#العشق_المتمرد
#جمان_فريد
#الجزء_15
صوت تقربيع في الكوجينه...
تصب في المية بعصبية وتسيق ..
والمية تشلبط هني وهني..
شويه وخشت عليها اختها..
قعدت تشبحلها شن دير ومستغربه..
سعيده: خير دعوتك !!!؟
امال وهي تسيق: خلي أمي فحالي..
سعيدة شبحتلها شويه ولفت للباب وسكراته...والتفتتلها : هانيبال!؟
امال لوحت السياقه وقعدت تقول ببكي ممزوج بالغضب: ايه..ايه..وتخبط فرجليها بالميه...والميه تتنطر هني وهني...
بعدين حطت يدها ع وجهها وقعدت تبكي...
سعيده:خلاص بطلي يافرخه ...اماااال..
حولت امال ايديها من ع وجهها وهي ترشف..
سعيده برفعةحاجب: كملي تشلبيط والحقيني...
امال هزت راسها بإيجاب...
وسعيده فتحت الباب وطلعت...
🍁🍁🍁🍁🍁
هو هالمرة يدوب كلي من غداه..
والسبب عكس المرات اللي فاتوا...
سعادة ...فرحان..
حس بشعور اول مرة يحسه بعد طلع اللي فقلبه..
وقاعد يذكر فردة فعلها ونظراتها ليه....
ويتبسم تلقائيا..
بس مشكله لماتسرح بتفكيرك باللي تحبه في مجمع..
الكل مركزين عليك فيه وع ملامح وجهك...
نعيمه بضحكه وبهمس: كان نشوفها..
زينب بإبتسامه: مادام عجبت هانيبال معناها تهبل..
كفايه شبحتلهم وغمزت..
هما شدوا ضحكتهم..
كفايه : اهواك واتمنى لو انساك وانسى روحي وياك
وان ضاعت تبقى فداك لو تنساني.
غاليه وحميده يسمعوا فيها من الكوجينه ويضحكوا..
كفايه: وانساك واتاريني بنسى جفاك.
ع خشة الهادي مروح من العمل: السلام عليكم..ضحك وهو يسمع في كفايه..
كفايه: واشتاق لعذابي معاك والقى دموع فكراك.
وارجع تاني..
والبنات يضحكوا بكتمان.
وهو داير روحه مش مركز معاها...
جي بينوض..كان حداه طاسة ميه..
قامها وقعد يشرب فيها وهو ماشي للكوجينه..
ومازال كفايه تغني وتشبح لخواتها وتغمز..
والهادي يضحك...
كفاية: وانساك واتا...هييييييييييييييع..
كلهم؛😂😂😂😂😂
هانيبال: مش كان سيدك انكسرت كراعه تاخدي راحتك..
وخش للكوجينه حط الطاسه.
وغاليه وحميدة شادين ضحكتهم...
هو طلع..
كفايه وهي تمسح ع شعرها المبلول: تو تشوف ياطويل..ياعبدالعمود بالو...
كلهم: 🤣🤣🤣🤣🤣🤣
ناضت وخشت للدار بش تغير..
الهادي بضحكه: وتولي غداي...
حميده بضحكه: باهي..
وطلع من حداهم وهو يضحك..
وزينب نعيمه مازالو يضحكوا
*****
مادامك انتي هكي ياهو يالموت...اعرفي كيف تجبديه
امال بإحباط : كيف قوليلي وهو عينه ع غيري..
سعيده: ياحماره انتي بنت عمه من اصله ولحمه ودمه مرده ليك انتي...
امال وهي تفكر فكلام اختها : شن ندير باهي...
سعيده بإبتسامه مكر: صاحبي خواته وخليك قريبه لديداك..
امال : وشن الفايده باهي!!؟
سعيده :خليه يشوفك ويركز عليك هانيبال كيف سيده ره يحب المراة اللي تتحشم واللي همها حوشها وبس..
امال :كيف يعني نبطل من القرايه؟
سعيده:هدى بعدين لما هو يقولك توا اعرفي كيف تشغليه وبس.
