#العشق_المتمرد
#جمان_فريد
#الجزء_25
ﺩﺭﺱ ﺳﻴﺎﺭﺗﻪ ﺣﺪﺍ ﺣﻮﺵ ﻋﻤﻪ ..
ﻓﺘﺢ ﺍﻟﺒﺎﺏ ... ﻧﺰﻝ ..
ﺻﻜﺮﻩ .. ﻭﺗﻮﺟﻪ ﻃﻮﻝ ﻟﺒﺎﺏ ﺍﻟﺤﻮﺵ ..
ﻗﻌﺪ ﻳﻄﻖ ..
ﺩﺍﺧﻞ ..
ﻋﻮﺩﺓ : ﺑﺎﻫﻲ ﺍﻧﺘﻲ ﻟﻴﺶ ﺗﺒﻜﻲ ﺗﻮ ﻣﺶ ﺧﻼﺹ ﺻﻜﺮﺗﻲ ﺻﻔﺤﺘﻪ ﻭﻧﺴﻴﺘﻴﻪ ..
ﻋﺮﻭﺑﻪ ﻭﻫﻲ ﺗﻠﺒﺲ ﻓﻲ ﻓﺎﻧﻴﻠﺔ ﺍﻟﺘﻮﺗﻪ : ﻋﻮﺩﺓ ﺗﺮﺑﺤﻲ ﻣﺎﺗﺘﻜﻠﻤﻴﺶ ﻋﻠﻴﻪ ﻗﺪﺍﻣﻲ ﻣﺎﻧﺒﻴﺶ ﻧﺴﻤﻊ ﺍﺳﻤﻪ ..
ﻋﻮﺩﺓ ﺗﻨﻬﺪﺕ : ﺑﺎﻫﻲ ﻟﻴﺶ ﺗﺒﻜﻲ ﺗﺮﺍ؟ !
ﻋﺮﻭﺑﻪ ﻣﺴﺤﺖ ﺩﻣﻮﻋﻬﺎ : ﻣﺎﻧﺒﻜﻴﺶ ..
ﻗﻄﻊ ﻋﻠﻴﻬﻢ ﺻﻮﺕ ﺍﻟﺪﻕ ﻉ ﺍﻟﺒﺎﺏ ﻣﺘﺎﻉ ﺍﻟﺤﻮﺵ ..
ﺍﻟﺰﻭﺯ ﺿﻴﻘﻮﺍ ﻋﻴﻮﻧﻬﻢ ﺑﺈﺳﺘﻐﺮﺍﺏ ..
ﻃﻠﻌﻮﺍ ﻣﻦ ﺍﻟﺪﺍﺭ .. ﻟﻘﻮﺍ ﺍﻣﻬﻢ ﺳﺎﺑﻘﺘﻬﻢ ﻟﻠﺒﺎﺏ ..
ﺍﻣﺎﻧﻪ ﻓﺘﺤﺖ ﺍﻟﺒﺎﺏ ﻭﻭﺟﻬﻪ ﺗﻐﻴﺮ ..
ﻫﺎﻳﻞ ﺑﺈﺑﺘﺴﺎﻣﻪ : ﺍﻟﺴﻼﻡ ﻋﻠﻴﻜﻢ .
ﺍﻣﺎﻧﻪ : ﻭﻋﻠﻴﻜﻢ ﺍﻟﺴﻼﻡ ... ﺗﻔﻀﻞ ..
ﺧﺶ ﻫﺎﻳﻞ ﻭﺍﻣﺎﻧﻪ ﺻﻜﺮﺕ ﺍﻟﺒﺎﺏ ..
ﻫﺎﻳﻞ : ﺗﺮﺍ ﻧﺎﺩﻳﻠﻲ ﻋﺮﻭﺑﻪ ..
ﺍﻣﺎﻧﻪ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻗﺎﻟﺖ : ﺑﺎﻫﻲ ..
ﻣﺸﺖ ﻭﻫﻲ ﻣﻀﺎﻳﻘﻪ ﻷﺑﻌﺪ ﺣﺪ ..
ﻫﻮ ﻗﻌﺪ ﻭﺍﻗﻒ ﻳﺮﺍﺟﻲ ... ﻭﻣﺎﺯﺍﻝ ﺑﻴﻦ ﻋﻴﻮﻧﻪ ﺍﻟﻠﻘﺎﺀ ﺍﻟﻠﻲ ﺟﻤﻌﻪ ﺑﻬﺎﻧﻴﺒﺎﻝ ﻭﺍﻟﻜﻼﻡ ﺍﻟﻠﻲ ﺩﺍﺭ ﺑﻴﻨﺎﺗﻬﻢ ...
ﻓﻼﺵ ﺑﺎﻙ ⚡..
ﻭﺍﻗﻔﻴﻦ ﻗﺪﺍﻡ ﺍﻟﻮﺭﺷﻪ ..
ﻳﺸﻮﻓﻮﺍ ﻟﺒﻌﺾ ﻭﻻ ﻭﺍﺣﺪ ﺗﻜﻠﻢ ..
ﻫﺎﻳﻞ ﻉ ﻭﺟﻬﻪ ﻣﻼﻣﺢ ﺍﺑﺘﺴﺎﻣﻪ ﻣﺴﺘﻔﺰﺓ ..
ﺑﻴﻨﻤﺎ ﻫﺎﻧﻴﺒﺎﻝ ﻣﻼﻣﺢ ﻭﺟﻬﻪ ﻛﺎﻧﺖ ﺣﺎﺩﻩ ﻣﻤﺰﻭﺟﻪ ﺑﺎﻟﻐﻀﺐ ..
ﻫﺎﻳﻞ : ﺍﺣﻤﻢ .. ﺗﻌﺮﻓﻨﻲ ..
ﻫﺎﻧﻴﺒﺎﻝ؛ ﺗﺲ ..
ﻫﺎﻳﻞ : ﻻ ﺗﻌﺮﻓﻨﻲ ﻭﺗﻌﺮﻓﻨﻲ .. ﻗﺪﻣﻠﻪ .. ﻭﺧﻞ ﻧﺰﻳﺪ ﻧﻌﺮﻓﻚ ﻉ ﻧﻔﺴﻲ .. ﺍﺣﻤﻢ ... ﺭﻓﻊ ﺣﺎﺟﺒﻪ ﻭﻗﺎﻝ .. ﺍﻟﻠﻲ ﺗﺸﻮﻑ ﻓﻴﻪ ﻗﺪﺍﻣﻚ ﺭﺍﺟﻞ ﺣﺎﺭ ﺟﺒﺎﺭ ﻭﻣﺎﻳﺮﺣﻤﺶ ﺍﻟﻠﻲ ﻳﺘﻌﺪﺍ ﻉ ﺣﺎﺟﻪ ﻣﻠﻜﻪ ... ﻭﺍﻧﻲ ﻣﻌﺮﻭﻑ ﻭﻋﺪﻱ ﺍﺳﺄﻝ ﻋﻠﻴﺎ ﺿﺮﺑﺘﻲ ﻭﺍﻟﻤﻮﺕ ﻣﺎﻧﻌﺮﻓﺶ ﻧﺮﺣﻢ .. ﺑﺲ ﻫﺎﻟﻤﺮﺓ ﺑﻨﺮﺣﻢ ﻟﺴﺒﺐ ﻭﺍﺣﺪ ﺑﺲ .. ﺍﻧﻚ ﻣﺎﺯﻟﺖ ﺻﻐﻴﺮ ﻭﻻﺗﻮ ﻋﻘﻠﻚ ﻣﺶ ﺭﺍﻛﺰ ...
ﻫﺎﻧﻴﺒﺎﻝ ﻣﻼﻣﺢ ﻭﺟﻬﻪ ﻣﺎﺗﺒﺪﻟﺶ ﺑﻜﻞ ﻭﻣﺎﺑﺎﺵ ﻳﺘﻜﻠﻢ ..
ﻫﺎﻳﻞ ﻗﺪﻣﻠﻪ ﻭﺭﻓﻊ ﺳﺒﺎﺑﺘﻪ ﺗﻬﺪﻳﺪﺍ : ﺑﻨﺖ ﻋﻤﻲ ﻣﺎﺗﻘﺮﺑﺶ ﺟﻴﻬﺘﻬﺎ .. ﻣﺎﺗﺸﻴﻌﺶ ﻋﻴﻮﻧﻚ ﻓﻴﻬﺎ ﻭﻻ ﻭﺍﻟﻠﻪ ﻧﺤﺮﻗﻚ .. ﻧﺤﺮﻗﻚ ﺣﺮﻕ .. ﻭﺣﺮﻙ ﺻﺒﻌﻪ ﻧﺎﻓﻴﺎ .. ﻭﺭﻩ ﻣﺶ ﻛﻼﻡ ﺑﺲ .. ﻭﺣﻖ ﺍﻟﻠﻪ ﻧﺪﻳﺮﻫﺎ ..
ﻫﺎﻧﻴﺒﺎﻝ : ﻛﻤﻠﺖ ﻛﻼﻣﻚ ..
ﻫﺎﻳﻞ ﺣﻂ ﺍﻳﺪﻳﻪ ﻭﺭﺍ ﻇﻬﺮﻩ ﻭﺷﺒﺤﻠﻬﺎ ﺑﻨﻈﺮﺓ ﺣﺎﺩﻩ ﻭﺣﺎﻗﺪﻩ ..
ﻫﺎﻧﻴﺒﺎﻝ : ﺑﻨﺖ ﻋﻤﻚ ﻣﺎﻓﻴﺶ ﺑﻴﻨﻲ ﻭﺑﻴﻨﻬﺎ ﺷﻲ .. ﻭﺗﻮﺍ ﻋﺪﻱ ﺷﻮﻑ ﺣﺎﻟﻚ .. ﻭﺩﻳﺮ ﺟﻮ ﺍﻟﺒﻠﻄﺠﻴﻪ ﻫﺪﻯ ﻣﻊ ﺍﻟﻠﻲ ﻛﻴﻔﻚ ..
ﻭﺟﺎﻱ ﺑﻴﺨﺶ ..
ﺣﻂ ﻫﺎﻳﻞ ﺭﺟﻠﻪ ﻗﺪﺍﻡ ﺭﺟﻞ ﻫﺎﻧﻴﺒﺎﻝ ﻭﻭﻗﻔﻪ : ﺣﺬﺭﺗﻚ ...
ﻫﺎﻧﻴﺒﺎﻝ ﺍﺑﺘﺴﻢ ﺑﺘﻬﻜﻢ ﺿﺮﺏ ﺭﺟﻞ ﻫﺎﻳﻞ ﺑﺮﺟﻠﻪ ﻭﺧﺶ ﺩﺍﺧﻞ .
ﺑﻴﻨﻤﺎ ﻫﺎﻳﻞ ﻗﻌﺪ ﻳﺸﺒﺤﻠﻪ ﺑﻨﻈﺮﺓ ﻛﻠﻬﺎ ﺣﻘﺪ ﻭﺗﻮﻋﺪ ... ﻭﻟﻒ ﻭﻣﺸﻲ .
ﺍﻟﻮﻗﺖ ﺍﻟﺤﺎﺿﺮ ⚡
" ﺷﻨﻮ ﺗﺒﻲ .."
ﺍﺳﺘﺎﻗﺾ ﻭﺷﺒﺤﻠﻬﺎ ﻭﻫﻮ ﻣﺒﺘﺴﻢ : ﺷﻨﻮ ﺣﺎﻟﻚ ﻳﺎﺑﻨﺖ ﻋﻤﻲ .
ﻋﺮﻭﺑﻪ : ﻛﻨﺖ ﻛﻮﻳﺴﻪ ..
ﻫﺎﻳﻞ : ﻫﻬﻬﻬﻬﻬﻬﻬﻬﻪ .. ﺑﺎﻫﻲ ﺑﺎﻫﻲ ... ﺍﻟﻤﻬﻢ .. ﻓﻲ ﺍﻳﺎﻡ ﺍﻻﻣﺘﺤﺎﻧﺎﺕ ﺍﻧﻲ ﺑﻨﻘﻠﻜﻢ .. ﻋﻤﻲ ﻭﺟﺪﻱ ﺑﻴﻌﺪﻱ ﻟﻠﺰﺍﻭﻳﻪ ...
ﻋﺮﻭﺑﻪ ﻏﻴﺮﺕ ﻋﻴﻮﻧﻬﺎ ﻋﻨﻪ : ﻭﻏﻴﺮﻩ ..
ﻫﺎﻳﻞ ﺍﺑﺘﺴﻢ ﻭﻗﺪﻡ .. ﻫﻲ ﺑﻌﺪﺕ ... ﻫﻮ ﻗﺪﻡ ﻭﻫﻲ ﺑﻌﺪﺕ ...
ﺿﺤﻚ ﻭﻗﺎﻝ : ﻣﻌﺎﺵ ﻧﻄﻮﻟﻮﺍ ....
ﻟﻒ ﻭﻓﺘﺢ ﺍﻟﺒﺎﺏ ﻭﻃﻠﻊ ﻭﺳﻜﺮﻩ ...
ﻋﺮﻭﺑﻪ : ﻳﺎﺍﺍﺭﺏ ﺧﻮﺩﻩ ﻳﺎﺍﺍﺍﺭﺑﻲ ..
🍁🍁🍁🍁🍁
ﺍﻟﺴﺎﻋﻪ 5:00 ﻋﺼﺮﺍ
ﻣﺮﻭﺣﻴﻦ ﺑﻄﺮﻳﻘﻬﻢ ﻟﻠﺤﻮﺵ ...
ﺳﻠﻴﻤﺎﻥ : ﻋﻠﻴﻚ ﻭﺳﺦ .. ﺣﺮﻗﻠﻲ ﺩﻣﻲ ..
ﻫﺎﻧﻴﺒﺎﻝ : ﻣﺎﺩﻭﺭﺍﺵ ..
