#العشق_المتمرد
الجزء87
#جمان_فريد
..🌟
ﺍﻟﺴﺎﻋﻪ 3:00 ﻟﻴﻼ ..
ﻣﺘﻤﺪﺩﻩ ﻓﻔﺮﺍﺷﻬﺎ ﻟﻜﻦ ﻣﺎﺟﺎﻫﺎﺵ ﺍﻟﻨﻮﻡ ..
ﻭﺣﺪﻩ ﺯﻳﻬﺎ ﻣﻌﺬﻭﺭﺓ ﻟﻮ ﻣﺎﺭﻗﺪﺗﺶ ﻣﻦ ﻓﺮﺣﺘﻬﺎ ..
ﻭﺍﺧﻴﺮﺍ ..
ﻫﻲ ﻭﺣﺒﻴﺐ ﻋﻤﺮﻫﺎ ﻋﻼﻗﺘﻬﻢ ﺍﺻﺒﺤﺖ ﺷﺒﻪ ﺭﺳﻤﻴﻪ ﻭﻫﻤﺎ ﺍﻟﺰﻭﺯ ﻟﺒﻌﺾ ﻗﺪﺍﻡ ﺍﻟﻌﻴﻠﻪ ﻛﻠﻬﺎ ..
ﺑﺲ ..
ﺭﺍﻧﻴﺎ ﻣﺎﻛﺎﻧﺘﺶ ﻓﺮﺣﺎﻧﻪ ..
ﺍﻳﻪ ﻣﺶ ﻓﺮﺣﺎﻧﻪ ..
ﺭﺍﻧﻴﺎ ﻛﺎﻧﺖ ﺧﺎﻳﻔﻪ ...
ﻭﻗﻠﺒﻬﺎ ﻣﻘﺒﻮﺽ ..
ﻭﺍﻟﺴﺒﺐ ...
⚡ ﻓﻼﺵ ﺑﺎﻙ ..
ﺑﻌﺪ ﻋﻄﻠﺔ ﻧﺺ ﺍﻟﺴﻨﻪ ..
ﻭﻟﻮﺍ ﻟﻠﻘﺮﺍﻳﻪ ..
ﻫﺪﺍﻛﺎ ﺍﻟﻴﻮﻡ ﻛﺎﻧﺖ ﻫﻲ ﻭﺩﻻﻝ ﻣﺎﺷﻴﻴﻦ ﻳﺸﻮﻓﻮﺍ ﻓﻲ ﻧﺘﻴﺠﺔ ﻣﺎﺩﺗﻴﻦ ﻣﺎﻧﺰﻟﻮﺵ ﻉ ﺍﻟﻨﺖ ..
ﻭﻋﺮﻓﻮﺍ ﺍﻧﻬﻢ ﻣﻌﻠﻘﺎﺕ ﻓﻲ ﺍﻟﻜﻠﻴﻪ ...
ﺷﺎﻓﻮﺍ ﻧﺘﻴﺠﺔ ﺍﻟﻤﺎﺩﻩ ﺍﻷﻭﻟﻰ ﻟﻘﻮﻫﺎ ﺻﺎﻓﻴﻪ ..
ﺩﻻﻝ ﺑﻨﺴﺒﻪ %70
ﻭﺭﺍﻧﻴﺎ %80
ﻭﻣﻌﺮﻭﻓﻪ ﺭﺍﻧﻴﺎ ﻣﺎﺯﺍﻝ ﺍﺷﻄﺮ ﻣﻦ ﺩﻻﻝ ﻭﻓﻲ ﺍﻟﻜﻠﻴﻪ ﻣﻦ ﺍﻟﻤﺘﻔﻮﻗﻴﻦ ..
ﺑﻌﺪ ﺷﺎﻓﻮﺍ ﻧﺘﻴﺠﻪ ﻫﺎﻟﻤﺎﺩﻩ ..
ﻣﺸﻮﺍ ﻳﺸﻮﻓﻮﺍ ﻓﻨﺘﻴﺠﺔ ﺍﻟﻤﺎﺩﺓ ﺍﻟﺘﺎﻧﻴﻪ ..
ﻣﺎﺩﺓ ﺍﻷﺳﺘﺎﺫ ﺯﻳﻦ ﺍﻟﺪﻳﻦ ...
ﺭﺍﻧﻴﺎ : ﺍﻫﻴﺎ ﻫﻨﻲ ..
ﺩﻻﻝ : ﺑﺎﻟﻠﻪ ﺷﻮﻓﻴﻠﻲ ﺭﺍﻧﻴﺎ .. ﻋﻴﻮﻧﻲ ﻭﻟﻮﺍ ﺑﺎﻟﻬﻮﻥ ..
ﺭﺍﻧﻴﺎ ﺍﺑﺘﺴﻤﺖ ﺑﺄﻟﻢ : ﺣﺎﺿﺮ ..
ﻗﺪﻣﺖ ﺭﺍﻧﻴﺎ ..
ﺷﺎﻓﺖ ﺍﺳﻢ ﺩﻻﻝ .. ﻛﺎﻧﺖ ﺻﺎﻓﻴﻪ ﺍﻟﻤﺎﺩﻩ ﺑﻨﺴﺒﻪ %65
ﺭﺍﻧﻴﺎ ﺍﻟﺘﻔﺘﺖ ﻭﻗﺎﻟﺖ : ﺻﻔﺘﻴﻬﺎ ﻉ ..65
ﺩﻻﻝ : ﺧﻴﺮ ﻭﺑﺮﻛﻪ ﺍﻟﺤﻤﺪ ﻟﻠﻪ ..
ﺍﺑﺘﺴﻤﺖ ﻭﺭﺟﻌﺖ ﺗﺸﻮﻑ ﻓﻲ ﺍﻟﻘﺎﺋﻤﻪ ﻛﺎﻥ ﺣﺮﻑ ﺍﻟﺮﺍﺀ ﺗﺤﺖ ﺣﺮﻑ ﺍﻟﺪﺍﻝ ..
ﻟﻘﺖ ﺍﺳﻤﻬﺎ ... ﻭﻣﻜﺘﻮﺏ ﺟﻨﺒﻪ ..%50
ﺍﻧﺼﺪﻣﺖ ..
ﺭﺍﻧﻴﺎ : ﻛﻴﻒ 50 ؟؟
ﺩﻻﻝ ﻭﻫﻲ ﻣﺘﻔﺎﺟﺌﺔ : ﻗﺼﺪﻙ ﺻﻔﻴﺘﻲ ﻉ ﺍﻟﺤﺎﻓﻪ !!
ﺭﺍﻧﻴﺎ ﺷﺒﺤﺘﻠﻬﺎ : ﺭﻳﺘﻲ ﺍﻟﺤﻘﺎﺭﻩ ﺑﺎﻟﻠﻪ ﺭﻳﺘﻲ ﻣﺶ ﻗﺘﻠﻚ ﻫﺪﻭﺋﻪ ﻫﺪﺍ ﻣﺶ ﻣﻦ ﻓﺮﺍﻍ ..
ﺩﻻﻝ : ﺍﻟﻠﻪ ﺣﺴﻴﺒﻪ ﻭﺧﻼﺹ ﺍﻟﻤﻬﻢ ﺻﻔﺘﻴﻬﺎ ﻭﺍﻓﺘﻜﻴﺘﻲ ﻣﻨﻪ ..
ﺭﺍﻧﻴﺎ ﺿﻤﺖ ﺷﻮﺍﺭﺑﻬﺎ ﻟﺒﻌﺾ ﺑﻐﻀﺐ ..
ﻭﻟﻔﺖ ﻭﻣﺸﺖ ..
ﺩﻻﻝ ﺭﻓﻌﺖ ﺣﻮﺍﺟﺒﻬﺎ : ﻳﺎﺭﺍﻧﻴﺎ ﺗﻌﺎﻟﻲ .. ﺭﺍﻧﻴﺎ ... ﺗﺲ ... ﺍﻓﻔﻒ ..
🍃 ﺑﻌﺪ ﺷﺎﻓﺖ ﺍﻟﻘﺎﺋﻤﺔ ﺍﻟﻤﻌﻠﻘﻪ ﻭﺷﺎﻓﺖ ﻧﺘﻴﺠﺘﻬﺎ ﻋﻘﻠﻬﺎ ﻃﺎﺭ ﻣﻦ ﻣﻜﺎﻧﻪ ﺧﻼﻫﺎ ﺍﻋﺼﺎﺑﻬﺎ ﻓﻘﺪﺗﻬﻢ 🍃...
ﻃﻮﻝ ﻣﺸﺖ ﺑﻐﻀﺐ ﻭﻳﻦ ﻣﺎﻓﻲ ﻣﻜﺘﺒﻪ ...
ﻭﻳﻦ ﻭﺻﻠﺖ ﺑﺪﺍﻳﻪ ﺍﻟﻤﻤﺮ ﻟﻘﺎﺗﻪ ﻭﺍﻗﻒ ﻣﺘﻜﻲ ﺑﻤﺮﻓﻘﻪ ﻉ ﺍﻟﺤﻴﻂ ﻭﻳﺪﻩ ﻭﺭﺍ ﺭﺍﺳﻪ ﻭﺍﻟﺒﺎﻳﻦ ﺍﻧﻪ ﻳﺮﺍﺟﻲ ﻓﻴﻬﺎ ..
ﺍﺑﺘﺴﻢ ﺑﻐﺮﻭﺭ ﻛﻌﺎﺩﺗﻪ ﺣﻮﻝ ﺍﻟﻨﻈﺎﺭﺓ ..
ﻭﺭﺟﻊ ﻟﻮﺿﻌﻪ ﺍﻷﻭﻝ ...
ﻭﻫﻲ ﻭﺻﻠﺖ ﻓﻴﻪ ﻭﻗﺎﻟﺖ : ﺍﻗﺴﻢ ﺑﺎﻟﻠﻪ ﻓﺤﻴﺎﺗﻲ ﻣﺎﻛﺮﻫﺖ ﺑﻨﻲ ﺁﺩﻡ ﺯﻱ ﻣﺎﻛﺮﻫﺘﻚ .. ﻛﺮﻫﺘﻨﻲ ﻓﻘﺮﺍﻳﺘﻲ ﻭﻓﻜﻞ ﺷﻲ ﻳﺠﻲ ﻣﻨﻬﺎ .. ﺑﺲ ﻟﻮ ﻧﻌﺮﻑ ﻋﻼﺵ ﺍﺩﻳﺮ ﻣﻌﺎﻱ ﻫﻜﻲ ﻋﻼﺵ ..
ﻫﻮ ﺭﻓﻊ ﺣﻮﺍﺟﺒﻪ ﻭﺍﺑﺘﺴﻢ ﺑﻐﺮﻭﺭ ﻗﺎﻝ : ﻧﺤﺒﻚ ...
🍃 ﺍﻧﺼﻌﻘﺖ ...
ﺟﻲ ﺑﻴﻦ ﻋﻴﻮﻧﻬﺎ ﺭﻣﺰﻱ ..
ﺗﺨﻴﻠﺖ ﻟﻤﺎ ﺳﻤﻌﺖ ﺍﻟﻜﻠﻤﻪ ﻭﻛﺄﻥ ﺣﺪ ﺟﻲ ﻭﻃﻌﻦ ﺭﻣﺰﻱ ﻓﻈﻬﺮﻩ ..
ﻟﻤﺠﺮﺩ ﺳﻤﺎﻋﻬﺎ ﺍﻟﻜﻠﻤﻪ ﺑﺲ ﺣﺴﺖ ﺭﻭﺣﻬﺎ ﺧﺎﻳﻨﻪ ..
ﻛﺮﻫﺖ ﻧﻔﺴﻬﺎ ..
ﺯﻳﻦ ﺍﻟﺪﻳﻦ : ﺳﻤﻌﺘﻲ؟ !
ﺷﺒﺤﺘﻠﻪ ﺑﻨﻈﺮﻩ ﻣﻠﻴﺎﻧﻪ ﺣﻘﺪ ﻭﺭﺩﺓ ﻓﻌﻠﻬﺎ ﻛﺎﻧﺖ .
ﺭﺍﻧﻴﺎ ﺑﻐﻞ : ﺗﻔﻮ ﻋﻠﻴﻚ ﻭﻉ ﺍﻣﺜﺎﻟﻚ ..
ﻭﻟﻔﺖ ﻭﻣﺸﺖ ﻭﻫﻲ ﻓﻘﻤﺔ ﺍﻟﻐﻀﺐ ﻗﺎﻋﺪﻩ ﺗﻨﺤﺮﻕ ﺣﺮﻕ ..
ﻏﺎﺭﺕ ﻉ ﻧﻔﺴﻬﺎ ﻟﺮﻣﺰﻱ ..
ﻣﺘﺨﻴﻠﻴﻦ ﻟﻮﻳﻦ ﻭﺻﻠﺖ ﺩﺭﺟﺔ ﻋﺸﻘﻬﺎ ﻟﻴﻪ ..
ﻏﺎﺭﺕ ﻉ ﻧﻔﺴﻬﺎ ﻟﺤﺒﻴﺒﻬﺎ ..💕
ﻭﺯﻳﻦ ﺍﻟﺪﻳﻦ ﻛﺎﻥ ﻭﺍﺛﻖ ﻭﻣﺘﺎﻛﺪ ﺍﻥ ﻓﻲ ﺣﺪ ﻓﺤﻴﺎﺗﻬﺎ ﺗﺼﺮﻓﺎﺗﻬﺎ ﻛﻠﻬﺎ ﺗﻘﻮﻝ ﻫﻜﻲ ..
ﺯﻳﻦ : ﺍﺍﺍﺥ ﺑﺲ ﻟﻮ ﻧﻌﺮﻓﻪ ﻣﻦ ﻫﻮ ... ﻟﻜﻦ ﺑﺎﻫﻲ ﻳﺎﻇﺒﻴﻪ ﻭﺍﻟﻠﻪ ﻣﺎﻧﻲ ﻣﺨﻠﻴﻚ .. ﻣﻦ ﺍﻟﻘﻨﺎﺹ ﻣﺶ ﺣﺘﻔﻠﺘﻲ ..
🍁 ﺣﻜﺖ ﺭﺍﻧﻴﺎ ﻟﺪﻻﻝ ﺍﻟﻠﻲ ﺻﺎﺭ ..
ﻭﺩﻻﻝ ﻣﺎﺍﺗﻔﺎﺟﺌﺘﺶ ﻛﺎﻧﺖ ﻣﺘﻮﻗﻌﻪ ﻣﻦ ﺍﻟﺒﺪﺍﻳﻪ ..
ﻟﻜﻦ ﻗﺎﻟﺘﻠﻬﺎ ﺍﻧﻬﺎ ﻣﺎﺗﻌﺪﻟﺶ ﻭﺗﺘﺠﺎﻫﻞ ﺍﻟﻤﻬﻢ ﺻﻔﺖ ﺍﻟﻤﺎﺩﻩ ﻭﻣﺶ ﺣﺘﻜﻮﻥ ﻣﻀﻄﺮﺓ ﺗﺘﻌﺎﻣﻞ ﻣﻌﺎﻩ ﻣﻦ ﺟﺪﻳﺪ ..
ﻧﺰﻟﻮﺍ ﻣﻮﺍﺩﻫﻢ ..
ﻭﺭﻭﺣﻮﺍ ..
ﻭﺑﻌﺪ ﻳﻮﻣﻴﻦ ﺑﺪﺕ ﺍﻟﻘﺮﺍﻳﻪ ﺭﺳﻤﻲ ..
ﻭﻓﻲ ﺍﻭﻝ ﻣﺤﺎﺿﺮﺓ ﻟﻴﻬﻢ ﻣﻊ ﺑﻌﺾ ﻓﻲ ﺍﻟﻔﺼﻞ ﺍﻟﺮﺑﻴﻌﻲ ..
ﺩﻻﻝ؛ﺍﻟﺴﻤﺴﺘﺮ ﻫﺪﺍ ﺧﺎﻳﻔﻪ ﻣﻨﻪ ﻫﻠﺒﻪ ..
ﺭﺍﻧﻴﺎ ﺑﺈﺑﺘﺴﺎﻣﻪ : ﻣﺎﺗﺨﺎﻓﻴﺶ ﺩﻟﻮﻟﺘﻲ ﺍﻧﻲ ﻣﻌﺎﻙ ..
ﺍﺑﺘﺴﻤﺖ ﺩﻻﻝ ..
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﻭﺧﺶ ﺍﻷﺳﺘﺎﺫ ..
ﺭﺍﻧﻴﺎ ﻋﻴﻮﻧﻬﺎ ﺗﻮﺳﻌﻮﺍ ﺑﺼﺪﻣﻪ ..
ﻭﺩﻻﻝ ﺣﺘﻰ ﻫﻲ ﺍﻧﺼﺪﻣﺖ ﻭﻗﻌﺪﺕ ﺗﺸﻮﻓﻠﻬﺎ ..
ﻫﻮ ﻭﻗﻒ ﺣﻂ ﺍﻳﺪﻳﻪ ﻓﺠﻴﻮﺑﻪ ﻭﺍﺑﺘﺴﻢ ﺑﻐﺮﻭﺭ ﻛﻌﺎﺩﺗﻪ ﻭﻗﺎﻝ : ﺻﺒﺎﺡ ﺍﻟﺨﻴﺮ ... ﺷﺒﺢ ﻟﺮﺍﻧﻴﺎ .. ﻣﻌﺎﻛﻢ ﺍﻷﺳﺘﺎﺫ ﺯﻳﻦ ﺍﻟﺪﻳﻦ ..***
🍃 ﻋﺮﻓﺖ ﻭﻗﺘﻬﺎ ﺍﻥ ﺯﻳﻦ ﺧﻼﺹ ﺣﻄﻬﺎ ﻓﺮﺍﺳﻪ ﻭﻣﺎﻋﻨﺪﻫﺎﺵ ﻭﻳﻦ ﺗﻬﺮﺏ ﻣﻨﻪ ﻭﻻﻋﻨﺪﻫﺎ ﺷﻲ ﺗﻘﺪﺭ ﺩﻳﺮﻩ ﺧﻼﺹ ..
ﻳﻌﻨﻲ ﺍﻟﺤﻞ ﺍﻟﻮﺣﻴﺪ ﺍﻧﻬﺎ ﺗﺴﻴﺐ ﻗﺮﺍﻳﺘﻬﺎ ..
ﺑﺲ ﻫﺪﺍ ﻣﺶ ﺣﻞ ﺍﻧﻬﺎ ﺗﺴﺘﺴﻠﻢ ﻭﺗﺨﻠﻴﻪ ﻳﻀﻴﻊ ﻣﺴﺘﻘﺒﻠﻬﺎ !!
ﻓﻜﺮﺕ ﻫﻠﺒﻪ ﻭﻭﺻﻠﺖ ﻟﻨﺘﻴﺠﻪ ..
ﺍﻧﻬﺎ ﺗﺘﺠﺎﻫﻠﻪ ﻭﺧﻼﺹ ﻭﻣﺎﺗﺤﺎﻭﻟﺶ ﺍﺩﻳﺮ ﺍﻱ ﺗﺼﺮﻑ ﻳﺴﺘﻔﺰﻩ ﺗﺘﻐﺎﺿﻰ ﻭﺑﺲ ﻟﻌﻠﻪ ﻳﻤﻞ ﻭﻳﻔﻮﺗﻬﺎ ﻭﻳﻠﻬﻰ ﺑﻐﻴﺮﻫﺎ ...
ﺗﻢ ﺍﻟﺴﻤﺴﺘﺮ ﺩﻭﻥ ﻣﺎﻳﺘﻌﺮﺿﻠﻬﺎ ﺯﻳﻦ ﻧﻬﺎﺋﻲ ﻭﻫﻲ ﻓﻬﺎﻟﻔﺼﻞ ﻣﺎﻛﺎﻧﺘﺶ ﺷﺎﺩﻩ ﻛﻮﻳﺲ ﻣﻦ ﺍﻟﺨﻮﻑ ﻭﺍﻟﺘﺨﻤﻴﻢ ..
