ﻓﻲ ﺍﻧﻔﺴﻬﻢ ﻫﺎﺩﻱ ﺷﻦ ﺗﻘﻮﻝ ! ؟؟؟
ﻓﺎﻃﻤﻪ : ﺷﻨﻮ؟ !!
ﺯﻳﻨﺐ ﺗﺒﻜﻲ ﻭﺗﺮﺟﻒ .. ﺷﺒﺤﺖ ﻟﺴﻌﻴﺪﻩ ﺍﻟﻠﻲ ﻛﺎﻧﺖ ﺗﺸﻮﻓﻠﻬﺎ ﺑﻌﺪﻡ ﺍﺳﺘﻴﻌﺎﺏ ..
ﻗﺎﻟﺖ : ﺗﻮﺍ ﺣﻤﻴﺪ ﻗﺎﻝ .. ﺭﻣﺰﻱ .. ﺗﻮﻓﻰ ..
ﻏﺎﻟﻴﻪ ﺍﻟﻠﻲ ﻛﺎﻧﺖ ﻭﺭﺍ ﺳﻌﻴﺪﻩ ..
ﺣﻄﺖ ﺍﻳﺪﻳﻬﺎ ﺍﻟﺰﻭﺯ ﻉ ﺻﺪﺭﻫﺎ ﻭﺷﻬﻘﺖ ﺑﺼﻮﺕ ﻋﺎﻟﻲ ..
ﺳﻌﻴﺪﻩ ﺍﻟﺘﻔﺘﻠﻬﺎ ﻭﻫﻲ ﺗﺸﻮﻑ ﺑﻨﻔﺲ ﺍﻟﻨﻈﺮﺓ ..
" ﻻﺍﺍﺍﺍﺍﺍﺍﺍﺍﺍ ﻛﺬﺍﺍﺍﺍﺍﺑﻪ "
ﺟﺖ ﺭﺍﻧﻴﺎ ﺗﺠﺮﻱ ﻷﻣﻬﺎ ﺷﺪﺗﻬﺎ ﻣﻦ ﻋﺒﺎﻳﺘﻬﺎ ﻭﺑﻬﺴﺘﻴﺮﻳﺎ ﺗﻘﻮﻝ ..
ﻛﺬﺍﺍﺍﺍﺍﺍﺑﻪ ... ﺗﻘﻮﻝ ﻫﻜﻲ ﺑﻠﻌﺎﺍﺍﻧﻲ ﺑﺶ ﻧﻨﺴﺎﻩ ﻭﻻﺍﺍﺍ ..
ﻛﻼﻡ ﺭﺍﻧﻴﺎ ﺍﻟﻠﻲ ﺗﻘﻮﻝ ﻓﻴﻪ ﺑﻼﻭﻋﻲ ﻗﺪﺍﻡ ﺍﻟﻨﺎﺱ ﻣﺎﻳﻨﻘﺎﻟﺶ ..
ﺟﺘﻬﺎ ﺭﺑﺎﺏ ﻭﺩﻣﻮﻋﻬﺎ ﻳﻨﺰﻟﻮﺍ ﻭﻗﻌﺪﺕ ﺗﺠﺒﺪ ﻓﻴﻬﺎ ..
ﻭﻫﻲ ﺗﻌﻴﻂ ..
ﺭﻣﺰﻳﻴﻴﻴﻴﻴﻴﻴﻲ .. ﺭﻣﺰﻳﻴﻴﻴﻴﻴﻴﻴﻴﻴﻴﻲ ...
ﺗﻌﻴﻂ ﻉ ﻃﻮﻝ ﺣﺴﻬﺎ ...
ﺗﻌﻴﻂ ﻟﻌﻨﺪ ﻣﺎﺻﻮﺗﻬﺎ ﺷﺒﻪ ﺍﻧﺒﺢ ..
ﻭﻫﺪﺍ ﻛﻠﻪ ﻭﺳﻌﻴﺪﻩ ﺗﺸﻮﻑ ﻓﻲ ﺍﻟﻤﺸﻬﺪ ﻗﺪﺍﻣﻬﺎ ﺑﻌﺪﻡ ﺍﺳﺘﻴﻌﺎﺏ ..
ﺍﺳﺘﻘﺎﺿﺖ ﻉ ﺻﻮﺕ ﺭﺯﺍﻥ ﻭﻫﻲ ﺗﻘﻮﻝ ﺑﻌﻴﺎﻁ
" ﻋﻤﺘﻲ ﻏﺎﻟﻴﻪ "
ﻏﺎﻟﻴﻪ ﺍﻟﻠﻲ ﻃﺎﺣﺖ ﻋﻠﻴﻬﻢ ..
ﺷﺤﻮﺏ ﻭﺟﻬﻬﺎ ﻭﺍﺑﻴﻀﺎﺽ ﻓﻤﻬﺎ ﺑﻴﻨﻮﺍ ﺍﻥ ﻭﺿﻌﻬﺎ ﻣﺎﻳﺴﺘﻨﺎﺵ ...
ﻃﻮﻝ ﺧﺸﻮﺍ ﺧﻮﺗﻬﺎ ﻗﺎﻣﻮﻫﺎ ﻭﺭﻓﻌﻮﻫﺎ ﻟﻮﺣﺪﻩ ﻣﻦ ﺳﻴﺎﺭﺗﻬﻢ ...
ﻭﺭﺑﺎﺏ ﺗﻤﺸﻲ ﻭﺭﺍﻫﻢ ...
ﻟﻌﻨﺪ ﻣﺎﺭﻛﺒﺖ ﻣﻌﺎﻫﺎ ... ﻭﻣﺸﻮﺍ ﺭﻓﻌﻮﻫﺎ ﻃﻮﻝ ﻭﻟﺤﻘﻮﻫﻢ ﺍﻣﻴﻨﻪ ﻭﻭﻟﺪﻫﺎ ...
ﺩﺍﺧﻞ ..
ﺳﻌﻴﺪﻩ ﻛﺎﻧﺖ ﺗﺬﺭﻑ ﻓﻲ ﺍﻟﺪﻣﻮﻉ ﺑﺲ ﻣﺎﺯﺍﻝ ﻓﻲ ﺟﺰﺀ ﻣﻦ ﻋﻘﻠﻬﺎ ﻣﺶ ﻣﺴﺘﻮﻋﺐ ..
ﺍﻣﺎﻝ ﺑﺒﻜﻲ : ﺳﻌﻴﺪﻩ .. ﺳﻌﻴﺪﻩ .. ﻭﻗﻌﺪﺕ ﺗﺨﺒﻂ ﻉ ﻭﺟﻪ ﺳﻌﻴﺪﻩ ..
ﺳﻌﻴﺪﺓ ﺑﺼﻮﺕ ﺧﺎﻓﺖ : ﻣﺎﺕ ... ﻭﻟﺪﻱ ﻣﺎﺕ ... ﺭﻣﺰﻱ ﻣﺎﺕ .. ﻋﻠﻲ ﺻﻮﺗﻬﺎ .. ﻣﺎﺕ ... ﺭﻣﺰﻱ ﻣﺎﺕ .... ﻋﻴﻄﺖ .. ﻣﺎﺍﺍﺍﺍﺍﺍﺍﺍﺍﺍﺕ ..
ﻭﻟﺪﻱ ﻣﺎﺍﺍﺍﺍﺍﺕ ... ﻭﺑﺪﺕ ﺗﻨﺪﺏ .. ﻭﺗﺨﺒﻂ ﻭﺗﻘﻮﻝ ﻣﺎﺕ ..
ﺷﻌﻮﺭ ﺳﻌﻴﺪﻩ ﻓﻮﻕ ﺍﻟﻤﻬﺎ ﻛﺄﻡ ﻛﺎﻥ ﻣﻤﺰﻭﺝ ﺑﺘﺄﻧﻴﺐ ﺍﻟﻀﻤﻴﺮ ...
ﻭﺭﺯﺍﻥ ﺯﻳﻬﺎ ﺗﺒﻜﻲ ﺑﺎﻟﻌﺒﺮﺓ ﻓﻲ ﺣﻀﻦ ﺭﻓﻘﻪ ﻭﻫﻲ ﻛﺎﻥ ﺗﻠﻘﻰ ﺗﻠﺤﻘﻪ ...
ﺻﻮﺕ ﻋﻴﺎﻁ ﺭﺍﻧﻴﺎ ﻭﺳﻌﻴﺪﻩ ﻫﻮ ﺑﺲ ﺍﻟﻤﺴﻤﻮﻉ ...
ﻭﺍﻟﺒﺎﻗﻲ ﻳﺒﻜﻮﺍ ﺑﺎﻟﻌﺒﺮﺓ ...
ﺩﻻﻝ ﺗﺸﻮﻑ ﻟﻠﻜﻞ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺍﻟﻨﺎﺭ ﺍﻟﻠﻲ ﻫﻤﺎ ﻓﻴﻬﺎ ﻫﻲ ﻣﺠﺮﺑﺘﻬﺎ ﻭﻟﺘﻮﺍ ﻭﺍﻟﻌﻪ ﻓﻘﻠﺒﻬﺎ ..
ﺭﺍﻧﻴﺎ ﺑﺘﻨﺠﻦ ﻭﺍﻟﻨﺎﺱ ﻳﺸﺪﻭﺍ ﻓﻴﻬﺎ ﺑﺎﻟﺴﻴﻒ ﻭﻣﻌﺎﻫﻢ ﻧﻮﺭ ﺍﻟﻠﻲ ﻛﺎﻧﺖ ﺗﺤﺎﻭﻝ ﺗﻬﺪﻳﻬﺎ ﺑﺲ ﻛﺎﻧﺖ ﺗﺒﻜﻲ ﺑﺎﻟﻌﺒﺮﺓ ...
ﺍﻟﻤﺸﻬﺪ ﻣﺄﺳﺎﻭﻱ ﺑﻜﻞ ﻣﺎﺗﻌﻨﻴﻪ ﺍﻟﻜﻠﻤﻪ ﻣﻦ ﻣﻌﻨﻰ ...
