#العشق_المتمرد
#جمان_فريد
الجزء92
..🌟
ﻓﺘﺤﺖ ﺍﻟﺨﻂ ﻭﺭﺩﺕ ﺑﺼﻮﺕ ﻧﺒﺮﺓ ﺍﻟﻔﺮﺡ ﻭﺍﺿﺢ ﻓﻴﻪ : ﻳﺎﻫﻼ ﺑﺎﻟﻠﻲ ﻧﺎﺳﻴﻨﺎ .
ﺍﺑﺘﺴﻤﺖ ﺭﻓﻘﻪ ﺑﺈﺳﺘﻐﺮﺍﺏ : ﻳﺒﺎﻥ ﺟﻮﻙ ﻣﻠﻴﺢ !
ﺿﺤﻜﺖ ﺭﺯﺍﻥ ﻭﻗﺎﻟﺖ : ﻭﺍﺟﺪ ﻳﺎﺭﻭﻓﻲ .. ﻭﺍﻟﻠﻪ ﻣﻦ ﺍﻟﻔﺮﺡ ﻟﻴﻦ ﻣﻌﺎﺩ ﺧﺎﻃﺮﻱ ﻧﺪﺱ ﺷﻲ ﻟﻴﻦ ﺧﺎﻃﺮﻱ ﻧﻘﻮﻟﻬﺎﻟﻪ ﻧﺤﺒﻚ ﻧﻤﻮﺕ ﻓﻴﻚ ﻳﺎﻋﻤﺪﺓ ﻗﻠﺒﻲ ﻉ ﻗﻮﻟﺘﻪ ﻫﻬﻬﻬﻬﻬﻪ ...
ﺭﻓﻘﻪ ﻗﻠﺒﻬﺎ ﺍﻧﻮﺟﻊ ﻉ ﺍﻵﺧﺮ ﻫﻲ ﻛﺎﻧﺖ ﻧﺎﻭﻳﻪ ﻓﻬﺎﻹﺗﺼﺎﻝ ﺗﻘﻮﻟﻠﻬﺎ ﻷﻥ ﺿﻤﻴﺮﻫﺎ ﻣﺶ ﻣﺮﻳﺤﻬﺎ ﻃﻮﻝ ﻣﺎﻫﻲ ﺳﺎﻛﺘﻪ .. ﺑﺲ ﻧﺒﺮﺓ ﺍﻟﻔﺮﺡ ﺍﻟﻠﻲ ﻓﺼﻮﺕ ﺭﺯﺍﻥ ﺿﺤﻜﺔ ﺭﺯﺍﻥ ﺣﻤﺎﺳﻬﺎ .. ﺍﻭﻝ ﻣﺮﺓ ﺭﺯﺍﻥ ﺗﻜﻮﻥ ﻫﻜﻲ ﻓﺮﻓﻮﺣﻪ ﻓﺮﻓﻮﺷﻪ ﻭﺗﻀﺤﻚ ﺑﻔﺮﺡ ..
ﺗﺨﻴﻠﺖ ﻟﻮ ﻗﺎﻟﺖ ﺷﻦ ﺣﻴﺼﻴﺮ ﻓﻴﻬﺎ !! ﺣﻴﺼﻴﺮﻟﻬﺎ ﺯﻱ ﺍﻟﻠﻲ ﻛﺎﻥ ﻣﺮﻓﻮﻉ ﻟﺴﺎﺑﻊ ﺳﻤﻲ ﻭﻓﺠﺄﺓ ﻧﺰﻝ ﻟﺴﺎﺑﻊ ﺍﺭﺽ ..
ﺭﺯﺍﻥ : ﺍﻟﻮ .. ﺭﻭﻓﻲ ..
ﺑﻠﻌﺖ ﺭﻳﻘﻬﺎ ﻭﻗﺎﻟﺖ : ﻣﻌﺎﻙ ﺭﻭﺯﻱ .. ﻗﺼﺪﻙ ﻋﻤﺎﺩ ﻏﺎﺩﻱ . ؟ !
ﺭﺯﺍﻥ ﺑﺈﺑﺘﺴﺎﻣﻪ؛ﺍﻳﻪ ﺟﻲ ﺑﻜﺮﻱ ﺷﻮﻱ .
ﺭﻓﻘﻪ ﺍﺑﺘﺴﻤﺖ ﺑﺄﻟﻢ ﻭﻗﺎﻟﺖ ﻣﺠﺎﻣﻠﺔ : ﻳﺎﻓﺮﺣﺘﻚ ..
ﺭﺯﺍﻥ ﺑﻀﺤﻜﻪ : ﻭﺍﺟﺪ ﻓﺮﺣﺎﻧﻪ .. ﺗﻨﻬﺪﺕ ﻭﻗﺎﻟﺖ .. ﻳﺎﺭﻳﺖ ﻣﻦ ﺍﻟﺒﺪﺍﻳﻪ ﻋﻄﻴﺘﻪ ﻓﺮﺻﻪ .. ﺗﻌﺮﻓﻲ ﻗﺮﺑﻲ ﻣﻨﻪ ﺧﻼﻧﻲ ﻧﺸﻮﻑ ﺍﻥ ﺍﻟﺪﻧﻴﺎﺳﻤﺤﻪ ﻭﺍﺟﺪ ﻃﻴﺒﺔ ﻗﻠﺒﻪ ﻭﺑﻴﺎﺽ ﻧﻴﺘﻪ ﻭﺩﻣﻪ ﺍﻟﺨﻔﻴﻒ ﻭﺍﻟﻠﻪ ﺣﺘﻰ ﺍﻟﻜﺪﺭ ﻧﺴﻴﺖ ﺷﻦ ﺷﻜﻠﻪ ﻣﻌﺎﻩ ..
ﺭﻓﻘﻪ ﺗﺴﻤﻊ ﻓﻲ ﺍﻟﻜﻼﻡ ﻭﺣﺴﺖ ﺭﺯﺍﻥ ﻣﻨﺪﻓﻌﻪ ﻫﻠﺒﻪ ﺑﻤﺸﺎﻋﺮﻫﺎ ﻳﻌﻨﻲ ﻛﺄﻧﻬﺎ ﻛﺎﻧﺖ ﻛﺎﺑﺘﺘﻬﺎ ﻭﻗﺖ ﻃﻮﻳﻞ ﻭﻟﻤﺎ ﺍﻓﺮﺟﺖ ﻋﻨﻬﺎ ﻫﺎﻟﻤﺸﺎﻋﺮ ﺍﻧﻄﻠﻘﺖ ﺑﻜﻞ ﻗﻮﺓ .. ﺍﺑﺘﺴﻤﺖ ﺑﺄﻟﻢ ﻣﻦ ﺟﺪﻳﺪ ﻭﻗﺎﻟﺖ : ﺭﺑﻲ ﻳﺨﻠﻴﻜﻢ ﻟﺒﻌﺾ ﺭﻭﺯﻱ ..
ﺍﺑﺘﺴﻤﺖ ﺭﺯﺍﻥ ﺑﺨﺠﻞ ﻭﻗﺎﻟﺖ : ﻳﺎﺍﺍﺭﺏ .
ﺭﻓﻘﻪ : ﺍﺣﻤﻢ .. ﺑﺲ ﺑﺮﺿﻮ ﺧﻠﻴﻚ ﺯﻱ ﻗﺒﻞ ﻣﺜﻘﻠﻪ ﺭﻭﺣﻚ ﻋﻠﻴﻪ ﺷﻮﻳﻪ ﻫﻮ ﺍﻛﺜﺮ ﺷﻲ ﻳﺤﺒﻪ ﻓﻴﻚ ﺭﺯﺍﻧﺘﻚ ..
ﺭﺯﺍﻥ؛ﻣﻦ ﻏﻴﺮ ﻣﺎﺗﻘﻮﻟﻲ .. ﺍﺻﻼ ﻧﺤﺐ ﺭﺩﺍﺕ ﻓﻌﻠﻪ ﻟﻤﺎ ﻧﺸﺤﻄﻪ ﻣﻌﺎﻳﺎ ..
ﺿﺤﻜﺖ ﻣﺠﺎﻣﻠﻪ ﻭﻗﺎﻟﺖ : ﺣﻠﻮ .. ﺗﻤﺎﻡ ﺍﻧﻲ ﺗﻮﺍ ﺑﻨﺼﻜﺮ ﺑﻨﻤﺸﻲ ﻧﻜﻤﻞ ﺑﺎﻗﻲ ﺍﻟﻌﻮﺍﻟﻪ .. ﻛﻞ ﺳﻨﻪ ﻭﺍﻧﺘﻲ ﻃﻴﺒﻪ ﺭﻭﺯﻱ ..
ﺭﺯﺍﻥ ﺑﺈﺑﺘﺴﺎﻣﻪ : ﻛﻞ ﻋﺎﻡ ﻭﺍﻧﺘﻲ ﺑﺨﻴﺮ ..
ﺭﻓﻘﻪ : ﺳﻼﻡ ..
ﺭﺯﺍﻥ : ﺳﻼﻡ ... ﻭﺻﻜﺮﺕ ..
ﺗﻨﻬﺪﺕ ﺑﺈﺑﺘﺴﺎﻣﻪ ﺑﻌﺪﻳﻦ ﺣﻄﺖ ﺍﻟﺘﻠﻴﻔﻮﻥ ﻉ ﺍﻟﻜﺎﻣﺪﻳﻨﻮ ﻭﻣﺸﺖ ﺧﺪﺕ ﺍﻟﻜﻴﺴﻪ ﻭﻃﻠﻌﺖ ﺑﻴﻬﺎ ﻣﻦ ﺍﻟﺪﺍﺭ ﻭﺧﺸﺖ ﺍﻟﻜﻮﺟﻴﻨﻪ ..
ﺍﻣﻬﺎ ﻛﻴﻒ ﻃﻔﺖ ﻉ ﺍﻟﺸﺮﺑﻪ .. ﺍﻟﺘﻔﺘﺖ ﻭﺷﺒﺤﺘﻠﻬﺎ ..
ﺍﺑﺘﺴﻤﺖ ﻭﻗﺎﻟﺖ : ﺍﺷﻴﻪ ﻳﺎﺣﻨﻪ ﻫﺪﻯ ﺷﻨﻮ ..
ﺭﺯﺍﻥ ﺑﺨﺠﻞ : ﻫﺪﻯ ﻣﻦ ﻧﺴﻴﺒﻚ ..
ﺳﻌﻴﺪﻩ ﺑﺈﺑﺘﺴﺎﻣﻪ : ﻧﺴﻴﺐ ﺍﻟﻔﺮﻭﺡ .. ﺭﺑﻲ ﻳﺤﻔﻈﻪ ﻳﺎﺭﺏ ﻭﻳﺘﻤﻢ ﻋﻠﻴﻜﻢ ﺑﺎﻟﺨﻴﺮ ..
ﻗﺮﺑﺖ ﻣﻦ ﺑﻨﺘﻬﺎ ﻭﺑﺎﺳﺘﻬﺎ ﻣﻦ ﺧﺪﻫﺎ ﻭﻗﺎﻟﺖ : ﺭﺍﺱ ﺑﻨﻴﻪ ﻏﺰﺍﻟﺔ ﺍﻣﻬﺎ ﻭﺭﺑﻲ ﻃﻤﻨﻬﺎ ﻋﻠﻴﻬﺎ ﻭﺧﻼ ﺭﺍﺟﻞ ﻛﻴﻒ ﻋﻤﺎﺩ ﻧﺴﻴﺒﻬﺎ .
ﺭﺯﺍﻥ ﻛﺎﻧﺖ ﻣﺒﺘﺴﻤﻪ ﺑﺨﺠﻞ ﻃﻮﻝ ﺍﻟﻮﻗﺖ ..
ﺍﻣﻬﺎ ﺿﺤﻜﺖ .. ﻭﻣﺸﺖ ﻃﻠﻌﺖ ﻣﻦ ﺣﺪﺍﻫﺎ ..
ﻭﺭﺯﺍﻥ ﺗﺘﺄﻣﻞ ﻓﻲ ﺍﻟﺸﺎﻣﻴﻪ ﻭﺍﻟﺸﻜﻼﻃﻪ ﺑﺤﺐ ..
🍁🍁🍁🍁🍁
ﻗﺒﻞ ﺍﻟﻤﻐﺮﺏ ﺑﺨﻤﺲ ﺩﻗﺎﻳﻖ ..
ﻛﺎﻧﻮﺍ ﻛﻠﻬﻢ ﻣﻮﺟﻮﺩﻳﻦ ...
ﺟﻬﺰﻭﺍ ﺻﻔﺮﺓ ﺍﻟﺮﺟﺎﻟﻪ ﻓﻲ ﺍﻟﻤﺮﺑﻮﻋﻪ ..
ﻭﺍﻟﻨﺴﺎﻭﻳﻦ ﻓﻲ ﺍﻟﺼﺎﻟﻪ ..
ﻉ ﺿﻲ ﺍﻟﻤﻮﻟﺪ ﺑﻴﻔﻄﺮﻭﺍ ...
ﺑﺲ ﻓﻲ ﺷﻲ ﻣﺴﺘﻔﺰ ﻉ ﺻﻔﺮﺓ ﺍﻟﻨﺴﺎﻭﻳﻦ ..
ﺍﻟﺼﻐﺎﺭ ...
ﺻﻐﺎﺭ ﺍﻟﻬﺎﺩﻱ ..
ﻳﻤﺴﻮﺍ ﻭﻳﻠﺒﺰﻭﺍ ...
ﻭﺍﻣﻬﻢ ﺗﻜﺸﺦ ﻭ ﺗﻌﺎﺭﻙ ﻟﻜﻦ ﻫﻤﺎ ﺷﻲ ..
ﻋﻜﺲ ﻗﺼﻲ ﺍﻟﻠﻲ ﻛﺎﻥ ﻣﻘﻌﻤﺰ ﺣﺪﺍ ﺍﻣﻪ ﻭﻣﺎﺗﺤﺮﻛﺶ ﺑﻜﻞ ..
ﺍﻟﻮﺿﻊ ﺍﺳﺘﻔﺰﻫﻢ ﻛﻠﻬﻢ ..
ﺑﺲ ﺍﻛﺜﺮ ﻣﻦ ﺍﺳﺘﻔﺰ " ﺑﻀﻢ ﺍﻷﻟﻒ " ﺍﻟﺤﺎﺟﻪ ﻓﺎﻃﻤﻪ ..
🕌 ﺁﺫﻥ ﺍﻟﻤﻐﺮﺏ ...
ﻭﺍﻟﻠﻲ ﻛﺎﻥ ﻳﺄﺫﻥ ﺍﻟﺤﺎﺝ ﻋﺒﻮﺩﺓ ..
ﻭﻣﻌﺮﻭﻑ ﺁﺫﺍﻧﻪ ﻣﻦ ﺯﻣﺎﻥ ..
ﻫﻤﺎ ﺧﺪﻭﺍ ﻋﻠﻴﻪ ﻋﺎﺩﻱ ..
ﺑﺲ ﺳﻤﻴﻪ ﻭﺑﻜﻞ ﻭﻗﺎﺣﻪ ﺿﺤﻜﺖ ﻗﺪﺍﻡ ﻣﺮﺍﻡ ..
ﺳﻌﻴﺪﻩ ﺷﺒﺤﺘﻠﻬﻢ ﺍﻟﺰﻭﺯ ..
ﻣﺮﺍﻡ ﻻﺣﻈﺖ ﺑﺲ ﺗﺠﺎﻫﻠﺖ .. ﻭﺑﺮﻏﻢ ﻫﺪﺍ ﻧﺰﻟﺖ ﺍﻟﺘﻤﺮﺓ ﺑﺎﻟﻠﺒﻦ ﻓﻲ ﺑﻄﻨﻬﺎ ﺗﻘﻮﻝ ﺳﻢ ..
ﻭﻏﺎﻟﻴﻪ ﺗﺎﻛﻞ ﻭﻫﻲ ﺗﻐﻠﻲ ﻣﻦ ﺍﻟﻠﻘﻄﻪ ..
ﻭﺍﻟﺤﺎﺟﻪ ﻓﺎﻃﻤﻪ ﺭﻗﻴﺘﻠﻬﺎ ..
ﺷﻮﻳﻪ ﻭﻓﺆﺍﺩ ﻭﻟﺪﻫﺎ .. ﺧﺪﻱ ﺗﻤﺮﻩ ﺣﻄﻬﺎ ﻓﻔﻤﻪ ﺑﻌﺪﻳﻦ ﻃﻠﻌﻬﺎ ﻭﺣﻄﻬﺎ ﻓﻄﺎﺳﺔ ﺍﻟﻠﺒﻦ ﻣﺘﺎﻉ ﺟﺪﺍﻩ ...
ﻓﺎﻃﻤﻪ ﺑﻨﺮﻓﺰﺓ : ﺷﻨﻮ ﻫﺪﻯ ﺷﻨﻮ !! ﺷﺪﻱ ﻭﻟﺪﻙ ﻳﺎﺳﻤﻴﻪ ﺧﻠﻴﻨﺎ ﻧﻔﻄﺮﻭﺍ ﻛﻴﻒ ﺍﻟﻌﺎﻟﻢ ﻭﺍﻟﻨﺎﺱ ..
ﺳﻤﻴﻪ ﺍﻧﺤﺮﺟﺖ ﻫﻠﺒﻪ ﺷﺪﺕ ﻭﻟﺪﻫﺎ ﻭﺿﺮﺑﺎﺗﻪ ﻉ ﻳﺪﻩ ﺑﺎﻟﻘﻮﺓ ﻭﻫﻮ ﻗﻌﺪ ﻳﺒﻜﻲ ..
ﺍﻟﻤﻬﻢ ﺍﻥ ﺍﻟﻔﻄﻮﺭ ﻣﺸﻲ ﺑﺎﻟﻨﻜﺪ ...
🍁🍁🍁🍁
ﻃﺒﻌﺎ ﻫﻲ ﺍﻟﻌﺎﺩﻩ ﻣﺎﺗﻐﻴﺮﺗﺶ ..
ﻳﺤﻄﻮﺍ ﺑﻌﺪ ﺻﻼﺓ ﺍﻟﻤﻐﺮﺏ ﺷﺮﺑﻪ ﻭﺳﻼﻃﻪ ..
ﻭﺑﻌﺪ ﻳﺮﻭﺣﻮﺍ ﻣﻦ ﺍﻟﺘﺮﻭﺍﻳﺢ ﻳﺤﻄﻮﻟﻬﻢ ﺍﻟﻌﺸﻲ ...
ﻓﻲ ﺍﻟﻜﻮﺟﻴﻨﻪ ..
ﺭﺯﺍﻥ ﺑﻌﺪ ﺻﻠﺖ ﺍﺳﺘﻐﻠﺖ ﻓﺮﺻﺔ ﺍﻥ ﺍﻟﺒﺎﻗﻲ ﻣﺎﺯﺍﻝ ﻳﺼﻠﻮﺍ ..
ﻭﻃﻮﻝ ﻣﺸﺖ ﻟﻠﻜﻮﺟﻴﻨﻪ ﺑﺶ ﺗﺎﻛﻞ ﻣﻦ ﺍﻟﺸﺎﻣﻴﻪ ..
💕 ﻓﺘﺤﺖ ﺍﻟﺤﻜﻪ ﻭﺧﺪﺕ ﻣﻨﻬﺎ ..
ﻭﻗﻌﺪﺕ ﺗﺎﻛﻞ ﻭﻫﻲ ﺗﺘﻠﺬﺫ ﻓﻲ ﺍﻟﺤﺐ ﻣﻊ ﻟﺬﺓ ﺣﻼﻭﺓ ﻃﻌﻢ ﺷﻮﻳﻪ ..
" ﻋﺠﺒﺎﺗﻚ .."
ﻗﻠﺒﻬﺎ ﺩﻕ ﺑﻌﻨﻒ ﺷﺪﻳﺪ ..
ﺍﻟﺘﻔﺘﺖ ﻭﺷﺒﺤﺘﻠﻪ ﻭﻗﺎﻟﺖ : ﺍﻣﻤﻢ ..