ﻭﻓﻮﻕ ﺧﻮﻓﻬﺎ ﻣﻦ ﻧﺘﻴﺠﺔ ﺍﻟﻤﺎﺩﻩ ﺍﻟﻠﻲ ﻳﻘﺮﻱ ﻓﻴﻬﺎ ﻫﻮ ﺗﻮﺍ ﺑﺪﺕ ﺧﺎﻳﻔﻪ ﻣﻦ ﻧﺘﻴﺠﺔ ﻛﻞ ﺍﻟﻤﻮﺍﺩ ﺍﻟﻠﻲ ﻧﺰﻟﺘﻬﻢ ...
🍁 ﺍﺗﻜﺖ ﻉ ﺟﻨﺒﻬﺎ ﻭﻗﺎﻟﺖ : ﻳﺎﺍﺭﺏ ﺳﺎﻋﺪﻧﻲ ..
🍁🍁🍁🍁
ﺗﺎﻧﻲ ﻳﻮﻡ ..
ﺍﻟﺴﺎﻋﻪ 10:00 ﺻﺒﺎﺣﺎ ...
ﻃﺮﺍﺑﻠﺲ ..
ﻣﻘﻌﻤﺰ ﻓﺪﺍﺭﻩ ﻉ ﻛﺮﺳﻲ ﻣﻘﺎﺑﻞ ﺍﻟﻔﻴﺮﻧﺪﺍ ..
ﻗﺪﺍﻣﻪ ﻓﻨﺠﺎﻥ ﻗﻬﻮﺓ ﻣﺤﻄﻮﻁ ﻉ ﻃﺎﻭﻟﻪ ..
ﻭﻓﺠﻨﺒﻪ ﺍﻳﺒﺎﺩ ..
ﻫﻮ ﻛﺎﻥ ﺷﺎﺩ ﻓﻴﺪﻩ ﻭﺭﻗﺔ ﺍﻣﺘﺤﺎﻧﻬﺎ ﻭﻳﺘﺄﻣﻞ ﻓﻴﻬﺎ ..
ﻣﺠﺎﻭﺑﻪ ﻧﺺ ﻭﻣﺨﻠﻴﻪ ﻧﺺ ﻭﺍﻏﻠﺐ ﺍﺟﺎﺑﺎﺗﻬﺎ ﻏﻠﻂ ..
ﻛﺎﻥ ﻣﻀﺎﻳﻖ ..
ﻋﺎﺭﻑ ﺍﻧﻪ ﺍﻟﺴﺒﺐ ...
ﻣﺶ ﻣﻜﺮ ﻓﻴﻪ ﻫﻲ ﺩﺍﺭﺕ ﻫﻜﻲ .. ﻷﻥ ﻟﻤﺎ ﺳﺄﻝ ﻋﻨﻬﺎ ﻓﺒﺎﻗﻲ ﻣﻮﺍﺩﻫﺎ ﻟﻘﻲ ﻣﺴﺘﻮﺍﻫﺎ ﻧﺎﺯﻝ ..
ﺗﻨﻬﺪ ﺑﻀﻴﻖ ..
ﻃﻖ ﺍﻟﺒﺎﺏ ..
ﺯﻳﻦ ﻭﻋﻴﻮﻧﻪ ﻣﺎﺯﺍﻝ ﻉ ﺍﻟﻮﺭﻗﻪ : ﺧﺶ ..
ﺍﻧﻔﺘﺢ ﺍﻟﺒﺎﺏ ..
ﻭﺧﺸﺖ ﺑﻨﻮﺗﻪ .. ﻋﻤﺮﻫﺎ ﺃﻭﻝ ﺍﻟﻌﺸﺮﻳﻦ ..
ﺑﺸﻮﺷﻪ ﻭﺣﻠﻮﺓ ...
ﻓﺮﺡ : ﻧﺨﺶ ﻳﺎﻗﻨﺎﺹ ﻋﺎﺩﻱ ..
ﺯﻳﻦ : ﺗﻌﺎﻟﻲ ..
ﺣﻂ ﺍﻟﻮﺭﻗﻪ ﻣﻘﻠﻮﺑﻪ ﻉ ﺍﻟﻄﺎﻭﻟﻪ ..
ﺟﺒﺪﺕ ﻛﺮﺳﻲ ﻭﻗﻌﻤﺰﺕ ﺣﺪﺍﻩ : ﻣﺴﺘﻐﺮﺑﻪ ﻓﻴﻚ ... ﺻﻴﻔﺖ ﺍﻟﺪﻧﻴﺎ ﻭﺍﻧﺖ ﻣﺎﺯﻟﺖ ﻓﻠﻴﺒﻴﺎ ..
ﺯﻳﻦ : ﻣﺎﻋﻨﺪﻳﺶ ﺟﻮ ﻟﻠﺴﻔﺮ ..
ﻓﺮﺡ ﺑﺘﻀﻴﻴﻘﺔ ﻋﻴﻮﻥ : ﺻﺎﻳﺮﺓ ﺣﺎﺟﻪ ﻣﻌﺎﻙ ﺻﺢ؟
ﺯﻳﻦ : ﺍﻟﻘﺼﻘﺼﺔ ﻣﺎﻧﺤﺒﻬﺎﺵ ..
ﻓﺮﺡ ﺑﻀﺤﻜﻪ : ﻋﺎﺭﻓﻪ .. ﻧﺴﺘﻔﺰ ﻓﻴﻚ ﺑﺲ .
ﺯﻳﻦ ﺷﺒﺤﻠﻬﺎ ﺑﺈﻣﺘﻌﺎﺽ : ﻛﺎﻥ ﻣﺎﻋﻨﺪﻙ ﺷﻲ ﻣﻬﻢ ﺗﻘﻮﻟﻴﻪ ﺗﻮﻛﻠﻲ .
ﻓﺮﺡ ﺿﺤﻜﺖ ﺑﻌﺪﻳﻦ ﻗﺎﻟﺖ : ﺍﻧﺰﻝ ﺍﻓﻄﺮ ..
ﺯﻳﻦ ﺷﺒﺢ ﺍﻟﻘﺪﺍﻡ ﻭﻗﺎﻝ : ﻣﺎﻧﺒﻴﺶ .. ﻧﻮﺿﻲ ﺍﻃﻠﻌﻲ .
ﺗﻨﻬﺪﺕ ﻭﻫﻲ ﻣﺒﺘﺴﻤﻪ ﺑﻌﺪﻳﻦ ﻧﺎﺿﺖ ﻭﻣﺸﺖ ﻃﻮﻝ ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﺸﻮﻓﻠﻪ .
ﻭﻫﻮ ﺭﺟﻊ ﻣﻦ ﺟﺪﻳﺪ ﺧﺪﻱ ﺍﻟﻮﺭﻗﻪ ﻭﺭﺟﻊ ﻳﺘﺄﻣﻞ ﻓﻴﻬﺎ ..
🍃 ﺍﻟﻌﺸﻖ 🍃
🌴🌴🌴🌴🌴🌴🌴🌴
ﻧﺎﻳﻀﻴﻦ ﻛﻠﻬﻢ ...
ﺍﻟﻌﻴﻮﻥ ﻣﻨﻔﺨﺎﺕ ﻭﺍﻟﺤﻮﺍﺟﺐ ﻣﻘﺮﻭﻧﻪ ..
ﺳﺎﻫﺮﻳﻦ ﻟﻠﺜﻼﺗﻪ ﻭﺍﻟﺤﺎﺟﻪ ﻓﺎﻃﻤﻪ ﻧﻮﺿﺘﻬﻢ ﻛﻠﻬﻢ ﻣﻦ 9:30 ..
ﺯﻳﻨﺐ ﻗﺪﺍﻡ ﺍﻟﺤﻤﺎﻡ : ﺑﺎﺗﺖ ﻓﻲ ﺍﻟﺤﻤﺎﻡ ﻛﻔﺎﻳﻪ ..
ﻉ ﺧﻄﻤﺔ ﻏﺎﻟﻴﻪ ﻃﻘﺖ ﻉ ﺍﻟﺤﻤﺎﻡ : ﻫﻴﺎﺍ ﻳﺎﻛﻔﺎﻳﻪ ﻫﻴﺎﺍﺍ ..
ﻭﻣﺸﺖ ﻟﻠﻜﻮﺟﻴﻨﻪ ..
ﺷﻮﻳﻪ ﻭﺍﻧﻔﺘﺢ ﺍﻟﺒﺎﺏ ﻣﺘﺎﻉ ﺍﻟﺤﻤﺎﻡ ..
ﻛﻔﺎﻳﺔ ﺑﻨﺮﻓﺰﺓ : ﺍﻟﻮﺍﺣﺪ ﺣﺘﻰ ﻓﻲ ﺍﻟﺤﻤﺎﻡ ﻣﺎﺗﻬﻨﻮﻩ ..
ﺯﻳﻨﺐ : ﻫﻬﻬﻬﻬﻬﻬﻪ ..
ﻛﻔﺎﻳﻪ : ﺗﻀﺤﻜﻲ !! ﺧﺸﻲ ﺧﺸﻲ .. ﺧﺸﻲ ﺧﻴﺮﻟﻚ ..
ﻣﺸﺖ ﺯﻳﻨﺐ ﺧﺸﺖ ﻭﻫﻲ ﺗﻀﺤﻚ ...
ﻭﻛﻔﺎﻳﻪ ﺗﻮﺟﻬﺖ ﻟﻠﺪﺍﺭ ..
ﺧﺪﺕ ﺍﻟﻤﻼﻳﻪ ..
ﻭﻫﻲ ﻃﺎﻟﻌﻪ ﺟﺘﻬﺎ ﺑﻨﺘﻬﺎ ..
ﻧﻮﺭﻫﺎﻥ : ﻣﺎﻣﺎ ﺍﻣﺘﻰ ﺑﻨﻠﺒﺲ ﺍﻟﻔﻴﻠﻮ ﻣﺘﺎﻋﻲ ..
ﻛﻔﺎﻳﻪ ﻭﻫﻲ ﺗﻠﺒﺲ ﻓﻲ ﺍﻟﻤﻼﻳﻪ : ﻟﻤﺎ ﺗﺠﻴﻨﺎ ﺍﻟﻌﺮﻭﺳﻪ ..
🍁 ﻓﻲ ﺍﻟﺪﺍﺭ ﺍﻟﺘﺎﻧﻴﻪ ..
ﻣﻘﻌﻤﺰﺓ ﺭﺑﺎﺏ ﻗﺎﺭﻧﻪ ﺣﻮﺍﺟﺒﻬﺎ ﻭﺗﺸﺒﺢ ﺍﻟﻘﺪﺍﻡ ..
ﻭﻧﻮﺭ ﺟﻨﺒﻬﺎ ﻣﻘﻌﻤﺰﺓ ﻟﻜﻦ ﻭﺍﺧﺪﻫﺎ ﺍﻟﻨﻮﻡ ﻉ ﻣﻨﺪﺍﺭ ﻣﺴﻨﺪ ..
ﻭﺭﺯﺍﻥ ﻣﺘﻤﺪﺩﻩ ﻟﻜﻦ ﻓﺎﻳﻘﻪ ﻭﺗﺸﻮﻑ ﻟﺪﻻﻝ ﻛﻴﻒ ﺗﻠﺒﺲ ﻓﺒﻨﺘﻬﺎ ﻭﺗﻼﻋﺐ ﻓﻴﻬﺎ ..
ﺷﻮﻳﻪ ﻭﺧﺶ ﻣﻌﻤﺮ ..
ﻣﻌﻤﺮ : ﻣﺎﻣﺎ ﺣﺘﻰ ﺍﻧﻲ ﺑﻨﺒﺪﻝ ..
ﺩﻻﻝ : ﻋﻼﺵ ﺧﻴﺮﻫﻢ ﺣﻮﺍﻳﺠﻚ؟
ﻣﻌﻤﺮ : ﺧﻴﺮﻫﺎ ﻫﺎﺩﻱ ﻛﻞ ﻳﻮﻡ ﺗﺒﺪﻝ؟
ﺿﺤﻜﻮﺍ ﺭﺑﺎﺏ ﻭﺭﺯﺍﻥ ..
ﺩﻻﻝ ﻭﻫﻲ ﺗﺒﺦ ﻓﺎﻟﺮﻳﺤﻪ ﻵﺳﻴﺎ : ﺗﺮﺍ ﺍﻃﻠﻊ ﻣﻦ ﺣﺪﺍﻱ ..
ﻣﻌﻤﺮ ﻗﺮﻥ ﺣﻮﺍﺟﺒﻪ ..
ﺧﻄﻒ ..
ﺭﻳﺶ ﺍﺧﺘﻪ ﻭﻃﻠﻊ ﻳﺠﺮﻱ ..
ﻗﻌﺪﺕ ﺗﻌﻴﻂ ﻣﺴﻜﻴﻨﻪ ..
ﺩﻻﻝ : ﺗﻲ ﻭﺍﻟﻠﻪ ﻟﻤﺎ ﻧﻮﺭﻳﻚ ﻳﺎﻣﻌﻤﺮ ﺍﻟﺸﻴﺎﻃﻴﻦ ..
ﺍﻟﺒﻨﺎﺕ ﻳﻀﺤﻜﻮﺍ ..
ﻭﺩﻻﻝ ﺗﻤﺸﻲ ﻉ ﺷﻌﺮ ﺁﺳﻴﺎ ﺍﻟﻠﻲ ﻛﺎﻧﺖ ﺗﺒﻜﻲ : ﺧﻼﺹ ﻣﺎﺍﺍﻣﺎ ﺧﻼﺹ ﺭﻭﻭﻭﺣﻲ ..
💕💕💕💕
ﻓﻲ ﺍﻟﻜﻮﺟﻴﻨﻪ ..
ﻫﺎﻩ ﺷﻦ ﺭﺍﻳﻚ؟ .
ﻏﺎﻟﻴﻪ : ﻣﻨﻈﺮﻫﺎ ﺳﻤﺢ ..
ﺭﺍﻧﻴﺎ ﻭﻫﻲ ﺗﺤﻂ ﻓﺎﻟﻄﻮﺍﺳﻲ ﻓﻮﺳﻂ ﺍﻟﺼﻔﺮ : ﺍﻟﺠﺒﻨﻪ ﻭﻳﻦ ﺧﺎﻟﺘﻲ ..
ﻏﺎﻟﻴﻪ : ﻓﺮﻑ ﺍﻟﺜﻼﺟﻪ ﺍﻟﻔﻮﻗﻲ ﺍﻣﺲ ﺟﺎﺑﻬﺎ ﻋﻤﺮ .
ﻣﻦ ﺍﻟﺮﻭﺷﻦ ..
ﻣﺮﻭﺍﻥ : ﺻﺒﺎﺡ ﺍﻟﻔﻞ ..
ﺭﻓﻘﻪ ﺷﺒﺤﺘﻠﻪ ﻭﺍﺑﺘﺴﻤﺖ ..
ﻭﻛﻠﻬﻢ ﺭﺩﻭﺍ : ﺻﺒﺎﺡ ﺍﻟﺨﻴﺮ .
ﻣﺮﻭﺍﻥ : ﻭﻳﻦ ﻓﻄﻮﺭﻛﻢ .
ﻏﺎﻟﻴﻪ ﺑﺈﺑﺘﺴﺎﻣﻪ : ﻫﻲ ﺷﻮﻳﻪ ﺑﺲ ..
ﻣﺮﻭﺍﻥ ﺑﺈﺑﺘﺴﺎﻣﻪ : ﺗﻤﺎﻡ ..
ﻭﻗﻌﺪ ﻳﺸﺒﺢ ﻟﺮﻓﻘﻪ ﻭﺭﻓﻘﻪ ﺗﺸﻮﻓﻠﻪ ﺑﺨﺠﻞ ﻭﻫﻲ ﻣﺒﺘﺴﻤﻪ ..
ﺭﺍﻧﻴﺎ ﻭﻫﻲ ﺗﺤﻂ ﻓﺎﻟﺠﺒﻨﻪ ﻓﺎﻟﺼﻔﺮﺓ ﺷﺒﺤﺘﻠﻬﻢ ..
ﻃﻮﻝ ﺟﻲ ﺑﻴﻦ ﻋﻴﻮﻧﻬﺎ ﺭﻣﺰﻱ ..
ﻭﺍﺫﻛﺮﺕ ﺷﻜﻠﻪ ﻛﻴﻒ ﻛﺎﻥ ﺍﻣﺲ ..
ﺷﺪﺕ ﺩﻣﻮﻋﻬﺎ ﺑﺎﻟﺴﻴﻒ ﻭﻭﻟﺖ ﻟﻬﺖ ﺑﺘﺠﻬﻴﺰ ﺍﻟﻔﻄﻮﺭ ..
ﺑﻌﺪ ﺗﻤﻮﺍ ..
ﺧﺶ ﻣﺮﻭﺍﻥ ﺧﺪﻱ ﺍﻟﺼﻔﺮﺓ ﻭﻃﻠﻊ ﺑﻴﻬﺎ ..
ﻭﻫﻤﺎ ﻛﺎﻧﻮﺍ ﻳﺮﺍﺟﻮ ﻓﻲ ﺍﻟﻜﻞ ﺍﻣﺘﻰ ﻳﻨﻮﺿﻮﺍ ﺑﺶ ﻳﻮﺗﻮﺍ ﻓﻄﻮﺭﻫﻢ .
ﺑﻌﺪ ﺣﻮﺍﻟﻲ ﺭﺑﻊ ﺳﺎﻋﻪ ..
ﻛﻠﻬﻢ ﻛﺎﻧﻮﺍ ﻧﺎﻳﻀﻴﻦ ..
ﻭﺗﻮﺍ ﺻﻔﺮﺗﻴﻦ ﻓﻄﻮﺭ ﻭﻗﻌﻤﺰﻭﺍ ﻳﻔﻄﺮﻭﺍ ..
ﺩﻻﻝ ﺩﺍﻳﺮﺓ ﺻﻔﺮﺓ ﺑﺮﻭﺣﻬﺎ ﻟﻴﻬﺎ ﻫﻲ ﻭﺻﻐﺎﺭﻫﺎ
ﺑﺶ ﻣﺎﻳﻀﺎﻳﻘﻮﺍ ﺣﺪ ..
ﻉ ﺻﻔﺮﺓ ﺍﻟﻨﺴﺎﻭﻳﻦ ﺍﻟﻜﺒﺎﺭ ..
ﻛﺎﻧﺖ ﺯﻳﻨﺐ ﺗﻔﻄﺮ ﻓﺮﻭﺍﻥ ..
ﻭﻛﻔﺎﻳﻪ ﻧﻮﺭﻫﺎﻥ ..
ﻭﺣﻤﻴﺪﻩ ﺣﻨﻴﻦ ..
ﻟﻜﻦ ﻣﺠﺪ ﻭﻟﺪ ﻧﻌﻴﻤﻪ ﻳﻔﻄﺮ ﻣﻊ ﺍﺧﺘﻪ ﻧﻮﺭ ﺣﺪﺍ ﺻﻔﺮﺓ ﺍﻟﺒﻨﺎﺕ ..
ﻭﺍﻟﺤﺎﺟﻪ ﻓﺎﻃﻤﻪ ﻣﻦ ﺍﻟﺼﺒﺢ ﻓﺎﻃﺮﻩ ﺑﺮﻭﺣﻬﺎ ..
ﻭﻓﺪﺍﺭﻫﺎ ﻣﺘﻜﻴﻪ ﺗﺤﺖ ﺍﻟﻤﻜﻴﻒ ..
🍁🍁🍁
ﺣﻤﻴﺪﻩ : ﻣﺶ ﻛﺎﻥ ﻓﻲ ﻃﺮﻑ ﺟﺒﻨﺔ ﻫﻨﻰ؟
ﺯﻳﻨﺐ : ﺑﻨﺘﻲ ﻭﻛﻠﺘﻬﺎ ﻃﺮﻑ ﻭﺍﺣﺪ ..
ﻧﻮﺭﻫﺎﻥ ﺑﺒﺮﺍﺀﺓ : ﺍﻧﻲ ﺧﺪﻳﺘﻪ ﺧﺎﻟﺘﻲ ..
ﺣﻤﻴﺪﻩ : ﺗﻮ ﻣﺶ ﻛﻠﻴﺘﻲ ﺍﻧﺘﻲ ﺗﺎﺧﺪﻱ ﻓﺤﺼﺔ ﻏﻴﺮﻙ ﻟﻴﺶ؟
ﻏﺎﻟﻴﻪ ﻭﺍﻟﺒﻨﺎﺕ ﺷﺒﺤﻮﺍ ﻟﺤﻤﻴﺪﻩ ..