ﺳﻠﻴﻤﺎﻥ : ﺍﻧﺖ ﻗﺪﻳﺶ ﻟﻴﻚ ﻣﺴﻴﺐ ﺑﻨﺖ ﻋﻤﻪ ﻭﻻﻋﺎﺩ ﻟﻴﻚ ﺑﻴﻬﺎ ﺩﺧﻞ ﺷﻦ ﺧﻄﺮ ﻋﻠﻴﻪ ﺗﻮﺍ ﻭﺟﺎﻙ ﻛﻠﻤﻚ ..
ﻫﺎﻧﻴﺒﺎﻝ : ﻏﻴﺮ ﺍﻟﺴﻴﺮﺓ ﺑﺎﻟﻠﻪ ﻭﻗﻮﻟﻲ .. ﺧﻮﻙ ﺣﺴﻦ ﺷﻦ ﻭﺿﻌﻪ ﺗﻮﺍ
ﺳﻠﻴﻤﺎﻥ : ﺗﺤﺴﻪ ﻣﺘﻐﻴﺮ ﻭﻣﻮﻟﻲ ﺧﻴﺮ ﻣﻦ ﻗﺒﻞ ﻭﻟﻴﻪ ﻣﺪﻩ ﻣﺴﻴﺐ ﺍﻟﺴﻢ ﺍﻟﻬﺎﺭﻱ ..
ﻫﺎﻧﻴﺒﺎﻝ : ﻛﻮﻳﺲ ..
" ﺣﺴﻦ ﻓﻲ ﺍﻟﻌﻴﺪ ﺍﻟﻜﺒﻴﺮﺓ ﻣﺸﻲ ﻟﻌﻤﻪ ﺭﻣﻀﺎﻥ ﺗﺮﺟﺎﻩ ﻳﺨﺶ ﺑﻴﻨﻪ ﻭﺑﻴﻦ ﺑﻮﻩ ... ﻭﻓﻌﻼ ﺭﻣﻀﺎﻥ ﺗﻮﺳﻄﻠﻪ ﻭﻣﻌﺎﻩ ﻭﺍﺣﺪ ﻣﻦ ﻛﺒﺎﺭ ﺍﻟﻘﺒﻴﻠﻪ ﻭﺍﻟﺤﺎﺝ ﻣﺨﺘﺎﺭ ﻫﻮ ﺗﺤﺸﻢ ﻣﻨﻪ ﻭﺳﺎﻣﺤﻪ ﻭﺭﺩﻩ ﻟﻠﺤﻮﺵ .."
ﺑﺲ ﺍﻟﻠﻲ ﺻﺎﺭ ﻳﻮﻡ ﺍﻟﻠﻲ ﺟﻲ ﻓﻴﻪ ﺣﺴﻦ ﻟﺤﻮﺵ ﻋﻤﻪ ﻣﺎﻛﺎﻧﺶ ﺑﺎﻟﺤﺴﺒﺎﻥ ..
ﻓﻼﺵ ﺑﺎﻙ ⚡..
ﺭﻣﻀﺎﻥ : ﺧﻼﺹ ﺻﺒﻲ ﺗﻮﺍ ﻧﻌﺪﻭﺍ ﻟﻌﻤﻚ ﺻﺎﻟﺢ ﻧﻘﻠﻮﻩ ﻣﻌﺎﻧﺎ ..
ﻣﺨﺘﺎﺭ : ﺍﻳﻪ ﺍﺣﺴﻦ ﻣﺎﺩﻳﺮ ﻳﺎﺭﻣﻀﺎﻥ ..
ﺣﺴﻦ : ﺣﺎﺿﺮ ..
ﻧﺎﺿﻮﺍ ﺭﻣﻀﺎﻥ ﻭﻣﺨﺘﺎﺭ ... ﻭﻣﻌﺎﻫﻢ ﺣﺴﻦ ..
ﻃﻠﻌﻮﺍ ﻣﻦ ﺍﻟﻤﺮﺑﻮﻋﻪ ...
ﺳﺒﻘﻮﺍ ﺣﺴﻦ ﺍﻟﻠﻲ ﻛﺎﻥ ﻳﻠﺒﺲ ﻓﻲ ﻛﻨﺪﺭﺗﻪ ...
ﻓﻲ ﻧﻔﺲ ﺍﻟﻮﻗﺖ ..
ﻃﻠﻌﺖ ﺣﻤﻴﺪﻩ ﺑﺘﺠﻴﺐ ﺑﻠﻮﻛﻪ ﻣﻦ ﺑﺮﺍ ...
ﻫﻮ ﻗﺎﻡ ﻋﻴﻮﻧﻪ ﺷﺎﻓﻬﺎ ...
ﻫﻲ ﺧﺪﺗﻬﺎ ﻭﺟﺖ ﺧﺎﺷﻪ ﺷﺎﻓﺎﺗﻪ ﺍﻧﺨﻠﻌﺖ .. ﺧﺸﺖ ﺑﺴﺮﻋﻪ ..
ﻭﻫﻮ ﻣﺘﻔﺎﺟﺊ ﻉ ﺍﻵﺧﺮ .. ﻗﻠﻴﻞ ﻣﺎﻛﺎﻥ ﻳﺸﻮﻑ ﻓﻴﻬﺎ ﻭﻟﻮ ﺷﺎﻓﻬﺎ ﻣﻦ ﺑﻌﻴﺪ ﻟﺒﻌﻴﺪ ﺑﺲ ﻫﺎﻟﻤﺮﺓ ﺷﺎﻓﻬﺎ ﻋﻦ ﻗﺮﺏ ... ﻭﻋﺠﺒﺎﺗﻪ ﻉ ﺍﻵﺧﺮ ...
ﻭﻣﻦ ﻳﻮﻣﻬﺎ ﻭﻫﻲ ﺷﺎﻏﻼﺗﻪ ...
🍁🍁🍁🍁
ﺳﺮﺕ ...💓
ﻓﻲ ﺍﺟﻮﺍﺀ ﺷﻬﺮ 5 " ﺍﻟﻤﺎﺀ .." ﺍﻟﺤﺮﺍﺭﺓ ﺗﺒﺪﺍ ﺗﺮﺗﻔﻊ ... ﻭﺍﻟﺼﻴﻒ ﻳﺘﻬﻴﺄ ﻟﻠﺪﺧﻮﻝ ...
ﻛﺎﻧﺖ ﺍﻟﺤﺎﺟﻪ ﻛﺎﻣﻠﻪ ﻃﺎﻟﻌﻪ ﻓﻲ ﺟﻨﺎﻧﻬﺎ ﺍﻟﻮﺍﺳﻊ ﻭﺍﻟﻜﺒﻴﺮ ﺗﺘﻤﺸﻰ ..
ﺍﻟﺠﻮ ﺣﻠﻮ ﺍﻟﻌﺸﻴﻪ ﻭﻫﻲ ﺣﺎﺳﻪ ﻧﻔﺴﻴﺘﻬﺎ ﺣﻠﻮﺓ ...
ﻭﻫﻲ ﺗﺘﻤﺸﻰ ﻟﻘﺖ ﻋﻤﺎﺭ ﻣﻘﻌﻤﺰ ﻳﻘﺮﺍ ..
ﻳﺴﺘﻌﺪ ﻹﻣﺘﺤﺎﻧﺎﺕ ﺍﻟﺸﻬﺎﺩﻩ ....
ﻗﻠﺒﻬﺎ ﻭﺟﻌﻬﺎ .. ﻷﻧﻬﺎ ﻋﺎﺭﻓﻪ ﻭﻟﺪﻫﺎ ﻉ ﺷﻦ ﻧﺎﻭﻱ ﺑﻌﺪ ﻳﺘﺨﺮﺝ ﻣﻦ ﺍﻟﺜﺎﻧﻮﻳﻪ ... ﺣﺘﻰ ﻫﻮ ﺑﻴﺒﻌﺪ ﺯﻱ ﺧﻮﻩ ...
ﺧﻮﻩ ﺍﻟﻠﻲ ﻟﻴﻪ ﺣﻮﺍﻟﻲ 5 ﺷﻬﻮﺭ ﻏﺎﻳﺐ ﻭﻣﺎﺗﻌﺮﻑ ﺧﺒﺎﺭﻩ ﻛﺎﻥ ﺑﺎﻟﺘﻠﻴﻔﻮﻥ ....
ﺍﺳﺘﺎﻗﻀﺖ ﻣﻦ ﺳﺮﺣﺎﻧﻬﺎ .. ﻉ ﺻﻮﺕ ﺍﻟﺒﻮﺍﺑﻪ ﻭﻫﻲ ﺗﻨﻔﺘﺢ ﺷﺒﺤﺖ ﺟﻴﻬﺘﻬﺎ ...
ﻭﻋﻤﺎﺭ ﺣﺘﻰ ﻫﻮ ﺍﻟﺘﻔﺖ ... ﺿﻴﻖ ﻋﻴﻮﻧﻪ ... ﺑﻌﺪﻳﻦ ﺿﺤﻚ ﻭﻧﺎﺽ ﻣﻦ ﻣﻜﺎﻧﻪ ..
ﻋﻴﻮﻧﻪ ﺗﺒﻌﻮﺍ ﺍﻣﻪ ﺍﻟﻠﻲ ﻣﺎﺷﻴﻪ ﺗﺠﺮﻱ ..
ﻗﻌﺪ ﻳﻀﺤﻚ ...
ﻛﺎﻣﻠﻪ : ﻣﺤﻤﻮﺩ ﻭﻟﺪﻱ ... ﻭﺣﻀﻨﺎﺗﻪ ﺑﻘﻮﺓ ...
ﻭﺭﺍﻩ ﻫﻨﺪﺍ ﻣﺒﺘﺴﻤﻪ ... ﻛﺎﻧﺖ ﻻﺑﺴﻪ ﻗﻔﻄﺎﻥ ﺿﻴﻖ ﺷﻮﻱ ﻣﺒﻴﻦ ﺑﻄﻨﻬﺎ ﺍﻟﻠﻲ ﻳﺪﻭﺏ ﻃﺎﻟﻌﻪ .. ﻭﺗﺒﻴﻦ ﺍﻧﻬﺎ ﺣﺎﻣﻞ ..
ﻋﻤﺎﺭ ﺑﻀﺤﻜﻪ : ﺧﻼﺹ ﻳﻤﻲ ﻋﻄﻴﻨﺎ ﺩﻭﺭﻧﺎ ..
ﺿﺤﻜﺖ ﻣﻦ ﺑﻴﻦ ﺩﻣﻮﻋﻬﺎ ﻭﺑﻌﺪﺕ ..
ﻋﻤﺎﺭ : ﻣﺤﻤﻮﻭﻭﻭﺩ ..
ﻣﺤﻤﻮﺩ ﺑﻀﺤﻜﻪ : ﻛﺒﺮﺕ ﻭﺍﺟﺪ ..
ﻋﻤﺎﺭ ﺣﻀﻨﻪ ﻭﻗﻌﺪ ﻳﻀﺮﺏ ﻓﻴﻪ ﻉ ﻇﻬﺮﻩ ...
ﻛﺎﻣﻠﻪ ﻭﻫﻲ ﺣﺎﺿﻨﻪ ﻫﻨﺪﺍ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ..
ﻫﻨﺪﺍ : ﺍﻟﻠﻪ ﻳﺴﻠﻤﻚ ﻳﺎﻋﻤﺘﻲ ..
ﺑﻌﺪﺕ ﻭﺳﻠﻤﺖ ﻋﻠﻴﻬﺎ ﺑﺎﻟﺨﺪ ...
ﻋﻤﺎﺭ : ﻣﻔﺎﺟﺄﺕ ..
ﻣﺤﻤﻮﺩ ﺑﻀﺤﻜﻪ : ﺍﻫﺎ ...
ﺷﺒﺢ ﻋﻤﺎﺭ ﻟﻬﻨﺪﺍ ﻭﻓﻴﺴﻊ ﻣﺎﻏﻴﺮ ﻋﻴﻮﻧﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ .
ﻫﻨﺪﺍ ﺑﺈﺑﺘﺴﺎﻣﻪ : ﺍﻟﻠﻪ ﻳﺴﻠﻤﻚ ﻳﺎﻋﻤﺎﺭ ...
ﻛﺎﻣﻠﻪ ﺑﻀﺤﻜﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻭﺍﻟﻠﻪ ﻣﺎﻧﻲ ﻣﺼﺪﻗﻪ ﻟﺘﻮ ...
ﻣﺤﻤﻮﺩ ﺑﻀﺤﻜﻪ : ﻭﻳﻦ ﺑﺎﺗﻲ ..
ﻋﻤﺎﺭ : ﻓﻲ ﻃﺮﺍﺑﻠﺲ ..
ﻣﺤﻤﻮﺩ : ﻟﻴﺶ ..
ﻋﻤﺎﺭ : ﺧﺪﻣﻪ ...
ﻛﺎﻣﻠﻪ : ﻫﻲ ﺧﺸﻮﺍ ﻭﻛﻤﻠﻮﺍ ﺷﻴﺎﺧﺘﻜﻢ ﺩﺍﺧﻞ ...
ﺿﺤﻜﻮﺍ ﻭﻣﺸﻮﺍ ﺑﻌﺾ ﻣﺘﻮﺟﻬﻴﻦ ﻟﻠﺒﺎﺏ ﻭﻣﺎﺯﺍﻟﻮﺍ ﻳﻬﺪﺭﺯﻭﺍ ..
🍁🍁🍁🍁🍁
ﻓﻮﻕ ﺍﻟﺴﻄﺢ ..
ﻣﻘﻌﻤﺰ ﻉ ﻣﺮﺷﺒﻴﺪﻱ ﻭﻳﺘﻔﺮﺝ ﻉ ﻣﻨﻈﺮ ﺍﻟﺒﻼﺩ ﻣﻦ ﻓﻮﻕ ...
