#العشق_المتمرد
#جمان_فريد
#الجزء_29
💔
ﺩﺍﺭ ﺍﺧﺮ ﻃﻠﻪ ﻉ ﺭﻭﺣﻪ ﻓﻲ ﺍﻟﻤﺮﺍﻳﺎ ﻓﺪﺍﺭﻩ ﻭﻃﻠﻊ ﻣﻨﻬﺎ ..
ﻳﺴﻤﻊ ﻓﻲ ﺩﻭﺷﺔ ﺍﻷﻏﺎﻧﻲ ﺑﺮﺍ ﺿﺤﻚ ...
ﻭﻫﻮ ﺧﺎﺵ ﺍﻟﻜﻮﺟﻴﻨﻪ ﺷﺎﻑ ﺧﻮﻩ ﻳﻔﻄﺮ .
ﺭﻣﺰﻱ : ﻭﻳﻨﻚ ..
ﺗﻮﻓﻴﻖ : ﺷﺪﻳﺘﻬﺎ ﻓﺠﺮﺓ ﺍﻟﺨﺪﻣﻪ .. ﺧﺎﻟﻚ ﺳﻠﻴﻤﺎﻥ ﻧﺎﺯﻝ ﻋﻠﻴﺎ ﺑﺸﻜﻞ ..
ﺭﻣﺰﻱ ﺗﻨﻬﺪ : ﺑﺎﻫﻲ ﺑﻌﺪ ﺗﻔﻀﻰ ﺗﻌﺎﻝ ﺍﻟﻴﻮﻡ ..
ﺗﻮﻓﻴﻖ ﺍﺷﺮﻟﻪ ..👍
ﻃﻠﻊ ﻣﻦ ﺣﺪﺍﻩ .. ﻭﺗﻮﺟﻪ ﻟﻠﺒﺎﺏ ﻓﺘﺤﻪ ﻭﻃﻠﻊ ...
ﻭﺳﻜﺮﻩ ﻭﺭﺍﻩ ....
ﻛﻤﻞ ﺍﻟﻘﺪﺍﻡ ... ﺟﻲ ﻓﺎﻳﺖ ﻣﻦ ﺣﺪﺍ ﺍﻟﺤﻮﺵ ﺍﻟﻘﺪﻳﻢ .. ﻟﻘﻲ ﺭﺍﻧﻴﺎ ﻗﺪﺍﻣﻪ ﺑﺮﻭﺣﻬﺎ ﺗﻬﺪﺭﺯ ﻉ ﺣﺪ ﺩﺍﺧﻞ ...
ﻣﺎﺭﻛﺰﺗﺶ ﻋﻠﻴﻪ ... ﺍﺑﺘﺴﻢ .. ﻭﻛﻤﻞ ﻃﺮﻳﻘﻪ ﻭﺧﺶ ﻟﺤﻮﺵ ﻋﻤﺎﻣﻪ ﻭﻣﺸﻲ ﺭﻛﺐ ﻓﻮﻕ ....
.....
ﻓﻲ ﺍﻟﺤﻮﺵ ﺍﻟﻘﺪﻳﻢ ...
ﻏﺎﻟﻴﻪ : ﺧﻼﺹ ﺍﻭﻛﻞ ﻣﻨﻬﻢ ﻓﻄﺮﻭﺍ ...
ﺩﻻﻝ : ﻗﻌﺪﻧﺎ ﺣﻨﻲ ﺑﺲ ...
ﺣﻤﻴﺪﻩ : ﺑﺎﻫﻲ .. ﻭﻳﻦ ﺭﺑﺎﺏ ..
ﺭﺍﻧﻴﺎ : ﻣﺘﻨﺨﻪ ﻗﺎﻋﺪﻩ ....
ﻏﺎﻟﻴﻪ : ﺧﻼﺹ ﻧﺨﻠﻮﻟﻬﺎ ﺑﺮﻭﺣﻬﺎ ....
ﻓﺠﺄﺓ ...
" ﺍﻧﺖ ﺍﻟﺤﺐ ﺍﻟﻜﺒﻴﺮ ﺍﻷﻭﻝ ﻭﺍﻷﺧﻴﺮ ...
ﻭﻻﻏﻴﺮﻙ ﻳﺎﺣﺒﻴﺒﻲ ﻗﻠﺒﻲ ﻟﻬﻮﺍﻙ ﺍﺳﻴﺮ ..
ﺍﻧﺖ ﺍﻟﺤﺐ ﺍﻟﻜﺒﻴﺮ ..."
ﺷﺒﺤﺖ ﻃﻮﻝ ﻓﻮﻕ ﺍﻟﺴﻄﺢ ...
ﻟﻘﺎﺗﻪ ﻭﺍﻗﻒ ﻣﺘﻜﻲ ﺑﻈﻬﺮﻩ ﻉ ﻣﺮﺷﺒﻴﺪﻱ ﻭﻣﺮﺑﻊ ﺍﻳﺪﻳﻪ ﻭﻳﺸﺒﺤﻠﻬﺎ ....
ﺭﺍﻧﻴﺎ ﺍﺑﺘﺴﻤﺖ ﺑﺨﺠﻞ ﻭﻗﻠﺒﻬﺎ ...💓
ﺷﺒﺤﺖ ﺩﺍﺧﻞ ﻟﻘﺘﻬﻢ ﻳﺎﻛﻠﻮﺍ ﻭﻳﺸﺒﺤﻮﻟﻬﺎ ﻭﻳﻨﺎﺷﺒﻮﺍ ﻓﻴﻬﺎ ﻭﻳﻀﺤﻜﻮﺍ ..
💖 ﺍﻻﻏﻨﻴﻪ ﻃﻠﻌﺖ ﻓﻲ 2005 ﺗﻘﺮﻳﺒﺎ ... ﺍﻋﺘﺮﻑ ﺭﻣﺰﻱ ﻟﺮﺍﻧﻴﺎ ﺑﺤﺒﻪ ﻟﻴﻬﺎ ﺑﺎﻷﻏﻨﻴﻪ ﻫﺎﺩﻱ ﻭﻛﻠﻬﻢ ﻋﺎﺭﻓﻴﻦ ﺍﻟﻘﺼﻪ ﺻﺎﺭﺕ ﻓﻲ ﺑﻴﺎﻥ ﺍﻟﻬﺎﺩﻱ ... ﻭﻗﺘﻬﺎ ﻗﺎﻝ ﻟﻐﺎﻟﻴﻪ ﺗﺴﻤﻌﻬﺎﻟﻬﺎ ﻭﺗﻘﻮﻟﻠﻬﺎ ﻣﻦ ﺭﻣﺰﻱ
ﻭﻫﺪﺍﻛﺎ ﺍﻟﻮﻗﺖ ﻃﺎﺭﺕ ﻣﻦ ﺍﻟﻔﺮﺣﻪ .... ﻫﻤﺎ ﺻﺢ ﻋﺎﺭﻓﻴﻦ ﻣﺸﺎﻋﺮﻫﻢ ﺗﺠﺎﻩ ﺑﻌﺾ ﺑﺲ ﻣﺎﺯﺍﻝ ﻣﺎﺻﺮﺣﻮﺵ ﺑﺸﻲ ..
ﻟﻌﻨﺪ ﻫﻲ ﻭﺻﻠﺖ ﺗﺎﻟﺘﻪ ﺍﻋﺪﺍﺩﻱ .. ﻭﻫﻮ ﺗﺎﻟﺘﻪ ﺛﺎﻧﻮﻱ .. ﻭﻣﻦ ﻳﻮﻣﻬﺎ ﻭﻫﻤﺎ ﺫﺍﻳﺒﻴﻦ ﺑﺰﻳﺎﺩﻩ ﻓﺤﺐ ﺑﻌﺾ ..."💕💕💕💕
ﻗﻌﺪﺕ ﺗﺸﺒﺤﻠﻪ ﻣﺮﺓ ﻣﺮﺓ ﻭﺗﺒﺘﺴﻢ ﺑﺨﺠﻞ ...
ﻭﻫﻮ ﻳﺸﺒﺤﻠﻬﺎ ﻭﺧﻼﺹ 💖...
ﺷﻮﻳﻪ ﻭﺟﻲ ﻫﺎﻧﻴﺒﺎﻝ ﻣﻦ ﺑﻌﻴﺪ ﻛﺎﻥ ﻳﺘﻜﻠﻢ ﺑﺎﻟﺘﻠﻴﻔﻮﻥ ... ﺷﺎﻓﻬﻢ ...
ﺭﺍﻧﻴﺎ ﻣﺎﺷﺎﻓﺎﺗﺎﺵ ... ﻭﺭﻣﺰﻱ ﻋﺎﻃﻴﻪ ﺑﺎﻟﻈﻬﺮ ..
ﻫﻮ ﻳﺘﻜﻠﻢ ﺑﺎﻟﺘﻠﻴﻔﻮﻥ ﻭﻳﺸﻮﻓﻠﻬﻢ ...
ﻭﻫﻤﺎ ﻫﺎﻳﻤﻴﻦ ﻓﻲ ﺑﻌﺾ 💕💕💕💕💕💕
ﻭﺟﻤﺎﻋﻪ ﺍﻟﻠﻲ ﺩﺍﺧﻞ ﻧﺎﺿﻮﺍ ﻳﺘﺮﺍﻗﺼﻮﺍ ...
ﺣﻤﻴﺪﻩ ﻭﻏﺎﻟﻴﻪ ﻭﺩﻻﻝ ... ﻭﻳﻐﻨﻮﺍ ﻭﻳﻀﺤﻜﻮﺍ ..
ﺭﺍﻧﻴﺎ ﻣﻌﺎﺵ ﻋﺮﻓﺖ ﺗﺮﻛﺰ ﻣﻌﺎﻫﻢ ﻭﻻﻣﻊ ﺭﻣﺰﻱ .. ﺩﻭﺧﻮﻫﺎ ﻣﺴﻜﻴﻨﻪ ...😁
ﻫﺎﻧﻴﺒﺎﻝ ﺳﻜﺮ .. ﺍﺑﺘﺴﻢ ﻭﺣﺮﻙ ﺭﺍﺳﻪ ﺍﻳﻤﻴﻦ ﺍﻳﺴﺎﺭ ﻭﺗﻠﻔﺖ ﻟﻘﻲ ﺣﻤﺰﺓ ﺟﺎﻱ ....
ﺗﻠﻘﺎﺋﻴﺎ ﺑﺪﻭﻥ ﻣﺎﻳﺤﺲ ﻣﺸﺎﻟﻪ ﺑﺶ ﻳﻠﻬﻴﻪ 😂..
ﻣﺎﻳﻨﻼﻣﺶ ... ﺟﺮﺏ ﺍﻟﻔﺮﺍﻕ ﺍﻟﻤﺮ .. ﻭﺫﺍﻕ ﻃﻌﻢ ﺍﻟﺤﺮﻣﺎﻥ ﺍﻷﻣﺮ 💔
🍁🍁🍁🍁
ﺑﻨﻌﺪﻱ ﻣﺎﻻ ﺷﻨﻮ ...
ﻋﺰﻳﺰﺓ : ﺧﻠﻴﻬﺎ ﻏﺪﻭﺓ ﺧﻴﺮ ...
ﺍﻣﺎﻝ : ﺣﺘﻰ ﺍﻧﻲ ﻧﻘﻮﻝ ﻫﻜﻲ ..
ﺳﻌﻴﺪﻩ : ﺑﺎﻫﻲ ﺧﻼﺹ ﺍﻹﺛﻨﻴﻦ ﺍﻹﺛﻨﻴﻦ ..
ﺍﻣﺎﻝ : ﺍﻳﻪ ﺷﻔﺘﻮﺍ ﻭﻟﺪ ﺧﺎﻟﻬﻢ ﺍﻟﺴﺮﺗﺎﻭﻱ ..
ﻋﺰﻳﺰﺓ : ﺍﺍﺍﻩ ﻳﺎﻗﻠﺒﻲ ﻋﻠﻴﻚ ﺷﺨﺼﻴﺔ ﺍﻟﺰﻓﺖ ...
ﺳﻌﻴﺪﻩ ﺑﺘﻀﻴﻴﻘﺔ ﻋﻴﻮﻥ : ﺑﻴﺠﻲ ﻳﺘﻐﺪﺍ ﻋﻨﺪ ﺧﻠﻴﻔﻪ ﺍﻟﻴﻮﻡ ﻭﻻ ..
ﺍﻣﺎﻝ ﺑﻀﺤﻜﻪ : ﺍﻳﻪ ..
ﺳﻌﻴﺪﻩ : ﺧﻼﺹ ﻓﺮﺧﻪ ﻋﺰﻳﺰﺓ ﺗﻠﺤﻠﺤﻲ ...
ﻋﺰﻳﺰﺓ ﺍﺑﺘﺴﻤﺖ : ﻫﻜﻲ ﺗﻘﻮﻟﻲ ...