امال سرحت بالتفكير فكلام اختها وبدت تخطط..
🍁🍁🍁
الساعه 6:00مساءا...
موجودات حدا الفرن...
حميده اليوم دورها...
مقعمزات ع جذع الشجره..
نعيمه وزينب وغاليه..
وكفايه واقفه عليهم...
زينب.:اني مستغربه ليش هالقطيعه..
غاليه: خالتي كامله خايفه من خوتها..
نعيمه : استاحشت امينه وسليمه.. وزعت نظرها ع خواتها..تذكروا لما كانوا يجونا زمان وحني صغار يهبل جوهم..
كفايه:باهي كان امهم خايفه من خوتها هما علاش مايجوش..
زينب:الزوز متزوجات ورجالتهم من العيلات نفسها القراب ع القايد..
"زينب تعشق معمر القدافي" ...
كفايه تنهدت: ياودي سلامتهم..
هما يهدرزوا وحميده مرة مرة تكهب من السور وتشوف في خليفه..
وهو يغسل فسيارته كمل عليها الخزان لعيون حميده💕..
كفايه تشبحلها وتضحك غمزت لخواتها...
خواتها شدواضحكتهم..
كفايه: هانيبال..هانيبال ...هانيبال...
انفزعت حميده والفتت طول...وقدمتلهم بسرعه: وينه وينه..ووجها ولا اصفر زي الليمه...
خواتها : ههههههههههه..
حميده شبحت لكفايه بحده...وشحتها من طرف رداها وغطتها بيه وقعدت تخض فراسها..
وكفايه ميته من الضحك..
وخواتها يضحكوا...
"صوووتكن..."
حميده طلقت كفايه...
هانيبال جايهم:خديتن راحتكن انتن شوركن ماصدقتن سيدكن انكسر..
زينب بضحكه: مبردك..عليك معقد..
هانيبال: ايه اللي مايحبش العوج عندكم معقد..
كفايه وهي تشبحله بنص عين : مابعدها..
هانيبال وهو يشبح جهة حوش عمه: عدي لراجلك يبيك..
كفايه: وينه ؟
هانيبال وهو يشبح لخليفه كيف يغسل فسيارته:مصبي في السقيفه...
كفايه : باهي..
مشت من وراه وهو مازال يشبح جهة خليفه..
شافت الفاسكيه لقت عليها صونيه ميه حاطتها حميدة كانت تستعمل فيها....
خدتها..
وخواتها فنصوا.
قربت .. وقربت ..
ورباب ورانيه ودلال يشبحولها...
رباب تضحك بكتمان..ودلال ورانيا ع روسهم علامات استفهام😂...
وصلت فيه ...وبزعت عليه...
ولوحت الصونيه وفاتت تجري وتضحك...
خشت من فم البوابه تجري..
هانيبال فجرتها : ماك مفوتيه ....
هي تجري وميته بالضحك ..وصلت السقيفه لقت راجلها قدامها...
ادرقت وراه....
سعد يضحك: شن دايرة...
هانيبال :ترا حول سعد..
سعد بضحكه: لا يانسيبي مرتي ماتمسهاش واني موجود...
كفايه ورا راجلها تضحك و وترقص فحواجبها...
هانيبال هز راسه بإيجاب: باااهي...ياكيييفو...
ولف ومشي وخلاهم..
سعد بضحكه:اعقلي يامهبوله..
حطت طرف رداها ع راسها وهي تضحك بغرور مصطنع :هههههه..إلااااااا...
سعد:ههههههههه
.....
البنيات يلعبوا بألعابهم حدا امهاتهم...
"شويه ونجي"..
رانيا بنت 4سنوات تقريبا..
بدت تميز صوت رمزي..وربطاته في عقلها بالشكلاطه اللي يجيبلها فيها..
بدت وين تشوفه تفرح...حتى اسمه حفظاته...
رانيا بفرحه: لمزي...لمزي...
هو ضحك لما سمعها تنادي فيه :خيرك..
رانيا :شكلاطه...
رباب : رانيااا معاش تكلميه..
