#العشق_المتمرد
#جمان_فريد
#الجزء_51
🍁🍁🍁🍁🍁🍁🍁🍁🍁
ﻭﺻﻠﺖ ﺳﻴﺎﺭﺗﻬﺎ ﺣﺪﺍ ﺍﻟﻜﻮﺭﻧﻴﺶ ...
ﺩﺭﺳﺖ .. ﻓﺘﺤﺖ ﺑﺎﺏ ﺍﻟﺴﻴﺎﺭﺓ ..
ﻭﻧﺰﻟﺖ ..
ﺻﻜﺮﺕ ﺍﻟﺒﺎﺏ ..
ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻟﻴﻦ ﻟﻘﺖ ﺍﻟﻠﻲ ﺗﺒﻴﻪ ...
ﺗﻨﻬﺪﺕ ﻭﻗﺪﻣﺘﻠﻪ ..
ﻭﺻﻠﺖ ﻓﻴﻪ ..
ﻋﺮﻭﺑﻪ : ﺍﺣﻤﻢ .. ﻣﺮﺣﺒﺎ ..
ﺗﻠﻔﺖ ﺟﻨﺒﻪ ﻭﺷﺒﺤﻠﻬﺎ ﻭﺍﺑﺘﺴﻢ : ﻗﻠﺘﻲ ﺗﺒﻴﻨﻲ ﺿﺮﻭﺭﻱ ..
ﻋﺮﻭﺑﻪ ﺷﺒﺤﺖ ﻟﻠﺒﺤﺮ ﺑﻌﺪﻳﻦ ﺷﺒﺤﺘﻠﻪ : ﺇﻟﻚ ﻋﻼﻗﻪ ﺑﺤﻞ ﻣﺸﻜﻠﺔ ﺍﺧﺘﻲ ﻋﻮﺩﺓ ﻭﺗﻌﻴﻴﻨﺎ ..
ﺍﺑﺘﺴﻢ ﻭﺷﺒﺢ ﺍﻟﻘﺪﺍﻡ ..
ﻋﺮﻭﺑﻪ ﺑﻀﻴﻖ : ﺍﺥ ﺣﻤﺪﻱ ﺭﺟﺎﺀﺍ ﺟﺎﻭﺑﻨﻲ
ﺣﻤﺪﻱ ﺗﻨﻬﺪ ﻭﻗﺎﻝ : ﺍﺫﺍ ﺍﺧﺘﺮﺕ ﻣﺎﻧﺠﺎﻭﺑﺶ ..
ﻋﺮﻭﺑﻪ ﺷﺒﺤﺖ ﻟﻠﺒﺤﺮ ﺑﻀﻴﻖ ﺑﻌﺪﻳﻦ ﺷﺒﺤﺘﻠﻪ ﻭﻗﺎﻟﺖ : ﺍﻧﺖ ﻣﺎﻧﻚ ﻓﻬﻤﺎﻥ ﺍﻧﺎ ﻟﻴﺶ ﺭﺍﻓﻀﺘﻚ ﻣﻮﺑﺲ ﻷﻧﻮ ﻣﺎﺑﺪﻱ ﻻ .. ﺍﻧﻲ ﺧﺎﻳﻔﻪ ﺗﻨﺄﺫﻯ ﺑﺴﺒﺒﻲ ﺧﺎﻳﻔﻪ ﺷﻲ ﻳﻮﻡ ﻳﺼﻴﺮ ﻓﻴﻚ ﺷﻲ ﻣﻦ ﺗﺤﺖ ﺭﺍﺳﻲ ﻭﺍﻟﻠﻪ ﻣﻦ ﺑﻌﺪﻩ ﻣﺎﺭﺡ ﺳﺎﻣﺢ ﺣﺎﻟﻲ ﻛﻞ ﻋﻤﺮﻱ .. ﻧﺰﻟﻮﺍ ﺩﻣﻮﻋﻬﺎ ﻭﻟﻔﺖ ﻭﺟﻬﻬﺎ ﻟﻠﺒﺤﺮ ﻣﻦ ﺟﺪﻳﺪ ..
ﺣﻤﺪﻱ ﺑﺄﻟﻢ : ﺧﻮﻓﻚ ﻣﻦ ﻣﻨﻲ ﺑﺎﻟﺰﺑﻂ؟
ﻋﺮﻭﺑﻪ ﺑﺪﻣﻮﻉ : ﻣﻦ ﺍﺑﻦ ﻋﻤﻲ .. ﺍﺑﻦ ﻋﻤﻲ ﺍﺧﻮ ﺍﺑﻲ .. ﺣﺪﺍ ﻣﺎﺑﻴﺨﺎﻑ ﺍﻟﻠﻪ ﻣﺠﺮﻡ ﺑﻜﻞ ﻣﻌﻨﻰ ﺍﻟﻜﻠﻤﻪ .. ﺳﺒﻖ ﻗﺒﻞ ﻫﺎﻟﻤﺮﺓ ﻋﻤﻼ .. ﺷﻬﻘﺖ ﻓﺠﺄﺓ ﻭﺑﻜﺖ ﻭﻫﻲ ﺗﻘﻮﻝ .. ﺣﺮﻕ ﻗﻠﺒﻲ ﻉ ﺣﺪﺍ ﺣﺒﻴﺘﻮ ﺯﻣﺎﻥ ... ﻛﺎﻥ ﺭﺡ ﻳﻘﺘﻠﻮﺍ .. ﻛﺎﻥ ﺭﺡ ﻳﺤﺮﻕ ﻗﻠﻮﺏ ﺍﺣﺒﺎﺑﻮ ﻋﻠﻴﻪ ﻭﻛﻠﻮﺍ ﺑﺴﺒﺐ ﻣﻴﻦ .. ﺷﺒﺤﺘﻠﻪ .. ﻣﻦ ﺗﺤﺖ ﺭﺍﺱ ﻣﻴﻦ .. ﻣﻦ ﺗﺤﺖ ﺭﺍﺳﻲ ﺍﻧﺎ ... ﻣﺎﺑﺪﻱ ﻳﺮﺟﻊ ﻳﻨﻌﺎﺩ ﻧﻔﺲ ﺷﻲ ﻣﺎﺑﺪﻱ ﺍﺭﺟﻮﻙ ﺑﺘﺮﺟﺎﻙ .. ﺑﺘﺮﺟﺎﻙ ﺍﺗﺮﻛﻨﻲ ﺑﺤﺎﻟﻲ ...
ﻭﻣﺸﺖ ﻃﻮﻝ ﻭﻫﻲ ﺗﺒﻜﻲ ﻟﺴﻴﺎﺭﺗﻬﺎ ..
ﻭﻫﻮ ﻣﻌﺎﻫﺎ ﺑﻌﻴﻮﻧﻪ ﺍﻟﻤﻠﻴﺎﻧﺎﺕ ﺩﻣﻮﻉ ﻣﻤﺰﻭﺟﻪ ﺑﺎﻟﺼﺪﻣﻪ ..
ﻣﺶ ﺑﺲ ﻋﻴﻮﻧﻪ ..
ﻛﺬﻟﻚ ﻋﻴﻮﻥ ﺍﻟﺸﺨﺺ ﺍﻟﻠﻲ ﻛﺎﻧﺖ ﺗﺤﻜﻲ ﻋﻨﻪ ﺍﻟﻠﻲ ﻛﺎﻧﺖ ﻣﻠﻴﺎﻧﺎﺕ ﺩﻣﻮﻉ ﻣﻤﺰﻭﺟﻪ ﺑﺎﻟﺤﻘﺪ ..
ﻭﻋﻴﻮﻥ ﺗﺎﻧﻴﻪ ﺍﻟﻌﻴﻮﻥ ﺍﻟﻠﻲ ﻋﺸﻘﺘﻬﺎ ﻣﻦ ﻗﻠﺒﻬﺎ .. ﻋﻴﻮﻥ ﻣﻠﻴﺎﻧﺎﺕ ﺣﺴﺮﺓ ﻭﻏﻴﺮﺓ ﻭﻏﻀﺐ ...
ﻭﻋﻴﻮﻥ ﺗﺎﻧﻴﻪ ﻛﺎﻧﺖ ﺗﺮﺍﻗﺐ ﻓﻲ ﺍﻟﻤﺸﻬﺪ ﻛﻠﻪ ..
ﻋﻤﺮ : ﻋﻠﻴﻚ ﻫﻢ ﻋﺎﻳﺸﻪ ﻓﻴﻪ ﻫﺎﻟﺒﻨﺖ .. ﻟﺤﻖ ﺑﻌﻴﻮﻧﻪ ﺳﻴﺎﺭﺗﻬﺎ ﻟﻴﻦ ﻣﺸﺖ ..
ﺑﻌﺪﻳﻦ ﺭﺟﻊ ﻧﻈﺮﻩ ﻟﺴﻴﺎﺭﺓ ﺧﻮﻩ ﻟﻘﺎﻫﺎ ﺗﺤﺮﻛﺖ ..
ﻭﺳﻴﺎﺭﺓ ﻫﺎﻳﻞ ﺗﺤﺮﻛﺖ ﻓﻲ ﺟﻬﻪ ﺗﺎﻧﻴﻪ ..
" ﻃﺒﻌﺎ ﻫﺎﻳﻞ ﻣﺎﺷﺎﻓﺶ ﻫﺎﻧﻴﺒﺎﻝ ﻭﺍﻟﻌﻜﺲ "
ﻫﻮ ﺑﻌﺪﻳﻦ ﺷﺒﺢ ﻟﺤﻤﺪﻱ ﻟﻘﺎﻩ ﻗﺎﻋﺪ ﻭﺍﻗﻒ ﻉ ﺍﻟﻜﻮﺭﻧﻴﺶ ..
ﺗﻨﻬﺪ ﺑﻌﺪﻳﻦ ﺷﻐﻞ ﺳﻴﺎﺭﺗﻪ ﻭﺗﺤﺮﻙ ...
🍁🍁🍁🍁🍁🍁
ﺟﻤﻮﺣﻲ "💓
ﻋﻤﺎﺭ : ﺝ .. ﺷﻨﻮ ﺑﺴﻼﻣﺘﻪ !! ؟
ﺩﻻﻝ ﻭﻫﻲ ﺣﺎﺿﻨﻪ ﺍﻟﺠﻤﻮﺡ ﻭﺗﻀﺤﻚ : ﺍﻟﺠﻤﻮﻭﺡ ..
ﻋﻤﺎﺭ ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ ﺑﺮﺑﻊ ﻋﻴﻦ : ﻧﺤﺴﺎﺏ ﺭﻭﺣﻲ ﺳﻤﻌﺖ ﺣﺎﺟﻪ ﺍﺧﺮﻯ ...
ﺩﻻﻝ : ﻫﻬﻬﻬﻬﻬﻬﻬﻬﻬﻬﻪ ...
ﺻﻬﻞ ﺍﻟﺠﻤﻮﺡ ...
ﺩﻻﻝ : ﺣﺘﻰ ﺍﻧﻲ ﺍﺳﺘﺎﺣﺸﺘﻚ .. ﻭﺑﺎﺳﺎﺗﻪ ﻣﻦ ﺑﻴﻦ ﻋﻴﻮﻧﻪ ..
ﻋﻤﺎﺭ ﺟﺎﻫﺎ ﻭﺟﺒﺪﻫﺎ ﻣﻦ ﺧﺼﺮﻫﺎ : ﺯﻭﺩﺗﻴﻬﺎ ..
ﺩﻻﻝ : ﻫﻬﻬﻬﻬﻬﻬﻬﻬﻪ ﺍﻧﺖ ﺍﻟﻠﻲ ﺯﻭﺩﺗﻬﺎ ... ﺗﻐﺎﺭ ﻣﻦ ﺣﺼﺎﻧﻚ ...
ﻋﻤﺎﺭ : ﺍﻳﻪ ﻧﻐﺎﺭ ﻣﻨﻪ ﻭﻣﻦ ﻛﻞ ﺣﺪ ﻳﺎﺧﺪ ﻣﻨﻚ ﺷﻲ ﻫﻮ ﻣﻦ ﺣﻘﻲ ﺑﺮﻭﺣﻲ ..
ﺩﻻﻝ ﺍﺑﺘﺴﻤﺖ ﻭﻫﻲ ﺗﺘﺄﻣﻞ ﻓﻤﻼﻣﺤﻪ : ﻣﺎﻫﻮ ﺍﻧﺎﻧﻲ ﺍﻧﺖ ..💓
ﻋﻤﺎﺭ ﻭﻫﻮﻳﺘﺎﻣﻞ ﻓﻲ ﻣﻼﻣﺤﻬﺎ : ﻓﻴﻚ ﺍﻧﺘﻲ ﺍﻧﺎﻧﻲ ﺩﺭﺟﻪ ﺍﻭﻟﻰ 💓
ﻗﺮﺑﻮﺍ ﻣﻦ ﺑﻌﺾ ... ﺧﻼﺹ 💓..
ﺻﻬﻞ ﺍﻟﺠﻤﻮﺡ ﺑﺼﻮﺕ ﻋﺎﻟﻲ ﻭﺧﻠﻌﻬﻢ ..
ﺩﻻﻝ : ﻫﻬﻬﻬﻬﻬﻬﻬﻬﻪ ... ﻏﺎﺍﺍﺍﺍﺭ ..
ﻋﻤﺎﺭ ﻭﻫﻮ ﻳﻜﻠﻢ ﻓﻲ ﺍﻟﺠﻤﻮﺡ : ﻻﺍﺍﺍﺍ ﻋﺎﺩ ﺭﺳﻤﻲ ﺣﻨﺨﺴﺮﻭﺍ ﺑﻌﻀﻨﺎ ﻫﻜﻲ ...
ﻗﺮﺑﺖ ﻣﻦ ﺍﻟﺠﻤﻮﺡ ... ﻭﻫﻮ ﻗﺮﺏ ﻣﻨﻬﺎ ... ﺣﻀﻨﺎﺗﻪ ﻭﻫﻲ ﺗﻀﺤﻚ ﻭﺗﻘﻮﻝ : ﺻﺎﺣﺒﻚ ﻳﻐﻴﺮ ﻣﻨﻚ ... ﻫﻬﻬﻪ ... ﺍﻟﻤﺠﻨﻮﻥ ﻫﺪﺍ ﻣﺎﻳﺤﺴﺎﺑﺶ ﺍﻧﻲ ﻧﺤﺐ ﺍﻟﺤﺎﺟﻪ ﺍﻟﻠﻲ ﻫﻮ ﻳﺤﺒﻬﺎ ... ﻷﻧﻪ ﻫﻮ ﺍﻟﻠﻲ ﻳﺤﺒﻬﺎ ...
ﻋﻤﺎﺭ ﺍﺑﺘﺴﻢ ﻭﺣﻂ ﺍﻳﺪﻳﻪ ﻓﻮﺳﻄﻪ ﻭﻗﺎﻝ : ﺗﺒﻲ ﺗﺮﻭﺣﻲ ﺷﻜﻠﻚ 💓..
ﺩﻻﻝ : ﻫﻬﻬﻬﻬﻬﻬﻬﻬﻬﻬﻬﻪ ... ﻻﻻ ﺧﻼﺹ 💕
ﻋﻤﺎﺭ ﻗﻌﺪ ﻳﺸﻮﻓﻠﻬﺎ ﻭﻫﻮ ﻣﺒﺘﺴﻢ ﻭﺑﻌﺘﻠﻬﺎ ﺑﻮﺳﻪ ﻃﺎﻳﺮﺓ 💕
ﻭﻫﻲ ﺿﺤﻜﺖ ﻭﺭﺩﺗﻬﺎﻟﻪ ...💕
ﻓﺠﺄﺓ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ...
ﺩﻻﻝ ﺑﻀﺤﻜﻪ : ﺧﻴﺮﻙ ...
ﻋﻤﺎﺭ ﺑﻀﺤﻜﻪ : ﺧﻄﺮﺕ ﻋﻠﻴﺎ ﺣﺎﺟﻪ .... ﻳﻮﻡ ﺍﻟﻠﻲ ﺟﻴﺘﻚ ﻟﻠﺠﺎﻣﻌﻪ ﻣﺬﻛﺮﺓ ..
ﺩﻻﻝ ﻭﺟﻬﻬﺎ ﻭﻻﺍﺣﻤﺮ : ﻭﺍﺍﺍﺍﺍﺍﺍﺍﻙ ﻳﺎﺭﺑﻲ ﻛﺎﻥ ﺗﻤﺴﺢ ﻫﺎﻟﻴﻮﻡ ﻣﻦ ﺫﺍﻛﺮﺗﻚ ..
ﻋﻤﺎﺭ ﺿﺤﻚ ﺑﺈﺳﺘﻔﺰﺍﺯ ﻭﻫﻮ ﻳﺮﻗﺺ ﻓﺤﻮﺍﺟﺒﻪ : ﻣﺴﺘﺤﻴﻞ ...
ﺩﻻﻝ ﺷﺒﺤﺘﻠﻪ ﺑﻨﺺ ﻋﻴﻦ : ﻓﺮﺣﺎﻥ ﺑﺈﻧﺘﺼﺎﺭﺍﺗﻚ ﻣﺎﻫﻮ ...
ﻋﻤﺎﺭ ﺍﺑﺘﺴﻢ : ﺍﻛﻴﺪ ... ﻭﻣﺎﻓﻴﺶ ﺍﺣﻠﻰ ﻣﻦ ﺍﻧﺘﺼﺎﺭ ﻛﻴﻒ ﻫﺪﻯ💓
ﺩﻻﻝ ﺍﺑﺘﺴﻤﺖ 💓.....
ﻗﺮﺑﻠﻬﺎ ﻭﺣﻀﻨﻬﺎ ﻣﻦ ﺍﻟﺨﻠﻒ ﻭﻗﺎﻝ : ﻫﻮ ﻟﻴﻚ ..
ﺩﻻﻝ ﺑﻬﻴﺎﻡ : ﺷﻦ ﻫﻮ 💓
ﻋﻤﺎﺭ : ﺍﻟﺠﻤﻮﺡ .. ﻣﺶ ﺗﺒﻴﻪ ..