ﻭﻓﺎﻃﻤﻪ ﺍﻟﻠﻲ ﻣﻘﻌﻤﺰﺓ ﺗﺒﻜﻲ ﻗﺎﻟﺖ : ﻫﺎﻟﺠﺮﺫﺍﻥ .. ﺍﻟﻠﻲ ﺧﺮﺑﻮﺍ ﺍﻟﺒﻼﺩ ﻭﻗﺘﻠﻮﺍ ﻭﻻﺩﻫﺎ ... ﺍﻗﻄﻒ ﺷﺘﻠﺘﻬﻢ ..
ﺳﻌﻴﺪﻩ ﺑﻌﻴﺎﻁ : ﺍﻳﻪ ﻭﺍﻟﻠﻪ ﻳﺎﻋﻤﺘﻲ ﺍﻳﻪ ﻭﺍﻟﻠﻪ ﺫﻭﻕ ﺍﻣﻬﺎﺗﻬﻢ ﻧﺎﺭﻱ ﻳﺎﺭﺑﻲ ...
ﺩﻻﻝ ﻫﻨﻲ ﻗﻌﺪﺕ ﺗﻌﻴﻂ ﺑﺒﻜﻲ : ﻭﺫﻭﻕ ﻧﺴﺎﻭﻳﻨﻬﻢ ﻧﺎﺭﻱ ﻳﺎﺍﺍﺍﺭﺑﻲ ﻧﺎﺍﺍﺍﺭ ﻋﻤﺎﺍﺍﺭ ... ﺍﻥ ﺷﺎﺀ ﺍﻟﻠﻪ ﻳﺬﻗﻮﻫﺎ ﻳﺎﺍﺍﺍﺭﺑﻲ ..
ﺟﻮﻫﺎ ﺍﻣﻬﺎﻭﻋﺰﻭﺯﺗﻬﺎ ﻭﺩﺧﻠﻮﻫﺎ ﺩﺍﺧﻞ ﻭﻫﻤﺎ ﻳﺤﺎﻭﻟﻮﺍ ﻳﻬﺪﻭﻫﺎ ﻭﺍﻣﻬﺎ ﺗﺒﺦ ﻋﻠﻴﻬﺎ ﻓﻲ ﺍﻟﻤﻴﻪ ﻭﻫﻲ ﺗﺮﻋﺶ ..
ﺑﺮﺍ ..
ﻗﻌﺪﻭﺍ ﺍﻟﻠﻲ ﻳﺒﻜﻮﺍ ﻳﺪﻋﻮﺍ ﻉ ﺍﻟﺜﻮﺍﺭ ...
ﻭﻳﻘﻮﻟﻮﺍ ﺍﻥ ﺷﺎﺀ ﺍﻟﻠﻪ ﻣﺎﻟﻴﻬﻢ ﻳﺬﻭﻗﻮﺍ ﻣﻦ ﻧﻔﺲ ﺍﻟﻨﺎﺭ ..
🍃 ﻫﻤﺎ ﺫﺍﻗﻮﻫﺎ ﻣﻦ ﺯﻣﺎﻥ .. ﻗﺪﺍﺵ ﺍﻡ ﻓﻲ ﺍﻡ ﻭﺯﻭﺟﻪ ﻭﺣﺒﻴﺒﻪ ﻭﺍﺧﺖ ﻭﻋﻤﻪ ﻭﺧﺎﻟﻪ ﺫﺍﻗﺖ ﻣﻦ ﻫﺎﻟﻨﺎﺭ ..
ﺍﻟﻨﺎﺭ ﻫﺎﺩﻱ ﻣﺎﻓﻴﺶ ﻣﻜﺎﻥ ﻓﻲ ﻟﻴﺒﻴﺎ ﻣﺎﺭﺍﻫﺎﺵ ... ﺑﺎﻟﺬﺍﺕ ﻓﻲ ...2011 ﻭﻟﻌﻨﺪ ﺍﻟﻴﻮﻡ ﻭﻫﺎﻟﻨﺎﺭ ﻣﺎﻗﺎﻟﺖ ﺗﻨﻄﻔﻰ 🍃
🍁 ﻫﻮ ﻛﻞ ﺷﻲﺀ ﺻﺎﻳﺮ ﻓﻲ ﺍﻟﺤﻮﺵ ﺣﺎﻟﻴﺎ ﻳﻮﺟﻊ ..
ﻭﺍﻟﻜﻞ ﺣﺎﻟﻬﻢ ﻳﻮﺟﻊ ..
ﺑﺲ ﺍﻟﺤﻖ ﺍﻛﺜﺮ ﺣﺎﻝ ﻣﻮﺟﻊ ﻫﻮ ﺣﺎﻝ ﻛﻔﺎﻳﻪ ..
ﻳﻨﺪﻋﻰ ﻋﻠﻴﻬﺎ ﻭ ﻉ ﻭﻟﺪﻫﺎ ﻭﻫﻲ ﻣﺶ ﻗﺎﺩﺭﺓ ﺗﻘﻮﻝ ﺷﻲ ..
ﺗﺴﻤﻊ ﻓﻲ ﻛﻼﻣﻬﻢ ﺍﻟﻠﻲ ﻳﻘﻄﻊ ﺑﺎﻟﻌﺮﻕ .. ﻭﻣﺶ ﻗﺎﺩﺭﺓ ﺗﻨﻄﻖ ..
ﺷﻦ ﺑﺘﻘﻮﻝ .. ﺷﻦ ﺑﺘﺤﻜﻲ ﻓﻲ ﻭﺳﻂ ﺯﻱ ﻫﺎﻟﻮﺳﻂ ﻛﻞ ﺍﻟﻠﻲ ﻓﻴﻪ ﻳﻌﺘﺒﺮﻭﺍ ﻓﻮﻟﺪﻫﺎ ... ﻛﺒﺪﻫﺎ ﻋﺪﻭﺍ ﻭﻳﺪﻋﻮﺍ ﻋﻠﻴﻬﺎ ..
ﺍﻣﻬﺎ ... ﺧﻮﺍﺗﻬﺎ ... ﺑﻨﺎﺕ ﺧﻮﺍﺗﻬﺎ ..
ﺑﺎﻫﻲ .
ﻫﻤﺎ ﺳﻴﺮﻭﻫﻢ ﺣﻴﻌﺮﻓﻮﺍ ﻋﻤﺎﺩ ﻭﻳﻦ ...
ﻣﺎﻫﻢ ﺣﻴﺴﺄﻟﻮﺍ ﻋﻨﻪ ﻭﻳﻨﻪ ﻓﻲ ﻇﺮﻑ ﺯﻱ ﻫﺪﺍ؟؟ !
ﻣﺴﺎﻓﺮ !!
ﻳﻘﺪﺭ ﻳﺮﻭﺡ ﻋﻦ ﻃﺮﻳﻖ ﺗﻮﻧﺲ ﻭﻳﻦ ﺍﻟﻤﺸﻜﻠﻪ !! ؟
ﻣﺎﻓﻴﺶ ﺳﺒﻠﻪ ﻣﺎﻓﻴﺶ ﺍﺟﺎﺑﻪ ﻣﻘﻨﻌﻪ ﻣﻬﻤﺎ ﺗﺤﺎﻭﻝ ﻣﺶ ﺣﺘﻘﺪﺭ ﺗﺒﺮﺭ ﻏﻴﺎﺏ ﻋﻤﺎﺩ ..
ﻫﻲ ﺗﻮﺍ ...
ﺑﺪﺕ ﻣﺴﺘﻌﺪﻩ ﻟﻠﻘﺎﺩﻡ ...
🍁🍁🍁🍁
ﺍﻟﺴﺎﻋﻪ 10:00 ﻟﻴﻼ ..
ﻋﻤﺎﺩ ... ﻳﺎﻫﻮﻭﻭﻭﻩ ..
ﺷﺒﺤﻠﻪ ﻋﻤﺎﺩ ﺑﺮﻓﻌﺔ ﺣﻮﺍﺟﺐ : ﺍﻣﻢ ..
ﺣﻴﺪﺭ : ﻭﻳﻨﻚ ﻳﺎﺭﺍﺟﻞ ﻣﻦ ﺑﻜﺮﻱ ﻧﻬﺪﺭﺯﻭﺍ ﻭﺍﻧﺖ ﻣﺶ ﻣﻌﺎﻧﺎ ..
ﺭﺍﻓﻊ : ﺍﺻﺎﺑﺘﻚ ﻧﺎﺿﺖ ﻋﻠﻴﻚ؟ !!
ﻋﻤﺎﺩ ﺷﺒﺢ ﻟﺬﺭﺍﻋﻪ : ﻻﻻ .. ﻟﻜﻦ .. ﺣﺎﺱ ﺻﺪﺭﻱ ﻣﻐﻤﻮﻡ .. ﻭﺯﻉ ﻧﻈﺮﻩ ﻋﻠﻴﻬﻢ .. ﺍﻟﺤﻖ ﺍﺳﺘﺎﺣﺸﺖ ﻣﺎﻟﻴﺎ ﻭﻧﺎﺳﻲ ﻧﺒﻲ ﻧﻌﺮﻑ ﺍﺧﺒﺎﺭﻫﻢ ﺍﻗﻞ ﺷﻲ .... ﺍﻣﻲ ﺑﺎﻟﺬﺍﺕ ..
ﺗﻴﻔﺴﺎ : ﻗﺘﻠﻚ ﺑﺮﺍ ﻟﺘﻮﻧﺲ ﻣﻊ ﻣﻌﺘﺰ ﺑﺎﻟﻚ ﺗﻠﻘﻰ ﻛﻴﻒ ﺗﻮﺻﻞ ﻓﻴﻬﻢ .. ﻣﺶ ﻓﻲ ﺑﻴﻨﻚ ﻭﺑﻴﻦ ﺧﺎﻟﻚ ﺗﻮﺍﺻﻞ ﻫﻮ ﺗﻮ ﻳﺨﺒﺮﻙ ﻭﻻﻳﺪﺑﺮ ﻛﻴﻒ ﻳﺨﻠﻴﻜﻢ ﺗﺘﻼﻗﻮﺍ ﻏﺎﺩﻱ ..
ﻋﻤﺎﺩ : ﻻﻻ .. ﻣﺎﻧﺒﻴﺶ ﻧﺠﻴﺒﻠﻬﻢ ﺷﺒﻬﻪ ﻭﺣﺘﻰ ﺧﺎﻟﻲ ﻣﺎﻧﺒﻴﺶ ﻧﻔﺘﺢ ﺍﻟﻌﻴﻮﻥ ﻋﻠﻴﻪ ..