هو ضحكته تلاشت ووجهها ولا احمر من الضيق..
رانيا عيونها تعبوا دموع: لا بنكلمه...لمزي.نبي شكلاطه..
دلال: حتى اني..
رباب :نوضي نوضي..قدمت وجبدتها من يدها...ونوضتها ورانيا تعيط...
انتبهوا امها وخالاتها..
زينب.:خيرك معاها..
رباب : تكلم فرمزي ..
زينب شبحت لرمزي وهو قعد يشحبلها بإحراج..
غاليه :عيب رباب رمزي مادارلكم شي..
رباب : لاااااا ماتكلماش ولد هديكا الشريرة..
زينب : ربااااب ..جيبي اختك واسكتي.
ورانيا مازالت تعيط ..وتقول "لمزي.."..
اختها شحتها بقوة طاحت ع ركبتها..
رمزي ياناري وجعاته جاها يجري : علاش حرام عليك.
دفاته رباب بيدها :درق وجهك..
غاليه: زينب تصرفي غلط هكي راهو..
رمزي اضايق وعصب ع الأخر طول مشي...
وزينب ناضت لبنتها خدتها ورانيا مازال تعيط وتقول
"لمزي"..
خواتها مش عاجبتهم تصرفات رباب ولاسكوت زينب عنها.
لكن مابوش يناقشوها بش ماتصيرش مشكله..
والمسكين رمزي مشي للمحل اللي بعتوه عليه وملامح وجهه كلها عصبيه وعيونه معبيات دموع....
🍁🍁🍁🍁
ولا هانيبال لخواته...
وقعد واقف يهدرز عليهم ومرة مرة يشوف جهة صور عيت عمه...
شاف حسن ماشي..بيطلع من القطعه من جهتهم...
شويه...
وشاف حسن خاش..
ووراه زوز يبانوا يتعاركوا معاه...
غاليه : حس عراك...
هانيبال: حسن وولاد عيت الهادي.
خواته قعدوا يشبحوا لتعابير وجهه وهو يراقب في العركه...
فنص هانيبال وفات يجري...
نعيمه بخلعه: ياساتر يارب ..
خواته انفجعوا..
حطوا طروف ردواتهم ع روسهم...ووقفوا حدا الصور ويراقبو..
كانوا الزوز اللي خاشين يضاربوا هما وحسن وخليفه..
هانيبال خش معاهم وقعد يحامي ع ولاد عمه...
ميلاد كان طالع بيمشي للجامع...سمع الدوشه..
قرب من مصدرها وشافهم: يالطيف!!..
قام سوريته العربيه وطار يجري...
وخش العركه...
....
البنات واقفات ع الصور...
زينب : تعالوا هني يابنات...
جوها وشدتهم...
غاليه : حي حييي...
حميده بنبرة باكيه :خليفه..
نعيمه : حييي شوفوا هداكا...حييي حيييي..
كلهم في مرة: هييييييييييي...
حميده دموعها طاحوا: حي عليا خليفه..
......
يراقبوا من البوابه متاع حوشهم..
سعيده: ياحي ياحي ياغبارة سودا....
امال: خليفه وجهه عدا فيها!!.
حدهم ببكي : ووووك عليا وووك...
......
كفايه طالعه بولدها الصغير فغمرها: شن في..وقفت حداهم...نهار احرررش...
.....
العركه كانت خاشه بعضها بزياده..
خليفه وحسن وميلاد وهانيبال مع 5تانيين..
في 3لحقوا ع 2الأولين لما سمعوا صوت العراك...
لما معاش قدروا ولاد عيت الهادي..ولاد رمضان وضنا عمهم..
واحد فيهم بدون ماحد يلاحظ طلع موس ..
وفات يجري بيضرب حسن..
........
عيطوا خوات هانيبال عيطه وحده...
....
امال ضربت بايديها ع خدودها وعيطت: هانيبااااال....
شويه وجو حميدا ..وحميد والهادي..وسليمان اللي سمعوا باللي صار من الصغار...
وشباب الجيران..خشوا فيها وانحزت...