ﺩﻻﻝ ﺿﺤﻜﺖ ..
ﻋﻤﺎﺭ ﺑﺎﺳﻬﺎ ﻣﻦ ﺧﺪﻫﺎ ﻭﻗﺎﻝ : ﺷﻜﻠﻪ ﺍﻧﺴﺤﺮ ﻛﻴﻒ ﺻﺎﺣﺒﻪ 💓..
ﺩﻻﻝ : ﺣﺘﻰ ﻫﻮ ﺳﺤﺮﻧﻲ ﺯﻱ ﺻﺎﺣﺒﻪ 💓
ﺯﺍﺩ ﺣﻀﻨﻬﺎ ﻭﻫﻮ ﻣﻐﻤﺾ ﻋﻴﻮﻧﻪ ﻭﻫﻲ ﺣﻄﺖ ﺍﻳﺪﻳﻬﺎ ﻉ ﺍﻳﺪﻳﻪ ﻭﻏﻤﻀﺖ ﻋﻴﻮﻧﻬﺎ ..
ﻭﻫﺎﻣﻮﺍ ﺑﻤﺸﺎﻋﺮ ﻋﺸﻘﻬﻢ 💓
ﻓﻤﻜﺎﻥ ﻣﺎﻓﻴﻪ ﺣﺪ ﻏﻴﺮﻫﻢ ﻫﻤﺎ ﻭﺑﺲ 💕💕
ﺗﻤﻨﻮﺍ ﻟﺤﻈﺘﻬﺎ ﻟﻮ ﻫﺎﻟﺪﻧﻴﺎ ﺗﻔﻀﻰ ﻣﻦ ﺍﻟﻨﺎﺱ ﻭﻣﺎﻳﻘﻌﺪ ﻓﻴﻬﺎ ﺣﺪ ﻏﻴﺮﻫﻢ ..
ﺍﺻﻼ ﻫﻤﺎ ﺗﻌﺬﺑﻮﺍ ﻭﻋﺎﻧﻮﺍ ﻭﺗﻔﺎﺭﻗﻮﺍ ﺑﺴﺒﺐ ﺍﻟﻨﺎﺱ ...
ﻟﻮﻻ ﺍﻟﻠﻲ ﺣﻮﺍﻟﻴﻬﻢ ﻣﺎﻛﺎﻧﻮﺵ ﻣﺮﻭﺍ ﺑﺄﻟﻢ ﻣﻦ ﺟﺮﻭﺡ ﻣﺘﻮﺍﻟﻴﻪ ﻳﺠﺮﺣﻮﺍ ﻓﻴﻬﺎ ﻟﺒﻌﺾ ﺑﺪﻭﻥ ﻗﺼﺪ ..
ﺑﺲ ﺑﺴﺒﺐ ﺍﻟﻨﺎﺱ ... ﺍﻟﻠﻲ ﺣﺎﻗﺪ ﻭﺍﻟﻠﻲ ﻳﻐﺎﺭ ...
ﻭﺍﻟﻠﻪ ﺍﻋﻠﻢ ﺷﻦ ﻣﺎﺯﺍﻝ ﻣﺪﺳﻮﺱ ﻓﻲ ﻗﺎﺩﻡ ﺍﻷﻳﺎﻡ 🍃
ﺩﻻﻝ : ﻗﻠﺒﻲ 💓
ﻋﻤﺎﺭ : ﺭﻭﺣﻪ 💓
ﺩﻻﻝ : ﻧﺤﺒﻚ ﺍﻧﻲ 💓
ﺿﺤﻚ ﻭﺭﺟﻊ ﺑﺎﺳﻬﺎ ﺑﻘﻮﺓ ﻉ ﺧﺪﻫﺎ ﻭﻧﺘﺸﻪ ..
ﺩﻻﻝ ﻓﺘﺤﺖ ﻋﻴﻮﻧﻬﺎ ﺑﺘﻔﻨﻴﺼﻪ : ﻣﺎﻓﻴﻜﺶ ﻓﺎﻳﺪﻩ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ..💓
ﺩﻻﻝ ﺗﻔﻚ ﻓﺮﻭﺣﻬﺎ : ﺣﻮﻝ ﻳﺎﻋﺪﻳﻢ ﺍﻟﺮﻭﻣﺎﻧﺴﻴﻪ ..
ﻋﻤﺎﺭ ﺯﺍﺩ ﺷﺪ ﻋﻠﻴﻬﺎ ﻭﻫﻮ ﻳﻀﺤﻚ : ﺍﻧﻲ ﻣﻠﻚ ﺍﻟﺮﻭﻣﺎﻧﺴﻴﻪ ﻳﺎﺑﻨﺘﻲ ﺍﻧﻲ ﻣﻨﺒﻌﻬﺎ ﻭﺍﺻﻠﻬﺎ ..
ﺩﻻﻝ : ﺍﻳﻪ ﻭﺍﺿﺢ ﻫﻠﺒﻪ 😒
ﻋﻤﺎﺭ ﺑﻀﺤﻜﻪ : ﺍﺍﺍﺍﺍﺥ .. ﻳﺎﻗﻠﺒﻲ ﻣﻨﻚ ﺍﻧﺘﻲ ﺷﻦ ﺩﻳﺮ ﻓﻴﻚ ﻗﻮﻟﻴﻠﻲ 💓
ﺩﻻﻝ : ﺍﻱ ﺷﻲ ﻏﻴﺮ ﺣﺮﻛﺎﺕ ﺍﻟﻤﻔﺘﺮﺳﻴﻦ ﻣﺘﺎﻋﻚ 😑
ﻭﻋﻤﺎﺭ ﻳﻀﺤﻚ ﻭﺧﻼﺹ ..
ﺑﻌﺪ ﺟﻮﻟﻪ ﻣﻦ ﺍﻟﻤﻨﺎﻗﺮﺓ 😁..
ﺧﺪﺍﻫﺎ ﻭﻣﺸﻮﺍ ﺟﻮﻟﻪ ﻓﻲ ﺍﻟﻤﺰﺭﻋﻪ ..
ﻫﺪﺭﺯﻭﺍ ﻉ ﻫﻠﺒﻪ ﺣﺎﺟﺎﺕ ....
ﺍﻧﺘﻬﻲ ﺑﻴﻬﻢ ﺍﻟﻤﻄﺎﻑ ﻟﻨﻔﺲ ﺍﻟﺸﺠﺮﻩ ﺍﻟﻠﻲ ﺗﻘﻌﻤﺰ ﺗﺤﺘﻬﺎ ﺩﻻﻝ ﻗﺒﻞ ﻟﻤﺎ ﻛﺎﻧﺖ ﺗﺒﻜﻲ ﻭﻫﻮ ﻳﻠﻘﺎ ﻓﻴﻬﺎ ﻏﺎﺩﻱ ..
ﻣﻘﻌﻤﺰ ﻭﻣﺎﺩ ﺭﺟﻠﻴﻪ .. ﻭﻫﻲ ﺣﺎﻃﻪ ﺭﺍﺳﻬﺎ ﻉ ﻛﺘﻔﻪ ﻭﻫﻮﺷﺎﺩ ﻳﺪﻫﺎ ﺑﺈﻳﺪﻳﻪ ﺍﻟﺰﻭﺯ ... ﻛﺎﻥ ﻳﻘﻮﻟﻠﻬﺎ ﻓﻲ ﺷﻌﺮ ..
ﺩﻻﻝ : ﺗﻬﺒﻞ ﺍﻧﺖ ﻭﺍﺷﻌﺎﺭﻙ ﻭﻛﻞ ﺷﻲ ﻓﻴﻚ 💓
ﺗﻨﻬﺪ ﻭﻗﺎﻝ ﻭﻫﻮ ﻣﺒﺘﺴﻢ : ﻳﺎﺭﻳﺘﻬﻢ ﺑﺎﻋﺘﻴﻨﻲ ﻣﻦ ﺯﻣﺎﻥ ﻟﻤﻬﻤﻪ ..
ﺩﻻﻝ ﺿﺤﻜﺖ ﻭﺯﺍﺩﺕ ﺷﺪﺕ ﻓﻴﻪ ..
ﻋﻤﺎﺭ ﺿﺤﻚ ﻭﻗﺎﻝ : ﺍﻳﻪ ﻋﻤﺮﻱ ﺑﺎﺗﻚ ﺷﻦ ﺳﻤﻰ ﺧﻮﻙ ..
ﺩﻻﻝ : ﻗﺘﻠﻚ ﺑﻜﺮﻱ ﻣﺠﺪ ..
ﻋﻤﺎﺭ : ﺍﻳﻪ ﺻﺢ ﻗﺘﻴﻠﻲ .. ﻭﺑﺎﻫﻲ ﻣﺠﺪ ﺗﻮﺍ ﻳﺒﻴﻠﻪ ﺟﻮﺍﺩ ﻳﻠﻌﺐ ﻣﻌﺎﻩ ..
ﺩﻻﻝ ﺑﻀﺤﻜﻪ : ﻣﻦ ﺟﻮﺍﺩ ﻫﺪﺍ؟
ﻋﻤﺎﺭ : ﻭﻟﺪ ﺍﺧﺘﻪ .. ﻳﻘﻌﺪﻭﺍ ﻛﻴﻔﻜﻢ ﺍﻧﺘﻢ ﻭﺧﻮﺍﻟﻜﻢ ﺻﺤﺎﺏ ..
ﺩﻻﻝ ﺿﺤﻜﺖ ﺑﺨﺠﻞ ..
ﻋﻤﺎﺭ ﺗﻨﻬﺪ ﻭﻗﺎﻝ : ﻧﺒﻲ ﺟﻮﺍﺩ .. ﻭﻧﺒﻲ ﻣﻌﻤﺮ .. ﻭﻧﺒﻲ ﺁﺳﻴﺎ ..
ﺩﻻﻝ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ : ﺿﺮﻭﺭﻱ ﻣﻌﻤﺮ ﻳﻌﻨﻲ !!
ﺷﺒﺤﻠﻬﺎ ﺑﻨﻔﺲ ﺭﻓﻌﺔ ﺍﻟﺤﺎﺟﺐ : ﺿﺮﻭﺭﻱ ﻭﻻﺑﺪ ﻭﻻﺯﻡ ..
ﺩﻻﻝ ﺿﺤﻜﺖ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﺑﺸﺪﻩ ..
ﻫﻮ ﺑﺎﺳﻬﺎ ﺑﻮﺳﻪ ﻟﻄﻴﻔﻪ ﻭﺑﻌﺪ : ﻭﺗﻨﺎﺩﻳﻪ ﻋﻤﻮﺭﺓ ..
ﺩﻻﻝ ﻓﺘﺤﺖ ﻋﻴﻮﻧﻬﺎ ﻭﻗﺎﻟﺖ : ﺑﺎﻩ ﻧﺴﻤﻮﻩ ﻓﺎﺗﺢ .. ﺣﻠﻮ ﻭﻻ ..
ﺑﺎﺳﻬﺎ ﻣﺮﺓ ﺗﺎﻧﻴﻪ ﻭﻗﺎﻝ : ﻡ .. ﻉ .. ﻡ .. ﺭ ..
ﺩﻻﻝ : ﻫﻬﻬﻬﻬﻬﻬﻬﻪ .. ﺣﻄﺖ ﺭﺍﺳﻬﺎ ﻉ ﻛﺘﻔﻪ ﻭﻗﺎﻟﺖ .. ﺗﻌﺮﻑ ﺑﻨﺤﺒﻪ ﻉ ﺧﺎﻃﺮﻙ ..
ﺍﺑﺘﺴﻢ ﻭﻗﺎﻡ ﻳﺪﻫﺎ ﻭﺑﺎﺳﻬﺎ ..
ﺩﻻﻝ : ﺍﻣﻤﻢ .. ﺑﺎﻫﻲ ﻟﻴﺶ ﺟﻮﺍﺩ ﻭﺁﺳﻴﺎ ..
ﻋﻤﺎﺭ : ﺟﻮﺍﺩ ﻷﻧﻪ ﺍﺳﻢ ﻳﻠﻢ ﺻﻔﺎﺕ ﺳﻤﺤﻪ ﻭﺍﺟﺪﻩ .. ﻭﻛﺬﻟﻚ ﺍﺳﻢ ﻣﻦ ﺍﺳﻤﺎﺀ ﺍﻟﺨﻴﻞ .. ﻭﺁﺳﻴﺎ ﻉ ﺍﺳﻢ ﺯﻭﺟﺔ ﻓﺮﻋﻮﻥ ﺍﻟﻠﻲ ﺗﻌﺘﺒﺮ ﻣﻦ ﺍﻓﻀﻞ ﻣﻦ ﺧﻠﻖ ﺭﺑﻲ ﻣﻦ ﺍﻟﻨﺴﺎﺀ ..
ﺩﻻﻝ : ﻛﺎﻧﺖ ﺑﺮﻏﻢ ﺿﻌﻔﻬﺎ ﺍﻟﻈﺎﻫﺮﻱ ﻗﻮﻳﻪ ﺑﺈﻳﻤﺎﻧﻬﺎ ﺍﻟﻠﻲ ﻭﺍﺟﻬﺖ ﺑﻴﻪ ﺟﺒﺎﺭ ﻭﻇﺎﻟﻢ ﺯﻱ ﻓﺮﻋﻮﻥ ..
ﺍﺑﺘﺴﻢ ﻋﻤﺎﺭ ﻭﻣﺎﻋﻠﻘﺶ ..
ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ : ﺩﺭﺕ ﺭﻭﺣﻚ ﻣﺎﺳﻤﻌﺘﺶ .
ﻗﻌﺪ ﻣﺒﺘﺴﻢ ﻭﻫﻮ ﻳﺸﺒﺢ ﺍﻟﻘﺪﺍﻡ ..
ﻫﻲ ﺍﺑﺘﺴﻤﺖ ﻭﻗﺮﺑﺖ ﻭﺑﺎﺳﺎﺗﻪ ﻣﻦ ﺧﺪﻩ ﻭﻫﻲ ﺗﻘﻮﻝ : ﺍﻣﻤﻤﻤﻤﻤﻤﻤﻢ ..
ﻋﻤﺎﺭ : ﻫﻬﻬﻬﻬﻬﻬﻬﻬﻬﻬﻪ ..
ﺩﻻﻝ : ﻭﺍﺍﺍﻩ ... ﻫﻬﻬﻬﻬﻬﻬﻬﻬﻬﻬﻪ 💓..
ﻋﻤﺎﺭ ﻗﺎﻡ ﻳﺪﻩ ﻭﺣﺎﻭﻃﻬﺎ ﺑﻴﻬﺎ ﻭﺣﻀﻨﻬﺎ ﻫﻮ ﻳﻀﺤﻚ ..
ﻭﻫﻲ ﺧﺸﺖ ﻓﺤﻀﻨﻪ ﻭﻫﻲ ﺗﻀﺤﻚ 💓..
💕💕💕💕💕💕💕💕💕💕💕💕💕💕💕💕
ﺍﻟﺴﺎﻋﻪ 4:00 ﻗﺒﻞ ﺍﻟﻌﺼﺮ
ﺑﻌﺪ ﺗﻐﺪﺍ ﻫﻮ ﻭﺧﻮﻩ ﻓﻲ ﺣﻮﺵ ﺍﺧﺘﻬﻢ ..
ﻛﺎﻥ ﻣﻘﻌﻤﺰ ﻓﻲ ﺍﻟﺼﺎﻟﻪ ﻳﺸﻮﻑ ﻟﻠﺒﻼﻛﻮﻧﻪ ..
ﻳﺒﻲ ﻳﻄﻠﻊ .. ﺑﺲ ﻣﺶ ﻗﺎﺩﺭ ..
ﺻﺢ ﺍﻭﻝ ﺣﺐ ﻭﺍﻛﺒﺮ ﺣﺐ ﻋﺎﺷﻪ ﻓﺤﻴﺎﺗﻪ ﻭﻟﻌﻨﺪ ﻫﺎﻟﻠﺤﻈﻪ ﻣﺎﺯﺍﻝ ﻋﺎﻳﺶ ﻓﻴﻪ .. ﺑﺲ ﻛﻞ ﺷﻲ ﻳﻘﻮﻝ ﺍﻥ ﻫﺎﻟﺤﺐ ﻣﺴﺘﺤﻴﻞ ..
ﻫﻮ ﻭﻳﺎﻫﺎ ﺣﺘﻰ ﻟﻮ ﻗﻠﻮﺑﻬﻢ ﺍﺟﺘﻤﻌﺖ ..
ﺍﻗﺪﺍﺭﻫﻢ ﺣﺘﻘﻌﺪ ﺩﻳﻤﺎ ﻣﺘﻔﺎﺭﻗﻪ ..
ﻭﻫﻮ ﺗﻮﺍ ﻻﺯﻡ ﻳﻔﻜﺮ ﺍﻧﻪ ﻣﺮﺗﺒﻂ ﻭﻓﻲ ﺇﻧﺴﺎﻧﻪ ﺗﺎﻧﻴﻪ ﻓﺬﻣﺘﻪ ﻭﺣﻴﺎﺗﻪ ... ﻻﺯﻡ ﻳﺨﺎﻑ ﺭﺑﻲ ﻓﻴﻬﺎ ... ﺩﺍﻡ ﺍﺧﺘﺎﺭ ﻳﻜﻤﻞ ﻋﻤﺮﻩ ﻣﻌﺎﻫﺎ ﺧﻼﺹ ﻻﺯﻡ ﻣﺎﻳﻬﺘﻢ ﺑﺤﺪ ﻭﻻﻳﺪﻭﺭ ﺣﺪ ﻏﻴﺮﻫﺎ .. ﻭﻻﻳﻜﻮﻥ ﺧﺎﻳﻦ ﻟﻴﻬﺎ ﻭﻟﺸﻌﻮﺭﻫﺎ ﺍﺗﺠﺎﻫﻪ ...