ﺭﺍﻓﻊ : ﺑﺎﻫﻲ ﺷﻦ ﺭﺍﻳﻚ ﻋﻼﺀ ﻣﺎﺷﻲ ﻟﻄﺮﺍﺑﻠﺲ ﻫﻮ ﻳﻮﺻﻞ ﻓﻴﻬﻢ ..
ﺷﺒﺢ ﻋﻤﺎﺩ ﻟﻌﻼﺀ ..
ﻋﻼﺀ : ﺍﻃﻤﻦ ﻣﺎﻓﻲ ﺣﺪ ﻳﻌﺮﻑ ﺍﻧﻲ ﻫﻨﻲ ﻭﻣﻦ ﺍﻟﺜﻮﺍﺭ ﺑﻮﻱ ﺍﻟﻠﻪ ﻳﺮﺣﻤﻪ ﻛﺎﻥ ﻣﻦ ﺍﻟﻨﺎﺱ ﺍﻟﻜﺒﺎﺭ ﻓﻲ ﺍﻷﻣﻦ ﺍﻟﺨﺎﺭﺟﻲ ﻣﺎﻓﻲ ﺣﺪ ﺷﻚ ﻓﻴﺎ ..
ﺭﺍﻓﻊ : ﻧﺎﺱ ﻣﻦ ﺩﺍﺧﻞ ﺍﻛﺪﺕ ﻟﻠﺴﺎﻳﺢ ﺍﻟﻤﻌﻠﻮﻣﻪ ..
ﻋﻤﺎﺩ ﻭﻫﻮ ﻳﺸﻮﻑ ﻟﻌﻼﺀ : ﺗﻘﺪﺭ ﻳﺎﻋﻼﺀ ..
ﻋﻼﺀ ﺑﻀﺤﻜﻪ : ﻋﻴﺐ ﻋﺎﺩ ﻳﺎﺭﺍﺟﻞ .. ﻧﻘﺪﺭ ﻭﻧﺺ ﻭﻋﺸﺮﺓ ..
ﺿﺤﻜﻮﺍ ...
ﺭﺍﻓﻊ ﺑﻀﺤﻜﻪ؛ﻋﻨﺒﻮﻙ ﺛﻘﺔ ..
ﺿﺤﻜﻮﺍ ﺗﺎﻧﻲ ..
ﺑﻌﺪﻳﻦ ﺳﻜﺘﻮﺍ ﺷﻮﻳﻪ ..
ﻟﻌﻨﺪ ﻣﺎﺗﻜﻠﻢ ﺗﻴﻔﺴﺎ : ﺍﻵﻣﺮ ﻣﺎﻳﺘﻔﺎﻫﻤﺶ ﺑﻜﻞ ..
ﻛﻠﻬﻢ ﺷﺒﺤﻮﻟﻪ ..
ﺍﻟﻠﻲ ﺗﻠﻔﺖ ﻭﺍﻟﻠﻲ ﺷﺒﺢ ﺟﻨﺒﻪ ..
ﻋﻴﻮﻧﻬﻢ ﻉ ﻧﺰﺍﺭ ﺍﻟﺴﺎﻳﺢ ﻭﺍﻗﻒ ﻭﻣﻌﺎﻩ ﺗﻼﺗﻪ ..
ﻗﺎﺳﻢ .. ﻭﺇﻟﻴﺎﺱ .. ﻭﻭﻟﺪ ﻋﻤﺮﻩ 17 ﺳﻨﻪ ..
ﺍﻟﻮﻟﺪ ﻛﺎﻥ ﻳﻜﻠﻢ ﻓﻴﻬﻢ ﺑﻄﺮﻳﻘﻪ ﺗﺒﻴﻦ ﺍﻧﻪ ﺍﻛﺒﺮ ﻣﻦ ﻋﻤﺮﻩ ..
ﺣﺘﻰ ﻣﻼﻣﺤﻪ .. ﻟﺤﻴﺘﻪ ﻭﻛﺜﺎﻓﺔ ﺷﻌﺮﻩ ﺗﺒﻴﻦ ﻫﻜﻲ ..
ﺗﻠﻔﺖ ﺭﺍﻓﻊ ﻟﺘﻴﻔﺴﺎ : ﻋﻼﺵ ﻗﻠﺖ ﻫﻜﻲ ..
ﻧﺰﻝ ﻋﻴﻮﻧﻪ ﻭﻗﺎﻝ : ﺑﻜﺮﻱ ﻗﺘﻠﻪ ﻋﻄﻴﻨﻲ ﻫﺎﺗﻔﻚ ﻧﺪﻳﺮ ﻣﻜﺎﻟﻤﻪ ﻣﺴﺘﻌﺠﻠﻪ ﻓﻨﺺ ﻓﻴﺎ ﺗﻔﻨﻴﺼﻪ ﺗﻮﻗﻌﺖ ﻳﻌﻄﻴﻨﻲ ﻃﻠﻘﻪ ﻓﺮﺍﺳﻲ .. ﺭﺍﻫﻮ ﻏﻴﺮ ﺍﻟﻮﺍﺣﺪ ﻣﺶ ﻓﺒﺎﺏ ﻣﺸﺎﻛﻞ ﻛﺎﻥ ﻫﺪﺍ ﻧﺼﺒﺘﻬﺎ ﻣﻌﺎﻩ ..
ﺿﺤﻚ ﺣﻴﺪﺭ ﻭﻗﺎﻝ : ﻣﺎﻫﻮ ﻋﻄﺎﻙ ﺍﻟﻤﺮﺓ ﺍﻟﻠﻲ ﻓﺎﺗﺖ ﻭﺷﻔﻨﺎﻙ ﻣﻦ ﻛﻠﻤﺖ ..
ﺗﻴﻔﺴﺎ : ﺧﻄﻴﺒﺘﻲ ﻻﻋﻴﺐ ﻭﻻﺣﺮﺍﻡ ..
ﺿﺤﻜﻮﺍ ..
ﺭﺍﻓﻊ : ﻟﻜﻦ ﻣﺶ ﻭﻗﺘﻪ ﻳﺎﺛﺎﺋﺮ ..
ﺗﻴﻔﺴﺎ : ﺍﻧﺖ ﻣﺶ ﻓﺎﻫﻢ ﻳﺎﺭﺍﻓﻊ ﻫﻲ ﻭﻣﺎﻟﻴﻬﺎ ﻣﺎﻟﻬﻤﺶ ﻏﻴﺮﻱ ﻣﻦ ﻟﻤﺎ ﺧﻄﺒﺖ ﺑﻨﺘﻬﻢ ﻭﺍﻧﻲ ﺭﺍﺟﻞ ﺍﻟﻌﻴﻠﻪ ..
ﻋﻼﺀ : ﺍﻫﻠﻚ ﻓﺘﻮﻧﺲ ﺣﺘﻰ ﻫﻤﺎ ﻭﻻ .
ﺗﻴﻔﺴﺎ : ﺍﻳﻪ ﻟﻜﻦ ﻛﻞ ﺣﺪ ﻓﻤﻄﺮﺍﺡ ..
ﻋﻤﺎﺩ ﺍﺑﺘﺴﻢ ﻭﻗﺎﻝ؛ﺗﻮ ﻧﻘﻮﻟﻪ ﺍﻧﻲ ..
ﺭﺍﻓﻊ ﺑﻀﺤﻜﻪ : ﺍﻳﺎﻩ ﻋﺎﺩ ﻭﻟﻴﻨﺎ ﻭﺍﺳﻄﺎﺕ ﻭﺟﻮ ﻣﻊ ﺍﻟﻜﺎﺑﻮ .. ﺭﻓﻊ ﺣﺎﺟﺒﻪ ﻭﻗﺎﻝ .. ﻣﺎﺗﻨﺴﺎﺵ ﺭﺍﻫﻮ ﺻﺎﺣﺒﻲ ﺍﻧﻲ ﺑﺲ ..
ﺿﺤﻜﻮﺍ ...
ﺣﻴﺪﺭ : ﺟﻮ ﺑﻨﺖ ﺑﻨﺖ ﺍﺧﺘﻲ ﻣﻊ ﺻﺎﺣﺒﺎﺗﻬﺎ ..
ﻋﻤﺎﺩ ﺑﻀﺤﻜﻪ؛ﻗﺼﺪﻙ ﺟﺪ ﺍﻧﺖ ..
ﺭﺍﻓﻊ : ﻫﻬﻬﻬﻬﻬﻬﻬﻬﻬﻬﻪ .. ﻭﻭﻭﻭﻩ ... ﻗﻮﻳﻪ ..
ﺣﻴﺪﺭ 😒
ﻗﻌﺪﻭﺍ ﻳﻀﺤﻜﻮﺍ ..
ﺑﻌﺪﻳﻦ ﺳﻜﺘﻮﺍ ﺷﻮﻳﻪ ... ﻭﻗﺎﻝ ﺣﻴﺪﺭ
ﺣﻴﺪﺭ : ﻣﺎﻫﻀﻤﺘﺎﺵ ﻧﺰﺍﺭ ﺍﻟﺤﻖ ..
ﺭﺍﻓﻊ : ﻋﻼﺵ ..
ﺣﻴﺪﺭ : ﻣﺶ ﻋﺎﺭﻑ ﺣﺴﻴﺘﻪ ﻧﺎﻓﺦ ﺭﻭﺣﻪ ﻫﻠﺒﻪ ..
ﺗﻴﻔﺴﺎ : ﻭﺍﻟﻠﻪ ﺣﻖ ..
ﺭﺍﻓﻊ ﺍﺑﺘﺴﻢ ﻭﻗﺎﻝ : ﻫﻮ ﻫﻜﻲ ﻣﻦ ﻳﻮﻡ ﻳﻮﻣﻪ .. ﺭﺍﻫﻮ ﻭﻟﺪ ﺍﻟﻤﺪﻳﻨﻪ ﺍﻟﻘﺪﻳﻤﻪ ﺍﻧﻲ ﻭﻳﺎﻩ ﺟﻴﺮﺍﻥ ﻛﻨﺎ ..
ﺣﻴﺪﺭ ﻭﻫﻮ ﻳﺸﻮﻑ ﻟﻨﺰﺍﺭ : ﻣﺶ ﻋﺎﺭﻑ ..
