The Rope (Own Creation)

Part 27 (Unicode)

သန့် - " သြော်... ပယောဂ မကင်းဘူးထင်တယ်ပေါ့... ဒါပဲလား... "

ဖြူ - " ရှင်... "

သန့်၏ စကားကြောင့် ဖြူစင်က တအံ့တသြ ဖြစ်သွားရလေသည်။

သန့် - " ပယောဂ မကင်းရုံပဲလား... မင်းကြောင့်လို့ တစ်ထစ်ချမထင်ဘူးလား... "

ဖြူ - " သမီး သေချာ မသိတော့ဘူး... အဲ့နေ့က သမီးမူးပြီး သမီး သူငယ်ချင်းဆီ ဖုန်းဆက် ငိုတယ်... မနက်ရောက်တော့ သူ့ဂျာနယ်တိုက်ကနေ မနဲ့ မယမုံအကြောင်း သတင်းတက်လာတယ်... သမီး ပြောလိုက်မိလား ဆိုတာ သမီးကိုယ်သမီး တွေဝေနေတာ... ဒါပေမယ့် မကို တောင်းပန်သင့်တယ် ထင်လို့ ... "

သန့် - " ဆိုလိုတာက မရည်ရွယ်ပါဘူးပေါ့... "

ဖြူ - " တကယ်ပါ မရယ်... မကို သမီးက ဒီလောက်ချစ်တာ မကို ဒုက္ခရောက်အောင် လုပ်ပါ့မလား... "

သန့် - " တို့ကလည်း ဒုက္ခမရောက်ပါဘူး... ဒီလောက်ကလေးက တို့အတွက် စာမဖွဲ့ပါဘူး... ယမုံကတော့ တိုင်ပတ်သွားတယ် ထင်တယ်... တို့က တို့ကောင်မလေးကို ချော့လိုက်ရရုံပါပဲ ... တခြား ထွေထွေထူးထူး မရှိပါဘူး... "

ဖြူ - " မရဲ့ ကောင်မလေးက ဘယ်သူလဲ... "

သန့် - " အချိန်တန်ရင် သိရမှာပေါ့... ဘာတွေလောနေတာလဲ... "

ဖြူ - " မမှာ ကောင်မလေးရှိတယ် ဆိုတာကိုမှ မယုံနိုင်တဲ့ဟာ... "

ဖြူစင့်စကားကြောင့် သန့်က ခေါင်းကုတ်လိုက်လေ၏။

သန့် - " ဘယ့်နှယ့် ... တို့က မင်းကို နောက်နေတဲ့ပုံ ပေါက်နေလို့လား... "

ဖြူ - " သမီးကို သူနဲ့ မိတ်ဆက်ပေးမှ ယုံမယ်... "

သန့် - " ညီမလေး... သူ့ဘက်က ပြောလို့ အဆင်ပြေတဲ့အချိန်ကျရင် Public ကို ထုတ်မပြောခင် ညီမလေးနဲ့ အရင် မိတ်ဆက်ပေးမယ်... ဟုတ်ပြီလား... "

ဖြူ - " ဒါဆို ... မမှာ တကယ် ကောင်မလေး ရှိနေတာပေါ့... "

သန့် - " သြော်... တကယ်ပါဆိုနေ... "

ဖြူစင်က ခေါင်းငိုက်စိုက်ချလိုက်လေသည်။

.......................................