ﻓﺎﻕ ﻣﻦ ﺳﺮﺣﺎﻧﻪ ﻉ ﺻﻮﺕ ﺍﺧﺘﻪ ﻭﻫﻲ ﺗﻘﻮﻝ ..
" ﻫﻨﻴﻮﺓ "
ﺷﺒﺤﻠﻬﺎ ﺑﺮﻓﻌﺔ ﺣﻮﺍﺟﺐ ﻭﺧﺪﻱ ﻣﻦ ﺍﻟﺼﻔﺮﻩ ﺍﻟﻠﻲ ﻣﺎﺩﺗﻬﺎ ﻃﺎﺳﺔ ﺷﺎﻫﻲ ﺑﺎﻟﻠﻮﺯ ..
ﻣﺸﺖ ﻗﻌﻤﺰﺕ ﺑﻌﺪ ﺧﺪﺕ ﻃﺎﺳﺔ ﺣﺘﻰ ﻫﻲ ..
ﻛﻔﺎﻳﻪ : ﺍﻳﻪ ﻗﻮﻟﻲ ﺷﻦ ﺻﺎﺭ ﻓﻲ ﻣﺸﺮﻭﻋﻜﻢ ..
ﻫﺎﻧﻴﺒﺎﻝ ﺍﺑﺘﺴﻢ : ﻣﺎﺷﻲ ﺗﻤﺎﻡ ﺍﻟﺤﻤﺪ ﻟﻠﻪ ..
......
ﻭﺍﻗﻒ ﻓﻲ ﺍﻟﺒﻼﻛﻮﻧﻪ ﻭﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﻋﻤﺮ : ﺑﻌﺪ ﺳﺎﻋﻪ ﺣﺒﻲ ﺑﺎﻫﻲ ..
ﻟﻴﻠﻰ ﻭﻫﻲ ﺗﺸﻮﻓﻠﻪ ﻣﻦ ﺍﻟﺮﻭﺷﻦ : ﺣﺎﺿﺮ ..
ﻋﻤﺮ ﺍﺑﺘﺴﻢ ﻭﻫﻮ ﻳﺸﻮﻓﻠﻬﺎ .. ﺗﻼﺷﺖ ﺷﻮﻳﻪ ﺍﺑﺘﺴﺎﻣﺘﻪ ﻭﻳﻦ ﺑﺎﻧﺖ ﻋﻠﻴﻪ ﻟﻤﻴﺎﺀ .. ﻣﻦ ﻏﻴﺮ ﺣﺠﺎﺏ ﻭﻛﺎﻧﺖ ﻣﻠﻔﺘﻪ ﻫﻠﺒﻪ ..
ﻟﻤﻴﺎﺀ : ﻫﻲ ﻟﻴﻠﻰ ﻧﺒﻲ ﺍﻟﺘﻠﻴﻔﻮﻥ ..
ﻟﻴﻠﻰ ﺍﻟﺘﻔﺘﺖ ﻭﻫﻲ ﺗﻀﺤﻚ : ﺑﺎﻫﻲ .. ﺧﻼﺹ ﺣﺒﻴﺒﻲ ﺑﻌﺪﻳﻦ ﻧﺘﻼﻗﻮﺍ ﺑﺎﻱ ..
ﺻﻜﺮﺕ ﻭﻋﻄﺘﻬﺎ ﺍﻟﺘﻠﻴﻔﻮﻥ ...
ﻟﻴﻠﻰ : ﺧﻞ ﻧﻤﺸﻲ ﻧﻮﺗﻲ ﺭﻭﺣﻲ .. ﻓﺎﺗﺖ ﻣﻦ ﺣﺪﺍﻫﺎ ..
ﻟﻤﻴﺎﺀ ﺑﻌﺪ ﺗﺒﻌﺘﻬﺎ ﺑﻌﻴﻮﻧﻬﺎ .. ﻟﻔﺖ ﺷﺒﺤﺖ ﻟﻠﺮﻭﺷﻦ ..
ﻻﺣﻈﺖ ﻋﻤﺮ ﻏﻴﺮ ﻋﻴﻮﻧﻪ ﻃﻮﻝ ..
ﺍﺑﺘﺴﻤﺖ ﻉ ﺟﻨﺐ ﺑﻌﺪﻳﻦ ﺧﺸﺖ ﻭﺳﻜﺮﺕ ﺍﻟﺴﺘﺎﺭ ..
ﻫﻮ ﺗﻨﻬﺪ .. ﺑﻌﺪﻳﻦ ﻗﺎﻝ : ﺍﻋﻮﺩ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ..
ﻭﻃﻮﻝ ﻟﻒ ﻭﺧﺶ ﺩﺍﺧﻞ ..
🍁🍁🍁🍁🍁🍁🍁🍁
ﺧﺶ ﻉ ﺑﻨﺎﺗﻪ ﻓﻲ ﺍﻟﺪﺍﺭ ..
ﻫﻤﺎ ﺍﻟﺰﻭﺯ ﻧﺎﺿﻮﺍ ﻗﻌﻤﺰﻭﺍ ﺑﻌﺪ ﻛﺎﻧﻮﺍ ﻣﺘﻜﻴﺎﺕ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ..
ﺧﻴﺮﻱ : ﺍﺣﻤﻢ .. ﺍﻣﻜﻢ ﻣﻨﻴﻦ ﺟﺎﺑﺖ ﺣﻖ ﺍﻟﺤﺎﺟﺎﺕ ﺍﻟﻠﻲ ﺷﺮﺗﻬﻢ ..
ﺷﺒﺤﻮﺍ ﺍﻟﺒﻨﺎﺕ ﻟﺒﻌﺾ ﻭﻗﻌﺪﻭﺍ ﺳﺎﻛﺘﻴﻦ
" ﻣﻦ ﺧﻮﻱ .."
ﺍﻟﺘﻔﺖ ﻭﺷﺒﺤﻠﻬﺎ ..
ﺯﻳﻨﺐ ﺑﺈﺑﺘﺴﺎﻣﻪ ﻣﺘﻬﻜﻤﻪ : ﻟﻮ ﺟﻴﺖ ﺳﺄﻟﺘﻨﻲ ﺭﺍﻧﻲ ﺟﺎﻭﺑﺘﻚ ﻫﺎﻧﻴﺒﺎﻝ ﻋﻄﺎﻧﻲ ﺣﻘﻬﻢ .
ﺧﻴﺮﻱ : ﻭﺍﻧﺘﻲ ﺷﻜﺘﻴﻠﻪ ﺍﻟﺤﺎﻝ !
ﺭﺑﺎﺏ : ﻻ ﻳﺎﺑﻮﻱ ﻫﻮ ﻳﻮﻣﻬﺎ ﺟﺎﻧﺎ ﻟﻠﺤﻮﺵ ﻭﺧﺶ ﻟﻘﻲ ﺍﻣﻲ ﺗﺒﻜﻲ ﻣﺎﻗﺪﺭﻧﺎﺵ ﻧﺪﺭﻗﻮﺍ ..
ﺧﻴﺮﻱ ﺑﻌﺪ ﻛﺎﻥ ﻳﺸﻮﻑ ﻟﺮﺑﺎﺏ ﺷﺎﻑ ﻟﺰﻳﻨﺐ ﺷﻮﻳﻪ .. ﺑﻌﺪﻳﻦ ﻓﺎﺕ ﻣﻦ ﺣﺪﺍﻫﺎ ﻭﻃﻠﻊ ..
ﻫﻲ ﺗﺒﻌﺎﺗﻪ ﺑﻌﻴﻮﻧﻬﺎ ... ﻃﻠﻌﺖ ﺑﻌﺪﻩ ﻭﻣﺸﺖ ﻟﺪﺍﺭﻫﺎ ..
ﺭﺍﻧﻴﺎ ﺑﺤﺰﻥ : ﻣﺎﺭﻳﺘﻴﺶ ﺑﻮﻱ ﻭﺍﻣﻲ ﻫﻜﻲ ﻣﻦ ﻗﺒﻞ ..
ﺭﺑﺎﺏ ﺑﻨﻔﺲ ﺍﻟﻤﻼﻣﺢ : ﺑﻮﻱ ﺍﻋﺼﺎﺑﻪ ﺗﺎﻋﺒﻪ ﻫﻠﺒﻪ ..
ﺭﺍﻧﻴﺎ ﺗﻨﻬﺪﺕ ﺑﻀﻴﻖ ﻭﻗﺎﻟﺖ : ﺭﺑﻲ ﻳﻔﺮﺝ ..
ﺭﺑﺎﺏ : ﻧﺤﻤﺪ ﺭﺑﻲ ﺍﻟﻠﻲ ﻃﺎﺭﻕ ﺍﺟﻞ ﺍﻟﻌﺮﺱ ..
ﺭﺍﻧﻴﺎ : ﺻﺢ ﻣﺶ ﻓﺒﺎﺑﻪ ﺑﻜﻞ ..
🌴🌴🌴🌴🌴🌴🌴🌴🌴🌴🌴🌴🌴🌴🌴
ﺍﻳﻪ ﻧﻌﺪﻭﺍ ﻟﻤﺼﺮﺍﺗﻪ ﺷﻦ ﺭﺍﻳﻚ ..
ﺣﻤﻴﺪﻩ ﺑﺈﺑﺘﺴﺎﻣﻪ : ﺣﻠﻮﺓ ..
ﺍﻟﺼﺪﻳﻖ : ﻭﻧﻘﻠﻚ ﻟﻠﺸﺮﻕ ﺑﻌﺪﻫﺎ ﻭﻟﺸﺤﺎﺕ ﻭﺍﻟﻄﺒﻴﻌﻪ ﺍﻟﺴﻤﺤﻪ ..
ﺣﻤﻴﺪﻩ ﺑﻀﺤﻜﻪ : ﺧﺎﻃﺮﻱ ﻧﺸﻮﻓﻬﺎ ..
ﺍﻟﺼﺪﻳﻖ : ﺗﺸﻮﻓﻴﻬﺎ ﺣﺒﻴﺒﺘﻲ ﻭﺭﺑﻲ ﻳﻘﺪﺭﻧﻲ ﺑﻌﺪﻳﻦ ﻭﻧﻄﻠﻌﻚ ﺑﺮﺍ ﺍﻟﺒﻼﺩ .
ﺣﻤﻴﺪﻩ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ..
ﺍﻟﺼﺪﻳﻖ ﺍﺑﺘﺴﻢ ﻭﻗﺎﻝ : ﺍﻫﻢ ﺷﻲ ﺗﺎﻛﻠﻲ ﻛﻮﻳﺲ ﻭﺗﺮﺩﻱ ﺑﺎﻟﻚ ﻣﻦ ﺻﺤﺘﻚ ﺗﻨﻘﺼﻚ ﺍﻱ ﺣﺎﺟﻪ ﺭﻧﻲ ﻃﻮﻝ ..
ﺣﻤﻴﺪﻩ ﺑﺈﺑﺘﺴﺎﻣﻪ : ﺭﺑﻲ ﻣﺎﻳﺤﺮﻣﻨﻲ ﻣﻨﻚ ❤
ﺍﻟﺼﺪﻳﻖ ﺑﺤﺐ : ﻭﻻﻣﻨﻚ ﻳﺎﺣﺐ ﻋﻤﺮﻱ ❤
ﺷﺎﻓﺖ ﺍﺑﺘﺴﺎﻣﺔ ﺍﺧﺘﻬﺎ ﻭﻫﻲ ﺗﻜﻠﻢ ﻓﻲ ﺭﺍﺟﻠﻬﺎ ﻓﻲ ﺍﻟﺪﺍﺭ ﺍﻟﺘﺎﻧﻴﻪ .
ﻣﺸﺖ ﻃﻮﻝ ﻟﻠﻜﻮﺟﻴﻨﻪ ﻭﻫﻲ ﺣﺎﺳﻪ ﺑﻤﺠﻤﻮﻋﻪ ﻣﻦ ﺍﻷﺣﺎﺳﻴﺲ ﺍﻟﻤﺨﺘﻠﻄﻪ ..
ﺑﻴﻦ ﻓﺮﺡ ... ﺣﺰﻥ .. ﺿﻴﻖ ... ﺣﺴﺮﺓ ..
ﺑﺲ ﺍﻛﺜﺮ ﺷﻲ ﻛﺎﻧﺖ ﺗﺤﺲ ﺑﻴﻪ ﻫﻮ ﺍﻟﺨﻮﻑ ﻣﻦ ﺍﻟﻮﺣﺪﻩ ﺑﻌﺪ ﺍﺧﺘﻬﺎ ﺗﻤﺸﻲ ﻫﻲ ﺷﻦ ﺑﺪﻳﺮ !!
ﻭﻫﻞ ﻳﺎﺗﺮﻯ ﺣﻴﺠﻴﻬﺎ ﻳﻮﻡ ﻭﺗﻤﺸﻲ ﺣﺘﻰ ﻫﻲ ﻭﻻ ﺣﺘﻘﻌﺪ ﻃﻮﻝ ﻋﻤﺮﻫﺎ ﻫﻜﻲ ﻭﺣﻴﺪﻩ 🍃
ﻧﻔﺲ ﺍﻟﺸﻲ ﻛﺎﻧﺖ ﺗﻔﻜﺮ ﻓﻴﻪ ﻓﺎﻃﻤﻪ ﺍﻟﻠﻲ ﺧﺸﺖ ﻣﻦ ﻓﻢ ﺍﻟﺒﻮﺍﺑﻪ ﻭﺧﻄﻤﺖ ﻉ ﺍﻟﻜﻮﺟﻴﻨﻪ ﻟﻘﺖ ﻏﺎﻟﻴﻪ ﻓﻴﻬﺎ ﻭﺍﻗﻔﻪ ﻉ ﺍﻟﻼﻭﻧﻴﺪﻳﻨﻮ ﺳﺮﺣﺎﻧﻪ ..
ﺗﻨﻬﺪﺕ ﻭﻛﻤﻠﺖ ﻃﺮﻳﻘﻬﺎ ﻭﻫﻲ ﺗﺨﻤﻢ ﻓﻴﻬﺎ ..
ﺍﺻﻼ ﻓﺎﻃﻤﻪ ﻣﺎﺗﺨﻤﻢ ﻓﻲ ﺣﺪ ﻓﻲ ﺍﻟﺪﻧﻴﺎ ﺯﻱ ﻣﺎﺗﺨﻤﻢ ﻓﻲ ﻏﺎﻟﻴﻪ 🍃
🍁🍁🍁🍁🍁🍁
ﻓﺎﺕ ﻫﺎﻟﻴﻮﻡ ..
ﻭﺟﻲ ﺍﻟﻠﻲ ﺑﻌﺪﻩ ..
ﻭﻋﺸﺎﻕ ﺳﺮﺕ ...💓 ﺗﻮﻛﻠﻮﺍ ﻟﻤﺼﺮﺍﺗﻪ 💓
ﺍﻟﻠﻲ ﺑﺎﻟﻨﺴﺒﻪ ﻟﻴﻬﻢ ﺷﺎﻫﺪﻩ ﻉ ﺍﻫﻢ ﻟﺤﻈﺎﺕ ﻋﺎﺷﻮﻫﺎ 💕
ﺳﻮﺍﺀ ﻛﺎﻧﺖ ﺣﻠﻮﺓ ﻭﻻﺻﻌﺒﻪ ...
ﻭﺻﻠﻮﺍ ﺍﻟﺸﺎﻟﻴﻪ ﻭﻛﺎﻧﻮﺍ ﺗﻌﺒﺎﻧﻴﻦ ﻣﻦ ﺍﻟﻄﺮﻳﻖ ﺩﻭﺑﻬﻢ ﺻﻠﻮﺍ ﻭﺭﻗﺪﻭﺍ ..
ﺑﻌﺪ ﺍﻟﻌﺼﺮ ﻋﻤﺎﺭ ﻃﻠﻊ ﻣﺎﺷﻲ ﺑﻴﺠﻴﺐ ﻋﺸﻲ ﻣﻦ ﺑﺮﺍ ..
ﻭﻃﺒﻌﺎ ﻛﺎﻥ ﺟﺎﻳﺐ ﻣﻌﺎﻩ ﺣﺮﺍﺳﺎﺕ ﻣﺤﺎﻭﻃﻴﻦ ﺍﻟﺸﺎﻟﻴﻪ ﻛﻠﻪ ..
ﻫﻲ ﺍﺳﺘﻐﻠﺖ ﻓﺘﺮﻩ ﻏﻴﺎﺑﻪ ..
ﻃﻠﻌﺖ ﺭﻭﺏ ﻧﺎﻋﻢ ﻟﻮﻧﻪ ﺍﺳﻮﺩ ..
ﻭﺯﻱ ﻣﺎﻗﻠﺖ ﻗﺒﻞ .. ﺍﻷﺳﻮﺩ ﻟﻮﻥ ﻣﻈﻠﻮﻡ ... ﻧﺒﻌﺪﻭﺍ ﻓﻴﻪ ﻏﺎﻟﺒﺎ ﻋﻦ ﻟﺤﻈﺎﺗﻨﺎ ﺍﻟﺤﻠﻮﺓ ..
ﺍﻟﺮﻭﺏ ﻛﺎﻥ ﺣﻠﻮ ﻫﻠﺒﻪ .. ﻃﻮﻳﻞ .. ﻭﻓﻲ ﻓﺘﺤﻪ ﻣﻦ ﺍﻟﺠﻨﺐ ﻭﺍﺻﻠﻪ ﻷﻋﻠﻰ ﺍﻟﻔﺨﺪ .. ﻭﻇﻬﺮﻩ ﻋﺮﻳﺎﻥ .. ﻭﻛﺎﻥ ﻓﻴﻪ ﺳﻴﺮ ﻣﺤﺎﻭﻁ ﺍﻟﺮﻗﺒﻪ ﻣﻦ ﺍﻟﺨﻠﻒ ..
ﺧﺸﺖ ﻟﻠﺤﻤﺎﻡ .. ﻏﺴﻠﺖ .. ﻭﺩﺍﺭﺕ ﻟﻮﺷﻦ ﺑﺮﻳﺤﺔ ﺍﻟﻜﺮﺯ ..