ﻋﻤﺎﺩ : ﺍﻧﻲ ﻧﺒﻲ ﻧﻌﺮﻑ ﻣﻦ ﻫﻮ ﺍﻟﻠﻲ ﻭﺍﻗﻒ ﻋﻠﻴﻬﻢ ﻟﻴﻪ ﻗﺮﻳﺐ ﺳﺎﻋﺘﻴﻦ ..
ﺭﺍﻓﻊ : ﻫﺪﺍ ﻭﺍﺣﺪ ﻟﻴﻪ ﻋﻼﻗﻪ ﺑﺎﻟﺴﻼﺡ ﺍﻟﻠﻲ ﺑﻴﺠﻴﻨﺎ ﺍﻟﻤﺪﺓ ﺍﻟﺠﺎﻳﻪ .. ﻣﺸﻬﻮﺭ ﺑﺈﺳﻢ ﺍﻟﺤﻨﺶ ..
ﻋﻼﺀ ﺑﺈﺳﺘﻐﺮﺍﺏ : ﺻﻐﻴﺮ ﻫﻠﺒﻪ .
ﺣﻴﺪﺭ : ﺍﻳﻪ .. ﻟﻜﻦ ﻏﻴﺮ ﺩﻗﻴﻘﻪ ﻣﺶ ﻫﻮ ﺍﻟﺤﻨﺶ .. ﺍﻟﺤﻨﺶ ﻭﺍﺣﺪ ﺗﺎﻧﻲ .. ﻫﺪﺍ ﻟﻘﺒﻪ ﺍﻟﻜﻮﺑﺮﺍ ..
ﺭﺍﻓﻊ : ﺣﻨﺶ ﻭﻻ ﻛﻮﺑﺮﺍ ﻛﻠﻬﻢ ﻋﻴﻠﻪ ﻭﺣﺪﻩ ..
ﺿﺤﻜﻮﺍ ...
ﺑﻌﺪﻳﻦ ... ﺳﻜﺘﻮﺍ ...
ﺑﻌﺪﻫﺎ ﺗﻨﻬﺪ ﻋﻤﺎﺩ ﻭﻗﺎﻝ : ﻏﻴﺮ ﺍﻣﺘﻰ ﻳﺘﻢ ﺍﻟﻠﻲ ﺣﻨﻲ ﻓﻴﻪ ﺑﺲ ..
ﺣﻴﺪﺭ : ﺑﻌﺪ ﻧﻘﻄﻌﻮﺍ ﺭﺍﺱ ﺍﻟﺤﻴﻪ ..
ﺭﺍﻓﻊ : ﻗﺮﻳﺐ ﺍﻥ ﺷﺎﺀ ﺍﻟﻠﻪ ..
....
ﺍﺧﺮ ﺍﻟﺸﻬﺮ ..
ﺍﻟﺴﺎﻳﺢ : ﻛﻠﻤﺔ .. ﺍﻛﻴﺪ !!
ﺍﻟﻜﻮﺑﺮﺍ : ﻋﻴﺐ ﻋﺎﺩ ﻣﺎﻧﺠﻴﺒﻠﻚ ﻛﺎﻥ ﺍﻻﻛﻴﺪ ..
ﻫﺰ ﺍﻟﺴﺎﻳﺢ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ ..
ﻗﺎﺳﻢ : ﺍﻟﻮﺿﻊ ﻣﺎﺯﺍﻝ ﻣﺶ ﻭﺍﺿﺢ ..
ﺍﻟﻜﻮﺑﺮﺍ : ﻻ ﺧﻼﺹ ﺗﻤﻠﻪ ..
ﺇﻟﻴﺎﺱ : ﺻﺢ .. ﻣﻌﺎﺵ ﻋﻨﺪﻩ ﻓﻴﻬﺎ ..
ﺍﻟﺴﺎﻳﺢ : ﺟﺎﻩ ﻳﻮﻡ ﺍﻟﺠﻴﻔﻪ ﻫﺪﺍ ...
ﺍﻟﻜﻮﺑﺮﺍ ﺷﺒﺤﻠﻪ ﻭﺍﺑﺘﺴﻢ ﺑﺘﻬﻜﻢ ..
🌴🌴🌴🌴🌴🌴🌴🌴🌴🌴
🍃 ﻓﺎﺕ ﻣﻦ ﺍﻟﻌﺰﻱ ﺍﺳﺒﻮﻉ ...
ﻭﻏﺎﻟﻴﻪ ﻣﺎﺯﺍﻝ ﻓﻲ ﺍﻟﻤﺴﺘﺸﻔﻰ ﺣﺎﻟﺘﻬﺎ ﺍﻟﻨﻔﺴﻴﻪ ﺻﻌﺒﻪ ﺑﺎﻟﻤﻬﺪﺋﺎﺕ ﺗﺴﻜﺖ ..
ﺗﻨﻮﺽ .. ﺗﻘﻌﺪ ﻣﺸﻮﺍﺭ ﻫﺎﺩﻳﻪ ﻭﺣﺘﻰ ﺗﺎﻛﻞ ..
ﻓﺠﺄﺓ ﻳﺨﻄﺮ ﻋﻠﻴﻬﺎ ﺗﺨﺶ ﻓﻲ ﺣﺎﻟﻪ ﻫﺴﺘﻴﺮﻳﻪ ﺗﻌﻴﻂ ﻭﺗﺒﻜﻲ ..
ﻳﻤﺸﻮﻟﻬﺎ ﺍﻣﻬﺎ ﻭﺧﻮﺍﺗﻬﺎ ﺑﺘﺒﺎﺩﻝ ﻳﻮﻣﻴﺎ ﻭﻗﺖ ﺍﻟﺰﻳﺎﺭﺓ ..
🍁 ﻭﺣﺎﻝ ﺳﻌﻴﺪﻩ ﻳﺮﺛﻰ ﻟﻪ ..
ﻣﺶ ﺻﺎﺑﺮﺓ .. ﺑﺘﻤﻮﺕ ﻓﺠﺮﺗﻪ ...
ﻭﺭﺍﻧﻴﺎ ﺍﻏﻠﺐ ﻭﻗﺘﻬﺎ ﺭﺍﻗﺪﻩ ... ﻭﻛﺎﻥ ﻧﺎﺿﺖ ﺗﻘﻌﺪ ﺗﺒﻜﻲ ﻭﺧﻼﺹ ..
ﻭﺭﺍﻓﻀﻪ ﻣﻦ ﺍﻣﻬﺎ ﺍﻱ ﺷﻲ ... ﻣﺶ ﻣﺘﻘﺒﻠﻪ ﻣﻨﻬﺎ ﻭﻻ ﺣﺎﺟﻪ ..
ﻭﺯﻳﻨﺐ ﺑﺮﻏﻢ ﺍﻧﻬﺎ ﻣﻮﺟﻮﻋﻪ .. ﻟﻜﻦ ﻋﺎﺫﺭﺗﻬﺎ ...
🍁🍁🍁🍁
ﻓﻬﺎﻟﻴﻮﻡ ..
ﻛﺎﻥ ﻓﺮﻕ ﺍﻟﺴﻮ ...
ﻉ ﺣﺴﺐ ﻣﺎﻧﻌﻠﻢ ... ﺍﻧﻪ ﻛﺎﻥ ﺑﺎﻟﺴﺒﻮﻉ ﻣﺶ ﺑﺘﻼﺗﻪ ﺍﻳﺎﻡ ﻋﻨﺪ ﺑﻌﺾ ﺍﻟﻤﻨﺎﻃﻖ ﻭﻫﺎﻟﻤﻨﻄﻘﻪ ﻣﻨﻬﻢ ..
ﺩﺍﺭﻭ ﻋﺸﻲ ﺣﻮﺵ ﻋﺒﻮﺩﺓ ﻛﺴﻜﺴﻲ ﺑﺎﻟﺒﺼﻠﻪ ..
ﻟﻜﻦ ﺍﻟﻠﺤﻢ ﻣﺘﺎﻋﻪ ﻣﺶ ﻋﻠﻴﻪ ..
ﻛﻤﺎ ﺟﺮﺕ ﺍﻟﻌﺎﺩﺓ ...
ﺑﻌﺪ ﺗﻌﺸﻮﺍ ﺍﻟﻨﺎﺱ ...
ﺍﻟﻠﻲ ﻫﺪﺍ ﺑﺪﻱ ﻳﺮﻭﺡ ...
ﻭﺍﻟﻤﺎﻋﻴﻦ ﺧﺪﻭﻫﻢ ﻧﺎﺱ ﺍﻟﻌﺰﻱ ﻭﻗﻌﺪ ﻳﻐﺴﻠﻮﺍ ﻓﻴﻬﻢ ..
ﻛﺎﻥ ﻓﻲ ﺣﻮﺽ ﻛﺒﻴﺮ ﺑﺮﺍ ..
ﻗﻌﺪﻭﺍ ﻳﻐﺴﻠﻮﺍ ﻓﻴﻪ ﺍﻟﺒﻨﺎﺕ ...
ﺑﻠﻘﻴﺲ : ﻗﺪﻳﺶ ﻭﺟﻌﺘﻲ ﺭﺍﻧﻴﺎ ..
ﺭﺯﺍﻥ ﻗﻌﺪﺕ ﺳﺎﻛﺘﻪ ..
ﺑﻠﻘﻴﺲ : ﻟﻮ ﻛﻨﺖ ﻣﻜﺎﻧﻬﺎ ﻣﺘﺖ ﻭﺭﺍﻩ ..
ﺭﺯﺍﻥ ﺑﺤﺪﻩ : ﻣﺎﺣﺪ ﻳﻤﻮﺕ ﻭﺭﺍ ﺣﺪ ﻛﻞ ﻭﺍﺣﺪ ﻳﻤﻮﺕ ﺑﺴﺎﻋﺘﻪ ..
ﺷﺒﺤﻮﻟﻬﺎ ﻛﻠﻬﻢ ..
ﻧﻮﺭ ﻛﺎﻥ ﺗﻠﻘﻰ ﺗﺨﺒﻄﻬﺎ ﻉ ﺭﺍﺳﻬﺎ ﺑﺎﻟﺼﻮﻧﻴﻪ ﺍﻟﻠﻲ ﻓﻴﺪﻫﺎ
ﻓﻮﻕ ﺍﻟﻠﻲ ﺻﺎﺭ ﻣﺎﺯﺍﻝ ﺗﻔﻜﺮ ﻫﻜﻲ ..!!
