Birthday Party
Kenchee POV
Pagkatapos ng tatlong linggo nung pagkamatay ni Joyce. Nagsisi ako kung bakit hinayaan ko siya at hindi ko maitanggi sa sarili ko na namimiss ko ang dati kung kasintahan.
Isa din sa dahilan kung bakit hindi ko kayang makipagbalikan kay heven dahil kay Joyce. Siya parin ang laman ng puso ko.
Laging sinasabi ng kaibigan ko na bakit hindi ko buksan ang puso ko na magmahal muli? o bakit hindi ko nalang daw ligawan si heven.
Hindi ko alam pero kahit wala na si Joyce ay nandito parin ito sa puso ko. Na kahit wala na siya ay nagbabasakali akong hindi pa patay si Joyce.
Palagi akong pumupunta sa puntod niya at laging humihingi ng tawad. Pinagsisihan ko ng sobra kung bakit pinagsalitaan ko siya ng ganun.
Sana hindi ko nalang siya iniwan, sana nakinig nalang ako sa explanation niya. Sobrang nagsisi talaga ako parang hindi ko mapatawad ang sarili ko dahil sa kagagohang ginawa ko.
Kung saan ka man ngayon Joyce sana mapatawad mo ako kahit alam kung malabo mangyari yun.
Nandito ako ngayon sa kwarto ko at nag-aayos. Today is the Birthday Party of heven kasabay nadin doon ang pag anunsyo na siya na ang magiging tagapangalaga ng Eastwood.
Napatingin ako sa phone ko ng tumunod ito, may tumawag. Sinagot ko na agad ng hindi tinitignan kung sino ang caller, alam ko naman kung sino ang tatawag saakin.
Wala namang ibang tatawag sa akin palagi kundi siya nalang.
"Hello heven?" sagot ko.
"Are you ready, babe?" tanong niya sa kabilang linya.
Sanay na akong tawagin niyang babe. Para ko siyang girlfriend pero hindi, hinayaan ko nalang siyang tawagan akong babe. Nasanay naman din ako.
"Of course, this is your night kaya sobrang ready na ako" sabi ko pa na nakangiti.
"Yiee, so paalis ka na?"
"Yeah, ikaw ba?"
"Not yet, nagpaganda pa ko ng todo" napatawa nalang ako.
"No need na, maganda ka na kahit walang effort"
Yeah it's true, maganda naman si heven. Maganda ang katawan, alagang - alaga. Pero hindi ko maiwasang maikumpara sila ni Joyce, Iba yung ganda ni Joyce. Pinay beauty siya at napaka dalagang pilipina.
"Bolore" rinig kong sabi kiya sa kabilang linya.
"No, I'm telling the truth" ngiti kong sabi. "By the way, gusto mo ako na susundo sayo?"
"Huwag na, may driver naman ako tyaka para hindi ka na mahirapan"
"If you say so, okay. mag ingat ka nalang"
"I will, you too. See you"
"See you" sabi ko tyaka binaba na.
Kababata ko si Heven, lagi kaming magkasama since Elementary. Nagustuhan ko siya at naging kami nung High School.
Kaso naghiwalay din kami dahil sa New york siya nag aral at nung dumating si Joyce sa buhay ko, nakalimutan ko si Heven at natutunan kong mahalin si Joyce.
Pero hindi ko maisip kung bakit ginawa ni Joyce yun kay heven. Dahil ba sa selos?
Pero parang pakiramdam ko na hindi yun gawain ni joyce, kung selos man ay napakababa naman ng dahilan pero kasi kitang-kita ko na siya ang may hawak ng kutsilyo.
Pagkatapos kung mag-ayos ay kinuha ko ang regalo ko para kay Heven, isang kwentas na gold na may pendant na half moon. Gustong gusto niya 'to dati pa.
Nung nagkasama kasi kami sa mall ay lagi siyang nakatingin sa kwentas natu. Bibilhin na daw sana niya kaso tinanong ako kung maganda ba.
Napaisip ako since hindi ko alam kung ano pang mga gusto niya sinabi ko nalang na panget yung kwentas para ako na mag regalo nun. Kaya ayun, hindi niya binili.
Pagkatapos ko sa lahat ay bumaba na ako at dumiretso sa sasakyan ko para pumunta na agad sa school.
Mga ilang minuto pa bago ako nakarating sa school, marami rami naring estudyante sa loob ng gymnasium.