ﻟﻜﻦ ﻛﺎﻥ ﺳﺎﺭﺡ ...
ﻣﺴﺘﺎﺣﺸﻬﺎ ﺑﻘﻮﺓ ... ﻓﺮﺍﻗﻬﺎ ﺑﻬﺖ ﺍﻟﺤﻴﺎﺓ ﻓﻌﻴﻮﻧﻪ ...
ﻳﺒﻲ ﻳﺼﻠﺢ ﻛﻞ ﺷﻲ .. ﻳﺒﻴﻬﺎ ﺗﻮﻟﻴﻠﻪ ... ﺑﺲ ﻣﺶ ﻋﺎﺭﻑ ﻛﻴﻒ ..
ﻭﻫﻲ ﺣﺘﻰ ﻟﻮﺟﻬﻪ ﻣﺎﺗﺒﻴﺶ ﺗﺸﺒﺢ ..
ﻓﻜﺮ ﻭﻓﻜﺮ ... ﻟﻴﻦ ﻭﺻﻠﻪ ﺗﻔﻜﻴﺮﻩ ﻟﺸﻲ ﻭﺍﺣﺪ ﻣﻤﻜﻦ ﻳﺮﺟﻊ ﺍﻟﻤﻴﻪ ﻟﻤﺠﺎﺭﻳﻬﺎ ﺯﻱ ﻣﺎﻳﻘﻮﻟﻮﺍ ...💕🌊
🍀🍀🍀🍀🍀🍀🍀
ﻓﺎﺕ ﻳﻮﻣﻴﻦ ..
ﺧﻤﻴﺲ ﻭﺟﻤﻌﻪ ...
ﻭﺑﺪﺕ ﺍﻹﻣﺘﺤﺎﻧﺎﺕ ...
ﻃﺒﻌﺎ ﺍﻷﻣﺘﺤﺎﻧﺎﺕ ﻛﺎﻧﺖ ﻟﻜﻞ ﺍﻟﻄﻠﺒﻪ ﺑﺈﺳﺘﺜﻨﺎﺀ ﻃﻠﺒﻪ ﺍﻟﺸﻬﺎﺩﻩ ..
ﺍﻋﺪﺍﺩﻳﻪ ﻭﺛﺎﻧﻮﻳﻪ .. ﺍﻟﻠﻲ ﻛﺎﻧﻮﺍ ﻳﺎﺧﺪﻭﺍ ﻓﻲ ﺍﺟﺎﺯﺓ ﻗﺒﻞ ﻳﺒﺪﻭﺍ ﺍﻷﻣﺘﺤﺎﻧﺎﺕ ﺍﻟﻨﻬﺎﺋﻴﻪ ...
ﻫﻲ ﻛﺎﻥ ﻣﻘﻌﻤﺰﺓ ﺗﺮﺍﺟﻊ ...
ﻉ ﺟﻴﺔ ﺻﺎﺣﺒﺎﺗﻬﺎ ...
ﺳﺎﻟﻤﻪ ﻭﻏﺰﺍﻟﻪ : ﺻﺒﺎﺡ ﺍﻟﺨﻴﺮ ..
ﻋﺮﻭﺑﻪ ﻭﻫﻲ ﺗﺸﻮﻑ ﻟﻠﻜﺘﺎﺏ : ﺻﺒﺎﺡ ﺍﻟﻨﻮﺭ ..
ﺷﺒﺤﻮﺍ ﻟﺒﻌﺾ ...
ﻋﺮﻭﺑﻪ ﻭﻫﻲ ﺑﻨﻔﺲ ﺍﻟﻮﺿﻌﻴﻪ : ﻗﻌﻤﺰﻥ .
ﺷﺒﺤﻮﻟﻬﺎ ﺑﻌﺪﻳﻦ ﻗﻌﻤﺰﻭﺍ ﻣﻌﺎﻫﺎ ﻭﺑﺪﻭﺍ ﻳﺮﺍﺟﻌﻮﺍ ..
🍁🍁🍁🍁
ﺍﻟﺴﺎﻋﻪ 11:00 ﺻﺒﺎﺣﺎ
ﻻﻻ ﺧﻼﺹ ﻗﺎﻋﺪﻳﻦ ﻫﻨﻰ ..
ﻧﻮﺭﻳﻪ : ﻣﺶ ﻣﻔﺮﻭﺽ ﻋﺎﻡ .
ﻫﻨﺪﺍ : ﺍﻳﻪ ﻋﺎﻡ .. ﺑﺲ ﻳﻘﺪﺭ ﻳﻘﺮﺍ ﻫﻨﻰ ﻭﻳﻌﺪﻱ ﻳﺪﻳﺮ ﺍﻣﺘﺤﺎﻥ ..
ﻧﻮﺭﻳﻪ ﺑﺈﺳﺘﻐﺮﺍﺏ : ﻛﻴﻒ ﻫﻜﻲ؟
ﻫﻨﺪﺍ : ﺩﺑﺮﻫﺎ ﺑﻤﻌﺮﻓﺘﻪ .. ﻭﺑﻌﺪﻳﻦ ﻳﻤﻲ ﺍﻧﻲ ﻣﻌﺎﺵ ﺗﺤﻤﻠﺖ ﺍﻟﻮﺿﻊ ﻏﺎﺩﻱ ﻭﻓﻮﻗﻬﺎ ﺍﻟﺤﻤﻞ ﻭﻫﻤﻪ ﺗﻌﺒﺖ ﻭﺍﺟﺪ .. ﻭﺍﻧﻲ ﺑﺮﻭﺣﻲ ﻳﻤﻲ ﻫﻮ ﻣﺎﻳﻘﺪﺭﺵ ﻋﻠﻴﺎ ﺑﺮﻭﺣﻪ .. ﻭﺣﻢ ﻭﻫﻢ ..
ﻧﻮﺭﻳﻪ : ﻫﺪﻱ ﻧﻌﻤﻪ ﺍﺣﻤﺪﻱ ﺭﺑﻚ ﻋﻠﻴﻬﺎ .
ﻫﻨﺪﺍ : ﻣﺎﻗﻠﻨﺎ ﺷﻲ ﻟﻜﻦ ﻭﺍﻟﻠﻪ ﻣﺎﺯﺍﻝ ﻭﻗﺘﻪ ﻣﺎﺣﺴﻴﺘﺶ ﺑﺮﻭﺣﻲ ﻋﺮﻭﺱ ﺑﻜﻞ ..
ﻧﻮﺭﻳﻪ : ﺭﺑﻲ ﻛﺘﺐ ﺍﺣﻤﺪﻱ ﺭﺑﻲ ﻉ ﺍﻟﻨﻌﻤﻪ ..
ﻫﻨﺪﺍ ﺷﻘﻠﺒﺖ ﻋﻴﻮﻧﻬﺎ ﻭﻗﻌﺪﺕ ﺳﺎﻛﺘﻪ ..
🍁🍁🍁🍁
ﻭﺭﺍﺱ ﻋﺮﻭﺑﻪ ﻣﺎﻋﺎﺩ ﺗﺮﺍﺟﻌﻲ ..
ﻋﺮﻭﺑﻪ ﺑﻀﺤﻜﻪ؛ ﺍﻟﺤﻤﺪ ﻟﻠﻪ ﻛﻠﻪ ﺟﺎﻭﺑﺘﻪ .
ﻏﺰﺍﻟﻪ ﻭﻫﻲ ﺗﺸﻮﻑ ﻟﺴﺎﻟﻤﻪ : ﻛﻮﻳﺲ .. ﺍﺣﻤﻢ .. ﺷﺒﺤﺖ ﻟﻌﺮﻭﺑﻪ .. ﺑﺘﺮﻭﺣﻲ ﺗﻮ ..
ﻋﺮﻭﺑﻪ : ﺷﻮﻳﻪ ﺗﺎﻧﻴﻪ ..
ﺷﺒﺤﻮﺍ ﺳﺎﻟﻤﻪ ﻭﻏﺰﺍﻟﻪ ﻟﺒﻌﺾ ..
ﻋﺮﻭﺑﻪ ﺑﺄﺳﺘﻐﺮﺍﺏ : ﺷﻨﻮ ﻓﻲ ..
ﻏﺰﺍﻟﻪ ﺷﺒﺤﺘﻠﻬﺎ .. ﺣﻄﺖ ﻳﺪﻫﺎ ﻓﺠﻴﺒﻬﺎ ﻭﻃﻠﻌﺖ ﻣﻨﻬﺎ ﻇﺮﻑ ﺭﺳﺎﻟﻪ ﻭﻣﺪﺗﻬﻮﻟﻬﺎ ..
ﺿﺤﻜﺖ ﻋﺮﻭﺑﻪ : ﻣﺎﺯﺍﻝ ﺍﺧﺮ ﻳﻮﻡ ..
ﻏﺰﺍﻟﻪ : ﻣﺶ ﻣﻨﻲ ..
ﻫﻲ ﺗﻼﺷﺖ ﺿﺤﻜﺘﻬﺎ ﻭﺷﺒﺤﺖ ﻟﻠﻈﺮﻑ ..
ﺳﺎﻟﻤﻪ : ﻫﺎﻧﻴﺒﺎﻝ ..
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ : ﻭﻳﻦ ﺭﻳﺘﻮﻩ ..
ﻏﺰﺍﻟﻪ : ﻗﺒﻞ ﻧﺨﺸﻮﺍ ﻟﻘﻴﻨﺎﻩ ﺣﺪﺍ ﺍﻟﻤﺪﺭﺳﻪ ﻭﺑﻌﺘﻠﻚ ﺍﻟﺮﺳﺎﻟﻪ ﻣﻌﺎﻧﺎ ..
ﻗﺎﻣﺖ ﻋﻴﻮﻧﻬﺎ ﻭﺷﺒﺤﺖ ﻟﻐﺰﺍﻟﻪ ... ﺑﻌﺪﻳﻦ ﺷﺒﺤﺖ ﻟﻠﺮﺳﺎﻟﻪ ﻭﺧﺪﺗﻬﺎ ..
ﺷﻮﻳﻪ ﻭﺟﺖ ﻋﻮﺩﺓ : ﻫﺎﻳﻞ ﺟﻲ ..
ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻃﻮﻝ ﻃﻠﻌﺖ ﻣﻊ ﺍﺧﺘﻬﺎ ﺑﻌﺪ ﺣﻄﺖ ﺍﻟﺮﺳﺎﻟﻪ ﻓﺠﻴﺒﻬﺎ ..
ﻃﻠﻌﻮﺍ ...
ﻭﻣﺸﻮﺍ ﺭﻛﺒﻮﺍ ﺍﻟﺴﻴﺎﺭﺓ .. ﻋﺮﻭﺑﻪ ﻣﻦ ﺍﻟﺨﻠﻒ ... ﻭﻋﻮﺩﺓ ﻣﻦ ﺍﻟﻘﺪﺍﻡ ..
ﺯﺍﺩ ﻫﺎﻳﻞ ﺗﻜﻨﻄﺎ ... ﺷﺒﺢ ﺍﻟﻘﺪﺍﻡ ﻭﺗﺤﺮﻙ ﺑﺎﻟﺴﻴﺎﺭﺓ ﺑﺴﺮﻋﻪ ...
ﻭﻫﻮ ﺍﻟﻠﻲ ﻛﺎﻥ ﻣﺪﺭﻕ ﻓﻲ ﺍﻟﺘﺮﻛﻴﻨﻪ .. ﺍﺑﺘﺴﻢ ﻟﻤﺎ ﺷﺎﻓﻬﺎ ﺭﻛﺒﺖ ﻣﻦ ﺍﻟﺨﻠﻒ ..
ﺗﻨﻬﺪ ..💓
ﻭﻃﻮﻝ ﻣﺸﻲ ﺟﻬﺔ ﺍﻟﻤﺪﺭﺳﻪ ... ﻭﻗﻒ ... ﺷﺎﻑ ﻟﺼﺎﺣﺒﺎﺗﻬﺎ ..
ﺍﻟﺰﻭﺯ ﺷﺒﺤﻮﻟﻪ ﻭﻫﺰﻭﺍ ﺭﻭﺳﻬﻢ ﺑﺈﻳﺠﺎﺏ ...
ﻭﻫﻮ ﻫﺰ ﺭﺍﺳﻪ ﺑﺈﻳﺠﺎﺏ ﺑﻌﺪﻳﻦ ﻟﻒ ﻭﻣﺸﻲ ...
🍁🍁🍁🍁🍁🍁
ﻫﻴﻴﻴﻴﻴﻴﻴﻴﻴﻴﻴﻲ ....
ﺟﺘﻬﺎ ﺗﺠﺮﻱ ﺑﺎﻟﺴﻴﻒ ﻷﻧﻬﺎ ﻣﺜﻘﻠﻪ ﻣﻦ ﺍﻟﺤﻤﻞ .. ﺷﺪﺗﻬﺎ ﻭﻃﺎﺣﺖ ﻓﻴﻬﺎ ﻋﺰﻕ ..
ﺯﻳﻨﺐ : ﻳﺎﺑﻨﺖ ﺍﻟﻜﻠﺒﻪ ... ﻳﺎﺑﻨﺖ ﺍﻟﻜﻠﺒﻪ .. ﺭﺑﺎﺍﺍﺍﺍﺍﺍﺍﺏ ...
ﺟﺘﻬﺎ ﺭﺑﺎﺏ ﺗﺠﺮﻱ : ﺧﻴﺮﻙ ﻣﺎﻣﺎ ...
ﺯﻳﻨﺐ : ﺧﻮﺩﻳﻬﺎ ﻏﻴﺮﻳﻠﻬﺎ ﺣﻮﺍﻳﺠﻬﺎ ﺍﻟﻐﺒﺎﺭﺓ ﺍﻟﺴﻮﺩﺍ ﻫﺎﺩﻱ ... ﺍﻭﻭﻭﻑ ..