لكن هانيبال انضرب فذراعه بالموس ورفعوه طول للمستشفى...
🍁🍁🍁🍁
في المستشفى..
خبش ياراجل مافي شي..
خليفه :خبش شنو!!؟لولا لطف ربي راهو العرق عدا فيها..
هانيبال: الحمد لله ربي لطف..
حميد: هي خل نروحوا امك مظنها بتهبل توا..
🍁🍁🍁
فاطمه كانت عند الناس اللي ولدهم تقاتل هو وولد عمه ع خاطر الارض...بش تتحمدلهم بالسلامه...
روحت ولقت الدنيا متقربعه😥...
فاطمه تخبط ع فخادها: خوكم..وينه..وينه خوكم..وينه..
ميلاد:يمي والله مافيه حاجه تو يروحوا وتشوفيه بروحك.
سعد: ياعمتي والله حاله باهي..
فاطمه تحرك فسبابتها نافيه :تكذبوا عليا انتم...
ميلاد: لاحول ولاقوة الا بالله....
خش حمزة ومعاه عمر..
عمر : روحوا...
فاطمه ماعندهاش صبر ناضت طول تجري طلعت برا ومعاها ولدها ونساباتها..
نزل هانيبال من السيارة وذراعه ملفوفه....
امه وصلت فيه شدت يده :خيرك...شن تحس!!
حضنها هانيبال : مافي شي يمي مافي شي
وخواته واقفات في الباب يشوفله ودموعهم سيل...
مشي طول للمربوعه بش يشوفه بوه اللي كان مشغول عليه...
🍁🍁🍁🍁
عبدالله :ولدك هدى قصر عمري بعمايله وسمعته المسخه وكشايفه...خلاص قعاد هنى ماعاد قاعدها..
حدهم ببكي : وين بيعدي ياهمي...
سعيده: ياسيدي بتلزه يزيد ع العبيتر عبيتر...
عبدالله : وعليا اليمين ماهو قاعد...
وطلع من حداهم وخلاهم يخبطوا ويبكوا...
🍁🍁🍁🍁🍁
الساعه 10ليلا..
عروبه : عودة...
عودة: ههههههههههههه...بيجي بيجي..
عروبه تنهدت بهيام: اه ياربي والله طول الوقت حاسه روحي فدنيا غير الدنيا...
عودة بضحكه:وكيف شكلها الدنيا اللي انتي فيها؟
عروبه ابتسمت : دنيا مافيها غيره هو وعيونه وريحة عطره..وصوته...دنيا فيها هانيبال بروحه..💖
عودة : بعتينا يابنتي طول...
عروبه : تي عدي ماعندي ماندير بزومتك..
عودةبضحكه: مال خليك فزومه هانيبال والدنيا متاعه وخليني ندمدر...رقدت وعطتها بالظهر..
وخلتها سارحه بفكرها فدنيا مافيهاش كان المحبوب 💖...
💕💕💕
المحبوب اللي كان مصكر راسه يمشي للمدرسه...
زينب وهي تحدد فحوايجه:بكل انت عناد فعناد..غدوة خميس زايد ناقص مشيك..
هانيبال يأشر بسبابته؛ ركزي ع السروال من هنى...
ضحكت زينب:غير وراس هنيوه قولي حلوة؟!
وجهه ولا احمر: ركزي فشغلك ركزي...
ضحكت زينب وكملت تحديد..
وهو قلبه دف دف دف دف دف💗💗💗💗...
خطرت عليه اليوم وشن صار ...مايقدرش بعد صرحلها بمشاعره يقعد عنها ومايشوفهاش..شن بيصبره للسبت..
هو كان يلقى يشوفها حتى الجمعه💗...
🍁🍁🍁🍁
حميده:الصبح ؟!
نعيمه وهي توتي فالساكو: ايه توا قالي من الساعه 8بنتسقدوا...
غاليه :تروحوا سالمين..
نعيمه :اللهم آمين..
كفايه وهي تتفرج ع التلفزيون: واك الهم نشرة تقعد ساعه...
نعيمه : كلها يوميات القذافي ...