ﺳﻌﻴﺪﻩ : ﺍﻳﻪ ﻳﺎﺧﺎﻳﺒﻪ .. ﻏﺎﺩﻳﻜﻴﺎ ﺍﻟﺒﻨﺎﺕ ﻣﺘﺰﺭﻋﺎﺕ ﺗﺎﺧﺪﻩ ﻭﺣﺪﻩ ﻣﻦ ﻓﺮﺧﺎﺕ ﺯﻳﻨﺐ ﻭﻻ ﻧﻌﻴﻤﻪ ..!! ﺑﺸﻦ ﺧﻴﺮ ﻣﻨﻚ ..
ﻋﺰﻳﺰﺓ ﺍﺑﺘﺴﻤﺖ ﺑﺮﻓﻌﺔ ﺣﺎﺟﺐ : ﺍﻧﻲ ﺧﻴﺮﻣﻨﻬﻦ ﻳﺨﻲ .
ﺿﺤﻜﻮﺍ ﺍﻣﺎﻝ ﻭﺳﻌﻴﺪﻩ ...
ﺍﻣﺎﻝ : ﺍﻳﻮﻩ ﺧﻠﻴﻚ ﻫﻜﻲ ... ﺟﻴﺒﻴﻠﻨﺎ ﻧﺴﻴﺐ ﻋﻠﻴﻪ ﺍﻟﻘﻴﻤﻪ ..
ﺳﻌﻴﺪﻩ : ﻣﺎﺗﺨﻴﺒﻴﺶ ﺧﻴﺒﺘﻨﺎ ..
" ﺻﺢ ﺍﻣﺎﻝ ﻣﺪﺍﻳﺮﺓ ﻋﻼﻗﻪ ﻣﻊ ﺳﺎﻟﻢ ﻟﻜﻦ ﻣﺶ ﻋﺎﺟﺒﻬﺎ .. ﺑﺲ ﻫﺪﺍ ﺍﻟﻤﻮﺟﻮﺩ .. ﻷﻥ ﻣﺎﺣﺪ ﻃﻖ ﺑﺎﺑﻬﺎ ﺑﻌﺪ ﻃﻠﻌﺖ ﺩﻭﺓ ﺍﻧﻪ ﻳﺒﻴﻬﺎ ﻭﻫﻤﺎ ﺍﻟﺰﻭﺯ ﺑﻴﻨﺎﺗﻬﻢ ﻋﻼﻗﻪ ..."
🍁🍁🍁🍁🍁
ﺍﻟﺴﺎﻋﻪ 11:30 ﺻﺒﺎﺣﺎ ...
" ﻳﺎﺭﺍﺍﻧﻴﺎﺍﺍ ﺭﺍﺍﺍﺍﻧﻴﺎﺍﺍ .."
ﻃﻠﻌﺖ ﺭﺍﻧﻴﺎ ﻣﻦ ﺍﻟﺪﺍﺭ ﻭﻫﻲ ﺗﺄﻓﻒ ﻭﻣﺸﺖ ﻟﻠﺪﺍﺭ ﺍﻟﻠﻲ ﻓﻴﻬﺎ ﻋﻤﺎﺗﻬﺎ ﻭﺣﻨﺎﻫﺎ ﻭﻛﺎﻣﻠﻪ ..
ﺭﺍﻧﻴﺎ : ﻧﻌﻢ ..
ﻧﺠﻴﻪ : ﺍﺳﺎﻣﻪ ﻗﺮﻳﺐ ﻳﻮﺻﻞ ﺍﻭﻝ ﻣﺎﻳﻄﻠﻊ ﺧﻮﺩﻱ ﻣﻨﻪ ﺻﻨﺪﻭﻕ ﺍﻟﺨﻨﺎﻕ ...
ﺭﺍﻧﻴﺎ ﺑﺮﻓﻌﺔ ﺣﻮﺍﺟﺐ : ﺑﺎﻫﻲ .. ﻭﻣﺸﺖ ﻣﻦ ﺣﺪﺍﻫﻢ ...
....
ﻓﻲ ﺍﻟﻜﻮﺟﻴﻨﻪ ..
ﺯﻳﻨﺐ : ﺭﻳﺘﻲ ﺍﻟﺤﻘﻴﺮﺓ .. ﺗﺒﻲ ﺗﻠﺼﻖ ﻭﻟﺪﻫﺎ ﻓﺮﺍﻧﻴﺎ ﺑﺎﻟﺴﻴﻒ .
ﻛﻔﺎﻳﻪ : ﻭﺧﻴﺮﻩ ﻭﻟﺪﻫﺎ ﻣﺶ ﻛﻮﻳﺲ؟ !
ﺯﻳﻨﺐ : ﻛﻮﻳﺲ ﻭﻻ ﻣﺶ ﻛﻮﻳﺲ ﺳﺎﺩ ﺍﻣﻪ ﺍﻟﻌﻘﺮﺏ ﻧﺠﻴﻪ ﻗﺎﻟﻘﻪ ﻣﻦ ﺑﻨﺘﻲ ﻧﻠﻮﺣﻬﺎ ﻫﺎﻟﺘﻠﻮﻳﺤﻪ ...
ﺣﻤﻴﺪﻩ ﻭﻏﺎﻟﻴﻪ ﺷﺒﺤﻮﺍ ﻟﺒﻌﺾ ..
ﻧﻌﻴﻤﻪ : ﻃﺰ ﻣﺎﺩﻭﺭﻭﻳﺶ ﻛﺎﻥ ﺭﺍﻧﻴﺎ ﻣﺎﺗﺒﻴﺶ ﻣﺎﻳﺼﻴﺮ ﺷﻲ ..
ﺯﻳﻨﺐ : ﻭﻛﺎﻥ ﻃﻠﻌﺖ ﺗﺒﻲ ..
ﻧﻌﻴﻤﻪ : ﻣﺴﺘﺤﻴﻞ ..
ﻛﻔﺎﻳﻪ : ﻣﺎﻓﻴﺶ ﻣﺴﺘﺤﻴﻞ ﻓﻲ ﺍﻟﺤﺎﺟﺎﺕ ﻫﺎﺩﻱ ﻳﺎﻧﻌﻴﻤﻪ ﺭﻩ ..
ﺯﻳﻨﺐ : ﺗﻲ ﻟﻮ ﻛﺎﻥ ﺭﻭﺣﻬﺎ ﻓﻴﻪ ﻣﺎﻧﻌﻄﻴﻬﺎﻟﻪ ﻫﺪﺍ ﺍﻟﻠﻲ ﻧﺎﻗﺺ ..
ﻏﺎﻟﻴﻪ ﺍﺿﺎﻳﻘﺖ ﻫﻠﺒﻪ ﻭﻣﻦ ﺗﻮﺍ ﺧﺎﻓﺖ ﻉ ﺭﺍﻧﻴﺎ ...
ﺣﻤﻴﺪﻩ : ﺧﻼﺹ ﺗﻮﺍ ﻣﺎﺗﺴﺒﻘﻨﺶ ﺍﻷﺣﺪﺍﺙ ﻭﻏﻴﺮﻥ ﺍﻟﻤﻮﺿﻮﻉ ..
🍁🍁🍁🍁
ﺷﻮﻳﻪ ﻭﻭﺻﻞ ﺍﺳﺎﻣﻪ ﻭﻟﺪ ﻧﺠﻴﻪ ...
ﻃﻠﻌﺖ ﻋﻤﺘﻚ ﺭﺍﻧﻴﺎ ﻭﻫﻲ ﻻﺑﺴﻪ ﺗﻮﺗﻪ ﺷﻮﺭﻁ ...
" ﻭﻗﺘﻬﺎ ﺍﻟﻮﺿﻊ ﻓﺮﻱ ﺷﻮﻳﻪ ﺻﺢ ﻏﻠﻂ ... ﺑﺲ ﻓﻲ ﻋﺎﺋﻼﺕ ﻫﻜﻲ .."
ﻣﺸﺖ ﻟﺴﻴﺎﺭﺓ ﻭﻟﺪ ﻋﻤﺘﻬﺎ ...
ﻃﺒﻌﺎ ﺍﺳﺎﻣﻪ ﻣﻦ ﻧﺪ ﺣﻤﺰﺓ ... ﻭﻃﺮﻑ ﻣﻘﺮﺑﻊ ...😍 ﻭﺑﻴﻤﻮﺕ ﻉ ﺭﺍﻧﻴﺎ .. ﻭﻫﻲ ﻣﺎﺗﻨﺪﺭﻳﺶ ﻋﻠﻴﻪ ..
ﻧﺰﻝ ﻣﻦ ﺍﻟﺴﻴﺎﺭﺓ ﻭﻫﻮﻻﺑﺲ ﻧﻈﺎﺭﺍﺗﻪ ﻭﻣﺒﺘﺴﻢ ..
ﺭﺍﻧﻴﺎ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ...
ﺍﺳﺎﻣﻪ : ﺍﻟﻠﻪ ﻳﺴﻠﻤﻚ ﺭﻧﻮﺷﻪ ..
ﺭﺍﻧﻴﺎ : ﻭﻳﻦ ﺻﻨﺪﻭﻕ ﺍﻟﺨﻨﺎﻕ ..
ﺍﺳﺎﻣﻪ : ﺑﻜﻞ ﺗﻌﺮﻓﻲ .. ﻛﻠﻤﺘﻨﻲ ﺍﻣﺲ ﻭﺍﻧﻲ ﻓﻲ ﺍﻟﻤﺤﻞ ﺟﻴﺒﻠﻲ ﺍﻟﺨﻨﺎﻕ ﻣﻌﺎﻙ ﻳﺎﺍﺳﺎﻣﻪ .. ﻗﻌﺪﺕ ﻧﺪﻭﺭ ﻋﻠﻴﻪ ﻓﺪﺍﺭﻫﺎ ﻭﻫﻲ ﻣﻌﺎﻱ ﻉ ﺍﻟﺘﻠﻴﻔﻮﻥ ..
ﺭﺍﻧﻴﺎ : ﻫﻬﻬﻬﻬﻬﻬﻬﻪ ..
ﻭﻳﺠﻮﺍ ﻋﻤﺎﺩ ﻭﺣﻤﺰﺓ ﻭﺭﻣﺰﻱ ﻣﻦ ﺍﻟﻤﺮﺑﻮﻋﻪ ﺍﻟﺨﺎﺭﺟﻴﻪ ﻓﻬﺎﻟﻠﺤﻈﻪ ..
ﺭﻣﺰﻱ ﺭﻗﻲ ﺍﻟﺪﻡ ﻟﺮﺍﺳﻪ ... ﻭﻗﻌﺪ ﻣﻔﻨﺺ ...
ﻭﺣﻤﺰﺓ ﻣﺸﻲ ﻃﻮﻝ ﻟﻮﻟﺪ ﻋﻤﺘﻪ ..
ﻋﻤﺎﺩ : ﺑﺶ ﻧﻘﻮﻟﻚ ﻳﺎﺍﺑﻮﺍﻟﺰﻭﺯ .. ﺍﻟﻔﺮﺥ ﻫﺪﺍ ﺣﺎﻁ ﻋﻴﻨﻪ ﻋﻠﻴﻬﺎ ...
ﺭﻣﺰﻱ ﺷﺒﺢ ﻟﻌﻤﺎﺩ ...
ﻋﻤﺎﺩ ﻭﻫﻮ ﻳﺸﻮﻑ ﻷﺳﺎﻣﻪ : ﻟﻤﺎﻧﺮﻓﻊ ﻓﻲ ﺍﻣﻲ ﻟﺨﺎﻟﺘﻲ ﺯﻳﻨﺐ ﺍﻛﺜﺮ ﻣﻦ ﻣﺮﺓ ﻣﻼﺣﻈﻪ ﻳﺠﻴﻬﻢ ﻭﺩﻳﻤﺎ ﻫﻮ ﻭﺭﺍﻧﻴﺎ ..
" ﺷﻌﺸﻮﻉ ﻋﻤﺎﺩ ﻫﺪﺍ ..."😑
ﺭﻣﺰﻱ ﻣﻌﺎﺵ ﻳﺸﺒﺢ ﻓﺸﻲ ... ﻟﻒ ﻭﻣﺸﻲ ..
ﻗﻌﺪ ﻣﻌﺎﻩ ﻋﻤﺎﺩ ﺑﻌﻴﻮﻧﻪ .. ﺑﻌﺪﻳﻦ ﺣﻚ ﻟﺤﻴﺘﻪ ﻭﻗﺎﻝ : ﻣﺎﻏﻠﻄﺘﺶ ﻟﻤﺎ ﻗﻠﺖ ﻭﻻ ! ؟ ... ﺣﻂ ﻳﺪﻩ ﻓﺠﻴﺒﻪ ... ﻭﻟﻒ ﻭﻣﺸﻲ ..
ﺗﻮﺟﻪ ﻟﺠﻬﺔ ﺍﻟﺒﻮﺍﺑﻪ ﻣﻦ ﺍﻟﺨﻠﻒ .. ﻟﻘﻲ ﺭﺯﺍﻥ ﺟﺎﻳﻪ ﻻﺑﺴﻪ ﻗﻔﻄﺎﻥ ﻭﻣﺪﺍﻳﺮﺓ ﻗﺮﻳﻨﺎﺕ ".... ﻋﻤﺮﻫﺎ 12 ﺳﻨﻪ ﻭﻗﺘﻬﺎ .."