ﻫﻮ ﺍﺑﺘﺴﻢ ﻭﺧﺪﻱ ﺑﻴﺪﻩ ﻣﻨﻬﺎ ..
ﺭﺯﺍﻥ ﺿﺮﺑﺎﺗﻪ ﻉ ﻳﺪﻩ ﺑﺎﻟﻜﺎﺷﻴﻚ ﺿﺮﺑﻪ ﺧﻔﻴﻔﻪ : ﻣﺶ ﺑﻴﺪﻙ ﻳﺎﺑﺎﺭﺩ ..
ﻋﻤﺎﺩ : ﺍﻣﻤﻢ .. ﺗﻌﺎﻓﻲ ﻓﻴﺎ ﻳﺎﻣﻠﻌﻘﻪ ﻳﺎﻣﺴﻤﻮﻣﻪ !!
ﺭﺯﺍﻥ : ﺍﻧﻲ ﻋﻴﺎﻓﻪ ﺑﻄﺒﻌﻲ ..
ﺧﺪﻱ ﻣﺮﺓ ﺗﺎﻧﻴﻪ ﻭﻛﻠﻲ ﺑﻌﺪﻳﻦ ﻗﺎﻝ : ﻋﺎﻓﻲ ﺍﻟﻜﻞ ﺍﻻ ﺍﻧﻲ ..
ﺷﺒﺤﺘﻠﻪ ﻛﻴﻒ ﻳﺎﻛﻞ ﻓﻴﻬﺎ ﻗﻌﺪﺕ ﺗﺘﺄﻣﻞ ﻓﻴﻪ ..
ﻫﻮ ﺷﺒﺤﻠﻬﺎ ..
ﺗﺒﺖ ﻉ ﻟﻘﻄﻪ ﻭﻫﻮ ﻳﺸﻮﻑ ﻟﻨﻈﺮﺓ ﻋﻴﻮﻧﻬﺎ ..
ﻗﺪﺍﺵ ﻛﺎﻧﺖ ﺣﻠﻮﺓ 💞..
ﻓﺠﺄﺓ ..
" ﺍﺣﻤﻤﻢ .. ﺣﻤﻢ .."
ﺍﻟﺰﻭﺯ ﺍﻧﺘﻔﻀﻮﺍ ﻣﻦ ﺍﻟﺨﻠﻌﻪ ﺍﻟﺘﻔﺘﻮﺍ ﻭﺗﺨﺰﺭﻃﻮﺍ ﻣﺮﺓ ﻭﺣﺪﻩ ﻟﻤﺎ ﺷﺎﻓﻮﺍ ﺍﻟﻠﻲ ﻭﺍﻗﻒ ﻓﻲ ﺍﻟﺒﺎﺏ ..
ﻫﺎﻧﻴﺒﺎﻝ : ﺷﻦ ﻋﻨﺪﻙ ﻫﻨﻰ ﺍﻧﺖ !! ﺗﺴﻘﺪ ﺳﻠﻢ ﻭﻟﺪﻱ ﻫﻲ ..
ﻋﻤﺎﺩ ﺍﺑﺘﺴﻢ ﺑﺈﺣﺮﺍﺝ .. ﻣﺸﻲ ﻭﻗﻒ ﻉ ﺍﻟﻼﻭﻧﺪﻳﻨﻮ ﻳﻐﺴﻞ ﻓﻲ ﺍﻳﺪﻳﻪ ..
ﻭﺭﺯﺍﻥ ﻣﻴﺘﻪ ﻣﻦ ﺍﻹﺣﺮﺍﺝ
ﻉ ﺟﻴﺔ ﻣﺮﺍﻡ : ﺗﺮﺍ ﻫﺎﻧﻴﺒﺎﻝ ﺷﻮﻱ
ﺷﺒﺤﻠﻬﺎ ﻭﺍﺑﺘﺴﻢ ..
ﻭﻫﻲ ﺍﺑﺘﺴﻤﺖ ﺑﺨﺠﻞ ..
ﻋﻤﺎﺩ ﻭﻫﻮ ﺟﺎﻱ ﺑﻴﻄﻠﻊ : ﺍﺣﻤﻤﻢ ﺣﻤﻢ .. ﺷﻦ ﻋﻨﺪﻙ ﻫﻨﻲ ﻳﺎﺧﺎﻝ .. ﻫﻲ ﻧﺘﺴﻘﺪﻭﺍ ﺟﻤﻴﻊ ..
ﺭﺯﺍﻥ ﻏﻠﺒﺘﻬﺎ ﺍﻟﻀﺤﻜﻪ ..
ﻭﻋﻤﺎﺩ ﻭﻫﻮ ﻃﺎﻟﻊ .. ﻛﻠﻲ ﻋﺰﻗﻪ ﻉ ﻇﻬﺮﻩ ﻣﻦ ﺧﺎﻟﻪ ﺍﻟﻠﻲ ﻛﺎﻥ ﻳﻀﺤﻚ ﺑﺈﺣﺮﺍﺝ ..
ﻋﻤﺎﺩ : ﺍﺍﺍﺍﻩ .. ﻫﻬﻬﻬﻬﻬﻬﻬﻬﻬﻬﻪ ..
ﺭﺯﺍﻥ ﺣﺴﺘﻬﺎ ﻓﻮﺳﻂ ﻗﻠﺒﻬﺎ ..
ﻣﺸﻮﺍ ﺍﻟﺰﻭﺯ ..
ﻭﻣﺮﺍﻡ ﺟﺖ ﻟﺮﺯﺍﻥ ﻭﻫﻲ ﺗﻀﺤﻚ : ﻫﻲ ﻧﺒﺪﻭﺍ ..
ﺭﺯﺍﻥ ﺍﺑﺘﺴﻤﺖ ﺑﺨﺠﻞ : ﻫﻲ ...
🍁 ﻭﺑﺪﻭﺍ ﻣﺮﺍﻡ ﻭﺭﺯﺍﻥ ﻳﺠﻬﺰﻭﺍ ﻓﻲ ﺍﻟﺼﻔﺮ ﻣﻊ ﺑﻌﺾ ..
ﻭﺟﺖ ﻏﺎﻟﻴﻪ ﺑﻌﺪ ﻛﻤﻠﺖ ﺻﻼﺓ ﻛﻤﻠﺖ ﻣﻌﺎﻫﻢ ﻭﻓﻴﺴﻊ ﺗﻤﻮﺍ ..
ﻭﺟﻮ ﺑﻌﺪﻳﻦ ﺍﻟﻮﻻﺩ ﺭﻓﻌﻮﺍ ﺻﻔﺮﺍﻫﻢ ..
ﻭﺍﻟﻨﺴﺎﻭﻳﻦ ﺻﻔﺮﺗﻬﻢ ..
ﻭﻃﺒﻌﺎ ﺍﻟﻨﺴﺎﻭﻳﻦ ﻳﺤﻄﻮﺍ ﻣﻦ ﻛﻞ ﺷﻲ
ﻫﺎﻟﻤﺮﺓ ﺳﻤﻴﻪ ﺑﺎﻟﺴﻴﻒ ﻣﻘﻌﻤﺰﺓ
ﺗﺎﻛﻞ .. ﻭﺷﺎﺩﻩ ﺻﻐﺎﺭﻫﺎ .. ﺍﻟﻠﻲ ﻳﻔﻜﺮ ﻳﻘﺮﺏ ﺗﺨﺒﻄﻪ ..
ﻭﺍﻟﺒﺎﻗﻲ ﻳﻬﺪﺭﺯﻭﺍ ﻭﻫﻤﺎ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ﻭﺟﻮﻫﻢ ﻣﻠﻴﺢ ..
ﺍﻛﺜﺮ ﺍﻟﻠﻲ ﻏﺎﺽ ﺳﻤﻴﻪ ﻫﻮ ﺟﻮ ﺳﻌﻴﺪﻩ ﻭﻣﺮﺍﻡ ﻣﻊ ﺑﻌﺾ ﻛﺎﻥ ﻣﻠﻴﺢ ..
ﺑﺮﻏﻢ ﺍﻧﻬﺎ ﺭﺩﺗﻬﻢ ﻗﺒﻞ ﻟﻤﺎ ﺟﻮﻫﺎ ﻳﺨﻄﺒﻮﺍ ﻓﻴﻬﺎ ﻭﺗﻮﻗﻌﺖ ﺍﻥ ﺳﻌﻴﺪﻩ ﺯﻳﻬﺎ ﻣﺶ ﺣﺘﻜﻮﻥ ﻃﺎﻳﻘﻪ ﻣﺮﺍﻡ ﻟﻜﻦ ﺍﻟﻠﻲ ﺻﺎﺭ ﺍﻟﻌﻜﺲ ﻭﻫﺎﻟﺸﻲ ﺻﺪﻣﻬﺎ ..
🍁🍁🍁🍁
ﺷﻮﻳﻪ ﻭﺍﺫﻥ ﺍﻟﻌﺸﻲ ﻭﻭﺗﻮﺍ ﺍﻟﺮﺟﺎﻟﻪ ﺭﻭﺍﺣﻬﻢ ﻟﺼﻼﺓ ﺍﻟﺘﺮﺍﻭﻳﺢ ..
ﻓﻲ ﺍﻟﻮﻗﺖ ﺍﻟﻠﻲ ﻓﻴﻪ ﻛﺎﻧﻮﺍ ﺭﺯﺍﻥ ﻭﻣﺮﺍﻡ ﻳﻐﺴﻠﻮﺍ ﻓﻲ ﺍﻟﻤﺎﻋﻴﻦ ﻭﻳﻬﺪﺭﺯﻭﺍ ﻣﻊ ﺑﻌﺾ ..
ﻣﺮﺍﻡ : ﺑﺮﻏﻢ ﺍﻥ ﻣﺴﺘﻮﺍﻙ ﻣﻤﺘﺎﺯ ﺭﺯﺍﻥ ..
ﺭﺯﺍﻥ : ﺍﻳﻪ ﺑﺲ ﺑﺼﺮﺍﺣﻪ ﻧﺤﺐ ﻛﻞ ﺷﻲ ﻟﻴﻪ ﻋﻼﻗﻪ ﺑﺎﻟﻜﻤﺒﻴﻮﺗﺮ ﻭﺭﻏﺒﺘﻲ ﻣﻦ ﺍﻹﻋﺪﺍﺩﻱ ﻧﺘﺨﺼﺺ ﺣﺎﺳﺐ ..
ﻣﺮﺍﻡ : ﺣﻠﻮ ﺍﻫﻢ ﺷﻲ ﺍﻧﺘﻲ ﺭﺍﻏﺒﺘﻴﻪ ﻭﺗﺤﺒﻴﻪ ﺣﺘﻨﺠﺤﻲ ﻓﻴﻪ ﻭﺍﺟﺪ ..
ﺭﺯﺍﻥ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ ..
ﺷﻮﻳﻪ ﻭﻭﻗﻒ ﻉ ﺍﻟﺮﻭﺷﻦ ..
ﻫﻮ ﻳﺒﻲ ﻳﺸﻮﻓﻬﺎ ﻭﺧﻼﺹ ﺑﻴﺪﻭﺭ ﺍﻟﻒ ﻃﺮﻳﻘﻪ ﻭﺳﺒﻠﻪ ﺑﺶ ﻳﺸﻮﻓﻬﺎ ..
ﻋﻤﺎﺩ : ﻣﻌﻠﻴﺸﻲ ﻣﺮﺕ ﺧﺎﻟﻲ ﻃﺎﺳﺔ ﻣﻴﻪ ..
ﺭﺯﺍﻥ : ﺗﻮ ﻧﺠﻴﺒﻬﺎ ﺍﻧﻲ ..
ﻣﺮﺍﻡ ﻓﺎﻫﻤﻪ ﺍﻟﺠﻮ : ﻻ ﺍﻧﻲ ﺗﻮ ﻧﺠﻴﺒﻬﺎ ﻃﻠﺒﻬﺎ ﻣﻨﻲ ﺧﻠﻴﻚ ﺍﻧﺘﻲ ..
ﻃﻮﻝ ﻣﺮﺍﻡ ﻣﺼﻤﺼﺖ ﺍﻳﺪﻳﻬﺎ ﻭﺧﺪﺕ ﻃﺎﺳﻪ ﻭﻣﺸﺖ ﻟﻠﻄﺮﻣﺲ ..
ﻭﺭﺯﺍﻥ ﺗﻜﺪ ﻭﺗﺸﻮﻓﻠﻪ ..
ﻭﻫﻮ ﻣﺘﻜﻲ ﺑﺈﻳﺪﻳﻪ ﻉ ﺣﺪﻳﺪ ﺍﻟﺮﻭﺷﻦ ﻭﻳﺸﻮﻓﻠﻬﺎ ..
ﺍﺑﺘﺴﻤﺖ ..
ﻫﻮ ﺍﺑﺘﺴﻢ ﻭﻏﻤﺰ ﺑﻌﻴﻨﻪ ..
ﻫﻲ ﻧﺰﻟﺖ ﻋﻴﻮﻧﻬﺎ ﻭﻫﻲ ﻣﺒﺘﺴﻤﻪ ﺍﺑﺘﺴﺎﻣﻪ ﺣﻠﻮﺓ ..
ﻭﻣﺮﺍﻡ ﺗﻌﺒﻲ ﻓﻲ ﻃﺎﺳﺔ ﺍﻟﻤﻴﻪ ﻉ ﺍﻗﻞ ﻣﻦ ﻣﻬﻠﻬﺎ ..
ﺑﻌﺪ ﺗﻌﺒﺖ ﺍﻟﻄﺎﺳﻪ ...
ﺟﺖ ﻣﺮﺍﻡ ﻟﻌﻤﺎﺩ ﺑﺎﻟﻄﺎﺳﻪ ..
ﻋﻤﺎﺩ : ﻋﺒﻴﺘﻴﻬﺎ ..
ﻣﺮﺍﻡ ﺑﻀﺤﻜﻪ : ﻛﻴﻒ ﻣﺎﺗﺸﻮﻑ ..
ﺧﺪﺍﻫﺎ ﻭﺑﺪﻱ ﻳﺸﺮﺏ ..
" ﻋﻤﺎﺍﺍﺍﺍﺍﺩ .."
ﺑﻌﺪ ﺍﻟﻄﺎﺳﻪ ﻭﻗﺎﻝ : ﺍﻣﻤﻢ .. ﻫﻴﻲ ﺟﺎﺍﺍﻱ ﺟﺎﺍﺍﻱ ..
ﺣﻂ ﺍﻟﻄﺎﺳﻪ ﻭﻫﻮ ﻳﺸﻮﻑ ﻟﺮﺯﺍﻥ ﺑﻌﺪﻳﻦ ﻣﺸﻲ ﻃﻮﻝ ...
ﺷﺎﻓﺖ ﻣﺮﺍﻡ ﻟﺮﺯﺍﻥ ﻭﺍﺑﺘﺴﻤﺖ ﻭﺭﺯﺍﻥ ﻛﺎﻧﺖ ﺗﻜﺪ ﻭﻫﻲ ﻣﺒﺘﺴﻤﻪ ﻭﺳﺮﺣﺎﻧﻪ 💕..
🍁🍁🍁🍁🍁
ﻛﺎﻧﺖ ﺗﺸﻮﻓﻠﻬﺎ ﻛﻴﻒ ﻭﺍﻗﻔﻪ ﺗﻐﺴﻞ ﻓﻲ ﺍﻟﻤﺎﻋﻴﻦ ﻭﻫﻲ ﺳﺎﺭﺣﻪ ..
ﺍﺑﺘﺴﻤﺖ ﺑﺨﺒﺚ ﻭﻗﺎﻟﺖ : ﺍﻟﻠﻲ ﻭﺍﺧﺪ ﻋﻘﻠﻚ ﻳﺎﺩﻭﺩﻭ ..
ﻫﻲ ﺗﺠﺎﻫﻠﺖ ..
ﻋﺰﻳﺰﺓ : ﻣﺴﺘﺎﺣﺸﻪ ﻣﺎﻣﺎ !! ﻣﺎﻣﺎ ﺍﻟﻠﻲ ﻋﺪﺕ ﺗﺰﻭﺟﺖ ﺭﺍﺟﻞ ﺗﺎﻧﻲ ﻭﻗﺎﻟﺖ ﻟﺒﻮﻙ ﺗﻌﺎﻝ ﺍﺭﻓﻌﻬﺎ ..
ﺣﺪﻫﻢ ﺑﺪﺕ ﺗﻌﺼﺐ ﻭﺗﻐﺴﻞ ﻓﻲ ﺍﻟﻤﺎﻋﻴﻦ ﺑﺸﻲ ﻣﻦ ﺍﻟﻌﻨﻒ ..
ﻻﺣﻈﺘﻬﺎ ﻭﺯﺍﺩﺕ ﺍﻟﻌﻴﺎﺭ : ﻟﻮ ﻛﻨﺖ ﻣﻨﻚ ﺍﻣﻲ ﺍﻷﻧﺎﻧﻴﻪ ﻫﺪﻱ ﻧﻤﺴﺤﻬﺎ ﻣﻦ ﺣﻴﺎﺗﻲ ﻣﺮﺓ ﻭﺣﺪﻩ ﺍﻟﻠﻲ ﻓﻀﻠﺖ ﺍﻟﺮﺍﺟﻞ ﻋﻠﻴﺎ .. ﻟﻜﻦ ﺭﺍﻭﻳﻪ ﻋﻤﺮﻫﺎ ﻣﺎﻛﺎﻧﺖ ﻣﺮﺍﺓ ﻣﻘﻮﻣﻪ ﺑﻴﺶ ﺗﻜﻮﻥ ﺍﻡ ﻛﻮﻳﺴﻪ ..
ﺣﺪﻫﻢ ﻭﺻﻠﺖ ﻋﻨﺪﻫﺎ ﺣﺪﻫﺎ ﺧﺪﺕ ﻛﺮﻭﺍﻧﻪ ﺍﻟﻐﺴﺎﻟﻪ .. ﻭﺑﺰﻋﺘﻬﺎ ﻉ ﻋﺰﻳﺰﺓ ..
ﻋﺰﻳﺰﺓ ﺷﻬﻘﺖ ﺑﺼﻮﺕ ﻋﺎﻟﻲ ..
ﻭﺣﺪﻫﻢ ﺗﺸﻮﻓﻠﻬﺎ ﺑﻐﻞ ..
ﻋﺰﻳﺰﺓ : ﻳﺎﻣﺴﺨﻪ ... ﻗﺪﻣﺘﻠﻬﺎ ﻭﺿﺮﺑﺘﻬﺎ ﻛﻒ ..
ﺣﺪﻫﻢ ﻣﻦ ﻛﺜﺮ ﻣﺎﻛﺎﻧﺖ ﻣﻀﻐﻮﻃﻪ ..
ﻋﻴﻄﺖ ﺑﺼﻮﺕ ﻋﺎﻟﻲ ..
ﻗﻌﺪﺕ ﺗﻌﻴﻂ ﻭﺗﻌﻴﻂ ..
ﻭﻋﺰﻳﺰﺓ ﺗﺸﻮﻓﻠﻬﺎ ﺑﺼﺪﻣﻪ ..
ﺣﻨﺎﻫﺎ ﻗﻄﻌﺖ ﺍﻟﺼﻼﺓ ﻭﻣﺸﺘﻠﻬﻢ ﻃﻮﻝ ﺗﺠﺮﻱ ﺧﺸﺖ ﻟﻠﻜﻮﺟﻴﻨﻪ ﻭﻟﻘﺖ ﺣﺪﻫﻢ ﺗﺨﺒﻂ ﻓﻮﺟﻬﻬﺎ ﻭﺗﻌﻴﻂ ﻭﻫﻲ ﺗﻘﻮﻝ : ﻣﻌﺎﺵ ﺗﺘﻜﻠﻤﻲ ﻉ ﻣﺎﺍﺍﺍﺍﻣﺎﺍﺍﺍ .. ﻣﻌﺎﺵ ﺗﻘﻮﻟﻲ ﺷﻲ ﻉ ﻣﺎﺍﺍﺍﻣﺎﺍﺍﺍﺍ ..