ﺩﻫﺸﺖ ﻭﻣﺸﺖ ﻗﻌﻤﺰﺕ ﻉ ﺍﻟﻤﻨﺪﺍﺭ ..
ﻭﺭﺑﺎﺏ ﺟﺒﺪﺕ ﺭﺍﻧﻴﺎ ﺍﻟﻠﻲ ﻛﺎﻧﺖ ﺗﺒﻜﻲ ﻭﺗﺸﻬﻖ .. ﺑﺶ ﺗﻐﻴﺮﻟﻬﺎ ﺣﻮﺍﻳﺠﻬﺎ ﺍﻟﻠﻲ ﻟﺒﺰﺗﻬﻢ ﺑﺎﻟﻤﻜﻴﺎﺝ ...
ﺯﻳﻨﺐ ﻭﻫﻲ ﺩﺍﻫﺸﻪ : ﺗﻌﺒﺖ .. ﺧﻼﺹ ..
ﺣﻤﻞ ﺯﻳﻨﺐ ﻛﻞ ﻣﺎﻳﺘﻘﺪﻡ ﺗﺰﻳﺪ ﺗﺘﻌﺐ ...
ﺯﻱ ﺳﻌﻴﺪﻩ ﺣﺘﻰ ﻫﻲ ... ﺣﻤﻠﻬﺎ ﻣﺘﻌﺐ ﻫﻠﺒﻪ ﻫﺎﻟﻤﺮﺓ ..
🍁 ﺩﺍﻳﺨﻪ ﺣﺎﺳﻪ ﺭﻭﺣﻲ ﻳﻤﻲ ﻣﺶ ﻗﺎﺩﺭﺓ ﻧﺼﺒﻲ ..
ﺣﺪﻫﻢ : ﺿﻐﻄﺘﻚ ﻧﺎﺯﻝ ﻭﺍﻧﺘﻲ ﻣﻬﻨﺎﻙ ﻣﺎﺗﺎﻛﻠﻲ ﻣﺎﺗﻘﻮﻟﺶ ﺣﺎﻣﻞ ..
ﺳﻌﻴﺪﻩ : ﻭﺍﻟﻠﻪ ﻧﺎﻛﻞ ﻳﻤﻲ ..
ﺣﺪﻫﻢ : ﺑﺎﻫﻲ ﺑﺎﻫﻲ .. ﺍﺳﻜﺘﻲ ﺗﻮﺍ ﺧﻞ ﻧﻌﺪﻱ ﻧﺪﻳﺮﻟﻚ ﺣﺎﺟﻪ ﺗﻘﻴﻤﻲ ﺭﻭﺣﻚ ﺑﻴﻬﺎ ....
ﻣﺸﺖ ﺣﺪﻫﻢ ﻭﺳﻌﻴﺪﻩ ﺣﻄﺖ ﺭﺍﺳﻬﺎ ﻉ ﺍﻟﻤﺨﺪﻩ ﻭﻣﺎﺯﺍﻟﺖ ﺩﺍﻳﺨﻪ ..
🍁🍁🍁🍁🍁
ﺍﻟﺴﺎﻋﻪ 3:00 ﺑﻌﺪ ﺍﻟﻈﻬﺮ ..
ﻣﻘﻌﻤﺰﺓ ﻉ ﺳﺮﻳﺮﻫﺎ ﻭﺗﺸﻮﻑ ﻟﻈﺮﻑ ﺍﻟﺮﺳﺎﻟﻪ ﻭﺗﺒﻲ ﺗﻔﺘﺤﻪ ﻭﻣﺎﺗﺒﻴﺶ ..
ﺧﺎﻳﻔﻪ ﺗﻀﻌﻒ ﻭﺗﻮﻟﻴﻠﻪ .. ﻭﺍﻟﻠﻲ ﺩﺍﺭﻩ ﻣﻌﺎﻫﺎ ﻣﺶ ﻗﺎﺩﺭﺓ ﺗﻨﺴﺎﻩ ﺑﺮﻏﻢ ﻃﻮﻝ ﺍﻟﻤﺪﻩ ..
ﻭﻳﺎﻭﺩﻱ ﺣﺎﺟﻪ ﺯﻱ ﻫﺎﺩﻱ ﻟﻴﻦ ﺗﻤﻮﺕ ﻣﺎﺗﻨﺴﺎﻫﺎ ...
ﻟﻜﻦ ﻣﺎﻗﺪﺭﺗﺶ ﺗﻘﺎﻭﻡ ﻓﻀﻮﻟﻬﺎ ... ﻓﺘﺤﺖ ﺍﻟﻈﺮﻑ ﻃﻮﻝ ..
ﻭﻃﻠﻌﺖ ﻣﻨﻪ ﺍﻟﻮﺭﻗﻪ ..
ﻭﺻﺪﺭﻫﺎ ﻳﺮﻗﺎ ﻭﻳﻨﺰﻝ ﻣﻦ ﻗﻮﺓ ﺍﻧﻔﺴﺎﻫﺎ ..💓
ﻓﺘﺤﺘﻬﺎ .... ﺷﻤﺖ ﺭﻳﺤﺔ ﻋﻄﺮﻩ ﻓﻴﻬﺎ ...
ﻭﻳﺰﻳﺪ ﻣﻌﺪﻝ ﺍﻟﻨﺒﺾ ﺍﻛﺜﺮ ﻭﺍﻛﺜﺮ ...💓💓 ﺍﻟﺪﻣﻮﻉ ﻃﺎﺣﻮﺍ ﻣﻦ ﺍﻟﻌﻴﻮﻥ ﻃﻮﻝ ..
ﺑﺪﺕ ﺗﻘﺮﺍ ﻓﻴﻬﺎ ﻭﻫﻲ ﺷﺎﺩﺗﻬﺎ ﺑﻴﺪﻫﺎ ﺍﻟﻠﻲ ﺗﺮﺟﻒ .. ﺍﻟﻮﺭﻗﻪ ﻗﻌﺪﺕ ﺗﺘﺮﺍﻋﺶ ﻣﻊ ﺭﻋﺸﺔ ﻳﺪﻫﺎ ..
ﺣﻄﺘﻬﺎ ﻉ ﺍﻟﺴﺮﻳﺮ ﺑﺶ ﺗﻘﺮﺍﻫﺎ ﻛﻮﻳﺲ ...
( ﺷﻨﻮ ﺣﺎﻟﻚ .. ﻭﺣﺎﻝ ﺍﻣﻚ ...
ﺍﻥ ﺷﺎﺀ ﺍﻟﻠﻪ ﻛﻮﻳﺴﻴﻦ ...
ﺍﺳﻤﻌﻲ ﻳﺎﺑﻨﺖ ﺍﻟﻨﺎﺱ ... ﺍﻧﻲ ﻏﻠﻄﺖ ﻣﻌﺎﻙ ﻭﺍﺟﺪ ﻋﺎﺭﻑ .. ﻭﺍﻟﻠﻲ ﺻﺎﺭ ﻛﻠﻪ ﻣﻦ ﺍﻟﺸﻴﻄﺎﻥ ﺍﻟﻠﻪ ﻳﻠﻌﻨﻪ ... ﺍﻓﺘﺤﻲ ﺻﻔﺤﺔ ﺟﺪﻳﺪﻩ ﻭﻣﺎﺗﻘﻌﺪﻳﺶ ﺟﺎﻓﻠﻪ ﻫﻜﻲ .. ﻭﺍﻧﻲ ﻋﺎﺭﻑ ﻛﻮﻳﺲ ﺍﻧﻚ ﻗﺮﻳﺐ ﺗﻤﻮﺗﻲ ﻋﻠﻴﺎ .. ﺑﻼﺵ ﺩﻟﻊ ﺯﺍﻳﺪ ... ﻭﺍﻧﺴﻲ ﺍﻟﻠﻲ ﺻﺎﺭ ﻭﺧﻠﻲ ﻗﻠﺒﻚ ﺍﺑﻴﺾ ...
ﻧﺤﺒﻚ ﻳﺎﻋﻨﺰ )
ﻗﻌﺪﺕ ﺗﻀﺤﻚ ﻭﺩﻣﻮﻋﻬﺎ ﻳﻨﺰﻟﻮﺍ ...
ﺧﺪﺕ ﺍﻟﻮﺭﻗﻪ ﻭﺣﻀﻨﺘﻬﺎ ... ﻭﻏﻤﻀﺖ ﻋﻴﻮﻧﻬﺎ ﺑﻌﺪﻳﻦ ﻓﺘﺤﺘﻬﻢ ﻭﻗﺮﺑﺖ ﺍﻟﻮﺭﻗﻪ ﻷﻧﻔﻬﺎ ﻭﻗﻌﺪﺕ ﺗﺸﻢ ﻓﺮﻳﺤﺔ ﺍﻟﻌﻄﺮ ...
ﻋﺮﻭﺑﻪ ﺑﻀﺤﻜﻪ ﻣﻦ ﺑﻴﻦ ﺩﻣﻮﻋﻬﺎ ﻭﻗﺎﻟﺖ : ﺑﺎﺧﻬﺎ ﻋﻠﻴﻬﺎ ﻫﻬﻬﻬﻬﻬﻬﻪ ﻣﻦ ﻣﻌﻠﻤﻪ ﺍﻟﺤﺮﻛﺎﺕ ﻫﺪﻳﻦ ...
🍁🍁🍁🍁🍁
ﺍﻟﺴﺎﻋﻪ 5:40 ﻣﺴﺎﺀﺍ ..
ﺣﺮﻛﺎﺕ ﺗﺒﺦ ﺍﻟﻌﻄﺮ ﻭﻣﺶ ﻋﺎﺭﻑ ﺷﻨﻮ .. ﺣﺮﻛﺎﺕ ﺗﺎﻓﻬﻪ ﻛﻴﻒ ﺳﻤﻌﺖ ﻛﻼﻣﻚ ﻓﻴﻬﺎ ..
ﻋﻤﺮ ﺑﻀﺤﻜﻪ : ﺗﺮﻗﻊ ﺍﻟﺘﻌﺒﻴﺮ ﺍﻟﻤﻌﺎﻕ ﺍﻟﻠﻲ ﻛﺎﺗﺒﻪ .
ﻫﺎﻧﻴﺒﺎﻝ؛ﻣﻌﺎﻕ ﻋﻴﻨﻚ .. ﺗﺒﻴﻨﻲ ﻧﻜﺘﺒﻠﻬﺎ ﻛﻼﻡ ﺗﺎﻓﻪ ﻭﻧﺮﺳﻤﻠﻬﺎ ﻗﻠﻮﺏ ﺣﻤﺮ؟ !! ﻋﻠﻴﻚ ﻫﻴﺎﻓﻪ ..
ﻋﻤﺮ : ﻫﻬﻬﻬﻬﻬﻬﻪ ... ﺍﻟﻤﻬﻢ ﺗﻮﺍ ﺩﻳﺮ ﻧﺘﻴﺠﻪ ...
ﻫﺎﻧﻴﺒﺎﻝ ﻭﻫﻮ ﻣﺮﻛﺰ ﺑﻌﻴﻮﻧﻪ ﻉ ﺣﺴﻦ ﺍﻟﻠﻲ ﺩﺭﺱ ﺑﺴﻴﺎﺭﺗﻪ : ﺍﻛﻴﺪ ﺍﺩﻳﺮ ﺍﻟﻨﺘﻴﺠﻪ ..
🍁🍁🍁🍁
ﺍﻳﻪ ﻫﺪﻱ ﻛﻮﻳﺴﻪ .. ﺗﻌﺎﻝ ﺗﻮﻓﻴﻖ ..
ﺟﺎﻫﺎ ﻭﻗﻌﺪﺕ ﺗﺴﺎﻭﻳﻠﻪ ﻓﺸﻌﺮﻩ : ﻋﺪﻱ ﻣﻊ ﺧﻮﻙ ... ﺷﺒﺤﺖ ﻟﺮﻣﺰﻱ .. ﺷﺪ ﻳﺪﻩ ﺯﻳﻦ .
ﺭﻣﺰﻱ ؛ﺣﺎﺿﺮ ... ﺧﺪﻱ ﺗﻮﻓﻴﻖ ﻣﻦ ﻳﺪﻩ ﻭﻣﺸﻮﺍ ﻣﻊ ﺑﻌﺾ ..
ﺍﻣﺎﻝ ﻗﻌﻤﺰﺕ ﺣﺪﺍﻫﺎ ...
ﺳﻌﻴﺪﻩ : ﻋﺪﻱ ﺍﻗﺮﻱ ..
ﺍﻣﺎﻝ : ﻗﺮﻳﺖ ﻟﻴﻦ ﻃﻠﻊ ﻣﻦ ﻋﻴﻮﻧﻲ ...
ﻉ ﺧﺸﺔ ﺣﺴﻦ : ﺳﻌﻴﺪﻩ ..
ﺳﻌﻴﺪﻩ ﺍﺑﺘﺴﻤﺖ : ﺣﺴﻦ ..
ﺧﺶ ﻭﻗﻌﻤﺰ : ﺷﻨﻮ ﺣﺎﻟﻚ ..
ﺳﻌﻴﺪﻩ : ﺍﻟﺤﻤﺪ ﻟﻠﻪ ..
ﺣﺴﻦ : ﺷﻨﻮ ﺩﺍﻳﺮﺓ ﻣﻊ ﻋﺮﺑﻚ ..
ﺳﻌﻴﺪﻩ ﺍﺳﺘﻐﺮﺑﺖ ﺳﺆﺍﻟﻪ :: ﺍﻟﺤﻤﺪ ﻟﻠﻪ ..
ﺣﺴﻦ ﻭﺯﻉ ﻧﻈﺮﻩ ﺑﻴﻨﻬﺎ ﻭﺑﻴﻦ ﺍﻣﺎﻝ : ﺣﻤﻴﺪﻩ ﺑﻨﺖ ﻋﻤﻚ ﻣﺶ ﻣﺨﻄﻮﺑﻪ ..
