သန့် - " ဒါဆို ထားခဲ့ပြီနော်... "
အနားမှ ထွက်သွားသော သန့်၏ နောက်ကျောကို ငေးကြည့်မိလေသည်။
သည်ကလေးမ အဲ့လိုစကားတွေ ထပ်ပြောနေပြန်ပြီ...
နေ့ရက်တို့ကို လက်ချိုးရေတွက်ရင်း ရင်မောမိလေသည်။
......................................................
ကျွန်မ အိပ်ရာမှ နိုးလာချိန် နံဘေးတွင် သန့်ရှိမနေပေ။ အောက်ခဏဆင်းသွားသည် ထင်ပါရဲ့။ ကျွန်မလည်း မျက်နှာသစ်ရန် ရေချိုးခန်းဆီသို့ ထွက်လာလေ၏။
ရေချိုးခန်းတံခါးကို ဆွဲဖွင့်ရာ အထဲမှ Lock ချထားလေသည်။ ကျွန်မ တံခါးကို နှစ်ချက်ဆင့် ခေါက်လိုက်လေသည်။
"ဒေါက်... ဒေါက်... "
ကျွန်မ - " အသန့်လေးလား... "
သန့် - " ဟုတ်... ဟုတ်တယ် မမ... အာ့... "
ကျွန်မ - " အသန့်လေး ဘာဖြစ်လို့လဲ... "
သန့် - " ဗိုက်တအားအောင့်နေလို့... "
ကျွန်မ - " ကိစ္စပြီးရင် ထွက်ခဲ့... ဆရာဝန် လှမ်းခေါ်ထားမယ်... "
ကျွန်မ အမြန်ပင် ဖုန်းကို ပြေးယူ၍ ဆရာဝန်ထံသို့ ဖုန်းဆက်လိုက်လေသည်။
.............................................
ဆရာဝန်က ရောက်လာသည်နှင့် သန့်ကို မျက်မှောင်ကျုံ့ကြည့်ကာ ဆူလေသည်။
Doctor - " နင် အစားအသောက်ကို မဆင်ခြင်ပြန်ဘူးလား ရွှေသန့်... ငါ ဘယ်လိုပြောမှ နင်နားဝင်မှာလဲ... "
သန့် - " ဆင်ခြင်ပါတယ် အစ်မရယ်... အခုက စာရေးရင်း စားလိုက်တဲ့ အာလူးကြော်က ဘယ်လို ငရုတ်သီးပါလို့လဲ မသိဘူး... ညသန်းခေါင်လောက်ကတည်းက ခဏခဏ ဝမ်းတွေသွားနေတာ... "
Doctor - " ငါ နင့်ကို အာလူးကြော်ကို အချိုပြောင်းစားဖို့ ပြောထားတယ်လေ... ရွှေသန့် ငါနင့်ကို ဆူရတာ မောလာပြီ... နင့်မှာ ဝမ်းကိုက်ပိုး ရှိနေတဲ့ဟာ... ဒီအချိုးအတိုင်းသာဆို ဝမ်းလျှောပြီး သေတဲ့မသာဆိုပြီး နင် နာမည်ကြီးလိမ့်မယ် သိလား... "
YOU ARE READING
The Rope (Own Creation)
Teen FictionAs my own style, I rated this story as 13 yrs old & above. (Zawgyi) တခ်ိဳ႕ေသာ ၾကိဳးေတြက မထံုးႏိုင္ေပမယ့္လည္း ႐ုန္းႏိုင္ခဲတယ္ေလ... Summary အလြန္ထက္ျမက္တဲ့ သန့္ၾကယ္စင္ဆိုေသာ မိန္းကေလး ရည္းစားေဟာင္းႏွင့္ ျပႆနာတက္ကာ စိတ္ေျပလက္ေပ်ာက္ ခရီးထြက္လာရင္း သႏၱာ...
Part 29 (Unicode)
Start from the beginning