ﺷﻘﻠﺒﺖ ﺭﻓﻊ ﺣﺎﺟﺒﻪ .. ﻭﻣﺸﺎﻟﻬﺎ ﺟﺮﻱ ﺧﻄﻒ ...
ﻫﻲ ﺍﻧﺨﻠﻌﺖ .. ﻗﻌﺪﺕ ﻭﺍﻗﻔﻪ ... ﺷﺪﻫﺎ ﻣﻦ ﻗﺮﻳﻨﺎﺗﻬﺎ ﻭﻗﻌﺪ ﻳﺠﺒﺪ ﻓﻴﻬﻢ ...
ﻋﻤﺎﺩ : ﻉ ﻣﻨﻲ ﺗﺸﻘﻠﺒﻲ ﻓﻌﻴﻮﻧﻚ ﻳﺎﺩﺭﻳﻪ ..
ﺭﺯﺍﻥ : ﺍﺍﺍﺍﻱ .. ﺷﻌﺮﻱ ﺍﺍﺍﺍﺍﻱ ...
ﻓﻲ ﺍﻟﻜﻮﺟﻴﻨﻪ ..
ﻏﺎﻟﻴﻪ : ﺭﺯﺍﻥ ..!!!
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻃﻮﻝ ..
ﺯﻳﻨﺐ : ﺷﻦ ﺗﺤﺐ ﻓﻴﻬﺎ ﺍﻟﻠﻔﻌﻪ ﻫﺎﺩﻱ ﻭﺍﻟﻠﻪ ﻣﺎﻣﺤﺼﻠﻪ ﻣﻨﻬﺎ ﺣﺎﺟﻪ ﺑﻨﺖ ﺳﻌﻴﺪﻩ ..
ﺣﻤﻴﺪﻩ؛ﺑﻨﺖ ﺧﻮﻧﺎ ﺭﻩ ..
ﺯﻳﻨﺐ؛ﺧﻮﻙ ﺍﻧﺘﻲ ﻣﺶ ﺧﻮﻱ ..
" ﻣﻦ ﺳﻨﻪ 1997 ﻣﺘﻘﺎﻃﻌﻴﻦ ..."💔
ﺗﻨﻬﺪﻭﺍ ﺧﻮﺍﺗﻬﺎ ﻭﺳﻜﺘﻮﺍ ... ﻣﺎﺑﻮﺵ ﻳﻨﺎﻗﺸﻮﻫﺎ ...
ﺑﺮﺍ ..
ﻏﺎﻟﻴﻪ ﺣﺎﺿﻨﻪ ﺭﺯﺍﻥ ﺍﻟﻠﻲ ﻛﺎﻧﺖ ﺗﺒﻜﻲ : ﺣﺮﺍﻡ ﻋﻠﻴﻚ ﻳﺎﻋﻤﺎﺩ ﺑﻨﻴﻪ ﺻﻐﻴﺮﺓ ..
ﻋﻤﺎﺩ ﺑﻀﺤﻜﻪ؛ﺍﻟﻠﻲ ﻳﺴﻤﻌﻚ ﻳﻘﻮﻝ ﻋﺎﻃﻴﻬﺎ ﻃﺮﻳﺤﻪ .. ﻫﻲ ﺍﻟﻠﻲ ﻣﺪﻟﻌﻪ ﺯﻳﺎﺩﻩ ﻋﻦ ﺍﻟﻠﺰﻭﻡ ..
ﺭﺯﺍﻥ : ﻣﺪﻟﻌﻪ ﻋﻴﻨﻚ ..
ﻏﺎﻟﻴﻪ : ﺭﺯﺍﻥ ﻋﻴﻴﺐ ..
ﻋﻤﺎﺩ ﻳﻀﺤﻚ ﻭﻳﺸﺒﺤﻠﻬﺎ ..
ﻫﻲ ﻃﻠﻌﺖ ﻃﺮﻣﺖ ﺷﻮﺍﺭﺑﻬﺎ ﺍﺯﺩﺭﺍﺀ ﻭﺷﻘﻠﺒﺖ ﻋﻴﻮﻧﻬﺎ ..
ﻫﻮ ﺩﺍﺭﻟﻬﺎ ﺣﻮﻟﻪ ...
ﻭﻏﺎﻟﻴﻪ ﺗﻀﺤﻚ ﻭﺧﻼﺹ ...
ﺧﺪﺗﻬﺎ ﻭﺩﺧﻠﺘﻬﺎ ﺩﺍﺧﻞ ...
ﻭﻋﻤﺎﺩ ﻣﺸﻲ ﻭﻗﻒ ﻓﻲ ﺍﻟﺮﻭﺷﻦ ...
ﻛﻔﺎﻳﻪ ﺑﻀﺤﻜﻪ : ﺍﻧﺖ ﻳﺎﻣﻌﻔﻦ ..
ﻋﻤﺎﺩ ﻭﻫﻮﺷﺎﺩ ﺍﻟﺤﺪﻳﺪ ﺑﻀﺤﻜﻪ ﻗﺎﻝ : ﻣﻴﺪﺍ ﺩﻳﺮﻳﻠﻲ ﻣﺎﻧﺎﻛﻞ ..
ﻛﻔﺎﻳﻪ : ﺷﻨﻮ ﻣﺎﻓﻄﺮﺗﺶ ..
ﻋﻤﺎﺩ : ﻋﺎﺭﻓﺘﻴﻨﻲ ﻳﺎﻡ ﻧﺘﻌﻘﺪ ﻣﻊ ﺍﻟﺒﺮﺍﻧﻴﻪ ﻭﺍﻟﻠﻪ ﻣﺎﻧﻌﺮﻑ ﻧﺎﻛﻞ .. ﺍﻫﻮ ﺍﻧﺘﻢ ﺩﻳﺮﻭﺍ ﻓﻔﻄﻮﺭ ﻭﻟﺪ ﻧﺠﻴﻪ ﺩﻳﺮﻭﻟﻲ ﻣﻌﺎﻩ ﺣﺎﺟﻪ ..
ﻛﻔﺎﻳﻪ : ﻭﻭﻭﺍﺍﺍﻙ ﻭﺧﻼﺹ ..
ﺣﻤﻴﺪﻩ؛ﺧﻼﺹ ﺧﻴﺮﻙ ﺗﻮﺍ ﻧﺪﻳﺮﻳﻠﻪ ﺍﻧﻲ ﻋﻤﻮﺩﻩ ﻛﻢ ﻋﻤﻮﺩﻩ ﻋﻨﺪﻱ ﺍﻧﻲ ...
ﻋﻤﺎﺩ : ﻣﻨﻮﺭﺓ ﻳﺎﺯﻋﻮﻭﻭﻭﻣﻪ ..
ﺿﺤﻜﻮﺍ ﺧﺎﻻﺗﻪ ...
ﻫﻮ ﺿﺤﻚ ﻭﺷﺒﺢ ﻟﺨﺎﻻﺗﻪ : ﻣﺤﺘﺎﺭ ﻓﻴﻜﻢ ﻳﺎﻧﻌﻴﻤﻪ ﻭﺯﻳﻨﺐ ..
ﺿﺤﻜﻮﺍ ..
ﺯﻳﻨﺐ ﺑﻀﺤﻜﻪ؛ﺷﻦ ﻣﺤﻴﺮﻙ؟ ..
ﻋﻤﺎﺩ : ﺍﻧﺘﻲ ﻣﺎﺗﻜﺒﺮﻳﺶ .. ﻭﻧﻌﻴﻤﻪ ﺗﺰﻳﺪ ﻓﻲ ﺍﻟﺠﻤﺎﻝ ..
ﻧﻌﻴﻤﻪ ﻭﺯﻳﻨﺐ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ..
ﻛﻔﺎﻳﻪ؛ﻫﺪﺍ ﻭﺍﺣﺪ ﻣﻠﺴﻦ ﺩﺭﺟﻪ ﺍﻭﻟﻰ ...
ﻋﻤﺎﺩ : ﻗﻮﻟﻲ ﻟﺴﺎﻧﻲ ﺣﻠﻮ ﻭﻋﻨﺪﻱ ﺫﻭﻕ ..
ﺧﺎﻻﺗﻪ ﻗﻌﺪﻭﺍ ﻳﻀﺤﻜﻮﺍ ..
ﻫﻮ ﻭﺯﻉ ﻧﻈﺮﻩ ﻋﻠﻴﻬﻢ ﻭﺷﺒﺢ ﻟﺮﺯﺍﻥ ﻟﻘﺎﻫﺎ ﻣﻄﺮﻣﻪ ﺷﻮﺍﺭﺑﻬﺎ ﺍﺯﺩﺭﺍﺀ ...
ﺷﻘﻠﺐ ﻋﻴﻮﻧﻪ ... ﻫﻲ ﺿﺤﻜﺖ .. ﻭﺑﻌﺪﻳﻦ ﺷﻘﻠﺒﺖ ﻋﻴﻮﻧﻬﺎ ﻭﻫﻮ ﺿﺤﻚ ﻋﻠﻴﻬﺎ ..
ﻉ ﺧﺸﺔ ﺭﺍﻧﻴﺎ : ﺣﻨﺎﻱ ﻗﺎﻟﺖ ﻭﺣﺪﻩ ﻣﻨﻜﻢ ﺗﻄﻠﻊ ﺗﻘﻌﻤﺰ ﻣﻊ ﺍﻟﻨﺎﺱ ..
ﺯﻳﻨﺐ : ﺍﻓﻔﻔﻒ ...
ﻧﻌﻴﻤﻪ : ﻫﺎﻧﻲ ﻃﺎﻟﻌﻪ ..
ﻃﻠﻌﺖ .... ﻭﻛﻔﺎﻳﻪ ﻟﺤﻘﺘﻬﺎ ..
ﻏﺎﻟﻴﻪ ﺷﺒﺤﺖ ﻟﺰﻳﻨﺐ ﻭﻣﺶ ﻋﺎﺟﺒﻬﺎ ﺍﻟﻠﻲ ﺩﻳﺮ ﻓﻴﻪ .. ﻭﺧﺎﻳﻔﻪ ﻣﻨﻬﺎ ﻫﻠﺒﻪ ... ﻟﻤﺎﺗﺘﻼﻗﻰ ﻣﻊ ﺳﻌﻴﺪﻩ ﺷﻦ ﺑﺪﻳﺮ ..
🍁🍁🍁🍁🍁🍁
ﺑﻌﺪ ﺍﻟﻈﻬﺮ ﻣﺸﻲ ﻋﻤﺎﺭ ﻟﺤﻮﺵ ﺧﻠﻴﻔﻪ ﺑﺶ ﻳﺘﻐﺪﺍ ﻋﻨﺪﻩ ..
ﻭﻗﺘﻬﺎ ﻋﺰﻳﺰﺓ ﻛﻨﺴﺖ ﺍﻟﺠﻨﺎﻥ ﻋﺸﺮﻳﻦ ﻣﺮﺓ "... ﺟﻨﺎﻧﻬﻢ ﻣﺸﺘﺮﻙ .."
ﻭﻫﻲ ﻻﺑﺴﻪ ﺍﺣﻠﻰ ﺗﻮﺗﻪ ﻋﻨﺪﻫﺎ ﻭﻣﺴﺘﺸﻮﺭﻩ ﺷﻌﺮﻫﺎ ﻭﺣﺎﻃﻪ ﻟﻤﺴﺎﺕ ﻉ ﺍﺳﺎﺱ ﻫﻲ ﺩﻳﻤﺎ ﻫﻜﻲ 😁...
ﺍﻟﻤﻬﻢ ﻃﻖ ﺍﻟﺒﺎﺏ .. ﻣﺸﺖ ﻃﻮﻝ ﻓﺘﺤﺖ .. ﻫﻮ ﻃﻮﻝ ﻧﺰﻝ ﻋﻴﻮﻧﻪ ﻭﻭﺧﺮ ﺧﻄﻮﺗﻴﻦ ...
ﻋﻤﺎﺭ : ﺧﻠﻴﻔﻪ ﻗﺎﻋﺪ ..
ﻋﺰﻳﺰﺓ ﻭﻋﻴﻮﻧﻬﺎ ﻗﻠﻮﺏ : ﺷﻮﻳﻪ ﺑﺲ ...
ﺧﺸﺖ ﺑﻌﺪ ﺷﺒﺤﺘﻠﻪ ﺷﻮﻳﻪ ...
ﻣﺸﺖ ﺟﻬﺔ ﺣﻮﺵ ﺧﻮﻫﺎ ﻭﺑﺼﻮﺕ ﻣﺎﻳﻊ : ﺧﻠﻴﻴﻔﻪ .. ﺧﻠﻴﻴﻴﻔﻪ ...
ﻃﻠﻊ ﻣﻦ ﺍﻟﺮﻭﺷﻦ : ﺧﻴﺮﻙ !!
ﻋﺰﻳﺰﺓ : ﻓﻲ ﻭﺍﺣﺪ ﺑﺮﺍ ﻳﺒﻴﻚ ..