ﺗﻔﺎﺟﺌﻮﺍ ﺍﻟﺰﻭﺯ ...
ﺳﻌﻴﺪﻩ : ﻟﻴﺶ ﺗﺴﺄﻝ ! ؟؟
ﺣﺴﻦ : ﻏﻴﺮ ﻗﻮﻟﻲ ﻣﺨﻄﻮﺑﻪ ﻭﻻﻻ ..
ﺳﻌﻴﺪﻩ : ﻻ ..
ﺣﺴﻦ : ﺑﺎﻫﻲ .. ﺗﺘﻮﻗﻌﻲ ﻟﻮﺧﻄﺒﺘﻬﺎ ﻳﺮﺩﻭﻧﻲ ..
ﺍﻧﺼﺪﻣﻮﺍ ﺳﻌﻴﺪﻩ ﻭﺍﻣﺎﻝ ...
ﺳﻌﻴﺪﻩ ﺑﺼﺪﻣﻪ : ﺍﺳﻤﻊ .. ﺍﻟﻤﻮﺿﻮﻉ ﻫﺪﻯ ﺍﻧﺴﺎﻩ ..
ﺣﺴﻦ : ﻣﻌﻨﺎﻫﺎ ﺣﻴﺮﺩﻭﻧﻲ ..
ﺍﻣﺎﻝ : ﺍﻧﺖ ﻗﺒﻞ ﺧﻄﺒﺖ ﻛﻔﺎﻳﻪ ﻭﺭﺩﻙ ﻋﻤﻲ ﻟﺴﺒﺐ ﻛﻠﻨﺎ ﻧﻌﺮﻓﻮﻩ .. ﻧﻘﻮﻟﻚ .. ﻣﺎﺗﺴﺘﻌﺠﻠﺶ .. ﺧﻠﻲ ﻋﻤﻲ ﻳﺸﻮﻓﻚ ﺍﻧﻚ ﻣﻌﺎﺵ ﻛﻴﻒ ﻗﺒﻞ .. ﻳﻌﻨﻲ ﻭﺍﻧﺖ ﻓﺎﻫﻢ ﻋﻠﻴﺎ .. ﺑﻴﺶ ﻳﻮﺍﻓﻖ ..
ﺳﻌﻴﺪﻩ ﺷﺒﺤﺘﻠﻬﺎ ﺑﺈﺳﺘﻐﺮﺍﺏ .
ﺣﺴﻦ : ﺻﺢ .. ﻛﻼﻣﻚ ﻣﺰﺑﻮﻁ ...
ﺍﻣﺎﻝ : ﺍﻫﻢ ﺷﻲ ﺗﻮﺍ ﻣﺎﺗﺠﻴﺒﺶ ﺳﻴﺮﺓ ﻟﺤﺪ .. ﺍﺳﻜﺖ ﻟﻌﻨﺪ ﻣﺎﻳﺠﻲ ﺍﻟﻮﻗﺖ ﺍﻟﺼﺢ ..
ﺣﺴﻦ ﺑﻀﺤﻜﻪ؛ ﻭﺍﻟﻠﻪ ﻭﻛﺒﺮﺗﻲ ﻭﺑﺪﻳﺘﻲ ﺗﻨﺼﺤﻲ ..
ﺿﺤﻜﺖ ﺍﻣﺎﻝ : ﻣﺎﻝ ﺷﻦ ﺗﺒﻴﻨﻲ ﻧﻘﻌﺪ ﺩﻳﻤﺎ ﺻﻐﻴﺮﺓ .
ﻫﻮ ﺿﺤﻚ ﻭﺷﺒﺢ ﻟﺴﻌﻴﺪﻩ؛ﻭﺍﻧﺘﻲ ﻳﺎﺳﻌﻴﺪﻩ ﺷﻦ ﻗﻮﻟﻚ ..
ﺷﺒﺤﺘﻠﻪ ﺑﻌﺪ ﻛﺎﻧﺖ ﺗﺸﺒﺢ ﻷﻣﺎﻝ : ﻣﻌﺎﻫﺎ ﻓﻜﻼﻣﻬﺎ .. ﺍﻫﻢ ﺷﻲ ﻣﺎﺗﻘﻮﻝ ﻟﺤﺪ ﻉ ﻧﻴﺘﻚ ﻫﺪﻱ ...
ﺣﺴﻦ ﻫﺰ ﺭﺍﺳﻪ ﺑﺈﻳﺠﺎﺏ : ﺑﺎﻫﻲ .. ﻧﺎﺽ .. ﺍﻟﻤﻬﻢ ﺧﻠﻦ ﺍﻟﻤﻮﺿﻮﻉ ﻓﺮﻭﺳﻜﻦ ..
ﺳﻌﻴﺪﻩ : ﺑﺎﻫﻲ ..
ﺣﺴﻦ : ﺍﻣﻲ ﻭﻳﻦ ..
ﺍﻣﺎﻝ : ﻋﺪﺕ ﻟﺨﺎﻟﺘﻲ ..
ﻫﺰ ﺭﺍﺳﻪ ﺑﺄﻳﺠﺎﺏ ﻭﻟﻒ ﻭﻃﻠﻊ ..
ﺳﻌﻴﺪﻩ ﺷﺒﺤﺖ ﻷﻣﺎﻝ : ﺷﻨﻮ ﺍﻟﻠﻲ ﻗﻠﺘﻴﻪ ﻫﺪﻯ ..
ﺍﻣﺎﻝ ﺍﺑﺘﺴﻤﺖ : ﺗﺒﻲ ﺧﻠﻴﻔﻪ ﻳﻨﺴﻰ ﻣﻮﺿﻮﻉ ﺣﻤﻴﺪﻩ ﻭﻻ ..
ﺳﻌﻴﺪﻩ : ﺍﻳﻪ ﻟﻜﻦ ﻣﺶ ﺑﻴﺶ ﻳﺨﻄﺒﻬﺎ ﺣﺴﻦ ﺣﺘﻰ ﺣﺴﻦ ﻭﺍﺟﺪ ﻋﻠﻴﻬﺎ ..
ﺍﻣﺎﻝ : ﻗﺼﺪﻙ ﻋﻤﻲ ﺑﻴﻌﻄﻲ ﻭﺣﺪﻩ ﻣﻦ ﺑﻨﺎﺗﻪ ﻟﺤﺴﻦ .. ﻫﻬﻬﻬﻬﻬﻪ ﺿﺤﻜﺘﻴﻨﻲ ..
ﺳﻌﻴﺪﻩ ﺷﺒﺤﺘﻠﻬﺎ ﺷﻮﻳﻪ ﺑﻌﺪﻳﻦ ﺿﺤﻜﺖ : ﻫﻮﺑﻲ ﻣﻨﻚ ﺍﻧﺘﻲ ...
ﺍﻣﺎﻝ ﺭﻗﺼﺖ ﺣﻮﺍﺟﺒﻬﺎ : ﺗﻠﻤﻴﺬﺗﻚ ..
ﺿﺤﻜﺖ ﺳﻌﻴﺪﻩ ..
🍁 ﻓﻲ ﺣﻮﺵ ﻭﺣﺪﻩ ﻣﻦ ﺍﻗﺮﺏ ﺍﻟﺠﺎﺭﺍﺕ ﻟﻔﺎﻃﻤﻪ ..
ﻛﺎﻥ ﻳﺪﻭﺭ ﺣﺪﻳﺚ .. ﻓﺤﻮﺍﻩ ﺧﻼ ﻓﺎﻃﻤﻪ ﺗﻀﺎﻳﻖ ﻉ ﺍﻵﺧﺮ ..
ﺍﻡ ﺍﻟﺴﻌﺪ : ﺍﻟﻘﺒﻴﻠﻪ ﻛﻠﻬﺎ ﺗﻘﻮﻝ ﻓﻨﻔﺲ ﺍﻟﻜﻼﻡ .. ﺍﻟﺒﻨﺎﺕ ﻟﻀﺮﺍﺭﻱ ﻋﻤﻬﻦ ..
ﻓﺎﻃﻤﻪ ﺑﻀﻴﻖ : ﻳﺎﻡ ﺍﻟﺴﻌﺪ ﻟﻌﻨﺪ ﺗﻮ ﻣﺎﺗﻜﻠﻢ ﻓﻴﻬﻦ ﺣﺪ ﻭﻻﺻﺎﺭ ﺷﻲ ..
ﺍﻡ ﺍﻟﺴﻌﺪ : ﻧﻌﻠﻢ .. ﻟﻜﻦ ﻳﺎﻓﺎﻃﻤﻪ ﻫﺪﻯ ﺍﻟﻠﻲ ﺍﻟﻨﺎﺱ ﺗﻘﻮﻝ ﻓﻴﻪ
ﻓﺎﻃﻤﻪ ﺗﻨﻬﺪﺕ ﺑﻀﻴﻖ : ﻻﺣﻮﻝ ﺍﻟﻠﻪ ﻳﺎﺭﺑﻲ .. ﻻﺣﻮﻝ ﺍﻟﻠﻪ ..
🍁 ﻭﻛﻤﺎ ﻫﻮ ﻣﻌﺮﻭﻑ ﻋﻨﺪ ﺍﻟﻨﺎﺱ ﺍﻟﻠﻲ ﻣﻦ ﺩﻭﺍﺧﻞ ﺍﻟﺒﻼﺩ ﻣﺎﻧﺒﻴﺶ ﻧﻘﻮﻝ ﻛﻠﻬﻢ ﺑﺲ ﺍﻏﻠﺒﻬﻢ .. ﺩﺍﻡ ﺍﻟﺒﻨﺖ ﺗﻜﻠﻢ ﻓﻴﻬﺎ ﻭﻟﺪ ﻋﻤﻬﺎ ﺧﻼﺹ ﻣﺎﺣﺪ ﻳﺨﻄﺒﻬﺎ .. ﺍﺷﺒﻪ ﺑﺎﻟﺤﺠﺮ ﻳﻌﻨﻲ ..
ﻭﻫﺪﺍ ﺍﻟﻠﻲ ﺻﺎﺭ ﻣﻊ ﺣﻤﻴﺪﻩ ﻭﻏﺎﻟﻴﻪ 🍃...
🍂🍂🍂🍂🍂🍂🍂
ﺗﺎﻧﻲ ﻳﻮﻡ ..
ﻓﻲ ﺍﻟﻤﺮﻭﺍﺡ ..
ﻋﺮﻭﺑﻪ ﻣﺪﺕ ﻇﺮﻑ ﺭﺳﺎﻟﻪ ﻟﺴﺎﻟﻤﻪ : ﻋﻄﻴﻬﻠﻪ ..
ﺧﺪﺕ ﺳﺎﻟﻤﻪ ﺍﻟﻈﺮﻑ ..
ﻭﻋﺮﻭﺑﻪ ﻃﻠﻌﺖ ﻣﻊ ﻋﻮﺩﺓ ..
ﻛﺎﻧﺖ ﺣﺎﺳﻪ ﺑﻮﺟﻮﺩﻩ ﺑﺲ ﻣﺎﺑﺘﺶ ﺗﺸﻮﻓﻠﻪ ..
ﺍﻛﺜﺮ ﺷﻲ ﺧﻮﻓﺎ ﻣﻦ ﻫﺎﻳﻞ ...
ﺭﻛﺒﻮﺍ ﺍﻟﺴﻴﺎﺭﺓ ﻭﺗﺤﺮﻛﺖ ﻃﻮﻝ ..
ﻫﻮ ﻛﺎﻟﻌﺎﺩﻩ ﺭﺍﻗﺒﻬﺎ ﻟﻴﻦ ﺍﺧﺘﻔﺖ ... ﺑﻌﺪﻳﻦ ﻃﻠﻊ ﻣﻦ ﻭﺭﺍ ﺍﻟﺸﺠﺮ .. ﻭﻗﺪﻡ ﻟﻠﻤﺪﺭﺳﻪ ..
ﺟﺎﺗﻪ ﺳﺎﻟﻤﻪ ﺑﺴﺮﻋﻪ ﻣﺪﺗﻠﻪ ﺍﻟﻈﺮﻑ ﻭﻭﻟﺖ ﻃﻮﻝ ﻟﻐﺰﺍﻟﻪ ﻭﺭﻭﺣﻮﺍ ..
ﻭﻫﻮ ﺧﺪﻱ ﺍﻟﺮﺳﺎﻟﻪ .. ﺗﺒﺎﻋﺪ ﺷﻮﻳﻪ .. ﻭﻭﻗﻒ ﺗﺤﺖ ﺍﻟﺸﺠﺮﻩ ﻭﻓﺘﺢ ﺍﻟﻈﺮﻑ ﺑﻌﺪﻫﺎ ﻃﻠﻊ ﺍﻟﻮﺭﻗﻪ .. ﻭﻓﺘﺤﻬﺎ ..
ﻛﺎﻧﺖ ﻣﻜﺘﻮﺑﻪ ﻓﻴﻬﺎ ﺟﻤﻠﻪ ﻭﺣﺪﻩ ﺑﺲ .
( ﻟﻤﺎ ﺗﻘﻮﻝ ﺍﻧﺎ ﺍﺳﻒ ﻳﺎﻋﺮﻭﺑﻪ .. ﻧﺴﺎﻣﺤﻚ )
ﻫﺎﻧﻴﺒﺎﻝ ﺑﻨﺮﻓﺰﺓ : ﻧﻘﻮﻝ ﻋﻴﻨﻚ ﻣﺶ ﺃﺳﻒ .. ﻣﺎﻗﻠﺘﻬﺎ ﻟﺴﻴﺪﻱ ﺍﺳﻒ ﺑﻨﻘﻮﻟﻬﺎ ﻟﺒﻨﺖ !
ﻣﺰﻗﻬﺎ ﻃﺮﻑ ﻃﺮﻑ ﻭﻟﻮﺣﻬﺎ ﻭﺭﻭﺡ ﻭﻫﻮ ﻃﺎﻳﺮﺗﻠﻪ ..