ﻧﻮﺭﻫﺎﻥ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﻧﺎﺿﺖ ﻛﻔﺎﻳﻪ ﻃﻮﻝ ﻣﺸﺖ ﻟﻠﻜﻮﺟﻴﻨﻪ ..
ﻭﻧﻌﻴﻤﻪ ﻭﺯﻳﻨﺐ ﻭﻟﻄﻴﻔﻪ ﻳﺸﺒﺤﻮﺍ ﻟﺤﻤﻴﺪﻩ .
ﺣﻤﻴﺪﻩ ﻭﻫﻲ ﺗﻐﻤﺲ ﻓﻲ ﺍﻟﺨﺒﺰﺓ ﺑﺎﻟﺸﺎﻫﻲ : ﺍﻟﻠﻲ ﻫﻨﺎﻙ ﺻﺎﻣﺘﻴﻨﻪ ..
ﺩﻻﻝ ﺗﻮﻛﻞ ﻓﺼﻐﺎﺭﻫﺎ ﻭﺣﻮﺍﺟﺒﻬﺎ ﻣﻘﺮﻭﻧﺎﺕ ..
ﺷﻮﻳﻪ ﻭﺟﺖ ﻛﻔﺎﻳﻪ ﺣﻄﺖ ﺑﺎﻛﻮ ﺟﺒﻨﻪ ﻓﺎﻟﺼﻔﺮﺓ ﻭﻗﺎﻟﺖ ﻟﺒﻨﺘﻬﺎ : ﻋﻴﺐ ﻣﺎﻣﺎ ﻣﺮﺓ ﺗﺎﻧﻴﻪ ﻓﻮﻕ ﺣﺼﺘﻚ ﻣﻌﺎﺵ ﺗﺎﺧﺪﻱ .
ﻧﻮﺭﻫﺎﻥ ﺑﺰﻋﻞ : ﺑﺎﻫﻲ ..
ﻭﻭﻟﺖ ﻛﻔﺎﻳﻪ ﺗﻔﻄﺮ ﻋﺎﺩﻱ ..
ﺍﺑﺘﺴﻤﻮﺍ ﻟﻄﻴﻔﻪ ﻭﻧﻌﻴﻤﻪ ..
ﻭﺍﻟﺒﻨﺎﺕ ﻛﺬﻟﻚ .
ﻣﺎﻋﺪﺍ ﺯﻳﻨﺐ ﻭﺩﻻﻝ ﺍﻟﻠﻲ ﻛﺎﻧﻮﺍ ﻳﺸﻮﻓﻮﺍ ﻟﺤﻤﻴﺪﻩ ﺑﺤﺪﻩ ..
ﻭﺣﻤﻴﺪﻩ ﺧﺪﺕ ﺑﺎﻛﻮ ﺍﻟﺠﺒﻨﻪ ﻓﺘﺤﺎﺗﻪ ﻭﺧﺪﺕ ﻃﺮﻑ ﻭﻗﻌﺪﺕ ﺗﻮﻛﻞ ﻓﺒﻨﺘﻬﺎ ﻭﻻﻛﺄﻧﻬﺎ ﺩﺍﺭﺕ ﺣﺎﺟﻪ ...
🍃 ﻛﻔﺎﻳﻪ ﻣﻦ ﺩﺍﺧﻞ ﻛﺎﻧﺖ ﻣﻀﺎﻳﻘﻪ ﻷﺑﻌﺪ ﺣﺪ ﻟﻜﻦ ﺁﺛﺮﺕ ﻓﺮﺣﺔ ﺧﻮﻫﺎ ﻉ ﻛﻞ ﺷﻲ 🍃
🍁🍁🍁🍁
ﺑﻌﺪ ﺗﻤﻮﺍ ﻓﻄﻮﺭﻫﻢ ..
ﺍﻧﻄﻠﻘﻮﺍ ﻟﻤﻬﻤﺎﺗﻬﻢ ﻭﺍﻟﻠﻲ ﻫﺪﺍ ﺷﺪ ﺣﺎﺟﻪ ..
🍁🍁🍁🍁
ﻭﻳﻦ ﺑﺘﻌﺪﻱ ﻣﺎﺯﺍﻝ ﺍﻟﻮﻗﺖ ﺷﻮﻳﻪ ﺗﺎﻧﻴﻪ ﻧﻌﺪﻱ ﺍﻧﻲ ﻭﻳﺎﻙ ..
ﺣﺪﻫﻢ : ﺑﺎﻟﻠﻪ ﻋﻠﻴﻚ ﺣﻨﻴﻨﻪ ﺧﻠﻴﻨﻲ ﻧﻤﺸﻲ ﻣﺎﻧﺒﻲ ﺷﻲ ﻳﻔﻮﺗﻨﻲ ..
ﺍﻟﺠﺪﻩ : ﺷﻮﻳﻪ ﺗﺎﻧﻴﻪ ﻭﺭﺍﺱ ﺑﻨﻴﺘﻲ ..
ﻉ ﺧﺸﺔ ﺣﺴﻦ : ﺣﺪﻭﺩ ﺗﺮﺍ ﺗﻌﺎﻟﻲ ﺷﻮﻱ .. ﻭﻃﻠﻊ ..
ﻧﺎﺿﺖ ﺣﺪﻫﻢ ﻭﻫﻲ ﻣﺴﺘﻐﺮﺑﻪ ... ﻭﻃﻠﻌﺖ ﻭﺭﺍﻩ ..
ﻭﻗﻔﻮﺍ ﺑﺮﺍ ..
ﺣﺴﻦ : ﺍﻣﻢ .. ﺑﺎﺑﺎ ﻣﺎﺗﺒﻲ ﺷﻲ ﻣﺎﻧﺎﻗﺼﻚ ﺷﻲ ..
ﺣﺪﻫﻢ : ﻻ ..
ﺣﺴﻦ ﻭﻫﻮ ﻳﻮﺯﻉ ﻓﻨﻈﺮﻩ ﻉ ﺍﻟﻤﻜﺎﻥ : ﺑﺘﻌﺪﻱ ﻟﻌﻴﺖ ﻋﻤﻲ ﺗﻮﺍ ..
ﺣﺪﻫﻢ ﺑﺈﺳﺘﻴﺎﺀ : ﻻ ﺣﻨﻴﻨﻪ ﻗﺎﻟﺖ ﺑﻌﺪﻳﻦ ..
ﺣﺴﻦ ﺷﺒﺤﻠﻬﺎ : ﻛﺎﻥ ﺗﺒﻲ ﺗﻌﺪﻱ ﺗﻮﺍ ﻋﺪﻱ ..
ﺣﺪﻫﻢ : ﺣﻖ ﻋﺎﺩﻱ ! ؟؟
ﺣﺴﻦ ﺑﺈﺑﺘﺴﺎﻣﻪ : ﺇﻳﻪ ..
ﺣﺪﻫﻢ ﺑﻀﺤﻜﻪ : ﺧﻼﺹ ﺑﻨﻤﺸﻲ .
ﺣﺴﻦ : ﻏﻴﺮ ﺍﺻﺒﺮﻱ ﺷﻮﻱ ﻧﺒﻲ ﻧﻘﻮﻟﻚ ﺣﺎﺟﻪ ﻗﺒﻞ ..
ﺣﺪﻫﻢ ﺷﺒﺤﺘﻠﻪ ﺑﺈﺳﺘﻐﺮﺍﺏ : ﺣﺎﺟﺔ ﺷﻨﻲ ..
ﺣﺴﻦ ﺑﺈﺣﺮﺍﺝ : ﺍﺣﻤﻤﻢ .. ﺑﻨﺴﺄﻟﻚ ﻉ ﺧﺎﻟﺘﻚ ﻓﻀﻴﻠﻪ ﺗﻌﺮﻓﻴﻬﺎ ..
ﺣﺪﻫﻢ : ﺍﻳﻪ ﻧﺬﻛﺮﻫﺎ ﺯﻣﺎﻥ .. ﻭﺷﻔﺘﻬﺎ ﻳﻮﻣﻬﺎ ﻓﻲ ﺣﻮﺵ ﺟﺪﻱ ﺭﻣﻀﺎﻥ ..
ﺣﺴﻦ : ﺑﺎﻫﻲ ﺷﻦ ﺭﺍﻳﻚ ﻓﻴﻬﺎ؟ .
ﻓﻨﺼﺖ ﺣﺪﻫﻢ .. ﺑﻌﺪﻳﻦ : ﻫﻬﻬﻬﻬﻬﻬﻬﻬﻪ .. ﻳﺎﻋﻠﻴﻚ ﺑﺎﺑﺎ ﻭﺧﻼﺹ ..
ﺣﺴﻦ ﺍﻧﺤﺮﺝ ﻉ ﺍﻵﺧﺮ ..
ﺣﺪﻫﻢ ﺍﺑﺘﺴﻤﺖ ﺑﻌﺪﻳﻦ ﻗﺎﻟﺖ : ﻛﺎﻥ ﺗﺒﻴﻨﻲ ﻧﺴﺎﻋﺪﻙ ﻋﻄﻴﻨﻲ ﻭﻋﺪ ﻣﺎﺩﻳﺮﺵ ﻓﻴﻬﺎ ﺯﻱ ﻣﺎﺩﺭﺕ ﻓﻤﺎﻣﺎ ...
ﺣﺴﻦ ﻧﺰﻝ ﻋﻴﻮﻧﻪ ﻭﻫﻮ ﻣﻀﺎﻳﻖ ﻭﻗﻌﺪ ﺳﺎﻛﺖ ..
ﺣﺪﻫﻢ : ﺣﺮﺍﻡ ﺗﺼﺒﺮ ﻋﻤﺮﻫﺎ ﻫﺪﺍ ﻛﻠﻪ ﻭﻟﻤﺎ ﺗﺠﻲ ﺗﺘﺰﻭﺝ ﺗﻌﻴﺶ ﻓﻌﺬﺍﺏ ..
ﺣﺴﻦ ﺷﺒﺢ ﻟﺒﻨﺘﻪ : ﻣﻨﻴﻦ ﺗﺠﻴﺒﻲ ﻓﻴﻪ ﻫﺎﻟﻜﻼﻡ ﻣﺎﻫﻮﺵ ﻟﻌﻤﺮﻙ ..
ﺣﺪﻫﻢ : ﺣﺎﺟﺎﺕ ﻫﻠﺒﻪ ﻳﺎﺑﺎﺑﺎ ﺷﻔﺘﻬﻢ ﻭﻋﺮﻓﺘﻬﻢ ﻣﻦ ﺯﻣﺎﻥ ﻣﺎﻫﻤﺶ ﻟﻌﻤﺮﻱ ..
ﺣﺴﻦ ﻭﺟﻌﻪ ﻗﻠﺒﻪ ﻫﻠﺒﻪ ﻉ ﺑﻨﺘﻪ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﻋﺪﻱ ﻛﺎﻥ ﺑﺘﻌﺪﻱ ..
ﻭﻣﺸﻲ ﻭﺧﻼﻫﺎ
ﻫﻲ ﺗﻨﻬﺪﺕ ﻭﺧﺸﺖ ﺩﺍﺧﻞ ﺑﺶ ﺑﺘﺒﻠﻎ ﺣﻨﺎﻫﺎ ..
🍁🍁🍁🍁🍁
ﺟﺎﻱ ﻣﻦ ﺍﻟﻤﺮﺑﻮﻋﻪ ﻳﻤﺸﻲ ﺑﺨﻄﻮﺍﺕ ﻣﺘﻜﺎﺳﻠﻪ ..
ﻗﻌﺪ ﻳﺸﻮﻑ ﺣﻮﺍﻟﻴﻪ ﻭﻣﺎﺯﺍﻝ ﺷﺒﻪ ﺭﺍﻗﺪ ..
ﻭﺻﻞ ﻟﺒﺪﺍﻳﺔ ﺍﻟﻤﻤﺮ ..
ﻛﻤﻞ ﻳﻤﺸﻲ ﻟﻴﻦ ﺧﺶ ﻟﻠﺤﻮﺵ ﻣﻦ ﻓﻢ ﺍﻟﺒﻮﺍﺑﻪ ..
ﻃﻮﻝ ﻣﺸﻲ ﻟﻠﻜﻮﺟﻴﻨﻪ ..
ﻭﺻﻞ ﻓﻲ ﺍﻟﺜﻼﺟﻪ ﻓﺘﺤﻬﺎ ..
ﻗﻌﺪ ﻳﺪﻭﺭ ﺑﻌﻴﻮﻧﻪ ﻟﻴﻦ ﺟﻮ ﻉ ﺍﻟﻠﻲ ﻳﺒﻴﻪ ..
ﻃﻠﻊ ﺣﻜﺔ ﺍﻟﺸﺎﻣﻴﻪ ﻣﻦ ﺍﻟﺜﻼﺟﻪ ..
ﺻﻜﺮﻫﺎ ..
ﻣﺸﻲ ﺣﻄﻬﺎ ﻉ ﺍﻟﺪﻭﻻﺏ ..
ﺑﻌﺪﻳﻦ ﻣﺸﻲ ﻟﻠﺸﺒﺎﻙ ﺧﺪﻱ ﺻﻮﻧﻴﻪ ..
ﺣﻄﻬﺎ ﻉ ﺍﻟﺪﻭﻻﺏ ..
ﺑﻌﺪﻫﺎ ﻓﺘﺢ ﺍﻟﺪﻭﻻﺏ ﺍﻟﺘﺤﺘﺎﻧﻲ ﻃﻠﻊ ﻣﻨﻪ ﺷﻴﺸﺔ ﺍﻟﺰﻳﺖ ..
ﺣﻄﻬﺎ ﻉ ﺍﻟﺪﻭﻻﺏ ..
ﺑﻌﺪﻫﺎ ﻣﺸﻲ ﺧﺪﻱ ﻛﺎﺷﻴﻚ ﻣﻦ ﺳﻠﺔ ﺍﻟﻜﻮﺍﺷﻴﻚ ..
ﻭﻭﻻ ﻟﻠﺪﻭﻻﺏ ..
ﻓﺘﺢ ﺍﻟﺤﻜﻪ ..
ﻭﻗﻌﺪ ﻳﺨﺮﻁ ﺑﺎﻟﻜﺎﺷﻴﻚ ﺍﻟﺸﺎﻣﻴﻪ ﻭﻳﻨﺰﻝ ﻓﻴﻬﺎ ﻓﺎﻟﺼﻮﻧﻴﻪ ..
ﺑﻌﺪ ﺧﺪﻱ ﺍﻟﻠﻲ ﻳﺒﻴﻪ ..
ﺻﻜﺮﻫﺎ ﻭﺧﺪﻱ ﺍﻟﺰﻳﺖ ﻓﺘﺤﻪ ﻭﺻﺐ ﻣﻨﻪ ﻋﻠﻴﻬﺎ ..
ﺑﻌﺪﻳﻦ ﻗﻌﺪ ﻳﺨﻠﻂ ..
ﻳﻨﺰﻟﻮﺍ ﺧﺼﻼﺕ ﻣﻦ ﺷﻌﺮﻩ ﻉ ﻭﺟﻬﻪ ﻳﻮﺧﺮ ﻓﻴﻬﻢ ﻟﻠﺨﻠﻒ ﺑﻴﺪﻩ ﺍﻟﺘﺎﻧﻴﻪ ..
ﺑﻌﺪ ﻛﻤﻞ ﺗﺨﻠﻴﻂ ..
ﻣﺸﻲ ﻟﺤﺎﻓﻈﻪ ﺍﻟﺨﺒﺰﺓ ﺑﻴﺎﺧﺪ ﺧﺒﺰﺓ .
ﻓﺘﺤﻬﺎ ﻣﺎﻟﻘﻲ ﺷﻲ ...
ﻓﺎﺿﻴﻪ ..
ﻋﻤﺎﺩ : ﺻﺒﺢ ﻳﺎﺭﺑﻲ ..
ﺍﻟﻤﺸﻜﻠﻪ ﺍﻥ ﻭﻗﺘﻬﺎ ﺍﻟﺴﺎﻋﻪ 12:45 ﺍﻟﻈﻬﺮ ..😂
ﺷﻮﻳﻪ ﺧﺸﺖ ﺣﺪﻫﻢ ﻟﻠﺤﻮﺵ : ﺍﻟﺴﻼﻡ ﻋﻠﻴﻜﻢ ..
ﻋﻤﺎﺩ ﺟﻌﺎﻥ ﻭﻣﺶ ﻫﺎﻣﻪ ﺷﻲ ﻭﻗﺘﻬﺎ ﻏﻴﺮ ﻳﺴﺪ ﺟﻮﻋﻪ ..
ﻋﻤﺎﺩ : ﺣﺪﻭﻭ ..
ﻣﺸﺖ ﺧﺸﺖ ﺍﻟﻜﻮﺟﻴﻨﻪ : ﺷﻦ ﺟﻮ ﻋﻤﺎﺩ ..
ﻋﻤﺎﺩ : ﺗﻤﺎﻡ .. ﺑﺎﻟﻠﻪ ﺟﺮﻱ ﺟﺮﻱ ﺟﻴﺒﻴﻠﻲ ﺧﺒﺰﺓ ﻣﻦ ﺣﻮﺷﻜﻢ ..
ﺿﺤﻜﺖ ﺣﺪﻫﻢ : ﺑﺎﻫﻲ ..
ﻭﻓﻌﻼ ﻣﺸﺖ ﻃﻠﻌﺖ ..
ﻭﻫﻮ ﺗﻠﻔﺖ ﻟﻠﺼﻮﻧﻴﻪ ﻭﻏﻄﺎﻫﺎ ﻭﻗﻌﺪ ﻳﺮﺍﺟﻲ ..
🍁🍁🍁🍁
ﻓﻲ ﺍﻟﺤﻮﺵ ﺍﻟﻘﺪﻳﻢ ..
ﻏﺎﻟﻴﻪ : ﻗﻌﺪﻥ ﻟﻴﻔﺎﺕ ﺍﻟﻤﺎﻋﻴﻦ .. ﺍﻟﻌﺎﺩﻳﻪ ﻭﻟﻠﻴﻤﻮﻧﻲ .. ﻣﻦ ﻳﻌﺪﻱ ﻳﺠﻴﺒﻬﻦ ﻣﻦ ﺍﻟﺤﻮﺵ ﺍﻟﺘﺎﻧﻲ ..
ﺭﺯﺍﻥ ﻧﺎﺿﺖ : ﺗﻮ ﻧﻌﺪﻱ ﺍﻧﻲ ..
ﻏﺎﻟﻴﻪ : ﺑﺎﻫﻲ ..
ﻃﻮﻝ ﺭﺯﺍﻥ ﻣﺸﺖ ﺑﺴﺮﻋﻪ ...
ﻃﻠﻌﺖ ﻣﻦ ﺍﻟﺤﻮﺵ ..
ﻭﻫﻲ ﻓﻄﺮﻳﻘﻬﺎ ﻟﻠﺤﻮﺵ ﺍﻟﺘﺎﻧﻲ ..
ﺧﺸﺖ ﻟﻠﺨﻴﻤﻪ ﻣﻦ ﺟﻬﻪ ﻭﻃﻠﻌﺖ ﻣﻦ ﺍﻟﺠﻬﺔ ﺗﺎﻧﻴﻪ .
ﺧﺸﺖ ﻣﻤﺮ ﻓﻢ ﺍﻟﺒﻮﺍﺑﻪ ..
ﻭﻫﻲ ﻣﺎﺷﻴﻪ ...
" ﻫﻬﻬﻬﻬﻬﻬﻬﻬﻬﻪ .."
ﺍﺻﻮﺍﺕ ﺍﻟﻀﺤﻚ ..
ﻭﺍﻟﺰﻭﺯ ﺗﻤﻴﺰﻫﻢ ﻛﻮﻳﺲ ..
ﻗﻠﺒﻬﺎ ﺍﻟﺼﻐﻴﺮﻭﻥ ﻣﻦ ﻧﻬﺎﺭ ﺣﺒﻪ ﻭﻫﻮ ﻣﺤﺮﻭﻕ ﺑﻨﺎﺭﻩ ﻧﺎﺭ ﺍﻟﻐﻴﺮﺓ ﻋﻠﻴﻪ ..