ﺧﻠﻴﻔﻪ : ﺑﺎﻫﻲ ﺧﺸﻲ ﺩﺍﺧﻞ ..
ﻣﺸﺖ ﻭﻫﻲ ﺗﺘﺄﻓﻒ ﻭﺧﺸﺖ ﻭﻫﻮ ﻃﻮﻝ ﻧﺰﻝ ﻟﻮﻃﺎ ...
ﺗﻮﺟﻪ ﻟﻠﺒﺎﺏ : ﻋﻤﺎﺭ .. ﺳﺎﻣﺤﻨﺎ ﺗﻔﻀﻞ ﺗﻔﻀﻞ ..
ﻋﻤﺎﺭ ﺍﺑﺘﺴﻢ : ﻣﺎﻓﻴﺶ ﻣﺸﻜﻠﻪ ... ﺳﻠﻤﻮﺍ ﻉ ﺑﻌﺾ ﻭﺧﺸﻮﺍ ..
.....
ﻋﺰﻳﺰﺓ : ﻋﻠﻴﻚ ﺭﺍﺟﻞ ﻳﺎﻛﺒﺪﻱ ﻫﺪﻯ ﺍﻟﺮﺍﺟﻞ ﺣﻖ .. ﻣﻨﻴﻦ ﺭﺍﻧﻲ ﻋﻴﻮﻧﻪ ﻧﺰﻟﻬﻦ ﻃﻮﻝ ...
ﺍﻣﺎﻝ : ﺍﻟﻤﻬﻢ ﺷﺎﻓﻚ ..
ﻋﺰﻳﺰﺓ ﺍﺑﺘﺴﻤﺖ : ﺍﻳﻪ .. ﺑﺲ ﺗﻌﺮﻓﻲ ﻣﺨﻮﻓﺘﻨﻲ ﻭﺍﺟﺪ ﺣﻜﺎﻳﺔ ﺍﻧﻪ ﻣﺘﺰﻭﺝ ﻗﺒﻞ ..
ﺍﻣﺎﻝ : ﺣﺒﻴﺒﺘﻲ ﻫﺪﻳﻜﺎ ﺍﻛﺒﺮ ﻣﻨﻪ ﻭﺍﻛﻴﺪ ﺭﺩﻫﺎ ﻉ ﺧﺎﻃﺮ ﺻﻐﺎﺭ ﺧﻮﻩ ﺍﻛﻴﺪ ﺣﻴﺘﺰﻭﺝ ﺑﻌﺪﻫﺎ ﺑﻨﻴﻪ ﻭﺻﻐﻴﺮﻩ ﻳﺪﻳﺮ ﻣﻌﺎﻫﺎ ﻋﻴﻠﻪ .. ﻣﺎﺗﺨﺎﻓﻴﺶ ..
ﺍﺑﺘﺴﻤﺖ ﻋﺰﻳﺰﺓ ﺑﺈﺭﺗﻴﺎﺡ ..
" ﻳﺘﻜﻠﻤﻮﺍ ﻭﻛﺄﻧﻪ ﺟﺎﻱ ﻳﺨﻄﺐ ..."😂
🍁🍁🍁🍁
ﻓﺎﺕ ﺍﻟﻮﻗﺖ ....
ﺑﻌﺪ ﺍﻟﻌﺼﺮ
ﻋﻤﺎﺭ ﺭﻭﺡ ﻣﻦ ﺣﻮﺵ ﺧﻠﻴﻔﻪ ﺍﻟﻠﻲ ﺷﺪ ﻓﻴﻪ ﻳﻘﻌﺪ ﻟﺒﻌﺪ ﺍﻟﻐﺪﻱ
ﻭﻫﻮ ﻣﺎﺷﻲ ﺷﺎﻑ ﻟﺴﻴﺎﺭﺗﻪ ﻣﺸﺎﻟﻬﺎ ﺑﻴﺤﻂ ﻓﻴﻬﺎ ﺍﻟﻮﺭﺍﻕ ...
ﻉ ﺍﻳﺴﺎﺭﻩ ﻣﻦ ﺑﻌﻴﺪ ﺷﻮﻳﻪ ﻓﻢ ﺍﻟﺒﻮﺍﺑﻪ ﺍﻟﻠﻲ ﻣﻘﻌﻤﺰﻩ ﻗﺪﺍﻣﻪ ﺩﻻﻝ ﻣﻦ ﺍﻟﻜﺴﺎﺩ ﺗﻠﻌﺐ ﺑﺘﻠﻴﻔﻮﻧﻬﺎ ...
ﻫﻮ ﺣﻂ ﺣﺎﺟﺘﻪ ﻭﻛﻴﻒ ﺟﺎﻱ ﺑﻴﺴﻜﺮ ﺍﻟﺒﺎﺏ ﺷﺒﺢ ﺍﻳﺴﺎﺭﻩ .. ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺣﻠﻮﻩ ...💖
ﺩﻻﻝ : ﺍﻓﻔﻔﻔﻒ .. ﻋﻠﻴﻚ ﻟﻌﺒﻪ ﺗﺤﺮﻕ ﺍﻻﻋﺼﺎﺏ ... ﻃﻠﻌﺖ ﻣﻨﻬﺎ ﻭﺣﻄﺖ ﺗﻠﻴﻔﻮﻧﻬﺎ ﻉ ﺭﺟﻠﻴﻬﺎ ...
ﻓﺘﺤﺖ ﺷﻌﺮﻫﺎ ﻭﺭﺟﻌﺖ ﻟﻤﺎﺗﻪ ...
ﻭﻫﺪﺍ ﻛﻠﻪ ﻭﻋﻤﺎﺭ ﻫﺎﺍﺍﺍﺍﺍﺍﺍﻳﻢ ...💓💓💓💓💓
ﻋﻤﺎﺭ " ﻭﺍﻟﻠﻪ ﻣﺎﻧﺒﺪﺍ ﻋﻤﺎﺭ ﻣﺨﺘﺎﺭ ﻛﺎﻥ ﻣﺎﺣﺰﺗﻚ ﻳﺎﺩﻟﻮﻟﻪ ..."💓
ﺑﻌﺪ ﻛﻤﻠﺖ ﻧﺎﺿﺖ .. ﺷﺒﺤﺖ ﺍﻳﻤﻴﻨﻬﺎ ﻭﺍﻧﺼﺪﻣﺖ ...
ﻃﻮﻝ ﺧﺸﺖ ﺗﺠﺮﻱ ...
ﺩﻻﻝ ﺑﺼﺪﻣﻪ : ﺷﻜﻠﻪ ﻭﺍﺣﺪ ﻧﺴﻮﻧﺠﻲ ﻭﻋﻴﻨﻪ ﺯﺍﻳﻐﻪ .. ﻣﺼﺢ ﻭﺟﻬﻪ ﻭﺧﻼﺹ .!!
ﺍﻣﺎ ﻫﻮ ﺿﺤﻚ ﻭﺻﻜﺮ ﺍﻟﺒﺎﺏ ... ﻭﺗﻨﻬﺪ ﺗﻨﻬﻴﺪﻩ ﻣﻦ ﺍﻷﻋﻤﺎﻕ ..💓 ﻭﻣﺸﻲ ﻟﻠﻤﺮﺑﻮﻋﻪ ...
🍁 ﺑﻌﺪ ﺭﺑﻊ ﺳﺎﻋﻪ ﺗﺎﻧﻴﻪ ....
ﻭﺯﻱ ﻣﺎﺗﻌﻮﺩﺗﻮﺍ ﺻﻮﺕ ﻛﻼﻛﺴﺎﺕ ﻗﺎﻟﺐ ﺍﻟﺪﻧﻴﺎ ...
ﺍﻟﺒﻨﺎﺕ ﻛﺎﻧﻮﺍ ﻣﻘﻌﻤﺰﺍﺕ ﻓﻲ ﺍﻟﺪﺍﺭ ...
ﻧﺎﺿﻮﺍ ﻛﻠﻬﻢ ﻭﻭﻗﻔﻮﺍ ﻓﻲ ﺍﻟﺮﻭﺷﻦ ﺑﻌﺪ ﺻﻜﺮﻭﺍ ﺍﻟﺒﺮﺳﻴﺎﻧﻪ ﻭﻳﺸﺒﺤﻮﺍ ﻣﻦ ﺍﻟﻔﺘﺤﺎﺕ ...
ﺷﺎﻓﻮﺍ ﺳﻴﺎﺭﺓ ﻋﺎﻟﻴﻪ ﻟﻮﻧﻬﺎ ﺍﺯﺭﻕ ﻛﺤﻠﻲ ﺩﺭﺳﺖ ..
ﺭﺍﻧﻴﺎ : ﻣﻨﻮ ﺯﻋﻤﻪ ...
ﺩﻻﻝ : ﻭﺍﺣﺪ ﻣﻦ ﺻﺤﺎﺏ ﺧﻮﺍﻟﻲ ﻗﺎﻟﻮﺍ ﺷﺮﻗﺎﻭﻱ ...
ﺭﺑﺎﺏ : ﺷﺮﻗﺎﻭﻱ !
ﺷﺒﺤﻮﺍ ﻫﺎﻧﻴﺒﺎﻝ ﻭﺍﻟﻬﺎﺩﻱ ﻭﻋﻤﺎﺭ ﺟﺎﻳﻴﻦ ﻟﻠﺴﻴﺎﺭﺓ ..
ﺩﻻﻝ ﻟﻤﺎ ﺷﺎﻓﺖ ﻋﻤﺎﺭ ﻭﺟﻬﻬﺎ ﻭﻻ ﺍﺣﻤﺮ ...
ﺭﻛﺰﺕ ﻣﻊ ﺍﻟﺴﻴﺎﺭﺓ ﻭﻓﺎﺗﺘﻪ ... ﻧﺰﻝ ﻣﻨﻬﺎ ﻃﺎﺭﻕ ...
ﺍﻟﺘﻼﺗﻪ ﻓﺘﺤﻮﺍ ﻓﻤﻬﻢ .....
ﺭﺍﻧﻴﺎ : ﻫﺪﺍ ﺷﻨﻮ ﻫﺪﺍ ﻣﻨﻮ ".. ﺗﻲ ﺣﻲ ﻋﻠﻴﻚ ﻣﻦ ﺭﻣﺰﻱ "😂
ﺩﻻﻝ : ﻭﺍﺍﺍﺍﻭ ...
ﺭﺑﺎﺏ : ﻧﺎﻋﻠﻲ ﻉ ﻗﻮﻟﺘﻬﻢ ...
.....
ﺗﻲ ﻣﺶ ﻣﺼﺪﻕ ﻳﺎﺭﺍﺟﻞ ﺍﻧﻲ ﺣﻘﻴﺖ ﻋﻤﺎﺭ ﻭﺍﺧﻴﺮﺍ ..
ﻫﺎﻧﻴﺒﺎﻝ : ﺣﻨﻲ ﻧﺴﻴﻨﺎ ﺷﻜﻠﻪ ﻣﺮﺓ ﻭﺣﺪﻩ ...
ﻋﻤﺎﺭ ﺑﻀﺤﻜﻪ : ﻳﺎﻭﺩﻱ ﺑﺎﻫﻲ ﻓﻬﻤﻨﺎ ...
ﻃﺎﺭﻕ ﺑﻀﺤﻜﻪ : ﻛﺒﺮﺕ ﻭﺍﺟﺪ ..
ﻋﻤﺎﺭ : ﻻﺍﻧﺖ ﺍﻟﻠﻲ ﻗﺎﻋﺪ ﺻﻐﻴﺮ .. ﺭﺍﻙ ﺍﻛﺒﺮ ﻣﻨﻲ ﺑﺴﻨﺘﻴﻦ ﻣﺎﺗﻨﺴﺎﺵ ..
ﻃﺎﺭﻕ ﺑﻀﺤﻜﻪ : ﺍﻧﺒﺼﺮﻭﺍ ﻳﺎﺭﺍ ... ﻛﻨﻚ ﺗﻌﻘﺪﺕ ..
ﻫﺎﻧﻴﺒﺎﻝ ﺑﻀﺤﻜﻪ : ﻣﺘﺤﺴﺲ ﻣﻦ ﺣﻜﺎﻳﺔ ﺍﻟﻌﻤﺮ ﺍﻟﻴﻮﻣﻴﻦ ﻫﺪﻳﻦ .. ﻟﻜﻦ ﺗﺒﻲ ﺍﻟﺤﻖ ﻳﺎﻭﻟﺪ ﺧﺎﻟﻲ ﻳﺤﻄﻮﺍ ﻃﺎﺭﻕ ﺟﻨﺒﻚ ﻳﺒﺎﻥ ﺍﺻﻐﺮﻣﻨﻚ ﺑﻌﺸﺮ ﺳﻨﻴﻦ ..
ﻋﻤﺎﺭ ﺷﺪ ﻫﺎﻧﻴﺒﺎﻝ ﻣﻦ ﻳﺪﻩ ﻭﻟﻮﺍﻫﺎ ﻭﺭﺍ ﻇﻬﺮﻩ ﻭﻫﺎﻧﻴﺒﺎﻝ ﻳﻀﺤﻚ ..