ﺳﻜﺘﺖ ﺑﻠﻘﻴﺲ ﺗﺠﻨﺒﺎ ﻟﻠﻤﺸﺎﻛﻞ ...
ﻭﻛﻤﻠﻮﺍ ﻏﺴﻞ ...
ﺷﻮﻳﻪ ﻭﺟﺘﻬﻢ ﻓﺎﻃﻤﻪ ...
ﻓﺎﻃﻤﻪ ﻭﻫﻲ ﺗﺘﺄﻟﻢ : ﺭﺯﺍﻥ ..
ﺍﻟﺘﻔﺘﺖ : ﻧﻌﻢ ..
ﻓﺎﻃﻤﻪ؛ﻣﺎﻋﻨﺪﻛﻤﺶ ﻻﻣﻴﺜﺔ .
ﺭﺯﺍﻥ : ﻋﻨﺪﻧﺎ .. ﺗﻮ ﻧﺠﻴﺒﻬﻠﻚ .. ﻭﻣﺸﺖ ﻃﻮﻝ ﺗﺠﺮﻱ ﻟﺤﻮﺷﻬﻢ ..
ﻧﻮﺭ : ﻻﺑﺎﺱ ﺣﻨﻴﻨﻪ ﺧﻴﺮﻙ ..
ﻓﺎﻃﻤﻪ : ﺿﻐﻄﻲ ﺭﻗﻲ ﺷﻜﻠﻪ ..
ﺑﻠﻘﻴﺲ : ﻣﺎﻓﻴﺶ ﻛﺼﺒﺮ .. ﻳﻨﺰﻟﻪ ..
ﻓﺎﻃﻤﻪ : ﻣﺎﻫﻨﺎﻙ ﻣﻦ ﺷﺎﻗﻲ ﺑﻴﻪ ﺑﻴﺶ ﻳﺪﻭﺭﻩ ..
ﻉ ﺟﻴﺔ ﺭﺯﺍﻥ ..
ﺭﺯﺍﻥ : ﺍﻫﻴﺎ ﺣﻨﺎﻱ ..
ﺧﺪﺗﻬﺎ ﻓﺎﻃﻤﻪ ﻭﻗﻌﻤﺰﺕ ﻉ ﺍﻟﺮﻛﺎﺑﻪ ﻭﺣﻮﻟﺖ ﻣﺤﺮﻣﺘﻬﺎ ..
ﻧﻮﺭ ﻭﺭﺯﺍﻥ ﻭﺭﻓﻘﻪ : ﺑﺮﻭﻭﺣﻚ !!!
ﻓﺎﻃﻤﻪ؛ﻧﻌﺮﻑ ...
ﺭﺯﺍﻥ : ﻻ ﺣﻨﺎﻱ ﻻ ﺗﺮﺑﺤﻲ ..
ﻗﺪﻣﺖ ﺑﻠﻘﻴﺲ : ﺍﻧﻲ ﻧﻌﺮﻑ ... ﻫﺎﺗﻲ ﻋﻤﺘﻲ ..
ﺭﺯﺍﻥ : ﺑﻠﻘﻴﺲ !
ﺑﻠﻘﻴﺲ : ﻭﺍﻟﻠﻪ ﻻﻧﻌﺮﻑ .. ﻏﻴﺮ ﻋﺪﻱ ﺟﻴﺒﻲ ﻗﻄﻦ ﺑﺴﺮﻋﻪ ..
ﻓﺎﻃﻤﻪ ﻣﺪﺗﻬﺎ ﻟﺒﻠﻘﻴﺲ : ﺑﺎﻫﻲ ﻏﻴﺮ ﻫﻴﺎ ﺳﻘﺪﻧﻲ .
ﻣﺸﺖ ﺭﺯﺍﻥ ﻟﻠﺤﻮﺵ ﺟﺎﺑﺖ ﺍﻟﻘﻄﻦ ﻟﺒﻠﻘﻴﺲ ..
ﺑﺪﺕ ﺑﻠﻘﻴﺲ .. ﺗﺤﺠﻢ ﻟﻔﺎﻃﻤﻪ ﻓﺠﺒﻬﺘﻬﺎ ..
ﻭﻓﻌﻼ ﻳﺪﻫﺎ ﻛﺎﻧﺖ ﺧﻔﻴﻔﻪ ﻭﺗﻌﺮﻑ ..
ﻭﻗﻌﺪﺕ ﺗﻤﺴﺢ ﻓﻲ ﺍﻟﺪﻡ ﺑﺎﻟﻘﻄﻦ ...
ﻓﺎﻃﻤﻪ؛ﺭﺑﺤﺘﻲ ﻳﺎﺑﻨﻴﺘﻲ ..
ﺍﺑﺘﺴﻤﺖ ﺑﻠﻘﻴﺲ ..
ﻣﻦ ﻓﻮﻕ ..
ﻛﺎﻥ ﻣﺤﻤﺪ ﻃﺎﻟﻊ ﻣﻦ ﺍﻟﺪﺍﺭ ..
ﺷﺒﺢ ﺟﻨﺒﻪ ﻟﻘﻲ ﺍﻣﻪ ﻣﻘﻌﻤﺰﺓ ﺣﻮﺍﻟﻴﻬﺎ ﺍﻟﺒﻨﺎﺕ ..
ﺍﻧﺨﻠﻊ ..
ﻃﻮﻝ ﻭﻗﻒ ﻭﻗﺎﻝ : ﻳﻤﻲ !!
ﺷﺒﺤﻮﻟﻪ ﻛﻠﻬﻢ ..
ﻣﺤﻤﺪ : ﺧﻴﺮﻙ ..
ﺭﺯﺍﻥ : ﺷﻲ .. ﺩﺍﺭﺕ ﺣﺠﺎﻣﻪ ..
ﻣﺤﻤﺪ : ﻭﻳﻦ ﺗﻌﺮﻓﻦ ﺍﻧﺘﻦ !!
ﺳﻜﺘﻮﺍ ..
ﻓﺎﻃﻤﻪ : ﻳﺎﻭﺩﻱ ﺣﺠﻤﻨﻲ ﻭﺧﻼﺹ ...
ﺑﻠﻘﻴﺲ ﻛﻌﺎﺩﺗﻬﺎ ﺑﻜﻞ ﺟﺮﺃﺓ : ﺍﻧﻲ ﻧﻌﺮﻑ ..
ﻣﺎﺑﺎﺵ ﻳﺸﺒﺤﻠﻬﺎ ﺣﺘﻰ ﺍﻟﺸﺒﺢ : ﺍﻣﻲ ﻋﺪﻱ ﻟﻠﺤﻮﺵ ﺭﺯﺍﻥ ﻗﻠﻴﻬﺎ ...
ﻭﺍﻟﺒﺎﻗﻲ ﻛﻤﻠﻦ ﺷﻐﻠﻜﻦ ﻭﺧﺸﻦ ...
ﻭﻟﻒ ﻭﻣﺸﻲ ..
ﺑﻠﻘﻴﺲ ﺍﺿﺎﻳﻘﺖ ﻫﻠﺒﻪ ..
ﻓﺎﻃﻤﻪ : ﻧﺎﺭ ﻣﺎﻳﻨﻘﺮﺏ .. ﻧﺎﺿﺖ .. ﻳﺎﺍﺍﺭﺏ ... ﺷﺪﺗﻬﺎ ﺭﺯﺍﻥ .. ﻭﻣﺸﻮﺍ ﺍﻟﺰﻭﺯ ..
ﻧﻮﺭ ﺷﺒﺤﺖ ﻟﺒﻠﻘﻴﺲ ﻭﻗﺎﻟﺖ : ﺧﺎﻟﻲ ﻫﻜﻲ ﺍﺳﻠﻮﺑﻪ ..
ﺑﻠﻘﻴﺲ : ﻧﻌﺮﻓﻪ ..
ﺭﻓﻘﻪ : ﻣﻌﻨﺎﻫﺎ ﻣﺎﺣﺮﺟﺘﻴﺶ ..
ﺍﺑﺘﺴﻤﺖ ﺑﻠﻘﻴﺲ : ﻫﻲ ﺗﻌﺎﻟﻦ ﻧﻜﻤﻠﻮﺍ ﺑﺴﺮﻋﻪ ..
ﺍﺑﺘﺴﻤﻮﺍ ﻭﻭﻟﻮﺍ ﻟﻠﺤﻮﺽ ..
🍁🍁🍁🍁
ﻓﻬﺪﻳﻜﺎ ﺍﻟﻠﻴﻠﻪ ﻣﺎﻗﻌﺪﺵ ﺍﻻ ﺍﻷﻗﺎﺭﺏ ﻭﺍﻟﺠﻴﺮﺍﻥ ﺍﻟﻘﺮﺍﺏ ..
ﻭﻟﻤﺎ ﺍﻟﺤﻮﺵ ﺑﺪﻱ ﻳﻔﻀﻰ ..
ﻧﺎﺽ ﻋﻠﻴﻬﻢ ﻭﺟﻌﻬﻢ ﺗﻘﻮﻝ ﺍﻭﻟﻪ ﻟﻴﻠﻪ ..
ﻭﻷﻧﻪ ﺻﻴﻒ ..
ﻛﻠﻬﻢ ﻛﺎﻧﻮﺍ ﻓﻢ ﺍﻟﺒﻮﺍﺑﻪ ..
ﻣﺒﺮﻭﻛﻪ ﻭﻫﻲ ﺗﺒﻜﻲ : ﻫﻴﻴﻴﻴﻪ .. ﻛﺎﻥ ﻋﻨﺪﻱ ﺯﻭﺯ ﺧﻮﺕ ﻛﻨﺖ ﻧﻘﻮﻝ ﻟﻠﻨﺎﺱ ﺧﻮﺗﻲ ﺯﻭﺯ ﺭﻣﻀﺎﻥ ﻭﻋﺒﺪﺍﻟﻠﻪ ﻟﻴﻬﻢ ﻗﺪﺭﻫﻢ ﻭﻗﻴﻤﺘﻬﻢ .. ﻋﻮﺍﻣﻴﺪ ﻣﻨﺴﻨﺪﻩ ﻋﻠﻴﻬﻢ .. ﻭﺗﻮﺍ ﻃﺎﺡ ﻭﺍﺣﺪ ﻣﻨﻬﻢ ..