ﻃﻮﻝ ﺳﺮﻋﺖ ﺧﻄﻮﺍﺗﻬﺎ ﻭﺧﺸﺖ ﻣﻦ ﻓﻢ ﺍﻟﺒﻮﺍﺑﻪ ..
ﻭﻭﻗﻔﺖ ﻓﺒﺎﺏ ﺍﻟﻜﻮﺟﻴﻨﻪ ..
ﻟﻘﺖ ﺣﺪﻫﻢ ﺗﺤﻂ ﻓﻲ ﺍﻟﺨﺒﺰﺓ ﻉ ﺍﻟﻄﺎﻭﻟﻪ ﻭﻫﻮ ﺧﺪﻱ ﻓﺮﺩﻩ ﻭﻗﺎﻝ : ﺻﺤﻴﺘﻲ ﻧﺮﺩﻫﻮﻟﻚ ﻓﺎﻟﻔﺮﺡ ..
ﺿﺤﻜﺖ ﺣﺪﻫﻢ ﻭﻗﺎﻟﺖ : ﺳﻠﻤﻚ ..
ﻭ ﻛﻴﻒ ﻟﻔﺖ ﺑﺘﻤﺸﻲ ﺷﺎﻓﺖ ﺭﺯﺍﻥ ﻭﺍﻗﻔﻪ ﺗﺸﻮﻓﻠﻬﺎ ﺑﺤﻘﺪ ..
ﺣﺪﻫﻢ : ﺭﺯﺍﻥ ..
ﻫﻮ ﻃﻮﻝ ﺗﻠﻔﺖ ﻟﻠﺒﺎﺏ ..
ﺷﺒﺢ ﻟﻤﻼﻣﺢ ﻭﺟﻬﻬﺎ ﺯﺑﻄﻬﺎ ﺧﻴﺮﻫﺎ ..
ﺍﺑﺘﺴﻢ ﻭﺭﺟﻊ ﺍﻟﺘﻔﺖ ﻟﻠﺼﻮﻧﻴﻪ ..
ﺭﺯﺍﻥ : ﻛﻠﻬﻢ ﻓﻲ ﺍﻟﺤﻮﺵ ﺍﻟﻘﺪﻳﻢ ..
ﺣﺪﻫﻢ : ﺍﻳﻪ ﻣﺎﺷﻴﻪ ﺗﻮﺍ ..
ﻭﻣﺸﺖ ﻃﻮﻝ ﻓﺎﺗﺖ ﻣﻦ ﺣﺪﺍﻫﺎ ﻭﻃﻠﻌﺖ ...
ﺭﺯﺍﻥ ﻗﻌﺪﺕ ﺗﺸﺒﺤﻠﻪ ﻛﻴﻒ ﻳﺎﻛﻞ ﻭﻻﻛﺄﻧﻪ ﻓﻲ ﺷﻲ ..
ﻗﺪﻣﺖ ﺑﻌﺼﺒﻴﻪ : ﺣﻮﻝ ﺗﺮﺍ ..
ﻭﺧﺮ ﻭﺑﻌﺪ ﺷﻮﻳﻪ ..
ﻓﺘﺤﺖ ﺍﻟﺪﻭﻻﺏ ..
ﻭﻗﻌﻤﺰﺕ ﻉ ﺭﻭﺱ ﺻﻮﺍﺑﻌﻬﺎ ﻭﻗﻌﺪﺕ ﺍﺩﻭﺭ ﻭﻫﻲ ﺗﻘﺮﺑﻊ ﻓﻲ ﺍﻟﺤﺎﺟﺎﺕ ﻫﻨﻲ ﻭﻫﻨﻲ ..
ﻫﻮ ﻳﺸﻮﻓﻠﻬﺎ ﻭﻳﻤﻀﻊ ﻭﺍﻹﺑﺘﺴﺎﻣﻪ ﻉ ﻭﺟﻬﻪ ..
ﺑﻌﺪ ﻟﻘﺖ ﺍﻟﻠﻲ ﺗﺒﻴﻪ ..
ﻭﻗﻔﺖ ..
ﻭﺻﻜﺮﺕ ﺑﻴﺒﺎﻥ ﺍﻟﺪﻭﻻﺏ ﺑﺘﻘﺮﺑﻴﻊ ..
ﻭﻟﻔﺖ ﺷﺎﻓﺘﻠﻪ ﺑﺮﺑﻊ ﻋﻴﻦ ﻭﻣﺸﺖ ..
ﻫﻮ ﺿﺤﻚ ﻭﻭﻻ ﻟﺼﻮﻧﻴﺘﻪ ...
ﻫﻲ ﻛﺎﻧﺖ ﻣﺘﻔﺎﺟﺌﺔ ﻓﻴﻪ ﻣﺎﻋﺒﺮﻫﺎﺵ ﺑﻜﻞ ..
ﺍﺿﺎﻳﻘﺖ ﻟﻴﻦ ﺧﻼﺹ ..
ﻟﻴﻦ ﺩﻣﻮﻋﻬﺎ ﻋﺒﻮﺍ ﻋﻴﻮﻧﻬﺎ ..
ﻣﺸﺖ ﻟﻠﺤﻮﺵ ﺍﻟﻘﺪﻳﻢ ﻭﻫﻲ ﺷﺎﺩﻩ ﺑﻜﻴﺘﻬﺎ ..
🍃 ﺍﻳﻪ ﻣﺶ ﻣﺒﺎﻟﻐﻪ .. ﻫﻲ ﺗﻤﻮﺕ ﻓﻴﻪ .. ﻭﻗﻠﺒﻬﺎ ﺩﺍﻳﺐ ﻓﻴﻪ .. ﻣﺶ ﻣﺘﻌﻮﺩﻩ ﻣﻨﻪ ﺍﻻ ﻉ ﺍﻹﻫﺘﻤﺎﻡ ﻭﺍﻟﺪﻻﻝ ﻭﺍﻟﻤﻨﺎﺷﺒﻪ ﺍﻟﻤﻬﻢ ﻳﺤﺘﻚ ﺑﻴﻬﺎ ﺑﺲ ﻟﻤﺎ ﺗﺠﺎﻫﻠﻬﺎ ﺣﺴﺖ ﻭﻛﺄﻧﻪ ﺧﻼﻫﺎ .. ﺷﻌﻮﺭ ﻣﺆﻟﻢ ﺣﺴﺖ ﺑﻴﻪ ﺧﻼﻫﺎ ﺗﺒﻲ ﺗﺒﻜﻲ 🍃
ﺑﺲ ﻫﻮ ﺍﻟﻠﻲ ﻛﺎﻥ ﻳﺎﻛﻞ ﻭﻣﻨﺴﺠﻢ ﻣﻊ ﺍﻟﺸﺎﻣﻴﻪ ﺑﺎﻟﺰﻳﺖ ..
ﻓﺮﺍﺳﻪ ﺷﻲ ﻻﺯﻡ ﻳﻨﻔﺪﻩ ﺑﺶ ﻳﺨﻠﻴﻬﺎ ﺗﺴﺘﺴﻠﻢ ﻟﺤﺒﻪ ..
ﺍﻟﺘﺠﺎﻫﻞ ..
🍁🍁🍁🍁
ﻳﺤﻄﻮﺍ ﻓﺤﻮﺍﻳﺞ ﺍﺧﺘﻬﻢ ﻓﻲ ﺍﻟﺸﻨﺎﻃﻲ ".. ﺑﺘﺎﺗﻬﺎ .."
ﻓﺎﻳﺰﺓ : ﺍﻷﺭﻭﺍﺏ ﻛﻠﻬﻦ ﻣﺴﺘﻮﺭﺍﺕ ..
ﺧﺪﻳﺠﻪ ﺑﻀﺤﻜﻪ : ﻭﺍﻧﺘﻲ ﺷﻦ ﺗﺒﻴﻬﻦ ﻳﺎﺣﻨﻪ ..
ﻓﺎﻳﺰﺓ ﺑﻀﺤﻜﻪ : ﻧﺒﻴﻬﺎ ﺗﺪﻟﻊ ﻭﺗﺘﺸﺨﻠﻊ ..
ﻫﺎﺟﺮ : ﻫﻬﻬﻬﻬﻪ .. ﻣﺮﺍﻡ ﻣﺶ ﻟﻴﻬﺎ ﺍﻟﺤﺎﺟﺎﺕ ﻫﺪﻱ .. ﺍﺻﻼ ﺍﻧﻲ ﻣﺎﻧﻲ ﻋﺎﺭﻓﻪ ﻛﻴﻒ ﺑﺪﻳﺮ ﻣﻌﺎﻩ ﻧﻬﺎﺭ ﺍﻟﺪﺧﻮﻝ ..
ﺍﻳﻤﺎﻥ : ﺍﺿﺤﻜﻲ ... ﺗﺤﺒﻪ ﺭﺍﻫﻲ ﺗﻤﻮﺕ ﻓﻴﻪ ..
ﻫﺎﺟﺮ : ﻫﻬﻬﻬﻪ .. ﻋﺎﺭﻓﻪ .. ﺑﺲ ﻣﺶ ﻋﺎﺭﻓﻪ ﻛﻴﻒ ﻣﺮﺍﻡ .. ﺿﺤﻜﺖ ﻭﻗﺎﻟﺖ .. ﻣﺶ ﻋﺎﺭﻓﻪ ﻛﻴﻒ ﻧﺸﺮﺣﻠﻜﻦ .
ﺿﺤﻜﻮﺍ ﻭﻣﺎﻋﻠﻘﻮﺵ ..
ﻉ ﺧﺸﺘﻬﺎ ﻫﻲ ..
ﻣﺮﺍﻡ : ﻏﻴﺮ ﻟﻴﺶ ﻳﺎﻭﺩﻱ ﺑﻨﺤﻄﻬﻦ ﺑﺮﻭﺣﻲ ﻗﺒﻞ ..
ﻓﺎﻳﺰﺓ : ﻣﺎﻧﺒﻮﻛﺶ ﺗﻤﺴﻲ ﺣﺎﺟﻪ ﻧﺒﻮﻙ ﺗﻌﺪﻱ ﻟﻬﻨﻴﻮﻩ ﻭﺍﻧﺘﻲ ﻣﺮﺗﺎﺣﻪ ﺑﺶ ﻳﺴﻬﻠﻦ ﻋﻠﻴﻚ ﺣﺎﺟﺎﺕ ﻭﺍﺟﺪ ..
ﻣﺮﺍﻡ ﻭﺟﻬﻬﺎ ﺭﺍﺡ ﻧﺎﺭ ﻭﻋﻴﻮﻧﻬﺎ ﻓﻨﺼﻮﺍ ﻗﺎﻟﺖ : ﻓﺎﻳﺰﺓ !!!
ﺧﻮﺍﺗﻬﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻓﺎﻳﺰﺓ : ﺗﻮ ﻭﺍﻟﻨﺒﻲ ﻫﺪﻳﻦ ﺍﺭﻭﺍﺏ ﺗﺸﺮﻳﻬﻦ !!
ﻣﺮﺍﻡ : ﻓﺎﻳﺰﺓ ﺧﻴﺮﻙ ﻫﺒﻠﺘﻲ !!
ﻫﺎﺟﺮ : ﻻﻳﺎﻣﺎﻣﺎ ﺑﺘﻨﻈﻤﻲ ﻟﺤﺰﺏ ﺍﻟﻤﺘﺰﻭﺟﺎﺕ ﻻﺯﻡ ﺗﺸﻮﻓﻲ ﺍﻟﻮﺟﻪ ﺍﻟﺘﺎﻧﻲ ﻟﻔﺎﻳﺰﺓ ﻭﺗﺴﻤﻌﻲ ﻧﺼﺎﻳﺤﻬﺎ ﺍﻟﻠﻲ ﻣﺨﻠﻴﺎﺕ ﺭﺍﺟﻠﻬﺎ ﻣﺎﻳﺸﻮﻑ ﻏﻴﺮﻫﺎ .. ﻭﺭﺟﺎﻟﺘﻨﺎ ﺣﺘﻰ ﺣﻨﻲ ﻣﻦ ﻭﺭﺍ ﻧﺼﺎﻳﺤﻬﺎ ﻫﺎﺑﻠﻴﻦ ﻋﻠﻴﻨﺎ ﻫﺒﺎﻝ ..
ﺿﺤﻜﻮﺍ ...
ﻣﺮﺍﻡ ﻭﻫﻲ ﻗﺮﻳﺐ ﺗﺘﺒﺨﺮ ﻣﻦ ﺍﻟﺤﺸﻢ : ﻣﺼﺢ ﻭﺟﻮﻫﻜﻦ ... ﻋﺪﻥ ﻋﻠﻴﺎ ﻏﺎﺩﻱ ..
ﻭﻃﻠﻌﺖ ﻭﺧﻠﺘﻬﻢ ..
ﻭﻫﻤﺎ ﻣﻴﺘﺎﺕ ﺑﺎﻟﻀﺤﻚ ..
ﻓﺎﻳﺰﻩ ﺑﻀﺤﻜﻪ : ﺑﻌﺪﻳﻦ ﺳﺎﻫﻞ ..
🍁🍁🍁🍁🍁
ﺑﻌﺪ ﻛﻤﻠﻮﺍ ﺣﻮﺳﺘﻬﻢ ﻓﻲ ﺍﻟﺤﻮﺵ ﺍﻟﻘﺪﻳﻢ ..
ﻭﻟﻮﺍ ﻛﻠﻬﻢ ﻟﻠﺤﻮﺵ ﺍﻟﺘﺎﻧﻲ ...
ﻣﻨﻴﻦ ﺧﺸﻮﺍ ﻟﻠﺨﻴﻤﻪ ..
ﻟﻘﻮﺍ ﻋﻤﺎﺩ ﻭﻣﻌﺎﻩ ﻣﺎﻟﻚ ﻭﺣﻤﺰﺓ ﻳﻌﺎﻧﺪﻭﺍ ﻓﻲ ﺍﻟﻤﻨﻈﻮﻣﻪ ﻛﺎﻧﺖ ﻛﺒﻴﺮﺓ ...
ﺭﺑﺎﺏ ﺑﻀﺤﻜﻪ . : ﺍﻟﻠﻪ ﺑﻨﻬﻴﺠﻮﺍ .
ﺗﻠﻔﺘﻠﻬﺎ ﺣﻤﺰﺓ ﻭﺷﺒﺤﻠﻬﺎ ﺷﺒﺤﻪ ﻧﺎﺭﻳﻪ ..
ﺗﻼﺷﺖ ﺿﺤﻜﺘﻬﺎ ﻭ ﻧﺰﻟﺖ ﻋﻴﻮﻧﻬﺎ ..
ﺭﺍﻧﻴﺎ ﺷﺒﺤﻠﺘﻪ ﺑﺸﻲ ﻣﻦ ﺍﻹﺯﺩﺭﺍﺀ ..
ﻫﻮ ﻣﺎﺷﺎﻓﻬﺎﺵ ﺭﺟﻊ ﻻﻫﻲ ﺑﺎﻟﻠﻲ ﻳﺪﻳﺮ ﻓﻴﻪ ..
ﺣﺪﻫﻢ : ﻛﺒﻴﺮﺓ ﻫﻠﺒﻪ ...
ﻋﻤﺎﺩ : ﺑﺤﺒﺤﻮﺍ ..
ﻣﺎﻟﻚ ﺍﻟﺘﻔﺖ ﻭﺷﺎﻑ ﻟﻨﻮﺭ ..
ﻫﻲ ﻃﻮﻝ ﻏﻴﺮﺕ ﻋﻴﻮﻧﻬﺎ ﻟﻌﻤﺎﺩ ..
ﺗﻨﻬﺪ ﻭﺷﺒﺢ ﻟﺨﻮﻩ : ﺍﻧﻲ ﻃﺎﻟﻊ ..
ﻭﻣﺸﻲ ﻃﻠﻊ ...
ﻭﺣﻤﺰﺓ : ﺧﻞ ﺣﺘﻰ ﺑﻨﻤﺸﻲ ﺗﻜﻤﻞ ﺑﺮﻭﺣﻚ؟
ﻋﻤﺎﺩ ﻭﻫﻮ ﻻﻫﻲ : ﺍﻳﻪ ..
ﻣﺸﻲ ﺣﻤﺰﺓ ﻃﻠﻊ ...
ﺭﺍﻧﻴﺎ : ﻟﻤﺎ ﺗﻜﻤﻞ ﻧﺎﺩﻳﻨﺎ ..
ﻋﻤﺎﺩ ..OK:
ﻣﺸﻮﺍ ﺍﻟﺒﻨﺎﺕ ﻣﻊ ﺑﻌﺾ ﻭﻃﻠﻌﻮﺍ ﻣﻦ ﺍﻟﺨﻴﻤﻪ ..
🍁🍁🍁🍁
ﻫﺪﻳﻦ ﺍﻟﻤﻨﺎﺩﻳﺮ ﻛﻠﻬﻦ؟ ..
ﻧﻌﻴﻤﻪ : ﻣﺤﻤﺪ ﻗﺎﻝ ﻫﺎﺩﻭﺍ ﻫﻤﺎ ..
ﻏﺎﻟﻴﻪ : ﻣﺶ ﻣﺸﻜﻠﻪ ..
ﺷﺒﺤﺖ ﻟﺮﺯﺍﻥ ﻭﻗﺎﻟﺖ : ﻧﻌﺒﺎ ﻋﻠﻴﻚ ﺍﻃﻠﻌﻴﻦ ﻭﺗﻔﺮﺷﻴﻬﻦ ..
ﺭﺯﺍﻥ؛ﺍﻳﻪ ..
ﺣﺪﻫﻢ : ﺍﻧﻲ ﻧﻮﺻﻠﻬﻢ ﻟﻠﺒﺎﺏ ﻭﻫﻲ ﻃﻠﻌﻬﻢ ..
ﻏﺎﻟﻴﻪ : ﻛﻮﻳﺲ .. ﻫﻴﺎ ﺗﺤﺮﻛﻦ
ﺍﺑﺘﺴﻤﺖ ﻧﻌﻴﻤﻪ ﻭﻣﺸﺖ ﻟﻠﺪﺍﺭ
ﺧﺸﺖ .
ﺩﻻﻝ : ﺑﺎﻟﻠﻪ ﻣﺎﻣﺎ ﻛﻠﻤﻲ ﺑﺎﺑﺎ ﺷﻮﻓﻲ ﻛﺎﻥ ﺍﻟﺼﻐﺎﺭ ﺣﺪﺍﻩ ﻭﻻ ﻻ ﺭﺻﻴﺪﻱ ﺗﻢ ..
ﻧﻌﻴﻤﻪ؛ﺑﺎﻫﻲﻓﻲ ﺍﻟﻤﺮﺑﻮﻋﻪ ..
ﻋﺒﺪﺍﻟﺴﻼﻡ؛ﻧﺎﻭﻱ ﺑﻨﺪﺧﻠﻪ ﺍﻟﺠﺎﻣﻊ ..
ﻣﺆﻧﺲ : ﺍﺣﺴﻦ ﻣﺎﺩﻳﺮ ﺣﺘﻰ ﺧﺎﻟﻲ ﺍﻟﻠﻪ ﻳﺮﺣﻤﻪ ﻭﺻﺎ ﺑﻬﺎﻟﺸﻲ .
ﻋﺒﺪﺍﻟﺴﻼﻡ : ﺍﻟﻠﻪ ﻳﺮﺣﻤﻪ ..
ﻣﺆﻧﺲ ﻛﺎﻥ ﻳﺒﻲ ﻳﻔﺘﺢ ﻣﻮﺿﻮﻋﻪ ﻣﻊ ﻋﺒﺪﺍﻟﺴﻼﻡ ﺑﺶ ﻳﺴﺎﻋﺪﻩ ﻭﻳﻜﻮﻥ ﻣﻌﺎﻩ ﻟﻤﺎ ﻳﺘﻜﻠﻢ ﻣﻊ ﺧﻴﺮﻱ ..