ضحكوا البنات وضحكت نعيمه..
ع خشة زينب:خوكم رسمي طايح..
ضحكوا...
كفايه :ياوخيتي سلمه اصلا الحب مايطلع كان عليه..
نعيمه:باهي ماقصقصتوش عمر..
حميده:حرااام مابي يقول حاجه..
زينب : يللا مازال صغير عايش جوه زي اللي فسنه كلهم هكي..
ابتسموا خواتها...
زينب وهي تتفرج ع التلفزيون: عليك هيبه زعيم ..
خواتها شبحوا لبعض وضحكوا...
هي شقلبت عيونها بإبتسامه وكملت تتفرج ع القذافي في النشرة ...
🍁🍁🍁🍁
امال : مارقدت لين خليني ونخليك..
سعيده وهي عاصبه راسها وترشف: ياشماته بنات رمضان فينا...
امال بتذمر:والنبي انتي فشني وحني فشني..
سعيده : شن الشماته شويه...اااه ياكبدي..ياقعاد زينب تضحك بالصوت..
امال : بتضحك ع شنو ع خوها اللي قريب عدى فيها..
سعيده :والنبي ضمي فمك عليا وعدي ادمدري..
امال :😑...
********
طلعوا حتى هما عندهم فيه..
هانيبال: انصمتت لما عرفت..
الهادي: ويقولوا عليهم ناس كويسه!!
هانيبال:لاحول ولاقوة إلا بالله..
الهادي : قالوا واكل عليهم فلوس فبيعة السم الهاري..
هانيبال: من قالهلك.؟!!
الهادي:ولد عيت رحومه..
هانيبال:تس..تس..تس...عليك حال ..احسن حاجه دارها سيده لزه...
الهادي: مرات اللزة هدي تزيد الهم همين..
هانيبال تنهد وسكت..
الهادي: مازال تبي تعدي غدوة؟!!
هانيبال حط ذراعه ع عيونه...ع اساس بيرقد..
ضحك الهادي...
🍁🍁🍁🍁
عمر جاي هو رمزي للحوش..
شافوا محمد وحمزة وعماد راقدين فالصاله..
عمر: دجاج..
رمزي ضحك ..
عمر: غاليه...
داخل..
زينب: عمممر تعال.
قدملهم عمر وخش للدار: غاليه اطلعي لرمزي يبيك..
ناضت غاليه وفاتت من حداه وطلعت لرمزي..
زينب بفضول : ايه مافيش اخبار عن عيت عمك..
....
غاليه بإبتسامه: شنو هدي؟
رمزي بحشم : عطيها لرانيا لما تنوض الصبح ..
غاليه ضحكت: ياريتيني رانيا..
رمزي ضحك: ماهو حتى انتي حميدا يجيبلك فالشكلاطه .
غاليه ندبت بضحكه ::اسككت..
رمزي بضحكه:باه اعطهلها.
غاليه ضحكت برفعة حواجب: باهي ياودي..
رمزي :بنعدي توا...تصبح ع خير..
غاليه : قدامك كل خير .
مشي رمزي طلع...
غاليه تنهدت وشبحت للشكلاطه ضحكت ومشت دستها..
شويه وطلع عمر بعد قصقصوه البنات..
خشت غاليه وصكرت وراها باب الدار.: شن قاللكم عمر..
حميده بإبتسامه : عمك لز حسن..
غاليه: ليش فرحانه هكي..
كفايه:مرات ينفتحلكم طريق..
غاليه تمددت ع فراشها: زعم؟!
زينب : مادام لزه خلاص...
حميدة رفعت ايديها وتدعي :يااااارب💕...
ابتسموا خواتها..
ونعيمه كانت فسابع حلمه😴 ..
وراها نوضه بكري الصبح...
🍁🍁🍁🍁🍁
وجي الصبح🌄...
هانيبال سلم ع نعيمه قبل ليمشي للمدرسه...
وبعدين تسقد مع ولد عمه...
وعمر غاب..
سليمان: حشايم وخلاص..
هانيبال :خلاص انسى اللي صار صار..
