My Drummer Boy [AVAILABLE IN ALL BOOKSTORES NATIONWIDE!]

Chapter 36

Chapter 36

Luna

Nagmamadali kaming nagbihis ni Steff.

     Kahapon lang nila sa amin sinabi kasi gusto daw nila kaming ma-surprise. Sumakay kami ng bus papuntang airport. Hindi ko alam pero buong biyahe yata akong nakangiti. Si Steff naman sa sobrang excited ay buong biyaheng tulog. Haha. Para daw may energy siya mamaya.

     Pero ako hindi ako makatulog e. Lalo na ngayong alam kong makikita ko ulit si Mama at si Teena, ‘yung nakababata kong kapatid. Noong nandoon na kami sa airport ay naghintay pa kami ng mga isang oras at kalahati.

     “Luna?”

     Napatingin kami ni Steff sa likod. Ngumiti si Mama sa akin at tumakbo ako papunta sa kanya. Niyakap ko siya ng mahigpit. “Mama! I miss you!”

     “I miss you, too, anak. Halika nga dito,Steffie, baka magtampo ka pa e.” Niyakap din ni Mama si Steff. Steffie ‘yung tawag niya sa kanya kasi cute na cute siya kay Steff.

     “How about me?”

     “Teena!” Niyakap ko ‘yung nakababata kong kapatid. “Ang laki mo na ah!”

     Ngumuso siya sa akin. “Ate, you look so thin na.”

      “Aba! Englishera ka na, ha, makulit na bata?” Kiniliti ni Steff si Teena.

     “Ano ka ba,Ate Steff! You’re so like a kid talaga.”

     “Ako pa ang kid ngayon, ah?” sabi ni Steff at nagtawanan kaming lahat.

    “Kumusta na ba kayo?” tanong ni Mama habang hinihimas-himas ‘yung buhok ko.

     “Ayos naman, Ma. Na-miss talaga kita.” Niyakap ko ulit siya. Para akong bumabalik sa pagkabata. Iba pa rin talaga kapag magulang mo ‘yung katabi at yakap-yakap mo. Pakiramdam mo ay ligtas ka at laging may magtatanggol sa’yo.

     Kumain muna kami sa restaurant bago tuluyang umuwi. Ilang buwan lang daw sila dito kasi hindi naman daw pwedeng iwanan ni Mama ‘yung trabaho niya doon sa America at saka may pasok din si Teena. Buti nalang at sembreak nila ngayon kaya nakasama siya sa pag-uwi.

     Noong nasa bahay na kami, tinulungan kong mag-unpack si Mama. Si Steff naman ay si Teena ‘yung tinulungan.Buti na nga lang at may extra pang room dito sa apartment. Dun kasi minsan tumutuloy sina tita pag bumibisita sila dito.

     Inayos din namin ‘yung kwarto na ‘yon kasi matagal na ding hindi nagagamit ‘yun.“Ma,” tawag ko habang nagpupunas ng vase.

     “Hm?” Nagwawalis si Mama. Si Steff naman inaayos ‘yung kurtina tapos si Teena inaayos ‘yung kama.

     “Kumusta na sina Casey?”

    “Ayun, ang laki na ni Casey. Ang tagal niyo na dinghinddi nagkikita,‘di ba?” sabi ni Mama.