ﺑﻌﺪﻳﻦ ﻃﻠﻌﺖ .. ﻣﻜﻴﺠﺖ ﻣﻜﻴﺎﺝ ﻧﺎﻋﻢ .. ﻭﻛﺤﻠﺖ ﻋﻴﻮﻧﻬﺎ ﺑﻄﺮﻳﻘﻪ ﺣﻠﻮﺓ ﺑﺮﺯﺗﻬﻢ .. ﻭﺩﺍﺭﺕ ﺭﻭﺝ ﺍﺣﻤﺮ ﺟﺮﻱﺀ ..
ﻃﻠﻘﺖ ﺷﻌﺮﻫﺎ ... ﻭﺑﺨﺖ ﻣﻦ ﻋﻄﺮﻫﺎ ..
ﻗﻌﺪﺕ ﺗﺸﻮﻑ ﻟﺮﻭﺣﻬﺎ ﻓﻲ ﺍﻟﻤﺮﺍﻳﻪ ﺍﺑﺘﺴﻤﺖ ..
ﻉ ﺧﺸﺘﻪ ﻫﻮ ﻟﻠﺸﺎﻟﻴﻪ ..
ﺻﻜﺮ ﺍﻟﺒﺎﺏ ﻭﻣﺸﻲ ﻃﻮﻝ ﻟﻠﻜﻮﺟﻴﻨﻪ : ﺩﻟﻮﻟﻪ ... ﺩﻟﻮﻟﺘﻲ ...
ﺣﻂ ﺍﻟﺤﺎﺟﺎﺕ ﻉ ﺍﻟﻄﺎﻭﻟﺔ ﻭﺍﺳﺘﻐﺮﺏ ﻋﺪﻡ ﺭﺩﻫﺎ ..
ﻋﻤﺎﺭ ﻭﻫﻮ ﻣﺎﺷﻲ ﻟﻠﺪﺍﺭ : ﺩﻟﻮﻟﻪ ..... ﺩﻻ ....
ﺳﻜﺖ ﻣﺮﺓ ﻭﺣﺪﻩ ..
ﻗﻌﺪ ﻭﺍﻗﻒ ﻗﺪﺍﻡ ﺍﻟﺒﺎﺏ ﻭﻫﻮ ﻳﻤﺮﺭ ﻓﻨﻈﺮﻩ ﻋﻠﻴﻬﺎ ...
ﻭﻫﻮ ﻣﺒﻬﻮﺭ ... ﺍﻭﻝ ﻣﺮﺓ ﻳﺸﻮﻓﻬﺎ ﻫﻜﻲ ..
ﻫﻲ ﻗﺒﻞ ﻛﺎﻧﺖ ﺗﺘﺤﺸﻢ ﻣﺎﻗﺪﺭﺗﺶ ﺗﻠﺒﺴﻠﻪ ﺍﺭﻭﺍﺏ ...
ﻓﻲ ﺍﻟﻠﻲ ﻫﻜﻲ ﻓﻲ ﺍﻟﺒﺪﺍﻳﻪ ﻣﺎﻋﻨﺪﻫﻤﺶ ﺍﻟﺠﺮﺃﺓ ﺍﻟﻜﺎﻓﻴﻪ ﺑﺮﻏﻢ ﻛﻞ ﺷﻲ ﺑﺲ ﻳﺘﺤﺸﻤﻮﺍ ...
ﻟﻜﻦ ﻫﻲ ﻫﺎﻟﻤﺮﺓ ﻓﻜﺮﺕ ﻓﻴﻪ .. ﺗﺒﻲ ﺗﻌﻮﺿﻪ ﻋﻦ ﻛﻞ ﺍﻻﻳﺎﻡ ﺍﻟﻠﻲ ﺍﻧﺤﺮﻡ ﻓﻴﻬﺎ ﻣﻦ ﺣﻘﻪ ﺍﻥ ﻳﺸﻮﻑ ﻣﺮﺗﻪ ﺗﺘﻬﻴﺄﻟﻪ ﻭﺗﺘﺰﻳﻦ ﻉ ﺧﺎﻃﺮﻩ ..
ﻋﻤﺎﺭ ﺑﻬﻴﺎﻡ : ﺍﻧﻲ ﻭﺍﻟﻠﻪ ﻣﻦ ﻗﺒﻞ ﻣﺎﻧﻲ ﻧﺎﺟﻲ 💓...
ﻫﻲ ﺿﺤﻜﺖ ﻭﺣﺒﺖ ﺗﺘﺸﻘﺎ : ﺟﺒﺖ ﺍﻟﻐﺪﻱ .. ﺟﻌﺎﺍﺍﻧﻪ .. ﻭﻣﺸﺖ ﻃﻮﻝ ﻟﻠﺒﺎﺏ ﺑﺶ ﺑﺘﻄﻠﻊ ..
ﺑﺲ ﻭﻳﻦ ﺗﻄﻠﻊ ﻭﻣﻨﻴﻦ ...
ﺧﻼﺹ ﺣﺼﻠﺖ 💕💕
ﻭﻣﺎﻛﺎﻧﺘﺶ ﻫﺎﻟﻠﻴﻠﻪ ﺍﻟﻠﻴﻠﻪ ﺍﻟﻮﺣﻴﺪﻩ ﺍﻟﺤﻠﻮﺓ ﺍﻟﻠﻲ ﻣﺮﺕ ﻋﻠﻴﻬﻢ ..
ﺗﺒﻌﺘﻬﺎ ﻫﻠﺒﻪ ﻟﻴﺎﻟﻲ ﻃﻮﻝ ﺍﻟﺴﺒﻮﻉ ﺍﻟﻠﻲ ﻗﻌﺪﻭﺍ ﻓﻴﻪ ﻓﻲ ﻣﺼﺮﺍﺗﻪ ..
ﻛﺎﻧﺖ ﺍﻳﺎﻡ ﻭﻟﻴﺎﻟﻲ 💕...
ﻣﻠﻴﺎﻧﻪ ❤..
ﺑﻌﺸﻖ .. ﺿﺤﻚ ... ﻟﻌﺐ ... ﺍﺷﻌﺎﺭ ... ﻭﺍﺷﻮﺍﻕ 💓...
ﺫﻛﺮﻳﺎﺕ ﺣﻠﻮﺓ ﻫﻠﺒﻪ .... ﺣﻔﻈﻬﺎ ﺍﻟﻤﻜﺎﻥ .. ﻭﻋﻘﻮﻟﻬﻢ ﻭﻗﻠﻮﺑﻬﻢ ..💕
ﺑﺲ ﺑﺮﻏﻢ ﺑﻌﺪ ﺍﻟﻤﺴﺎﻓﻪ ..
ﻧﺎﺭ ﺍﻟﺤﻘﺪ ﻭﺍﻟﻐﻴﺮﻩ ﻛﺎﻧﺖ ﻭﺍﺻﻠﺘﻠﻬﻢ ﺑﺪﻋﻮﺍﺕ ﻫﻨﺪﺍ ﻉ ﺩﻻﻝ ﻟﻴﻞ ﻭﻧﻬﺎﺭ .... ﺣﺎﻭﻟﺖ ﺗﺘﺼﻞ ﺑﻌﻤﺎﺭ ﻛﺬﺍ ﻣﺮﺓ ﺑﺲ ﻛﺎﻥ ﻣﻘﻔﻞ ..
ﻣﺤﺮﻭﻗﻪ ﺑﺘﻤﻮﺕ .. ﻭﺍﻟﻠﻲ ﻗﺎﻋﺪ ﻳﺼﻴﺮ ﻳﺴﺘﻔﺰ ﻓﻴﻬﺎ ﺑﺶ ﺍﺩﻳﺮ ﺍﻟﻬﻮﺍﻳﻞ ..
🍃🍃🍃🍃🍃🍃🍃
ﺍﻷﺳﺒﻮﻉ ﻣﺎﻗﺒﻞ ﺍﺳﺒﻮﻉ ﻋﺮﺱ ﺣﻤﻴﺪﻩ 💕
ﻳﻮﻡ ﺍﻹﺛﻨﻴﻦ ...
ﺍﻟﺴﺎﻋﻪ 12:00 ﻣﺎﻗﺒﻞ ﺍﻟﻈﻬﺮ
ﻛﺎﻧﻮﺍ ﻧﻌﻴﻤﻪ ﻭﺯﻳﻨﺐ ﻭﺍﺻﻼﺕ ﻟﺤﻮﺵ ﺍﻫﻠﻬﻢ ..
ﻭﺍﻻﺟﻮﺍﺀ ﻛﺎﻧﺖ ﺣﻠﻮﺓ ﺑﺎﻟﻤﺮﺓ ﺑﻌﺪ ﺍﻟﺴﻼﻡ ﺍﻟﺤﺎﺭ ...
ﻻﺣﻈﺖ ﻏﺎﻟﻴﻪ ﻏﻴﺎﺏ ﺣﺪ ..
ﻏﺎﻟﻴﻪ : ﺣﻤﺰﺓ ﻭﻳﻦ؟
ﺯﻳﻨﺐ ﺑﺈﺑﺘﺴﺎﻣﻪ : ﻣﺮﺑﻮﻁ ﺑﺎﻟﺨﺪﻣﻪ ﻣﺎﻳﻘﺪﺭﺵ ﻳﺠﻲ ﺗﻮﺍ .. ﺍﺳﺒﻮﻉ ﺍﻟﺠﺎﻱ ﺇﻥ ﺷﺎﺀﺍﻟﻠﻪ ﻧﻬﺎﺭ ﺍﻟﺘﻼﺕ ﻳﻜﻮﻥ ﻫﻨﻲ ..
ﺣﻤﻴﺪﻩ : ﺇﻥ ﺷﺎﺀ ﺍﻟﻠﻪ .. ﺭﻛﺰﺕ ﺑﺎﻟﻨﻈﺮ ﻉ ﻭﻟﺪ ﻧﻌﻴﻤﻪ .. ﻳﺎﻭﺧﻴﺘﻲ ﺳﻠﻢ ﻫﺎﻟﻐﺰﺍﻝ .. ﺩﻻﻝ ﺩﻻﻝ ﺳﺒﺤﺎﻧﻚ ﻳﺎﺭﺑﻲ ..
ﺿﺤﻜﺖ ﻧﻌﻴﻤﻪ ..
ﻓﺎﻃﻤﻪ ﻭﻫﻲ ﺗﺸﻮﻓﻠﻪ : ﺍﻳﻪ ﺑﺲ ﻟﻮﻥ ﻋﻴﻮﻧﺎﺗﻪ ﻣﺶ ﻛﻴﻔﻬﺎ .. ﺩﻻﻝ ﻋﻴﻮﻧﻬﺎ ﺧﻀﺮ ﻫﻜﻲ ﺷﻬﺐ ... ﻟﻜﻦ ﻫﻮ ﻳﺒﺎﻧﻦ ﻋﺴﻠﻴﺎﺕ ..
ﻧﻌﻴﻤﻪ ﺑﺈﺑﺘﺴﺎﻣﻪ : ﻟﻮﻥ ﻋﻴﻮﻥ ﻋﺒﺎﻟﺴﻼﻡ ..
ﻏﺎﻟﻴﻪ : ﺻﺢ ..
ﺭﺍﻧﻴﺎ : ﺩﻻﻝ ﺍﻣﺲ ﻛﻠﻤﺘﻬﺎ ﻗﺎﻟﺘﻠﻲ ﺍﻹﺭﺑﻌﺎ ﺟﺎﻳﻪ ..
ﻧﻮﺭ : ﺍﻳﻪ ..
ﻓﺎﻃﻤﻪ : ﺍﻳﻪ ﻗﺎﻟﻲ ﻣﺨﺘﺎﺭ .. ﻭﺣﺘﻰ ﺑﻨﺎﺗﻪ ﺑﻴﺠﻦ ﺍﻣﻴﻨﻪ ﻭﺍﺻﺎﻟﻪ ..
ﺗﻔﺎﺟﺌﻮﺍ ﻧﻌﻴﻤﻪ ﻭﺯﻳﻨﺐ : ﺑﺎﻟﻠﻪ !!
ﻧﻌﻴﻤﻪ : ﻣﺎﻗﺎﻟﺘﻬﺎﺵ ﺩﻻﻝ ..
ﻓﺎﻃﻤﻪ : ﻫﺪﻯ ﻛﻼﻡ ﺧﺎﻟﻚ ﺍﻟﺒﺎﺭﺡ ...
ﺯﻳﻨﺐ : ﺍﻣﻴﻨﻪ ﻣﻄﻠﻘﻪ ﻭﻻ؟
ﻧﻌﻴﻤﻪ : ﺍﻳﻪ ..
ﻗﻄﻊ ﻋﻠﻴﻬﻢ ﺻﻮﺕ ﺍﻟﻜﻼﻛﺴﺎﺕ ..
ﻏﺎﻟﻴﻪ ﺑﻀﺤﻜﻪ : ﻛﻔﺎﻳﻪ ..
ﻧﻮﺭ ﻗﻠﺒﻬﺎ ﺩﻕ ﺑﻘﻮﺓ 💕
ﺑﺮﺍ ..
ﻛﺎﻥ ﺭﻣﺰﻱ ﻳﺮﺍﺟﻲ ﻓﻴﻬﻢ ﺧﻼ ﻋﻤﻠﻪ ﺍﻟﻌﺸﻴﻪ ﻫﺪﺍﻛﺎ ﺍﻟﻴﻮﻡ ﻉ ﺧﺎﻃﺮﻫﻢ .. ﻭﻣﻌﺎﻩ ﻛﺎﻥ ﻋﻤﻪ ﻣﺤﻤﺪ ﻓﻲ ﺍﻹﺳﺘﻘﺒﺎﻝ ..
ﺳﻠﻤﻮﺍ ﻉ ﺳﻌﺪ .. ﺧﺪﺍﻩ ﻣﺤﻤﺪ ﻭﻣﺸﻲ ﺑﻴﻪ ﻟﻠﻤﺮﺑﻮﻋﻪ ﺍﻟﺨﺎﺭﺟﻴﻪ ﻭﻳﻦ ﻣﺎﻓﻲ ﻋﺪﺍﻳﻠﻪ ﻭﺑﻮﻩ ﻭﺧﻮﻩ ﻣﻴﻼﺩ ..
ﺍﻣﺎ ﺍﻻﻭﻻﺩ ﺧﺸﻮﺍ ﻭﻣﻌﺎﻫﻢ ﺭﻣﺰﻱ ﻭﺍﻣﻬﻢ ﺩﺍﺧﻞ ..
ﻛﻔﺎﻳﻪ ﻭﻫﻲ ﺷﺎﺩﻩ ﺑﻨﺘﻬﺎ : ﻭﺳﻌﻮﺍ ﺍﻟﻤﻤﺮ ﺧﻠﻮﺍ ﻧﻮﺍﺭﺓ ﺗﻤﺮ ..
ﺿﺤﻜﻮﺍ ﻛﻠﻬﻢ ..
ﻛﻔﺎﻳﻪ ﻭﻫﻲ ﺗﺘﻜﻠﻢ ﺑﻠﺴﺎﻥ ﺑﻨﺘﻬﺎ ﻭﺗﻮﺯﻉ ﻓﻨﻈﺮﻫﺎ ﻉ ﺑﻨﺎﺕ ﺧﻮﺍﺗﻬﺎ : ﺻﻘﺢ ﺣﻠﻴﻜﻢ ﺍﻧﺘﻢ ﻳﺎﺷﻴﻨﺎﺕ .. ﺗﻴﺤﺖ ﺛﻮﻗﻜﻢ ﺗﻠﺘﻜﻢ .. ﺣﺘﻰ ﻫﺪﻳﻜﺎ ﺍﻟﺜﻔﺮﺍ ...
ﻛﻠﻬﻢ ﻗﻌﺪﻭﺍ ﻳﻀﺤﻜﻮﺍ ..
ﻧﻮﺭ ﻓﻲ ﻋﺰ ﺿﺤﻜﻬﺎ ﻏﻴﺮﺕ ﻋﻴﻮﻧﻬﺎ ﻟﻮﻻﺩ ﺧﺎﻟﺘﻬﺎ ..
ﺟﺖ ﻋﻴﻨﻬﺎ ﻉ ﻣﺎﻟﻚ ﻭﻫﻮ ﻳﺤﻮﻝ ﻓﻲ ﻧﻈﺎﺭﺍﺗﻪ ﺍﻟﺴﻮﺩ ﻭﻳﺸﺒﺢ ﻷﻣﻪ ..
ﻗﻌﺪﺕ ﺗﺸﺒﺤﻠﻪ ..
ﺑﻴﻨﻤﺎ ﻣﺮﻭﺍﻥ ﻛﺎﻥ ﻳﺤﺎﻭﻝ ﻳﺘﺠﺎﻫﻠﻬﺎ ﻉ ﻗﺪ ﻣﺎﻳﻘﺪﺭ ..
ﻋﻤﺎﺩ : ﻧﻌﺮﻓﻜﻢ ﺑﻨﻔﺴﻲ .. ﺍﻟﺒﻴﺒﻲ ﺳﺘﺮ ﻣﺘﺎﻉ ﺍﻟﺨﺎﻧﻮﻡ ..
ﺿﺤﻜﻮﺍ ..
ﻛﻔﺎﻳﻪ : ﻭﻋﻼﺵ ﺍﺳﻤﻚ ﺧﻮﻫﺎ ..
ﻋﻤﺎﺩ : ﻳﺎﻧﺎﺭﻱ ﻋﻠﻴﺎ ...
ﺿﺤﻜﻮﺍ ...
ﻭﻧﺎﺿﺖ ﺯﻳﻨﺐ ﺳﻠﻤﺖ ﻉ ﺍﺧﺘﻬﺎ ..
ﻭﺍﻟﻮﻻﺩ ﻗﺪﻣﻮﺍ ﻭﺳﻠﻤﻮﺍ ﻉ ﺧﺎﻻﺗﻬﻢ ﻭﺣﻨﺎﻫﻢ ..
