SABRINA
Naningkit ang aking mga mata habang sinusundan ng tingin si Simon na papunta sa counter para bumili ng kaniyang lunch. Sunod kong tinignan si Jasmine na nagsisimula ng kumain.
"Beshy."
"Hmm?" hindi niya ako nilingon kaya inilapit ko ang aking mukha sa kaniya para bumulong.
"May gusto sayo si Simon no?"
Bigla siyang nabilaukan kaya nagmamadali kong inabot sa kaniya ang tubig.
"Ano bang tanong yan?" tanong niya pagkatapos uminom ng tubig.
"Alam ko naman na ang sagot. Gusto ko lang marinig mula sayo." kibit balikat kong sagot.
Kitang kita ko sa mga mata ni Simon kanina ang kagustuhang suntukin ang Hiro na yun. Hindi naman ganoon ang magiging reaksyon niya kung wala siyang gusto sa kaibigan ko.
Isa pa, naalala ko yung ginawa niyang surprise para kay Jasmine noong Valentines Day. Akala ko noon, nakapag usap na sila ng maayos at okay na din si Simon dahil ilang taon na ang relasyon ni Jasmine at Dylan pero kanina, napatunayan kong hindi pa siya okay. May gusto pa din siya sa kaibigan ko.
Natahimik ako ng bumalik na si Simon at naupo sa tabi ni Jasmine. Palipat lipat ang tingin ko sa kanila at sobrang tahimik nila. Ramdam na ramdam ko ang awkwardness sa kanila.
"Akala ko ba nandito din ang half brother mo? Nasaan siya?" pagbasag ko sa katahimikan.
"Bukas pa ang first class nila. Second year na kasi yun." tumango tango ako at nanahimik na ulit.
Nang bumalik kami sa classroom ay hindi pa din sila nag uusap. Nakita ko naman ang pagsulyap ni Hiro kay Jasmine pero agad ding nag iwas ng tingin.
Naupo na lang ako at pinakiramdaman sila. Kinuha ko ang aking cellphone at nagfacebook na muna. Agad sumama ang aking araw ng makita ang litratong bumungad sa akin.
Napailing iling ako. Iba na naman ang kasama niya. Hay. Kakaiba din talaga itong si Elijah eh. Ang daming babae! Akala mo naman napakagwapo. Nag react ako ng angry sa kaniyang litrato at pinagpatuloy na ang pag scroll sa aking newsfeed.
Ilang saglit lang ay nakita kong nag message sa akin si Elijah. Agad ko iyong binuksan.
Elijah:
Angry talaga? Are you jealous?
Me:
Napaka kapal ng mukha mo dong! Tss.
Elijah:
I know you're jealous haha. Sorry, you're not my type.
Halos ibato ko ang aking cellphone ng mabasa iyon. Napakayabang!
Me:
Hindi rin kita type unggoy! Ayaw ko sa maliit. 🙄
Napangiti ako ng maisend iyon.
Elijah:
Height ko lang ang maliit pero malaki ito no!
Me:
Yuck! Kadiri ka! Baboy! Bastos!
Itinago ko na ang aking cellphone. Sawa ng makipag usap sa mayabang na lalaking iyon. Napaka kapal ng mukha. Sobra.
Muli kong nilingon si Jasmine. Nakatingin siya sa labas ng bintana habang tinatap ang mga daliri sa kaniyang desk. Sunod kong tinignan si Simon na naka earphone at nakapikit. Naisipan kong kalabitin siya. Agad siyang nagmulat ng mga mata at na kay Jasmine na agad ang atensyon. Akala niya yata siya ang kumalabit sa kaniya. Nang mapansin niyang nasa labas ang atensyon ni Jas ay saka niya lang ako nilingon. Tinanggal niya ang suot na earphone.
"Why?"
"May gusto ka sa kaibigan ko?" mahinang bulong ko sa kaniya. Takot na baka marinig ako ni Jasmine.
Tinignan niya ulit si Jasmine bago umiling.
"Wala namang mangyayari kung mayroon nga."
Sabay kaming napatingin kay Jasmine ng tumayo siya.
"Saan ka pupunta beshy?"
"Cr lang." sagot niya at nginitian ako.
Tumango ako at nginitian din siya. Gusto ko sana siyang samahan kaso gusto ko ding usisain si Simon. Sinundan namin siya ng tingin hanggang sa tuluyan siyang makalabas.
"So, mayroon nga?" gulat kong tanong. "Pero alam mong may boyfriend na si Jas. Bakit hindi ka pa mag move on?"
Bumuntong hininga siya at ngumisi.
"It's hard to move on, you know? Mahal ko ang kaibigan mo. Hindi yun ganoon kadali." natigilan ako sa ginawa niyang pag amin.
Mahal niya? As in, mahal? Love? Akala ko simpleng crush lang o kaya mababaw na pagkagusto lang pero mahal niya?
"Talaga? Akala ko crush or like lang, ganoon. Paano mo nakakayang makita na magkasama sila ni Dylan? Hindi ba at masakit iyon? Lalo na noong namatay ang parents niya, nandoon ka pero kay Dylan siya dumepende."
"Tanggap ko naman na iba ang mahal niya pero hindi ibig sabihin noon wala na yung nararamdaman ko para sa kaniya." tumingin siya sa upuan ni Jasmine at bahagyang ngumiti bago ako muling nilingon. "Mahirap kalimutan ang kaibigan mo at hindi ko alam kung mawawala pa ba itong nararamdaman ko para sa kaniya."