ဖြူ - " မက အဆုံးထိ သမီးကို ခေါင်းထဲမှာ မရှိဘူးပဲ... "
သန့် - " ဆိုပါတော့... ဖြူစင်နှင်း မင်းဘာလို့ ဆရာမလုပ်နေတာလဲ... ဆရာ၊ ဆရာမဆိုတာ တပည့်တွေအတွက် တွေးပေးရမှာပဲလေ... မင်းဘက်က တို့ကို ဘယ်လိုသဘောထားထား တို့အတွက် မင်းက ဂျူနီယာတစ်ယောက်၊ တပည့် တစ်ယောက်ပဲ... "
ဖြူ - " နားလည်ပြီမို့လို့ ထပ်ခါထပ်ခါ မပြောပါနဲ့ ... မက တစ်ခါပြောတိုင်း သမီးရင်ထဲကို မြားတစ်ချောင်းလာစိုက်တယ်... "
သန့် - " ဖြူစင် ညီမလေး... တို့အနေနဲ့ မင်းပြိုလဲနေတာကို မမြင်ချင်ဘူး... အနားယူလိုက်ပါ... သက်သာလာလိမ့်မယ်... မသက်သာရင် တို့ကို အားရပါးရဆဲလိုက်... ဟုတ်ပြီလား... "
ဖြူစင်က သန့်ထံမှ မျက်နှာလွှဲလိုက်လေ၏။
......................................................
သန့်ပြောသော စကားတို့ကို နားထောင်ရင်း ကျွန်မ ဧကန်ပင် စိတ်မသက်မသာ ဖြစ်ရပါသည်။
ကျွန်မ - " ဖြူစင်က အသန့်လေးကို တော်တော်သဘောကျနေတာပဲ... "
သန့် - " အဲ့တော့ရော ဘာလုပ်ရမှာလဲ... အသန့်လေးမှာ မမ ရှိနေတာပဲကို ... မမ မရှိရင်တောင် အသန့်လေး သူ့ကို ရွေးမှာ မဟုတ်ဘူး... "
ကျွန်မ - " ဟင် ... ဘာလို့လဲ... "
သန့် - " မမက အသည်းထဲမှာ နေရာယူထားပြီးသားလေ... "
ကျွန်မ - " အပြောကတော့ တကယ်ကောင်းတယ်... အဲ့ဒါကြောင့်လည်း သည်လောက် ဝိုင်းဝိုင်းလည်နေတာ... "
သန့် - " ဒါပေမယ့် အသန့်လေးက ဘယ်တော့ဖြစ်ဖြစ် မမကိုပဲ ထပ်ခါထပ်ခါ ရွေးမှာ... အချစ်ဆိုတာကလေ Timing ရှိတယ်... မမနဲ့ အသန့်လေးက လုံးဝ Timing ကွက်တိ ချစ်ကြလို့ အခုလို နှလုံးသားချင်း ထပ်တူကျနေတာပေါ့ ... "
သန့်၏ စကားကြောင့် ကျွန်မက
ပြုံးလိုက်မိလေသည်။
ထိုစဉ် သန့်၏ ဖုန်းက ရုတ်တရက် ထမြည်လာလေသည်။
သန့် - " ဟင်... ယမုံဝင့်ဝါ ... မမ ခဏနော်... "
ကျွန်မက ခေါင်းညိမ့်လိုက်လေလျှင် သန့်က ဖုန်းကို ကိုင်လိုက်လေ၏။
YOU ARE READING
The Rope (Own Creation)
Teen FictionAs my own style, I rated this story as 13 yrs old & above. (Zawgyi) တခ်ိဳ႕ေသာ ၾကိဳးေတြက မထံုးႏိုင္ေပမယ့္လည္း ႐ုန္းႏိုင္ခဲတယ္ေလ... Summary အလြန္ထက္ျမက္တဲ့ သန့္ၾကယ္စင္ဆိုေသာ မိန္းကေလး ရည္းစားေဟာင္းႏွင့္ ျပႆနာတက္ကာ စိတ္ေျပလက္ေပ်ာက္ ခရီးထြက္လာရင္း သႏၱာ...
Part 26 (Unicode)
Start from the beginning