ﻭﺭﻣﺰﻱ ﻳﺸﻮﻑ ﻟﺮﺍﻧﻴﺎ ﻛﻴﻒ ﻗﺎﻋﺪﻩ ﺑﺤﺠﺎﺑﻬﺎ ﻭﻛﺎﻥ ﻓﻲ ﻗﻤﺔ ﺍﻟﻔﺮﺡ ..
ﻭﻫﻲ ﺷﺒﺤﺘﻠﻪ ﻭﺍﺑﺘﺴﻤﺖ ..
ﺳﻠﻢ ﻋﻤﺎﺩ ﻉ ﺭﺑﺎﺏ ﻭﺭﺍﻧﻴﺎ ﻭﻧﻮﺭ ﺑﻌﺪ ﺗﺒﺮﺩ ﻋﻠﻴﻬﻢ .
ﺑﻌﺪﻳﻦ ﺳﻠﻢ ﻋﻠﻴﻬﻢ ﻣﺎﻟﻚ ..
ﻭﻳﻦ ﻭﺻﻞ ﻓﻲ ﻧﻮﺭ ﺷﺪ ﻳﺪﻫﺎ ﺑﻘﻮﺓ ..
ﻫﻲ ﺷﺒﺤﺘﻠﻪ ﻭﻗﻠﺒﻪ ﻳﺪﻕ ﺑﻘﻮﺓ 💓
ﻃﻠﻖ ﻳﺪﻫﺎ ﻭﻭﺧﺮ ..
ﻭﺳﻠﻢ ﻋﻠﻴﻬﺎ ﻣﺮﻭﺍﻥ ﺑﺴﺮﻋﻪ ﻭﻓﺎﺗﻬﺎ ..
ﺭﻛﺰ ﻣﺎﻟﻚ ﻭﺍﺭﺗﺎﺡ ﻷﻥ ﺍﻟﻠﻲ ﺧﻄﻄﻠﻪ ﺍﻟﺒﺎﻳﻦ ﺣﻴﻤﺸﻲ ﺻﺢ ...
🍁🍁🍁🍁🍁🍁
ﻣﺬﻛﺮﺗﻬﺎ ﺣﻤﻴﺪﻩ ﻣﻨﻴﻦ ﻛﺎﻧﺖ ﺻﻐﻴﺮﺓ ..
ﻛﺎﻣﻠﻪ : ﻫﻲ ﻭﺑﻨﺖ ﻋﻤﺘﻚ ﻫﻨﺪﺍ ﻧﺪﺍﺩ ..
ﺳﻠﻴﻤﻪ : ﻫﻨﺪﺍ ﻣﺶ ﻣﺎﺷﻴﻪ ..
ﻛﺎﻣﻠﻪ : ﻻﻻﻻ ﻭﻳﻦ ﺑﺘﻌﺪﻱ !!
ﺍﻣﻴﻨﻪ : ﺍﺻﻼ ﻫﻲ ﻣﺎﺗﺤﺒﺶ *****
ﺍﺻﺎﻟﻪ : ﻭﺍﻟﻠﻪ ﺣﺘﻰ ﺍﻧﻲ ﻣﺎﻛﻨﺖ ﻧﺤﺒﻬﺎ ﺑﺲ ﺑﻌﺪ ﺧﺸﺖ ﺩﻟﻮﻟﻪ ﻟﻠﻌﻴﻠﻪ ﺣﺒﻴﺘﻬﺎ ﻭﻉ ﻗﺪ ﻣﺎﺗﺤﻜﻲ ﻋﻨﻬﺎ ﻭﻉ ﺟﻮﻫﻢ ﺣﺒﺒﺘﻨﻲ ﻓﻴﻬﺎ
ﻛﺎﻣﻠﻪ ﺑﻀﺤﻜﻪ : ﻋﻴﺖ ﻋﻤﺘﻚ ﺟﻮﻫﻢ ﺳﻤﺢ ﻳﺤﺒﺒﻚ ﻓﻲ ﺍﻟﻤﺸﻲ ﻏﺎﺩﻱ ..
ﺑﺮﺍ ..
ﺩﺭﺳﺖ ﺳﻴﺎﺭﺓ ﻋﻤﺎﺭ ﺍﻟﻌﺎﻟﻴﻪ ...
ﻋﻤﺎﺭ : ﻫﻴﺎ ﺍﻧﺰﻝ ﻳﺎﺳﻤﺢ ..
ﺍﺑﺘﺴﻤﺖ ﺩﻻﻝ ﻭﻛﻴﻒ ﺟﺎﻳﻪ ﺑﺘﻨﺰﻝ ﺷﺪ ﻳﺪﻫﺎ ﻭﻗﺎﻝ : ﺑﺘﻨﺰﻟﻲ ﻃﻮﻝ؟ !
ﺩﻻﻝ ﺿﺤﻜﺖ ﻭﻗﺮﺑﺖ ﺑﺎﺳﺘﻪ ﻭﺑﻌﺪﺕ : ﻧﺮﺍﺟﻮ ﻓﻴﻚ ﻉ ﺍﻟﻐﺪﻱ ..
ﻋﻤﺎﺭ ﻭﻫﻮ ﻣﺒﺘﺴﻢ ﺑﻌﺸﻖ ﻫﺰ ﺭﺍﺳﻪ ﺑﺈﻳﺠﺎﺏ ..
ﺳﺤﺒﺖ ﻳﺪﻫﺎ ﻣﻦ ﻳﺪﻩ ﻭﻫﻮ ﻃﻠﻘﻬﺎ ﺑﺎﻟﺴﻴﻒ ..
ﻧﺰﻟﺖ ﻭﺻﻜﺮﺕ ﺍﻟﺒﺎﺏ ..
ﺷﺒﺤﺘﻠﻪ ﻭﺍﺷﺮﺗﻠﻪ ﺑﻴﺪﻫﺎ 🖐
ﻭﻫﻮ ﺭﺩﻫﺎ ﻣﻊ ﺑﻮﺳﻪ 💕
ﻫﻲ ﺿﺤﻜﺖ ﻭﻟﻔﺖ ﻭﺧﺸﺖ ﻃﻮﻝ ..
ﺍﻣﺎ ﻫﻮ ﺗﻨﻬﺪ ﻭﺷﺒﺢ ﺍﻟﻘﺪﺍﻡ .. ﻟﺒﺲ ﻧﻈﺎﺭﺍﺗﻪ ﻭﺗﺤﺮﻙ ..
🍁🍁🍁🍁🍁🍁🍁
ﻓﺎﺕ ﺍﻭﻝ ﺍﻟﻨﻬﺎﺭ ..
ﻭﺍﻟﻬﺪﺭﺯﺓ ﻣﺎﺗﻤﺘﺶ ..
ﺩﺍﺭﻭ ﻏﺪﺍﻫﻢ .. ﻣﻜﺮﻭﻧﻪ ﺷﻌﻴﺮﻳﻪ ﻣﺒﻮﺧﻪ ﺑﺎﻟﻮﻃﻨﻲ ...
ﺗﻐﺪﻭﺍ ... ﻭﺍﻟﻨﺴﺎﺑﺎﺕ ﺭﻭﺣﻮﺍ ﺑﻌﺾ ﺍﻟﻌﺼﺮ ﻭﻧﺎﻭﻳﻴﻦ ﺍﻟﺠﻴﻪ ﻧﻬﺎﺭ ﺍﻟﺘﻼﺕ ﻓﻲ ﺳﺒﻮﻉ ﺍﻟﻌﺮﺱ ..
ﻓﻲ ﺍﻟﺪﺍﺭ ...
ﻭﻫﺎﺩﻱ ﺍﻟﺒﺪﻟﻪ ..
ﺍﺑﺘﺴﻤﺖ ﺣﻤﻴﺪﻩ ﻭﻃﻮﻝ ﺣﻀﻨﺖ ﺍﺧﺘﻬﺎ : ﺭﺑﻲ ﻣﺎﻳﺤﺮﻣﻨﻲ ﻣﻨﻜﻦ ..
ﺯﻳﻨﺐ ﺍﺑﺘﺴﻤﺖ ﺑﺄﻟﻢ ..
ﻭﺑﻨﺎﺗﻬﺎ ﻳﺸﻮﻓﻮﻟﻬﺎ ﻭﻉ ﻭﺟﻮﻫﻢ ﻧﻔﺲ ﺍﻹﺑﺘﺴﺎﻣﻪ ...
ﻉ ﺧﺸﺔ ﻫﺎﻧﻴﺒﺎﻝ ﻭﻓﻲ ﻳﺪﻩ ﺻﻔﺮﺓ ﺣﻠﻮﻳﺎﺕ : ﺟﻴﺘﻦ ..
ﺑﻌﺪﻭﺍ ﺣﻤﻴﺪﺓ ﻭﺯﻳﻨﺐ ﻉ ﺑﻌﺾ ..
ﻛﻔﺎﻳﻪ ﺑﻀﺤﻜﻪ : ﺍﻫﻠﻴﻦ ﺑﺎﻟﺤﺎﻣﻞ ﻭﺍﻟﻤﺤﻤﻮﻝ ..
ﺿﺤﻜﻮﺍ ..
ﻭﻧﺎﺿﻮﺍ ﺍﻟﺒﻨﺎﺕ ﺳﻠﻤﻮﺍ ﻉ ﺧﺎﻟﻬﻢ ﻭﻛﻞ ﻭﺣﺪﻩ ﺣﺼﻠﺖ ﺟﺒﺪﺓ ﺷﻌﺮ ﻣﻊ ﻛﻒ 😂..
ﻫﺪﺍ ﻫﺎﻧﻴﺒﺎﻝ ﻭﻫﺪﺍ ﺳﻼﻣﻪ ..😁
ﺳﻠﻢ ﻉ ﺧﻮﺍﺗﻪ ﻭﺣﺪﺓ ﻭﺣﺪﻩ ... ﻭﻋﻄﻲ ﺭﺑﺎﺏ ﺍﻟﺼﻔﺮﺓ ﺑﺶ ﺗﻔﺮﻕ ﻋﻠﻴﻬﻢ .. ﻛﺎﻥ ﺟﺎﻳﺐ ﺷﻴﺰ ﻛﻴﻚ ..
ﺑﻌﺪﻳﻦ ﻗﻌﻤﺰ ﻭﺧﺪﻱ ﺑﻨﺖ ﻛﻔﺎﻳﻪ ﻭﻗﻌﺪ ﻳﺸﻮﻑ ﻓﻴﻬﺎ ﻭﻣﺎﺧﻼ ﻣﺎﻋﻠﻖ ﻋﻠﻴﻬﺎ ﻭﺗﻨﺎﻗﺮ ﻫﻮ ﻭﻛﻔﺎﻳﻪ ..
ﻭﻛﻠﻬﻢ ﻳﻀﺤﻜﻮﺍ ﻋﻠﻴﻬﻢ ...
ﺷﻮﻳﻪ ﻭﺧﺶ ﻋﻤﺮ ...
ﺳﻠﻢ ﻉ ﺧﻮﺍﺗﻪ ﻭﺑﻨﺎﺗﻬﻢ .. ﻭﻫﺪﺭﺯ ﺷﻮﻳﻪ ﻭﻃﻠﻊ ﻛﺎﻧﻮﺍ ﺣﺎﺳﻴﻨﻪ ﻣﺶ ﻣﺰﺑﻮﻁ ..
ﻧﺎﺽ ﻫﺎﻧﻴﺒﺎﻝ : ﺭﺑﻊ ﺳﺎﻋﻪ ﻭﺟﺎﻱ ﻭﺗﻨﻠﻲ ﺍﻟﻐﺪﻱ ..
ﻭﻃﻠﻊ ﻣﻦ ﺍﻟﺪﺍﺭ ..
ﺯﻳﻨﺐ ﺑﺈﺳﺘﻐﺮﺍﺏ : ﺷﻦ ﻓﻲ؟
ﺣﻤﻴﺪﻩ : ﺧﻮﻙ ﻫﺪﻯ ﻣﺎﺭﻳﺘﺶ ﺑﺤﻘﺎﺭﺗﻪ ..
ﻧﻌﻴﻤﻪ : ﺧﻴﺮﻩ؟ !
ﺗﻨﻬﺪﺕ ﻭﺑﺪﺕ ﺗﺤﻜﻴﻠﻬﻢ ﺍﻟﻠﻲ ﺻﺎﺭ ﻳﻮﻣﻬﺎ ...
ﻛﻔﺎﻳﺔ : ﺧﺰﻱ ﻋﻠﻴﻪ ﻭﻉ ﻭﺟﻬﻪ .
ﻧﻌﻴﻤﻪ : ﺗﻜﻠﻤﻲ ﻓﺮﺍﺟﻠﻚ ﺍﻧﺘﻲ ﻻﺻﺎﺣﺒﻚ ﻭﻻﺧﻄﻴﺒﻚ ..
ﺯﻳﻨﺐ : ﺗﻮ ﻋﻤﺮ ﻭﻧﻔﻬﻢ ﺍﻧﻪ ﻋﻨﺪﻩ ﻓﻲ ﺍﻟﻮﺟﻴﺞ ﻭﺍﻟﻌﻼﻗﺎﺕ ﻫﺪﺍ ﻋﻼﺵ ﻳﺘﺼﺮﻑ ﻫﻜﻲ .. ﻟﻜﻦ ﻣﺤﻤﺪ ! ؟
ﻏﺎﻟﻴﻪ : ﻋﻘﻠﻴﺘﻪ ﺍﺣﺮﻑ ﻣﻦ ﺳﻴﺪﻙ .. ﺗﺨﻴﻠﻲ ﺣﺘﻰ ﺍﻟﻤﺴﻠﺴﻼﺕ ﺍﻟﺘﺮﻛﻴﻪ ﺩﺍﻳﺮﻟﻨﺎ ﻋﻠﻴﻬﻦ ﻣﺸﺎﻛﻞ ..
ﺭﺑﺎﺏ : ﻭﺍﺍﺍﺍﺍﻙ ﺷﻨﻮ ﻫﺪﺍ ..
ﺭﺍﻧﻴﺎ : ﻣﺤﻤﺪ ﺑﺎﻟﺬﺍﺕ ﻣﻮﻟﻲ ﺧﻴﻴﻲ ﺣﺎﺷﺎ ﺍﺳﻤﻪ ..
ﺑﺮﺍ ..
ﻣﺎﺗﻘﻠﺒﺶ ﻭﺟﻬﻚ ﻓﻲ ﻭﺟﻪ ﺍﺧﺘﻚ ﻛﻠﻬﺎ ﻛﻢ ﻳﻮﻡ ﻭﺗﻌﺪﻱ ﻓﺤﺎﻟﻬﺎ ﺑﻼ ﺗﺼﺮﻓﺎﺕ ﻓﺮﻭﺥ ...
ﻋﻤﺮ ﺷﺒﺤﻠﻪ ﺷﻮﻳﻪ ﻭﻗﺎﻝ : ﻫﺎﻧﻴﺒﺎﻝ ﺗﻌﺮﻑ ﻛﻮﻳﺲ ﺍﻧﻲ ﻧﺤﺘﺮﻣﻚ ﻭﺍﺟﺪ ﻭﺍﻥ ﻣﻌﺰﺗﻚ ﺑﺮﻭﺣﻚ ﻋﻨﺪﻱ ﺩﻭﻥ ﺧﻮﺗﻚ .. ﻟﻜﻦ ﺑﻄﻴﺢ ﻣﻦ ﺍﻟﻘﺪﺭ ﻭﺍﻹﺣﺘﺮﺍﻡ ﺑﺘﻌﺎﻣﻠﻚ ﻣﻌﺎﻱ ﻫﺪﻯ .. ﺍﻧﻲ ﻧﻤﺴﺤﻪ ﺑﻜﻞ ..
ﻫﺎﻧﻴﺒﺎﻝ ﺿﻴﻖ ﻋﻴﻮﻧﻪ ﻭﻗﺎﻝ : ﺷﻦ ﺗﻘﻄﻒ ..
ﻋﻤﺮ ﻏﻤﺾ ﻋﻴﻮﻧﻪ ﺑﻌﺼﺒﻴﻪ ﻭﻗﺎﻝ : ﻣﺎﻧﻘﻄﻔﺶ .. ﻓﺘﺢ ﻋﻴﻮﻧﻪ ﻭﻗﺎﻝ .. ﺧﻠﻲ ﺍﻹﺣﺘﺮﺍﻡ ﻣﺘﺒﺎﺩﻝ ﻳﺎﻫﺎﻧﻴﺒﺎﻝ .. ﺷﺒﺤﻠﻪ ﺷﻮﻳﻪ ﻭﻓﺎﺕ ﻣﻦ ﺣﺪﺍﻩ ..
ﻭﻫﺎﻧﻴﺒﺎﻝ ﻣﺴﺘﻐﺮﺏ ﻫﻠﺒﻪ ﻓﻲ ﺷﺨﺼﻴﺔ ﻋﻤﺮ ﺍﻟﻠﻲ ﺑﺎﺩﻳﻪ ﺗﺘﻐﻴﺮ ..
ﻳﻌﻨﻲ ﻫﻮ ﺍﻟﻠﻲ ﻳﺒﺪﻭﺍ ﻳﺠﺮﻭﺍ ﻓﻴﺪﻩ ﺍﻟﻔﻠﻮﺱ ﻫﻜﻲ ﻳﺼﻴﺮ ﻓﻴﻪ ..
ﻭﻻ ﻓﻌﻼ ﻫﻮ ﻳﻌﺎﻣﻞ ﻓﻴﻪ ﻣﻌﺎﻣﻠﻪ ﻓﻴﻬﺎ ﺗﻘﻠﻴﻞ ﻣﻦ ﺍﻹﺣﺘﺮﺍﻡ ﻟﻌﻤﺮ ﻭﻣﺶ ﻣﻼﺣﻆ ﺍﻧﻪ ﻛﺒﺮ ﺧﻼﺹ ﻭﻣﻌﺎﺵ ﻋﻤﺮ ﻣﺘﺎﻉ ﺯﻣﺎﻥ ..