ﺑﺤﻜﻢ ﺍﻧﻪ ﺍﻛﺒﺮ ﺍﻟﻨﺎﺱ ﺍﻟﻠﻲ ﻟﻴﻬﻢ ﻓﺎﻟﺒﻼﺩ ﺣﺎﻟﻴﺎﻭﻋﺒﺪﺍﻟﺴﻼﻡ ﻟﻴﻪ ﻣﻜﺎﻧﻪ ﻋﻨﺪ ﻋﺪﺍﻳﻠﻪ ﻣﻤﻜﻦ ﻭﺟﻮﺩﻩ ﻳﺴﻬﻞ ﺍﻟﻤﻮﺿﻮﻉ ...
ﻛﻴﻒ ﺟﺎﻱ ﺑﻴﺘﻜﻠﻢ ﺭﻥ ﺗﻠﻴﻔﻮﻥ ﻋﺒﺪﺍﻟﺴﻼﻡ ..
ﻃﻠﻌﻪ ﻣﻦ ﺟﻴﺒﻪ ﺷﺎﻑ ﺍﻟﻤﺘﺼﻞ ﻭﺭﺩ : ﻧﻌﻢ ......... ﺷﺒﺢ ﻟﻠﺼﻐﺎﺭ ... ﺍﻳﻪ ﺣﺪﺍﻧﺎ ﻓﻲ ﺍﻟﻤﺮﺑﻮﻋﻪ .... ﻉ ﺍﻟﻐﺪﻱ ﻧﺎﺩﻭﻫﻢ .... ﺗﻤﺎﻡ ... ﺻﻜﺮ ..
ﻣﺆﻧﺲ : ﻳﻨﺸﺪﻭﺍ ﻉ ﺍﻟﻌﻮﻳﻞ ..
ﻋﺒﺪﺍﻟﺴﻼﻡ : ﺍﻳﻪ ..
ﻣﺆﻧﺲ؛ ﺍﻣﻤﻢ ...
ﻋﺒﺪﺍﻟﺴﻼﻡ ﺷﺒﺤﻠﻪ : ﺣﺎﺱ ﻋﻨﺪﻙ ﻛﻼﻡ ﻭﺗﺒﻲ ﺗﻘﻮﻟﻪ ..
ﺍﺑﺘﺴﻢ ﻣﺆﻧﺲ : ﺍﻳﻪ ﻭﺍﻟﻠﻪ ..
ﻋﺒﺪﺍﻟﺴﻼﻡ ﺍﺑﺘﺴﻢ ﻭﻗﺎﻝ : ﺗﻔﻀﻞ ﻧﺴﻤﻊ ﻓﻴﻚ ..
🍁🍁🍁🍁
ﻭﺍﻗﻔﻴﻦ ﺍﻟﺰﻭﺯ ﻗﺪﺍﻡ ﺑﻨﺎﺀ ﻣﻦ ﺗﻼﺕ ﺍﺩﻭﺍﺭ ﺷﺒﻪ ﻛﺎﻣﻞ ﺍﻟﺒﻨﺎﺀ ..
ﻣﻴﻼﺩ : ﻣﻦ ﺍﻣﺘﻰ؟
ﺣﻤﻴﺪ : ﻣﻤﻜﻦ ﻣﻦ 7 ﺳﻨﻴﻦ ﻓﺎﺗﻮﺍ ..
ﻣﻴﻼﺩ : ﻭﻣﺎﺣﺪ ﻳﻌﻠﻢ ﺑﻴﻪ !
ﺣﻤﻴﺪ : ﻫﺎﻧﻴﺒﺎﻝ ﺑﺲ ..
ﻣﻴﻼﺩ : ﻭﻟﻴﺶ ﻣﺎﻗﻠﺖ ..
ﺣﻤﻴﺪ : ﺧﻔﺖ ﺣﻴﺎﺓ ﺑﻮﻱ ﻳﺸﺪ ﻓﻘﻌﺪﺗﻲ ﻫﻨﻲ ﻟﻮ ﻋﺮﻑ ﺍﻥ ﻋﻨﺪﻱ ﺣﻮﺵ ..
ﻣﻴﻼﺩ ﺑﺘﻬﻜﻢ : ﺷﻮﺭﻙ ﻣﺶ ﻃﺎﻳﻖ **** ﺑﻜﻞ ..
ﺣﻤﻴﺪ : ﻣﺶ ﻫﻜﻲ .. ﻟﻜﻦ ﺍﻟﺤﻴﺎﺓ ﻓﻄﺮﺍﺑﻠﺲ ﺍﻧﺴﺒﻠﻲ ..
ﻣﻴﻼﺩ ﺗﻨﻬﺪ ﻭﻗﺎﻝ : ﺑﺎﻫﻲ ﺷﻦ ﻓﺒﺎﻟﻚ ..
ﺣﻤﻴﺪ : ﻫﻮﺍ ﺷﺒﻪ ﻋﻤﺎﺭﺓ ﻓﻴﻬﺎ ﺗﻼﺗﻪ ﺷﻘﻖ .. ﺑﻨﺒﻴﻌﻬﻢ ..
ﻣﻴﻼﺩ ﻗﻌﺪ ﻳﺸﻮﻑ ﻟﻠﺒﻨﺎﺀ ...
ﺣﻤﻴﺪ : ﻟﺨﻮﺗﻲ ..
ﺷﺒﺤﻠﻪ ﻣﻴﻼﺩ ..
ﺣﻤﻴﺪ : ﻫﺎﻧﻴﺒﺎﻝ ﻭﻋﻨﺪﻩ ﺣﻮﺵ ﻉ ﺣﺎﻟﻪ ﺍﻛﺒﺮ ﻣﻦ ﺍﻟﺸﻘﻖ ﻫﺪﻳﻤﻪ .. ﻟﻬﺪﺍ ﻗﺮﺭﺕ ﻧﺒﻴﻊ ﻟﻤﺤﻤﺪ ﻭﻋﻤﺮ ..
ﻣﻴﻼﺩ : ﻭﺍﻟﺘﺎﻟﺘﻪ ..
ﺣﻤﻴﺪ : ﻧﺒﻴﻚ ﺗﻘﺘﺮﺡ ﻋﻠﻴﺎ ﻟﻤﻦ ﻧﺒﻴﻌﻬﺎ؟
ﻣﻴﻼﺩ ﺭﺟﻊ ﺷﺎﻑ ﻟﻠﺒﻨﺎﺀ ﺑﻌﺪﻳﻦ ﺷﺎﻑ ﻟﺨﻮﻩ : ﺍﻧﻲ ﻧﺸﺮﻳﻬﺎ ﻣﻨﻚ ﻟﺮﻣﺰﻱ ﻭﻟﺪﻱ ..
ﺍﺑﺘﺴﻢ ﺣﻤﻴﺪ : ﻛﻮﻳﺲ .. ﻧﻔﺘﺢ ﺍﻟﻤﻮﺿﻮﻉ ﻣﻊ ﺧﻮﺗﻚ؟ .
ﻣﻴﻼﺩ : ﺍﻓﺘﺤﻪ .. ﺑﺲ ﺍﻧﺖ ﻗﺪﻳﺶ ﻃﺎﻟﺐ ﻓﻲ ﺍﻟﻮﺣﺪﻩ ..
ﺣﻤﻴﺪ 26: ﺍﻟﻒ .. ﻳﻨﺪﻓﻌﻮﺍ ﻉ ﺩﻓﻌﺎﺕ ﻣﺎﻋﻨﺪﻳﺶ ﻣﺸﻜﻠﻪ .. ﺑﺮﻏﻢ ﺍﻧﻪ ﺣﻘﻬﻢ ﻣﺎﺯﺍﻝ ﺍﻛﺜﺮ ﻣﻦ ﻫﻜﻲ ..
ﻣﻴﻼﺩ ﻫﺰ ﺭﺍﺳﻪ ﺑﺈﻳﺠﺎﺏ ..
🍁🍁🍁🍁🍁
ﻓﻲ ﻧﻔﺲ ﺍﻟﻮﻗﺖ ...
ﻃﺎﻟﻌﻪ ﺑﺎﻟﻤﻨﺎﺩﻳﺮ ﺑﺘﻔﺮﺷﻬﻢ ﻓﻲ ﺍﻟﺨﻴﻤﻪ ..
ﻭﻫﻮ ﻻﻫﻲ ﺑﺎﻟﻤﻨﻈﻮﻣﻪ ...
ﻫﻲ ﺗﻔﺮﺵ ﻭﺗﺸﺒﺤﻠﻪ ..
ﻭﻫﻮ ﻣﺎﻳﻨﺪﺭﻳﺶ ﻋﻠﻴﻬﺎ ﻓﻲ ﺍﻟﺨﻴﻤﻪ ..
ﻋﻤﺎﺩ : ﺧﻼﺹ ﺗﻤﺎﻡ ﻫﻜﻲ ..
ﺍﻟﺘﻔﺖ ﺑﻴﻨﺎﺩﻱ ﻉ ﺭﺍﻧﻴﺎ ﺷﺎﻓﻬﺎ ..
ﻟﻘﺎﻫﺎ ﺗﺴﺎﻭﻱ ﻓﻲ ﺍﻟﻤﻨﺎﺩﻳﺮ ﺍﻟﻤﻔﺮﺷﺎﺕ .
ﻣﺶ ﻫﺎﻳﻨﻪ ﻋﻠﻴﻪ ﻭﻗﻠﺒﻪ ﺍﻟﻠﻲ ﻫﻲ ﺑﻨﻴﺘﻪ ﻳﻠﻮﻡ ﻓﻴﻪ ﻉ ﺟﻔﺎﻫﺎ ﻣﺶ ﺭﺍﺿﻲ ﻏﻴﺮ ﺑﻘﺮﺑﻬﺎ ﺑﺄﻱ ﺷﻜﻞ .. ﺣﺘﻰ ﻟﻮ ﻣﻨﺎﺷﺒﻪ ﻭﻋﺮﺍﻛﺎﺕ 💕.
ﺭﻓﻊ ﺣﺎﺟﺒﻪ .. ﺿﺤﻚ ..
ﻭﺗﻠﻔﺖ ﻟﻠﻤﻨﻈﻮﻣﻪ ... ﻭﻗﻌﺪ ﻳﺪﻭﺭ ﺑﻴﻦ ﺍﻟﺴﻴﺪﻳﻬﺎﺕ ﻉ ﺍﻏﻨﻴﻪ ..
ﻟﻴﻦ ﻭﺻﻞ ﻟﻠﻲ ﻳﺒﻴﻪ ..
ﺣﻄﻪ ﻓﻲ ﺍﻟﻤﻨﻈﻮﻣﻪ ... ﻭﺷﻐﻠﻬﺎ ..
ﻫﻲ ﺍﻟﺘﻔﺘﺖ ﺷﺒﺤﺘﻠﻪ ...
ﻭﻫﻮ ﺗﻠﻔﺖ ﺷﺒﺤﻠﻬﺎ ﻭﺑﺪﻱ ﻳﺮﻓﻊ ﻓﻜﺘﺎﻓﻪ ﻭﻳﻨﺰﻝ ﻓﻴﻬﻢ ﻭﻫﻮ ﻣﺒﺘﺴﻢ ﺑﺸﻘﺎﻭﺓ ﻭﺣﺎﺟﺒﻪ ﺍﻹﻳﺴﺎﺭ ﻣﺮﻓﻮﻉ ..
ﺭﺯﺍﻥ : ﻋﻠﻴﻚ ﺑﺮﺍﺩﺓ ﻳﺎﺭﺑﻲ ...
ﻣﺸﺖ ﺧﺪﺕ ﻣﻨﺪﺍﺭ ﻣﻦ ﺍﻟﻤﺴﻨﺪﺍﺕ ﺑﺘﻔﺮﺷﻬﻢ ..
ﺟﺎﻫﺎ ﻭﻫﻮ ﻳﺮﻗﺺ ﻭﻳﻐﻨﻲ ..
ﺍﻧﺎ ﺣﺮ ﻳﺎﺳﻴﺪﻱ ﺍﻧﺖ ﺍﻳﻪ ﺿﺮﻙ ..
ﺭﺍﺿﻲ ﻭﺑﺈﻳﺪﻱ ﻋﻤﺮﻱ ﻣﺎﺗﺤﺮﻙ ..
ﻭﺻﻞ ﻓﻴﻬﺎ ﺩﺍﺭﺕ ﺍﻟﻤﻨﺪﺍﺭ ﺑﻴﻨﻬﺎ ﻭﺑﻴﻨﻪ ..
ﻫﻮ ﺩﻓﻪ ﻋﻠﻴﻬﺎ ..
ﻫﻲ ﺭﺩﺍﺗﻪ ﻋﻠﻴﻪ ..
ﻭﻫﻮ ﻣﻴﺖ ﻣﻦ ﺍﻟﻀﺤﻚ ..
ﺭﺯﺍﻥ : ﺍﻟﺼﺒﺮ . ﻳﺎﺍﺍﺍﺭﺑﻲ ...
ﻋﻤﺎﺩ : ﻫﻬﻬﻬﻬﻬﻬﻬﻬﻬﻬﻪ .. ﻭﺭﺟﻊ ﺩﻓﻪ ﻋﻠﻴﻬﺎ ..
ﺭﺯﺍﻥ ﺑﻐﻞ ﻏﻠﻬﺎ ﺩﻓﺎﺗﻪ ﻋﻠﻴﻪ ..
ﻭﻣﺸﺖ ..... ﻭﺧﺮ ﺧﻄﻮﺗﻴﻦ ﻭﻗﺎﻝ : ﺣﻲ ﺣﻲ ﺣﻴﻲ ..
ﻫﻲ ﺧﺎﻓﺖ ﺗﺤﺎﺳﺒﻪ ﺑﻴﻄﻴﺢ ...
ﺍﻟﺘﻔﺘﺖ ﻃﻮﻝ ...
ﻟﻘﺎﺗﻪ ﻳﺮﻗﺺ ﻭﻫﻮ ﻳﺄﺷﺮ ﺑﺴﺒﺎﺑﺘﻪ ﻋﻠﻴﻬﺎ ﻭﻳﻀﺤﻚ ﻭﺣﻮﺍﺟﺒﻪ ﻳﺮﻗﺺ ﻓﻴﻬﻢ ..
ﻫﻲ ﺷﺎﺩﻩ ﺿﺤﻜﺘﻬﺎ ﻭﺗﻤﻂ ﻓﺸﻮﺍﺭﺑﻬﺎ ﺑﺈﺯﺩﺭﺍﺀ ..
ﻉ ﻃﻠﻌﺖ ﺭﺍﻧﻴﺎ ﺷﺎﻓﺎﺗﻪ ﻗﻌﺪﺕ ﺗﻀﺤﻚ ..
ﺭﺍﻧﻴﺎ ﺑﻀﺤﻜﻪ : ﻋﻤﺎﺩ ﺍﻫﻴﺎ ﺍﻫﻴﺎ ..
ﺷﺒﺤﻮﻟﻬﺎ ..
ﻋﻄﺘﻬﻢ ﺑﻈﻬﺮ ﻭﺭﻓﻌﺖ ﺍﻳﺪﻳﻬﺎ ﻟﻤﺴﺘﻮﻱ ﻛﺘﺎﻓﻪ ﻭﻗﻌﺪﺕ ﺗﺮﻗﻲ ﻓﻮﺍﺣﺪ ﻭﺗﻨﺰﻝ ﻓﺎﻟﺘﺎﻧﻲ ..
ﻋﻤﺎﺩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﻗﺎﻋﺪﻩ ﺗﺬﻛﺮﻱ ﻓﻴﻬﺎ ..
ﺍﻟﺘﻔﺘﺖ ﺭﺍﻧﻴﺎ ﻭﻫﻲ ﺗﻀﺤﻚ : ﻛﺎﻧﺖ ﻣﺎﺭﻛﺘﻚ ﺍﻟﻤﺴﺠﻠﻪ ﻓﺎﻟﺮﻗﻴﺺ ..
ﻋﻤﺎﺩ ﻗﺎﻟﻠﻬﺎ : ﻟﻜﻦ ﻫﻜﻲ ﻫﻴﺎ ..
ﻓﺮﺩ ﺍﻳﺪﻳﻪ ﻭﺣﺪﻩ ﺍﻳﻤﻴﻦ ﻭﻭﺣﺪﻩ ﺍﻳﺴﺎﺭ .. ﻭﻗﻌﺪ ﻳﻬﺰ ﻓﻜﺘﺎﻓﻪ ﻭﻳﻤﺸﻲ ﺑﺮﺟﻠﻴﻪ ﺧﻄﻮﺗﻴﻦ ﻉ ﻳﻤﻴﻦ ﻭﺧﻄﻮﺗﻴﻦ ﻉ ﺍﻟﻴﺴﺎﺭ ..
ﻭﺑﻌﺪﻳﻦ ﻳﺘﻠﻔﺖ ﻭﻳﺪﻳﺮ ﺍﻟﺤﺮﻛﻪ ﺍﻟﻠﻲ ﺩﺍﺭﺗﻬﺎ ﺭﺍﻧﻴﺎ ..
ﺭﺍﻧﻴﺎ ﻣﻴﺘﻪ ﺑﺎﻟﻀﺤﻚ ..
ﻉ ﺧﺸﺔ ﺍﻣﻪ : ﺣﻴﻴﻲ ﺷﻦ ﻓﻜﺮﻙ ﺑﻴﻬﺎ ..
ﻫﻮ ﺗﻠﻔﺖ ﻷﻣﻪ ﻭﻗﻌﺪ ﻳﻀﺤﻚ ..
ﻛﻔﺎﻳﻪ ﻋﻄﺖ ﺑﺎﻟﻈﻬﺮ ﻭﻗﻌﺪﺕ ﺗﺮﻗﺺ ﻓﻨﻔﺲ ﺍﻟﺮﻗﺼﻪ ﻭﻫﻲ ﺗﻘﻮﻝ : ﻣﻠﻴﺤﻪ ﻟﻜﻦ ﺗﻤﺎﺭﻳﻦ ﻛﺘﺎﻑ ﺑﻌﺪ ﺍﻟﻜﻴﻔﺴﺎﺩ " ﻫﻜﻲ ﻓﺴﺎﺩ "
ﺿﺤﻜﻮﺍ ..
ﻫﺪﺍ ﻛﻠﻪ ﻭﺭﺯﺍﻥ ﺗﺮﺍﻗﺐ ﻓﻴﻪ ﻗﻌﺪﺕ ﺗﺤﻔﻆ ﻓﺘﻔﺎﺻﻴﻠﻪ ﺣﻔﻆ ﺗﻔﺎﺻﻴﻞ ﻫﻲ ﻣﺎﻛﺎﻧﺘﺶ ﻭﺍﻋﻴﺘﻠﻬﺎ ﺯﻣﺎﻥ ﻷﻧﻬﺎ ﻛﺎﻧﺖ ﺻﻐﻴﺮﺓ ﻫﻠﺒﻪ ..
ﺭﻥ ﺗﻠﻴﻔﻮﻧﻪ ﺷﺎﻓﻪ ﻭﻗﺎﻝ : ﺗﻴﻔﺴﺎ ..
ﻭﻣﺸﻲ ﻃﻮﻝ ﻃﻠﻊ ﻣﻦ ﺍﻟﺨﻴﻤﻪ ..
ﺣﺪﻫﻢ ﺟﺖ : ﺭﺯﺍﻥ ﻭﻳﻦ ﺭﺣﺘﻲ ..
ﺷﺒﺤﺘﻠﻬﺎ ﻭﻗﺎﻟﺖ : ﺟﺎﻳﻪ ..
ﻭﻣﺸﺘﻠﻬﺎ ﻃﻮﻝ ...
ﻭﻗﻌﺪﻭﺍ ﻛﻔﺎﻳﻪ ﻭﺭﺍﻧﻴﺎ ﻳﻬﺪﺭﺯﻭﺍ ﻭﺍﻏﺎﻧﻲ ﺣﻤﺎﻗﻲ ﺗﻐﻨﻲ ﻭﺭﺍ ﺑﻌﻀﻬﺎ ..
🍁🍁🍁🍁
ﻣﻊ ﺍﻟﻌﺸﻴﻪ ..
ﺍﻟﻠﻲ ﻫﺪﺍ ﺑﺪﻱ ﻳﻮﺗﻲ ﻓﺮﻭﺣﻪ ﻟﻠﺴﻬﺮﻳﻪ ﺍﻷﻭﻟﻰ ﻓﻌﺮﺱ ﻫﺎﻧﻴﺒﺎﻝ ..