ﺍﻟﺒﻨﺎﺕ ﻗﻌﺪﻭﺍ ﻳﺒﻜﻮﺍ ..
ﻣﺮﺿﻴﻪ ﺑﺒﻜﻲ : ﻫﺪﻯ ﺣﺎﻝ ﺍﻟﺪﻧﻴﺎ ..
ﻛﺎﻣﻠﻪ : ﺭﺍﺣﻮﺍ ﺻﻐﺎﺭ ﻓﺴﻨﻬﻢ ﻭﺳﻴﺒﻮﺍ ﻭﺭﺍﻫﻢ ﻧﺴﺎﻭﻳﻦ ﻭﻋﻮﻳﻞ ..
ﺩﻻﻝ : ﺁﺍﺍﺍﺍﺍﺍﻩ ...
ﺷﺪﺕ ﺍﻣﻬﺎ ﻳﺪﻫﺎ ﺑﻘﻮﺓ .. ﻭﺩﻻﻝ ﺗﺒﻜﻲ ﺑﺼﻤﺖ ..
ﺯﻳﻨﺐ ﺑﺄﻟﻢ؛ﻫﺪﺍ ﻋﻼﺵ ﻗﺎﻟﻠﻨﺎ ﺗﻌﺎﻟﻮﺍ ﻓﻲ ﺍﻟﻤﻴﻠﻮﺩ ..
ﻛﻔﺎﻳﻪ ﺑﺼﻮﺕ ﻣﺨﻨﻮﻕ : ﺣﺘﻰ ﺍﻧﻲ ﻗﻠﺘﻬﺎ ..
ﺍﻣﺒﺎﺭﻛﻪ : ﺯﻱ ﻋﻤﻚ ﺍﻟﺤﺎﺝ ﺣﻤﺪ ﺍﻟﻠﻪ ﻳﺮﺣﻤﻪ ﻟﻤﻬﻢ ﺣﺪﺍﻩ ﻗﺒﻞ ﻟﻴﻤﻮﺕ ﺑﻨﻬﺎﺭ ..
ﺣﻤﻴﺪﻩ ﺑﺤﺮﻗﻪ؛ﺍﺧﻴﻴﻴﻲ ﻉ ﺍﻟﺪﻧﻴﺎ ﺍﺧﻴﻴﻴﻴﻴﻲ ﺧﺪﺗﻬﻢ ﻓﻐﻤﻀﺔ ﻋﻴﻦ .. ﻛﻴﻒ ﺳﻴﺪﻱ .. ﻛﻴﻒ ﺭﻣﺰﻱ ...
ﻛﻠﻬﻢ ﻗﻌﺪﻭﺍ ﻳﺒﻜﻮﺍ ﺑﺎﻟﻌﺒﺮﺓ ..
ﺻﻮﺕ ﺑﻜﺎﻫﻢ ﻣﺴﻤﻮﻉ ﻟﻠﺮﺟﺎﻟﻪ ﺍﻟﻠﻲ ﻛﺎﻧﻮﺍ ﻣﺘﺄﻟﻤﻴﻦ ﻫﻠﺒﻪ ..
🌸 ﻣﺮﺍﻡ ..
ﻛﺎﻧﺖ ﺗﺴﻤﻊ ﻓﻴﻬﻢ ﻭﻓﺨﺎﻃﺮﻫﺎ ﻛﻠﻤﺘﻴﻦ ﺑﺘﻘﻮﻟﻬﻢ .
ﻣﺮﺍﻡ : ﺍﻟﻤﻴﺖ ﺗﻮﺍ ﻣﺎﻳﺒﻲ ﻛﺎﻥ ﺍﻟﺪﻋﺎﺀ .. ﻣﺎﻳﺒﻴﺶ ﺍﻟﺒﻜﻲ ﻭﺍﻟﻨﻮﺍﺡ ... ﺭﺍﻫﻢ ﺗﻮﺍ ﻳﺤﺘﺎﺟﻮﺍ ﻟﻠﺪﻋﺎﺀ ﺯﻱ ﻣﺎﻳﺤﺘﺎﺝ ﺍﻟﻌﻄﺸﺎﻥ ﻟﻠﻤﻴﻪ .. ﺭﺍﻫﻮ ﻗﺒﺮ ﻭﻭﺣﺸﻪ .. ﻭﻣﺎﻳﻮﻧﺴﻬﻢ ﻓﻴﻪ ﻛﺎﻥ ﺩﻋﺎﺋﻜﻢ ..
ﺍﻟﺮﺳﻮﻝ ﻗﺎﻝ ﺑﻤﺎ ﻣﻌﻨﺎﻩ ﻟﻤﺎ ﻳﻤﻮﺕ ﺍﻟﺒﻨﻲ ﺁﺩﻡ ﻳﻨﻘﻄﻊ ﻋﻤﻠﻪ ﺧﻼﺹ .. ﺑﺲ ﻳﻘﻌﺪﻭﻟﻪ ﺗﻼﺗﻪ ﺣﺎﺟﺎﺕ ﻣﻤﻜﻦ ﻳﺨﻠﻮﺍ ﺣﺴﻨﺎﺗﻪ ﺗﺰﻳﺪ ﻭﻫﻮ ﻓﻘﺒﺮﻩ ..
ﺍﻟﺼﺪﻗﻪ ﺍﻟﺠﺎﺭﻳﻪ .. ﻭﺩﻋﺎﺀ ﺍﻷﺑﻦ ﺍﻟﺼﺎﻟﺢ ﻣﻨﻬﻦ .. ﻓﺴﺎﻋﻪ ﻛﻴﻒ ﻫﺪﻱ ﻣﻔﺮﻭﺽ ﺗﺪﻋﻦ ﻭﺑﺲ ... ﻭﻣﻌﺎﺵ ﺗﻌﺬﺑﻮﻫﻢ ﺑﺎﻟﻠﻲ ﺗﻘﻮﻟﻮﺍ ﻓﻴﻪ ﺗﻮﺍ ﻭﺍﻟﻠﻲ ﺩﺭﺗﻮﻩ ﻗﺒﻞ ..
ﻫﻤﺎ ﺗﺄﺛﺮﻭﺍ ﺑﻜﻼﻣﻬﺎ ..
ﻗﺎﻻﺗﻪ ﺑﻬﺪﻭﺀ ﻭﺣﺰﻡ ... ﻭﺍﺛﺮ ﻓﻴﻬﻢ ..
ﻛﻼﻣﻬﺎ ﺧﻼ ﺩﻻﻝ ﺗﺬﻛﺮ ﻭﺻﻴﺔ ﻋﻤﺎﺭ ﻟﻤﺎ ﻗﺎﻟﻠﻬﺎ ﺍﺩﻋﻴﻠﻲ ..
ﻧﺎﺿﺖ ﻭﻫﻲ ﺗﻘﻮﻝ : ﻋﻨﺪﻙ ﺣﻖ ..
ﻧﻌﻴﻤﻪ : ﻭﻳﻦ ﻣﺎﺷﻴﻪ !!
ﺩﻻﻝ؛ﺑﻨﺘﻮﺿﺎ ﻭﻧﺼﻠﻲ ... ﻭﺧﺸﺖ ﺩﺍﺧﻞ ..
ﺯﻳﻨﺐ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ...
ﻛﻔﺎﻳﻪ : ﺍﻟﻠﻪ ﻳﺮﺣﻤﻬﻢ ﻭﻳﻐﻔﺮﻟﻬﻢ ..
ﻭﻛﻠﻬﻢ ﺭﺩﺩﻭﺍ ﻧﻔﺲ ﺍﻟﺪﻋﺎﺀ ..
ﻓﺎﻃﻤﻪ ﺷﺒﺤﺖ ﻟﻤﺮﺍﻡ ﺍﻟﻠﻲ ﻛﺎﻧﺖ ﻣﻘﻌﻤﺰﻩ ﺟﻨﺐ ﺍﻣﻬﺎ ﻭﻫﻲ ﺗﻮﺯﻉ ﻓﻨﻈﺮﻫﺎ ﻉ ﺍﻟﺒﻨﺎﺕ ..
ﺩﺍﻣﺖ ﺍﻟﻨﻈﺮ ﻟﻴﻬﺎ ﻟﻠﺤﻈﺎﺕ .. ﺑﻌﺪﻳﻦ ﻏﻴﺮﺕ ﻋﻴﻮﻧﻬﺎ ..
ﻓﻲ ﻋﺰ ﺻﻤﺘﻬﻢ ..
ﺑﺪﻭﺍ ﻳﺴﻤﻌﻮﺍ ﻓﻲ ﺻﻮﺕ ﺟﻤﻴﻞ ﺟﺪﺍ ﻳﺮﺗﻞ ﻓﻲ ﺍﻟﻘﺮﺁﻥ ..
ﻛﺎﻧﻮﺍ ﺍﻳﺎﺕ ﻣﻦ ﺳﻮﺭﺓ ﺍﻟﺒﻘﺮﺓ ..
ﻛﺎﻣﻠﻪ ﺑﺈﺑﺘﺴﺎﻣﻪ : ﻣﺆﻧﺲ ﻭﻟﺪ ﺍﻣﻴﻨﻪ ..
ﺍﻣﻴﻨﻪ ﻭﺧﺎﻻﺗﻪ ﺍﺑﺘﺴﻤﻮﺍ ...
ﺭﺑﺎﺏ ﻗﻌﺪﺕ ﺗﺴﻤﻊ ﻓﺼﻮﺗﻪ ..
ﻭﻷﻭﻝ ﻣﺮﺓ ﻗﻠﺒﻬﺎ ﻳﺪﻕ ﺑﺴﺮﻋﻪ ﻫﻜﻲ ..
ﺗﻠﻘﺎﺋﻴﺎ ﻗﻌﺪ ﺗﻨﺰﻝ ﻓﻲ ﻓﺎﻧﻴﻠﻴﺔ ﺍﻟﺘﻮﺗﻪ ..
ﻫﻲ ﺣﺮﻛﺔ ﻏﺮﻳﺒﻪ ﻋﻠﻘﺖ ﻓﻴﻬﺎ ..