💎 ﺧﺎﻃﺮﻱ ﻧﻌﺮﻑ ﺷﻦ ﻣﺸﻜﻠﻪ ﺍﻟﺮﺟﺎﻟﻪ ﻣﻊ ﻛﻠﻤﻪ ﺍﺳﻒ ..
ﻓﻲ ﻫﻠﺒﻪ ﻫﺎﻟﻜﻠﻤﻪ ﺛﻘﻴﻠﻪ ﻋﻠﻴﻬﻢ ﻫﻠﺒﻪ .. ﻫﻠﺒﻪ ...
🍃🍃🍃🍃🍃
ﺍﻟﻤﻬﻢ ..
ﻣﻦ ﻳﻮﻣﻬﺎ ﻣﻌﺎﺵ ﺟﻲ ﻟﻠﻤﺪﺭﺳﻪ .. ﻭﺣﺎﻭﻝ ﻳﻠﻬﻲ ﺭﻭﺣﻪ ﺑﺎﻟﻘﺮﺍﻳﻪ ﻟﻺﻣﺘﺤﺎﻧﺎﺕ ..
💕 ﺍﻣﺎ ﻫﻲ ﻓﻜﺎﻧﺖ ﻛﻞ ﻟﻴﻠﻪ ﺗﻘﺮﺍ ﻓﺮﺳﺎﻟﺘﻪ ﺍﻛﺘﺮ ﻣﻦ ﻣﺮﺓ ﻭﺗﻘﻌﺪ ﺗﻀﺤﻚ ﻭﺗﺒﻜﻲ ﻓﻨﻔﺲ ﺍﻟﻮﻗﺖ ..
ﻣﻊ ﻣﺮﻭﺭ ﺍﻷﻳﺎﻡ 🍃
ﻫﺎﻳﻞ ﺑﺪﺕ ﺗﻠﻤﻴﺤﺎﺗﻪ ﺗﺰﻳﺪ ﻭﺑﺪﻱ ﻳﻀﻐﻂ ﻉ ﻋﺮﻭﺑﻪ ﺑﺰﻳﺎﺩﺓ ..
ﻟﻴﻦ ﺟﻲ ﺍﺧﺮ ﻳﻮﻡ ﻓﻲ ﺍﻻﻣﺘﺤﺎﻧﺎﺕ ...
ﺍﻧﻔﺠﺮﺕ ﻓﻴﻪ ﻟﻤﺎ ﻗﺎﻟﻠﻬﺎ .. ﺍﻧﻪ ﻧﺎﻭﻱ ﻳﺨﻄﺒﻬﺎ ﻓﻲ ﺍﻟﺼﻴﻒ ..
ﻋﺮﻭﺑﻪ : ﻣﺎﻓﻴﺶ ﻛﺮﺍﻣﻪ ﻋﻨﺪﻙ ﺍﻧﺖ ﻭﻻﺷﻨﻮ .. ﻳﺎﺑﻨﻲ ﺁﺩﻡ ﺍﻧﺖ ﻟﻮ ﻳﻘﻄﻌﻮﻧﻲ ﺗﻘﻄﻴﻊ ﻣﺎﻧﺸﺒﺢ ﻓﺨﻠﻴﻘﺘﻚ ﻣﺶ ﻧﺘﺰﻭﺟﻚ ..
ﻫﺎﻳﻞ ﺷﺒﺤﻠﻬﺎ ﺑﺤﺪﻩ ﻭﻗﺎﻝ : ﻃﻴﺮﻱ ﺍﺗﺠﻨﺤﻲ .. ﺗﻜﻠﺒﻲ ... ﻟﻐﻴﺮﻱ ﻭﺍﻟﻠﻪ ﻣﺎﺣﺘﻜﻮﻧﻲ ... ﺣﻄﻲ ﺍﻟﻜﻼﻡ ﻫﺪﻯ ﻓﺮﺍﺳﻚ ﺍﻩ ... ﻛﻼﻡ ﻣﺎﻓﻴﺶ ﻟﻴﻪ ﺗﺎﻧﻲ ..
ﻭﻟﻒ ﻭﻃﻠﻊ ﻣﻦ ﺍﻟﺤﻮﺵ ﻭﻗﺮﺑﻊ ﺍﻟﺒﺎﺏ ﻭﺭﺍﻩ ..
ﻋﺮﻭﺑﻪ ﺑﺪﻣﻮﻉ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ... ﻭﻣﺸﺖ ﻃﻮﻝ ﺧﺸﺖ ..
ﻭﺍﻣﻬﺎ ﺍﻟﻠﻲ ﻛﺎﻧﺖ ﺗﺴﻤﻊ ﻓﻜﻼﻣﻬﻢ ﻭﻫﻲ ﻻﺑﺪﻩ ﻓﺘﺮﻛﻴﻨﻪ ﻓﻲ ﺍﻟﺠﻨﺎﻥ .. ﻛﺎﻧﺖ ﺗﺒﻜﻲ ﺑﺼﻤﺖ ...
🍁🍁🍁🍁🍁
ﻛﻼﻡ ﺍﻟﻨﺎﺱ .. ﻻﺑﻴﻘﺪﻡ ... ﻭﻻﻳﺄﺧﺮ ..
ﻛﻼﻡ ﺍﻟﻨﺎﺱ .. ﻣﻼﻣﻪ ﻭﻏﻴﺮﻩ ﻣﺶ ﺍﻛﺜﺮ ..
ﻳﺘﻔﺮﺝ ﻉ ﺍﻏﻨﻴﻪ ﻭﻗﻠﺒﻪ ﻳﺪﻕ ﺑﺎﻟﻘﻮﺓ ..💓
ﻟﻤﺠﺮﺩ ﺍﻧﻪ ﻫﺎﻟﻔﻨﺎﻥ ﺣﺒﻴﺒﺘﻪ ﺗﺤﺐ ﺍﻏﺎﻧﻴﻪ .. ﻭﺣﺘﻰ ﻫﻮ ﺑﺪﻱ ﻳﺤﺒﻪ .. ﻭﻳﻦ ﻳﺴﻤﻊ ﺻﻮﺗﻪ ﻗﻠﺒﻪ ﻳﻔﺰ ..
ﺷﻮﻳﻪ ﻭﺧﺶ ﻋﻠﻴﻪ ﺳﻠﻴﻤﺎﻥ ..
ﻫﻮ ﻧﺎﺽ ﻗﻌﻤﺰ ..
ﻫﺎﻧﻴﺒﺎﻝ ﺑﻠﻬﻔﻪ : ﺷﻨﻮ ﻋﻨﺪﻙ ﻗﻮﻝ ..
ﺳﻠﻴﻤﺎﻥ : ﺑﺘﻌﺪﻱ ﻟﻄﺮﺍﺑﻠﺲ ﻏﺪﻭﺓ ... ﺑﻴﻘﻠﻬﻢ ﻭﻟﺪ ﻋﻤﻬﺎ ﺍﻟﻮﺳﺦ ..
ﻫﺎﻧﻴﺒﺎﻝ ﻗﺮﻥ ﺣﻮﺍﺟﺒﻪ ﺑﻐﻀﺐ ﺑﻌﺪﻳﻦ ﺷﺒﺢ ﻟﺴﻠﻴﻤﺎﻥ : ﻣﻌﺪﻱ ﻟﻄﺮﺍﺑﻠﺲ ﻗﺒﻞ ﻭﻻ ..
ﺳﻠﻴﻤﺎﻥ : ﺍﻳﻪ ﻣﻦ ﻗﺒﻞ ﺷﻬﺮ ﺗﻌﻠﻢ ﺑﻴﻬﺎ ﺍﻟﻤﺸﻴﻪ ..
ﻫﺎﻧﻴﺒﺎﻝ ﻗﻌﺪ ﻳﺸﺒﺤﻠﻪ ﻫﻠﺒﻪ ...
ﺳﻠﻴﻤﺎﻥ ﻓﻬﻢ ﻋﻠﻴﻪ ﻭﺍﺑﺘﺴﻢ ...
🍃🍃🍃
ﻃﺮﺍﺑﻠﺲ ..
ﺍﻟﺴﺎﻋﻪ 12 ﻗﺒﻞ ﺍﻟﻈﻬﺮ ..
ﻋﻠﻴﻚ ﻣﻔﺎﺟﺄﻩ ...
ﺿﺤﻚ ﻫﺎﻧﻴﺒﺎﻝ : ﺳﻤﺤﻪ ﻭﻻﺷﻴﻨﻪ ..
ﺩﻻﻝ : ﺳﻤﺤﻪ ..
ﺿﺤﻚ ﺳﻠﻴﻤﺎﻥ ..
ﻧﻌﻴﻤﻪ ﺑﻀﺤﻜﻪ : ﺷﻮﻳﻪ ﻭﺟﺎﻳﻪ ..
ﻫﺎﻧﻴﺒﺎﻝ : ﺗﻌﺎﻟﻲ ﻗﻌﻤﺰﻱ ﻣﺎﻧﺒﻮﺍ ﺷﻲ .. ﺗﻌﺎﻟﻲ .
ﻣﺎﺩﻭﺭﺗﺎﺵ ﻧﻌﻴﻤﻪ ..
ﻫﺎﻧﻴﺒﺎﻝ ﺷﺒﺢ ﻟﺪﻻﻝ ﻭﻫﻮ ﻳﻀﺤﻚ : ﺍﻳﻪ ﻭﻳﻦ ﺑﺎﺑﺎ ..
ﻓﻲ ﺍﻟﻌﻤﻞ ....
ﺳﻠﻴﻤﺎﻥ ﺍﺑﺘﺴﻢ : ﻣﺎﺷﺎﺀ ﺍﻟﻠﻪ ..
💗💗💗💗💗
ﻧﺎﻣﻮﺍ ﻭﺍﺭﺗﺎﺣﻮﺍ ﻫﻸ ... ﺑﺲ ﻳﺠﻬﺰ ﺍﻟﻐﺪﺍ ﺑﻨﺎﺩﻳﻜﻦ ...
ﻋﺮﻭﺑﻪ ﺑﻀﺤﻜﻪ : ﺭﺑﺤﺘﻲ ﻳﺎﺣﻨﻪ ..
ﺿﺤﻜﻮﺍ ﻣﻨﺎﺳﻚ ﻭﻋﻮﺩﺓ ...
ﻣﻨﺎﺳﻚ : ﺍﻳﻪ ﺟﻬﺰﻭﺍ ﺣﺎﻟﻜﻦ ﺑﻌﺪ ﺍﻟﻌﺼﺮ ﻓﻲ ﺍﻟﻄﻠﻌﻪ ﻟﻠﺴﻮﺀ ..
ﺿﺤﻜﻮﺍ ﺑﻔﺮﺡ ..
ﻣﻨﺎﺳﻚ ﺑﻀﺤﻜﻪ : ﺍﺗﺮﻛﻦ ﻟﺘﺮﺗﺎﺣﻮﺍ ... ﻭﻃﻠﻌﺖ ﻣﻦ ﺣﺪﺍﻫﻢ ..
ﻭﻫﻤﺎ ﺍﻟﺰﻭﺯ ﺭﻗﺪﻭﺍ ﻉ ﺍﻟﻤﻨﺎﺩﻳﺮ .. ﻭﻫﻤﺎ ﻳﻬﺪﺭﺯﻭﺍ ﻭﻳﻀﺤﻜﻮﺍ ..
🍁🍁🍁🍁
ﺍﻟﺴﺎﻋﻪ 5 ﻋﺼﺮﺍ ..
ﻛﺎﻥ ﻳﺪﻫﻮﺭ ﻫﻮ ﻭﻟﺪ ﻋﻤﻪ ﻓﺸﻮﺍﺭﻉ ﻃﺮﺍﺑﻠﺲ ﻷﻭﻝ ﻣﺮﺓ ..
ﻫﺎﻧﻴﺒﺎﻝ : ﻋﺎﺩﻳﻪ ﻣﺶ ﻛﻴﻒ ﻣﺎﺗﺨﻴﻠﺘﻬﺎ ..
ﺳﻠﻴﻤﺎﻥ : ﺑﺎﻟﻠﻪ ﻋﻠﻴﻚ ﺍﺳﻜﺖ ..
ﺿﺤﻚ ﻫﺎﻧﻴﺒﺎﻝ ..
ﻗﻌﺪﻭﺍ ﻳﺘﻤﺸﻮﺍ ﻟﻴﻦ ﻭﺻﻠﻮﺍ ﻓﻲ ﺍﻛﺒﺮ ﺳﻮﻕ ﻓﻲ ﻃﺮﺍﺑﻠﺲ ..
ﺗﻔﺎﺟﺄ ﺑﺎﻹﻧﻔﺘﺎﺡ ﺍﻟﻠﻲ ﺷﺎﻓﻪ ... ﻭﻗﺘﻬﺎ ﻃﺮﺍﺑﻠﺲ ﻛﺎﻥ ﻓﻴﻬﺎ ﺍﻧﻔﺘﺎﺡ ﺍﻛﺜﺮ ﺣﺘﻰ ﻣﻦ ﺑﻨﻐﺎﺯﻱ .. ﻣﺎﻛﺎﻧﻮﺵ ﻣﺤﺎﻓﻈﻴﻦ ﻫﻠﺒﻪ ﺯﻱ ﺗﻮﺍ ..
ﺍﻟﺒﻨﺎﺕ ﺍﻟﻤﺶ ﻣﺘﺤﺠﺒﺎﺕ ﻫﻠﺒﻪ ..
ﻭﻫﻮ ﻣﺘﻔﺎﺟﺄ ﻓﻴﻬﻢ ﻭﻓﻲ ﻧﻔﺴﻪ ﻳﻘﻮﻝ ﺍﻛﻴﺪ ﻣﺶ ﻟﻴﺒﻴﺎﺕ .