ﺭﺯﺍﻥ ﻭﺣﺪﻫﻢ ﺍﻟﻠﻲ ﻫﺪﺍ ﺭﻭﺣﺖ ﻟﺤﻮﺷﻬﻢ ..
ﺣﺪﻫﻢ ﻭﻳﻦ ﻭﺻﻠﺖ ﻓﻲ ﺍﻟﺒﺎﺏ ..
ﺷﺎﻓﺖ ﺍﻳﻤﻦ ﻭﺍﻗﻒ ﻗﺪﺍﻣﻪ ﻳﺸﻮﻑ ﻓﺘﻠﻴﻔﻮﻧﻪ ..
ﺣﺪﻫﻢ " ﻗﺪﺍﺵ ﻗﺎﻫﺮﻧﻲ ﻳﺎﻧﺎﺱ ﻣﺎﺣﺎﺳﺐ ﻓﺮﻭﺣﻪ ﻳﺤﺮﻕ ﺍﻟﺪﻡ "
ﻭﺧﺮ ﺷﻌﺮﻩ ﺑﻴﺪﻩ ﻟﻠﺨﻠﻒ ﺑﻄﺮﻳﻘﻪ ﻓﻴﻬﺎ ﺷﻲ ﻣﻦ ﺍﻟﻐﺮﻭﺭ ..
ﻫﻮ ﻫﻜﻲ ﺷﻲ ﻣﺎﺷﻲ ﻓﻴﻪ ﻣﺶ ﻣﻘﺼﻮﺩ .
ﻓﻲ ﻣﻦ ﺷﺨﺼﻴﺎﺕ ﺗﻜﻮﻥ ﻓﻴﻬﺎ ﻃﺒﺎﻉ ﻣﻜﺘﺴﺒﻪ ﺻﻌﺐ ﻳﺤﻮﻟﻮﻫﺎ ﻷﻧﻬﻢ ﺗﺮﺑﻮﺍﻋﻠﻴﻬﺎ .. ﻭﺍﻳﻤﻦ ﻋﺎﺵ ﻓﻮﺳﻂ ﻣﻠﻴﺎﻥ ﺑﻨﺎﺱ ﻋﻨﺪﻫﻢ ﺍﻋﺘﺰﺍﺯ ﺑﺎﻟﻨﻔﺲ ﻭﻏﺎﻟﺐ ﻋﻠﻴﻬﻢ ﻃﺒﻊ ﺍﻟﻐﺮﻭﺭ ..
ﻭﻣﺎﻓﻲ ﺣﺪ ﻓﻴﻨﺎ ﻳﻨﺴﻰ ﻣﻦ ﻫﻲ ﺍﻣﻪ ... ﻫﻨﺪﺍ ...
🍁 ﻫﻲ ﺗﺒﻲ ﺗﻠﻔﺖ ﺍﻧﺘﺒﺎﻫﻪ ﺑﺄﻱ ﺷﻜﻞ ﻉ ﻗﺪ ﻣﺎﻋﺎﺟﺒﻬﺎ ﻭﺍﺳﺘﻔﺰﻫﺎ ﻓﻨﻔﺲ ﺍﻟﻮﻗﺖ ...
ﺭﻓﻌﺖ ﺣﺎﺟﺒﻬﺎ ﻭﻗﻌﺪﺕ ﺗﻤﺸﻲ ﻓﻤﺸﻴﻪ ﻣﻐﺮﻭﺭﺓ ﺑﺶ ﺗﻌﻴﺶ ﺍﻟﺪﻭﺭ ..
ﻭﺻﻠﺖ ﻓﻴﻪ ﻭﻗﺎﻟﺖ : ﺍﺳﻤﻊ ..
ﻫﻮ ﻃﻮﻝ ﺷﺎﻓﻠﻬﺎ ﻭﻋﻴﻮﻧﻪ ﻣﺘﻮﺳﻌﺎﺕ ﺷﻮﻳﻪ ﻣﻦ ﺍﻟﺨﻠﻌﻪ ..
ﺣﺪﻫﻢ : ﺭﺍﻫﻮ ﺷﺒﺤﺎﺗﻚ ﻭﺣﺮﻛﺎﺗﻚ ﻣﻼﺣﻈﺘﻬﻢ ﻭﻣﺮﻛﺰﺓ ﻋﻠﻴﻚ ﻛﻴﻒ ﺗﻤﺸﻲ ﻭﺗﺠﻲ ﻗﺪﺍﻡ ﺍﻟﺤﻮﺵ ﺑﻠﻌﺎﻧﻲ ﻟﻤﺎ ﺗﻌﺮﻓﻨﻲ ﻃﺎﻟﻌﻪ ..
ﻣﺎﺗﻌﺒﺶ ﺭﻭﺣﻚ ﺍﻟﺠﻮ ﻫﻮ ﻣﺎﻳﺠﻴﺒﺶ ﺭﺍﺳﻲ .. ﺗﻤﺎﻡ !!
ﺷﻘﻠﺒﺖ ﻋﻴﻮﻧﻬﺎ ﻭﻟﻔﺖ ﻭﻣﺸﺖ ..
ﺍﻳﻤﻦ ﺑﺼﺪﻣﻪ؛ﺗﻲ ﻏﻴﺮ ﻣﻦ ﻣﻌﺒﺮﻫﺎ ﻫﺎﻟﻤﻌﺘﻮﻫﻪ ﻫﺪﻱ !! ؟
ﻉ ﻃﻠﻌﺔ ﻣﺆﻧﺲ ﻣﻦ ﺍﻟﺤﻮﺵ ..
ﻣﺆﻧﺲ : ﻫﻴﺎ ..
ﺍﻳﻤﻦ ﻣﺎﺯﺍﻝ ﻳﺸﺒﺢ ﺟﻬﺔ ﺣﻮﺵ ﻋﺒﺪﺍﻟﻠﻪ ..
ﻣﺆﻧﺲ ﺭﻛﺰ ﻋﻠﻴﻪ : ﻳﺎﺍﺍﺍ ﺍﻳﻤﻦ ..
ﺍﻟﺘﻔﺖ : ﻫﺎﺍﺍﻩ ..
ﻣﺆﻧﺲ ﺍﺑﺘﺴﻢ ﻉ ﺟﻨﺐ ﻭﻫﻮ ﻳﺸﻮﻓﻠﻪ ﺑﺮﺑﻊ ﻋﻴﻦ : ﻫﻴﺎ ..
ﺍﻳﻤﻦ ﺑﺸﻲ ﻣﻦ ﺍﻟﺮﺑﻜﻪ : ﺑﺎﻫﻲ ..
ﻣﺸﻲ ﻣﺆﻧﺲ ﻭﻫﻮ ﻳﻀﺤﻚ ﻭﺍﻳﻤﻦ ﻭﺭﺍﻩ ﻭﻫﻮ ﻣﺤﺮﺝ ..
💕💕💕💕💕💕
ﻭﺟﺖ ﺍﻟﺴﺎﻋﻪ 9:30 ﻟﻴﻼ ..
ﻭﺍﻟﻨﺎﺱ ﺑﺪﺕ ﺗﺠﻲ ...
ﻭﺍﻟﻜﻞ ﻛﺎﻥ ﺟﺎﻫﺰ ﻟﻠﺴﻬﺮﻳﻪ ..
ﺗﻌﺘﺒﺮ ﺍﺑﺴﻂ ﻟﻴﻠﻪ .. ﺍﻟﻠﺒﺲ ﻓﻴﻬﺎ ﻧﻮﻋﺎ ﻣﺎ ﻋﺎﺩﻱ ..
ﻃﺒﻌﺎ ﺩﻻﻝ ﻛﺎﻧﺖ .
ﻻﺑﺴﻪ ﻗﻔﻄﺎﻥ ﻟﻮﻧﻪ ﺯﻳﺘﻲ ﻋﺎﺩﻱ ﺳﺎﺩﺍ ﻣﺎﻓﻴﻪ ﻭﻻ ﺣﺎﺟﻪ ﺿﻴﻖ ﺷﻮﻳﻪ ﻣﻦ ﻓﻮﻕ ﻟﻌﻨﺪ ﺑﺪﺍﻳﻪ ﺍﻟﺒﻄﻦ ﻭﺗﺤﺘﻪ ﻭﺍﺳﻊ ...
ﻭﻭﺷﺎﺡ ﺯﻳﺘﻲ ﻭﻉ ﻭﺟﻬﻬﺎ ﻣﺎﻓﻴﺶ ﺍﻱ ﺍﺛﺮ ﻟﻤﺴﺎﺣﻴﻖ ﺍﻟﺘﺠﻤﻴﻞ ..
ﺭﺍﻧﻴﺎ ..
ﻛﺎﻧﺖ ﻻﺑﺴﻪ ﻛﺖ ﻛﺘﺎﻓﻪ ﻧﺎﺯﻻﺕ ﻟﻮﻧﻪ ﺍﺑﻴﺾ ﻭﺗﺤﺘﻪ ﺯﻱ ﺍﻟﺒﺮﻣﻮﺩﺍ ﻟﻮﻧﻬﺎ ﺍﺳﻮﺩ ﻟﺘﺤﺖ ﺍﻟﺮﻛﺒﻪ ﻭﻣﺘﻨﻴﻪ ...
ﻭﺍﻛﺴﺴﻮﺭﺍﺕ ﻭﻣﺪﺍﻳﺮﻩ ﻟﻤﺴﺎﺕ ﺑﺴﻴﻄﻪ ﻭﺭﺍﻓﻌﻪ ﺷﻌﺮﻫﺎ ﺩﻳﻞ ﺣﺼﺎﻥ ..
ﺭﺑﺎﺏ ﺳﺮﻭﺍﻝ ﺍﺳﻮﺩ ﻭﻓﻮﻗﻪ ﺑﻠﻮﺯﺓ ﻭﺍﺳﻌﻪ ﻟﻮﻧﻬﺎ ﺍﺯﺭﻕ ﻣﻠﻜﻲ ﻣﻦ ﺟﻬﺔ ﺍﻟﺼﺪﺭ ﻣﻌﺪﺱ ﺭﺑﻊ ﻛﻢ ... ﻭﺍﻛﺴﺴﻮﺭﺍﺕ ﻭﻣﻜﻴﺎﺝ ﺧﻔﻴﻒ ﻭﺷﻌﺮﻫﺎ ﻣﺪﺍﻳﺮﺗﻠﻪ ﻓﻴﺮ ..
ﻧﻮﺭ ﻗﻔﻄﺎﻥ ﺍﺣﻤﺮ ﻗﺼﻴﺮ ﻟﻔﻮﻕ ﺍﻟﺮﻛﺒﻪ ﺑﺸﻮﻱ ﻣﺨﺼﺮ ﻭﺭﺍﻓﻌﻪ ﺷﻌﺮﻫﺎ ﺑﻄﺮﻳﻘﻪ ﺣﻠﻮﺓ ..
ﻭﺭﻓﻘﻪ ﻗﻮﻧﻪ ﺑﻴﻀﺎ ﻗﺼﻴﺮﺓ ﻫﻠﺒﻪ ﻭﻣﻦ ﻓﻮﻕ ﻛﺖ ﺑﺴﻴﺮ ﻭﺍﺣﺪ ...
ﻭﺷﻌﺮﻫﺎ ﺿﺎﻓﺮﺍﺗﻪ ﺳﺒﻮﻟﻪ ..
ﻭﺭﺯﺍﻥ ﺳﺮﻭﺍﻝ ﻧﻮﻋﻪ ﻳﺴﻤﻮﺍ ﻓﻲ ﻣﻮﺩﻳﻠﻪ " ﻃﻮﺑﻮ " ﺍﺯﺭﻕ ﻭﺑﻠﻮﺯﻩ ﺑﻴﻀﺎ ﻭﺍﺳﻌﻪ ﺷﻴﻔﻮﻥ ﺑﻴﻀﺎ ﻛﻢ ...
ﻭﺍﻟﺘﻼﺗﻪ ﻣﻜﻴﺎﺟﻬﻢ ﻟﻄﻴﻒ ﻭﻃﺎﻟﻌﺎﺕ ﻣﻤﻴﺰﺍﺕ ..
ﺍﻣﺎ ﺣﺪﻫﻢ ﻣﺎﺧﻠﺘﺶ ﺑﻜﻞ ..
ﻻﺑﺴﻪ ﻗﻔﻄﺎﻥ ﻗﺼﻴﺮ ﻟﻮﻧﻪ ﻣﻮﻑ ﻣﻦ ﻏﻴﺮ ﺳﻴﻮﺭ ﻭﻣﺪﺍﻳﺮﺓ ﺷﻌﺮﻫﺎ ﻓﻴﺮ ﻭﻣﻤﻜﻴﺠﻪ ...
ﻭﻛﺎﻧﺖ ﻃﻠﺘﻬﺎ ﺻﺪﻣﻪ ﻟﺴﻌﻴﺪﻩ ﻭﺧﻮﺍﺗﻬﺎ ..
ﺍﻣﺎﻝ : ﻋﻄﻴﻬﺎ ﺩﻱ !!!
ﻋﺰﻳﺰﺓ : ﻛﻠﻪ ﻣﻦ ﺍﻣﻲ ..
ﺳﻌﻴﺪﻩ : ﺣﺸﺎﻳﻢ ﻭﺧﻼﺹ ..
ﻭﻫﻲ ﻭﺍﺛﻘﻪ ﻣﻦ ﻧﻔﺴﻬﺎ ﻭﻻﻣﻌﺒﺮﺓ ﻭﺍﺣﺪ ..
💕💕💕💕
ﺑﺎﻟﻨﺴﺒﻪ ﻟﻠﻨﺴﺎﻭﻳﻦ ﺍﻟﻜﺒﺎﺭ ﺍﻏﻠﺒﻬﻢ ﻗﻔﻄﺎﻳﻦ ﻣﻨﺎﺳﺒﻪ ﻋﺎﺩﻳﺎﺕ ﻭﻃﺎﻟﻌﺎﺕ ﺣﻠﻮﺍﺕ ﺑﻄﻠﺘﻬﻢ ..
ﺑﺲ ﻣﻔﺎﺟﺄﺓ ﺍﻟﺴﻬﺮﻳﻪ ..
ﻛﻔﺎﻳﻪ ﻭﻏﺎﻟﻴﻪ ..
ﻛﻔﺎﻳﻪ ﻟﺒﺴﺖ ﻗﻔﻄﺎﻥ ﻗﺼﻴﺮ ﺭﺑﻊ ﻛﻢ ﻟﻮﻧﻪ ﺍﺣﻤﺮ ﻗﺎﻧﻲ ﻭﺷﻌﺮﻫﺎ ﻛﺎﻥ ﻣﻘﺼﻮﺹ ﻭﻃﺎﻟﻊ ﺧﻴﺎﻝ ﻣﺎﺗﻨﻌﻄﺎﺵ ﻋﻤﺮﻫﺎ ..
ﺯﻳﻨﺐ؛ﺭﺩﻳﺘﻬﺎﻟﻲ ..
ﻛﻔﺎﻳﻪ ﺑﻀﺤﻜﻪ : ﺗﻬﺘﻤﻲ ﻭﺗﻄﺮﺣﻲ ﺍﻧﺘﻲ ﺑﺴﻮﻭﻭﺍﺍ؟
ﺯﻳﻨﺐ ﺑﻀﺤﻜﻪ : ﻏﻴﺮ ﺭﺍﺟﻴﻨﻲ ﻧﻬﺎﺭ ﺍﻹﺭﺑﻌﺎ ..
ﻛﻔﺎﻳﻪ : ﺗﻮ ﻧﺸﻮﻓﻮﺍ ...
ﺷﻮﻳﻪ ﻭﺍﻟﻠﻲ ﻓﻲ ﺍﻟﺨﻴﻤﻪ ﻛﻠﻬﻢ ﺷﺒﺤﻮﺍ ﻓﺘﺮﻛﻴﻨﻪ ﻭﺣﺪﻩ ..
ﺍﻟﺘﻔﺘﻮﺍ ﺍﻟﺒﻨﺎﺕ ... ﺍﺑﺘﺴﻤﻮﺍ ﺑﺬﻫﻮﻝ ..
ﻛﺎﻧﺖ ﻏﺎﻟﻴﻪ ..
ﻻﺑﺴﻪ ﻗﻮﻧﻪ ﺳﻮﺩﺍ ﻗﺼﻴﺮﺓ ﻟﻠﺮﻛﺒﻪ ..
ﻭﻓﻮﻗﻬﺎ ﻛﺖ ﻣﺰﺧﺮﻑ ﻭﻓﻴﻪ ﺍﻟﻮﺍﻥ ﻣﺘﺪﺍﺧﻠﻪ .. ﻭﻣﻌﺪﺱ ﻣﻦ ﺭﻗﺒﻪ ﺭﺑﻊ ﻛﻢ ..
ﻭﺷﻌﺮﻫﺎ ﻣﻘﺼﻮﺹ ﻭﻣﻔﺮﻭﺩ ﻭﻣﻜﻴﺎﺟﻬﺎ ﺣﻠﻮ ﺑﺎﻟﻤﺮﺓ ﻭﺍﻃﻼﻟﺘﻬﺎ ﺧﺪﻣﻮﺍ ﻋﻠﻴﻬﺎ ﺩﻻﻝ ﻭﺭﺑﺎﺏ ..
ﻛﺎﻧﺖ ﺣﻠﻮﺓ ﺣﻠﻮﺓ ..
ﻭﻣﺶ ﺑﺎﻳﻦ ﻋﻠﻴﻬﺎ ﺍﻟﻌﻤﺮ ..
ﻫﻲ ﻛﺎﻧﺖ ﻣﺤﺮﺟﻪ ﻣﻦ ﻧﻈﺮﺍﺕ ﺍﻟﻨﺎﺱ ﻟﻴﻦ ﺟﺘﻬﺎ ﻧﻮﺭ ..
ﻧﻮﺭ : ﻏﺰﺍﻟﻪ ﺧﻮﻳﻠﻪ ..
ﻏﺎﻟﻴﻪ ﺑﺈﺑﺘﺴﺎﻣﻪ : ﺍﻧﺘﻲ ﺍﻟﻐﺰﺍﻟﻪ ﻧﻮﺍﺭﺗﻲ ..
ﺟﺘﻬﺎ ﺣﺪﻫﻢ : ﺍﺑﻠﻪ ﻏﺎﻟﻴﻪ ﺍﻧﻲ ﻏﺮﺕ ﺍﻟﺼﺮﺍﺣﻪ ﺷﻨﻮ ﻫﺪﺍ ؟ !
ﺿﺤﻜﺖ ﻏﺎﻟﻴﻪ ﺑﺨﺠﻞ ..
ﺧﻮﺍﺗﻬﺎ ﻳﺸﻮﻓﻮﻟﻬﺎ ﻭﻫﻤﺎ ﻣﺒﺘﺴﻤﺎﺕ ﺑﺤﺐ ..
ﻣﺎﻋﺪﺍ ﺣﻤﻴﺪﻩ ﺍﻟﻠﻲ ﻛﺎﻧﺖ ﺗﺸﻮﻓﻠﻬﺎ ﺑﺸﻚ ..
ﺣﻤﻴﺪﻩ " ﺍﻧﻈﺮ ﺷﻦ ﻭﺭﺍﻫﺎ ﻏﺎﻟﻴﻪ .."
🍁🍁🍁
ﺷﻮﻳﻪ ﻭﺗﻌﺒﺖ ﺍﻟﺨﻴﻤﻪ ..
ﻭﺍﻟﺴﻬﺮﻳﻪ ﺑﺘﺒﺪﺍ ﺧﻼﺹ ..
ﺑﻠﻘﻴﺲ : ﺷﻮﻳﻪ ﺗﺎﻧﻴﻪ ﺑﺘﺠﻲ ..
ﻧﻮﺭ ﺍﻟﻠﻲ ﻛﺎﻧﺖ ﺗﺴﻤﻊ ﻓﻬﺪﺭﺯﺓ ﺑﻠﻘﻴﺲ ﻭﺣﺪﻫﻢ : ﻣﻨﻮ ..
