CAPTIVATED BY TYRONE GREENE (TV Movie Adaptation & Published under Pop Fiction)

Chapter 9.2.4

#JorTyHanDinNinaKirsChan

********

CHAPTER 9.2.4

Kirsten

Sheez, para akong baliw! Kanina ko pa 'di mapigilan ang sarili kong ngumiti sa nangyari kanina. Chance is in love with me. After all these years of having this one sided love, parehas lang pala kami nang nararamdaman.

"Uy, iba na 'yan, a." Si Ate Jordan. Noong una ay nakaramdam talaga ako ng selos nang ligawan siya ni Chance Daniel. Pero somehow hindi ko siya magawang kamuhian dahil a part of me really liked her a lot. Nanghinayang lang ako kasi akala ko sila ni Kuya Tyrone. But now that everything was all clear, mukhang magiging best buddies pa nga yata kami.

"Yeah, well..." Nahihiya akong ngumiti sabay kagat sa aking labi. Up to now, parang nararamdaman ko pa rin ang labi ni Chance sa labi ko. Kung sabagay, si Chance pa lang naman talaga ang first kiss ko. At ako pa ang nag-initiate ng kiss na 'yun dahil sa inis ko sa ex-girlfriend niyang two timer.

"Sabi ko na nga ba, may something sa inyong dalawa, e," sabi pa ni Ate Jordan sabay upo sa tabi ko sa bed.

"Paano mo naman nasabi?"

"Naku kung makikita mo lang kung papaano malukot ang mukha ni Chance sa tuwing makikitang naglalambingan kayo ni Johan. Basta may something, pero 'yun nga lang in denial siya noong umpisa."

"Hindi ko naman pansin kasi by nature na yata siyang suplado sa akin."

"The more you hate, the more you love ang peg? Sus!" natatawa pang sabi niya. Sa tingin ko ang pagiging free spirited ni Ate Jordan ang minahal ni Kuya Tyrone sa kanya. Kahit naman ako ay gusto ko ang ugali niyang 'yun. Hindi puro pa-cute lang at paglalandi ang alam.

"Parang gan'un na nga. Iniisip daw kasi niya ang friendship nila ni Kuya."

"Kuwento ka naman, oh. Paano ba nangyari ang love story ninyong dalawa?"

"Naku naman, Ate... nakakahiya..." Pakiramdam ko ay nagba-blush ako.

"Sus! Sige na, kuwento na dali!" Excited pang pagpipilit niya. Oh well, hindi naman na siya iba sa akin, why not?

"Actually, Ate, noon pa man love ko na talaga si Chance Daniel."

"Ohh..." Namilog ang kanyang mga mata at mapanuksong ngumiti..

"Pero hindi alam ni Chance 'yun."

"Ituloy mo lang."

"Mga bata pa lang kami, magkaibigan na ang mga Daddy namin. Not that they started good friends dahil kung tutuusin, rivals pa nga sila dahil magkalaban ang mga negosyo nila. I don't know what happened basta parang sa kuwento ni Dad, naging magkaklase sina Kuya Tyrone at Chance Daniel, tapos 'yun na, basta naging best of friends na lang sila. I think nag-click sila dahil parehas silang malinis sa negosyo. Fair competition ang naganap sa pagitan nila at parang wala lang sa kanilang dalawa kung sino man ang malagay sa number one na pinakamagaling at pinakamayamang business tycoon in Asia.

That's when Chance Daniel became almost part of our family. Naging best buddies din sila ni Kuya Tyrone eversince then.

As we grew up together and I came to know the kind of person he was, slowly, I fell in love with him. Iyon nga lang, parang sister lang talaga ang turing niya sa akin. It has always been one sided love. At least that's what I thought.