ﺍﺳﺘﺎﻗﺾ ﻟﻤﺎ ﺷﺪﻩ ﺳﻠﻴﻤﺎﻥ ﻣﻦ ﺫﺭﺍﻋﻪ : ﻫﻮﻳﻨﻬﺎ ..
ﺷﺎﻑ ﻭﻳﻦ ﻣﺎﺃﺷﺮﻟﻪ ﺳﻠﻴﻤﺎﻥ ..
ﺍﺑﺘﺴﻢ ﺑﻔﺮﺡ ﻣﻦ ﻭﺳﻂ ﻗﻠﺒﻪ ﻟﻤﺎ ﺷﺎﻓﻬﺎ ...
ﻗﺪﻡ ﻭﻣﺸﻲ ﻣﻌﺎﻩ ﺳﻠﻴﻤﺎﻥ ..
...
ﻋﺮﻭﺑﻪ : ﻧﺎﺭ ﺍﻷﺳﻌﺎﺭ ...
ﻣﻨﺎﺳﻚ : ﻟﺴﺎﺗﺎ ﺍﻟﺒﻠﺪ ﺗﺤﺖ ﺍﻟﺤﺼﺎﺭ ...
ﻋﻮﺩﺓ : ﻣﺸﺮﻭﻉ ﻓﺎﺷﻞ ﺍﻟﻄﻠﻌﻪ ﻟﻠﺴﻮﻕ ﻫﻨﻰ ..
ﻋﺮﻭﺑﻪ ﻭﻫﻲ ﺗﻮﺯﻉ ﻓﻨﻈﺮﻫﺎ ﻉ ﺍﻟﺴﻮﻕ : ﺍﻫﻮ ﻧﺸﺮﻭﺍ ﺣﺎ ....... ﺳﻜﺘﺖ ﻣﺮﺓ ﻭﺣﺪﻩ ..
ﻣﺮﺕ ﺧﻮﻫﺎ ﻭﺍﺧﺘﻬﺎ ﺭﻛﺰﻭﺍ ﻋﻠﻴﻬﺎ ﻭﻳﻦ ﺗﺸﺒﺢ ﺍﻟﺘﻔﺘﻮﺍ ..
ﻋﻮﺩﺓ ﺍﻧﺼﺪﻣﺖ : ﻫﺎﻧﻴﺒﺎﻝ !! ؟
ﻋﺮﻭﺑﻪ ﺑﻠﻌﺖ ﺭﻳﻘﻬﺎ ﻋﻴﻮﻧﻬﺎ ﺭﻣﺸﻮﺍ ﺑﺴﺮﻋﻪ : ﺗﻌﺎﻟﻦ ﻫﻴﺎ ..
ﻫﺮﺑﺖ ﻭﻫﻤﺎ ﻟﺤﻘﻮﻫﺎ ..
ﻫﻮ ﻣﻦ ﺑﻌﻴﺪ ﺍﺑﺘﺴﻢ ﻭﻟﺤﻘﻬﺎ ﻭﺳﻠﻴﻤﺎﻥ ﻣﻌﺎﻩ ﻭﻳﻀﺤﻚ ﻭﺧﻼﺹ ..
ﻗﻌﺪ ﻓﺠﺮﺗﻬﺎ ﻭﻳﻦ ﻣﺎﺗﻤﺸﻲ ..
ﻣﻨﺎﺳﻚ : ﻳﻴﻲ ﻳﺨﺰﻱ ﺍﻟﻌﻴﻦ ﺑﻴﻄﻴﺮ ﺿﺒﻨﺎﺕ ﺍﻟﻌﻘﻞ ..
ﺿﺤﻜﺖ ﻋﺮﻭﺑﻪ .. ﻭﻋﻮﺩﻩ ﺣﺘﻰ ﻫﻲ ..
ﻣﻨﺎﺳﻚ : ﻃﻴﺐ ﺍﻧﺘﻲ ﻟﻴﺶ ﻋﻢ ﺗﻬﺮﺑﻲ ﻣﻨﻮ ﺍﺯﺍ ﻣﺸﺎﻥ ﺳﺎﻣﻲ ﺍﻧﺎ ﺑﺘﺼﺮﻑ ..
ﻋﻮﺩﺓ : ﻻﻳﺎﺣﻨﻪ ﻣﻨﺎﻓﺴﻴﻦ ﺑﻌﻀﻬﻢ ..
ﻣﻨﺎﺳﻚ : ﻳﻴﻲ ﻫﻬﻬﻬﻬﻬﻬﻬﻪ ... ﻣﻨﺎﻓﺴﻴﻦ ﺑﻌﻀﻦ ﻭﻫﻴﻚ ﺷﻠﻮﻥ ﺍﺯﺍ ﻛﺎﻧﻮﺍ ﺭﺿﻴﺎﻧﻴﻦ ...
ﺿﺤﻜﺖ ﻋﻮﺩﺓ ... ﻭﻋﺮﻭﺑﻪ ﺿﺤﻜﺖ ﺑﺨﺠﻞ ..
ﻟﻌﻨﺪ ﻣﺎﺧﺸﻮﺍ ﻟﻤﺤﻞ ...
ﻗﻌﺪﺕ ﻋﺮﻭﺑﻪ ﺗﺸﻮﻑ ﻓﻴﻪ ﻓﻲ ﺣﺎﺟﺎﺕ ﻋﺠﺒﻮﻫﺎ ..
ﻭﻫﻮ ﺧﺸﻠﻪ ﻣﻊ ﺳﻠﻴﻤﺎﻥ ...
ﻣﻨﺎﺳﻚ ﻭﻋﻮﺩﺓ ﺷﺒﺤﻮﻟﻬﻢ ..
ﻣﻨﺎﺳﻚ ﺷﺪﺕ ﻋﻮﺩﺓ ﻣﻦ ﻳﺪﻫﺎ : ﺗﻌﻲ ﻧﺤﺮﺱ ﺍﻟﻤﻜﺎﻥ ..
ﺿﺤﻜﻦ ﻋﻮﺩﺓ : ﺑﺎﻫﻲ ..
ﻭﺗﺒﺎﻋﺪﻭﺍ ...
ﻋﺮﻭﺑﻪ ﻣﺎﺯﺍﻟﺖ ﺗﺸﻮﻑ : ﻳﺎﺭﺑﻲ ﺍﺣﺘﺮﺕ .. ﺗﺲ ﺍﻓﻔﻒ ..
" ﻫﺎﺣﺒﻴﺒﻲ ... ﻣﻮ ﻋﻠﻰ ﺑﻌﻀﻚ ﺍﺣﺴﻚ .."
ﻫﻲ ﺟﻤﺪﺕ ﻓﻤﻜﺎﻧﻬﺎ ﻭﻫﻲ ﺷﺎﺩﺓ ﺍﻟﻘﻔﻄﺎﻥ
" ﻫﺎﺣﺒﻴﺒﻲ .. ﻟﺨﺎﻃﺮﻱ ﻻﺗﺄﺫﻱ ﻧﻔﺴﻚ ..."
ﻣﻦ ﺍﻟﺰﻋﻼﻥ .... ﺍﻧﺖ ...
ﻣﻦ ﺍﻟﺰﻋﻼﻥ ... ﺍﻧﺖ ..
ﻣﻨﻲ ﺗﺰﻋﻞ ...
ﻟﻚ ﻭﺍﻟﻠﻪ ﺯﻋﻞ ﺍﻟﺪﻧﻴﺎ ﻛﻠﻬﺎ ﻭﻻﻣﻜﺮﻭﻩ ﻳﻤﺴﻚ ..
ﺣﺒﻴﺒﻲ ...
ﻗﻌﺪﺕ ﻉ ﻧﻔﺲ ﻭﺿﻌﻬﺎ ..
ﻫﺎﻧﻴﺒﺎﻝ : ﺍﻳﺎﺍﻩ ﻋﺎﺩ ﺣﺘﻰ ﺑﻌﺪ ﻏﻨﻴﻨﺎﻟﻚ ﻣﺎﺗﺒﻴﺶ ﺗﻌﺪﻟﻲ ..
ﻋﺮﻭﺑﻪ ﻏﺼﺐ ﻋﻨﻬﺎ ﺿﺤﻜﺖ ..
ﻫﺎﻧﻴﺒﺎﻝ ﺿﺤﻚ : ﻋﻠﻴﻚ ﻓﺴﺨﻪ ..
ﺷﺒﺤﺘﻠﻪ ﺑﻀﺤﻜﻪ : ﻟﺴﺎﻧﻚ ﻳﺎﺭﺑﻲ ﻟﺴﺎﻧﻚ ﻫﺪﻯ ..
ﻫﺎﻧﻴﺒﺎﻝ ﺑﻐﺮﻭﺭ : ﻳﻘﻄﺮ ﻋﺴﻞ .
ﻋﺮﻭﺑﻪ : ﻫﻬﻬﻬﻬﻬﻪ ﻋﻠﻴﻚ ﺻﺎﻣﺖ ﻭﻣﻐﺮﻭﺭ ﻃﺤﺖ ﻓﻴﻪ ..
ﻫﺎﻧﻴﺒﺎﻝ : ﺣﻈﻚ ﻣﻦ ﺍﻟﺴﻤﻲ .. ﺍﻣﻚ ﺗﺪﻋﻴﻠﻚ ﻟﻴﻞ ﻧﻬﺎﺭ ﺍﻟﻠﻲ ﻃﺤﺘﻲ ﻓﻴﺎ ..
ﻗﻌﺪﺕ ﺗﻀﺤﻚ ﻭﺗﺤﺮﻙ ﻓﺮﺍﺳﻬﺎ ﺍﻳﻤﻴﻦ ﻭﻳﺴﺎﺭ ...
ﺑﻌﺪﻳﻦ ﺷﺒﺤﺘﻠﻪ ﻭﻗﺎﻟﺖ : ﻛﻴﻒ ﻋﺮﻓﺖ ﺍﻧﻲ ﻫﻰ ..
ﻫﺎﻧﻴﺒﺎﻝ ﻭﻫﻮ ﻣﺒﺘﺴﻢ : ﺳﺄﻟﻨﺎ ﻭﺯﻱ ﻣﺎﻳﻘﻮﻟﻮﺍ ﺍﻟﻤﺼﺮﻳﻪ .. ﺍﻟﻠﻲ ﻳﺴﺄﻝ ﻣﺎﻳﺘﻮﻫﺶ ... ﻭﺑﻌﺪﻳﻦ ﺍﻧﻲ ﻧﻌﺮﻑ ﻋﻠﻴﻚ ﻛﻞ ﺷﻲ ﻳﺎﺳﻤﺤﻪ ﺭﺍﻫﻮ ..
ﻫﻲ ﺿﺤﻜﺖ ﺑﺮﻓﻌﺔ ﺣﻮﺍﺟﺐ : ﻳﺎﺭﺑﻲ ﻣﺶ ﻣﺼﺪﻗﻪ .. ﺷﻨﻮ ﻗﻠﺖ ﺗﻮﺍ ..
ﻫﺎﻧﻴﺒﺎﻝ : ﻋﻨﺰ ...
ﻋﺮﻭﺑﻪ : ﻫﻬﻬﻬﻬﻬﻬﻬﻬﻪ ...
ﺍﺣﻠﻰ ﻟﺤﻈﺎﺕ ﻋﺎﻳﺸﻨﻴﻬﺎ ﺗﻮﺍ ﻭﻗﻠﻮﺑﻬﻢ ﺗﺮﻓﺮﻑ 💓💓💓💓💓
ﺑﺲ ﻫﺎﻟﻠﺤﻈﺎﺕ ﻛﺎﻧﺖ ﺗﺤﺖ ﺍﻧﻈﺎﺭ ﺷﺨﺺ ..
ﻭﻗﻒ ﻣﺼﺪﻭﻡ ﻭﻫﻮ ﻳﺸﻮﻓﻠﻬﻢ ...
ﻣﻦ ﻭﺭﺍ ﻣﺮﺵ ﺍﻟﻤﺤﻞ ...
ﻫﺎﻳﻞ ... ﺍﻟﻠﻲ ﻛﺎﻥ ﺑﺎﻳﺖ ﻋﻨﺪ ﻭﺍﺣﺪ ﻣﻦ ﺻﺤﺎﺑﻪ ﺑﻌﺪ ﺣﻄﻬﻢ ﻋﻨﺪ ﺳﺎﻣﻲ ..
ﻭﻃﺒﻌﺎ ﺳﺎﻣﻲ ﺑﻠﻐﻪ ﺍﻧﻬﻢ ﺣﻴﻄﻠﻌﻮﺍ ﺍﻟﺴﻮﻕ ﺍﻟﻔﻼﻧﻲ ...
ﻭﻫﻮ ﻣﺎﻛﺬﺑﺶ ﺧﺒﺮ ﺑﻌﺪ ﺍﻟﻌﺼﺮ ﻃﻠﻊ ...
ﻣﺸﻲ ﻟﻠﺴﻮﻕ ..
ﻭﺩﻭﺭ ﻋﻠﻴﻬﻢ .... ﻟﻴﻦ ﻟﻘﺎﻫﻢ ... ﻭﺷﺎﻑ ﺍﻟﻠﻲ ﺷﺎﻓﻪ 🍃
🍁🍁🍁🍁
🍃 ﻭﻣﺎﺯﺍﻟﺖ ﺍﻷﻳﺎﻡ ﺗﻤﺸﻲ ..
ﻭﻫﺎﻷﻳﺎﻡ ﺍﻟﻠﻲ ﻣﺸﺖ ﻋﺪﺕ ﺑﻬﺪﻭﺀ ...
ﺍﻟﻬﺪﻭﺀ .... ﺍﻟﻘﺎﺗﻞ ..
ﺍﻟﻬﺪﻭﺀ ﺍﻟﻠﻲ ﻳﺴﺒﻖ ..
