CAPTIVATED BY TYRONE GREENE (TV Movie Adaptation & Published under Pop Fiction)

Chapter 12.3.3

#CBTG

#JorTy

#NagalitSiTy

********

CHAPTER 12.3.3

JORDAN's POV (Cont.)

"Me neither!" masaya rin namang sang-ayon ni Kirsten. "So, how are you?!"

"I'm good, I'm good. Ikaw? Kailan ka pa nakauwi?"

"Last week lang. Alam mo naman, malapit na ang birthday ni Ty. I wouldn't miss it for the world." Oh, I'm so dead.

"Oh, yeah! By the way..." Tila noon na lang sumagi sa isip ni Kirsten na kasama niya ako. "I would like you to meet someone so special to me and siyempre mas lalo na kay Kuya..." Pasimple siyang kumindat sa akin at hindi ko naiwasang ma-touched sa intro niya. "This is Jordan, girlfriend nga pala siya ni Kuya."

Agad na rumehistro ang gulat sa mukha n'ung babae. Hindi niya siguro inaasahan.

"Oh? Jordan..." All right, parang pinagbagsakan ng langit at lupa ang ekspresyon ng kanyang mukha. Pero sa kabila noon ay nakuha pa rin naman niyang ngumiti at naglahad ng kamay. "I'm Tiffany. It's nice to meet you."

"Nice to meet you too." Nakipagkamay rin naman ako kahit nag-aalangan.

"Yeah... well-- I don't know what to say," tila wala pa sa sariling sabi lang ni Tiffany at nangangapa nang dapat sabihin. Ilang beses na bumuka ang labi niya, pero wala namang lumabas na salita.

"Oh, there he is!" Sabay turo pa ni Kirsten kay Ty na papasok na noon sa may pinto. Naka navy blue long sleeve siya na nakarolyo hanggang sa siko. Sa sobrang kagwapuhan niya, kulang na lang ay lumingon sa kanya ang lahat ng mga tao sa loob ng resto. Kumaway-kaway pa si Kirsten sa kanya at agad kong nahuli ang kanyang tingin. Pero agad ding nabago ang ekspresyon niya nang mapagawi ang tingin niya kay Tiffany. Para bang minumukhaan niya ito base na rin sa kanyang ekspresyon.

"Tyrone!" Kulang na lang ay tumakbo si Tiffany palapit kay Tyrone at agad na yumakap. Hello! Nandito ang girlfriend!

"Tiff—" Tila natulala naman si Ty at agad ding napatingin sa akin. Hindi ko alam kung anong reaksyon ang lumabas sa mukha ko, pero ipokrita ako kung sasabihin kong hindi ako nagseselos.

"Oh my God, Ty! You look so good!" Humiwalay na nang bahagya si Tiffany sa boyfriend ko, pero humawak-hawak naman sa magkabilang braso niya. Haliparot! Grrrr...

"Thank you. So are you, Tiff." So are you, Tiff! Leche!

"Kailan ka pa rito?" tanong pa niya.

Nagbaba na ako nang tingin kaya hindi ko alam ang hitsura ni Ty. Gusto kong magwalk-out, pero alam ko namang sobrang immature ko kapag ginawa ko 'yun. Parang gusto kong umiyak kahit na wala pa namang ginagawang masama si Ty. Aish! Tangna namang pagmamahal 'to! Selfish mo, 'te!

"Last week lang. Siyempre naman gusto kong maka-attend sa birthday mo." Ang landi! Landi! Nakakainis! Hay naku, Jordan! Away 'yan kapag 'di ka umayos!

"Oh... yeah. Gee, thanks." Running out of words, Tyrone? "Wait, I just need to say hi to the love of my life."

Huh? Noon na ako napaangat nang tingin at agad kong nasalubong ang mapupungay niyang mga mata. Tinitigan niya ako na tipong ako lang ang nage-exist sa mundo niya. "Mahal ko," malambing pang tawag niya.

"Ty..."

Napatanga na lang ako nang bigla siyang yumuko at hinalikan ako sa labi. Nakapikit siya habang banayad akong hinahalikan... Pero maraming tao!