ﺗﻨﻬﺪ ﻭﻛﻤﻞ ﻃﺮﻳﻘﻪ ﻭﻫﻮ ﻣﺎﺯﺍﻝ ﻳﻔﻜﺮ ..
🍁🍁🍁
ﺑﻌﺪ ﺍﻟﻤﻐﺮﺏ ...
ﻃﻠﻌﺖ ﺻﻔﺮﻩ ﻓﻴﻬﺎ ﺻﻮﻧﻴﺔ ﺯﻳﺖ ﺯﻳﺘﻮﻥ ﻭﺧﺒﺰﺓ ﻓﺮﻥ ﻟﺨﺎﻟﻬﺎ ﻓﻢ ﺍﻟﺒﻮﺍﺑﻪ ..
ﻣﺤﻤﺪ : ﺯﻋﻴﻴﻴﻤﻪ ..
ﻗﻌﻤﺰﺕ ﺣﺪﺍﻩ ﻧﻮﺭ ﻭﺑﺪﻭﺍ ﻳﺎﻛﻠﻮﺍ .. ﻭﻣﺤﻤﺪ ﻳﺸﺮﺣﻠﻬﺎ ﻋﻦ ﻓﻮﺍﺋﺪ ﺯﻳﺖ ﺍﻟﺰﻳﺘﻮﻥ ..
ﻉ ﺟﻴﺔ ﻣﺎﻟﻚ ﺍﻟﻠﻲ ﻟﻤﺎ ﺷﺎﻓﺎﻫﻢ ﻣﻘﻌﻤﺰﻳﻦ ﻣﺸﺎﻟﻬﻢ ﻃﻮﻝ ..
ﻣﺤﻤﺪ : ﺭﺍﻫﻮ ﻓﻲ ﻧﺎﺱ ﻳﺸﺮﺑﻮﺍ ﻓﻴﻪ ﻉ ﺍﻟﺨﻮﺍ ﺍﻟﺼﺒﺢ ..
ﻧﻮﺭ : ﻳﺸﺮﺑﻮﺍ ﻓﻴﻪ !!
ﻣﺤﻤﺪ ﻭﻫﻮ ﻳﺎﻛﻞ : ﺍﻣﻤﻢ .. ﺑﺲ ﺍﻷﺣﺴﻦ ... ﻛﺸﻴﻚ ﻉ ﺍﻟﺼﺒﺢ ..
" ﻷﻥ ﻛﺜﺮﺗﻪ ﺍﺿﺮ ﺍﻟﻘﻠﺐ .."
ﻫﻲ ﺗﻠﺨﺒﻄﺖ ﻣﺴﻜﻴﻨﻪ ﺣﺘﻰ ﻛﺴﺮﺓ ﺍﻟﺨﺒﺰﺓ ﺍﻟﻠﻲ ﺟﺎﻳﻪ ﺑﺘﺎﻛﻠﻬﺎ ﻣﺎﻋﺮﻓﺘﺶ ﺷﻦ ﺩﻳﺮ ﺑﻴﻬﺎ ﻗﻌﺪﺕ ﺷﺎﺩﺗﻬﺎ ﻭﺧﻼﺹ ..
ﻣﺤﻤﺪ : ﺍﻭﻭﻭﻭ ﺩﻛﺘﻮﺭ ..
ﻗﻌﻤﺰ ﻣﺎﻟﻚ ﺟﻨﺐ ﻣﺤﻤﺪ : ﺧﺒﺰﺓ ﺍﻟﻔﺮﻥ ﺳﺨﻮﻧﻪ ..
ﻣﺤﻤﺪ : ﺍﻳﻪ ﻋﻄﻴﻪ ﻧﻮﺭ ..
ﻧﻮﺭ ﻣﺪﺗﻠﻪ ﺍﻟﺨﺒﺰﺓ ﻭﻳﺪﻫﺎ ﺗﺮﺟﻒ ﺑﺪﻭﻥ ﻣﺎﺗﺸﻮﻓﻠﻪ ﻭﻫﻮ ﻻﺣﻈﻬﺎ ..
ﺍﺑﺘﺴﻢ ﻭﺧﺪﺍﻫﺎ ﻣﻨﻬﺎ ﻭﻗﺎﻝ : ﻧﻮﺭ ﻓﻲ ﺭﺏ ﺩﺍﺧﻞ ..
ﻣﺤﻤﺪ ﺑﻀﺤﻜﻪ : ﺟﻴﺒﻴﻠﻪ ﺑﺮﻭﺣﻪ ﺍﻳﻮﻩ ..
ﺿﺤﻚ ﻣﺎﻟﻚ ..
ﻧﺎﺿﺖ ﻧﻮﺭ ﻭﻗﺎﻟﺖ : ﺑﺎﻫﻲ .. ﻭﻣﺸﺖ ﺧﺸﺖ ﻟﻠﻜﻮﺟﻴﻨﻪ ..
ﻗﻌﺪﺕ ﺗﻤﺮﻭﺡ ﻉ ﺭﻭﺣﻬﺎ .. ﻭﺗﺤﺎﻭﻝ ﺗﺘﻤﺎﻟﻚ ﻧﻔﺴﻬﺎ ...
ﺧﺪﺕ ﻧﻔﺲ ..
ﺑﻌﺪﻳﻦ ﻣﺸﺖ ﻟﻠﺘﻼﺟﻪ .. ﻃﻠﻌﺖ ﺷﻴﺸﺔ ﺍﻟﺮﺏ ..
ﺻﻜﺮﺗﻬﺎ .. ﻭﻣﺸﺖ ﺧﺪﺕ ﺻﻮﻧﻴﻪ .. ﺻﺒﺖ ﻣﻦ ﺍﻟﺰﻳﺖ ﻭﺻﺒﺖ ﻓﻮﻗﻪ ﺭﺏ ﻭﻛﺴﺮﺕ ﻣﻦ ﺍﻟﺨﺒﺰﺓ ...
ﺧﺪﺕ ﻧﻔﺲ ... ﺑﻠﻌﺖ ﺭﻳﻘﻬﺎ ﺑﻌﺪﻳﻦ ﻃﻠﻌﺖ ..
ﺣﻄﺖ ﺍﻟﺼﻮﻧﻴﻪ ﻭﺍﻟﺨﺒﺰﺓ ﺑﺪﻭﻥ ﻣﺎﺗﺘﻜﻠﻢ ..
ﻭﻛﻴﻒ ﺟﺎﻳﻪ ﺑﺘﺨﺶ ﻭﻗﻔﺖ ﻟﻤﺎ ﺳﻤﻌﺎﺗﻪ ﻗﺎﻝ ..
ﻣﺎﻟﻚ : ﺣﻀﺮﺕ ﺍﻟﺸﻴﺎﻃﻴﻦ ﻳﺎﻧﻮﺭ ..
ﺷﺒﺤﺘﻠﻪ ﻭﻫﻲ ﻣﺘﺤﺸﻤﻪ : ﻻﻻ ﻭﺍﻟﻠﻪ ﻣﺎﻫﻜﻲ ﺑﻨﺨﺶ ﻧﻄﺒﻖ ﺍﻟﺤﻮﺍﻳﺞ .. ﻭﺧﺸﺖ ﻃﻮﻝ ..
ﻣﺤﻤﺪ ﺭﻓﻊ ﺣﺎﺟﺒﻪ ﺍﻹﻳﺴﺎﺭ ﻭﺷﺒﺤﻠﻪ : ﺷﻨﻮ ﻓﻲ؟ !
ﻣﺎﻟﻚ ﺿﺤﻚ ﻭﻛﺴﺮ ﻣﻦ ﺍﻟﺨﺒﺰﺓ ﻭﻗﺎﻝ : ﻛﻞ ﺧﻴﺮ ..
ﻣﺤﻤﺪ ﺿﺤﻚ ﻭﻫﻮ ﻣﻀﻴﻖ ﻋﻴﻮﻧﻪ ﻭﻳﺸﻮﻓﻠﻪ ﻭﻛﻤﻞ ﻣﺎﻛﻠﻪ ..
🍃 ﻓﺎﺕ ﻫﺎﻟﻴﻮﻡ ..
ﻭﺍﻟﻴﻮﻡ ﺍﻟﻠﻲ ﺑﻌﺪﻩ ...
ﻭﻛﺎﻧﺖ ﺍﻻﺟﻮﺍﺀ ﺯﻱ ﻣﺎﻫﻲ ﻭﺍﻷﺣﺪﺍﺙ ﻛﺬﻟﻚ ﻣﺎﺷﻴﻪ ﻉ ﻧﻔﺲ ﺍﻟﺨﻂ ..
ﺑﺲ ﻣﺎﻟﻚ ﻣﺎﻛﺎﻧﺶ ﻳﺒﻲ ﻳﻌﻘﺪ ﻧﻮﺭ ﻣﺎﻳﺨﺸﺶ ﻫﻠﺒﻪ ...
ﺍﻣﺎ ﻣﺮﻭﺍﻥ ﻣﺎﻳﺨﺸﺶ ﺑﻜﻞ ﻭﻳﺘﺠﻨﺐ ﺍﻟﻠﻘﺎﺀ ﺑﻨﻮﺭ ﻉ ﻗﺪ ﻣﺎﻳﻘﺪﺭ ..
ﻭﺭﻣﺰﻱ ﻭﺭﺍﻧﻴﺎ ﻛﺎﻧﻮﺍ ﻣﻜﺘﻔﻴﻴﻦ ﺑﺎﻟﻨﻈﺮﺍﺕ ﺑﺲ ﻣﺎﺣﺼﻠﻮﺵ ﻓﺮﺻﻪ ﻣﻊ ﺑﻌﺾ ﺑﻜﻞ ..
ﻭﺍﻟﺒﺎﻗﻲ ﻛﺎﻧﻮﺍ ﻳﻮﺗﻮﺍ ﻓﻲ ﺍﻟﺤﻮﺷﻴﻦ ﻟﻤﻨﺎﺳﺒﺔ ﺍﻟﻌﺮﺱ ..
ﻭﺗﺤﺪﻳﺪﺍ ﺩﻳﺎﺭ ﺍﻟﻀﻴﻮﻑ .. ﺍﻟﻠﻲ ﺣﻴﺠﻮﺍ ﻣﻊ ﺑﺪﺍﻳﺔ ﺍﻷﺳﺒﻮﻉ ﺍﻟﺠﺎﻱ ..
ﺑﺲ ﺩﻻﻝ ﻭﻋﻤﺎﺭ ﺣﻴﺠﻮﺍ ﻳﻮﻡ ﺍﻷﺭﺑﻌﺎ ..
💕💕💕
ﻳﻮﻡ ﺍﻹﺭﺑﻌﺎﺀ ..
ﺍﻟﺴﺎﻋﻪ 5:00 ﻋﺼﺮﺍ ..
ﻓﻲ ﺍﻟﻄﺮﻳﻖ ..
ﻣﻼﻳﺔ ﺍﻟﺼﻼﺓ ﻣﺎﻧﻌﺮﻓﻜﺶ ﺗﺤﻮﻳﻠﻬﺎ ﺑﻜﻞ ... ﻭﻻﺩ ﻋﻴﻠﺘﻜﻢ ﺗﺸﻮﻓﻴﻬﻢ ﺟﺎﻳﻴﻦ ﻣﻦ ﻃﺮﻳﻖ ﺗﻐﻴﺮﻱ ﻃﺮﻳﻘﻚ .. ﻃﻠﻮﻉ ﺑﺮﺍ ﺍﻟﺤﻮﺵ ﻻ ..
ﺩﻻﻝ : ﻻﻋﻤﺎﺭﻱ ﻫﺎﺩﻱ ﻻ ﻧﺒﻲ ﻧﻌﻮﻝ ﻣﻌﺎﻫﻢ ﻭﻧﺘﺤﺮﻙ ﻭﻧﺤﺲ ﺑﺎﻟﻌﺮﺱ ﻭﺑﻨﺘﻪ ﻭﺭﺍﺱ ﻋﻤﺎﺭﻱ ..
ﻋﻤﺎﺭ ﺑﺮﻓﻌﺔ ﺣﺎﺟﺐ : ﺗﺒﻲ ﺗﺤﺴﻲ ﺑﺒﻨﺘﻪ ..
ﺩﻻﻝ ﺑﻀﺤﻜﻪ : ﺍﻳﻪ ..
ﻗﺮﺻﻬﺎ ﻣﻦ ﺧﺪﻫﺎ ﻭﻗﺎﻝ : ﻣﻴﺔ ﻣﺮﺓ ﻗﻠﻨﺎ ﻣﺎﺗﺤﻠﻔﻴﺶ ﺑﻐﻴﺮ ﺍﻟﻠﻪ ..
ﺩﻻﻝ : ﺑﺎﻫﻲ ﺷﻦ ﻗﻠﺖ ..
ﻋﻤﺎﺭ ﺳﻜﺖ ﺷﻮﻳﻪ ﻭﻗﺎﻝ : ﺑﺎﻫﻲ ..
ﺩﻻﻝ : ﻳﺎﻭﺧﻴﺘﻲ ﺳﻠﻢ ﺣﺒﻴﺒﻲ ﻧﺤﺒﻪ ﻫﻠﺒﻪ ﺍﻧﻲ 💓
ﺍﺑﺘﺴﻢ ﻭﺑﻌﺪﻳﻦ ﺷﺪ ﻳﺪﻫﺎ ﺑﺎﻟﻘﻮﺓ ﻭﻏﻴﺮ ﻣﻼﻣﺤﻪ ﻟﻠﺠﺪﻳﻪ ﻭﻗﺎﻝ ﺑﺤﺪﻩ : ﻟﻜﻦ ﻫﺎﻩ ﻗﺴﻤﺎ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ ﻳﺎﺩﻻﻝ ﻳﺼﻴﺮ ﺷﻲ ﻣﺎﻳﻌﺠﺒﻨﻲ ***** ﺗﻨﺴﻴﻬﺎ ﻣﺮﻩ ﻭﺣﺪﻩ ..
ﺩﻻﻝ ﺑﺨﻮﻑ : ﺣﺎﺿﺮ ...
ﺟﺖ ﺑﺘﻄﻠﻖ ﻳﺪﻩ .. ﺷﺪﻫﺎ ﺑﺎﻟﻘﻮﺓ ﻭﻗﺎﻝ : ﻣﺶ ﻋﺎﺟﺒﻚ ﺍﻟﻜﻼﻡ ﻭﻻﻛﻴﻒ ..
ﺩﻻﻝ : ﻻ ﻣﺎﻗﻠﺖ ﺷﻲ ﺍﻧﻲ ..
ﻋﻤﺎﺭ ﺳﻜﺖ ...
ﻫﻲ ﺟﻮﻫﺎ ﺍﻧﻘﻠﺐ ... ﻛﺎﻧﺖ ﺗﺨﺎﻑ ﻣﻨﻪ ﻟﻤﺎ ﻳﻮﻟﻲ ﻫﻜﻲ ﺟﺎﺩ ﻭﻋﺼﺎﺑﻪ ﻳﺮﻗﻮﺍ ..
ﻫﻮ ﺷﺒﺤﻠﻬﺎ ﻭﻗﺎﻝ : ﺗﻮ ﺍﻧﺘﻲ ﻟﻴﺶ ﻗﺎﻟﺒﻪ ﻭﺟﻬﻚ ..
ﺩﻻﻝ : ﻻﻗﺎﻟﺒﺎﺗﻪ ﻻﺷﻲ ..
ﻋﻤﺎﺭ : ﻻﺍﺍ ﻗﺎﻟﺒﺘﻴﻪ ..
ﺩﻻﻝ ﺷﺒﺤﺘﻠﻪ ﻭﺩﻣﻮﻋﻬﺎ ﻧﺰﻟﻮﺍ : ﻳﻌﻨﻲ ﻛﻴﻒ ﺗﻮﺍ ﺗﺒﻴﻨﻲ ﻧﺨﺶ ﻋﻠﻴﻬﻢ ﻭﺍﻧﻲ ﻧﺒﻜﻲ ..
ﺷﺒﺤﻠﻬﺎ ﻭﻗﺎﻝ : ﻳﺎﻭﺩﻱ ﻻ ﻳﺎﻭﺩﻱ ﺩﻣﻮﻋﻚ ﻫﺪﻳﻦ ﻉ ﺳﺒﻠﻪ ..
ﺩﺭﺱ ﺍﻟﺴﻴﺎﺭﺓ ﻉ ﺗﺮﻛﻴﻨﻪ ..
ﻓﻚ ﺣﺰﺍﻡ ﺍﻷﻣﺎﻥ .. ﻭﺣﻂ ﻳﺪﻩ ﻭﺭﺍ ﺭﺍﺳﻬﺎ ﻭﻗﺮﺑﻠﻬﺎ ..
ﺑﺎﺱ ﻉ ﺭﺍﺳﻬﺎ .. ﻭﻋﻴﻮﻧﻬﺎ .. ﺷﺒﺤﻠﻬﺎ : ﻋﻠﻴﻚ ﺩﻟﻊ ..
ﺩﻻﻝ : ﻣﺎﻧﺪﻟﻌﺶ ﺍﻧﻲ .. ﺍﻧﺖ ﻣﻌﺎﺵ ﺗﻜﺸﺦ ﻋﻠﻴﺎ ..
ﻋﻤﺎﺭ ﺑﺘﻜﺸﻴﺨﻪ : ﺷﻨﻮﻭﻭ ..
ﺩﻻﻝ ﻏﻤﺼﺖ ﻋﻴﻮﻧﻬﺎ ﺑﺸﺪﻩ ﻭﻗﺎﻟﺖ : ﻳﺎﻣﺎﺍﺍﻣﺎﺍ
ﻋﻤﺎﺭ : ﻫﻬﻬﻬﻬﻬﻬﻬﻪ .. ﺑﺎﺳﻬﺎ ﻭﻃﻮﻝ ﺷﻮﻳﻪ .. ﺑﻌﺪﻳﻦ ﺑﻌﺪ ﻭﻗﺎﻝ .. ﺧﻞ ﻧﻜﻤﻠﻮﺍ ﻃﺮﻳﻘﻨﺎ ﻉ ﺧﻴﺮ ..