ﺑﺲ ﺳﺒﺒﻬﺎ ﺗﺄﺛﻴﺮ ﻣﺆﻧﺲ ﺍﻟﻘﻮﻱ ﻋﻠﻴﻬﺎ ﻣﻦ ﺑﻌﺪ ﺍﺧﺮﻣﻮﻗﻒ ..
ﺍﺳﺘﺎﻗﻀﺖ ﻟﺮﻭﺣﻬﺎ ﻭﻗﺎﻟﺖ ﻓﻲ ﺳﺮﻫﺎ
" ﻣﻌﺒﻄﻨﻲ ﺷﻦ ﺍﻟﻬﺒﺎﻝ ﻫﺪﺍ "😟
ﺍﻣﺎ ﻫﻮ ..
ﻓﻜﺎﻥ ﻳﻘﺮﺍ ..
ﻭﺍﻟﺮﺟﺎﻟﻪ ﺍﺳﺘﻜﺎﻧﻮﺍ ﻟﺼﻮﺗﻪ ...
ﻫﻮ ﺣﺎﻓﻆ ﻟﻜﺘﺎﺏ ﺍﻟﻠﻪ ... ﻭﺟﺪﻩ ﻫﻮ ﺍﻟﻠﻲ ﻗﺎﻟﻪ ﻳﺘﻠﻰ ...
☘ ﻫﺪﻳﻜﺎ ﺍﻟﻠﻴﻠﻪ ﻣﺎﻓﻴﺶ ﻭﺣﺪﻩ ﻣﺎﺻﻠﺘﺶ ﻭﺩﻋﺖ ..
ﻭﻛﻞ ﻭﺣﺪﻩ ﺗﺪﻋﻲ ﺑﺸﻲ ..
ﻭﻛﻔﺎﻳﺔ ﺗﺪﻋﻲ ﺑﺄﻛﺜﺮ ﻣﻦ ﺷﻲ ..
ﻳﺎﺍﻩ ﻭﺍﻟﻠﻪ ﻣﺎﻓﺐ ﺃﺻﻌﺐ ﻣﻦ ﻣﻮﻗﻒ ﻛﻔﺎﻳﻪ ﻣﺎﺑﻌﺪﻫﺎ 💔...
🍁🍁🍁🍁🍁🍁
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 11:00 ﺻﺒﺎﺣﺎ ...
ﺟﻲ ﻭﻗﺖ ﺍﻟﻮﺩﺍﻉ ..
ﻭﺩﺍﻉ ﺩﻻﻝ ﻭﺻﻐﺎﺭﻫﺎ .. ﻟﻌﺰﻭﺯﺗﻬﺎ ﻭﺣﻤﻮﺍﺗﻬﺎ ..
ﻛﺎﻥ ﻣﺆﻟﻢ ﻉ ﺍﻵﺧﺮ ..
ﺑﺎﻟﺬﺍﺕ ﻟﻤﺎ ﺣﻀﻨﺖ ﻛﺎﻣﻠﻪ ﺻﻐﺎﺭ ﻋﻤﺎﺭ ... ﻗﻌﺪﺕ ﺗﺒﻜﻲ ﺑﺤﺮﻗﻪ ﺷﺪﻳﺪﻩ ..
ﻭﺍﻟﻜﻞ ﺍﻟﻤﻮﻗﻒ ﻛﺎﻥ ﻗﺎﻫﺮﻫﻢ ..
ﻭﺍﻟﺮﺟﺎﻟﻪ ﻳﺘﻔﺮﺟﻮﺍ ﻣﻦ ﺑﻌﻴﺪ ﺷﻮﻳﻪ ..
ﺷﻮﻳﻪ ﻭﻧﺎﺿﺖ ﻛﺎﻣﻠﻪ ﻋﻄﺖ ﻣﻌﻤﺮ ﻷﻣﻪ ..
ﻭﻟﻔﺖ ﻭﻣﺸﺖ ﺑﺴﺮﻋﻪ ﻟﻠﺴﻴﺎﺭﺓ ﻭﻫﻲ ﺗﺒﻜﻲ ..
ﻭﻭﺭﺍﻫﺎ ﺑﻨﺎﺗﻬﺎ ..
ﺩﻻﻝ ﻭﺍﻗﻔﻪ ﺗﺸﻮﻓﻠﻬﻢ ﻭﻫﻲ ﺷﺎﺩﻩ ﻣﻌﻤﺮ ﺍﻟﻠﻲ ﻳﻌﻴﻂ ..
ﻭﻭﻟﺪﻫﺎ ﺟﻮﺍﺩ ﺷﺎﺩ ﻓﻲ ﻗﻔﻄﺎﻧﻬﺎ ﻭﻳﺒﻜﻲ ..
ﻭﻫﻲ ﺗﺒﻜﻲ ﺑﻌﺒﺮﺗﻬﺎ ﻭﻫﻲ ﺗﺸﻮﻑ ﻓﻲ ﺭﻳﺤﺔ ﻋﻤﺎﺭ ﻛﻴﻒ ﺑﺪﺕ ﺗﺮﻭﺡ ﺣﺘﻰ ﻫﻲ ..
ﺭﻛﺒﻮﺍ ﺍﻟﺴﻴﺎﺭﺍﺕ ﻭﺗﺤﺮﻛﻮﺍ ..
ﻭﻫﻲ ﺗﺒﻜﻲ ﺑﺘﻤﻮﺕ ...
ﻭﺍﻣﻬﺎ ﻭﺧﺎﻻﺗﻬﺎ ﻭﺣﻨﺎﻫﺎ ﻳﺘﻘﻄﻌﻮﺍ ﻋﻠﻴﻬﺎ ..
ﺩﻻﻝ ﺑﺒﻜﻲ : ﻓﺮﻗﻮﺍ ﺑﻴﻨﻲ ﻭﺑﻴﻨﻪ .. ﻓﺮﻗﻮﺍ ﺑﻴﻨﻲ ﺑﻴﻨﻪ .. ﻓﺮﻗﻮﺍ ﺑﻴﻨﻪ ﻭﺑﻴﻦ ﺻﻐﺎﺭﻩ ... ﺣﺮﻣﻮﻧﺎ ﻣﻨﻪ ﻭﻣﻦ ﺭﻳﺤﺘﻪ .. ﺍﻟﻠﻪ ﻳﺤﺮﻣﻬﻢ ﺍﻟﺠﻨﻪ ..
ﻓﺎﻃﻤﻪ ﺑﺒﻜﻲ : ﺍﻳﻪ ﻭﺍﻟﻠﻪ ﻳﺎﺑﻨﻴﺘﻲ ..
ﻛﻔﺎﻳﻪ ﺗﺸﻮﻑ ﻟﺪﻻﻝ ﻭﺗﺴﻤﻊ ﻓﻲ ﺍﻣﻬﺎ ..
ﻓﺠﺄﺓ ﺍﻧﻬﺎﺭﺕ ﺑﺎﻟﺒﻜﻲ ..
ﻟﻄﻴﻔﻪ ﻃﻮﻝ ﺣﻀﻨﺘﻬﺎ : ﺧﻼﺹ ﻛﻔﺎﻳﻪ ﺧﻼﺹ ..
ﻛﻠﻬﻢ ﺷﺒﻪ ﺍﺳﺘﻐﺮﺑﻮﺍ .. ﺑﺎﻟﺬﺍﺕ ﻣﻦ ﺣﺮﻛﺔ ﻟﻄﻴﻔﻪ ..
☘☘☘☘
ﻣﻦ ﺑﻌﻴﺪ ﻗﺪﻡ ﻫﺎﻧﻴﺒﺎﻝ ﻟﺪﻻﻝ ...
ﻗﻌﺪ ﻳﺸﺒﺤﻠﻬﺎ ﻫﻲ ﻭﺻﻐﺎﺭﻫﺎ ﺑﺄﻟﻢ ..
ﻭﺻﻞ ﻓﻴﻬﺎ ..
ﻫﻲ ﻃﻮﻝ ﺧﺸﺖ ﻓﺤﻀﻨﻪ : ﺁﺍﺍﺍﻩ ﻳﺎﺧﺎﻟﻲ .. ﺁﺍﺍﺍﻩ ..
ﺣﻀﻨﻬﺎ ﺑﻴﺪ ﻭﺍﻟﺘﺎﻧﻴﻪ ﻗﻌﺪ ﻳﺴﻤﺢ ﻓﻴﻬﺎ ﺩﻣﻮﻋﻪ ﻗﺒﻞ ﻳﻨﺰﻟﻮﺍ .. ﺑﻌﺪﻳﻦ ﺣﻂ ﻳﺪﻩ ﻉ ﺭﺍﺱ ﻣﻌﻤﺮ ﻭﻗﻌﺪ ﻳﻤﺴﺢ ﻋﻠﻴﻪ ﻭﻫﻮ ﻳﻘﻮﻝ : ﻉ ﺧﺎﻃﺮ ﻉ ﺍﻟﻌﻮﻳﻠﻪ ﺍﻟﺼﻐﺎﺭ ﻳﺎﺩﻻﻝ ﺧﻠﻴﻚ ﻗﻮﻳﻪ .. ﺷﻮﻓﻴﻬﻢ ﻛﻴﻒ ﻳﺒﻜﻮﺍ ﺷﻮﻓﻲ ﺣﺮﺍﻡ ﻋﻠﻴﻚ ﺭﺍﻫﻮ .
ﺩﻻﻝ ﺣﻀﻨﺖ ﻣﻌﻤﺮ ..
ﻭﻫﺎﻧﻴﺒﺎﻝ ﻃﺒﺲ ﻭﻗﺎﻡ ﺟﻮﺍﺩ ﻓﻲ ﻏﻤﺮﻩ ﻭﻗﺎﻝ : ﻫﻲ ﺧﺸﻮﺍ ..
ﻟﻔﺖ ﺩﻻﻝ ﻭﻣﺸﺖ ..
ﻭﻫﻮ ﻭﺭﺍﻫﺎ ﻋﻄﻲ ﺟﻮﺍﺩ ﻟﻨﻌﻴﻤﻪ .. ﺑﻌﺪﻳﻦ ﻣﺸﻲ ...
🍁🍁🍁🍁
ﻣﻜﺎﻟﻤﻪ ﻫﺎﺗﻔﻴﻪ
ﺍﻧﻲ ﻓﻲ **** ﻋﻨﺪ ﺧﺎﻟﺘﻲ .. ﺟﺎﻳﻪ ﺍﻧﻲ ﻭﻳﺎﻫﺎ ﺍﻟﻌﺸﻴﻪ ..