ﺣﺪﻫﻢ : ﺑﻨﺖ ﺧﺎﻟﺔ ﺑﻠﻘﻴﺲ ..
ﺑﻠﻘﻴﺲ : ﺧﺎﻟﺘﻲ ﻫﺪﻱ ﻋﺎﻳﺸﻪ ﻓﺎﻟﺰﺍﻭﻳﻪ ﻭﺑﻨﺘﻬﺎ ﺳﻤﺎﻫﺎ ﺍﺭﻳﺞ ﺍﻟﻮﺣﻴﺪﻩ ﻉ ﺍﺭﺑﻊ ﻭﻻﺩ ..
ﺳﻜﺘﺖ ﻟﻤﺎ ﺷﺎﻓﺖ ﻓﺘﺤﺔ ﺍﻟﺨﻴﻤﻪ ﻛﻴﻒ ﺧﺸﻮﺍ ﻣﻨﻬﺎ ﺍﻣﻬﺎ ﻭﺧﺎﻟﺘﻬﺎ ﻭﺑﻨﺖ ﺧﺎﻟﺘﻬﺎ ...
ﺳﻌﻴﺪﻩ : ﺍﻫﻲ ﺟﺖ ..
ﺍﻣﺎﻝ : ﻭﺍﺍﻙ ﻣﺎﺣﺎﺳﺒﻪ ﻓﺮﻭﺣﻬﺎ ﺭﻳﺘﻲ ﻛﻴﻒ ﺗﺴﻠﻢ؟
ﻋﺰﻳﺰﺓ : ﺗﻲ ﻏﻴﺮ ﺭﺍﺟﻦ .. ﻣﺶ ﻫﺪﻯ ﻳﺸﺒﻪ ﻟﻘﻔﻄﺎﻧﻚ ﺍﻟﻠﻲ ﺧﺪﻳﺘﻴﻪ ﻓﻌﺮﺱ ﺳﻠﻴﻤﺎﻥ ..
ﺳﻌﻴﺪﻩ ﺑﺮﻓﻌﺔ ﺣﻮﺍﺟﺐ : ﺧﻮﻩ !!! ﻃﻴﺢ ﺳﻌﺪﻫﺎ !!!
ﻋﺰﻳﺰﺓ : ﺑﻠﻌﺎﻧﻲ ﺑﺶ ﻳﻘﺎﺭﻧﻮﺍ ﺑﻴﻨﻚ ﻭﺑﻴﻨﻬﺎ ..
ﺍﻣﺎﻝ : ﺍﻟﻌﻘﺮﺏ ..
ﺑﻌﺪ ﺳﻼﻡ ﻧﺠﺎﺓ ﻭﺍﺧﺘﻬﺎ ﻭﺑﻨﺖ ﺍﺧﺘﻬﺎ ﻉ ﺍﻟﻨﺎﺱ ..
ﺑﻠﻘﻴﺲ : ﺭﻭﻭﺟﻪ ..
ﺷﺒﺤﺖ ﻟﻤﺼﺪﺭ ﺍﻟﺼﻮﺕ ﺍﺑﺘﺴﻤﺖ ﻭﻣﺸﺘﻠﻬﻢ ﻃﻮﻝ ..
ﻋﺮﻓﺘﻬﺎ ﺑﻠﻘﻴﺲ ﻉ ﺍﻟﺒﻨﺎﺕ ..
ﺑﻌﺪﻳﻦ ﺣﻮﻟﺖ ﻋﺒﺎﻳﺘﻬﺎ ..
ﻛﺎﻧﺖ ﻃﺎﻟﻊ ﻣﻠﻔﺘﻪ ﻫﻠﺒﻪ ﺑﺠﺴﻤﻬﺎ ﻭﺍﻟﻔﻘﻄﺎﻥ ﺍﻟﻤﺨﺼﺮ ﺍﻟﻠﻲ ﻻﺑﺴﺎﺗﻪ ..
ﻗﻌﻤﺰﺕ ﺣﺪﺍ ﺑﻠﻘﻴﺲ ..
ﺷﻮﻳﻪ ﻭﻃﻠﻌﻮﺍ ﻧﻌﻴﻤﻪ ﻭﺳﻤﻴﻪ ﺑﺎﻟﺪﺭﺍﺑﻴﻚ ..
ﺣﻄﺖ ﺳﻤﻴﻪ ﻭﺣﺪﻩ ﻉ ﺍﻻﺭﺽ ﻭﻣﺸﺖ ﻗﻌﻤﺰﺕ ﻧﺎﺿﺖ ﺑﻠﻘﻴﺲ ﺧﺪﺗﻬﺎ ..
ﻭﻟﺖ ﻗﻌﻤﺰﺕ ﻭﺍﻟﺘﺎﻧﻴﻪ ﺧﺪﺗﻬﺎ ﻧﻮﺭ ﺑﻌﺪ ﻋﻄﺘﻬﺎﻟﻬﺎ ﺍﻣﻬﺎ ..
ﺑﻠﻘﻴﺲ ﻟﻨﻮﺭ : ﻫﻴﺎ ﻫﻲ ..
ﻧﻮﺭ : ﻫﻴﺎ ..
ﻭﺑﺪﻭﺍ ﻳﺪﺭﺑﻜﻮﺍ ..
ﺑﻠﻘﻴﺲ : ﻉ ﺍﻻﻭﻝ ﻣﺎﺗﺒﺪﻳﻨﺎ ... ﻋﻠﻰ ﻣﺤﻤﺪ ﺻﻠﻴﻨﺎ ..
ﻭﺑﺪﻭﺍ ﻳﺼﻔﻘﻮﺍ ﻭﻳﻐﻨﻮﺍ ﻭﺭﺍﻫﺎ ...
ﺑﻌﺪﻳﻦ ﻓﻀﻴﻠﻪ ﻏﻨﺖ ..
ﻉ ﺍﻷﻭﻝ ﻣﺎﻧﺒﺪﺍ ﻭﻧﻘﻮﻝ .. ﺑﺎﻟﺼﻼﺓ ﻉ ﺍﻟﺮﺳﻮﻝ ...
ﺭﺩﻭﺍ ﻭﺭﺍﻫﺎ ﻭﻋﺎﻭﺩﻭﻫﺎ ﻣﺮﺗﻴﻦ ...
ﺯﻳﻨﺐ : ﻳﺎﺍﻟﻠﻪ ﺗﻤﻤﻬﺎ ﻋﻠﻴﻨﺎ ﻳﺎﺍﻟﻠﻪ ﺑﺎﻟﻔﺮﺡ ﺑﺪﻳﻨﺎ ..
ﻭﺭﺩﺩﻭﻫﺎ ﻭﺭﺍﻫﺎ ...
🍁🍁🍁🍁
ﻫﺎﻟﻨﻬﺎﺭ ﻋﻠﻴﻨﺎ ﻃﻞ .. ﻫﺎﻟﻨﻬﺎﺭ ﺭﺑﻴﻊ ﻭﻓﻞ ..
ﻓﺎﻳﺰﺓ : ﻫﺎﻟﻠﻴﻠﻪ ﺍﻟﻤﺒﺎﺭﻛﻪ .. ﺑﺮﻭﺣﻲ ﻣﺶ ﻣﺸﺎﺭﻛﻪ ..
ﻗﻌﺪﻭﺍ ﺍﻟﻨﺴﺎﻭﻳﻦ ﻳﺰﻏﺮﻃﻮﺍ ..
ﻭﻣﺮﺍﻡ ﺗﺸﻮﻓﻠﻬﻢ ﺑﺈﺑﺘﺴﺎﻣﻪ ﺑﺴﻴﻄﻪ ﺗﺨﻔﻲ ﻭﺭﺍﻫﺎ ﺍﻟﻒ ﺷﻌﻮﺭ ﻭﺷﻌﻮﺭ ﺣﻠﻮ ..💕
💕💕💕💕💕
ﺭﻗﻴﺖ ﺍﻟﻤﻮﺟﻪ ..
ﻭﺧﺸﻮﺍ ﻣﺮﺣﻠﺔ ﺍﻟﻬﻴﺎﺟﻪ ..
ﻛﻔﺎﻳﻪ : ﻻﺗﻘﻮﻟﻮﺍ ﻗﺪﻡ ﻻﻭﺧﺮ .. ﻫﺪﺍ ﻭﻳﻦ ﺍﻟﻤﻮﻟﻰ ﺳﺨﺮ ...
ﻭﻗﻌﺪﻭﺍ ﻳﺮﺩﻭﺍ ﻭﺭﺍﻫﺎ ..
ﺑﻘﻠﻴﺲ : ﻳﺎﻣﺒﺮﻭﻙ ﻋﻠﻴﻪ ﺍﻓﺮﺍﺣﻪ .. ﺷﺎﻣﺦ ﻛﻴﻒ ﻧﺨﻴﻞ ﺍﻟﻮﺍﺣﻪ ..
ﺭﺑﺎﺏ ﻭﺯﻳﻨﺐ : ﺍﻳﻴﻴﻴﻴﻴﻴﻴﻴﻴﻴﻪ ..
ﻭﻋﺎﻭﺩﻭﻫﺎ ﻛﻠﻬﻢ ﻭﺭﺍﻫﺎ ﺑﺼﻮﺕ ﻋﺎﻟﻲ ...
ﻣﺮﺗﻴﻦ ...
ﺣﺪﻫﻢ :
ﻳﺎﻣﺒﺮﻭﻙ ﻋﻠﻴﻪ ﻋﺮﻭﺳﻪ .. ﺳﻤﺢ ﺍﻟﺰﻭﻝ ﻗﻮﻱ ﻧﺎﻣﻮﺳﻪ ..
ﻭﺭﺩﻭﻫﺎ ﻭﺭﺍﻫﺎ ﻭﻫﻤﺎ ﺷﺎﻳﺸﻴﻦ ..
ﻓﻀﻴﻠﻪ ﻛﺎﻧﺖ ﻭﺍﻗﻔﻪ ﺗﺼﻔﻖ ﻭﺍﺩﻭﺭ ﻉ ﺍﻟﻨﺎﺱ ﻭﺗﺤﺮﻙ ﻓﻴﻬﻢ ﺗﺒﻴﻬﻢ ﻛﻠﻬﻢ ﻳﺸﺎﺭﻛﻮﺍ ..
ﻓﻀﻴﻠﻪ :
ﻫﻠﻨﺎ ﻟﺒﺴﺎﻳﻦ ﻋﻤﺎﻳﻢ .. ﻧﺰﺍﻟﻴﻦ ﺍﻟﺼﻘﺮ ﺍﻟﺤﺎﻳﻢ ..
ﺍﻟﺨﻮﺍﺕ ﻭﺍﻟﺒﻨﺎﺕ : ﻫﻴﻴﻴﻴﻴﻴﻴﻴﻴﻴﻴﻴﻲ ﻫﻴﻴﻴﻪ .
ﻧﺎﺿﺖ ﺯﻳﻨﺐ ﺣﺪﻓﺘﻠﻬﺎ ﺭﺑﺎﺏ ﻭﺷﺎﺡ ..
ﻭﺑﺪﺕ ﺗﺮﻗﺺ ..
ﺭﻳﻼ :
ﻣﻮﺵ ﺧﺴﺎﺭﺓ ﻓﻴﻪ ﺭﻗﻴﺼﻲ .. ﻋﺰ ﺍﻟﻨﺎﺱ ﺧﻴﺎﺭ ﺗﺮﻳﺴﻲ ..
ﺭﺩﻭﻫﺎ ﻭﺍﺻﻮﺍﺗﻬﻢ ﻛﻞ ﻣﺎﻟﻬﺎ ﺗﻌﻼ ﻭﻳﺰﻳﺪﻭﺍ ﻳﺸﻴﺸﻮﺍ ﺍﻛﺜﺮ ..
ﻛﺎﻥ ﻛﻞ ﺍﻟﻠﻲ ﻓﺎﻟﺨﻴﻤﻪ ﻣﺘﻔﺎﻋﻞ ﻣﻊ ﺍﻟﺠﻮ
ﺣﺘﻰ ﻣﻦ ﺍﻟﺒﻨﺎﺕ ﺍﻟﺼﻐﺎﺭ .. ﺍﺳﻴﺎ ﺑﺮﻭﺣﻬﺎ ﺗﻬﺰ
ﺍﻟﻜﻞ ﺇﻻ ﺗﻼﺗﻪ
ﺣﻤﻴﺪﻩ ﺍﻟﻠﻲ ﻛﺎﻧﺖ ﺗﺘﻔﺮﺝ ﻋﻠﻴﻬﻢ ﻭﺗﺼﻔﻖ ﻭﺧﻼﺹ
ﻭﺳﻤﻴﻪ ﺍﻟﻠﻲ ﻛﺎﻧﺖ ﻗﺎﻟﺒﻪ ﻭﺟﻬﻬﺎ ﻭﺗﺼﻔﻖ ﻣﻦ ﻏﻴﺮ ﻧﻴﻪ
ﻭﺩﻻﻝ ﺍﻟﻠﻲ ﻛﺎﻧﺖ ﻣﻘﻌﻤﺰﺓ ﺗﺸﻮﻓﻠﻬﻢ ﻭﻫﻲ ﻣﺒﺘﺴﻤﻪ
ﺣﺘﻰ ﺍﻟﺘﺼﻔﻴﻖ ﻣﺎﺗﺒﻴﺶ ﺗﺼﻔﻖ
ﻟﻮﻻ ﺣﺒﻬﺎ ﺍﻟﻜﺒﻴﺮ ﻟﺨﺎﻟﻬﺎ ﻫﺎﻧﻴﺒﺎﻝ ﻣﺎﻛﺎﻧﺘﺶ ﻣﻤﻜﻦ ﺗﺤﻀﺮ ﺍﻟﻌﺮﺱ ﻗﺎﻋﺪ ﺣﺰﻧﻬﺎ ﺟﺪﻳﺪ ﺗﻘﻮﻝ ﻟﻴﻪ ﻳﻮﻡ ﻭﻻﻳﻮﻣﻴﻦ
ﻣﻦ ﺩﺍﺧﻠﻬﺎ ﻣﺶ ﻣﺘﻘﺒﻠﻪ ﺑﺘﺎﺗﺎ ﻭﺟﻮﺩﻫﺎ ﻓﻲ ﺍﻟﻤﻜﺎﻥ
🍁🍁🍁🍁
ﺧﺪﻳﺠﻪ : ﻗﻴﺴﻪ ﺑﻮﻩ ﻋﻠﻴﻪ ﻣﺮﺑﺢ .. ﻓﺎﻟﻌﻴﻦ ﺍﻟﺴﻮﺩﺍ ﻳﺘﺼﺒﺢ
ﻭﻫﻤﺎ ﻳﺮﺩﻭﺍ ﻭﺭﺍﻫﺎ ..
ﻓﺎﻳﺰﺓ : ﻣﺮﺑﻴﻬﺎ ﺳﻤﺢ ﺍﻟﺘﻮﺻﻴﻒ .. ﻋﻠﻴﻬﺎ ﻣﺎﺟﺎﺑﻮﺍ ﺗﺨﺮﻳﻒ
ﻭﺭﺩﻭﺍ ﻭﺭﺍﻫﺎ ﻭﺍﻹﻳﺪﻳﻦ ﺗﺼﻔﻖ ﺑﺤﺮﺍﺭﺓ
🍁🍁🍁🍁
ﻫﻴﺠﻮﺍ ﻫﻴﺠﻮﺍ ﻫﻴﺠﻮﺍ
ﺭﺩﻭﺍ ﻭﺭﺍﻫﺎ
ﺍﺭﻳﺞ :
ﻫﻴﺠﻮﺍ .. ﻣﺤﻠﻰ ﺍﻟﻬﻴﺎﺟﻪ ..
ﻫﻴﺠﻮﺍ .. ﻣﺎﺗﺨﺎﻓﺶ ﺣﺎﺟﻪ ..
ﻛﺎﻧﻮﺍ ﺍﻟﺨﻮﺍﺕ ﺍﻻﺭﺑﻌﻪ ﻧﺎﻳﻀﺎﺕ ﻳﺮﻗﺼﻮﺍ ..
ﻏﺎﻟﻴﻪ ﺯﻳﻨﺐ ﻛﻔﺎﻳﻪ ﻭﻧﻌﻴﻤﻪ ...
ﻭﺍﻟﻠﻲ ﻓﻲ ﺍﻟﺨﻴﻤﻪ ﺷﺎﻳﺸﻴﻦ ﻣﻊ ﺍﻏﻨﻴﻪ ﺍﺭﻳﺞ ...
ﻫﻤﺎ ﻳﻘﻮﻟﻮﺍ ..
ﻫﻴﺠﻮﺍ .
ﻭﻫﻲ ﺗﻘﻮﻝ ..
ﺍﻳﺪﻱ ﻓﺈﻳﺪﻳﻜﻢ
ﻫﻴﺠﻮﺍ ..
ﻣﺎﺗﺨﺎﻑ ﻋﻠﻴﻜﻢ ..
ﻛﻠﻬﻢ ﺑﺼﻮﺕ ﻭﺍﺣﺪ .
ﻫﻴﺠﻮﺍ ﻫﻴﺠﻮﺍ ﻫﻴﺠﻮﺍ ...
ﻫﻴﺠﻮﺍ ﻫﻴﺠﻮﺍ ﻫﻴﺠﻮﺍ ...
ﻫﻤﺎ ﻳﻘﻮﻟﻮﺍ ﻫﻴﺠﻮﺍ ..
ﻭﻛﻔﺎﻳﻪ ﻗﺮﻳﺐ ﺗﻬﺒﻞ 😂..
ﻫﻴﺠﻮﺍ
ﺍﺭﻳﺞ ..
ﺳﻬﺮﺓ ﻛﻞ ﻟﻴﻠﻪ ..
ﻫﻴﺠﻮﺍ ..
ﺯﺣﻤﻪ ﻭﻋﻮﻳﻠﻪ
ﻫﻴﺠﻮﺍ
ﺭﺑﻲ ﻳﻘﻮﻳﻜﻢ
ﻫﻴﺠﻮﺍ
ﻣﺘﻬﻨﻲ ﺑﻴﻜﻢ ..
ﻭﺍﻟﻠﻲ ﻫﺪﺍ ﻧﺎﺿﺖ ﺗﺮﻗﺺ
ﻭﻣﻘﻌﻤﺰﻳﻦ ﻭﻳﺮﻗﺼﻮﺍ ﻳﻐﻨﻮﺍ ﺑﺼﻮﺕ ﻭﺍﺣﺪ
ﻫﻴﺠﻮﺍ ﻫﻴﺠﻮﺍ ﻫﻴﺠﻮﺍ ..
ﻫﻴﺠﻮﺍ ﻫﻴﺠﻮﺍ ﻫﻴﺠﻮﺍ ..
ﻭﻓﻀﻴﻠﻪ ﺗﺰﻏﺮﻁ
🍁🍁🍁🍁
ﺻﻮﺕ ﺗﺼﻔﻴﻖ ﻗﻮﻱ ﻭﻫﻴﺎﺟﻪ
ﻓﻲ ﺣﻮﺵ ﺍﻫﻞ ﺍﻟﻌﺮﻭﺳﻪ ..
ﻗﻮﻟﻮﺍ ﻳﺎﻟﻠﻪ ﻋﻠﻴﻨﺎ ..
ﻳﺎﻣﺎﺷﺎﺀ ﺍﻟﻠﻪ ﻋﻠﻴﻨﺎ ...
ﻭﺧﻮﺍﺗﻬﺎ ﻧﺎﻳﻀﺎﺕ ﻳﺮﻗﺼﻮﺍ ..
ﺣﺠﻢ ﺍﻟﻔﺮﺣﻪ ﺍﻟﻠﻲ ﺗﺤﺲ ﺑﻴﻪ ﻣﺮﺍﻡ ﺑﺤﺠﻢ ﺍﻟﺪﻧﻴﺎ ﻛﻠﻬﺎ ..
💕💕💕💕💕
ﻭﺍﻟﻘﻄﻌﻪ ﻛﺎﻥ ﻣﻘﻠﻮﺑﻪ ﻗﻠﺐ ..
ﻣﺠﻤﻮﻋﻪ ﺍﺻﻮﺍﺕ ﺍﺗﺤﺪﺕ ﻭﺩﺍﺭﺕ ﺻﻮﺕ ﻭﺍﺣﺪ ﻳﻘﻮﻝ ..