ﺿﺤﻜﺖ ﺩﻻﻝ ﺑﺨﺠﻞ ﻭﻏﻴﺮﺕ ﻋﻴﻮﻧﻬﺎ ﻋﻨﻪ ..
ﻫﻮ ﺷﻐﻞ ﺍﻟﺴﻴﺎﺭﺓ ﻭﻫﻮ ﻳﻀﺤﻚ ..
ﺑﻌﺪﻳﻦ ﻗﻌﺪ ﻳﺒﺮﺑﺶ ﻓﻲ ﺍﻟﻤﺴﺠﻞ ﻣﺘﺎﻉ ﺍﻟﺴﻴﺎﺭﺓ ..
ﻭﺣﻂ ﻉ ﺍﻏﻨﻴﻪ .. ﻣﻌﻴﻨﻪ ..
ﺩﻻﻝ ﻟﻤﺎ ﺳﻤﻌﺖ ﻣﻘﺪﻣﺘﻬﺎ ﺿﺤﻜﺖ ﻭﺷﺒﺤﺘﻠﻪ ..
ﻫﻮ ﺿﺤﻚ ﻭﻫﻮ ﻳﺸﻮﻑ ﺍﻟﻘﺪﺍﻡ .. ﻭﻗﻌﺪ ﻳﺪﺭﺑﻚ ﻉ ﺍﻟﺪﻭﻣﺎﻥ ﺑﺼﻮﺍﺑﻌﻪ ..
ﻭﻫﻲ ﺗﺸﻮﻓﻠﻪ ﻭﺧﻼﺹ ..
ﻟﻴﻦ ﻭﺻﻞ ﺻﺎﺑﺮ ﺍﻟﺮﺑﺎﻋﻲ ﻓﻲ ﻣﻘﻄﻊ ..
ﻳﺎﺩﻟﻮﻟﻪ ﻋﻠﻴﻚ ﻧﻤﻮﺕ ﻳﺎﺍﺣﻠﻰ ﻣﻦ ﻃﻌﻢ ﺍﻟﺘﻮﺕ ..
ﺷﺪ ﻳﺪﻫﺎ ﻭﺑﺎﺳﻬﺎ ..
ﻫﻲ ﺿﺤﻜﺖ ..
ﺑﻌﺪﻳﻦ ﻗﻌﺪﺕ ﺗﻐﻨﻲ ﻣﻊ ﺍﻷﻏﻨﻴﻪ ﻭﺩﻳﺮ ﻓﻲ ﺣﺮﻛﺎﺕ ﻭﻫﻮ ﻣﺮﺓ ﻣﺮﺓ ﻳﺸﻮﻓﻠﻬﺎ ﻭﻳﻀﺤﻚ ﻛﻴﻒ ﺗﻐﻨﻲ ﺑﻐﺮﻭﺭ ﻣﺼﻄﻨﻊ ..
" ﻧﻌﺎﻭﺩ ﻭﻧﻜﺮﺭ ﺳﻴﺎﺭﺍﺕ ﻋﻤﺎﺭ ﻣﻈﻠﻤﺎﺕ "
ﻋﻨﺪ ﻧﻬﺎﻳﺔ ﺍﻷﻏﻨﻴﺔ ﺧﻼﺹ ﺧﺸﻮﺍ ﻟﻠﻘﺒﻴﻠﻪ ...
ﻭﻗﺮﺑﻮﺍ ﻣﻦ ﺍﻟﻘﻄﻌﻪ ..
ﻋﻤﺎﺭ : ﺯﻱ ﻣﺎﻭﺻﻴﺖ ﺩﻟﻮﻟﻪ ..
ﺩﻻﻝ ﺑﻀﺤﻜﻪ : ﺣﺎﺿﺮ ﻳﺎﺣﺐ ﺩﻟﻮﻟﻪ ﻳﺎﺭﻭﺡ ﺩﻟﻮﻟﻪ ﻳﺎﻋﻤﺮ ﺩﻟﻮﻟﻪ💓
ﻋﻤﺎﺭ : ﺩﻟﻮﻟﻪ ﻫﺪﻱ ﺗﺒﻴﻨﺎ ﻧﻠﻔﻮﺍ ﻭﻧﺮﺟﻌﻮﺍ 💕..
ﺩﻻﻝ : ﻫﻬﻬﻬﻬﻬﻬﻬﻬﻬﻬﻪ 💓
ﺷﻮﻳﻪ ﻭﺧﺸﻮﺍ ﻟﻠﻘﻄﻌﻪ ..
ﻭﻛﻠﻜﺲ ﻋﻤﺎﺭ ...
ﻭﻟﻘﻲ ﺧﻮﺍﻟﻬﺎ ﻭﻭﻻﺩ ﺍﻟﻌﻴﻠﻪ ﻣﻘﻌﻤﺰﻳﻦ ﻗﺪﺍﻡ ﻣﺴﺘﺮﺍﺡ ﻣﺮﺑﻮﻋﺔ ﺍﻟﺤﻮﺵ ﺍﻟﻘﺪﻳﻢ ..
ﻟﻤﺎ ﺷﺎﻓﻮﻫﻢ ﺍﺑﺘﺴﻤﻮﺍ ...
ﻧﺎﺽ ﻫﺎﻧﻴﺒﺎﻝ ﻭﻗﺪﻣﻠﻬﻢ ..
ﻫﻲ ﻧﺰﻟﺖ ﻣﻦ ﺍﻟﺴﻴﺎﺭﺓ ﻃﻮﻝ ﻣﺸﺘﻠﻪ ..
ﺩﻻﻝ : ﻫﺎﻧﻲ ..
ﻫﺎﻧﻴﺒﺎﻝ ﺿﺤﻚ ﻭﺣﻀﻨﻬﺎ ...
ﺑﻌﺪﻳﻦ ﺑﻌﺪﻫﺎ ﻭﺷﺪ ﺭﺍﺳﻬﺎ ﺑﺈﻳﺪﻳﻪ ﺍﻟﺰﻭﺯ ﻭﻗﻌﺪ ﻳﺨﺾ ﻓﻴﻪ ..
ﻋﻤﺎﺭ ﺷﺒﺤﻠﻬﻢ : ﺑﺎﻟﻠﻪ ﺧﻮﺩ ﻳﺎﻣﺤﻤﺪ ..
ﺷﺪ ﻣﺤﻤﺪ ﺍﻟﺤﺎﺟﺎﺕ ﻭﻫﻮ ﻳﻀﺤﻚ ..
ﻭﻋﻤﺎﺭ ﻗﺪﻣﻠﻬﻢ ﻃﻮﻝ ﻓﻚ ﻣﺮﺗﻪ ﻣﻦ ﺧﺎﻟﻬﺎ : ﺷﻦ ﻫﺪﻯ ﻳﺎﺭﺍﺟﻞ ..
ﺩﻻﻝ ﻣﻴﺘﻪ ﺑﺎﻟﻀﺤﻚ ..
ﻫﺎﻧﻴﺒﺎﻝ : ﺟﻴﺐ ﺍﻟﺒﻨﺖ ﺟﺎﻱ ﺭﺍﻫﻲ ﺑﻨﺖ ﺍﺧﺘﻲ ﻗﺒﻞ ﺗﻮﻟﻲ ﻣﺮﺗﻚ ..
ﺧﺪﺍﻫﺎ ﻋﻤﺮ ﻣﻦ ﻋﻤﺎﺭ ﻭﺳﻠﻢ ﻋﻠﻴﻬﺎ : ﺗﻲ ﺷﻨﻮ ﺣﺎﻟﻚ ﻳﺎﺳﺮﺗﺎﻭﻳﻪ .. ﺳﺮﺗﺎﻭﻳﻪ ﻭﻟﻴﺘﻲ ﻭﻻ ﻗﺎﻋﺪﻩ *******
ﺩﻻﻝ ﺑﻀﺤﻜﻪ : ﻭﻟﻴﺖ ﻭﻗﺎﻋﺪﻩ
ﻋﻤﺎﺭ ﻭﻫﻮ ﺣﺎﺿﻦ ﻫﺎﻧﻴﺒﺎﻝ : ﺷﻨﻮ ﺣﺎﻟﻜﻢ .
ﻫﺎﻧﻴﺒﺎﻝ : ﺗﺮﺧﻲ ﺭﻭﺣﻚ ﺍﻧﺖ ﻧﻮﻟﻮﺍ ﻓﻲ ﺍﺣﺴﻦ ﺣﺎﻝ ..
ﻋﻤﺎﺭ ﺿﺮﺑﻪ ﻉ ﻇﻬﺮﻩ ﻭﻫﻮ ﺭﺩﻫﻮﻟﻪ ..
ﺑﻌﺪ ﺳﻠﻤﺖ ﺩﻻﻝ ﻉ ﻣﺤﻤﺪ ...
ﻭﻻﺩ ﺍﻟﻌﻴﻠﻪ .. ﺳﻠﻤﻮﺍ ﻋﻠﻴﻬﺎ ﻣﻦ ﺑﻌﻴﺪ ..
ﻫﻲ ﻳﺪﻭﺏ ﺭﺩﺕ ﻭﻃﻮﻝ ﻛﻤﻠﺖ ﻃﺮﻳﻘﻬﺎ ﻟﺒﻮﺍﺑﺔ ﺍﻟﻜﻮﺟﻴﻨﻪ ..
ﺗﻘﺎﺑﻠﺖ ﻣﻊ ﺧﺎﻟﻬﺎ ﻣﻴﻼﺩ ﺳﻠﻤﺖ ﻋﻠﻴﻪ ..
ﺑﻌﺪﻳﻦ ﻫﻮ ﻛﻤﻞ ﻃﺮﻳﻘﻪ ﻟﻌﻤﺎﺭ ..
ﻭﻫﻲ ﺧﺸﺖ ﻟﻤﻤﺮ ﻓﻢ ﺍﻟﺒﻮﺍﺑﻪ ..
ﻟﻘﺖ ﺍﺧﺘﻬﺎ ﻭﺑﻨﺎﺕ ﺧﺎﻻﺗﻬﺎ ﻭﺧﺎﻻﺗﻬﺎ ﻭﺍﻣﻬﺎ ﻭﻓﻲ ﻣﻘﺪﻣﺘﻬﻢ ﺣﻨﺎﻫﺎ ﻳﺴﺘﻨﻮﺍ ﻓﻴﻬﺎ ..
ﺳﻠﻤﺖ ﻉ ﺣﻨﺎﻫﺎ ﺑﺎﻷﺣﻀﺎﻥ .. ﺑﻌﺪﻫﺎ ﺣﻨﺎﻫﺎ ﻣﺸﺖ ﻟﻮﻟﺪ ﺧﻮﻫﺎ ..
ﻭﻗﺪﻣﺖ ﻷﻣﻬﺎ ﺣﻀﻨﺘﻬﺎ ﺑﻘﻮﺓ ﻭﻃﻮﻟﻮﺍ ﻓﺴﻼﻣﻬﻢ ..
ﻭﺑﻌﺪﻳﻦ ﺍﺧﺘﻬﺎ ... ﻭﺧﺎﻻﺗﻬﺎ ﻭﺣﺪﻩ ﻭﺣﺪﻩ ..
ﻭﺑﻨﺎﺕ ﺧﺎﻻﺗﻬﺎ ..
ﻭﺩﺧﻠﻮﻫﺎ ﺩﺍﺧﻞ ...
🍁 ﻋﻤﺎﺭ ﺍﺭﺗﺎﺣﻮﺍ ﺍﻋﺼﺎﺑﻪ ﻟﻤﺎ ﻣﺎﻟﻘﺎﺵ ﺣﻤﺰﺓ ..
ﻭﻛﺎﻥ ﺍﻟﺠﻮ ﺍﺭﻳﺤﻲ ﺑﺤﻀﻮﺭ ﺍﻟﺤﺎﺝ ﺭﻣﻀﺎﻥ ﺍﻟﻠﻲ ﺷﺪﻩ ﻭﻗﻌﺪ ﻳﺴﺄﻝ ﻓﻴﻪ ﻉ ﺍﺣﻮﺍﻝ ﺍﻟﺒﻼﺩ ﻭﻉ ﺍﻟﻤﻬﻤﻪ ﺍﻟﻠﻲ ﺩﺍﺭﻭﻫﺎ ...
❤ ﺍﻣﺎ ﺩﻟﻮﻟﻪ ﻓﻜﺎﻧﺖ ﺗﺒﺎﻥ ﻋﻠﻴﻬﺎ ﺍﻟﺴﻌﺎﺩﻩ ﻫﺎﻟﻤﺮﺓ ﻫﻠﺒﻪ ..
ﺣﺘﻰ ﻋﺎﻛﺴﻪ ﻉ ﻟﺒﺴﻬﺎ ﻭﺷﻜﻠﻬﺎ ..
ﻗﺒﻞ ﻣﺎﻛﺎﻧﺘﺶ ﺗﻠﺒﺲ ﻓﻲ ﻟﺒﺲ ﻣﻠﻔﺖ ﻭﻣﺎﺗﻠﺒﺴﺶ ﻣﻦ ﺍﻟﺬﻫﺐ ﺍﺧﻄﺎ ﺗﻌﻠﻴﻘﻪ ﻣﻦ ﺑﻮﻫﺎ ..
ﺑﺲ ﻫﺎﻟﻤﺮﺓ ﻻﺑﺴﻪ ﺫﻫﺐ ﻭﻟﺒﺴﻬﺎ ﻣﻔﺮﻓﺢ ﻭﺣﻠﻮ ﻫﻠﺒﻪ ﻭﺣﺘﻰ ﻣﻜﻴﺎﺟﻬﺎ ﻭﺷﻌﺮﻫﺎ ﺍﻟﻤﺼﺒﻮﻍ ﻛﺎﻧﺖ ﺯﻱ ﺍﻟﻮﺭﺩﺓ ﺍﻟﻤﻔﺘﺤﻪ ﺑﻜﻞ ﻣﻌﻨﻰ ﺍﻟﻜﻠﻤﻪ ..
ﻭﺍﻣﻬﺎ ﺍﺭﺗﺎﺣﺖ ﻫﻠﺒﻪ ﻭﻳﻦ ﻻﺣﻈﺖ ﻋﻠﻴﻬﺎ ﻫﺎﻟﺘﻐﻴﻴﺮ ..
ﺍﻟﻠﻲ ﻛﺎﻥ ﻣﻠﺤﻮﻅ ﺣﺘﻰ ﻉ ﻋﻤﺎﺭ ﺍﻟﻠﻲ ﺍﻧﻄﻠﻖ ﻣﻊ ﻭﻻﺩ ﻋﻤﺘﻪ ﻭﻛﺄﻧﻪ ﻋﻤﺎﺭ ﺍﻳﺎﻡ ﺯﻣﺎﻥ ﺑﺎﻟﺰﺑﻂ ..
💓 ﺍﻟﺤﺐ ﻭﺍﻟﻬﻨﻲ ﻭﺍﻟﺒﺎﻝ ﻣﺮﺗﺎﺡ ﻳﺨﻠﻮﺍ ﺍﻹﻧﺴﺎﻥ ﻛﺘﻠﻪ ﻣﻦ ﺍﻟﺴﻌﺎﺩﻩ ﺗﻤﺸﻲ ﻉ ﺍﻷﺭﺽ 💓
ﺑﺲ ﻓﻲ ﻧﺎﺱ ﻓﺎﻗﺪﻩ ﻫﺪﺍ ﻛﻠﻪ ﺑﻘﻮﺓ ...
ﻫﺎﻧﻴﺒﺎﻝ ﺍﻟﻠﻲ ﻛﺎﻥ ﻳﻀﺤﻚ .. ﺑﺲ ﻓﻲ ﺩﺍﺧﻠﻪ ﺍﻭﺟﺎﻉ ﻳﺎﺍﻭﺟﺎﻉ ..
ﺍﻃﺒﺎ ﺍﻟﻜﻮﻥ ﻣﺎﺗﺸﻔﻴﻬﺎ ...
🍁🍁🍁🍁
ﺍﻟﺴﺎﻋﻪ 7:30 ﻣﺴﺎﺀﺍ ..
ﻟﺒﺴﺖ ﻭﺷﺎﺣﻬﺎ ﻭﻃﺒﺴﺖ ﻉ ﺍﻣﻬﺎ ﻭﻗﺎﻟﺖ : ﻫﺎﺗﻴﻪ ﻣﺎﻣﺎ ..
ﻣﺪﺕ ﻧﻌﻴﻤﻪ ﻣﺠﺪ ﻟﺪﻻﻝ ﻭﻫﻲ ﺗﻘﻮﻟﻠﻬﺎ : ﺭﺩﻱ ﺑﺎﻟﻚ ..
ﺍﺑﺘﺴﻤﺖ ﺩﻻﻝ .. ﻭﺧﺪﺕ ﺧﻮﻫﺎ .. ﻭﻃﻠﻌﺖ ﺑﻴﻪ ﻟﺮﺍﺟﻠﻬﺎ ..
ﻛﺎﻥ ﻓﻢ ﺍﻟﺤﻮﺵ ﻭﺍﻗﻒ ﻫﺎﻧﻴﺒﺎﻝ ﻭﻣﻌﺎﻩ ﺍﻟﻬﺎﺩﻱ ﻭﻋﻤﺎﺭ ﻳﻬﺪﺭﺯﻭﺍ ..
ﺩﻻﻝ : ﻭﺳﻌﻮﺍ .. ﺍﻫﻮ ﺟﻴﺖ ..
ﻋﻤﺎﺭ ﻟﻤﺎ ﺷﺎﻓﻬﺎ ﺷﺎﺩﻩ ﺧﻮﻫﺎ ﺍﺑﺘﺴﻢ ﻭﻗﻠﺒﻪ ﺩﻕ ﺑﻘﻮﺓ 💓
ﻭﺻﻠﺖ ﻓﻲ ﺭﺍﺟﻠﻬﺎ : ﺳﻠﻢ ﻉ ﻧﺴﻴﺒﻚ ..