ﻋﻤﺎﺭ : ﺍﻧﺖ ﺍﻟﻠﻲ ﺻﻐﻴﺮ ﻣﺎﻫﻮ .. ﺗﻲ ﺣﺘﻰ ﺍﻟﺸﻴﺐ ﻃﻠﻊ ﻓﺮﺍﺳﻚ ﻭﻟﺤﻴﺘﻚ ..
ﻃﺎﺭﻕ ﺑﻀﺤﻜﻪ : ﻏﻴﺮ ﺻﻞ ﻉ ﺍﻟﻨﺒﻲ ﻳﺎﻣﻼﺯﻡ .
ﻫﺎﻧﻴﺒﺎﻝ : ﻫﻬﻬﻬﻬﻬﻬﻪ ... ﻣﻌﻠﻴﺶ ﻋﺎﺫﺭﻩ ﻣﺴﻜﻴﻦ ﺗﻮﺍ ﺍﺳﺘﺎﻗﺾ ﺍﻧﻪ ﻛﺒﺮ ﻗﺒﻞ ﻭﻗﺘﻪ ..
ﺯﺍﺩ ﺷﺪ ﻉ ﻳﺪ ﻫﺎﻧﻴﺒﺎﻝ .. ﻭﻫﺎﻧﻴﺒﺎﻝ ﺗﻘﻮﻝ ﻳﻀﻐﻀﻐﻮﺍ ﻓﻴﻪ 😂
....
ﻛﺴﺮﻟﻪ ﻳﺪﻩ ..
ﺭﺍﻧﻴﺎ ﺑﻀﺤﻜﻪ : ﻳﺒﺼﺮ ﻳﺎﺑﻨﺘﻲ ..
ﺭﺑﺎﺏ؛ﻟﻜﻦ ﻭﺍﻟﻠﻪ ﺍﻻﻳﻬﺒﻞ ﺣﺘﻰ ﻫﻮ .. ﻧﺬﻛﺮ ﺯﻣﺎﻥ ﻟﻤﺤﺎﺕ ﻟﻤﺤﺎﺕ ﻫﻜﻲ ﻟﻤﺎ ﻛﺎﻥ ﻳﺠﻲ ﻫﻨﻲ ..
ﺭﺍﻧﻴﺎ : ﺑﺎﻫﻲ ﺗﺬﻛﺮﻳﻬﺎ ﻗﺼﺔ ﺍﻟﻤﻜﻴﺎﺝ ..
ﺭﺑﺎﺏ ﺑﻀﺤﻜﻪ : ﺣﻜﻮﻟﻲ ﻋﻠﻴﻬﺎ .. ﺍﻧﺘﻲ ﻭﺩﻻﻝ ﻟﻌﺒﺘﻮﺍ ﻓﻮﺟﻮﻫﻜﻢ ﻭﻃﻠﻌﺘﻮﺍ ﺗﻨﺴﺮﻓﻮﺍ ﻟﻴﻦ ﻟﻘﻮﻛﻢ .. ﻗﺎﻟﻮﺍ ﻫﺎﻧﻴﺒﺎﻝ ﺟﺎﻱ ﺑﻴﻀﺮﺑﻜﻢ ﻟﻜﻦ ﻋﻤﺎﺭ ﺣﺎﻣﻰ ﻋﻠﻴﻜﻢ ..
ﺭﺑﺎﺏ ﺗﺤﻜﻲ ... ﻭﺩﻻﻝ ﺗﺸﺒﺢ ﻟﻌﻤﺎﺭ ....
ﺗﺸﻮﻑ ﻓﻴﻪ ﻛﻴﻒ ﻳﻀﺤﻚ ﻭﻳﻀﺎﺭﺏ ﻫﻮ ﻭﻳﺎﻫﻢ ...
ﺑﻌﺪﻳﻦ ﺿﺤﻜﻮﺍ ... ﻭﺷﻮﻳﻪ ﻭﺧﺪﻱ ﻧﻈﺎﺭﺗﻪ ﺍﻟﻠﻲ ﻛﺎﻧﺖ ﻓﺠﻴﺐ ﺳﻮﺭﻳﺘﻪ
ﻭﻟﺒﺴﻬﺎ ...
ﺗﻠﺨﺒﻄﺘﺖ ﺷﻮﻳﻪ ﺑﺲ ﻓﻴﺴﻊ ﻣﺎﻏﻴﺮﺕ ﻋﻴﻮﻧﻬﺎ ﻋﻨﻪ ﻭﻭﺧﺮﺕ ﻣﻦ ﻋﺎﻟﺮﻭﺷﻦ ﻭﻗﻌﻤﺰﺕ ... ﻭﻫﻲ ﺗﺤﺎﻭﻝ ﺗﻄﺮﺩﻩ ﻣﻦ ﺗﻔﻜﻴﺮﻫﺎ..💓
🍁🍁🍁🍁🍁🍁
ﻣﺮ ﺑﺎﻗﻲ ﺍﻟﻨﻬﺎﺭ ...
ﻭﺍﻟﻨﺴﺎﻭﻳﻦ ﻳﻮﺗﻮﺍ ﻓﻲ ﺍﻟﺤﻮﺵ ﺍﻟﻘﺪﻳﻢ ﻟﻠﺘﻄﻴﻴﺐ ﻟﻌﺰﻭﻣﻪ ﻧﻬﺎﺭ ﺍﻹﺛﻨﻴﻦ ...
ﻭﺍﻟﺒﻨﺎﺕ ﻳﻌﺎﻭﻧﻮﺍ ﻓﻴﻬﻢ ﺷﻮﻱ ﺷﻮﻱ ...
ﻣﻊ 1:00 ....
ﺑﺪﻭﺍ ﻳﺮﻛﺒﻮﺍ ﻓﻲ ﺍﻟﺨﻴﻤﻪ ...
ﻛﺎﻧﺖ ﻓﻲ ﺍﻟﻤﺴﺎﺣﻪ ﺑﻴﻦ ﺍﻟﺤﻮﺵ ﺍﻟﻘﺪﻳﻢ ﻭﺍﻷﻭﻝ
ﺩﺍﺧﻞ
ﺍﻟﻨﺴﺎﻭﻳﻦ ﺭﺍﻗﺪﺍﺕ ﻭﻳﺤﻨﻮﺍ ﻓﻴﻬﻢ
ﻧﺠﻴﻪ ﻭﺻﺎﺑﺮﻳﻦ ... ﻭﺍﻟﺨﻮﺍﺕ ﺍﻟﺘﻼﺗﻪ
ﻛﻞ ﺑﻨﺖ ﺷﺪﺕ ﺍﻣﻬﺎ ﺗﺤﻨﻲ ﻓﻴﻬﺎ
ﻏﺎﻟﻴﻪ ﺣﻨﺖ ﻛﻔﺎﻳﻪ
ﻭﺭﺍﻧﻴﺎ ﻭﺣﻤﻴﺪﻩ ﺣﻨﻮﺍ ﺻﺎﺑﺮﻳﻦ ﻭﻧﺠﻴﻪ ..
ﺍﻣﺎ ﺍﻟﻌﺰﺍﻳﺰ ﻛﻞ ﻭﺣﺪﻩ ﺩﺍﺭﺕ ﻋﺒﻮﺩ ﻭﺭﻗﺪﺕ ﺑﻴﻪ ..
....
ﻧﺠﻴﻪ : ﺧﻠﻴﻬﺎ ﺍﻟﻤﻬﻢ ﻣﺎﺗﻘﻌﺪﺵ ﻓﺨﺎﻃﺮﻫﺎ ..
ﻧﻌﻴﻤﻪ : ﺻﻮﺍﺑﻌﻚ ﺑﺲ ..
ﺩﻻﻝ : ﺍﻳﻪ ﻣﺎﻣﺎ ﺻﻮﺍﺑﻌﻲ ﺑﺲ ...
ﻧﻌﻴﻤﻪ 😒:
ﺩﻻﻝ ...😊:
ﺯﻳﻨﺐ : ﺑﺎﻫﻲ ﺧﻼﺹ ﻃﻔﻮﺍ ﻋﻠﻴﻨﺎ ﺍﻟﻀﻲ ﺑﻨﺮﻗﺪﻭﺍ ..
ﻧﺠﻴﻪ ...😑:
ﻏﺎﻟﻴﻪ : ﻫﻲ ﻧﻮﺿﻦ ﺑﺼﻮﻧﻴﺔ ﺍﻟﺤﻨﻪ ﻟﻠﺼﺎﻟﻪ ..
ﻃﻠﻌﻮﺍ ﺍﻟﺒﻨﺎﺕ ﻗﻌﻤﺰﻭﺍ ﻓﻲ ﺍﻟﺼﺎﻟﻪ ..
ﺣﻤﻴﺪﻩ ﺻﻜﺮﺕ ﺍﻟﻀﻲ ...
ﻭﻗﻌﻤﺰﻭﺍ ﻓﻲ ﺍﻟﺼﺎﻟﻪ ....
ﻭﺧﻮﺩﻟﻚ ﻳﺎﻫﺪﺭﺯﺓ ... ﻭﺩﻻﻝ ﻭﺭﺍﻧﻴﺎ ﻳﺤﻨﻮﺍ ﻓﻲ ﺻﻮﺍﺑﻌﻬﻢ ..
ﻭﻧﻮﺭ ﺧﺪﺍﻫﺎ ﺍﻟﻨﻮﻡ ﻉ ﺭﺟﻞ ﺣﻤﻴﺪﺓ ...
ﺧﺶ ﻋﻠﻴﻬﻢ ﺳﻨﺪ : ﺭﻛﺒﻮﺍ ﺍﻟﺨﻴﻤﻪ ..
ﻛﻠﻬﻢ ﺍﺑﺘﺴﻤﻮﺍ ﺑﻔﺮﺣﻪ ..
ﺭﺑﺎﺏ ﺑﻔﺮﺣﻪ : ﺍﻟﻠﻪ ..
ﺳﻨﺪ : ﺍﻳﻪ ﻛﻤﻠﻮﺍ ﻣﺘﺎﻉ ﻧﺴﺎﻭﻳﻦ ..
ﺭﺑﺎﺏ : ﻣﺎﻓﻴﻬﺎ ﺣﺪ ﺳﻨﻮﺩﻱ ..
ﺳﻨﺪ : ﻻﻻ ﻛﻠﻬﻢ ﻣﺸﻮﺍ ﻟﺨﻴﻤﺔ ﺍﻟﺮﺟﺎﻟﻪ ..
ﺭﺑﺎﺏ ﻧﺎﺿﺖ ﺗﺠﺮﻱ ...
ﻭﺍﻟﺒﻨﺎﺕ ﻧﺎﺿﻮﺍ ﻭﺭﺍﻫﺎ ﺑﺄﻳﺪﻳﻬﻢ ﺍﻟﻤﺤﻨﻴﺎﺕ ﻭﺧﺎﻻﺗﻬﻢ ﻳﻀﺤﻜﻮﺍ ..
......
ﻭﺍﻗﻒ ﻓﻮﻕ ﺍﻟﻜﺮﺳﻲ ﻳﺴﺎﻭﻱ ﻓﻲ ﺍﻟﻘﻴﻄﻮﻥ ..
ﻃﺎﺭﻕ : ﻻ ﺗﻮ ﻣﻴﺔ ﻣﻴﺔ ..
ﻧﺰﻝ ﻣﻦ ﻉ ﺍﻟﻜﺮﺳﻲ ..
.....
ﻭﺻﻠﺖ ﻓﻴﻬﺎ ﻭﺑﺪﺕ ﺗﻐﻨﻲ ..
ﺭﺑﺎﺏ : ﻳﺎﺧﻴﻤﺔ ﺍﻷﻓﺮﺍﺡ ﺩﻭﺭﻱ .. ﻟﻴﻦ ﺗﺨﺸﻲ ﺩﺍﺧﻞ ﺳﻮﺭﻱ ..
ﻫﻮ ﺗﻠﻔﺖ ﻭﺷﺒﺤﻬﺎ ﻛﻴﻒ ﺧﺎﺷﻪ ﺗﻐﻨﻲ ﻭﺗﺮﻗﺺ ﻭﻣﺎﺗﻨﺪﺭﻱ ﻉ ﺷﻲ ..
ﺷﺒﺤﺖ ﻷﺧﺮ ﺍﻟﺨﻴﻤﻪ ﻭﻫﻲ ﺗﺮﻗﺺ ﻓﻲ ﺍﻳﺪﻳﻬﺎ ..
ﺟﻤﺪﺕ ﻓﻤﻜﺎﻧﻬﺎ ... ﻗﻌﺪﺕ ﺗﺸﺒﺤﻠﻪ ﻭﻳﺸﺒﺤﻠﻬﺎ ﻭﺧﻼﺹ ..
ﺑﺮﺍ ...
ﺩﻻﻝ : ﺧﻴﺮﻫﺎ ﺟﻤﺪﺕ ﻫﻜﻲ ..