ﺷﺪﺗﻬﺎ ﺣﻨﺎﻫﺎ ﻭﻫﻲ ﺗﻘﻮﻝ : ﺣﺪﻭﺩ ﺑﻨﻴﺘﻲ ﺣﺪﻭﺩ ..
ﻭﺣﺪﻫﻢ ﺑﺪﺕ ﺗﺒﻜﻲ ﺑﺎﻟﻌﺒﺮﺓ ﻭﻫﻲ ﺗﻘﻮﻝ ﻟﺤﻨﺎﻫﺎ : ﻗﻮﻟﻴﻬﻢ ﻣﻌﺎﺵ ﻳﺘﻜﻠﻤﻮﺍ ﻉ ﻣﺎﻣﺎ .. ﻗﻮﻟﻴﻠﻬﻢ ... ﻗﻮﻟﻴﻠﻬﻢ ..
ﺣﻨﺎﻫﺎ ﺷﺎﻓﺖ ﻟﻌﺰﻳﺰﺓ ﻭﻗﺎﻟﺖ : ﻋﻄﻴﻜﻦ ﻣﺎﻳﻘﺺ ﻟﺴﻨﺎﺗﻜﻦ .. ﻏﻴﺮﺕ ﻧﻈﺮﻫﺎ ﻟﺤﺪﻫﻢ ﻭﻗﺎﻟﺖ ... ﺧﻼﺹ ﻳﻤﻲ ﺧﻼﺹ .. ﺗﻌﺎﻟﻲ ﻳﻤﻲ ﺗﻌﺎﻟﻲ ..
ﻃﻠﻌﺖ ﺣﺪﻫﻢ ﻣﻊ ﺣﻨﺎﻫﺎ ﻭﻫﻲ ﺗﺒﻜﻲ ..
ﻋﺰﻳﺰﺓ : ﺩﻟﻊ ﻓﺮﺧﺎﺕ ... ﻣﺮﺽ ﻳﺮﻓﻌﻚ ﻭﻳﺮﻓﻊ ﺍﻣﻚ ﻓﺠﺮﺗﻚ ﻋﻘﺎﺭﺏ ..
🍁🍁🍁🍁🍁
ﺑﻌﺪ ﺍﻟﺘﺮﻭﺍﻳﺢ ..
ﺭﻭﺣﻮﺍ ﺍﻟﺮﺟﺎﻟﻪ ..
ﻭﻭﺗﻮﻟﻬﻢ ﻋﺸﺎﻫﻢ ..
ﻭﻓﻲ ﺍﻟﻮﻗﺖ ﺍﻟﻠﻲ ﻳﺘﻌﺸﻮﺍ ﻓﻴﻪ ﺍﻟﺮﺟﺎﻟﻪ ..
ﺍﻟﻨﺴﺎﻭﻳﻦ ﻛﺎﻧﻮﺍ ﺩﺍﻳﺮﻥ ﺻﻔﺮﺓ ﻗﻬﻮﺓ ﻭﻳﻬﺪﺭﺯﻭﺍ ..
ﺳﻌﻴﺪﻩ ﻋﻴﻮﻧﻬﺎ ﻉ ﻭﻟﺪ ﺍﻟﻬﺎﺩﻱ ﻛﻴﻒ ﺭﺍﻗﺪ ﻉ ﺣﺠﺮ ﺍﻣﻪ ﻭﺑﺎﺩﻱ ﻳﻐﻤﺾ ﻓﻌﻴﻮﻧﻪ ..
ﺷﺒﺤﺖ ﻟﺴﻤﻴﻪ ﻭﻗﺎﻟﺖ : ﺧﻴﺮﻫﺎ ﻋﻴﻨﻪ ﻭﻟﺪﻙ ..
ﺳﻤﻴﻪ : ﺧﻴﺮﻫﺎ؟
ﺳﻌﻴﺪﻩ : ﻛﻴﻒ ﺍﻟﻠﻲ ﺗﻤﺸﻲ ﺷﻮﻱ ..
ﻏﺎﻟﻴﻪ ﺷﺒﺤﺘﻠﻬﺎ ..
ﺳﻤﻴﻪ : ﻋﺎﺩﻳﻪ ﻋﻴﻨﻪ ﻣﺎﻓﻴﻬﺎ ﺷﻲ ..
ﺳﻌﻴﺪﻩ : ﻻ ﻣﺶ ﻋﺎﺩﻳﻪ ﻳﺎﺳﻤﻴﻪ ﺍﻟﻮﻟﺪ ﻛﻴﻒ ﺍﻟﻠﻲ ﺑﻴﻨﺤﻮﻝ ..
ﺳﻤﻴﻪ ﺣﻀﻨﺖ ﻭﻟﺪﻫﺎ ﻭﻗﺎﻟﺖ : ﻋﻠﻴﻚ ﻓﺎﻝ ﻳﺎﺳﻌﻴﺪﻩ .
ﻏﺎﻟﻴﻪ : ﻣﺶ ﻓﺎﻝ ﻳﺎﺳﻤﻴﻪ ﻫﺪﻯ ﺍﻟﺤﻖ ﻭﻗﺘﻠﻚ ﻋﻠﻴﻬﺎ ﻗﺒﻞ ﻭﺗﻮﺍ ﺯﺍﺩﺕ ﻓﻴﻪ ﻭﺍﺟﺪ ...
ﻣﺮﺍﻡ ﻣﻦ ﺧﻮﻓﻬﺎ ﻉ ﺍﻟﻮﻟﻴﺪ ﺗﻜﻠﻤﺖ : ﻧﻨﺼﺤﻜﻢ ﺗﻌﺪﻭﺍ ﺗﻌﺎﻳﻨﻮﻩ ﻳﺎﺳﻤﻴﻪ ..
ﺳﻤﻴﻪ ﺷﺒﺤﺘﻠﻬﺎ ﺷﺒﺤﻪ ﺳﻢ ..
ﻣﺮﺍﻡ ﺍﺳﺘﻐﺮﺑﺘﻠﻬﺎ ..
ﺳﻌﻴﺪﻩ : ﺍﻳﻪ ﻻﺯﻡ ﺗﻌﺎﻳﻨﻮﻩ ﻗﺒﻞ ﺗﺘﺄﺯﻡ ﺣﻜﺎﻳﺘﻪ ...
ﺳﻤﻴﻪ ﻭﻫﻲ ﺗﺸﻮﻑ ﻟﻮﻟﺪﻫﺎ : ﺇﻥ ﺷﺎﺀ ﺍﻟﻠﻪ ..
ﺭﻥ ﺗﻠﻴﻔﻮﻥ ﻣﺮﺍﻡ ﺑﻨﻐﻤﺔ ﺍﻟﺮﺳﺎﻟﻪ ..
ﻋﻴﻮﻥ ﺳﻤﻴﻪ ﻋﻠﻴﻬﺎ ﺷﺎﻓﺘﻬﺎ ﻟﻤﺎ ﺗﻘﺮﺍ ﻓﻲ ﺍﻟﺮﺳﺎﻟﻪ ﺍﺑﺘﺴﻤﺖ ﺍﺑﺘﺴﺎﻣﻪ ﺧﻔﻴﻔﻪ ..
ﺑﻌﺪﻳﻦ ﻗﺎﻣﺖ ﻋﻴﻮﻧﻬﺎ ﺟﻮ ﻓﻌﻴﻮﻥ ﺳﻤﻴﻪ ﺍﻟﻠﻲ ﻛﺎﻧﺖ ﺗﺸﻮﻓﻠﻬﺎ ﻓﺸﺒﺤﻪ ﻣﺮﻳﺒﻪ ..
ﻏﻴﺮﺕ ﻋﻴﻮﻧﻬﺎ ﻋﻨﻬﺎ ﻭﺷﺒﺤﺖ ﻟﻐﺎﻟﻴﻪ ..
ﻏﺎﻟﻴﻪ ﻓﻬﻤﺖ ﺍﺑﺘﺴﻤﺖ ﻭﻗﺎﻟﺖ : ﻣﺮﺍﻡ ﻋﺪﻱ ﺍﺭﻗﻲ ﻟﺤﻮﺷﻚ ﺍﺭﺗﺎﺣﻲ ..
ﺳﻌﻴﺪﻩ : ﺍﻳﻪ ﻋﺪﻱ ﺍﺭﻗﻲ ﻣﺎﺯﻟﺘﻲ ﻋﺮﻭﺱ ﺭﺍﻙ .. ﻭﺿﺤﻜﺖ ..
ﻣﺮﺍﻡ ﺗﺤﺸﻤﺖ ﻫﻠﺒﻪ ..
ﻭﺭﺯﺍﻥ ﺗﺸﻮﻓﻠﻬﺎ ﺑﺈﺑﺘﺴﺎﻣﻪ ..
ﻏﺎﻟﻴﻪ ﺑﻀﺤﻜﻪ : ﻳﺎﻭﺩﻱ ﺻﺒﻲ ﺍﺭﻗﻲ ﺧﻴﺮﻙ !. ؟
ﻣﺮﺍﻡ ﺍﺑﺘﺴﻤﺖ ﻭﻧﺎﺿﺖ : ﺑﺎﻟﺴﻼﻣﻪ ﺗﻮﺍ .. ﻭﻣﺸﺖ ﻃﻠﻌﺖ ..
ﻫﻤﺎ ﺭﺩﻭﺍ ﻋﻠﻴﻬﺎ ﺍﻟﺴﻼﻡ .. ﻣﺎﻋﺪﺍ ﺳﻤﻴﻪ ..
ﻭﻫﻲ ﻃﺎﻟﻌﻪ ﺷﺎﻓﺖ ﻋﺰﻭﺯﺗﻬﺎ ﻣﺘﻜﻴﻪ ﻓﻲ ﺍﻟﺼﺎﻟﻪ ..
ﻣﺮﺍﻡ : ﺑﺎﻟﺴﻼﻣﻪ ﻋﻤﺘﻲ ..
ﻓﺎﻃﻤﻪ ﻓﺘﺤﺖ ﻋﻴﻮﻧﻬﺎ : ﺑﺎﻟﺴﻼﻣﻪ ﺑﺎﻟﺴﻼﻣﻪ ..
ﻃﻠﻌﺖ ﻣﺮﺍﻡ ﻣﻦ ﺍﻟﺤﻮﺵ ﻭﻃﻮﻝ ﺭﻛﺒﺖ ﺍﻟﺪﺭﻭﺝ ..
...
ﻭﺻﻠﺖ ﺣﻮﺷﻬﺎ ..
ﻓﺘﺤﺖ ﺍﻟﺒﺎﺏ ﻭﺧﺸﺖ ..
ﻭﺻﻜﺮﺍﺗﻪ ..
ﺧﺪﺕ ﻧﻔﺲ ..
ﻭﻣﺸﺖ ﻃﻮﻝ ﻟﺪﺍﺭ ﺍﻟﻨﻮﻡ ..
ﻃﻠﻌﺖ ﺷﻦ ﺑﺘﻠﺒﺲ ..
ﻭﺑﻌﺪﻳﻦ ﺧﺸﺖ ﻟﻠﺤﻤﺎﻡ ﺩﻭﺷﺖ ﻭﻃﻠﻌﺖ ..
ﻭﻫﻴﺌﺖ ﻧﻔﺴﻬﺎ ﻭﺗﺰﻳﻨﺖ ..
ﻛﻴﻒ ﺑﺎﺩﻳﻪ ﺗﺒﺦ ﻓﺎﻟﺮﻳﺤﻪ ﺍﻧﻔﺘﺢ ﺑﺎﺏ ﺍﻟﺤﻮﺵ ...
ﻭﺯﻱ ﻣﺎﺗﻌﻮﺩﺕ ..
" ﺑﻨﺖ ﻋﺒﻮﺩﺓ .."
ﺿﺤﻜﺖ ..
ﺧﺸﺖ ﻟﻠﺪﺍﺭ ...
ﺿﻴﻖ ﻋﻴﻮﻧﻪ ﻭﻗﺮﻥ ﺣﻮﺍﺟﺒﻪ ﻭﻗﺎﻝ : ﺑﺎﻟﺸﻮﻱ ﻋﻠﻴﻨﺎ ﻳﺎﻫﻮﻭ ..
ﺿﺤﻜﺖ ..
ﻗﺮﺏ ﻣﻨﻬﺎ ..
ﻭﺣﺎﻭﻃﻬﺎ ﻣﻦ ﺧﺼﺮﻫﺎ ﻭﻗﺮﺑﻬﺎ ﻭﻗﺎﻝ : ﻧﺴﺘﺎﺣﺸﻮﺍ ﻭﺍﺟﺪ ﺭﺍﻧﺎ .. ﺍﻧﺘﻢ ﺷﻨﻮ ﺗﺴﺘﺎﺣﺸﻮﺍ ﻓﻴﻨﺎ؟
ﻣﺮﺍﻡ ﻗﻌﺪﺕ ﺗﺸﻮﻑ ﻟﻌﻴﻮﻧﻪ ﻭﻗﺎﻟﺖ : ﺍﻳﻪ ..
ﺍﺑﺘﺴﻢ ﻭﻗﺮﺏ ﻭﺑﺎﺳﻬﺎ ...
ﻭﺭﺍﺣﻮ ﻓﻌﺎﻟﻢ ﻏﻴﺮ ﺍﻟﻌﺎﻟﻢ 💕
🍁🍁🍁🍁
ﻭﺭﺏ ﺿﺎﺭﺓ ﻧﺎﻓﻌﻪ ...
ﻳﻌﻨﻲ ﻟﻤﺎ ﺧﺶ ﺍﻟﻬﺎﺩﻱ ﻟﺤﻮﺷﻪ ﻭﻛﺎﻥ ﻧﺎﻭﻱ ﻳﺮﻗﺪ ..
ﻭﻳﻦ ﺧﺶ ﺩﺍﺭ ﺍﻟﻨﻮﻡ ﺍﻧﺼﺪﻡ ...
ﺍﻟﻬﺎﺩﻱ : ﺳﻤﻴﻪ !!
ﺳﻤﻴﻪ ﺑﻀﺤﻜﻪ : ﺍﻣﺎﻻ ﻏﻮﻟﺘﻬﺎ؟ !
ﺿﺤﻚ ﺑﺈﻧﺪﻫﺎﺵ ... ﻭﻃﻮﻝ ﻣﺸﺎﻟﻬﺎ ﺑﺪﻭﻥ ﺗﺮﺩﺩ ﻭﻻ ﻣﻘﺎﻭﻣﻪ 💕
🍁🍁🍁🍁🍁
ﺑﺎﻟﻠﻪ ﻋﻠﻴﻚ ﻳﺎﻣﻴﻼﺩ ﺍﺳﻜﺖ ﻗﺘﻠﺘﻨﻲ ﺑﺎﻟﻀﺤﻚ ..
ﻣﻴﻼﺩ ﺑﻀﺤﻜﻪ : ﻭﺍﻟﻠﻪ ﻧﺤﻜﻲ ﺟﺪ ﻳﺎﺳﻌﻴﺪﻩ ...
ﺳﻌﻴﺪﻩ : ﻫﻬﻬﻬﻬﻬﻬﻬﻪ .. ﻋﻠﻴﻚ ﺑﺎﺭﺩ ..
ﻣﻴﻼﺩ ﺑﻀﺤﻜﻪ : ﺍﺿﺤﻜﻲ ﺑﺎﻟﻠﻪ ﺍﺿﺤﻜﻲ ﻣﺶ ﻭﺍﺧﺪﻳﻦ ﻣﻨﻬﺎ ﺣﺎﺟﻪ ..
💕💕💕💕💕💕
ﻣﻜﺎﻟﻤﻪ ﻫﺎﺗﻔﻴﻪ ..
ﻻﺍﺍﺍﺍ ..
ﻋﻤﺎﺩ : ﻣﺴﻤﻮﻣﻪ ﻣﺴﻤﻮﻣﻪ ﻣﺴﻤﻮﻭﻭﻭﻣﻪ ... ﻭﻧﻤﻮﺕ ﻓﻴﻬﺎ ﻭﻓﻲ ﺍﻟﻠﻲ ﺟﺎﺑﻮﻫﺎ ..
ﺿﺤﻜﺖ ...
ﻋﻤﺎﺩ ﺑﻀﺤﻜﻪ : ﺑﺎﻫﻲ ﻗﻠﻴﺒﻲ ﺧﺖ ﻓﺖ ﻭﺍﻟﻠﻪ ﺟﺎﻳﺒﻠﻚ ﺣﺎﺟﻪ ﻧﺒﻴﻚ ﺗﺎﺧﺪﻳﻬﺎ ...
ﺭﺯﺍﻥ ﺑﺈﺑﺘﺴﺎﻣﻪ : ﺷﻨﻮ ﻫﻲ؟
ﻋﻤﺎﺩ : ﻻﺍﺍﺍ ﻣﺶ ﻗﺎﻳﻠﻚ ﺷﻨﻮ ﻟﻴﻦ ﺗﺠﻲ ﺗﺸﻮﻓﻴﻬﺎ ﺑﺮﻭﺣﻚ ..
ﺭﺯﺍﻥ : ﺍﻣﻤﻤﻢ .. ﺗﻤﺎﻡ .. ﺍﻧﺖ ﻭﻳﻨﻚ ﺗﻮﺍ ...
ﺍﺑﺘﺴﻢ ﻭﻗﺎﻝ : ﻓﻢ ﺍﻟﺒﻮﺍﺑﻪ .
ﺭﺯﺍﻥ : ﺑﺎﻫﻲ ﺷﻮﻳﻪ ﻭﺟﺎﻳﻪ ...
ﻋﻤﺎﺩ : ﺗﻤﺎﻡ ﻳﺎﺳﻤﺢ ..
ﺻﻜﺮﺕ ﻋﻠﻴﻪ ... ﻭﺑﻌﺪﻫﺎ ﺩﺍﺭﺕ ﺍﺗﺼﺎﻝ ﺗﺎﻧﻲ ..
💕💕💕💕💕
ﻣﻘﻌﻤﺰ ﻓﻢ ﺍﻟﺒﻮﺍﺑﻪ ... ﻭﻳﺮﺍﺟﻲ ..
ﺷﻮﻳﻪ ﻭﻃﻠﻌﺖ ﻏﺎﻟﻴﻪ ..
ﻏﺎﻟﻴﻪ : ﺷﻦ ﺟﻮ؟
ﻋﻤﺎﺩ : ﻣﻠﻴﺢ ...
ﻉ ﺟﻴﺔ ﺭﺯﺍﻥ ..
ﻫﻮ ﺗﻠﻔﺖ ﺍﻳﻤﻴﻨﻪ ﺷﺎﻓﻬﺎ ... ﺍﺑﺘﺴﻢ ﺷﻮﻳﻪ ﺷﻮﻳﻪ ﻭﻓﻬﻢ ﺍﻟﻠﻲ ﻓﻴﻬﺎ ..
ﻣﺸﺖ ﻏﺎﻟﻴﻪ ﺧﺸﺖ ﻟﻠﻜﻮﺟﻴﻨﻪ ..
ﻭﻫﻲ ﻗﻌﻤﺰﺕ ﺟﻨﺒﻪ ﺑﻤﺴﺎﻓﻪ ..
ﺷﺒﺤﻠﻬﺎ ﺑﺈﺑﺘﺴﺎﻣﻪ ﻭﻗﺎﻝ : ﻗﻠﺔ ﺛﻘﻪ؟
ﺭﺯﺍﻥ : ﻻ .. ﺑﺲ ﻫﻜﻲ ﻧﻄﻤﻦ ﺍﻛﺜﺮ ..
ﻫﻮ ﺷﺒﺢ ﺍﻟﻘﺪﺍﻡ ﺑﺮﻏﻢ ﺍﻧﻪ ﻣﺤﺎﻓﻆ ﻉ ﺍﺑﺘﺴﺎﻣﺘﻪ ﺑﺲ ﺑﺎﻥ ﻋﻠﻴﻪ ﺍﻧﻪ ﺍﺿﺎﻳﻖ ..
ﺭﺯﺍﻥ : ﻋﻤﺎﺩ ..