ﻋﻤﺮ : ﺑﺎﻫﻲ ﺑﺼﻔﺘﻚ ﻣﻦ؟
ﻟﻤﻴﺎ : ﺻﺎﺣﺒﺔ ﺣﻤﻴﺪﻩ ...
ﻋﻤﺮ ﺍﺑﺘﺴﻢ .
ﻟﻤﻴﺎﺀ : ﺑﻌﺪ ﺍﻟﻌﺼﺮ ﺑﺎﻫﻲ ..
ﻋﻤﺮ : ﺗﻤﺎﻡ ..
" ﺍﻟﻨﺖ ﺑﺲ ﻣﻘﻄﻮﻉ ﻣﺶ ﺍﻹﺗﺼﺎﻻﺕ "😉
🍁🍁🍁🍁
ﻭﻓﺎﺕ ﺍﻟﻮﻗﺖ ...
ﻭﺍﻟﻮﺟﻊ ﺯﺍﻳﺪ ﻣﺎﻧﻘﺼﺶ ..
ﺑﺲ ﺍﻟﻠﻲ ﺻﺎﺭ ﺍﻥ ﺳﻌﻴﺪﻩ ﻳﻮﻣﺘﻬﺎ ﻣﺸﺖ ﻟﻤﺤﻞ ﺫﻫﺐ ﻭﺑﺎﻋﺖ ﻛﻞ ﺍﻟﻠﻲ ﻋﻨﺪﻫﺎ ﺑﺶ ﺑﺪﻳﺮ ﺻﺪﻗﻪ ﻟﻮﻟﺪﻫﺎ ..
ﻭﺑﺪﺕ ﺍﻭﻝ ﺣﺎﺟﻪ ﺑﺘﻼﺟﻪ ﻣﻴﻪ ﻓﻲ ﺍﻟﺠﻮﺍﻣﻊ ﺍﻟﻘﺮﻳﺒﻪ ﻋﻠﻴﻬﻢ ﻛﺼﺪﻗﻪ ﺟﺎﺭﻳﻪ ..
🍁 ﻓﻲ ﻧﻔﺲ ﺍﻟﻴﻮﻡ
ﻛﺎﻧﻮﺍ ﺗﻮﻓﻴﻖ ﻭﺳﻠﻴﻤﺎﻥ ﻛﻴﻒ ﻣﺮﻭﺣﻴﻦ ﻣﻦ ﺗﻮﻧﺲ ﺑﻌﺪ ﻣﺎﻛﺎﻧﻮﺍ ﻓﻲ ﻣﺼﺮ ﺧﺪﻣﻪ ﻭﻣﻦ ﻟﻤﺎ ﺳﻤﻌﻮﺍ ﺑﺎﻻﺧﺒﺎﺭ ﺍﻟﻤﻔﺠﻌﻪ ﻣﺎﺣﺼﻠﻮﺵ ﻛﻴﻒ ﻳﺮﻭﺣﻮﺍ ﻛﺎﻥ ﻓﻲ ﻫﺎﻟﻮﻗﺖ ..
ﻭﻟﻤﺎ ﺭﻭﺣﻮﺍ ﺗﺠﺪﺩ ﻓﺘﺢ ﺍﻟﺠﺮﺡ ..
ﺗﻮﻓﻴﻖ ﺗﺄﺛﺮ ﻉ ﺍﻵﺧﺮ ... ﻭﻣﺴﺄﻟﺶ ﻋﻦ ﺣﺪ ﺍﺧﻄﺎ ﻏﺎﻟﻴﻪ ﺍﻟﻠﻲ ﻣﺸﺎﻟﻬﺎ ﻃﻮﻝ ..
ﻏﺎﻟﻴﻪ ﻟﻤﺎ ﺭﺍﺗﻪ ﻗﺮﻳﺐ ﻫﺒﻠﺖ ﻗﻌﺪﺕ ﺗﺤﻀﻦ ﻓﻴﻪ ﺑﻘﻮﺓ ﻭﺗﺒﻜﻲ ﻭﻫﻮ ﻧﻔﺲ ﺍﻟﺸﻲ ..
ﻭﻳﻮﻣﻬﺎ ﻏﺎﻟﻴﻪ ﺭﻭﺣﺖ ﻣﻌﺎﻩ ﻣﺎﺑﺘﺶ ﺗﻘﻌﺪ ﻓﻲ ﺍﻟﻤﺴﺘﺸﻔﻰ ﺍﻛﺜﺮ ﻣﻦ ﻫﻜﻲ ..
🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ ..
ﺟﺖ ﻟﻤﻴﺎ ﻫﻲ ﻭﺧﺎﻟﺘﻬﺎ ﺍﻟﻠﻲ ﺗﻌﻴﺶ ﻓﻲ ﻧﻔﺲ ﺍﻟﻤﺪﻳﻨﻪ ﻉ ﺍﺳﺎﺱ ﺻﺎﺣﺒﺔ ﺣﻤﻴﺪﻩ ..
ﻋﺰﺗﻬﻢ ﻭﺗﻌﺮﻓﺖ ﻋﻠﻴﻬﻢ ﻭﺣﺪﻩ ﻭﺣﺪﻩ ..
ﻛﺎﻧﺖ ﺗﻌﺮﻑ ﻛﻔﺎﻳﻪ ﺑﺎﻟﺸﻜﻞ ﻟﻤﺤﺘﻬﺎ ﻛﺪﺍ ﻣﺮﺓ ﺑﺲ ﻛﻔﺎﻳﻪ ﻣﺎﺗﻌﺮﻓﻬﺎﺵ ..
ﺭﻓﻘﻪ : ﻣﻦ ﻫﻲ ﻫﺎﺩﻱ ..
ﺭﺯﺍﻥ ؛ﺻﺎﺣﺒﺔ ﻭﺍﺣﺪ ﻣﻦ ﻋﻤﺎﻣﻚ ﻣﺘﺄﻛﺪﻩ .
ﺑﻠﻘﻴﺲ : ﺍﻳﻦ ﻣﻨﻬﻢ؟ !!
ﺭﺯﺍﻥ : ﻋﻤﺮ ..
ﺑﻠﻘﻴﺲ ﺗﻨﻔﺴﺖ ﺑﺈﺭﺗﻴﺎﺡ ...
🍁🍁🍁🍁
ﺳﻤﻴﻪ : ﻫﺪﻱ ﺻﺎﺣﺒﺔ ﺣﻤﻴﺪﻩ !! ؟
ﺭﺑﺎﺏ : ﻭﻋﻼﺵ ﻻ؟ !
ﺳﻤﻴﻪ : ﻣﺶ ﻗﺼﺪﻱ ﺑﺲ ﻣﻦ ﻃﺮﺍﺑﻠﺲ .. ﻭﻳﻦ ﻋﺮﻓﺘﻬﺎ ..
ﺭﺑﺎﺏ : ﻛﻴﻒ ﻣﺎﻋﺮﻓﺘﻬﺎ ﻋﺮﻓﺘﻬﺎ ﺍﻟﻤﻬﻢ ﺻﺎﺣﺒﺘﻬﺎ ..
ﺳﻤﻴﻪ ﺍﺑﺘﺴﻤﺖ ﻣﺠﺎﻣﻠﻪ : ﺻﺢ ".. ﻋﻠﻴﻚ ﻟﻔﻌﻪ .."
ﺷﻮﻳﻪ ﻭﻧﺎﺿﺖ ﺩﻻﻝ ﻃﻠﻌﺖ ...
ﻭﺍﻣﻬﺎ ﻣﻌﺎﻫﺎ ﺑﻌﻴﻮﻧﻬﺎ ..
ﻭﻫﻲ ﻃﺎﻟﻌﻪ ﺷﺎﻓﺖ ﻟﺼﻐﺎﺭﻫﺎ ﺑﺤﺪﺍ ﺧﺎﻟﺘﻬﻢ ..
ﻛﻤﻠﺖ ﻃﺮﻳﻘﻬﺎ ﺑﺮﺍ ..
ﻧﺎﺿﺖ ﻧﻌﻴﻤﻪ ﻓﺠﺮﺗﻬﺎ
ﻉ ﺧﺸﺔ ﻣﺮﺍﻡ ﻭﻓﺎﻳﺰﺓﻭﺍﻣﻬﻢ ﻣﻦ ﻓﻢ ﺍﻟﺒﻮﺍﺑﻪ ..
ﺭﺗﻬﻢ ﻧﻌﻴﻤﻪ ﺳﻠﻤﻮﺍ ﻉ ﺑﻌﺾ ﻭﺧﺸﻮﺍ
ﻭﻧﻌﻴﻤﻪ ﺷﺪﺕ ﻣﺮﺍﻡ : ﺍﺳﻤﻌﻲ .. ﺍﻧﺘﻲ ﻋﻨﺪﻙ ﻃﺮﻳﻘﺔ ﻣﻘﻨﻌﻪ ﻓﻲ ﺍﻟﻜﻼﻡ ﺍﻃﻠﻌﻲ ﻟﺪﻻﻝ ﺷﻮﻓﻴﻬﺎ ﺗﻜﻠﻤﻲ ﻣﻌﺎﻫﺎ ..
ﻣﺮﺍﻡ : ﺻﺎﺭﺕ ﺣﺎﺟﻪ ! ؟
ﻧﻌﻴﻤﻪ ﺑﺄﻟﻢ : ﺍﻟﻴﻮﻡ ﻋﺰﻭﺯﺗﻬﺎ ﻭﺣﻤﻮﺍﺗﻬﺎ ﺭﻭﺣﻮﺍ ..
ﻣﺮﺍﻡ ﺑﺄﺳﻒ : ﻓﻬﻤﺖ .. ﺑﺎﻫﻲ ﺣﺎﺿﺮ ﺗﻮ ﻧﻄﻠﻊ ﻧﺸﻮﻓﻬﺎ ..
ﻧﻌﻴﻤﻪ : ﺻﺤﻴﺘﻲ ..
ﺍﺑﺘﺴﻤﺖ ﻣﺮﺍﻡ ﺑﻌﺪﻳﻦ ﻣ?
#معجبين_جمان_فريد💙