ﺭﺍﻧﻴﺎ : ﺭﻛﺰﻱ ﻋﻠﻴﻬﺎ ﺍﺷﺒﺢ ﻣﻦ ﺷﺎﻓﺖ ..
....
ﺭﺑﺎﺏ ﺍﺳﺘﺎﻗﻀﺖ ﺣﻄﺖ ﺍﻳﺪﻳﻬﺎ ﻉ ﺭﺍﺳﻬﺎ .. ﻭﻟﻔﺖ ﻭﻃﻠﻌﺖ ﺗﺠﺮﻱ ...
ﻭﺧﺸﺖ ﻟﻠﺤﻮﺵ ﺟﺮﻱ .. ﻭﻭﺭﺍﻫﺎ ﺍﻟﺒﻨﺎﺕ ...
ﻗﻌﻤﺰﺕ ﻉ ﺭﻛﺎﺑﻬﺎ : ﺍﺩﻓﻨﻮﻭﻧﻲ .. ﺍﺩﻓﻨﻮﻧﻲ .. ﺷﺮﺣﻮﻧﻲ .. ﻗﻄﻌﻮﻧﻲ .. ﺍﺣﺮﻗﻮﻧﻲ
ﺧﺪﺕ ﺍﻟﻤﺨﺪﻩ ﻣﻦ ﺣﺪﺍ ﺧﺎﻟﺘﻬﺎ ﻭﺣﻄﺘﻬﺎ ﻉ ﺭﺍﺳﻬﺎ ﻭﻗﻌﺪﺕ ﺷﺎﺩﺗﻬﺎ ﻭﺗﻌﺎﻭﺩ ﻓﻨﻔﺲ ﺍﻟﻜﻼﻡ ..
ﻭﺧﺎﻻﺗﻬﺎ ﻭﺩﻻﻝ ﻭﺭﺍﻧﻴﺎ ﻣﺶ ﻓﺎﻫﻤﻴﻦ ﺷﻲ ﻳﻀﺤﻜﻮﺍ ﻋﻠﻴﻬﺎ ﻭﺧﻼﺹ ..
ﺭﺍﻧﻴﺎ ﺑﻀﺤﻜﻪ : ﻏﻴﺮ ﻗﻮﻟﻲ ﻣﻦ ﺷﻔﺘﻲ ..
ﺣﻮﻟﺖ ﺍﻟﻤﺨﺪﻩ ﻭﻫﻲ ﺗﻨﺪﺏ : ﻳﺎﻏﺒﻴﻴﻴﻨﻲ ﻫﻴﻴﻲ ﺷﺎﻓﻨﻲ ﺑﻬﺎﻟﻤﻨﻈﺮ ﺗﻘﻮﻝ ﻭﺣﺪﻩ ﻫﺎﺭﺑﻪ ﻣﻦ ﻗﺮﻗﺎﺭﺵ .. ﺍﺷﺮﺕ ﻉ ﺳﺮﻭﺍﻟﻬﺎ .. ﺍﻟﺴﺮﻭﺍﻝ ﺷﻜﻞ ... ﺍﻟﺘﻴﺸﺮﺕ ﺷﻜﻞ .. ﻭﺣﻄﺖ ﺍﻳﺪﻳﻬﺎﻋﺸﻌﺮﻫﺎ .. ﻭﺍﻟﺸﻌﺮ .. ﻗﻌﺪﺕ ﺗﺮﻳﺶ ﻓﻴﻪ .. ﻏﻮﻟﺔ ﺟﻨﺎﻧﺎﺕ ... ﻧﺪﺑﺖ ... ﻋﻼﺍﺍﺵ ﻳﺎﺍﺍﺍﺍﺭﺑﻲ ..
ﺧﺎﻻﺗﻬﺎ ﻭﺩﻻﻝ ﻭﺭﺍﻧﻴﺎ ﻳﻀﺤﻜﻮﺍ ﺑﺪﻣﻮﻋﻬﻢ ..
ﺩﻻﻝ : ﻫﻬﻬﻬﻪ .. ﻣﻦ ﻫﻬﻬﻮ ...
ﺭﺑﺎﺏ : ﻧﺎﻋﻠﻴﻴﻲ ... ﻧﺎﻋﻠﻴﻴﻲ ﻳﺎﺣﻨﻪ ..
ﺭﺍﻧﻴﺎ ﻭﺩﻻﻝ : ﺍﻟﺸﺮﻗﺎﺍﺍﻭﻱ !!
ﺭﺑﺎﺏ ﻏﻤﻀﺖ ﻋﻴﻮﻧﻬﺎ ﺑﺸﺪﻩ : ﺍﻳﻴﻴﻴﻪ ﻳﺎﻫﻤﻲ ﺍﻟﻤﺘﻘﺎﻭﻱ .. ﻫﻮ ﺭﺍﻳﺢ ﺯﻱ ﺍﻟﻮﺭﺩﺓ ﻳﻬﺒﻞ .. ﻭﺍﻧﻲ ﺷﻨﻮ .. ﻻﺍﺍﺍﺍ .. ﻣﺎﻧﺒﻴﺶ ﻧﺬﻛﺮ ﺍﻧﻲ ﺷﻨﻮ .. ﻭﻻ ﺷﻦ ﺩﺭﺕ ﻟﻤﺎ ﺧﺸﻴﺖ ..
ﻏﺎﻟﻴﻪ ﺑﻀﺤﻜﻪ : ﺭﻗﺼﺘﻲ ﻭﻏﻨﻴﺘﻲ ..
ﺭﺑﺎﺏ : ﺍﺭﺭﺭﺭﺭﻳﺘﻨﻲ ﺍﻧﻜﺴﺮﺕ ..
ﺣﻤﻴﺪﻩ ﺑﻀﺤﻜﻪ : ﺑﻌﻴﺪ ﺍﻟﺴﻮ ﻳﺎﻣﻬﺒﻮﻟﻪ ..
ﺭﺑﺎﺏ : ﺧﻼﺍﺍﺍﺹ ﺭﻩ ﺧﺪﻱ ﻋﻠﻴﻨﺎ ﻓﻜﺮﺓ ﺣﻠﻮﺓ ﻣﺎﻧﺤﻜﻴﻠﻜﻢ ... ﺍﻩ ﻳﺎﺭﺑﻲ ﻃﻮﻝ ﻋﻤﺮﻱ ﻧﻄﺮﺡ ﻟﻠﻌﺎﻫﺎﺕ ﻭﺍﻟﻤﺸﻠﻔﻄﻴﻦ ﻭﺍﻟﺸﻌﺎﺑﻴﻂ .. ﻭﻣﺎﻳﺸﻮﻓﻨﻲ ﻣﺒﻬﺪﻟﻪ ﻛﺎﻥ ﺍﻟﻄﺮﻑ ﺍﻟﻤﻄﺮﻑ ﺍﻟﻤﻘﻮﻡ .. ﻻﺍﺍﺍ ﻧﺤﺲ ﺍﻛﺜﺮ ﻣﻦ ﻫﻜﻲ ﻣﺎﺍﻇﻨﺶ ﻓﻲ ...
ﺣﻤﻴﺪﻩ : ﻫﻬﻬﻬﻬﻬﻬﻪ .. ﺑﺘﺠﻴﻚ ﺍﻟﺠﻠﻄﻪ ﺍﻧﺘﻲ ﺭﻩ .
ﺭﺑﺎﺏ ﻭﻫﻲ ﺗﺄﺷﺮ ﺑﺴﺒﺎﺑﺘﻬﺎ : ﺍﻟﻔﺮﺥ ﺳﻨﺪ ﺷﻄﺎﻥ ﺍﻟﺸﻴﺎﻃﻴﻦ ﻏﻴﺮ ﻧﺤﺼﻞ ﻋﻠﻴﻪ ﺑﺲ ..
ﺭﺍﻧﻴﺎ ﻭﺩﻻﻝ ﻭﻏﺎﻟﻴﻪ ﻭﺣﻤﻴﺪﻩ ..😂😂😂😂:
🍁🍁🍁🍁
ﻫﺎﻩ ﺷﻨﻮ ﻋﺪﺗﻠﻬﺎ ..
ﻃﺎﺭﻕ ﻭﻫﻮ ﻣﺒﺘﺴﻢ : ﺍﻳﻪ ...
ﻋﻤﺎﺭ : ﻛﺎﻥ ﻓﻴﻬﺎ ﻧﺮﻗﻮﺍ ﻓﻮﻕ ﺍﻟﻴﻮﻡ .. ﺧﺎﻃﺮﻱ ﻧﺮﺩ ﺍﻳﺎﻡ ﺯﻣﺎﻥ ..
ﻋﻤﺮ : ﺳﻴﺪﻱ ﺍﻟﻠﻲ ﻳﺪﻭﻱ ...
ﻫﺎﻧﻴﺒﺎﻝ : ﻫﻬﻬﻬﻬﻬﻬﻬﻪ ..
ﻋﻤﺮ : ﻭﺣﻖ ﺍﻟﻠﻪ ﻛﺒﺮﺕ ﻗﺒﻞ ﻭﻗﺘﻚ ..
ﻋﻤﺎﺭ : ﻧﻘﻮﻟﻚ .. ﺍﻧﻲ ﻋﺎﺭﻑ ﻣﻦ ﻣﺴﻠﻄﻚ .. ﻗﻮﻟﻪ ﻣﺰﺍﺟﻲ ﺭﺍﻳﻖ ﻭﻣﺎﻧﻴﺶ ﻣﻌﻜﺮﻩ ..
ﻫﺎﻧﻴﺒﺎﻝ : ﺻﺪﻗﺖ ﻣﺶ ﺑﺎﻫﻲ ﻟﻠﻲ ﻓﻌﻤﺮﻙ ...
ﻋﻤﺎﺭ ﺷﺒﺤﻠﻪ ﺷﻮﻳﻪ ... ﻓﺎﺕ ﻳﺠﺮﻱ ﻫﺎﻧﻴﺒﺎﻝ ﻭﻫﻮ ﻳﺠﺮﻱ ﻭﺭﺍﻩ ..
ﻭﺻﻮﺕ ﺿﺤﻜﻬﻢ ﻳﺠﻴﺐ ﻣﻦ ﻭﻳﻦ ﻭﻳﻦ ...
ﺍﻣﺎ ﺍﻷﻭﻻﺩ ... ﻓﻠﻬﺪﺍ ﺍﻧﻄﺮﺡ ﻭﺭﻗﺪ ....
ﻣﺎﻋﺪﺍ ﺭﻣﺰﻱ ﺍﻟﻠﻲ ﺍﻋﺼﺎﺑﻪ ﺭﺍﻛﺒﺎﺕ ... ﺧﺪﻱ ﺗﻠﻴﻔﻮﻧﻪ ﻭﺑﻌﺖ ﺭﺳﺎﻟﻪ ﻟﺪﻻﻝ ...
ﻟﻜﻦ ﺩﻻﻝ ﺭﻗﺪﺕ ﺧﻼﺹ ﻭﺍﻟﻠﻲ ﺣﺪﺍﻫﺎ ﻛﻠﻬﻢ ﺷﺒﻪ ﺭﻗﺪﻭﺍ ﻣﻦ ﺍﻟﺘﻌﺐ .. ﻭﻣﺎﺣﺪ ﺍﺳﺘﺎﻗﺾ ﺑﻴﻬﺎ ﻭﺑﺎﺕ ﺭﻣﺰﻱ ﻟﻴﻠﻪ ﻛﻠﻪ ﻭﻫﻮ ﻳﺤﺮﻕ ﻓﻲ ﺍﻋﺼﺎﺑﻪ ﻭﺧﻼﺹ ...
🍁🍁🍁🍁🍁
ﺟﻲ ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﻣﻊ ﺍﻟﺴﺎﻋﻪ 11:30 ﻛﺎﻧﻮﺍ ﺑﺎﺩﻳﻴﻦ ﻓﻲ ﺍﻟﺘﻄﻴﻴﺐ ..
ﻭﺳﻌﻴﺪﻩ ﺟﺖ ...
ﻭﺍﻟﺠﻮ ﺑﺪﻱ ﻣﺮﺑﻚ ... ﻭﺍﻟﻜﻞ ﻉ ﺍﻋﺼﺎﺑﻪ ...
ﻟﻌﻨﺪ ﺍﻟﺴﺎﻋﻪ 2 ﻭﺍﻻﻣﻮﺭ ﻣﺎﺷﻴﻪ ﺗﻤﺎﻡ ﺍﻟﺘﻤﺎﻡ ﻭﻛﻞ ﺣﺪ ﻓﺤﺎﻟﻪ ...
......
ﻳﺘﻜﻠﻢ ﺑﺎﻟﺘﻠﻴﻔﻮﻥ ﻓﻲ ﺍﻟﺠﺮﺩﻳﻨﻪ ..