ﺣﻂ ﻳﺪﻩ ﻓﺠﻴﺒﻪ ﻭﻃﻠﻊ ﻣﻨﻪ ﺳﻠﺴﻠﻪ ﻓﻴﻬﺎ ﺗﻌﻠﻴﻘﻪ ﺑﺈﺳﻤﻬﺎ ﺑﺎﻟﻠﻐﻪ ﺍﻹﻧﺠﻠﻴﺰﻳﻪ ..
ﻣﺪﻫﺎﻟﻬﺎ ﺩﻭﻥ ﻣﺎﻳﺸﻮﻓﻠﻬﺎ ..
ﺧﺪﺗﻬﺎ ﻭﻫﻲ ﺗﺸﻮﻓﻠﻪ : ﻋﻤﺎﺩ !!
ﻧﺎﺽ ... ﻭﻃﻮﻝ ﺧﺶ ﺩﺍﺧﻞ ..
ﻫﻲ ﻗﻌﺪﺕ ﺗﺸﻮﻓﻠﻪ ﺑﺼﺪﻣﻪ ﻟﻌﻨﺪ ﻣﺎﺍﺧﺘﻔﻲ ..
ﻉ ﻃﻠﻌﺔ ﻏﺎﻟﻴﻪ : ﺣﺮﺝ ﻭﻻ؟
ﺭﺯﺍﻥ ﻗﻌﺪﺕ ﺳﺎﻛﺘﻪ ﺷﻮﻳﻪ ﺑﻌﺪﻳﻦ ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ : ﻣﻔﺮﻭﺽ ﻳﻔﺮﺡ ﻣﺎﻳﺤﺮﺟﺶ ..
ﻭﻗﻔﺖ ﻭﻗﺪﻣﺖ ﻟﻌﻤﺘﻬﺎ ﺧﺪﺕ ﻳﺪﻫﺎ ﻭﺣﻄﺖ ﻓﻴﻬﺎ ﺍﻟﺴﻠﺴﻠﻪ ﻭﻗﺎﻟﺖ : ﻗﻮﻟﻴﻠﻪ ﻟﻤﺎ ﻳﻌﻄﻬﻠﻲ ﻋﻦ ﻃﻴﺐ ﺧﺎﻃﺮ ﺗﻮ ﻧﻘﺒﻠﻬﺎ ..
ﻭﻃﻮﻝ ﻣﺸﺖ ﻭﻫﻲ ﻣﺘﻜﻨﻄﻴﻪ ..
ﻏﺎﻟﻴﻪ ﺗﺒﻌﺘﻬﺎ ﺑﻌﻴﻮﻧﻬﺎ ﺑﻌﺪﻳﻦ ﺍﺑﺘﺴﻤﺖ ﻭﻗﺎﻟﺖ : ﻋﺠﺒﺘﻴﻨﻲ ﻳﺎﺭﺯﻭﻧﻪ ..
ﺷﺒﺤﺖ ﻟﻠﺴﻠﺴﻠﻪ ﺑﻌﺪﻳﻦ ﺗﻨﻬﺪﺕ ﻭﻟﻔﺖ ﻭﺧﺸﺖ ..
🍁🍁🍁🍁
ﻣﻘﻌﻤﺰﺓ ﺗﻘﺮﺍ ﻓﻲ ﺍﻟﻘﺮﺁﻥ ..
ﻉ ﻃﻠﻌﺘﻪ ﻫﻮ ﻣﻦ ﺩﺍﺭ ﺍﻟﻨﻮﻡ ...
ﻟﻤﺎ ﺳﻤﻊ ﺷﻦ ﺗﻘﺮﺍ ...
ﻭﻛﺎﻧﺖ ﺳﻮﺭﺓ ﺍﻟﺒﻘﺮﻩ ...
ﺣﺲ ﺑﻐﻤﻪ ﻉ ﺻﺪﺭﻩ ...
ﻃﻮﻝ ﺑﺴﺮﻋﻪ ﻣﺸﻲ ﻟﻠﺒﺎﺏ ﻓﺘﺤﻪ ﻭﻃﻠﻊ ﻭﻗﺮﺑﻌﻪ ﺑﺎﻟﻘﻮﺓ ..
ﻫﻲ ﺍﻧﺨﻠﻌﺖ ..
ﺣﻤﻴﺪﻩ : ﻳﺎﻟﻄﻴﻒ !!
ﺻﻜﺮﺕ ﺍﻟﻤﺼﺤﻒ ﻭﻧﺎﺿﺖ ..
ﻃﻠﻌﺖ ﻣﻦ ﺍﻟﺪﺍﺭ ﻭﻣﺸﺖ ﻟﺪﺍﺭ ﺍﻟﻨﻮﻡ ..
ﻟﻘﺖ ﺑﺎﺑﻬﺎ ﻣﻔﺘﻮﺡ .. ﻭﺿﻴﻬﺎ ﻃﺎﻓﻲ ..
ﻓﻬﻤﺖ ﺍﻧﻪ ﻃﻠﻊ ..
ﺍﺑﺘﺴﻤﺖ ﺑﺘﻬﻜﻢ .. ﻭﻣﺸﺖ ﻭﻟﺖ ﻟﻠﺪﺍﺭ ..
🍁🍁🍁🍁
ﺍﻟﺴﺎﻋﻪ 2:30 ﻟﻴﻼ ..
ﻣﻘﻌﻤﺰ ﺣﺪﺍ ﺍﻟﺠﺮﻑ ﺍﻟﻤﻄﻞ ﻉ ﺍﻟﻮﺍﺩﻱ ﻓﻴﺪﻩ ﺍﻟﺴﻠﺴﻠﻪ ﻭﺳﺮﺣﺎﻥ ..
ﻗﻌﺪ ﻳﻔﻜﺮ ﻓﺘﺼﺮﻓﻬﺎ ..
ﺻﺢ ﻭﺟﻌﻪ ... ﺑﺲ ﻣﻔﺮﻭﺽ ﻳﻔﺮﺡ ﺑﻴﻪ .. ﻛﻴﻒ ﻫﻲ ﻣﺤﺎﻓﻈﻪ ﻉ ﻧﻔﺴﻬﺎ ﺣﺘﻰ ﻣﻌﺎﻩ ...
ﺍﺑﺘﺴﻢ .. ﺑﻌﺪﻳﻦ ﺧﺪﻱ ﺗﻠﻴﻔﻮﻧﻪ ﻭﺍﺗﺼﻞ ﺑﻴﻬﺎ ...
💕💕💕💕
ﻫﻲ ﻛﺎﻧﺖ ﺭﺍﻗﺪﻩ ﻉ ﺳﺮﻳﺮﻫﺎ ﻭﻣﻀﺎﻳﻘﻪ ﻫﻠﺒﻪ ..
ﻟﻤﺎ ﺭﻥ ﺗﻠﻴﻔﻮﻧﻬﺎ ﻓﺰﺕ .
ﻗﻌﻤﺰﺕ ﻭﺧﺪﺍﺗﻪ ﻣﻦ ﻉ ﺍﻟﻜﺎﻣﺪﻳﻨﻮ ﻟﻘﺎﺗﻪ ﻫﻮ ﺍﻟﻠﻲ ﻳﺘﺼﻞ ..
ﺧﻼﺗﻪ ﻳﺮﻥ ﺷﻮﻳﻪ ..
ﺑﻌﺪﻳﻦ ﻓﺘﺤﺖ ﺍﻟﺨﻂ ﻭﻗﻌﺪﺕ ﺳﺎﻛﺘﻪ ..
" ﻧﺤﺒﻚ ﻣﻮﺕ ."
ﺍﺑﺘﺴﻤﺖ ﻣﻊ ﺗﻨﻬﻴﺪﻩ ﻣﻜﺘﻮﻣﻪ ..
ﻋﻤﺎﺩ : ﺍﺳﻒ ﺗﺼﺮﻓﻲ ﻏﺒﻲ ﻋﺎﺭﻑ ..
ﻣﺎﺯﺍﻟﺖ ﺳﺎﻛﺘﻪ ﻭﺗﺴﻤﻊ ..
ﻋﻤﺎﺩ : ﻗﻠﺒﻲ ﺗﻜﻠﻤﻲ ﻣﺎﺗﻘﻌﺪﻳﺶ ﺳﺎﻛﺘﻪ ..
ﺭﺯﺍﻥ : ﻳﻌﻨﻲ ﻓﻬﻤﺖ ﻋﻠﻴﺎ ...
ﻋﻤﺎﺩ ﺑﺈﺑﺘﺴﺎﻣﻪ : ﻛﺎﻥ ﻣﺎﻓﻬﻤﺖ ﺑﻨﻴﺔ ﻗﻠﺒﻲ ﻣﺎﻝ ﻣﻨﻮ ﻧﻔﻬﻢ .. ﺍﺳﻒ ﻳﺎﺣﺒﻲ ﺍﻧﻲ ﺍﺳﻒ ﻳﺎﻋﻤﺮﻱ ﻳﺎﻋﻴﻮﻧﻲ ..
ﺍﺑﺘﺴﻤﺖ ﻭﻗﻠﺒﻬﺎ ﻳﺪﻕ ﺑﻌﻨﻒ ﺷﺪﻳﺪ ..💓
ﻋﻤﺎﺩ : ﺭﺯﻭﻧﺘﻲ !
ﺭﺯﺍﻥ : ﺧﻼﺹ ﺳﺎﻣﺤﺘﻚ ..
ﺗﻨﻬﺪ ﻣﻦ ﻗﻠﺒﻪ ﻭﻗﺎﻝ : ﻭﺍﻟﻠﻪ ﻳﺎﺭﺯﺍﻥ ﻭﺍﻟﻠﻪ ﺍﻟﻠﻲ ﻧﺤﺲ ﺑﻴﻪ ﻣﻌﺎﻙ ﻋﻤﺮﻱ ﻣﺎﺣﺴﻴﺘﻪ ﻓﺤﻴﺎﺗﻲ ﻛﻠﻬﺎ .. ﺗﻌﺮﻓﻲ ﻳﺎﻗﻠﺒﻲ .. ﻋﻨﺪﻱ ﺍﻟﺪﻧﻴﺎ ﻛﻠﻬﺎ ﻓﻜﻔﻪ ﻭﺍﻧﺘﻲ ﻳﺎﻋﻤﺮﻱ ﻓﻜﻔﻪ ﺑﺮﻭﺣﻚ .. ﺑﺮﻭﺣﻚ ﻓﻜﻞ ﺷﻲ ﻋﻨﺪﻱ ..
ﺭﺯﺍﻥ ﻣﺎﻏﻴﺮ ﺗﺘﻨﻬﺪ ﻓﺘﻨﻬﻴﺪﺍﺕ ﻣﻜﺘﻮﻣﻪ ﻭﺧﻼﺹ ..
ﺗﺒﻲ ﺗﺒﻮﺡ ﺗﺒﻲ ﺗﻘﻮﻝ ﺍﻟﻠﻲ ﻓﻘﻠﺒﻬﺎ ﺑﺲ ﻣﺶ ﻗﺎﺩﺭﺓ ﺻﻌﺐ ..
ﻭﺍﻟﺤﻤﻞ ﺛﻘﻴﻞ ﻉ ﻗﻠﺒﻬﺎ ﺍﻟﺼﻐﻴﺮﻭﻥ ﺍﻟﻠﻲ ﺧﺶ ﻣﻌﺘﺮﻙ ﺍﻟﻌﺸﻖ ﺑﻜﺮﻱ ﺑﻜﺮﻱ ..
ﻋﻤﺎﺩ : ﻏﻴﺮ ﺍﻣﺘﻰ ﺗﻨﺤﻞ ﻋﻘﺪﺓ ﻫﺎﻟﻠﺴﺎﻥ ﺑﺲ ..
ﺿﺤﻜﺖ ...
ﻋﻤﺎﺩ ﺑﻀﺤﻜﻪ : ﻧﺠﻴﻠﻲ ﺍﻟﻀﺤﻜﻪ ﻭﺻﺎﺣﺒﺘﻬﺎ ....
ﺭﺯﺍﻥ ﺿﺤﻜﺖ ﺗﺎﻧﻲ ﺑﻌﺪﻳﻦ ﻗﺎﻟﺖ : ﺑﻨﻌﺪﻱ ﻧﺘﺴﺤﺮ ﻓﺤﻮﺵ ﺟﺪﻱ ..
ﻋﻤﺎﺩ ﻭﻫﻮ ﻳﻘﻠﺪ ﻓﻴﻬﺎ : ﺣﺘﻰ ﺍﻧﻲ ﺑﻨﻌﺪﻱ ﻧﺘﺴﺤﺮ ﻓﺤﻮﺵ ﺟﺪﻱ .
ﺭﺯﺍﻥ ﺑﻀﺤﻜﻪ : ﻳﺎﺑﺎﺭﺩ ..
ﺿﺤﻚ ﺑﻌﺪﻳﻦ ﻗﺎﻝ : ﻧﺘﻼﻗﻮﺍ ﻗﻠﺒﻲ ..
ﺭﺯﺍﻥ : ﺗﻤﺎﻡ .. ﺻﻜﺮﺕ ..
ﻭﻃﻮﻝ ﻧﺎﺿﺖ ﻭﻫﻲ ﻣﺒﺘﺴﻤﻪ ...
ﻭﻃﻮﻝ ﺑﺴﺮﻋﻪ ﻃﻠﻌﺖ ﻣﻦ ﺩﺍﺭﻫﺎ ..
ﻭﻣﻨﻬﺎ ﻣﻦ ﺍﻟﺤﻮﺵ ﺑﻜﻞ ..
ﻗﻌﺪﺕ ﺗﻤﺸﻲ ﺑﺨﻄﻮﺍﺕ ﺳﺮﻳﻌﻪ ..
ﻟﻌﻨﺪ ﻭﺻﻠﺖ ﺑﺪﺍﻳﺔ ﻣﻤﺮ ﻓﻢ ﺍﻟﺒﻮﺍﺑﻪ ..
ﻟﻘﺎﺗﻪ ﻫﻮ ﻭﺻﻞ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﻓﻨﻔﺲ ﺍﻟﻠﺤﻈﻪ ..
ﺍﺑﺘﺴﻤﻮﺍ ﻟﺒﻌﺾ ..
ﺑﻌﺪﻳﻦ ﻛﻤﻠﻮﺍ ﻣﺸﻲ ﻭﻫﻤﺎ ﻳﺸﻮﻓﻮﺍ ﻟﺒﻌﺾ ..
ﻋﻤﺎﺩ " ﺍﻩ ﻟﻮ ﻧﻄﺒﻬﺎ ﻭﻧﻬﺮﺏ ﺑﻴﻬﺎ ﺑﺲ ﻣﺎﻧﺒﻲ ﻣﻦ ﺍﻟﺪﻧﻴﺎ ﺷﻲ ﻏﻴﺮﻫﺎ "
ﺭﺯﺍﻥ " ﺍﻩ ﺑﺲ ﻟﻮ ﺍﻟﺤﻮﺍﺟﺰ ﺍﻟﻠﻲ ﺑﻴﻨﻲ ﻭﺑﻴﻨﻚ ﻳﻨﻬﺪﻥ ﻛﻠﻬﻦ .."
ﻭﺻﻠﻮﺍ ﻓﺒﻌﺾ ..
ﺭﻓﻊ ﻳﺪﻩ ﺍﻟﻠﻲ ﻓﻴﻬﺎ ﺍﻟﺴﻠﺴﻠﻪ ... ﻣﺪﻫﺎﻟﻬﺎ ..
ﻫﻲ ﻣﺪﺕ ﻳﺪﻫﺎ ﺍﻟﻤﻔﺘﻮﺣﻪ ﺣﻄﻬﺎ ﻓﻴﻬﺎ ﻭﻫﻮ ﻣﺒﺘﺴﻢ ..
ﻭﻫﻲ ﺧﺪﺗﻬﺎ ﻭﻫﻲ ﻣﺒﺘﺴﻤﻪ ﻭﺑﺲ ﺗﺮﻛﻴﺰﻫﺎ ﻉ ﻋﻴﻮﻧﻪ
💕 ﺍﺣﻠﻰ ﻛﻼﻡ ﻟﻠﻌﺸﺎﻕ .. ﺍﻟﻠﻲ ﻳﻜﻮﻥ ﺑﻠﻐﺔ ﺍﻟﻌﻴﻮﻥ 💕
" ﻳﻼﺍﺍﺍﺍﺍ ﺍﻟﺴﺤﻮﺭ ﺍﻟﺴﺤﻮﻭﻭﻭﺭ ﻳﻠﻼ .."
ﺷﺒﺤﻮﺍ ﺍﻟﺰﻭﺯ ﻟﻐﺎﻟﻴﻪ ﺍﻟﻠﻲ ﻛﺎﻧﺖ ﺗﺼﻔﻖ ﻭﺗﻨﺎﺩﻱ ﻭﻫﻲ ﺗﺸﻮﻓﻠﻬﻢ ..
ﺿﺤﻜﻮﺍ ﺍﻟﺰﻭﺯ ..
ﺧﺸﻮﺍ ..
ﻫﻲ ﻣﺸﺖ ﻣﻊ ﻋﻤﺘﻬﺎ ﻟﻠﻜﻮﺟﻴﻨﻪ ..
ﻭﻫﻮ ﻣﺸﻲ ﻃﻮﻝ ﻟﻠﻤﺮﺑﻮﻋﻪ ...
🍃🍃🍃🍃🍃
ﻭﻣﺮﺕ ﺍﻳﺎﻡ ﺍﻟﺸﻬﺮ ﺍﻟﻔﻀﻴﻞ ..
ﺑﻨﻔﺲ ﺍﻟﻨﻈﺎﻡ ﻭﺍﻷﺟﻮﺍﺀ ...
ﺑﺲ ﻓﻲ ﺍﻟﻠﻲ ﺣﺎﻟﺘﻬﻢ ﻛﺎﻧﺖ ﺑﺎﻟﻮﻳﻞ ... ﻣﻦ ﻋﺬﺍﺏ ﺍﻟﺸﻮﻕ ﻭﻗﺴﻮﺗﻪ ..
ﺣﺪﻫﻢ ..
ﺍﻟﻠﻲ ﻛﻞ ﻳﻮﻡ ﻟﺘﺎﻟﻲ ..
ﺗﺒﻲ ﺗﺸﻮﻑ ﺍﻣﻬﺎ ﺗﺠﺘﻤﻊ ﺑﻴﻬﺎ ﻭﻟﻮ ﻟﺴﺎﻋﺎﺕ ﺑﺲ ﻣﺎﺗﺒﻴﺶ ﺍﻛﺜﺮ ﻣﻦ ﻫﻜﻲ ..
/15🍁 ﺭﻣﻀﺎﻥ ....
ﺗﺒﻲ ﺭﺿﺎﻱ ﻗﻠﻬﺎ ﻷﻣﻬﺎ ﺣﺘﻰ ﻧﻬﺎﺭﻳﻦ ..
ﺣﺴﻦ ﻗﻌﺪ ﺳﺎﻛﺖ ﻭﻫﻮ ﻳﻔﻜﺮ ..
ﺍﻣﻪ : ﺣﺴﻦ ﺭﺍﻫﻮ ﻣﻦ ﺟﺪﻱ ﻭﺍﻟﻠﻪ ﻧﻐﻀﺐ ﻋﻠﻴﻚ ..
ﺗﻨﻬﺪ ﻭﻗﺎﻝ : ﺑﺎﻫﻲ .. ﻟﻜﻦ ﺍﻧﻲ ﻓﻬﺎﻷﻳﺎﻡ ﻣﺸﻐﻮﻝ ﻧﻬﺎﺭ ﻋﺸﺮﻳﻦ ﻧﺮﻓﻌﻬﺎ ﻭﺧﻼﺹ ...
ﺍﻣﻪ : ﻛﻠﻤﻪ !
ﺍﺑﺘﺴﻢ ﺣﺴﻦ ﻭﻗﺎﻝ : ﻛﻠﻤﻪ ﻳﻤﻲ ﺧﻼﺹ ..