ﺩﺭﻳﺐ ﺩﺭﻳﺐ ﺩﺭﻳﺐ ﻧﺠﻲ ﺍﻟﻌﻴﻠﻪ ﻳﺎﺭﺏ ..
ﺩﺭﻳﺐ ﺩﺭﻳﺐ ﻧﺠﻲ ﺍﻟﻌﻴﻠﻪ ﻳﺎﺭﺏ ..
ﻭﺍﻟﻠﻲ ﻣﺎﻳﻌﺮﻑ ﺟﻮﻧﺎ ..
ﺇﻥ ﺷﺎﺀ ﺍﻟﻠﻪ ﻳﺎﺧﺪ ﺳﻮﻧﺎ ..
🍁 ﺍﻟﻮﻻﺩ ﻗﺪﺍﻡ ﺍﻟﻤﺮﺑﻮﻋﻪ ..
ﻋﻤﺎﺩ : ﺍﻗﺴﻢ ﺑﺎﻟﻠﻪ ﻟﻤﺎ ﻧﺎﺧﺪﻫﺎ ﺑﻌﺪﻳﻦ ﻭﻧﺠﻴﺒﻬﺎ ﻫﻨﻲ .. ﺣﻼﻝ ﻏﻴﺮ ﻋﻠﻴﻬﻢ ﻫﻤﺎ ﺍﻟﻬﻴﺎﺟﻪ ..
ﻗﻌﺪﻭﺍ ﻳﻀﺤﻜﻮﺍ ﺍﻟﻮﻻﺩ ..
ﻣﺤﻤﺪ ﺑﻀﺤﻜﻪ : ﻓﻲ ﻓﺮﻗﻪ ﺷﻌﺮ ﺟﺎﻳﻪ ﻧﻬﺎﺭ ﺍﻟﺘﻼﺕ .. ﻭﻓﺮﻗﻪ ﺗﺎﻧﻴﻪ ﺟﺎﻳﻪ ﻧﻬﺎﺭ ﺍﻹﺭﺑﻌﺎﺀ ﻫﻴﺞ ﻟﻴﻦ ﺗﻤﻮﺕ ﻣﻦ ﺍﻟﻬﻴﺎﺟﻪ ..
ﻋﻤﺎﺩ ﺷﺒﺤﻠﻪ ﺑﺮﺑﻊ ..
ﻭﻣﺤﻤﺪ ﻳﻀﺤﻚ ..
ﻣﺎﻟﻚ : ﺗﻲ ﺑﺎﻫﻲ ﻳﺎﻭﺩﻱ ﻳﺤﺴﺒﻮﻧﺎ ﻓﻄﺮﻑ ﻣﻘﺮﻭﺽ .. ﺑﺎﻋﺘﻴﻨﺎ ﺍﻟﻜﻌﻚ ﺍﻟﻤﺎﻟﺢ ﻭﺍﻟﺤﻠﻮ ﺷﻦ ﺑﻨﺪﻳﺮﻭﺍ ﺑﻴﻬﻢ ..
ﺣﻤﺰﺓ : ﻭﻓﻮﻗﻬﺎ ﺍﻟﻮﺍﺗﻲ ﺍﻟﻠﻲ ﻣﻦ ﺑﺮﺍ ﻻ ﺭﻳﺤﻪ ﻻﺑﻨﺔ ..
ﻋﻤﺮ : ﻗﺴﻤﺎ ﺑﺎﻟﻠﻪ ﻗﺮﺷﺖ ﻭﺣﺪﻩ ﻗﺮﺷﻪ ﺑﺲ ﻭﺳﻴﺒﺘﻬﺎ ..
ﻋﻤﺎﺩ ﻭﻫﻮ ﻳﺸﺒﺢ ﻟﻠﺤﻮﺵ : ﺗﻮ ﻫﻤﺎ ﻛﻠﻬﻢ ﻓﻲ ﺍﻟﺨﻴﻤﻪ ﻭﻻ ..
ﻣﺤﻤﺪ : ﺷﻦ ﺑﺪﻳﺮ ..
ﻋﻤﺎﺩ : ﺑﻨﺠﻴﺐ ﺳﻄﻞ ﺍﻟﻤﻘﺮﻭﺽ ﻭﺟﺎﻱ ..
ﻣﺎﻟﻚ : ﺭﺑﻲ ﻣﻌﺎﻙ ﻳﺎﺑﻄﻞ ..
ﺣﻤﺰﺓ : ﺗﺮﻭﺡ ﺳﺎﻟﻢ ﻏﺎﻧﻢ ..
ﻋﻤﺮ : ﺍﻗﺮﺍ ﻭﺟﻌﻠﻨﺎ ﻣﻦ ﺑﻴﻦ ﺍﻳﺪﻳﻬﻢ ﺳﺪﺍ ﻭﻣﻦ ﺧﻠﻔﻬﻢ ﺳﺪﺍ ..
ﻋﻤﺎﺩ ﻣﺸﻲ ﻭﻫﻮ ﻳﻀﺤﻚ ..
ﻫﻤﺎ ﺿﺤﻜﻮﺍ ﺑﻌﺪﻳﻦ ﻗﺎﻝ ﻋﻤﺮ ..
ﻋﻤﺮ : ﺳﻨﺪ ﻭﺗﻮﻓﻴﻖ ﻭﻳﻦ ﻣﺎﻓﻲ ﺍﻟﺸﻴﺎﺑﻴﻦ ﺗﻠﻘﺎﻫﻢ ..
ﻣﺤﻤﺪ : ﺣﺪﺍ ﺳﻌﺪ ﻭﺣﺴﻦ ﻭﺧﻠﻴﻔﻪ ﺗﺠﺎﺭ ﻣﻊ ﺑﻌﺾ ..
ﺣﻤﺰﺓ ﺑﻀﺤﻜﻪ : ﺧﻴﺮﻩ ﻋﻤﺎﺩ .
ﻣﺎﻟﻚ : ﻋﻤﺎﺩ ﺣﺎﻟﺔ ﺧﺎﺻﻪ ..
ﻋﻤﺮ : ﺍﻳﻪ ﻭﺍﻟﻠﻪ ﺧﺎﺻﻪ ..
💕💕💕💕
ﺍﻟﺤﺎﻟﻪ ﺍﻟﺨﺎﺻﻪ ﻓﻲ ﺍﻟﻜﻮﺟﻴﻨﻪ ﻳﺪﻭﺭ ﻉ ﺍﻟﺴﻄﻞ ﻭﻫﻮ ﻳﺪﻧﺪﻥ
ﻣﺒﺮﻭﻙ ﺍﻟﻌﺮﺳﻪ ﻭﺍﻟﺨﻴﻤﻪ ... ﻳﺎ ﻟﻠﻲ ﻣﺶ ﻋﺎﺭﻑ ﺷﻨﻮ .. ﺩﻳﻤﻪ ..
ﻳﺴﻤﻊ ﻓﻴﻬﻢ ﻳﻐﻨﻮﺍ ﻓﻴﻬﺎ ﻭﻣﺶ ﺯﺍﺑﻂ ﺍﻟﻜﻼﻡ ﻛﻮﻳﺲ ..
ﺷﻮﻳﻪ ..
ﻋﻤﺎﺩ : ﻟﻘﻴﺘﻚ ..
ﺧﺪﻱ ﺍﻟﺴﻄﻞ ﻗﺎﻣﻪ ﻭﻓﺘﺤﻪ ...
ﺧﺪﻱ ﻃﺮﻑ ﻛﻠﻲ ﻣﻨﻪ ﻭﻫﻮ ﻳﻘﻮﻝ : ﺯﻋﻤﺎ ﺍﻣﺎ ﻃﺮﻭﻑ ﺩﺍﺭﺗﻬﻢ ﺍﻟﻤﻠﻌﻘﻪ ..
ﻓﺠﺄﺓ ..
ﺍﻧﻔﺘﺢ ﺍﻟﺒﺎﺏ ..
ﻫﻮ ﻗﺮﻳﺐ ﻏﺺ ..
ﺗﻠﻔﺖ ﺑﺒﻄﺊ ..
ﻭﻟﻤﺎ ﺟﺖ ﻋﻴﻨﻪ ﻉ ﺍﻟﻠﻲ ﺧﺸﺖ ﻣﺎﻗﺪﺭﺵ ﻳﻐﻴﺮﻫﺎ .. ﻭﻻﻗﺪﺭ ﻳﺮﻣﺶ ..
ﻗﻠﺒﻪ ﺟﻦ ﺟﻨﻮﻧﻪ .. ﻭﻣﺸﺎﻋﺮﻩ ﻛﻠﻬﺎ ﺗﺤﺮﻛﺖ ﻓﻮﻗﺖ ﻭﺍﺣﺪ ﻭﺩﺍﺭﺕ ﻋﺎﺻﻔﺔ ﻣﺸﺎﻋﺮ ...
ﻋﻴﻮﻧﻪ ﻛﺎﻧﻮﺍ ﻣﻠﻬﻮﻓﺎﺕ ﻭﻳﺒﻮﺍ ﻳﺘﻤﻠﻮﺍ ﻭﺧﻼﺹ ..
💕 ﻫﻲ ﻗﻌﺪﺕ ﺟﺎﻣﺪﻩ ﻓﻤﻜﺎﻧﻬﺎ ﻣﻌﺎﺵ ﻋﺮﻓﺖ ﺗﺘﺤﺮﻙ ..
ﻋﻤﺎﺩ : ﺭﺯﺍﻥ 💕
ﻫﻲ ﻟﻤﺎ ﻗﺎﻝ ﺍﺳﻤﻬﺎ ..
ﺍﺳﺘﺎﻗﻀﺖ ﻟﻨﻔﺴﻬﺎ ﻭﻫﺮﺑﺖ ..
ﻋﻤﺎﺩ ﺭﻣﺶ ﻋﻴﻮﻧﻪ ﻭﺷﺒﺢ ﻟﻠﻤﻘﺮﻭﺿﻪ ﺍﻟﻠﻲ ﻓﻴﺪﻩ ...
ﻛﻼﻫﺎ ﻓﻔﻢ ﻭﺍﺣﺪ .. ﻭﻛﺎﻧﺖ ﺍﻧﻔﺎﺳﻪ ﻣﺘﺴﺎﺭﻋﻪ ﻭﻓﺼﺪﺭﻩ ﻟﻬﻴﺐ ﻣﺴﺘﻌﺮ 🔥
ﻣﺸﻲ ﻃﻠﻊ ﺑﺎﻟﺴﻄﻞ ﻭﻋﻘﻠﻪ ﻣﺴﻠﻮﺏ ..
ﻣﻦ ﻏﻴﺮ ﺷﻲ ﻣﺬﻭﺑﺎﺗﻪ ﻓﻴﻬﺎ ..
ﻣﻦ ﻟﻤﺎ ﻛﺎﻧﺖ ﺍﻟﺒﻨﻴﻪ ﺍﻟﺼﻐﻴﺮﻩ ﺍﻡ ﺍﻟﻘﺮﻳﻨﺎﺕ ..
ﻭﺗﻮﺍ ﺑﻨﺖ 18 ﺳﻨﻪ ﺍﻟﻠﻲ ﻛﻠﻬﺎ ﺍﻧﻮﺛﻪ ﻭﺟﻤﺎﻝ .. ﻛﺎﻥ ﻣﺎﺳﻠﺒﺖ ﻫﻲ ﻋﻘﻠﻪ ﻣﺎﻝ ﻣﻦ ﻳﻴﺴﻠﺒﻪ ..
ﺣﻂ ﺍﻟﺴﻄﻞ ﺣﺪﺍ ﺍﻟﻮﻻﺩ ﻗﻌﺪﻭﺍ ﻳﺎﻛﻠﻮﺍ ﻭﻳﺸﺮﺑﻮﺍ ﻓﺎﻟﺸﺎﻫﻲ ..
ﻭﻫﻮ ﻋﻴﻮﻧﻪ ﻉ ﺧﺎﻟﻪ ﻣﻴﻼﺩ ﺍﻟﻠﻲ ﻭﺍﻗﻒ ﻉ ﺧﻮﺍﻟﻪ ﻫﺎﻧﻴﺒﺎﻝ ﻭﺍﻟﻬﺎﺩﻱ ﻭﺣﻤﻴﺪ ﻳﻬﺪﺭﺯﻭﺍ ..
ﻫﺎﻧﻴﺒﺎﻝ؛ﻋﻤﺮ ﻭﻣﺤﻤﺪ ﺍﻭﻟﻰ ..
ﻣﻴﻼﺩ : ﻛﻮﻳﺲ ﻧﻔﺘﺤﻮﺍ ﻣﻌﺎﻫﻢ ﺍﻟﻤﻮﺿﻮﻉ ...
ﻫﺎﻧﻴﺒﺎﻝ ﺷﺒﺤﻠﻬﻢ : ﻋﻤﻤﺮ .. ﻣﺎﺍﺍﻣﺤﺪ ..
ﺯﻭﺯ ﺷﺒﺤﻮﻟﻪ ﻧﺎﺿﻮﺍ ﻣﻦ ﻣﻜﺎﻧﺘﻬﻢ ﻭﻣﺸﻮﻟﻪ ﻃﻮﻝ ..
🍁🍁🍁🍁🍁
ﺗﻤﺖ ﺍﻟﺴﻬﺮﻳﻪ ﻉ ﺧﻴﺮ ..
ﻭﻛﺎﻧﺖ ﻟﻴﻠﻪ ﺟﻤﻴﻠﻪ ﺑﻜﻞ ﺍﻟﻤﻘﺎﻳﻴﺲ ..
ﺑﻠﻘﻴﺲ : ﺗﻤﺎﻡ ﻏﺪﻭﺓ ﻧﺠﻲ ﻣﻦ 11 ﻫﻨﻰ ﺑﺶ ﻧﻮﺗﻮﺍ ﺍﺭﻭﺍﺣﻨﺎ ﻣﻊ ﺑﻌﻀﻨﺎ .
ﺭﺯﺍﻥ : ﺑﺎﻫﻲ .
ﺑﻠﻘﻴﺲ : ﺗﺼﺒﺤﻦ ﻉ ﺧﻴﺮ ..
ﻭﺧﺮﺕ ﻭﻫﻲ ﻣﺎﺷﻴﻪ : ﺗﺼﺒﺤﻮﺍ ﻉ ﺧﻴﺮ ..
ﻛﻠﻬﻢ ﺭﺩﻭﺍ ﺑﺎﺻﻮﺍﺕ ﻣﺘﻘﻄﻌﻪ : ﻗﺪﺍﻣﻚ ﻛﻞ ﺧﻴﺮ ..
ﻭﻣﺸﺖ ﻃﻮﻝ ﺟﺮﻱ ﺑﺶ ﺗﻠﺤﻖ ﻉ ﺍﻟﻠﻲ ﺟﺎﻳﻴﻦ ﻣﻌﺎﻩ ..
ﻭﺻﻠﺖ ﻓﺄﺭﻳﺞ ..
ﺑﻠﻘﻴﺲ : ﻗﻤﺘﻴﻬﺎ ﻳﺎﺩﻋﻮﺓ ..
ﺍﺭﻳﺞ ﺑﻀﺤﻜﻪ : ﻣﺎﻋﻨﺪﻳﺶ ﺍﻟﺮﻭﺡ ﻣﻊ ﺍﻟﻬﻴﺎﺟﻪ ﻭﻫﻤﺎ ﻳﻬﺒﻠﻮﺍ ﺍﻟﺤﻖ ...
ﺗﻨﻬﺪﺕ ﺑﻠﻘﻴﺲ : ﻫﻤﺎ ﻳﻬﺒﻠﻮﺍ ﺍﻳﻪ .. ﺑﺲ ﻫﺒﺎﻟﻬﻢ ﻫﻤﺎ ﻓﻜﻔﻪ ﻭﻫﺒﺎﻝ ﺣﻤﻴﺪﺍ ﻓﻜﻔﻪ ﺗﺎﻧﻴﻪ ..
ﺿﺤﻜﺖ ﺍﺭﻳﺞ ..
🍁🍁🍁
ﻟﻴﻠﺘﻬﺎ ﻛﻠﻬﻢ ﺭﻗﺪﻭﺍ ﺑﻜﺮﻱ ﻷﻥ ﻭﺭﺍﻫﻢ ﻳﻮﻡ ﺣﺎﻓﻞ
ﺑﺲ ﻣﺎﺣﺪﺵ ﻛﺎﻥ ﺳﺎﻫﺮ ﺍﻟﻠﻴﻞ ﻏﻴﺮ ﻋﻤﺎﺩ ..
ﻋﻤﺎﺩ ﺑﺘﺬﻣﺮ : ﺗﺲ .. ﺍﻓﻔﻔﻔﻒ .. ﻏﻴﺮ ﺷﻦ ﺑﻴﺼﺒﺮﻧﻲ ﻟﻴﻦ ﺗﻜﻤﻞ ﻗﺮﺍﻳﺘﻬﺎ ﺑﺲ ..!! ﻟﻒ ﻉ ﺟﻨﺒﻪ ﺍﻟﻴﻤﻴﻦ ﻭﻗﺎﻝ : ﻛﺎﻥ ﺯﺍﺩ ﺍﻟﻮﺿﻊ ﻋﻦ ﺣﺪﻩ ﺧﺎﻳﻒ ﻧﺨﻄﻔﻬﺎ ﻭﻧﺪﻳﺮ ﺍﻟﻌﺎﺭ 💕
ﻭﻗﻌﺪ ﺳﺎﻫﺮ ﻳﺘﻘﻠﺐ ﻫﻨﻲ ﻭﻫﻨﻲ ﻉ ﻧﺎﺭ ﻋﺸﻘﻪ ﻭﺷﻮﻗﻪ ..
ﻭﻫﻲ ﺭﺍﻗﺪﻩ ﻓﺴﺎﺑﻊ ﺣﻠﻤﻪ ﻣﺎﺗﻨﺪﺭﻱ ﻉ ﺣﺎﺟﻪ
🍁🍁🍁
ﺗﺎﻧﻲ ﻳﻮﻡ
ﻧﺎﺿﻮﺍ ﻣﻦ 7 ﺑﺶ ﻳﺤﻨﻮﺍ ..
ﻣﺎﻳﺠﻴﺶ ﻳﻘﻌﺪﻭﺍ ﺑﻼﺣﻨﻪ ..
ﺍﻟﺒﻨﺎﺕ ﻧﺎﺿﻮﺍ ﺑﺎﻟﺴﻴﻒ ﻭﺣﻨﻮﻫﻢ ..
ﻭﻗﻌﺪﺕ ﻏﺎﻟﻴﻪ ﺑﺮﻭﺣﻬﺎ ﺍﺩﻭﺭ ﻫﻨﻲ ﻭﻏﺎﺩﻱ ..
ﻟﻌﻨﺪ ﺍﻟﺴﺎﻋﻪ .
11:00 .. ﺗﺤﺪﻳﺪﺍ .
ﻃﻖ ﺑﺎﺏ ﻓﻢ ﺍﻟﺒﻮﺍﺑﻪ ..
ﻛﻠﻬﻢ ﺍﺳﺘﻐﺮﺑﻮﺍ ..
" ﻳﺎﻋﻮﻳﻠﻪ .."
ﺷﺒﺤﻮﺍ ﻟﺒﻌﺾ ﺷﻮﻳﻪ ..
ﺑﻌﺪﻳﻦ ﻧﺎﺿﺖ ﻏﺎﻟﻴﻪ ﺑﺶ ﺗﺸﻮﻑ ﻣﻨﻮ ..
ﻭﺻﻠﺖ ﻓﻲ ﺍﻟﺴﻘﻴﻔﻪ ﻭﺷﺎﻓﺖ ﺍﻟﻤﺮﺍﺓ ﺍﻟﻠﻲ ﺟﺎﻳﻪ ..
ﻏﺎﻟﻴﻪ ﻣﺎﺯﺑﻄﺘﻬﺎﺵ ﻟﻜﻦ ﻫﻲ ﻋﺮﻓﺘﻬﺎ ..
ﻧﺮﺟﺲ : ﻏﺎﻟﻴﻪ ..!
ﻏﺎﻟﻴﻪ ﺿﻴﻘ