شبح سليمان ليد هانيبال الملفوفه بالشاش:باهي اللي ماجاتك في العرق..
هانيبال؛ خلاص ياودي غير الموضوع..
ضحك سليمان...
وصلوا في المدرسه..
بالزبط ع وصول عروبه وعودة..
انصدمت لماشافت يده..قعدت واقفه تشوفله.
هو ابتسم ع جنب وقام يده وحركها بش يطمنها..
هي هزت راسها بإيجاب...
خشوا الزوز كل واحد من جهه وهما يشبحوا لبعض..
عروبه وعيونها معبيات دموع:ياربي خيره ليش يده ملفوفه هكي..
عودة تشبحلها كيف دموعها نزلوا:خلاص عروبه امسحي دموعك..
عروبه مسحت دموعها..
من بعيد شويه ..
عيون امال كانوا عليها كانت تشوفلها برفعه حاجب وتهز فرجلها...
🍁🍁🍁🍁🍁
الساعه 9صباحا...
هاك ياسمحه...
خدتها رانيا بفرح وبدت تاكل فيها..
وغاليه وحميده يشوفولها بأبتسامه...
ع خشة زينب : هههه...من جابها..
غاليه بضحكه:رمزي البارح..
زينب تلاشت ضحكتها..ومشت طول فكتها من رانيا ولوحتها..
ورانيا بدت تعيط. .
غاليه بصدمه:زينب مش لهالدرجه..
زينب خدت بنتها وطلعت مشت للدار.: اسكتي..هيا تو نبعت حمزة يجيب شكلاطه..
رانيا ووجهها معبي دموع وتعيط بقو جهدها:شكلاطه لمزي....لمزي...لمزي....
زينب:شكلاطه امك...
ناضت وطلعت برا الدار: حمزززة...حمزززة...
حمزة خش من فم البوابه:نعم..
زينب :برا جيب لأختك شكلاطه الورد...
حمزة خدي الفلوس وهو يشوف لرانيا كيف تعيط وتقول "لمزي.": سكتيها يما...ولف ومشي...
التفتتلها زينب ودخلتها للدار تسكت فيها..
🍁غاليه وحميده في الكوجينه...
غاليه :خطا اللي دير فيه اكبر خطا...
رباب : انتم مع الشريرة سعيده!؟
انصدموا حميدة وغاليه من كلمتها..
هزت رباب راسها بإيجاب وطلعت..
حميده:شنعب"ماتنقدرش" رباب هدي..
غاليه تنهدت وحركت راسها ايمين ويسار: ربي يصلح الحال...
🍁🍁🍁🍁
⏰⏱⏱
فاتوا ساعات الدوام...
وجت الحصة الأخيرة وكانت رياضه..
وطبعا الرياضه كانت حصتين في الأسبوع..
فبدايته ونهايته..
والحصتين...فيهم فصل عروبه وهانيبال مع بعض...
🍁خشوا الفصلين للساحه...
هي كانت ادور بعيونها لين لقاته..
قعدت تشوفله...وقلبها موجوع عليه...
سالمه:انظر خيرها يده...
عروبه بضيق وعيونها تعبوا دموع : ديما وهو متلقي...مرة مريض مرة مجروح...
غزاله بضحكه؛ ياناري عليه ياناري..
عروبه بنرفزة: ضمي فمك ياتافهه...
سالمه تضحك...
كل استاد طبعا شد فصله..
بس هي مرة مرة تسرقله في النظر ..تلقى فيه يشبحلها...
.🍁بعد تمرينات التسخين العاديه...
دارولهم مباراة تانيه ...
كانوا يدربوا فيها فطلابهم بش يتجهزوا لدوري المدرسه..
هانيبال هالمرة غصب عنه يقعد متفرج..
كان مقعمز ع اعصابه..
وعيونه مانزلوش من عليها...
وهي تلعب في الأول بربكه لإنها عارفه انه يتفرج عليها 💕
بس بعدين انسجمت فجو اللعب..
وهو دمه يفور ويغلي ...لما يشوف فيها تكلم في الأولاد وتوجه فيهم وتاخد في الكورة منهم...