ﻧﺎﺿﺖ ﻣﻦ ﻣﻜﺎﻧﻬﺎ ﻭﻫﻲ ﻓﺮﺣﺎﻧﻪ ..
ﻭﻣﺸﺖ ﻃﻮﻝ ﻟﺪﺍﺭ ﺣﻔﻴﺪﺗﻬﺎ ..
ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﻫﻲ ﺗﻘﻮﻝ : ﻧﻬﺎﺭ 20 ﺭﻣﻀﺎﻥ ﺑﺘﻌﺪﻱ ﻷﻣﻚ ..
ﺷﺒﺤﺘﻠﻬﺎ ﺑﺼﺪﻣﻪ ..
ﺟﺪﺍﻫﺎ : ﻧﻘﻮﻟﻚ ﺑﺘﻌﺪﻱ ﻷﻣﻚ ﺧﻴﺮﻙ ﻣﻌﺎﺩ ﺗﺴﻤﻌﻲ ! ؟
ﻧﻄﺖ ﻣﻦ ﻣﻜﺎﻧﻬﺎ ﻭﺟﺖ ﻟﺠﺪﺍﻫﺎ ﻭﻗﺎﻟﺖ : ﺗﺮﺍ ﺍﺣﻠﻔﻲ !!
ﺿﺮﺑﺘﻬﺎ ﻉ ﺫﺭﺍﻋﻬﺎ ﻭﻗﺎﻟﺖ : ﻧﻜﺬﺏ ﻋﻠﻴﻚ ﻳﺎﻣﻌﻔﻨﻪ ﺍﻧﻲ؟؟
ﺿﺤﻜﺖ ﺑﻔﺮﺡ ﻭﻗﺎﻟﺖ : ﻭﻭﻭﻭﻭﻭﻩ .
ﻭﺣﻀﻨﺖ ﺟﺪﺍﻫﺎ ﺑﻘﻮﺓ ..
ﻭﺟﺪﺍﻫﺎ ﺗﻀﺤﻚ ﻭﺗﻘﻮﻝ : ﻗﺘﻠﺘﻴﻨﻲ ﻳﺎﻣﺘﻠﻔﻪ ..
ﺑﻌﺪﺕ ﻭﺷﺒﺤﺖ ﻟﺤﻨﺎﻫﺎ : ﻧﺤﺒﻚ ﻧﺤﺒﻚ .. ﻭﻗﻌﺪﺕ ﺗﺒﻮﺱ ﻓﻴﻬﺎ ﻣﻦ ﺧﺪﻭﺩﻫﺎ ﻭﺟﺪﺍﻫﺎ ﺗﻀﺤﻚ 💞
💓💓💓💓💓
ﻭﻣﻦ ﺳﺮﻭﺭ ﺧﺶ ﻉ ﻗﻠﺐ ﻣﺸﺘﺎﻕ ..
ﻟﺴﺮﻭﺭ ﻳﺨﺶ ﻟﻘﻠﺐ ﻣﻬﻤﻮﻡ ..
ﻓﻲ ﺍﻟﻜﻮﺟﻴﻨﻪ ..
ﻋﻤﺮ : ﺷﻨﻮ ﻓﻲ؟
ﻏﺎﻟﻴﻪ : ﺷﻦ ﺻﺎﺭ ﻓﻲ ﺑﺎﻗﻲ ﺣﺎﺟﺎﺕ ﺍﻟﺒﻴﺎﻥ؟
ﻋﻤﺮ : ﺑﻨﻌﺪﻱ ﻧﺎﺧﺪﻫﻦ ﺍﻟﻴﻮﻣﻴﻦ ﺍﻟﺠﺎﻳﺎﺕ ﺍﻥ ﺷﺎﺀ ﺍﻟﻠﻪ ﻭﺑﻨﺮﻓﻌﻚ ﻣﻌﺎﻱ ﺗﺨﺘﺎﺭﻱ ..
ﺍﺑﺘﺴﻤﺖ .. ﻭﻣﺸﺖ ﻃﻮﻝ ﻟﺪﺭﺝ ﺩﻭﻻﺏ ﺍﻟﻜﻮﺟﻴﻨﻪ ..
ﻃﻠﻌﺖ ﻣﻨﻪ ﺭﺑﻄﻪ ﻓﻠﻮﺱ ...
ﺻﻜﺮﺍﺗﻪ ..
ﻭﺟﺖ ﻟﺨﻮﻫﺎ ﻭﻣﺪﺗﻬﻤﻠﻪ ..
ﻋﻤﺮ ﺑﺈﺳﺘﻐﺮﺍﺏ : ﺷﻨﻮ ﻫﺪﻳﻦ ! ؟ .
ﻏﺎﻟﻴﻪ : ﻫﺪﻳﻦ ﻓﻠﻮﺱ ﻣﺎﻋﻨﺪﻳﺶ ﺑﻴﻬﻦ ﺍﻱ ﻟﺰﻭﻡ ﻳﻠﺰﻣﻨﻚ ﺍﻧﺖ ﺍﻛﺜﺮ ﻣﻨﻲ ..
ﻋﻤﺮ ﺍﻧﺼﺪﻡ ﻭﻗﻌﺪ ﻳﺸﻮﻓﻠﻬﺎ ﺑﺮﻓﻌﺔ ﺣﻮﺍﺟﺐ ..
ﻏﺎﻟﻴﻪ ﺑﻀﺤﻜﻪ : ﺧﻴﺮﻙ ﺟﻤﺪﺕ ... ﺧﻮﺩﻫﻦ ..
ﻋﻤﺮ : ﻏﺎﻟﻴﻪ !!
ﺧﺪﺕ ﻳﺪﻩ ﻭﺣﻄﺘﻬﻢ ﻓﻴﻬﺎ : ﺧﻮﺩﻫﻦ ﻭﺑﻼ ﻛﺜﺮﺓ ﺩﻭﺓ ﺗﺮﺍ ﻣﺎﺩﺭﻫﻠﻴﺶ ﻛﺒﺪﻱ ..
ﻋﻴﻮﻧﻪ ﺗﻌﺒﻮﺍ ﺩﻣﻮﻉ ..
ﺧﺪﺍﻫﻢ ﺑﺎﻟﺴﻴﻒ ﻭﻃﻮﻝ ﻃﻠﻊ ﻣﻦ ﺣﺪﺍﻫﺎ ..
ﻫﻲ ﺿﺤﻜﺖ ﻭﻗﺎﻟﺖ : ﻃﻠﻊ ﺣﺴﺎﺱ ﺑﻮ ﺑﻄﻦ ﻫﻬﻬﻬﻬﻬﻪ ...
🍃 ﺍﻟﻔﻠﻮﺱ ﻫﺎﺩﻡ ﺟﺰﺀ ﻣﻦ ﻣﺮﺗﺐ ﻏﺎﻟﻴﻪ ﺍﻟﻠﻲ ﻛﺎﻧﺖ ﺍﺩﺱ ﻣﻨﻪ
ﺍﻟﻤﻌﻄﺎﺀ ﻣﺎﻳﻘﺪﺭﺵ ﻳﻌﻴﺶ ﻣﻦ ﻏﻴﺮ ﻣﺎﻳﻌﻄﻲ 🍃
💕 ﺯﻱ ﻋﻤﺪﺓ ﻗﻠﺐ ﺍﻟﻤﻠﻌﻘﻪ ..
ﺭﺯﺍﻥ ﺑﻀﺤﻜﻪ : ﻭﺑﺎﻫﻲ ﻛﺎﻥ ﻗﺎﻟﻮﻟﻲ ﻣﻨﻴﻦ ﺟﺒﺘﻴﻪ؟
ﻋﻤﺎﺩ : ﺍﻳﺎﻩ ﻋﺎﺩ ﻗﻠﺒﻲ .. ﻣﻨﻲ ﻣﺎﻳﻌﺮﻓﺶ ﺍﻧﻚ ﺣﺐ ﻗﻠﺒﻲ ... ﺭﺍﻙ ﻓﺤﻜﻢ ﺧﻄﻴﺒﺘﻲ ﺍﻓﻬﻤﻲ ..
ﺭﺯﺍﻥ ﺍﺑﺘﺴﻤﺖ : ﺑﺲ ﻏﺎﻟﻲ ﻭﺍﺟﺪ ..
ﻋﻤﺎﺩ : ﻗﻠﺒﻲ ﻳﺎﺭﻳﺖ ﺩﻭﺓ ﺯﻱ ﻫﺎﺩﻱ ﻣﻌﺎﺵ ﻧﺴﻤﻌﻬﺎ ﻣﺮﺓ ﺗﺎﻧﻴﻪ ﺗﻤﺎﻡ !!
ﺿﺤﻜﺖ ﻭﻗﺎﻟﺖ : ﺗﻤﺎﻡ ...
ﻋﻤﺎﺩ : ﺑﺎﻫﻲ ﺗﻮﺍ ﺗﺮﺍ ﻗﻮﻟﻴﻠﻲ ... ﻧﺤﺒﻚ ﻳﺎﻋﻤﺪﺓ ﻗﻠﺒﻲ ..
ﺭﺯﺍﻥ : ﻫﻬﻬﻬﻬﻬﻬﻬﻬﻪ ..
ﻋﻤﺎﺩ : ﻣﺎﻓﻴﺶ ﻓﺎﻳﺪﻩ ... ﻣﺴﻮﻭﻭﻣﻪ .. ﻟﻔﻌﻪ ﻳﺎﻛﺒﺎﺩﻱ ﻟﻔﻌﻪ ..
ﺭﺯﺍﻥ : ﻫﻬﻬﻬﻬﻬﻬﻬﻬﻬﻬﻪ ..
ﻭﻫﻮ ﻳﻀﺤﻚ ﻣﻌﺎﻫﺎ ﻭﺍﻟﻘﻠﻮﺏ ﺗﺮﻓﺮﻑ ﺣﻮﺍﻟﻴﻦ ﺑﻌﺾ 💕💕
🍃🍃🍃🍃
ﻓﻲ ﻟﻴﻠﻪ ..
ﻃﻠﻌﺖ ﻏﺎﻟﻴﻪ ﻫﻲ ﻭﻋﻤﺮ ﺍﺧﺘﺎﺭﻭﺍ ﺑﻀﺎﻋﺔ ﺍﻟﺒﻴﺎﻥ ﻛﻠﻬﺎ ..
ﺍﻟﺒﻴﺎﻥ ﺍﻟﻠﻲ ﻛﺎﻧﺖ ﺗﺘﺠﻬﺰﻟﻪ ﻟﻤﻴﺎﺀ ... ﺗﻮﺗﻲ ﻭﺗﻌﺰﻡ ..
ﻭﻣﻦ ﺍﻟﻨﺎﺱ ﺍﻟﻠﻲ ﻋﺰﻣﺘﻬﻢ ﺣﻮﺵ ﻭﻟﺪ ﻋﻤﺘﻬﺎ ..
🍁 ﺍﻟﻤﺴﻜﻴﻨﻪ ﻟﻴﻠﻰ ﺑﺮﻏﻢ ﺍﻧﻬﺎ ﻣﻜﻤﻠﻪ ﺣﻴﺎﺗﻬﺎ ﻋﺎﺩﻱ ﺑﺲ ﺍﻟﻄﻌﻨﻪ ﺍﻟﻠﻲ ﺣﺼﻠﺘﻬﺎ ﺧﻠﺘﻬﺎ ﺗﺼﻜﺮ ﻗﻠﺒﻬﺎ ﺑﺎﻟﻤﺮﺓ ﻋﻦ ﺍﻟﺤﺐ ﻭﻣﻌﺎﺵ ﺗﺒﻲ ﺗﻌﻄﻲ ﻓﺮﺹ ﻣﻦ ﺍﻱ ﻧﻮﻉ ..
ﻟﻤﺎ ﻭﺻﻠﺘﻬﺎ ﺍﻟﺪﻋﻮﺓ ... ﻻﺑﻜﺖ ﻭﻻﻧﺪﺑﺖ ...
ﻛﻠﻤﻪ ﻭﺣﺪﻩ ﺑﺲ ﻗﺎﻟﺘﻬﺎ "... ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .."
ﻫﻲ ﻫﺎﻟﻜﻠﻤﻪ ﻃﺎﻟﻌﻪ ﻣﻦ ﻭﺳﻂ ﻗﻠﺐ ﻣﻜﺴﻮﺭ ﻣﺠﺮﻭﺡ ﻳﺘﺄﻟﻢ ..
ﻭﺭﻛﺒﺖ ﻓﻮﻕ ...
ﻟﻌﻨﺪ ﺍﻟﻠﻲ ﺳﻤﻌﻬﺎ ﻭﺭﺩ ﻳﻘﻮﻝ ﺳﺒﺤﺎﻧﻪ ..
( ﻭﻋﺰﺗﻲ ﻭﺟﻼﻟﻲ ﻷﻧﺼﺮﻧﻚ ﻭﻟﻮ ﺑﻌﺪ ﺣﻴﻦ )
ﺍﻳﻪ ﺗﻮﺍ ﻟﻴﻠﻰ ﻣﺘﺄﻟﻤﻪ ...
ﻭﻟﻤﻴﺎﺀ ﻓﺮﺣﺎﻧﻪ ﻭﺗﻀﺤﻚ ﻭﻣﺘﺤﻤﺴﻪ ...
ﺑﺲ ﺑﻌﺪ ﺣﻴﻦ 🍃....
🍁🍁🍁🍁🍁🍁
\19 ﺭﻣﻀﺎﻥ ..
ﻣﻘﻌﻤﺰﻳﻦ ﺍﻟﺰﻭﺯ ..
ﻭﺍﺣﺪ ﻳﺴﻤﻊ ﻉ ﺍﻟﺘﺎﻧﻲ ..
ﺍﻳﻤﻦ ¤: ﻟﻘﺪ ﺭﺿﻲ ﺍﻟﻠﻪ ﻋﻦ ﺍﻟﻤﺆﻣﻨﻴﻦ ﺍﺫ ﻳﺒﺎﻳﻌﻮﻧﻚ ﺗﺤﺖ ﺍﻟﺸﺠﺮﻩ ¤
" ﻣﺎﺍﺍﺍﺍﺍﺍﺍﺍﻣﺎﺍﺍﺍﺍﺍﺍﺍ "
ﺻﻜﺮ ﻣﺆﻧﺲ ﺍﻟﻤﺼﺤﻒ ..
ﺑﺲ ﺍﻳﻤﻦ ﺍﻟﻠﻲ ﺍﻧﻔﺠﻊ ﻃﻠﻌﺖ ﻣﻨﻪ ﻛﻠﻤﻪ ﻭﺣﺪﻩ ﺑﺲ ..
" ﺣﺪﻫﻢ .."!!
ﻃﻮﻝ ﻧﺎﺽ ﻣﻦ ﻣﻜﺎﻧﻪ ..
ﻭﺗﻮﺟﻪ ﻟﻠﺒﺎﺏ ﻭﻣﺆﻧﺲ ﻣﻌﺎﻩ ..
ﻓﺘﺢ ﺍﻟﺒﺎﺏ ﻭﻃﻠﻌﻮﺍ ﺍﻟﺰﻭﺯ ﻳﺴﻤﻌﻮﺍ ..
" ﻣﺎﺍﺍﺍﺍﻣﺎﺍﺍﺍﺍﺍ .. ﻣﺎﺍﺍﺍﺍﺍﻣﺎﺍﺍﺍﺍ .."
ﺍﻳﻤﻦ ﻛﺎﻥ ﻗﺎﺭﻥ ﺣﻮﺍﺟﺒﻪ ﻭﺑﺎﺩﻳﻪ ﻉ ﻭﺟﻬﻪ ﻣﻼﻣﺢ ﺍﻟﺨﻮﻑ ..
ﻣﺆﻧﺲ : ﻳﺎﺳﺘﻴﺮ ﻳﺎﺳﺘﻴﺮ ..
....
ﺣﺪﻫﻢ ﺑﻌﻴﺎﻁ : ﺗﻮﺍ ﻳﺎﺑﺎﺍﺍﺑﺎﺍ ﺗﻮﺍ ﻗﺎﻟﻲ ﻋﺒﺪﺍﻟﻠﻪ ﺗﻮﺍﺍﺍ ﺩﺍﺭﻭ ﺣﺎﺍﺍﺩﺙ ﻳﺎﺑﺎﺑﺎ ﺩﺍﺭﻭ ﺣﺎﺍﺍﺍﺩﺕ .. ﻣﺎﺍﺍﺍﺍﺍﺍﻣﺎﺍﺍﺍﺍﺍ
ﻳﺤﺎﻭﻟﻮﺍ ﺑﻮﻫﺎ ﻭﺣﻨﺎﻫﺎ ﻳﻬﺪﻭﻫﺎ ﻭﻫﻲ ﺗﻌﻴﻂ ﻭﺧﻼﺹ ..
ﺻﺒﺮﻳﻪ ﻓﻲ ﺍﻟﺮﻭﺷﻦ ﻭﺍﻗﻔﻪ ﺗﺘﻔﺮﺝ ﻗﺎﻟﺖ : ﺍﺗﺼﻠﻮﺍ ﺑﻴﻬﻢ ﻭﺍﻓﻬﻤﻮﺍ ..
ﻃﻠﻖ ﺣﺴﻦ ﺑﻨﺘﻪ ﺍﻟﻠﻲ ﺗﻌﻴﻂ ..
ﻭﺧﺪﻱ ﺍﻟﺘﻠﻴﻔﻮﻥ ﻭﻫﻮ ﻳﺮﻋﺶ ﻭﺍﺗﺼﻞ ﺑﺨﻮﺕ ﺭﺍﻭﻳﻪ ..
ﺣﺴﻦ : ﻫﺎ ﻳﺎﻫﺸﺎﻡ ... ﺷﻦ ﺻﺎﺭ ﺑﺎﻟﺰﺑﻂ ..
ﺣﺪﻫﻢ ﺳﻜﺘﺖ ﻭﻫﻲ ﺗﺴﻤﻊ ﻭﻣﺘﺮﻗﺒﻪ ..
ﺣﺴﻦ ﺷﺒﺢ ﻟﺒﻨﺘﻪ ﻭﻗﺎﻝ : ﻗﺼﺪﻙ ﺣﺪﺍﻙ ﺗﻮﺍ؟ !
ﺣﺪﻫﻢ ﻃﻠﻘﺖ ﺟﺪﺍﻫﺎ ﻭﺟﺖ ﻟﺒﻮﻫﺎ ﻭﻫﻲ ﻣﻠﻬﻮﻓﻪ ..
ﺣﺴﻦ : ﺑﺎﻫﻲ ﻋﻄﻴﻬﺎ ﺍﻟﻬﺎﺗﻒ ... ﻣﺪ ﺣﺴﻦ ﺍﻟﺘﻠﻴﻔﻮﻥ ﻟﺒﻨﺘﻪ ..
ﺧﺪﺍﺗﻪ ﻭﻫﻲ ﺗﺮﺟﻒ ﻭﺣﻄﺎﺗﻪ ﻉ ﻭﺫﻧﻬﺎ ﻭﻗﺎﻟﺖ ﺑﺼﻮﺕ ﺑﺎﻛﻲ : ﻣﺎﻣﺎ .
ﺭﺍﻭﻳﻪ : ﻫﺎﻩ ﻣﺎﻣﺎ ﺩﻭﺩﻭ ..
ﺣﺪﻫﻢ : ﻣﺎﻣﺎ ﺷﻦ ﺻﺎﺭﻟﻚ؟
ﺭﺍﻭﻳﻪ : ﻣﺎﺻﺎﺭﻟﻲ ﺷﻲ ﺣﺒﻴﺒﺘﻲ ﺍﻟﺤﺎﺩﺙ ﻣﺶ ﻛﺒﻴﺮ ﺍﻧﻲ ﻭﻋﻤﻚ ﺍﻟﺸﺎﺭﻑ ﻛﻮﻳﺴﻴﻦ ﺍﻟﺴﻴﺎﺭﺓ ﻫﻲ ﺍﻟﻠﻲ ﺍﺿﺮﺭﺕ ..