ﺿﺤﻜﻮﺍ ﺍﻟﺘﻼﺗﻪ ..
ﺳﻤﺎ ﺑﺎﻟﻠﻪ ﻋﻤﺎﺭ ﻭﺧﺪﺍﻩ ﻣﻨﻬﺎ : ﺗﺒﺎﺭﻙ ﺍﻟﻠﻪ ﻻﻗﻮﺓ ﺍﻻ ﺑﺎﻟﻠﻪ ..
ﻫﺎﻧﻴﺒﺎﻝ : ﻓﺴﺨﺘﻪ ﻛﻴﻒ ﻓﺴﺨﺔ ﻣﺮﺍﺗﻚ ﺑﺎﻟﺰﺑﻂ ..
ﻋﻤﺎﺭ ﺷﺒﺢ ﻟﺪﻻﻝ ﻭﺿﺤﻚ ..
ﺩﻻﻝ ﺑﻐﺮﻭﺭ : ﺷﻦ ﺧﻼ ﺭﺑﻲ ﻣﺎﻋﻄﺎﻩ ..
ﺍﻟﻬﺎﺩﻱ ﺑﻀﺤﻜﻪ ﻗﺮﺻﻬﺎ ﻣﻦ ﺧﺪﻫﺎ ﻭﻗﺎﻝ : ﺍﻟﻠﻪ ﻋﻠﻴﻚ ﺩﻟﻮﻟﻪ ..
ﻋﻤﺎﺭ ﺍﺑﺘﺴﻢ ﻭﺑﺎﺳﻪ ﻉ ﺭﺍﺳﻪ ﻭﺣﻄﻠﻪ ﻓﻠﻮﺱ ..
ﻫﺎﻧﻴﺒﺎﻝ : ﻫﻬﻬﻬﻬﻬﻬﻬﻪ ..
ﻋﻤﺎﺭ ﺑﻀﺤﻜﻪ : ﺷﻦ ﻳﻀﺤﻚ ﻓﻴﻚ ﻳﺎﺻﺒﺎﺡ ..
ﻫﺎﻧﻴﺒﺎﻝ ﺑﻀﺤﻜﻪ : ﺧﻄﺮﺕ ﻋﻠﻴﺎ ﺍﻭﻝ ﻣﺮﺓ ﺭﻳﺖ ﻓﻴﻬﺎ ﻫﺎﻟﺼﻔﺮﺍ ﻫﺪﻱ ﻣﺬﻛﺮ ..
ﺷﺒﺤﻠﻬﺎ ﻭﺍﺑﺘﺴﻢ : ﺍﻣﻤﻢ ..
ﺩﻻﻝ ﺑﺈﺑﺘﺴﺎﻣﻪ : ﺣﻜﺎﻟﻲ ﻋﻠﻴﻬﺎ ..
ﻫﺎﻧﻴﺒﺎﻝ : ﻛﻨﺘﻲ ﻛﺎﺷﻪ ﻣﻨﻪ ..
ﻋﻤﺎﺭ ﺑﻀﺤﻜﻪ : ﺩﻳﻤﺎ ﻛﺎﺷﻪ ﻣﻨﻲ ﻫﻲ ..
ﺩﻻﻝ ﺿﺤﻜﺖ ﻭﺟﻬﻬﺎ ﻭﻻ ﺍﺣﻤﺮ ..
ﺿﺤﻜﻮﺍ ﻋﻠﻴﻬﺎ ..
ﻋﻤﺎﺭ ﻣﺪﻟﻬﺎ ﺧﻮﻫﺎ ﻭﻗﺎﻝ : ﺭﺑﻲ ﻳﺼﻮﻧﻪ ﻭﻳﺒﺎﺭﻙ ﻓﻴﻪ ..
ﺍﻟﻬﺎﺩﻱ : ﻧﺸﻮﻓﻮﻩ ﻋﻨﺪﻙ ..
ﺩﻻﻝ ﺧﺪﺕ ﺧﻮﻫﺎ ﻭﻟﻔﺖ ﻭﺧﺸﺖ ﻃﻮﻝ ..
ﻫﻮ ﺿﺤﻚ ﺑﺈﺣﺮﺍﺝ .. ﻭﻫﺎﻧﻴﺒﺎﻝ ﻭﻫﺎﺩﻱ ﺍﺑﺘﺴﻤﻮﺍ ...
ﻣﻦ ﺍﻟﺠﻬﺔ ﺍﻟﺘﺎﻧﻴﻪ ..
ﻛﺎﻧﻮﺍ ﻋﻤﺮ ﻭﻣﺤﻤﺪ ﻭﺍﻟﻮﻻﺩ ﻳﺘﻌﺎﺭﻛﻮﺍ ﻉ ﺍﻟﻜﻮﺭﺓ ﻭﺑﺮﺷﻠﻮﻧﻪ ﻭﺍﻟﺮﻳﺎﻝ ﻭﻛﺮﻳﺴﺘﻴﺎﻧﻮ ﻭﻣﻴﺴﻲ ..
ﻭﻗﺮﻳﺐ ﺻﺎﺭﺕ ﻣﺬﺑﺤﻪ 😅..
ﻉ ﺟﻴﺔ ﺍﻟﺤﺎﺝ ﺭﻣﻀﺎﻥ ﻣﻦ ﺍﻟﻮﺍﺩﻱ ﻳﺴﻤﻊ ﻓﻲ ﺻﻴﺎﺣﻬﻢ ﻭﺷﻄﻴﺤﻬﻢ ..
ﻗﺪﻣﻠﻬﻢ ﻃﻮﻝ ..
ﺭﻣﻀﺎﻥ : ﺷﻦ ﺍﻟﻌﺎﺭ ﻫﺪﻯ ..
ﺳﻨﺪ : ﺳﻴﺪﻱ ﺳﻴﺪﻱ ..
ﺷﺒﺤﻮﻩ ﺟﺎﻱ ..
ﻭﺷﻮﻳﻪ ﻭﻣﺎﻗﻌﺪ ﺍﻻ ﻏﺒﺮﺗﻬﻢ 💫...
ﺭﻣﻀﺎﻥ : ﻭﻏﻔﻪ ...
ﻓﻲ ﺍﻟﻜﻮﺟﻴﻨﻪ ...
ﺍﻟﺒﻨﺎﺕ ﻣﻴﺘﺎﺕ ﺑﺎﻟﻀﺤﻚ ..
ﻉ ﺟﻴﺔ ﺩﻻﻝ ﻟﻘﺖ ﺟﺪﻫﺎ ﺑﺮﺍ ﻃﻠﻌﺘﻠﻪ ..
ﺩﻻﻝ : ﺳﻴﺪﻱ ..
ﺭﻣﻀﺎﻥ : ﺩﻻﻝ .. ﻫﺪﻯ ﻭﻳﻦ ﺗﺠﻲ ﺗﺴﻠﻤﻲ ﻳﺎﻣﻌﻔﻨﻪ .
ﺩﻻﻝ ﺿﺤﻜﺖ ﺑﺈﺣﺮﺍﺝ : ﻗﺎﻟﻮﻟﻲ ﻧﺰﻟﺖ ﻟﻠﻮﺍﺩﻱ .. ﻭﻗﺪﻣﺖ ﺑﺎﺳﺖ ﻉ ﺭﺍﺳﻪ ...
ﺭﻣﻀﺎﻥ : ﻋﺪﻳﺖ ﺑﻌﺪ ﻣﺎﺟﻴﺘﻮﺍ ..
ﺩﻻﻝ ﻭﻫﻲ ﻣﻨﺤﺮﺟﻪ : ﻭﺍﻟﻠﻪ ﻣﺎﻛﻨﺖ ﻧﻌﺮﻑ ..
ﺭﻣﻀﺎﻥ : ﺑﺎﻫﻲ ﺷﻨﻮ ﺣﺎﻟﻚ ﻭﺣﺎﻝ ﻋﺮﺑﻚ ..
ﺩﻻﻝ : ﺍﻟﺤﻤﺪ ﻟﻠﻪ .. ﺷﻨﻮ ﺣﺎﻟﻚ ﺍﻧﺖ ..
ﺭﻣﻀﺎﻥ : ﺍﻟﺤﻤﺪ ﻟﻠﻪ ..
ﻗﺪﻡ ﺑﻴﺨﺶ ﻭﺩﻻﻝ ﺧﺸﺖ ﻗﺒﻠﻪ ﻟﻠﻜﻮﺟﻴﻨﻪ ..
ﻓﻨﺼﺖ ﻋﻴﻮﻧﻬﺎ ﻭﻫﻲ ﺭﺍﻓﻌﻪ ﺣﻮﺍﺟﺒﻬﺎ ﻭﺷﺎﺩﻩ ﺿﺤﻜﺘﻬﺎ ﻟﻤﺎ ﻟﻘﺖ ﺧﺎﻟﺘﻬﺎ ﻛﻔﺎﻳﻪ ﻭﺍﻗﻔﻪ ﻭﻫﻲ ﻻﺑﺴﻪ ﻗﻔﻄﺎﻥ ﺑﺎﺻﻤﻪ .. ﻣﻊ ﺧﺎﻻﺗﻬﺎ ﺣﻤﻴﺪﻩ ﻭﻏﺎﻟﻴﻪ ﻭﻣﻌﺎﻫﻢ ﺍﺧﺘﻬﺎ ﻭﺑﻨﺎﺕ ﺧﺎﻻﺗﻬﺎ ﻓﻲ ﺍﻟﻜﻮﺟﻴﻨﻪ ..
ﻛﻔﺎﻳﻪ ﺑﻀﺤﻜﻪ : ﺣﺼﻠﺘﻲ ﺗﻬﺰﻳﺒﻪ ..
ﺭﻓﻌﺖ ﺩﻻﻝ ﺣﻮﺍﺟﺒﻬﺎ ﻭﻫﻲ ﺗﻔﻨﺺ ﻉ ﺧﺸﺔ ﺭﻣﻀﺎﻥ ..
ﻛﻔﺎﻳﻪ ﻓﻨﺼﺖ ﻭﺟﺒﺪﺕ ﻏﺎﻟﻴﻪ ﻭﺍﺩﺭﻗﺖ ﻭﺭﺍﻫﺎ ﻭﺟﺖ ﺟﻨﺒﻬﺎ ﺭﺑﺎﺏ ..
ﺭﻣﻀﺎﻥ ﻭﺯﻉ ﻧﻈﺮﻩ ﻉ ﺍﻟﻜﻮﺟﻴﻨﻪ ﺑﻌﺪﻳﻦ ﺷﺒﺢ ﻟﻠﺜﻼﺟﻪ ..
ﻏﺎﻟﻴﻪ : ﺗﺒﻲ ﺣﺎﺟﻪ ﺳﻴﺪﻱ ..
ﺭﻣﻀﺎﻥ ﺷﺒﺤﻠﻬﺎ ﺷﻮﻳﻪ ﺑﻌﺪﻳﻦ ﻟﻒ ﺑﻴﻄﻠﻊ ﻭﻫﻮ ﻳﻘﻮﻝ : ﻛﻔﺎﻳﻪ ﺩﻳﺮﻱ ﻋﻴﺶ ﻭﺣﺴﻲ ..
ﻭﻃﻠﻊ ..
ﻛﻠﻬﻢ ﻓﻨﺼﻮﺍ ..
ﻛﻔﺎﻳﻪ ﺑﺼﺪﻣﻪ : ﻣﺎﺗﻔﻮﺗﻪ ﺍﻟﻔﺎﻳﺘﻪ ﺳﻴﺪﻱ ..
ﻛﻠﻬﻢ ﻛﺎﻧﻮﺍ ﺷﺎﺩﻳﻦ ﺿﺤﻜﺘﻬﻢ ... ﺑﻌﺪﻳﻦ ﺿﺤﻜﻮﺍ ﻓﻲ ﻣﺮﺓ ﻭﺣﺪﻩ ..
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
🍁🍁🍁🍁
ﺭﻳﺘﻲ ﺑﺎﻟﻠﻪ .. ﺭﺍﻭﻳﻪ ﺗﻨﺪﺭﻱ ﻉ ﺣﺎﺟﺎﺕ ﻓﻲ ﺍﻟﻌﺮﺱ ﺍﻧﻲ ﻣﺎﻧﻌﻠﻤﺶ ﺑﻴﻬﺎ ..
ﺍﻣﺎﻝ : ﻣﻔﺮﻭﺽ ﻣﺘﻮﻗﻌﺘﻴﻬﻢ ﻳﺘﻤﻨﻜﺮﻭﺍ ﻓﻴﻚ ..
ﺭﺯﺍﻥ : ﺳﻤﻌﺘﻬﻢ ﻗﺎﻟﻮﺍ ﻟﻄﻴﻔﻪ ﻋﻠﻴﻬﺎ ﺣﺠﺰ ﺍﻟﻤﺰﻳﻦ ..
ﺭﻓﻌﺖ ﺳﻌﻴﺪﻩ ﺣﺎﺟﺒﻬﺎ ﻭﻗﻌﺪﺕ ﺗﺴﺤﻦ ..
ﻋﺰﻳﺰﺓ : ﻃﺰ ﻓﻴﻬﻦ ..
ﺳﻌﻴﺪﻩ ﺑﺘﻮﻋﺪ : ﻣﺎﻧﺒﺪﺍﺵ ﺳﻌﻴﺪﻩ ﻛﺎﻥ ﻣﺎﻗﺮﺑﻌﺘﻬﺎ ﻉ ﺭﻭﺳﻬﻦ ﺍﻟﺼﺒﺮ ﺑﺴﺴﺲ ..
🍁🍁🍁🍁
ﻓﻲ ﺍﻟﺪﺍﺭ ..
ﺯﻳﻨﺐ : ﻏﺮﻳﺒﻪ ﻟﻄﻮﻑ ﻣﻦ ﻏﺪﻭﺍ ﺑﺘﺠﻲ ..
ﻧﻌﻴﻤﻪ : ﻉ ﺟﻮﻫﺎ ﻫﺪﻳﻜﺎ ..
ﻓﺎﻃﻤﻪ : ﺍﻧﻲ ﻭﺍﻟﻠﻪ ﻣﺎﺳﺘﺎﺣﺸﺖ ﻏﻴﺮ ﺭﻓﻜﻪ ﻭﻗﻴﺲ ﻭﻭﻳﺲ ..
ﺿﺤﻜﻮﺍ ﻉ ﺍﻣﻬﻢ ﻛﻴﻒ ﻧﻄﻘﺖ ﺍﻷﺳﻤﺎﺀ ..
ﺳﻤﻴﻪ ﺑﻀﺤﻜﻪ : ﻫﻲ ﺭﻓﻘﻪ ﻧﺪﻳﺪﺓ ﺭﺯﺍﻥ ﻭﻻ ..
ﻓﺎﻃﻤﻪ : ﺍﻳﻪ ﺟﻦ ﻓﻲ ﻋﺎﻡ ﻭﺍﺣﺪ ﻣﻊ ﺑﻌﻀﻬﻦ ..
🍁🍁🍁🍁🍁🍁
ﻣﺮﻭﺍﺍﺍﻥ ..
ﺍﻟﺘﻔﺖ ﻟﻘﻲ ﺧﺎﻟﻪ ﻣﺤﻤﺪ ﺟﺎﻱ ..
ﻭﺻﻞ ﻓﻴﻪ : ﺧﻴﺮﻙ ..
ﻣﺮﻭﺍﻥ ﺍﺑﺘﺴﻢ ﻭﻗﺎﻝ : ﺧﻴﺮﻧﻲ ..
ﻣﺤﻤﺪ : ﻣﺶ ﻋﺎﺟﺒﻨﻲ ﺟﻮﻙ ﺑﻜﻞ ..
ﻣﺮﻭﺍﻥ : ﻻﻋﺎﺩﻱ ﻣﺎﻓﻲ ﺷﻲ .. ﺟﻮﻱ ﺗﻤﺎﻡ ..
ﺍﺑﺘﺴﻢ ﻣﺤﻤﺪ : ﺑﺎﻫﻲ ﺗﻌﺎﻝ ﻣﻌﺎﻱ ﻧﻌﺪﻭﺍ ﻟﻠﺠﺮﺩﻳﻨﻪ ..
ﻣﺮﻭﺍﻥ ﺍﺑﺘﺴﻢ : ﺑﺎﻫﻲ ...
ﻭﻣﺸﻮﺍ ﻣﻊ ﺑﻌﺾ ﺟﻬﺔ ﺍﻟﺠﺮﺩﻳﻨﻪ ﻭﻣﺤﻤﺪ ﻳﻬﺪﺭﺯ ﻭﻳﺒﺼﺮ ﻉ ﻣﺮﻭﺍﻥ ﺑﺶ ﻳﻐﻴﺮﻟﻪ ﺟﻮﻩ ...
ﻓﻲ ﻧﻔﺲ ﺍﻟﺠﺮﺩﻳﻨﻪ ..
ﻣﻦ ﺟﻬﺔ ﺗﺎﻧﻴﻪ ..
ﻋﻤﺎﺭ : ﻧﺴﻤﻊ ﻓﻴﻚ ..
ﻫﺎﻧﻴﺒﺎﻝ : ﺍﺣﻤﻢ ... ﻭﺯﻉ ﻧﻈﺮﻩ ﻉ ﻣﻜﺎﻥ ﻭﺭﺟﻊ ﺷﺎﻑ ﻟﻌﻤﺎﺭ ﻭﻗﺎﻟﻪ : ﻧﺒﻴﻚ ﻓﻲ ﺧﺪﻣﻪ ﻳﺎﻭﻟﺪ ﺧﺎﻟﻲ ..
ﻋﻤﺎﺭ ﺷﺒﺤﻠﻪ ﺷﻮﻳﻪ ﻭﻗﺎﻝ : ﻭﺍﻧﻲ ﻓﻲ ﺍﻟﺨﺪﻣﻪ ﻳﺎﻭﻟﺪ ﻋﻤﺘﻲ
... ﻳﺘﺒﻊ