حققت هلبه نقاط...
ولما تمت بفوزهم....
جاها واحد طق ايديه فإيديها هي من الفرحه والحماس نست روحها وطقت ايديها فإيديه..
شويه وشبحت جيهته لقاته يشبحلها فشبحه زي السم..
هي تخزرطت مسكينه وقعدت تسب فروحها ع اللي دارته..
ناض من مكانه وجي جيهتها..
واللي حواليهم لاهيين..بإعتبار الحصة قريب اتم ...
وقف حداها وهي ترجف وتبلع فريقها💕..
هانيبال: كان نشد ايديك هدين نكسرهن..
عروبه برفعة حواجب: والله !؟
شبحلها وقعد مركز فعيونها :ليك عين تردي انتي وترفعيها فيا..!!
عروبه بتحدي:ايه و زوز مش حتى وحده ..
هو قعد يشوف لعيونها بنظرات...
خلت عروبه تخش غيبوبه وهي فايقه..
هانيبال بصوته الخشن وبنبرة هاديه :اللي يقرب منك ندفنه..
رسمي عروبه بدوخ💞💞💞...
هانيبال بحده:مازلت نشبحك اديريها الحركه اللي درتيها بكري تشوفي حسابك..
عروبه شبحت القدام ويدوب ابتسمت برفعة حاجب..
هانيبال ابتسم ورفع حاجبه اليسار: جروة..
عروبه شبحتله برفعة حاجب : انت ديما اسلوبك هكي..
هانيبال بإبتسامه متكبرة : ايه هدى اسلوبي عجبك باهي ماعجبكش نخليه يعجبك غصب عنك..
عروبه بأبتسامه وهي رافعه حاجبها :بالله!!
هانيبال بإبتسامه : والله وبالله وتالله..
هي ضحكت وشبحت القدام...
هانيبال قعد يشوفلها وهي وجهها مولي طماطم❤..
وع الغالب صوت دقات قلبها يسمع فيه💕💕💕💕💕...
هانيبال:شنو اسمك؟...
عروبه شبحتله برفعة حواجب...
هانيبال :قولي شن اسمك وماتشبحليش الشبحات هدينا..
عروبه :ماتكشخش عليا..
هانيبال يقلد فصوتها : "ماتكشخش عليا"...تي هيا قولي شن سماك ربي..
عروبه شبحت القدام وقالت : عروبه...
هانيبال :عروبه💕..
عروبه شبحتله وابتسمت: هانيبال💕..
قعدوا يشوفوا لبعض...💞💞💞💞
عروبه غيرت عيونها ليده: خيرها يدك؟
هانيبال شبح ليده: مافيها شي جرح عادي..
عروبه شبحتله: سلامتك💖
هانيبال ابتسم وقعد يشوف لعيونها وبس بدون مايقول حرف💕
ومازال في القلب كلام اللسان يبي يقوله..💞
قطع عليهم هاللحظه..
الأستاد: انتباه ياطلبه...انتباه... امنعوا الصوت..تفضلي ياأبله..
ابله ابتسام وزعت نظرها عليهم وقالت:كيف ماتعرفوا فنهاية كل عام عندنا الأسبوع الثقافي..
وحنديروا فيه مسرحية مدرسيه....وحنختاروا مجموعه من الطلاب بعد نختبروهم...
المسرحيه حتتكلم عن شجرة الدر...
واهم شخصيتين في المسرحيه..
حيكونوا " عز الدين ايبك " و"شجرة الدر"...
هانيبال؛ تعرفيهم؟
عروبه بضحكه: ايه ...تبيني نحكيلك قصتهم..
هانيبال قعد يشبح لعيونها بإبتسامه حب💕
وهي ديما تنأسر في هالنظرات 💖💖💖
الأبله : من يبي يخش الإختبار...
زوز بس رفعو ايديهم والأغلبيه تفاجئوا لما شافوهم..
💗عروبه...وهانيبال...
أو...
💕أيبك وشجرة الدر..💕
...يتبع....