ﺣﺪﻫﻢ : ﻓﻲ ﺳﺘﻴﻦ ﺩﺍﻫﻴﻪ ﺍﻟﻤﻬﻢ ﺍﻧﺘﻲ ﻣﺎﻣﺎ ..
ﺭﺍﻭﻳﻪ ﺑﺈﺑﺘﺴﺎﻣﻪ : ﺍﻃﻤﻨﻲ ﺣﺒﻴﺒﺔ ﻣﺎﻣﺎ ﺍﻫﻮ ﺣﺘﻰ ﻛﺸﻔﺖ ﻭﻣﺎﻓﻴﺎ ﺷﻲ ﺻﺤﺘﻲ ﺗﻤﺎﻡ ..
ﺣﺪﻫﻢ ﻏﻤﻀﺖ ﻋﻴﻮﻧﻪ ﺑﺸﺪﻩ ﻭﺍﻟﺪﻣﻮﻉ ﻳﺴﻴﻠﻮﺍ ﻣﻨﻬﻢ ﻭﻗﺎﻟﺖ : ﺍﻟﺤﻤﺪ ﻟﻠﻪ ..
ﺭﺍﻭﻳﻪ ﺑﻀﺤﻜﻪ : ﺩﻭﺩﻱ ﻏﺪﻭﺓ ﻧﺮﺍﺟﻲ ﻓﻴﻚ ﺭﺍﻫﻮ ..
ﺍﺑﺘﺴﻤﺖ ﻭﺷﺒﺤﺖ ﻟﺒﻮﻫﺎ : ﺍﻳﻪ ﺇﻥ ﺷﺎﺀ ﺍﻟﻠﻪ ﺑﺎﺑﺎ ﻗﺎﻝ ﻏﺪﻭﺓ ﻣﻊ 12 ﻧﻜﻮﻧﻮﺍ ﻏﺎﺩﻱ ..
ﺍﺑﺘﺴﻢ ﺣﺴﻦ ..
ﺭﺍﻭﻳﻪ : ﻉ ﻧﺎﺭ ﻳﺎﻣﺎﻣﺎ ﻧﺴﺘﻨﻰ ..
ﺿﺤﻜﺖ ﻭﻗﺎﻟﺖ : ﻭﺍﻧﻲ ﺍﻛﺜﺮ ..
ﻃﻖ ﺍﻟﺒﺎﺏ ﺍﻟﻔﺎﺻﻞ ..
" ﻋﻤﻲ ﺣﺴﻦ .."
ﻣﺸﻲ ﻃﻮﻝ ﻟﻠﺒﺎﺏ ﻓﺘﺤﻪ ..
ﺑﺎﻧﺖ ﻉ ﺍﻳﻤﻦ ﺍﻟﻠﻲ ﻭﺍﻗﻒ ﺟﻨﺐ ﻣﺆﻧﺲ ﺣﺪﻫﻢ ﻭﻫﻲ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ ..
ﻭﻫﻲ ﺷﺎﻓﺎﺗﻪ ... ﺑﻌﺪﻳﻦ ﻃﻮﻝ ﻟﻔﺖ ﻭﺧﺸﺖ ﺩﺍﺧﻞ ﻭﺣﻨﺎﻫﺎ ﻣﻌﺎﻫﺎ ..
ﻣﺆﻧﺲ : ﺇﻥ ﺷﺎﺀ ﺍﻟﻠﻪ ﺧﻴﺮ؟ !
ﺣﺴﻦ : ﺧﻴﺮ .. ﺍﻡ ﺑﻨﺘﻲ ﺩﺍﺭﺕ ﺣﺎﺩﺙ ﺳﻴﺎﺭﺓ ﻭﺍﻟﺤﻤﺪ ﻟﻠﻪ ﺟﺖ ﺳﻠﻴﻤﻪ ...
ﺍﺑﺘﺴﻢ ﺍﻳﻤﻦ ﺑﺮﺍﺣﻪ ..
ﻣﺆﻧﺲ : ﺍﻟﺤﻤﺪ ﻟﻠﻪ ...
💕💕💕💕
ﻫﻲ ﺑﻌﺪ ﻛﻤﻠﺖ ﺍﻟﻤﻜﺎﻟﻤﻪ ..
ﻛﺎﻧﺖ ﻓﺮﺣﺎﻧﻪ ﻫﻠﺒﻪ ﻭﻣﺮﺗﺎﺣﻪ ﻉ ﺍﻵﺧﺮ ﻭﻣﺘﺤﻤﺴﻪ ﻟﻴﻮﻡ ﻏﺪﻭﺓ ..
ﺑﺲ ﻓﻲ ﻧﻔﺲ ﺍﻟﻮﻗﺖ ..
ﻛﺎﻧﺖ ﺗﻔﻜﺮ ﻓﻨﻈﺮﺓ ﻋﻴﻮﻥ ﺃﻳﻤﻦ ﻟﻴﻬﺎ ..
ﻛﺎﻧﺖ ﻧﻈﺮﻩ ﺣﻠﻮﻩ ﻭﻣﺨﺘﻠﻔﻪ ..
ﻧﻈﺮﻩ ﺧﻠﺘﻬﺎ ﺗﻨﺸﻐﻞ ﺑﻴﻬﺎ ﻋﻦ ﻛﻞ ﺷﻲ ...
ﻣﺸﺖ ﻃﻮﻝ ﻟﻠﺪﺭﻭﺝ ..
ﺭﺍﻛﺒﻪ ﻭﺷﻌﻮﺭﻫﺎ ﻫﻮ ﺍﻟﻠﻲ ﻳﺤﺮﻙ ﻓﻴﻬﺎ ...
ﻭﺻﻠﺖ ﻓﻮﻕ ...
ﻓﺘﺤﺖ ﺍﻟﺒﺎﺏ ﻣﺘﺎﻉ ﺍﻟﺴﻄﻮﺡ ..
ﻭﺧﺸﺖ ..
ﻗﻌﺪﺕ ﺗﻤﺸﻲ ..
ﺷﺒﺤﺖ ﺍﻳﻤﻴﻨﻬﺎ ..
ﻟﻘﺎﺗﻪ ..
ﻭﺍﻗﻒ ﻭﻳﺸﻮﻓﻠﻬﺎ ..
ﻓﺮﺣﺖ ﻗﺮﻳﺐ ﻃﺎﺭﺕ ﻣﻦ ﺍﻟﻔﺮﺡ ..
ﺑﺲ ﻣﻊ ﺫﻟﻚ ..
ﺍﺑﺘﺴﻤﺖ ﺑﻐﺮﻭﺭ ﻣﺼﻄﻨﻊ ﻭﻗﺪﻣﺘﻠﻪ ...
ﻭﻗﻔﺖ ﻗﻌﺪﺕ ﺗﺸﻮﻓﻠﻪ ..
ﻭﻫﻮ ﻳﺸﻮﻓﻠﻬﺎ ﻭﻣﺶ ﻋﺎﺭﻑ ﻋﻼﺵ ﻣﺶ ﻗﺎﺩﺭ ﻳﺤﻮﻝ ﻋﻴﻮﻧﻪ ..
ﻫﻲ ﺍﺑﺘﺴﻤﺖ ﻭﻗﺎﻟﺖ : ﺧﻴﺮ؟؟ !
ﻫﻮ ﺗﻠﺨﺒﻂ ﻭﻗﺎﻝ : ﺍﺣﻤﻢ .. ﺣﻤﺪ ﻟﻠﻪ ﻉ ﺳﻼﻣﺔ ﺍﻣﻚ ..
ﻫﻲ ﺍﺑﺘﺴﻤﺖ ﺑﺮﻓﻌﺔ ﺣﻮﺍﺟﺐ ﻭﻗﺎﻟﺖ : ﺍﻟﻠﻪ ﻳﺴﻠﻤﻚ ..
ﻫﻮ ﻏﻴﺮ ﻋﻴﻮﻧﻪ ﻋﻨﻬﺎ ﻭﻗﻌﺪ ﻳﺸﺒﺢ ﻟﺠﻬﻪ ﺗﺎﻧﻴﻪ ﻭﻫﻮ ﻣﺮﺑﻊ ﺍﻳﺪﻳﻪ ..
ﺣﺪﻫﻢ : ﻣﻤﻜﻦ ﻧﺴﺄﻟﻚ ..
ﺷﺒﺤﻠﻬﺎ ﻃﻮﻝ ..
ﺣﺪﻫﻢ : ﺍﻧﺖ ﺗﺘﻮﺍﺻﻞ ﻣﻊ ﺍﻣﻚ ..
ﺷﺒﺤﻠﻬﺎ ﺷﻮﻳﻪ ﻭﻫﺰ ﺭﺍﺳﻪ ﺑﺈﻳﺠﺎﺏ ..
ﺣﺪﻫﻢ : ﺗﺸﻮﻑ ﻓﻴﻬﺎ ﻭﻻ ﺗﺴﻤﻊ ﻓﺼﻮﺗﻬﺎ ﺑﺲ ..
ﺍﻳﻤﻦ : ﺍﻟﺰﻭﺯ ..
ﺣﺪﻫﻢ : ﺧﺎﻃﺮﻙ ﺗﻤﺸﻴﻠﻬﺎ ..
ﺍﻳﻤﻦ : ﺍﻛﻴﺪ ..
ﺣﺪﻫﻢ : ﺑﺎﻫﻲ ﻋﻼﺵ ﻣﺎﺗﻤﺸﻴﺶ ..
ﺗﻨﻬﺪ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﻣﻜﺎﻥ ﻭﻗﺎﻝ : ﻣﺎﻧﻘﺪﺭﺵ ﻧﺨﻠﻲ ﺍﻣﻲ ﻫﺪﻱ ..
ﻫﻲ ﺍﺑﺘﺴﻤﺖ ﺑﺈﺳﺘﻐﺮﺍﺏ ..
ﺍﺑﺘﺴﻢ ﻭﻗﺎﻝ : ﻗﺼﺪﻱ ﺍﻟﺒﻼﺩ .. ﻣﺶ ﻫﺎﻳﻨﻪ ﻋﻠﻴﺎ .. ﺧﺪﻱ ﻧﻔﺲ ﻭﻗﺎﻝ .. ﻧﺤﺲ ﻛﺎﻥ ﺧﻠﻴﺘﻬﺎ ﻧﻜﻮﻥ ﻛﻴﻒ ﺍﻟﺨﺎﻳﻦ ..
ﺍﺑﺘﺴﻤﺖ ﻭﻗﻌﺪﺕ ﺳﺎﻛﺘﻪ ..
ﺍﻳﻤﻦ : ﺗﻮ ﺍﻣﻲ ﺍﻣﻲ ﻳﺠﻴﻨﻲ ﻧﻬﺎﺭ ﺇﻥ ﺷﺎﺀ ﺍﻟﻠﻪ ﻭﺭﺑﻲ ﻳﺠﻤﻌﻨﻲ ﻓﻴﻬﺎ ﻟﻜﻦ ﺍﻟﺒﻼﺩ ﻧﺨﺎﻑ ﻛﺎﻥ ﻃﻠﻌﺖ ﻣﻨﻬﺎ ﺍﻣﻲ ﻣﺎﺗﺮﺿﺎﺵ ﻧﻮﻟﻴﻠﻬﺎ .. ﻏﺮﺑﺘﻲ ﻏﺪﻳﻚ ﺣﺘﻜﻮﻥ ﺍﺿﻌﺎﻑ ﻏﺮﺑﺘﻲ ﻫﻨﻰ ..
ﺣﺪﻫﻢ ﺑﺘﻠﻘﺎﺋﻴﻪ : ﺍﻧﺖ ﺗﻬﺒﻞ ..
ﻫﻮ ﻓﻨﺺ ..
ﺣﺪﻫﻢ ﻏﻤﻀﺖ ﻋﻴﻮﻧﻬﺎ ﻭﻗﺎﻟﺖ ﺑﺮﺑﻜﻪ : ﻛﻼﻣﻚ .. ﻓﺘﺤﺖ ﻋﻴﻮﻧﻬﺎ ﻭﻫﻲ ﺗﺄﺷﺮ ﺑﺴﺒﺎﺑﺘﻬﺎ ﻋﻠﻴﻪ ﻭﻗﺎﻟﺖ ﺑﻐﺮﻭﺭ ﻣﺼﻄﻨﻊ .. ﻛﻼﻣﻚ ﻫﻮ ﺍﻟﻠﻲ ﻳﻬﺒﻞ ﻣﺶ ﺍﻧﺖ .. ﺍﻧﺖ ﻋﺎﺩﻱ ﺟﺪﺍ .. ﻣﺴﺘﻐﺮﺑﻪ ﻛﻴﻒ ﻛﻼﻡ ﺯﻱ ﻫﺪﺍ ﻳﻄﻠﻊ ﻣﻨﻚ ..
ﻫﻮ ﻋﺼﺐ ﻭﻗﺎﻝ : ﻋﻨﺪﻙ ﻋﻠﻢ ﺍﻧﻚ ﻭﺣﺪﻩ ﻣﺘﻠﻔﻪ ﻭﻻ ﻋﻨﺪﻙ ﺍﺳﻠﻮﺏ ﻭﻻﻣﻨﻄﻖ ﻭﻣﻌﺘﻮﻫﻪ ..
ﺣﺪﻫﻢ ﺿﺤﻜﺖ ﻭﻗﺎﻟﺖ : ﺟﻮ ﻋﻠﻴﻚ ﻟﻤﺎ ﺗﺘﻨﺮﻓﺰ ..
ﻫﻮ ﺭﻓﻊ ﺣﻮﺍﺟﺒﻪ ..
ﺷﻘﻠﺒﺖ ﻋﻴﻮﻧﻬﺎ ..
ﻫﻮ ﻓﻨﺺ ..
ﺣﺪﻫﻢ ﺑﻀﺤﻜﻪ : ﻫﺪﺍ ﻋﻼﺵ ﻧﺪﻳﺮﻟﻚ ﻓﻴﻬﺎ ﻗﺼﺪﺍ ﻧﺒﻲ ﻧﺸﻮﻑ ﻓﻴﺴﻚ ﻫﺪﺍ ..
ﻫﻮ ﺭﺧﻲ ﻋﻴﻮﻧﻪ .. ﻭﻏﻴﺮﻫﻢ ﻋﻨﻬﺎ .. ﺑﻌﺪﻳﻦ ﺿﺤﻚ ﻭﻗﺎﻝ : ﻣﻌﺘﻮﻫﻪ ..
ﺿﺤﻜﺖ ﻭﻗﺎﻟﺖ : ﻭﺗﺪﻭﻱ ﻉ ﺍﻷﺳﻠﻮﺏ ؟ !
ﺿﺤﻚ ﺗﺎﻧﻲ ﺑﺪﻭﻥ ﻣﺎﻳﺸﻮﻓﻠﻬﺎ ..
ﺣﺪﻫﻢ ﺑﻀﺤﻜﻪ : ﻏﺪﻭﺓ ﺑﻨﻤﺸﻲ ﻟﻤﺎﻣﺎ ..
ﺑﺪﻭﻥ ﻣﺎﻳﺸﻮﻓﻠﻬﺎ ﻗﺎﻝ : ﻃﻴﺐ ﻓﻴﻚ .. ﺗﻤﺸﻲ ﻭﺗﺠﻲ ﺳﺎﻟﻤﻪ ..
ﺣﺪﻫﻢ : ﻣﺮﺍﺕ ﻣﻌﺎﺵ ﻧﺠﻲ ..
ﻫﻮ ﺷﺒﺤﻠﻬﺎ ﻃﻮﻝ ﻭﻗﻠﺒﻪ ﻧﺒﺾ ﺑﻘﻮﺓ .
ﺣﺪﻫﻢ : ﻫﻬﻬﻬﻬﻬﻬﻬﻪ .. ﺍﻧﺒﺼﺮ ﻋﻠﻴﻚ ﺧﻴﺮﻙ ﻗﺮﻳﺐ ﻣﺘﺖ ..
ﻫﻮ ﻓﻨﺺ ﻭﻗﺎﻝ : ﻗﺮﻳﺐ ﻣﺘﺖ ..!!!
ﺣﺪﻫﻢ : ﻫﻬﻬﻬﻬﻬﻬﻬﻬﻬﻪ ... ﻟﻔﺖ ﻭﻣﺸﺖ ﺗﺠﺮﻱ ﻟﻠﺒﺎﺏ ﻭﻧﺰﻟﺖ ﻃﻮﻝ ..
ﻭﻫﻮ ﻗﻌﺪ ﻭﺍﻗﻒ ﻓﻤﻜﺎﻧﻪ ﺯﻱ ﺍﻟﻤﺼﺪﻭﻡ ..
ﺷﻮﻳﻪ ﺷﻮﻳﻪ ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ..
ﻭﻫﺎﻹﺑﺘﺴﺎﻣﻪ ﻭﻟﺖ ﺿﺤﻜﻪ ..
ﻟﻒ ﻭﻣﺸﻲ ﻭﻫﻮ ﻳﻀﺤﻚ ﻭﻳﺤﺮﻙ ﻓﺮﺍﺳﻪ ﺍﻳﻤﻴﻦ ﻭﻳﺴﺎﺭ ﺑﻌﺪﻳﻦ ﻗﺎﻝ ...
💕 ﻣﻌﺘﻮﻫﻪ 💕
🍃🍃🍃🍃🍃🍃🍃🍃
ﻭﻣﺮﺕ ﺍﻷﻳﺎﻡ ..
ﻭﺟﻲ ﻧﻬﺎﺭ \27 ﺭﻣﻀﺎﻥ ..
ﻣﻊ ﺍﻟﺴﺎﻋﻪ 10 ﺻﺒﺎﺣﺎ ..
ﺗﺴﻘﺪﻭﺍ ﻫﺎﻧﻴﺒﺎﻝ ﻭﻋﻤﺮ ﻭﺍﻟﻬﺎﺩﻱ ..
ﻭﻣﻌﺎﻫﻢ ﻓﻲ ﺍﻟﺴﻴﺎﺭﺍﺕ ..
ﻓﺎﻃﻤﻪ .. ﻏﺎﻟﻴﻪ ..
ﺣﻤﻴﺪﻩ .. ﺳﻤﻴﻪ ..
ﻣﺮﺍﻡ .. ﺳﻌﻴﺪﻩ ..
ﺭﺯﺍﻥ ...
ﻭﻃﺒﻌﺎ ﺭﺍﻓﻌﻴﻦ ﻣﻌﺎﻫﻢ ﺑﻀﺎﻋﺔ ﺍﻟﺒﻴﺎﻥ ..
ﻭﻛﻠﻬﻢ ﻣﺸﻮﺍ ﻟﺤﻮﺵ ﻛﻔﺎﻳﻪ ..
ﻟﻤﺎ ﻭﺻﻠﻮﺍ .. ﻣﻊ ﺍﻟﺴﺎﻋﻪ ﺍﻟﻮﺍﺣﺪﻩ ﻇﻬﺮﺍ ..
ﻃﻮﻝ ﺻﻠﻮﺍ ﺍﻟﻈﻬﺮ ﻭﺭﻗﺪﻭﺍ ...
ﻭﻣﻊ ﺍﻟﺜﻼﺗﻪ ..
ﻧﺎﺿﻮﺍ ﺍﻟﻨﺴﺎﻭﻳﻦ ﻭﺧﺸﻮﺍ ﺍﻟﻜﻮﺟﻴﻨﻪ ﻳﻮﺗﻮﺍ ﻟﻠﻔﻄﻮﺭ ..
ﻣﺎﻛﺘﺮﻭﺵ ﻫﻠﺒﻪ ..
ﺑﺶ ﻳﻠﻬﻮﺍ ﺑﺘﺠﻬﻴﺰ ﺃﻧﻔﺴﻬﻢ ...
🍁🍁🍁🍁🍁
ﺑﻌﺪ ﺻﻼﺓ ﺍﻟﻌﺸﻲ ﻛﻠﻬﻢ ﻛﺎﻧﻮﺍ ﻭﺍﺗﻴﻴﻦ ..
