The Return of ABaKaDa (Published)

Chapter 98

Patuloy ako sa pag-iisip kung ano-ano ba ang mga mensaheng maaasri nitong iparating kaya inilatag ko 'to nang dikit-dikit.

BaHaLaKaNaNgaSaTaYaAWaPaRaDAUMaGa

Kung hahati-hatiin ko ito, heto ilang lalabas na salita.

BaHaLaKaNaNgaSaTaYa AWa PaRaDA UMaGa

Oh may gash! Awa! Parada! at Umaga! ang tatlong salita! It means...

BaHaLa Ka Na Nga Sa TaYa...

Napahawak na lamang ako sa magkabila kong pisngi nang mapagtanto ko iyon.

Sino ang taya? Ako ba? O may iba pa itong nais iparating?

"Mabuhay! Binabati kita, Morixette sapagkat nahulaan mo ang nais iparating ng ABaKaDa," singit ni Ethel sa gitna ng aking pagninilay-nilay.

"Salamat!"

Nabuhayan ako ng loob kahit na papaano. Ang lungkot na nararamdaman ko kanina at napalitan na ng kaunting kasiyahan.

Mayamaya pa, biglang nagliwanag ang libro at ito'y kusang lumutang sa ere at biglang humangin nang malakas dito sa loob ng aking silid.

Ang pahina ng aklat ay mabilis na nagpalipat-lipat ng pahina na para bang tinatangay ng hangin.

Medyo masakit sa mata ang liwanag na inilalabas nito kaya nakatagilid ako habang pinagmamasdan kung ano bang mangyayari rito.

Ilang saglit pa, lumabas ang mga letra nito at ito'y pumalibot sa loob ng aking silid.

Para itong mga bituin na nagniningning dito sa loob ng aking silid, ang sarap pagmasdan.

"Binabati kita, pero hindi pa tapos sa iyo ang libro. May tatlo pa itong mabibiktima," bungad ni Ethel.

Nang mapatingin ako sa aking bandang kanan, tatlo pa nga ang hindi nagliliwanag. Ang O, E at I.

Nagulat ako nang biglang mag-reshuffle ang mga letra at magkumpol-kumpol. Ilang saglit pa, biglang bumagsak sa sahig ang letrang O.

"Masamang pangitain..." sambit ni Ethel.

"Anong ibig mong sabihin?" nagugulumihanan kong tanong.

Sumunod na bumagsak sa sahig ang letrang E at I. Hindi ko alam kung ano ba ang ibig sabihin nito. Sumunod na bumaba nang dahan-dahan ang letrang Da at ito'y nakalutang lang sa ibabaw ng letrang O habang ang ibang mga letra ay kumalat muli sa loob ng aking kwarto at patuloy sa pagningning.

"Nagbalik na siya..." turan ni Ethel na wari mo'y putlang-putla.