ﻋﻤﺎﺭ : ﺍﻳﻤﻦ ﻧﺘﻔﺎﻫﻢ ﻣﻌﺎﻙ ﺭﺍﻫﻮ ﺍﻣﻚ ﺭﺩ ﺑﺎﻟﻚ ﺍﺗﻌﺒﻬﺎ ................ ﻳﺎﺃﻳﻤﻦ ﺗﺸﻜﻴﻠﻲ ﻣﻨﻚ ﻣﺮﺓ ﺗﺎﻧﻴﻪ ﻭﺣﻖ ﺍﻟﻠﻪ ﻣﺎﻧﻲ ﺭﺍﺣﻤﻚ ........... ﺍﺧﺮ ﻣﺮﺓ ﻧﺘﻜﻠﻢ .. ﺍﺧﺨﺨﺮ ﻣﺮﺓ .. ﻋﻄﻴﻨﻲ ﺍﻣﻚ .................... ﺍﻳﻮﻩ ﻫﻨﺪﺍ ....
......
ﻛﻔﺎﻳﻪ : ﺗﻠﻘﻴﻬﻢ ﻓﻲ ﺍﻟﻤﺮﺑﻮﻋﻪ ﺍﻧﻲ ﺣﺎﻃﺘﻬﻢ ﻣﺴﺘﻔﺎﺕ ﻓﻴﺴﻊ ﻓﻴﺴﻊ ﺩﻟﻮﻟﻪ ..
ﺩﻻﻝ : ﺣﺎﺿﺮ ...
ﻭﻃﻠﻌﺖ ﻣﻦ ﺍﻟﺤﻮﺵ ﺍﻟﻘﺪﻳﻢ ﺗﺠﺮﻱ ...
ﻭﻫﻲ ﺗﺠﺮﻱ ﻣﺶ ﻣﺴﺘﺎﻗﻀﺔ ﻟﻠﺮﺷﺎﺩﺓ ﺍﻟﻠﻲ ﻗﺪﺍﻣﻬﺎ ..
ﻋﺘﺮﺕ ﻓﻴﻬﺎ ... ﻛﺎﻧﺖ ﺣﻄﻴﺢ ... ﻏﻤﻀﺖ ﻋﻴﻮﻧﻬﺎ
ﺑﺲ ﻣﺎﻃﺎﺣﺘﺶ ...
ﻓﻲ ﺣﺪ ﺗﻠﻘﺎﻫﺎ ﻭﺷﺪ ﺫﺭﺍﻋﻬﺎ ﺍﻹﻳﺴﺎﺭ ﻭﻳﺪﻫﺎ ﺍﻟﻴﻤﻴﻦ ...
ﻫﻲ ﻓﺘﺤﺖ ﻋﻴﻮﻧﻬﺎ ﺟﻮ ﻓﻌﻴﻮﻧﻪ ...
ﻫﻮ ﻛﺎﻥ ﻳﺸﻮﻑ ﻟﺘﻔﺎﺻﻴﻞ ﻭﺟﻬﻬﺎ 💓..
ﻋﻤﺎﺭ : ﺭﻗﻴﺘﻲ ﺭﻭﺣﻚ 💓💓💓💓
ﺩﻻﻝ ﻣﺼﺪﻭﻣﻪ .... ﺟﺒﺪﺕ ﻳﺪﻫﺎ ﻭﻧﻔﻀﺖ ﺩﺭﺍﻋﻬﺎ : ﻣﺼﺢ ﻭﺟﻬﻚ ﻳﺎﻣﺘﺼﺎﺑﻲ ...
ﻭﻟﻔﺖ ﻭﻣﺸﺖ ﺗﺠﺮﻱ ﻭﻫﻲ ﻣﺘﻠﺨﺒﻄﻪ ﻟﻴﻦ ﺧﻼﺹ ..
ﻟﻜﻦ ﻫﻮ ﻛﻼﻣﻬﺎ ﺟﺮﺣﻪ ﻫﻠﺒﻪ ... ﻭﺭﻗﻴﺘﻠﻪ ﻫﻠﺒﻪ .. ﻭﻫﺎﻟﻤﺮﺓ ﺭﺳﻤﻲ ﺧﺪﻱ ﻣﻨﻬﺎ ﻣﻮﻗﻒ ... ﻛﻼﻣﻬﺎ ﻣﻬﻴﻦ ﻫﻠﺒﻪ ... ﻭﺍﻛﺜﺮ ﻛﻠﻤﻪ ﻗﻌﺪﺕ ﺗﺮﻥ ﻓﻮﺫﻧﻪ " ﻳﺎﻣﺘﺼﺎﺑﻲ ..."
ﻟﻒ ﻭﻣﺸﻲ ﻭﻫﻮ ﻣﻌﺼﺐ ﻉ ﺍﻵﺧﺮ ...
ﻫﻲ ﻛﺎﻧﺖ ﻣﺮﺩﻗﻪ ﺷﺎﻓﺎﺗﻪ ﻟﻤﺎ ﻣﺸﻲ ﻭﻟﺖ ﻟﻠﻤﻜﺎﻥ ﺍﻟﻠﻲ ﻗﺎﻟﻮﻟﻬﺎ ﺗﺠﻴﺐ ﻣﻨﻪ ﺣﺎﺟﻪ .. ﻭﻣﺎﺯﺍﻝ ﺗﺮﺟﻒ ﻣﻦ ﺍﻟﻤﻮﻗﻒ ...
🍁🍁🍁🍁🍁🍁
ﺗﻤﺖ ﻋﺰﻭﻣﺔ ﺍﻟﺮﺟﺎﻟﻪ ﻉ ﺧﻴﺮ ...
ﻭﺩﺍﺭﻭ ﺩﺭﺑﻮﻛﻪ ﻭﻏﻨﻲ ﺷﻮﻳﻪ ...
ﻭﺑﻌﺪﻳﻦ ﻭﻟﻮﺍ ﻟﻠﺤﻮﺵ ﺍﻟﺘﺎﻧﻲ .. ﺑﻌﺪ ﻛﻠﻤﻮﺍ ﺍﻟﺤﻮﺳﻪ ﻛﻠﻬﺎ ..
ﻭﻟﻤﺎ ﻛﺎﻧﻮﺍ ﻣﻜﻤﻠﻴﻨﻬﺎ ﻭﺻﻠﻮﺍ ﻟﻠﺴﺎﻋﻪ ...6
ﻟﻜﻦ ﻓﻲ ﺍﻟﻤﺨﺰﻥ ..
ﻉ ﺍﻟﺘﻠﻴﻔﻮﻥ ...
ﺭﺍﻧﻴﺎ : ﺍﻗﺴﻤﻠﻚ ﺑﺎﻟﻠﻪ ﻣﺎﻓﻲ ﺑﻴﻨﻲ ﻭﺑﻴﻨﻪ ﺣﺎﺟﻪ ......... ﻳﺎﺭﻣﺰﻱ ﺧﻴﺮﻙ ﻫﻜﻲ ﻓﻬﻤﻨﻲ ............ ﻫﻜﻲ ﻣﺘﻌﻮﺩﻳﻦ ..... ﻭﺑﺎﻫﻲ ... ﺑﺎ .... ﺑﺎﻫﻲ ﺧﻲ .... ﻋﻄﻴﻨﻲ ﻣﻌﺎﻙ ﻓﺮﺻﻪ ........ ﺧﻴﺮﻧﻲ ﻧﻄﻠﻊ ﻗﺪﺍﻣﻚ ﺑﻨﻔﺲ ﺍﻟﻠﺒﺲ ................ ﻭﺍﺍﺍﻙ ﻳﺎﺭﻣﺰﻱ ﻭﺍﺍﺍﺍﻙ ... ﺗﻲ ﻣﻦ ﺣﻄﻚ ﻣﻘﺎﺭﻧﻪ ﻣﻌﺎﻩ .............. ﻧﻌﻤﻤﻤﻤﻢ .. ﻗﺼﺪﻙ ﺍﻧﻲ ﻣﻨﺤﻠﻪ ..........!!!!! ﺑﺎﻫﻲ ﺻﺤﻴﺖ .. ﻭﺻﻜﺮﺕ ﻓﻮﺟﻬﻪ ﻭﺩﻣﻮﻋﻬﺎ ﻧﺰﻟﻮﺍ ..
ﺩﻻﻝ ﺟﺘﻬﺎ : ﺧﻴﺮﻛﻢ ﺷﻦ ﺟﺎﻛﻢ ..
ﺭﺍﻧﻴﺎ ﻭﻫﻲ ﻣﻌﺼﺒﻪ ﺗﺮﻋﺶ ﻭﺗﺒﻜﻲ : ﻫﻮ ﻫﻜﻲ ﺩﻣﺎﻏﻪ ﺯﻱ ﺍﻟﺤﻴﻂ ﻭﻟﺴﺎﻧﻪ ﺳﻢ ... ﺳﻢ ..
ﺩﻻﻝ : ﺍﻫﺪﻱ ﺣﺒﻴﺒﺘﻲ ﻭﻓﻬﻤﻴﻨﻲ ﺷﻦ ﺻﺎﻳﺮ ..
ﺭﻥ ﺗﻠﻴﻔﻮﻥ ﺩﻻﻝ ... ﻣﺪﺗﻠﻬﺎ ﺭﺍﻧﻴﺎ ﺍﻟﺘﻠﻴﻔﻮﻥ ﻭﻣﺴﺤﺖ ﺩﻣﻮﻋﻬﺎ ﻭﻃﻠﻌﺖ .. ﻭﻃﻠﻌﺖ ﻭﺭﺍﻫﺎ ﺩﻻﻝ ... ﻭﻫﻤﺎ ﻣﺎﺷﻴﺎﺕ ﻟﻠﺤﻮﺵ ...
ﺷﺎﻓﻮﺍ ﻓﻮﻕ ﺍﻟﺴﻄﺢ ..
ﻛﺎﻥ ﻭﺍﻗﻒ ﻳﺸﻮﻓﻠﻬﺎ ﺑﻐﻀﺐ .
ﻫﻲ ﺷﺒﺤﺘﻠﻪ ﻣﻦ ﻓﻮﻕ ﻟﻠﻮﻃﺎ ﻭﻣﺸﺖ ﻭﺩﻻﻝ ﺍﻟﻠﻲ ﺍﺿﺎﻳﻘﺖ ﻉ ﺧﺎﻃﺮﻫﻢ ﻣﺎﺷﻴﻪ ﻭﺭﺍﻫﺎ ..
🍁 ﻫﻤﺎ ﻳﺘﻌﺎﺭﻛﻮﺍ ﻗﺒﻞ .. ﺑﺲ ﻫﺎﻟﻤﺮﺓ ﺍﻟﺤﻜﺎﻳﻪ ﺍﻗﻮﻯ ﻣﻦ ﻗﺒﻞ ....
🍁🍁🍁🍁🍁🍁
ﻟﻴﻠﺘﻬﺎ ﺭﺍﻧﻴﺎ ﺩﻣﻮﻋﻬﺎ ﻣﺎﺑﻄﻠﻮﺵ ﻧﺰﻭﻝ ... ﻭﻗﺎﻋﺪﺓ ﺗﺬﻛﺮ ﻓﻲ ﻛﻼﻣﻪ ﺍﻟﺠﺎﺭﺡ ...
ﺍﻟﻜﻼﻡ ﺍﻟﺠﺎﺭﺡ ... ﺍﻟﻠﻲ ﺧﻼ ﻋﻤﺎﺭ ﻳﻜﺘﺐ ﻗﺼﻴﺪﺓ ﻭﻷﻭﻝ ﻣﺮﺓ .. ﺗﻜﻮﻥ ﻋﻦ ﺍﻟﻐﺰﻝ ﻭﺍﻟﻤﺸﺎﻋﺮ ... ﻭﻓﻴﻬﺎ ﻋﺘﺐ ... ﻳﻜﺘﺐ ﻭﻭﺍﺟﻌﻪ ﺧﺎﻃﺮﻩ ﻣﻨﻬﺎ .. ﻛﻴﻒ ﺗﻘﻮﻝ ﻋﻠﻴﻪ ﻣﺘﺼﺎﺑﻲ .. ﻛﻢ ﻋﻤﺮﻩ ﻫﻮ ... ﺍﺻﻼ ﻓﺮﻕ ﺍﻟﻌﻤﺮ ﺑﻴﻨﻪ ﻭﺑﻴﻨﻬﺎ ﻣﺶ ﻛﺒﻴﺮ ﻟﺪﺭﺟﻪ ﺗﺸﻮﻓﻪ ﻣﺘﺼﺎﺑﻲ ...
ﻫﻤﺎ ﻳﻮﻣﻴﻦ .... ﺩﺍﺭﺕ ﻓﻴﻪ ﺍﻟﻠﻲ ﻣﺎﻧﺪﺍﺭ ﻓﻴﻪ ﻃﻮﻝ ﻋﻤﺮﻩ ...
ﻭﻳﻦ ﺧﻄﺮﺕ ﻋﻠﻴﻪ ﻣﻼﻣﺤﻬﺎ ﺧﺎﻃﺮﻩ ﻃﺎﺏ ﻭﻧﺴﻲ ﻛﻞ ﺷﻲ 💕
🍁🍁🍁🍁
ﺍﻟﻴﻮﻡ ﺍﻟﻠﻲ ﺑﻌﺪﻩ ﻳﻮﻡ ﺍﻟﻜﺴﻮﺓ
ﺻﺪﺭﻭﺍ ﻧﻌﻴﻤﻪ ﻭﻛﻔﺎﻳﻪ .. ﻟﻜﻦ ﺯﻳﻨﺐ ﻟﺒﺴﺖ ﺩﺷﺪﺍﺷﻪ ﺯﻣﺎﻥ ﻛﺎﻧﻮﺍ ﻣﻮﺿﻪ ..