ﻣﺮﺍﻡ ﺍﻟﻌﺮﻭﺳﻪ ﻛﻔﺎﻳﻪ ﻭﺻﺘﻠﻬﺎ ﻉ ﻣﺰﻳﻨﻪ ﺗﻮﻧﺴﻴﻪ ﺗﺠﻴﻬﺎ ﻟﻠﺤﻮﺵ ..
ﻭﻃﻠﻌﺘﻬﺎ ﺣﺎﺟﻪ ﻣﺎﺻﺎﺭﺗﺶ ...
ﻭﺭﺯﻭﻧﻪ 💕 ﻛﺎﻧﺖ ﻻﺑﺴﻪ ﻗﻔﻄﺎﻥ ﺟﺎﺑﻬﻮﻟﻬﺎ ﻋﻤﺪﺓ ﻗﻠﺒﻬﺎ ..
ﻛﺎﻥ ﻟﻮﻧﻪ ﺍﺣﻤﺮ ﻗﺎﻧﻲ ﻛﻢ ﻟﻌﻨﺪ ﺍﻟﺮﻛﺒﻪ ﻭﻣﻨﻔﻮﺥ ﻣﻦ ﺑﻌﺪ ﺍﻟﺨﺼﺮ ﻃﻠﻌﺖ ﻓﻴﻪ ﺗﺠﻨﻦ ..
ﻭﻟﺒﺴﺖ ﻋﻠﻴﻪ ﺍﻟﺴﻠﺴﻠﻪ ﺍﻟﻠﻲ ﺧﺪﺍﻫﺎﻟﻬﺎ ﻭﺍﻟﺨﺎﺗﻢ ..
ﻭﻃﻠﻌﺖ ﺧﻴﺎﻝ ..
ﻭﻛﻔﺎﻳﻪ ﻃﻮﻝ ﺍﻟﻮﻗﺖ ﻋﻴﻮﻧﻬﺎ ﻋﻠﻴﻬﺎ ﻭﻓﺮﺣﺎﻧﻪ ﺑﻴﻬﺎ ..
ﻭﻣﻦ ﺟﻬﺔ ﺗﺎﻧﻴﻪ ..
ﺳﻤﻴﻪ ﻭﺣﻤﻴﺪﻩ ﻣﺘﺮﺻﺪﻳﻦ ﻟﻤﺮﺍﻡ ﻭﺧﻼﺹ ﻭﻣﻨﻐﺎﺿﻴﻦ ﻣﻨﻬﺎ ﻫﻠﺒﻪ .. ﻭﻫﻲ ﻛﺎﻧﺖ ﻣﺘﺠﻨﺒﺘﻬﻢ ...
🍁🍁🍁🍁
ﺗﺴﻘﺪﻭﺍ ﻛﻠﻬﻢ ﻟﺤﻮﺵ ﻟﻤﻴﺎﺀ ..
ﻃﻠﻌﻮﺍ ﻣﻦ ﺣﻮﺵ ﻛﻔﺎﻳﻪ ﺑﺎﻟﻜﻼﻛﺴﺎﺕ ﻭﺍﻷﻟﻌﺎﺏ ﺍﻟﻨﺎﺭﻳﻪ ..
ﻭﻟﻴﻠﻰ 💔
ﻣﻦ ﺍﻟﺮﻭﺷﻦ ﻛﺎﻧﺖ ﺗﺘﻔﺮﺝ ...
ﻭﻣﺘﺄﻟﻤﻪ ﻫﻠﺒﻪ .. ﻭﻣﺤﺮﻭﻗﻪ ...
ﻭﺑﻬﻤﺲ ﻛﺎﻧﺖ ﺗﻘﻮﻝ ﻭﺗﺮﺩﺩ
" ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ "
🍃 ﺍﻟﺒﻌﺾ ﻳﻘﻮﻝ ﻟﻴﺶ ﻣﺎﺗﺘﺠﺎﻭﺯ ﻣﺮﺣﻠﺘﻬﻢ ﻭﺗﻨﺴﺎﻫﻢ ...
ﻣﻤﻜﻦ ﻳﻨﺘﺴﻮﺍ ﺍﻷﺷﺨﺎﺹ ﺑﺲ ﺍﻟﺨﻴﺎﻧﻪ ﻣﺎﺗﻨﺘﺴﺎﺵ ﺍﻟﺨﻴﺎﻧﻪ ﺗﺨﻠﻒ ﻭﺭﺍﻫﺎ ﺍﺛﺮ ﻓﻲ ﻧﻔﺲ ﺍﻟﻠﻲ ﺍﻧﺨﺎﻥ ﺗﺨﻠﻴﻪ ﻳﻔﻘﺪ ﺍﻟﺜﻘﻪ ﻓﻲ ﻛﻞ ﺍﻟﻨﺎﺱ .. ﻟﻬﺪﺍ ﺗﺠﺎﻭﺯ ﻫﺎﻟﺸﻲ ﺻﻌﺐ ﻫﻠﺒﻪ ﻫﻠﺒﻪ 🍃
🍁🍁🍁🍁🍁
ﻣﻊ ﺑﻌﻀﻬﻢ ﻭﺻﻠﻮﺍ ..
ﻫﻤﺎ ﻭﺯﻳﻨﺐ ﻭﻧﻌﻴﻤﻪ ﻭﺣﻤﻴﺪ ..
ﻭﺍﺳﺘﻘﺒﻠﻮﻫﻢ ﺍﻫﻞ ﻟﻤﻴﺎﺀ ﺑﺎﻟﻐﻨﻲ ﻭﺍﻟﺪﺭﺑﻮﻛﻪ ...
ﺣﻄﻮﺍ ﺳﻮﺍﺑﻴﺘﻬﻢ ﻓﻲ ﺻﺎﻟﻪ ﻛﺒﻴﺮﺓ ﻓﻲ ﺣﻮﺵ ﺍﻫﻞ ﻟﻤﻴﺎﺀ ..
ﻭﻛﻞ ﺷﻲ ﻣﻦ ﺍﺣﺴﻦ ﻣﺎﻳﻜﻮﻥ ..
ﺍﻡ ﻟﻤﻴﺎﺀ ﻭﺧﻮﺍﺗﻬﺎ ﻓﺮﺣﻮﺍ ﻫﻠﺒﻪ ﻭﺷﺎﻓﻮﺍ ﺍﺭﻭﺍﺣﻬﻢ ﻗﺪﺍﻡ ﺍﻷﻗﺎﺭﺏ ..
ﺍﻻﻗﺎﺭﺏ ﺍﻟﻠﻲ ﻛﺎﻧﻮﺍ ﻳﺘﻬﺎﻣﺴﻮﺍ ﻭﻳﻘﻮﻟﻮﺍ ...
" ﺻﺤﻪ ﻹﻳﺪﻫﺎ "
🍃 ﺍﻳﻪ ﻓﻲ ﻧﺎﺱ ﺗﺸﻮﻑ ﺍﻟﻠﻲ ﺩﺍﺭﺍﺗﻪ ﻟﻤﻴﺎﺀ ﻓﻼﺣﻪ 🍃
🍁 ﻭﺳﻨﺎﺀ ﻛﺎﻥ ﺗﺒﻲ ﺗﺘﻔﻠﺤﻦ ..
ﺗﺮﺣﺐ ﻭﺗﺄﻫﻞ ﻭﺗﺴﻬﻞ ﻭﺗﻤﺸﻲ ﻭﺗﺠﻲ ﻋﻨﺪ ﺭﺍﺱ ﻛﻔﺎﻳﻪ ﺗﺤﺪﻳﺪﺍ ﻣﺤﺎﻭﻻﺕ ﻟﻠﻔﺖ ﺍﻟﻨﻈﺮ ...
ﻭﻻ ﻓﻲ ﻣﻦ ﻣﻌﺒﺮﻫﺎ ...
ﺭﻓﻘﻪ : ﻗﺪﺍﺵ ﻣﺪﺭﻫﺘﻠﻲ ﻛﺒﺪﻱ ﺍﺧﺘﻬﺎ ..
ﺭﺯﺍﻥ : ﻟﻜﻦ ﺗﺤﺴﻴﻬﺎ ﻛﻮﻳﺴﻪ ﻭﺍﺳﻠﻮﺑﻬﺎ ﺳﻤﺢ ..
ﺭﻓﻘﻪ : ﻣﺎﻧﺰﻟﺘﻠﻴﺶ ﻣﻦ ﺯﻭﺭ ...
ﺿﺤﻜﺖ ﺭﺯﺍﻥ ..
ﺷﺒﺤﺖ ﺭﻓﻘﻪ ﻟﻘﻔﻄﺎﻥ ﺭﺯﺍﻥ ﻭﻗﺎﻝ : ﻗﻔﻄﺎﻧﻚ ﻭﺍﻭ ﺭﻭﺯﻱ ﻳﺠﻨﻦ ..
ﺍﺑﺘﺴﻤﺖ ﺭﺯﺍﻥ ﻭﻗﺎﻟﺖ : ﺧﺪﺍﻫﻠﻲ ﻋﻤﺎﺩ ..
ﺭﻓﻘﻪ ﺍﺑﺘﺴﺎﻣﺘﻬﺎ ﺗﻌﻜﺮﺕ ...
ﻓﻬﺎﻟﻠﺤﻈﻪ ﺧﺸﺖ ﻟﻤﻴﺎﺀ ..
ﻭﺑﺪﻭﺍ ﻳﺪﺭﺑﻜﻮﺍ ﻋﻠﻴﻬﺎ ﻭﻳﻐﻨﻮﺍ ..
ﻛﺎﻧﺖ ﻻﺑﺴﻪ ﻗﻔﻄﺎﻥ ﻟﻮﻧﻪ ﻳﺎﻗﻮﺗﻲ .. ﻣﻦ ﻏﻴﺮ ﺳﻴﻮﺭ ﻣﻔﺼﻞ ﻉ ﺍﻟﺠﺴﻢ .. ﻭﻛﻠﻪ ﻳﻠﻤﻊ .. ﻭﺭﺍﻓﻌﻪ ﺷﻌﺮﻫﺎ ﻓﻮﻕ ﺑﻄﺮﻳﻘﻪ ﺣﻠﻮﻩ ..
ﻭﺍﻟﻔﺮﺣﻪ ﺑﺘﺘﻨﻄﺮ ﻣﻦ ﻋﻴﻮﻧﻬﺎ ..
ﺳﻠﻤﻮﺍ ﻋﻠﻴﻬﺎ ﺍﻫﻠﻪ ...
ﺍﻣﻪ ﺍﻟﻠﻲ ﻛﺒﺖ ﻟﻤﻴﺎﺀ ﻉ ﺭﺍﺳﻬﺎ ﻭﺳﻤﻌﺘﻬﺎ ﻛﻼﻡ ﺯﻱ ﺍﻟﻌﺴﻞ ..
ﻭﺑﻌﺪﻫﺎ ﺣﻤﻮﺍﺗﻬﺎ ﺑﺎﻟﻮﺣﺪﻩ ..
ﻭﺳﻠﻔﺎﺗﻬﺎ ..
ﺟﺖ ﻋﻨﺪ ﺍﻟﻌﺮﻭﺳﻪ ..
ﺍﻧﻘﻤﺼﺖ .. ﺭﻓﻌﺖ ﺣﺎﺟﺒﻬﺎ ﻭﻫﻲ ﺗﺴﻠﻢ ﻋﻠﻴﻬﺎ ..
ﺑﻴﻨﻤﺎ ﻣﺮﺍﻡ ﺑﺤﺴﻦ ﻧﻴﻪ ﻛﺎﻧﺖ ﺗﺴﻠﻢ ﻋﺎﺩﻱ ...
ﻭﺑﺪﻝ ﻣﺎﺗﺮﻛﺰ ﻣﺮﺍﻡ ﻉ ﻟﻤﻴﺎﺀ ﻷﻧﻬﺎ ﺻﺎﺣﺒﺔ ﺍﻟﻤﻨﺎﺳﺒﻪ ﺭﻛﺰﺕ ﻟﻤﻴﺎﺀ ﻉ ﻣﺮﺍﻡ ...
ﻭﻫﻲ ﺍﺳﺎﺳﺎ ﻛﺎﺭﻫﺘﻬﺎ ﻣﻦ ﻣﺪﺡ ﻋﻤﺮ ﺍﻟﺪﺍﺋﻢ ﻟﻴﻬﺎ .. ﻷﻧﻬﺎ ﺣﺴﺖ ﺍﻥ ﻳﻠﻘﺢ ﻋﻠﻴﻬﺎ ..
ﻭﻫﻮ ﻓﻌﻼ ﻛﺎﻥ ﻳﻠﻘﺢ ...
🍁🍁🍁🍁
ﺍﻡ ﻟﻤﻴﺎﺀ " ﻧﺎﺩﺭﺓ " ﺟﺖ ﻟﺒﻨﺘﻬﺎ ﻭﺳﺄﻟﺘﻬﺎ : ﻟﻤﻴﺎﺀ ..
ﻟﻤﻴﺎﺀ ﺷﺒﺤﺘﻠﻬﺎ : ﻧﻌﻢ ﻣﺎﻣﺎ ..
ﻧﺎﺩﺭﺓ : ﺍﻟﺒﻨﻴﻪ ﺍﻟﻠﻲ ﻻﺑﺴﻪ ﺣﻨﻲ ﻣﻦ ﻫﻲ؟
ﺷﺒﺤﺘﻠﻬﺎ ﻟﻤﻴﺎﺀ ﻭﻗﺎﻟﺖ : ﺑﻨﺖ ﺳﻠﻔﻲ ﺍﻟﻜﺒﻴﺮ ..
ﻧﺎﺩﺭﺓ : ﻋﺠﺒﺘﻨﻲ ﻫﻠﺒﻪ .. ﺷﻦ ﺭﺍﻳﻚ ﻓﻴﻬﺎ ﻟﺨﻮﻙ ﺍﺑﺮﺍﻫﻴﻢ .
ﺷﺒﺤﺖ ﻟﻤﻴﺎﺀ ﻟﺮﺯﺍﻥ ﻫﻠﺒﻪ ﺑﻌﺪﻳﻦ ﻗﺎﻟﺖ : ﺻﺢ ﻭﺍﻟﻠﻪ ﺗﻬﺒﻞ ﻫﻲ ﻭﺗﻤﺸﻲ ﻣﻊ ﺑﺮﻫﻮﻡ ..
ﻧﺎﺩﺭﺓ : ﻧﻜﻠﻢ ﺍﻣﻬﺎ ..
ﺍﺑﺘﺴﻤﺖ ﻟﻤﻴﺎﺀ : ﻛﻠﻤﻲ ..
ﺍﺑﺘﺴﻤﺖ ﻧﺎﺩﺭﺓ ﻭﻣﺸﺖ ﻃﻮﻝ ﻟﺴﻌﻴﺪﻩ ..
🍁🍁🍁🍁
ﺳﻌﻴﺪﻩ ﺑﺈﺑﺘﺴﺎﻣﻪ : ﻭﺍﻟﻠﻪ ﻳﺎﺣﺒﻴﺒﻪ ﺍﻟﺒﻨﺖ ﻋﺎﻃﻴﻴﻦ ﻓﻴﻬﺎ ﻛﻠﻤﻪ ..
ﻧﺎﺩﺭﺓ : ﺧﺴﺎﺭﺓ ...
ﺳﻌﻴﺪﻩ ﻗﻌﺪﺕ ﺳﺎﻛﺘﻪ ﻭﻫﻲ ﻣﺒﺘﺴﻤﻪ ..
ﻧﺎﺩﺭﺓ : ﻳﺎﺣﻨﻪ ﺍﻟﻠﻲ ﺯﻳﻬﺎ ﻣﺎﻳﻘﻌﺪﻭﺵ .. ﺭﺑﻲ ﻳﺤﻔﻈﻬﺎ ﻭﻳﺘﻤﻤﻠﻬﺎ ﻉ ﺧﻴﺮ ..
ﺳﻌﻴﺪﻩ : ﺁﻣﻴﻦ .. ﻭﺗﻠﻘﻮﺍ ﺧﻴﺮ ﻣﻨﻬﺎ ﺇﻥ ﺷﺎﺀ ﺍﻟﻠﻪ ..
ﻧﺎﺩﺭﺓ ﺑﺈﺑﺘﺴﺎﻣﻪ : ﺻﺤﻴﺘﻲ ..
🍁 ﻭﻣﺸﺖ ﻃﻮﻝ ﻧﺎﺩﺭﺓ ﻗﺎﻟﺖ ﺍﻟﻠﻲ ﺻﺎﺭ ﻟﻠﻤﻴﺎﺀ .. ﻭﻟﻤﻴﺎﺀ ﺍﺿﺎﻳﻘﺖ ﻉ ﻗﺪ ﻉ ﻣﺎ ﻋﺠﺒﺘﻬﺎ ﺭﺯﺍﻥ ...
🍁🍁🍁
ﺟﻲ ﻭﻗﺖ ﻳﻠﺒﺴﻮﺍ ﻟﻤﻴﺎﺀ ﺍﻟﺪﺑﻠﻪ ﻭﺍﻟﺘﻌﻠﻴﻘﻪ ..
ﺩﺧﻠﻮﻫﺎ ﺍﻣﻬﺎ ﻭﺧﺎﻻﺗﻬﺎ ﻟﺒﺴﻮﻫﺎ ﺍﻟﻘﻔﻄﺎﻥ ﺍﻟﻜﺒﻴﺮ ﺍﻟﻠﻲ ﺟﺎﺑﻮﻩ ﻣﻊ ﺍﻟﺒﻴﺎﻥ ..
ﻛﺎﻥ ﻭﺍﺳﻊ ﺷﻮﻳﻪ ﻋﻠﻴﻬﺎ ﻷﻧﻬﺎ ﺿﻌﻴﻔﻪ .. ﺑﺲ ﻣﻊ ﻫﺬﺍ ﻛﺎﻧﺖ ﻓﺮﺣﺎﻧﻪ ﺑﻴﻪ ﻉ ﺍﻵﺧﺮ ..
ﻃﻠﻌﻮﻫﺎ ..
ﺯﻏﺮﻃﻮﺍ ﻋﻠﻴﻬﺎ ﻭﺑﺪﻭﺍ ﻳﺪﺭﺑﻜﻮﺍ ..
ﺑﻌﺪﻳﻦ ﻣﺸﻮﺍ ﺍﻟﺤﺎﺟﻪ ﻓﺎﻃﻤﻪ ﻭﻣﻌﺎﻫﺎ ﻏﺎﻟﻴﻪ ﺑﺶ ﺑﻴﻠﺒﺴﻮﺍ ﻟﻤﻴﺎﺀ ..
ﻭﺍﻟﻤﺼﻮﺭﺓ ﺗﺼﻮﺭ ..
ﺭﺑﺎﺏ : ﺗﺤﺴﻲ ﺍﻟﻘﻔﻄﺎﻥ ﻭﺍﺳﻊ ..
ﺭﺍﻧﻴﺎ : ﺍﻳﻪ ﻟﻜﻦ ﺣﻠﻮ ﺑﺎﻟﻤﺮﺓ .. ﺫﻭﻕ ﺧﺎﻟﺘﻲ ﻏﺎﻟﻴﻪ ﻣﺘﺄﻛﺪﻩ ..
ﻧﻮﺭ : ﻣﻦ ﻏﻴﺮ ﻛﻼﻡ .. ﻟﻜﻦ ﺧﻠﻮﻧﻲ ﻣﻨﻬﺎ ﻣﺎﺭﻛﺰﺗﻮﺵ ﻉ ﺍﺧﺘﻬﺎ ..
ﺭﺑﺎﺏ : ﻣﺪﺭﻫﺘﻠﻲ ﻛﺒﺪﻱ ..
ﻧﻮﺭ : ﺍﻳﻪ ﻣﻦ ﺑﻜﺮﻱ ﺍﺩﻭﺭ ﻉ ﺭﺍﺱ ﺧﺎﻟﺘﻲ ﻛﻔﺎﻳﻪ ..
