CAPTIVATED BY TYRONE GREENE (TV Movie Adaptation & Published under Pop Fiction)

Chapter 3.1.3

CHAPTER 3.1.3          

Jordan

Halos magdadalawang linggo na kaming magkasama ni Ty dito sa condo pero hindi niya ako kinakausap. As in! Ni ha, ni ho, wala! Kung bakit kasi hindi ko mapigilan ang kadaldalan ko?! Ayan tuloy pati kay Cary paniguradong galit siya. Hindi na nga rin tumabi sa akin sa bed after n'ung huling paghatid niya sa akin pauwi. Nagtitiyaga na siyang matulog sa sofa kahit na nga nakabaluktot lang ang posisyon niya. Naaawa naman ako kaso naman ni hindi niya ako tinitingnan as if hindi ako nage-exists sa paningin niya.

Nandito ako sa school canteen at nagpa-part time ulit. Kasama na naman niya 'yung mga kapwa niya greek gods na pinaglalawayan na naman ng mga babaeng estudyante rito sa school. Kung titingnan, wala naman talaga sa aura ni Tyrone ang bading. Ang gwapo niya kaya! 'Yung gwapong hinding-hindi mo hihiwalayan nang tingin kasi malulusaw ka na lang sa harapan niya. Kaya nga noong hinalikan niya ako noon sa bar, parang gusto ko ulit balikan ang labi niya na sobrang full at lambot! At ang hininga niyang pamatay sa bango! May gan'un palang amoy nang hininga? Kung hindi ko nga lang siguro alam na bading siya tulad nang sabi ni Cary ay baka isa na ako sa mga estudyanteng nagpupunas ng laway sa pagtitig sa kanya. Sayang talaga...

Pero pansin ko lang, kapag yata nandito silang lima, napupuno ang canteen? Kahit na ang kumakain ay lima hanggang sampu lang? Tangnang mga babaeng 'to! Ang lalandi! At kung may lalaki man, mga bading naman! Tsss... Sa halip na mag-aral paglalandi ang inaatupag, e!

Kumaway si Chance sa akin at wala pa sa loob kong napalingon sa likuran ko dahil baka nagfe-feeling lang ako. Pero wala namang tao sa likod ko at sumenyas ako sa kanya kung ako ba talaga. Tumango lang siya at matamis na ngumiti. Oh, shit... Ang swerte ko naman. Ang gwapo kaya ni Chance! Kung tutuusin parang magka-level sila nang kagwapuhan ni Ty. Mas pa-mysterious nga lang ang aura ni Ty. Samantalang itong si Chance, ang bait na agad ng hitsura. Though kapag seryoso, juskoo! kahit mukhang suplado ang sarap reypin! Ano ba 'yun?! Saan nanggagaling ang kalandian mo Jordan?!

Lumapit ako sa kinalalagyan nila habang nakamata sa akin ang mga tagahanga nila. Parang may inggit na galit na hindi ko maintindihan. Mukhang mahirap ma-inlove sa kanila dahil mukhang mapapabugbog ako sa kanto kapag nagkataon.

"May order kayo?" nakangiting bungad ko kay Chance. Tamang napasulyap ako kay Tyrone pero nananatiling nakakunot-noo lang siya at ni hindi man lang ako tinitingnan! Ang arte talaga ng bading na 'to!

"Same lang ulit. Makidagdagan na lang ng isang tuna sandwich para sa akin." Buti pa itong si Chance, ang bait-bait. 'Yung ibang barkada nila bukod sa sobrang gwapo ay parang ang susungit din ng aura tulad ni Tyrone. At oo nga pala, mga babaero. Ang kataka-taka lang, talagang nagpapagamit ang mga babae sa kanila. Eto lang yatang si Chance ang halos 'di ko makitaan ng partner. Ah! Si Ty nga rin pala, medyo madalang. Pero kunsabagay, front nga lang niya kasi bading nga. Haist, sayang talaga!

"Sige. 'Yun lang ba?" Iginala ko lang ang tingin sa kanila at mga nagngitian lang nang tipid maliban pa rin kay Ty na nanahimik sa tabi. "Ty?" Alanganin ko pang tawag sa kanya pero ni hindi man lang ako nilingon. Ewan ko ba, parang apektado ako na hindi niya ako kinikibo kahit pa hindi ko rin masasabi na friends kami. Pero siyempre kahit papaano napatunayan kong nice naman siya kahit suplado.

"Okay na sa kanya 'yung dating order niya." Si Terrence ang sumagot at sinulyapan pa si Tyrone na parang sinamaan lang siya nang tingin. "Kulang lang sa sex kaya masungit!" dugtong pa niya sabay humalakhak nang malakas.

Umismid lang si Ty pero hindi pa rin ako tinitingnan.

"Sige..." Noon na ako lumayo sa kanila at lumapit muna sa counter para ibigay 'yung dating order nila.