ﺍﻟﻌﺎﺻﻔﻪ 🍃
🍁 ﺍﻟﻴﻮﻡ ﻛﺎﻥ ﺍﻭﻝ ﻳﻮﻡ ﻓﻲ ﺍﻣﺘﺤﺎﻥ ﺍﻟﺸﻬﺎﺩﺓ ﺍﻟﺜﺎﻧﻮﻳﻪ ...
ﺩﺍﺭ ﺍﻣﺘﺤﺎﻧﻪ ﻭﻛﺎﻧﺖ ﻣﻌﻨﻮﻳﺎﺗﻪ ﻓﻲ ﺍﻟﺴﻤﻲ ﻷﻥ ﺍﻟﺒﺪﺍﻳﻪ ﻣﺒﺸﺮﺓ ...
ﻭﺟﺎﻭﺏ ..
ﻳﻮﻣﻬﺎ ﻳﻘﺪﺭ ﺍﻟﻠﻪ ﺍﻥ ﺳﻠﻴﻤﺎﻥ ﻳﻤﺸﻲ ﻣﻊ ﺧﻮﻩ ﺣﺴﻦ ﺑﻌﺪ ﺍﻹﻣﺘﺤﺎﻥ ﻟﻤﺼﺮﺍﺗﻪ ... ﻋﻨﺪﻫﻢ ﻓﻴﻬﺎ ﺧﺪﻣﻪ ...
ﻭﺳﺎﻟﻢ ﻳﺮﻭﺡ ﻗﺒﻠﻬﻢ ﻷﻥ ﻃﻠﻊ ﻗﺒﻠﻬﻢ ﻣﻦ ﻗﺎﻋﺔ ﺍﻹﻣﺘﺤﺎﻥ ..
ﻛﺎﻥ ﺑﺮﻭﺣﻪ ... ﻣﺮﻭﺡ ﺑﺮﻭﺣﻪ ..
ﻓﻘﺎﻳﻠﻪ ﻣﻦ ﻗﻮﺍﻳﻞ ﺍﻳﺎﻡ ﺷﻬﺮ ﺳﺘﻪ
ﻓﻲ ﺍﻟﻐﺎﻟﺐ ﺍﻟﺪﻧﻴﺎ ﻓﺎﺿﻴﻪ ﺷﺒﻪ ﻣﻬﻨﺎﻙ ﺣﺪ ﻓﻬﺎﻟﻮﻗﺖ ...
ﻣﺮﻭﺡ ﺑﺄﻣﺎﻥ ﺍﻟﻠﻪ ...
ﻭﺗﺠﻲ ﺳﻴﺎﺭﺓ ﻣﻦ ﺑﻌﻴﺪ ..
ﺗﻮﻗﻒ ﻓﺠﺄﺓ ﻭﺗﻨﻔﺘﺢ ..
ﻭﻳﻨﺰﻟﻮﺍ ﻣﻨﻬﺎ 5 ﻧﻔﺎﺭ ...
ﻫﻮ ﻭﻗﻒ ﻭﻫﻮ ﻣﺴﺘﻐﺮﺏ ﻟﻤﺎ ﻟﻘﺎﻫﻢ ﺟﺎﻳﺒﻨﻪ ..
ﻭﺍﺣﺪ ﻣﻨﻬﻢ ﺿﺮﺑﻪ ﺑﻮﻛﺲ ﻉ ﻭﺟﻬﻪ ..
ﻫﺎﻧﻴﺒﺎﻝ ﻃﻮﻝ ﺭﺩﻩ ...
ﻭﻳﻄﻴﺤﻮﺍ ﻓﻴﻪ ﺍﻟﺨﻤﺴﻪ ﺿﺮﺏ ﻭﻳﻦ ﻣﺎ ﻳﺠﻲ ..
ﺣﺎﻭﻝ ﻳﻘﺎﻭﻡ .. ﻟﻜﻦ ﻣﺎﻗﺪﺭﻫﻤﺶ 5 ﻭﺑﻨﻴﺔ ﺟﺴﻤﻬﻢ ﻣﺰﺍﻟﺖ ﺍﻗﻮﻯ ﻣﻦ ﺑﻨﻴﺔ ﺟﺴﻤﻪ ..
ﻓﻲ ﻋﺰ ﻣﺎﻳﻀﺮﺑﻮﺍ ﻓﻴﻪ ..
ﻧﺰﻝ ﻫﺎﻳﻞ ﻣﻦ ﺍﻟﺴﻴﺎﺭﺓ ... ﻭﻗﺪﻣﻠﻬﻢ ..
ﻫﺎﻳﻞ : ﻫﻴﻴﻴﻪ ..
ﻭﻗﻔﻮﺍ ﺿﺮﺏ ... ﻭﺷﺒﺤﻮﻟﻪ ..
ﻫﺎﻳﻞ : ﺣﺬﺭﺗﻚ ﻭﻻﻻ؟ !
ﻫﺎﻧﻴﺒﺎﻝ ﺑﺼﻮﺕ ﻣﺘﻌﺐ : ﺍﻧﺖ .. ﻳﺎ .. ﻭﺳﺦ ..
ﻫﺎﻳﻞ ﺍﺷﺮﻟﻬﻢ ﺑﻌﻴﻮﻧﻪ ...
ﺷﺪﻭﻩ ﻣﻦ ﺍﻳﺪﻳﻪ ...
ﻭﻳﻘﺪﻡ ﻫﺎﻳﻞ ... ﻭﻳﺒﺪﺍ ﻓﻴﻪ ﺑﻮﻛﺴﺎﺕ ﻉ ﺑﻄﻨﻪ ..
ﻫﺎﻳﻞ : ﻗﻠﺖ ... ﻣﻌﺎﺵ .... ﺗﻘﺮﺏ .. ﺟﻴﻬﺘﻬﺎ ..
ﻳﻀﺮﺏ ﻭﻳﺘﻜﻠﻢ ..
ﻫﺎﻧﻴﺒﺎﻝ ﺍﻟﻀﺮﺑﺎﺕ ﺍﻧﻬﺎﻛﺘﻪ ﺑﺲ ﻣﺎﺯﺍﻝ ﻭﺍﻗﻒ ﻣﺎﻳﺒﻴﺶ ﻳﻄﻴﺢ ..
ﻭﻗﻒ ﻫﺎﻳﻞ ﻭﺑﻌﺪ .. ﻭﺑﺪﻱ ﻳﻔﻚ ﻓﻲ ﺍﻟﺴﺒﺘﻪ ﻣﺘﺎﻉ ﺳﺮﻭﺍﻟﻪ ..
ﻭﻃﺎﺡ ﻓﻴﻪ ﺟﻠﺪ ﻭﻳﻦ ﻣﺎﻳﺠﻲ ﻉ ﻭﺟﻬﻪ ﻉ ﺻﺪﺭﻩ .. ﻉ ﺭﻗﺒﺘﻪ ..
ﻓﺠﺄﺓ ..
ﺷﺪ ﻫﺎﻧﻴﺒﺎﻝ ﺍﻟﺴﺒﺘﻪ ..
ﻫﺎﻳﻞ ﺯﺍﺩ ﺍﻧﻐﻞ ﺍﻛﺜﺮ ﻭﺍﻛﺜﺮ .. ﺿﺮﺑﻪ ﺑﺮﺟﻠﻪ ﻉ ﺑﻄﻨﻪ ﺑﻘﻮﺓ ..
ﻫﺎﻧﻴﺒﺎﻝ ﻃﻮﻝ ﻃﺎﺡ ...
ﻟﻮﺡ ﻫﺎﻳﻞ ﺍﻟﺴﺒﺘﻪ . ﻭﺑﺮﻙ ﻋﻠﻴﻪ ﻭﺑﺪﻱ ﻳﻀﺮﺏ ﻓﻴﻪ ﺑﻮﻛﺴﺎﺕ ﺯﻱ ﺍﻟﻤﺠﻨﻮﻥ ..
ﺑﻌﺪﻳﻦ ﻭﻗﻒ ﻭﻗﻌﺪ ﻳﻀﺮﺏ ﻓﻴﻪ ﻛﺎﻟﺸﻮﺍﺕ ﻭﻳﻦ ﻣﺎﻳﺠﻲ ..
ﻭﻗﻒ .. ﻃﻠﻊ ﻣﻮﺱ ﺍﻟﺒﻮﺧﻮﺻﻪ .
ﻭﻃﺒﺲ ﻋﻠﻴﻪ .. ﺟﺮﺣﻪ ﻓﻮﺟﻬﻪ ...
ﻭﻫﺎﻧﻴﺒﺎﻝ ﻳﺄﻥ ﺑﻜﺘﻤﺎﻥ ..
ﺧﺮﻃﻪ ﻉ ﺍﻳﺪﻳﻪ .....
ﺑﻌﺪﻳﻦ ﻭﻗﻒ ...
ﻫﺎﻳﻞ : ﺟﻴﺐ .
ﻭﺍﺣﺪ ﻣﻨﻬﻢ .. ﻋﻄﺎﻩ ﻣﻴﺔ ﺍﻟﻨﺎﺭ ...
.. ﻗﻠﺐ ﻫﺎﻧﻴﺒﺎﻝ ﺑﺮﺟﻠﻪ ..
ﻭﻃﺒﺲ .. ﺻﺒﻬﺎ ﻉ ﺭﻗﺒﺘﻪ ﻣﻦ ﺍﻟﺨﻠﻒ ..
ﻭﻫﺎﻧﻴﺒﺎﻝ ﻳﻌﻴﻂ ...
ﻫﺎﻳﻞ ﻭﻗﻒ ﻭﻗﺎﻝ : ﺣﺪﺭﺗﻚ ﻭﻗﻠﺖ ﻧﺤﺮﻗﻚ ﻟﻜﻦ ﺍﻧﺖ ﻣﺎﺻﺪﻗﺘﺶ ..
ﺩﻓﻞ ﻋﻠﻴﻪ ..
ﻭﻣﺸﻲ ﻟﻠﺴﻴﺎﺭﺓ ﻭﻟﺤﻘﻮﻩ ﺟﻤﺎﻋﺘﻪ ..
ﺭﻛﺒﻮﺍ ﻛﻠﻬﻢ ... ﻭﺗﺤﺮﻙ ﻫﺎﻳﻞ ﺑﺎﻟﺴﻴﺎﺭﺓ ...
ﻫﺎﻳﻞ : ﻟﻄﺮﺍﺑﻠﺲ ﻃﻮﻝ ﻭﻣﻨﻬﺎ ﻟﺘﻮﻧﺲ ..
: ﻟﻌﻨﺪ ﺍﻣﺘﻰ ..
ﻫﺎﻳﻞ : ﻟﻴﻦ ﻳﻤﻮﺕ ﺍﻟﻠﻲ ﺻﺎﺭ ..
ﻭﻃﻮﻝ ﻫﺮﺑﻮﺍ ﺑﻄﺮﻳﻘﻬﻢ ﻟﻄﺮﺍﺑﻠﺲ ...
🍁🍁🍁🍁🍁🍁🍁🍁🍁🍁🍁🍁🍁🍁🍁
ﺍﻟﺴﺎﻋﻪ 2:00 ﻇﻬﺮﺍ ..
ﺗﺴﻘﻲ ﻓﻲ ﺍﻟﻐﺪﻱ ﻭﺗﻤﺘﻢ : ﻋﺪﺕ ﻭﺧﻠﺖ ﻛﻞ ﺷﻲ ﻉ ﺩﻣﺎﻏﻲ ..
ﺗﻮ ﺗﻨﻔﻌﻚ ﺳﻌﻴﺪﻩ ﺍﻟﻠﻲ ﻣﺎﺷﻴﻪ ﺗﺨﺪﻣﻲ ﻓﻴﻬﺎ .. ﻭﺣﻖ ﺍﻟﻠﻪ ﻣﺎ ﻣﺘﻔﻜﺮﺗﻠﻚ ﺣﺎﺟﻪ ... ﺍﻓﻔﻒ .. ﺣﺘﻰ ﺍﻣﻲ ﺭﺑﻲ ﻳﻬﺪﻳﻬﺎ ﺿﺮﻭﺭﻱ ﺗﺘﻐﺪﺍ ﻋﻨﺪ ﻋﻴﺖ ﻋﺒﻮﺩﺓ ..!
ﻣﻦ ﻛﺜﺮ ﻣﺎﻫﻲ ﻣﻌﺼﺒﻪ ﻧﺎﺷﺖ ﻗﻔﻄﺎﻧﻬﺎ ﺑﺎﻟﻄﺒﻴﺨﻪ : ﺍﻳﺎﻡ ﺣﺮﻑ ﺻﺮﻑ ﻫﻨﺎ ..
ﻃﻮﻝ ﻃﻠﻌﺖ ﻣﻦ ﺍﻟﻜﻮﺟﻴﻨﻪ ...
ﻭﻫﻲ ﻣﺎﺷﻴﻪ ﻭﺷﺎﺩﻩ ﻗﻔﻄﺎﻧﻬﺎ ﺣﺴﺖ ﺭﻭﺣﻬﺎ ﺯﻱ ﺍﻟﻠﻲ ﺷﺎﻓﺖ ﺧﻴﺎﻝ ﻓﻢ ﺍﻟﺴﻘﻴﻔﻪ ...
ﺍﻟﺘﻔﺘﺖ ﺟﻨﺒﻬﺎ ... ﺗﻮﺳﻌﻮﺍ ﻋﻴﻮﻧﻬﺎ ﺑﺼﺪﻣﻪ : ﻩ .. ﻫﺎﻥ .. ﻳﺒﺎﻝ ...
ﻭﻓﻬﺎﻟﺤﻈﻪ ﻃﺎﺡ ﻗﺪﺍﻣﻬﺎ ﻉ ﻭﺟﻬﻪ ..
ﻭﻫﻲ ﻋﻴﻄﺖ ﺑﺄﻋﻠﻰ ﺣﺴﻬﺎ ....
... ﻳﺘﺒﻊ ..