ﺭﺍﻧﻴﺎ ﺑﻀﺤﻜﻪ : ﻗﻮﻟﻮﻟﻬﺎ ﺍﻟﻠﻲ ﻋﻨﺪﻫﺎ ﻛﻠﻪ ﻣﺤﺠﻮﺯ ﺍﻟﺒﻀﺎﻋﻪ ﺗﻤﺖ ..
ﺿﺤﻜﻮﺍ ﻧﻮﺭ ﻭﺭﺑﺎﺏ ..
🍁🍁🍁🍁
ﻟﻤﻴﺎﺀ : ﻣﻴﺪﺍﺍﺍ ..
ﺷﺒﺤﺘﻠﻬﺎ ﺣﻤﻴﺪﻩ : ﻧﻌﻢ ..
ﺍﺷﺮﺗﻠﻬﺎ ﺑﻴﺪﻫﺎ ﺗﻘﺮﺏ ..
ﻗﺮﺑﺖ ﺣﻤﻴﺪﻩ ﻭﺟﺘﻬﺎ : ﺷﻨﻮ؟
ﻟﻤﻴﺎﺀ : ﺑﻨﺖ ﺧﻮﻙ ﻣﻴﻼﺩ ﺣﻖ ﻋﺎﻃﻴﻴﻦ ﻓﻴﻬﺎ ﻛﻠﻤﻪ ..
ﺣﻤﻴﺪﻩ : ﺍﻳﻪ ﻟﻮﻟﺪ ﻛﻔﺎﻳﻪ ﺍﻟﻜﺒﻴﺮ ..
ﺍﺗﻔﺎﺟﺌﺖ ﻟﻤﻴﺎﺀ ﻭﺷﺒﺤﺖ ﻷﺧﺘﻬﺎ .. ﺑﻌﺪﻳﻦ ﺭﺟﻌﺖ ﺷﺎﻓﺖ ﻟﺤﻤﻴﺪﻩ ﻭﻗﺎﻟﺖ : ﺍﻫﺎ ..
ﺣﻤﻴﺪﻩ : ﺣﻄﻴﺘﻮﺍ ﻋﻠﻴﻬﺎ ﺍﻟﻌﻴﻦ؟
ﻟﻤﻴﺎﺀ ﺑﺈﺑﺘﺴﺎﻣﻪ ﻣﺠﺎﻣﻠﻪ : ﺍﻳﻪ .. ﻟﺨﻮﻱ ﺍﺑﺮﺍﻫﻴﻢ ﺍﻟﻠﻲ ﻗﺎﻋﺪ ﻓﻲ ﺍﻣﺮﻳﻜﺎ ...
ﺣﻤﻴﺪﻩ ﺭﻓﻌﺖ ﺣﻮﺍﺟﺒﻬﺎ ﻭﻗﺎﻝ : ﺍﻟﻠﻲ ﻳﺤﻀﺮ ﺑﺮﺍ؟
ﻟﻤﻴﺎﺀ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻗﺎﻟﺖ : ﻳﻠﻼ .. ﻧﺼﻴﺒﺎﺕ ..
ﺣﻤﻴﺪﻩ ﻭﻫﻲ ﺗﺸﻮﻑ ﻟﺮﺯﺍﻥ : ﺍﻳﻪ ﻧﺼﻴﺒﺎﺕ ..
🍁🍁🍁🍁🍁🍁
ﻣﻊ ﺍﻟﺴﺎﻋﻪ 12:45 ﻟﻴﻼ ..
ﺭﻭﺣﻮﺍ ﻣﻦ ﺣﻮﺵ ﻟﻤﻴﺎ ..
ﻧﻌﻴﻤﻪ ﻭﺯﻳﻨﺐ ﻟﺤﻴﺎﺷﻬﻢ ..
ﻭﺍﻟﺒﺎﻗﻲ ﻟﺤﻮﺵ ﻛﻔﺎﻳﻪ ..
🍁🍁🍁
ﻣﺶ ﺣﻠﻮﺓ ﻫﻠﺒﻪ ﻋﺎﺩﻳﻪ ..
ﺩﻻﻝ : ﺑﺎﻫﻲ ﺍﻟﻠﻲ ﺭﻓﻌﻮﻩ ﻓﻲ ﺍﻟﺒﻴﺎﻥ ..
ﻧﻮﺭ : ﻛﻠﻪ ﺫﻭﻕ ﺧﺎﻟﺘﻲ ﻏﺎﻟﻴﻪ ﻭﺍﻧﺘﻲ ﺗﻌﺮﻓﻲ ﺫﻭﻗﻬﺎ ..
ﺩﻻﻝ ﺑﺈﺑﺘﺴﺎﻣﻪ : ﺍﻛﻴﺪ .. ﺑﺎﻫﻲ ﺍﻫﻠﻬﺎ ﺷﻦ ﺣﺴﻴﺘﻮﻫﻢ ..
ﻧﻮﺭ؛ﻓﺮﺣﺎﻧﻴﻦ ﺑﻴﻄﻴﺮﻭﺍ ... ﺑﻌﺪﻳﻦ ﺳﻜﺘﺖ ﺷﻮﻳﻪ ﻭﻗﺎﻟﺖ .. ﻟﻜﻦ ﺑﻨﻘﻮﻟﻚ ﺣﺎﺟﻪ ﺳﻤﻌﺘﻬﺎ ﻣﻦ ﺍﻗﺎﺭﺑﻬﺎ ﻛﺎﻧﻮﺍ ﻳﻬﺪﺭﺯﻭﺍ ﻭﺭﺍﻱ ﻭﺳﻤﻌﺘﻬﻢ ..
ﺩﻻﻝ ﺑﺈﺳﺘﻐﺮﺍﺏ : ﺣﺎﺟﺔ ﺷﻨﻲ ؟
ﻧﻮﺭ : ﺳﻤﻌﺖ ﻭﺣﺪﻩ ﻗﺎﻟﺖ ﻧﻴﺔ ﻟﻴﻠﻰ ﺗﻮ ﺗﺎﺧﺪﻫﻢ ﻭﺗﻮ ﺗﺸﻮﻓﻲ .. ﻫﻜﻲ ﻗﺎﻟﺖ ..
ﺩﻻﻝ ﺑﺘﻀﻴﻴﻘﺔ ﻋﻴﻮﻥ : ﻣﻦ ﻟﻴﻠﻰ !! ؟
ﻧﻮﺭ : ﻣﺶ ﻋﺎﺭﻓﻪ ﻫﺪﺍ ﺍﻟﻠﻲ ﺳﻤﻌﺘﻪ ﻭﻣﺎﻓﻬﻤﺘﺶ ﺍﻟﺪﻭﺓ ﻋﻠﻲ ﻟﻤﻴﺎ ﻭﻻ ﺣﺪ ﺗﺎﻧﻲ .. ﺑﺲ ﻫﻤﺎ ﻭﻳﻦ ﻛﺎﻧﻮﺍ ﻳﺘﻜﻠﻤﻮﺍ ﻛﺎﻧﻮﺍ ﻳﺸﻮﻓﻮﻟﻬﺎ ..
ﺩﻻﻝ ﻣﻄﺖ ﺷﻮﺍﺭﺑﻬﺎ ﺑﺈﺳﺘﻐﺮﺍﺏ ﻭﻗﻌﺪﺕ ﺗﻔﻜﺮ ..
🍁🍁🍁🍁🍁
ﻓﺤﻮﺵ ﻛﻔﺎﻳﻪ ..
ﻓﺪﺍﺭ ﻋﻤﺎﺩ ..
ﻭﻳﻦ ﻣﺎﻛﺎﻧﺖ ﺗﺒﺪﻝ ﺭﺯﺍﻥ ...
ﺭﻥ ﺗﻠﻴﻔﻮﻧﻬﺎ ..
ﺳﺎﻭﺕ ﺍﻟﻔﺎﻧﻴﻠﻴﺎ ﻭﻣﺸﺖ ﻃﻮﻝ ﻟﻠﺸﻨﻄﻪ ﺧﺪﺍﺗﻪ ﻣﻨﻬﺎ ﻟﻘﺎﺗﻪ ﻫﻮ ﻳﺘﺼﻞ ..
ﺍﺑﺘﺴﻤﺖ .. ﺧﻼﺗﻪ ﻳﺮﻥ ﺷﻮﻳﻪ ﺑﻌﺪﻳﻦ ﻓﺘﺤﺖ ﺍﻟﺨﻂ ..
ﺭﺯﺍﻥ : ﺁﻟﻮ ..
ﻋﻤﺎﺩ : ﻣﻠﻌﻘﻪ ﻗﻠﺒﻲ ... ﺗﻮﺣﺸﺘﻚ ﺑﺮﺷﺔ ..
ﺿﺤﻜﺖ ..
ﻋﻤﺎﺩ ﺑﺈﺑﺘﺴﺎﻣﻪ : ﺷﻨﺠﻮ ..
ﺭﺯﺍﻥ : ﺗﻤﺎﻡ ..
ﻋﻤﺎﺩ : ﻛﻠﻪ ﺗﻤﺎﻡ ..
ﺭﺯﺍﻥ : ﺍﻳﻪ ﻛﻠﻪ ﺗﻤﺎﻡ ...
ﻋﻤﺎﺩ : ﺷﻦ ﻗﺎﻟﻮﻟﻚ ﻉ ﺍﻟﻘﻔﻄﺎﻥ ..
ﺭﺯﺍﻥ ﺑﻀﺤﻜﻪ : ﻛﻠﻬﻢ ﻋﺠﺒﻬﻢ ..
ﻋﻤﺎﺩ ﺑﻀﺤﻜﻪ : ﺍﻛﻴﺪ ﻃﻴﺤﺘﻲ ﺍﻟﻄﺮﻭﻑ ﺍﻟﻠﻲ ﻋﻨﺪﻫﻢ ﻛﻠﻬﻢ ..
ﺭﻓﻌﺖ ﺣﺎﺟﺒﻬﺎ ﻭﻗﺎﻟﺖ ﺑﺤﺪﻩ : ﻃﻴﺤﺖ ﺷﻨﻮ؟؟
ﻋﻤﺎﺩ : ﻫﻬﻬﻬﻬﻬﻬﻬﻬﻪ ..
ﺭﺯﺍﻥ : ﻣﺎﺗﻀﺤﻜﺶ ﻣﺎﻓﻲ ﺷﻲ ﻳﻀﺤﻚ ..
ﻋﻤﺎﺩ ﺑﻀﺤﻜﻪ : ﺍﺳﻒ .
ﺭﺯﺍﻥ : ﺍﺧﺮ ﻣﺮﻩ ﻧﺴﻤﻊ ﻛﻼﻡ ﻛﻴﻒ ﻫﺎﻟﻜﻼﻡ ... ﺗﻤﺎﻡ ..
ﻋﻤﺎﺩ : ﻫﻬﻬﻬﻬﻬﻬﻪ ..
ﺭﺯﺍﻥ ﺑﻨﺮﻓﺰﺓ؛ﻣﺒﺮﺩﻙ ﻣﺒﺮﺩﻙ ..
ﻋﻤﺎﺩ ﺑﻀﺤﻜﻪ : ﻧﺠﻴﻠﻲ ﺍﻟﻨﻐﺎﺭ ﻳﺎﺭﺑﻲ .. ﺗﻲ ﻳﺎﺣﺒﻲ ﺍﻧﻲ ﺍﻟﻠﻲ ﻳﺸﻮﻓﻨﻲ ﻳﻘﺮﺍﻫﺎ ﻉ ﺟﺒﻬﺘﻲ ﻗﺮﺍﻳﻪ .. ﻣﻠﻚ ﻣﻘﺪﺱ ﻟﻤﻠﻌﻘﻪ ﺍﻟﻠﻔﻌﻪ ﺍﻟﻤﺴﻤﻮﻣﻪ .. ﻣﻤﻨﻮﻉ ﺍﻹﻗﺘﺮﺍﺏ ..
ﺿﺤﻜﺖ ﺑﻜﺘﻤﺎﻥ ..
ﻋﻤﺎﺩ : ﺍﺍﺍﺍﻩ ... ﻏﻨﻰ ﺑﺼﻮﺕ ﻫﺎﺩﻱ ... ﻭﻧﺤﺒﻪ .. ﻧﺤﺒﻪ .. ﻧﺤﺒﻪ .. ﻣﻦ ﺍﻷﺧﻴﺮ ﺣﺒﻴﺒﻲ ﻧﺤﺒﻪ ..
ﺭﺯﺍﻥ ﺑﺈﺑﺘﺴﺎﻣﻪ ﻗﺎﻃﻌﺎﺗﻪ ﻭﻏﻨﺖ : ﻧﺤﺒﻪ ﻧﺤﺒﻪ ﻧﺤﺒﻪ ﻭﻣﺎﺣﺪ ﻳﺸﺎﺭﻛﻨﻲ ﻓﺤﺒﻪ .. ﺑﻘﻮﺓ ﺟﻬﺪﻱ ﻧﺤﺒﻪ ..
ﻋﻤﺎﺩ ﺑﺼﻮﺕ ﻋﺎﻟﻲ : ﺍﻟﻠﻪ ﺍﻛﺒﺮﺭﺭﺭﺭ ..
ﺭﺯﺍﻥ : ﻫﻬﻬﻬﻬﻬﻬﻬﻬﻬﻬﻬﻪ 💕
💕💕💕💕💕💕💕
🍁🍁🍁🍁🍁
ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ ..
ﺣﻤﻴﺪﻩ ﻭﺳﻤﻴﻪ ﻭﻣﺮﺍﻡ ﻭﺳﻌﻴﺪﻩ ﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ ..
ﻭﻓﻲ ﺍﻟﻜﻮﺟﻴﻨﻪ ..
ﻛﻔﺎﻳﻪ ﻭﻏﺎﻟﻴﻪ ﻳﻮﺗﻮﺍ ﻟﻠﺴﺤﻮﺭ ..
ﻭﻓﻲ ﺍﻟﻤﺮﺑﻮﻋﻪ ..
ﺍﻟﻬﺎﺩﻱ ﻭﻋﻤﺮ ﻭﻫﺎﻧﻴﺒﺎﻝ ﻣﻊ ﻣﺮﻭﺍﻥ ﻭﻣﺎﻟﻚ ﻭﺳﻌﺪ ..
🍁🍁🍁🍁
ﺣﻤﻴﺪﻩ ﻣﺮﺓ ﻣﺮﺓ ﻛﺎﻧﺖ ﺗﺸﻮﻑ ﻟﻤﺮﺍﻡ ..
ﻣﺰﻳﺎﻧﻪ ﻫﻠﺒﻪ ﻭﺳﺎﻣﻨﻪ .. ﻭﺗﺒﺎﻥ ﻣﺮﺗﺎﺣﻪ ..
ﺣﺴﺖ ﺑﻨﺎﺭ ﺗﺎﻛﻞ ﻓﻴﻬﺎ ..
ﻏﻴﺮﺕ ﻋﻴﻮﻧﻬﺎ ﻋﻨﻬﺎ ﻭﺷﺒﺤﺖ ﻟﻠﻔﻴﺮﻧﺪﺍ ..
ﻟﻘﺖ ﻫﺎﻧﻴﺒﺎﻝ ﻃﺎﻟﻊ ﻭﻗﻌﻤﺰ ﻉ ﺍﻟﻜﺮﺳﻲ ﺑﺮﺍ ..
ﺭﺟﻌﺖ ﺷﺎﻓﺖ ﻟﻤﺮﺍﻡ ﺍﻟﻠﻲ ﻟﻘﺘﻬﺎ ﺷﺎﻓﺘﻠﻪ ﻭﺍﺑﺘﺴﻤﺖ ..
ﻏﻴﺮﺕ ﻋﻴﻮﻧﻬﺎ ﻟﻠﺘﻠﻔﺰﻳﻮﻥ ..
ﺑﻌﺪﻳﻦ ﻗﺎﻟﺖ : ﺷﻦ ﺭﺍﻳﻜﻦ ﻓﻲ ﺍﻟﺒﻴﺎﻥ ..
ﻣﺮﺍﻡ ﻭﺳﻤﻴﻪ ﻭﺳﻌﻴﺪﻩ : ﻣﺎﺷﺎﺀ ﺍﻟﻠﻪ .. ﺣﻠﻮ ..
ﺣﻤﻴﺪﻩ : ﺭﻳﺘﻴﻦ ﻋﻤﺮ ﺷﻦ ﻭﺍﺧﺪﻟﻬﺎ ﻳﺎﺣﻨﻪ ..
ﺳﻤﻴﻪ ﺑﺈﺑﺘﺴﺎﻣﻪ ﻣﺠﺎﻣﻠﻪ : ﺍﻳﻪ ﻛﻠﻪ ﺣﻠﻮ ..
ﻣﺮﺍﻡ : ﻛﻠﻪ ﺫﻭﻕ .. ﺑﺎﻟﺼﺤﻪ ﻋﻠﻴﻬﺎ ..
ﺳﻌﻴﺪﻩ : ﻋﺠﺒﻨﻲ ﻭﺍﺟﺪ ..
ﺣﻤﻴﺪﻩ ﺿﺤﻜﺖ ﻭﻗﺎﻟﺖ : ﺧﻄﺮ ﻋﻠﻴﺎ ﺑﻴﺎﻧﻲ ﻭﺷﻦ ﺟﺎﺑﻮﻟﻲ ..
ﺍﺑﺘﺴﻤﺖ ﺳﻤﻴﻪ؛ﺣﺘﻰ ﺍﻧﻲ ﺍﺫﻛﺮﺕ ﺑﻴﺎﻧﻲ ..
ﺣﻤﻴﺪﻩ : ﺍﻧﺘﻲ ﻋﺎﺩ ﻓﺒﻴﺎﻧﻚ ﺣﻂ ﺍﻟﻬﺎﺩﻱ ﻫﺪﺍﻙ ﺍﻟﺤﺴﺎﺏ ﻗﺎﻝ ﺧﻮﺩﻭﻟﻬﺎ ﺣﺎﺟﺎﺕ ﺳﻤﺤﻪ .
ﺿﺤﻜﺖ ﺳﻤﻴﻪ ..
ﺣﻤﻴﺪﻩ : ﺍﻧﻲ ﺧﻮﺗﻲ ﻟﻤﺎ ﻳﺎﺧﺪﻭﺍ ﺍﻟﻠﻲ ﻳﺒﻮﻫﻦ ﻣﺎﻳﺨﻠﻮﺍ ﺷﻦ ﻳﺪﻳﺮﻭﻟﻬﻦ ..
ﺳﻤﻴﻪ : ﺧﻄﺮﺗﻲ ﻋﻠﻴﺎ ... ﺑﻌﺪﻳﻦ ﺳﻜﺘﺖ ﻟﻤﺎ ﺷﺎﻓﺖ ﻟﻤﺮﺍﻡ .. ﺿﺤﻜﺖ ﻭﻗﺎﻟﺖ .. ﻭﻻ ﺑﻼﺍﺵ ..
ﺍﺑﺘﺴﻤﺖ ﺣﻤﻴﺪﻩ ﺑﺮﻓﻌﺔ ﺣﺎﺟﺐ ..
ﺳﻌﻴﺪﻩ ﺭﻛﺰﺕ ﻋﻠﻴﻬﻢ ﻭﺷﺒﺤﺖ ﻟﻤﺮﺍﻡ ﻟﻘﺘﻬﺎ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ ﻭﺗﺒﺎﻥ ﻋﺎﺩﻳﻪ ..
ﺑﺲ ﻣﻦ ﺩﺍﺧﻞ ﺍﻟﻌﺎﻟﻢ ﺑﻴﻬﺎ ﺭﺑﻲ ﺑﺲ ﺍﻟﻤﻄﻠﻊ ﻉ ﺍﻟﻘﻠﻮﺏ 💔
ﻉ ﺧﺸﺔ ﻛﻔﺎﻳﻪ ﻗﺎﻟﺖ : ﺗﺎﻛﻠﻮﺍ ﻫﻨﻲ ﻭﻻ ﻓﻲ ﺍﻟﺠﻨﺎﻥ ..
ﻛﻠﻬﻢ ﺑﺄﺻﻮﺍﺕ ﻣﺘﻘﻄﻌﻪ : ﻓﻲ ﺍﻟﺠ?