ﻭﻟﻄﻴﻔﻪ ﺍﻟﻠﻲ ﻭﺻﻠﺖ ﺍﻟﺼﺒﺢ ﻛﺎﻧﺖ ﻻﺑﺴﻪ ﺗﺮﻛﻴﺒﻪ
ﺍﻹﺗﻔﺎﻕ ﻛﺎﻥ ﺍﻥ ﻫﺎﺩﻭﺍ ﻳﻤﺸﻮﺍ ﺍﻟﻜﺴﻮﺓ ﻣﻊ ﻋﺰﺍﻳﺰ ﺍﻟﻘﺒﻴﻠﻪ
ﻟﻜﻦ ﺍﻟﻠﻲ ﺻﺎﺭ
ﻧﻌﻴﻤﻪ ﺭﻛﺒﺖ ﻣﻊ ﻫﺎﻧﻴﺒﺎﻝ ... ﻭﻛﻔﺎﻳﻪ ﺭﻛﺒﺖ ﻣﻊ ﺭﺍﺟﻠﻬﺎ
ﻭﺧﻴﺮﻱ ﺭﻓﻊ ﺍﻟﻮﻻﺩ ﻣﻌﺎﻩ ... ﻣﺎﻟﻚ ﻭﻣﺮﻭﺍﻥ ﻭﺳﻨﺪ
ﻋﺎﺑﻲ ﻉ ﺯﻳﻨﺐ ﺑﺘﻤﺸﻲ ﻣﻊ ﻋﻤﺮ
ﻭﺍﻟﻠﻲ ﻫﺪﺍ ﻣﺸﻲ ﺑﻌﻮﻳﻠﺘﻪ ﻭﻻﺑﺮﻭﺣﻪ
ﻣﺎﻋﺪﺍ ﻣﻴﻼﺩ ﻓﻲ ﺍﻟﺨﺪﻣﻪ .
🍁 ﻃﺎﻟﻌﻪ ﺯﻳﻨﺐ ﺍﻧﺼﺪﻣﺖ ﻟﻤﺎ ﻟﻘﺖ ﺳﻴﺎﺭﺓ ﻋﻤﺮ ﻣﻌﺒﻴﻪ ﻭﻣﻘﻌﻤﺰﺓ ﻓﻴﻬﺎ ﺳﻌﻴﺪﻩ
ﻗﻌﺪﺕ ﻭﺍﻗﻔﺔ ﺗﺸﻮﻓﻠﻬﻢ ﻭﺧﻼﺹ
ﺑﻌﺪﻳﻦ ﻟﻔﺖ ﻭﺧﺸﺖ ﻃﻮﻝ ﻭﺩﻣﻮﻋﻬﺎ ﻳﻨﺰﻟﻮﺍ ..
ﺭﺑﺎﺏ ﺍﻟﻠﻲ ﻛﺎﻧﺖ ﺍﺿﻢ ﻓﻲ ﺍﻟﺼﺎﻟﻪ ﺍﻧﺨﻠﻌﺖ ﻟﻤﺎ ﺷﺎﻓﺘﻬﺎ : ﺧﻴﺮﻙ ﻳﻤﺎ ! ؟؟
ﺯﻳﻨﺐ ﺑﺒﻜﻲ : ﻣﺮﻛﺒﻴﻦ ﻫﺪﻳﻜﺎ ﺍﻟﻌﻘﺮﺏ ﻣﻜﺎﻧﻲ ﺧﻄﺮ ﻋﻠﻴﻬﺎ ﺗﻤﺸﻲ ﺗﻮﺍ ﻫﺎﻟﻜﻠﺒﻪ ..
ﺭﺑﺎﺏ ﻃﺎﺭﺗﻠﻬﺎ .. ﻃﻠﻌﺖ ﺗﺠﺮﻱ ﻣﻦ ﻓﻢ ﺍﻟﺒﻮﺍﺑﻪ .. ﻟﻘﺖ ﺍﻟﺴﻴﺎﺭﺓ ﺑﺘﻤﺸﻲ
ﺭﺑﺎﺏ : ﻭﺍﻣﻴﻴﻲ !! ؟؟
ﺍﻟﻬﺎﺩﻱ : ﻣﻌﻠﻴﺸﻲ ﻳﺎﺭﺑﺎﺏ .. ﺳﻌﻴﺪﻩ ﻓﻲ ﺍﻟﺒﻴﺎﻥ ﻣﺎﻋﺪﺗﺶ ﺧﻞ ﺗﻌﺪﻱ ﺗﻮﺍ ﺣﺘﻰ ﻗﺪﺍﻡ ﺍﻟﻨﺎﺱ
ﻛﺎﻧﺖ ﺳﻌﻴﺪﻩ ﺗﺸﻮﻑ ﻟﺮﺑﺎﺏ ﺑﻤﻜﺮ ...
ﻭﻣﻦ ﺑﻌﻴﺪ ﺷﻮﻳﻪ ﻭﺍﻗﻒ ﺣﻤﺰﺓ .. ﻭﺣﺪﺍ ﺍﻟﺴﻴﺎﺭﺓ ﺭﻣﺰﻱ ..
ﻭﺭﺍ ﺭﺑﺎﺏ ﻛﺎﻧﻮﺍ ﻭﺍﻗﻔﻴﻦ ﺭﺍﻧﻴﺎ ﻭﺩﻻﻝ
ﺭﺑﺎﺏ ﺷﺒﺤﺖ ﻟﺴﻌﻴﺪﻩ ... ﻭﻗﺎﻟﺖ : ﺍﺗﻔﻮﻭﻭﻭﻭﻭ
ﻭﻟﻔﺖ ﻭﻣﺸﺖ ﻃﻮﻝ ...
ﺍﻟﻬﺎﺩﻱ ﺗﻜﻨﻄﺎ : ﺗﺤﺮﻙ ﻳﺎﻋﻤﺮ
ﺗﺤﺮﻙ ﻋﻤﺮ ﻭﺣﺘﻰ ﻫﻮﺗﻜﻨﻄﺎ
ﻭﺭﻣﺰﻱ ﻣﺎﺗﺤﻤﻠﺶ ﻓﻲ ﺍﻣﻪ : ﻭﺍﻟﻠﻪ ﻣﺎﺗﺤﺸﻤﻲ ﻭﻻﻧﻚ ﻣﺮﺑﻴﻪ
ﺭﺍﻧﻴﺎ ﺍﻧﺼﺪﻣﺖ ..
ﺭﺑﺎﺏ ﻭﻗﻔﺖ ﻭﺍﻟﺘﻔﺘﺘﻠﻪ : ﺧﻠﻴﺘﻬﺎﻟﻚ ﺍﻟﺮﺑﺎﻳﻪ ﻳﺎﻭﻟﺪ ﺳﻌﻴﺪﻩ ..
ﺍﻟﻬﺎﺩﻱ : ﺭﺑﺎﺍﺍﺍﺏ .
ﺭﻣﺰﻱ : ﻛﻴﻒ ﻣﺎﺧﻠﻴﻨﻬﺎ ﻷﻣﻚ
ﺭﺍﻧﻴﺎ : ﺍﺣﺘﺮﻡ ﻧﻔﺴﻚ
ﺍﻟﻬﺎﺩﻱ : ﻋﺪﻥ ﺧﺸﺸﺸﻦ
ﺭﺑﺎﺏ : ﺣﻘﻴﺮ ﺯﻳﻚ ﺯﻱ ﺍﻣﻚ .. ﻭﺧﺸﺖ ..
ﺭﻣﺰﻱ : ﻛﺎﻥ ﻓﻲ ﻣﻦ ﻣﺮﺑﻴﻚ ﺑﺮﺍ ﻋﺘﺒﺔ ﺍﻟﺤﻮﺵ ﻣﺎﺗﻄﻠﻌﻲ
ﺭﺍﻧﻴﺎ ﺑﻌﻴﺎﻁ ﻭﺩﻣﻮﻋﻬﺎ ﻳﻨﺰﻟﻮﺍ : ﺻﻜﻜﻜﺮ ﻓﻤﻤﻚ ﻳﺎﺣﻴﻮﺍﻥ
ﻭﻳﺠﻲ ﺣﻤﺰﺓ ﻳﺠﺒﺪﻩ : ﺷﻦ ﺗﻔﺘﻔﺖ ﺍﻧﺖ ..
ﻭﻳﻀﺮﺑﻪ ﺑﻮﻛﺲ
ﻭﻳﺮﺩﻩ ﺭﻣﺰﻱ ﻭﻳﻀﺎﺭﺑﻮﺍ ..
ﺣﺰﻫﻢ ﺍﻟﻬﺎﺩﻱ ﻭﺑﻌﺪﻫﻢ ﻋﻦ ﺑﻌﺾ .. ﻭﺧﺪﻱ ﺣﻤﺰﺓ ﻭﻣﺸﻲ
ﻭﺧﻼ ﺭﻣﺰﻱ ﻳﻠﻬﺚ ﻭﻳﻤﺴﺢ ﻓﻲ ﻓﻤﻪ
ﺭﺍﻧﻴﺎ ﺑﺒﻜﻲ : ﻧﻜﺮﻫﻚ ﻳﺎﺣﻘﻴﺮ ... ﻭﺧﺸﺖ ﺩﺍﺧﻞ
ﻫﻮ ﻗﻌﺪ ﻳﺸﺒﺢ ﻟﻠﺒﺎﺏ ﺑﺼﺪﻣﻪ ....
ﺍﻣﺎ ﺭﺍﻧﻴﺎ ﺧﺸﺖ ﺩﺍﺧﻞ ﻭﺍﻧﻬﺎﺭﺕ ﺑﺎﻟﺒﻜﻲ ﻭﺩﺍﺧﻞ ﺧﺎﻻﺗﻬﺎ ﻭﺍﺧﺘﻬﺎ ﻳﻬﺪﻭﺍ ﻓﻲ ﺯﻳﻨﺐ ﺍﻟﻠﻲ ﻛﺎﻧﺖ ﺗﺒﻜﻲ ..
ﺩﻻﻝ ﺑﻀﻴﻖ : ﺭﺍﻧﻴﺎ ﺣﺒﻴﺒﺘﻲ ..
ﺭﺍﻧﻴﺎ ﺗﺒﻜﻲ ﺑﺎﻟﻌﺒﺮﺓ ﻭﺧﻼﺹ ..
...
ﺯﻳﻨﺐ ﺑﺒﻜﻲ : ﻟﻜﻦ ﻭﺍﻟﻠﻪ ﺍﻟﻬﺎﺩﻱ ﻣﺎﻧﺎﺳﻴﺘﻬﺎﻟﻪ ..
ﻏﺎﻟﻴﻪ : ﻏﻴﺮ ﺷﻦ ﺩﻧﺒﻪ ﺍﻟﻬﺎﺩﻱ .. ﺭﺍﻫﻲ ﻫﻲ ﺻﺒﺖ ﻉ ﺍﻣﻲ ﺍﻟﺒﺎﺭﺡ ﻭﻗﺎﻟﺖ ﺑﺘﻌﺪﻱ ﺳﺎﺩ ﺍﻟﺒﻴﺎﻥ ﻣﺎﻋﺪﺕ ﻭﻣﺎﺗﺒﻴﺶ ﺍﺍﻟﻨﺎﺱ ﺗﺪﻭﻱ ﺑﻴﻬﺎ ..
ﺍﺑﺘﺴﻤﺖ ﺯﻳﻨﺐ ﺑﺘﻬﻜﻢ ...
ﺭﺑﺎﺏ : ﻃﻴﺒﺎﺕ ﻫﻠﺒﻪ ﺍﻧﺘﻢ ﺭﻩ .. ﻫﺎﺩﻱ ﻟﻔﻌﻪ ﻣﻦ ﺗﺤﺖ ﺗﺒﻦ ﻣﺎﺻﺪﻗﺖ ﺣﺼﻠﺘﻬﺎ ﻓﺮﺻﻪ ﻓﺄﻣﻲ ..
ﺣﻤﻴﺪﻩ : ﺣﻨﻲ ﻧﺒﻮﻫﺎ ﺗﻬﺪﻱ ..
ﺯﻳﻨﺐ ﻭﻫﻲ ﺗﺮﺷﻒ : ﻭﺍﻟﻌﻪ ﺑﺮﻭﺣﻬﺎ ﻭﻣﻦ ﺯﻣﺎﻥ ﻭﻣﺴﺘﺤﻴﻞ ﺗﻨﻄﻔﻰ ...
ﻭﺭﺍﻧﻴﺎ ﺗﺴﻤﻊ ﻓﻜﻼﻣﻬﺎ ﻭﺗﺰﻳﺪ ﺗﺒﻜﻲ ...
.... ﻳﺘبع