Sobrang ganda ng event na to, sobrang yaman talaga ng pamilyang Eastwood. Pinaghandaan talaga ang event na to.
Naka kulay red kaming lahat ngayon, red kasi ang motif ng party kasi favorite color yun ni heven.
Nang makapasok ako sa gym ay hinanap ko agad kung saan ang mga kaibigan ko. Nakita ko sila sa unahan sa bandang stage katabi ang table ng pamilyang Eastwood.
Lumapit muna ako sa kanila Tito't Tita at bumati bago tumungo sa mga kaibigan ko.
"Pare, ang gwapo natin ah" salubong ni rhyz ng makarating ako sa table.
"Thanks bro" sabi ko nalang at umupo sa tabi ni Tan.
"Si heven? hindi mo ba kasabay?" tanong pa sakin ni rhyz.
Tung lalaking to sobrang daldal, minsan napapaisip ako kung lalaki ba talaga to? Grabi din kung makatanong, parang nasa interview lang.
"Oh, easy. nagtatanong lang pero mukhang iba ang iniisip mo ahh?" sabi pa niya ng makitang nakatitig ako sa kanya. Alam niya kasi na ayaw na yaw kung nagtatanong siya.
"Tss" buti pa tong katabi ko sobrang tahimik, kung anong sing ingay ng bibig ni rhyz siya namang kabaliktaran ni Tan "Nakita mo naman na hindi ko kasabay diba?" pilosopo kong sabi sa kanya.
"Parang nagtatanong lang eh" parang batang sabi niya.
"Magpapahatid daw siya sa driver niya" sagot ko nalang.
"Ayan na siya" biglang sabi ni Tan na nakatingin sa may entrance kaya napatingin din kami ni rhyz.
Lahat ng mata ay nasa kanya ng pumasok siya sa loob ng gym. Ang ganda niya sa red gown niya para siyang model.
"Here's the birthday celebrant" anang emcee sa stage na may hawak na microphone.
Ngumiti lang si heven ng banggitin iyon ng emcee at naglakad sa red carpet hanggang sa makarating sa katabi naming table kung saan nandun ang pamilya niya.
Nginitian at kinawayan niya pa ako ng makita ang kating table bago umupo. Kaya ngumiti nalang din ako.
"Maganda ba pinsan ko pare?" sabi pa ni rhyz na may halong nakakalokong tingin
"Yeah, nagtataka nga ako kung pinsan ka niya eh" sabay irap kung sabi.
"Bakit? sobrang gwapo ko ba?" sabi niya sabay hawak sa baba niya.
"Hindi, ang panget mo kase" sabi ko sabay tawa.
"Ulol mo pare" sabi niya kaya napatawa nalang ako "Hoy, bro? magsalita ka naman diyan parang kaming dalawa lng ni ken dito ah" baling niya kay Tan kaya sinamaan niya lang ito ng tingin.
AHAHA Tahimik yang si Tan at ayaw din niyang kinukulit siya. Sa sobrang tahimik masasabi mong mukha siyang pipi. HAHA
Napasulyap nalang ako sa stage at nakita ko doon si Tito Lester ang daddy ni heven na nasa stage habang hawak ang microphone sa kanang kamay.
"Good evening students and visitors, I'm Leif Lester Eastwood the current owner of Eastwood University" pakilala ni tito na nakangiti ng sa lahat ng estudyante. "Tonight is the birthday celebration of my one and only beautiful daughter" anunsyo niya sabay tingin kay heven kaya napangiti naman si heven ng sulyapan ko. "At this moment, bilang regalo ay ipapamana ko na sa kanya ang paaralang ito" dugtong pa ni tito.
Napakalaking regalo na para saakin ang maging isang tagapagmana ng paaralan. Especially, ang Eastwood na pinakasikat sa buong bansa.
Mayaman din naman kami pero mas
mayaman lang talaga ang Eastwood
Si heven lang din kasi ang nag iisang anak nila tito't tita kaya sa kanya talaga mapupunta ang Eastwood.
Kita ko sa mukha ni heven ang bakas ng kasiyahan. Kita ko din sa mga mata niya na nagingilid ang luha. I'm so proud of her.
"Let's all welcome" pagpatuloy ni tito at agad ng tumayo si heven sa kinaupuan niya at nagpupunas ng kaunti niyang luha.
Kitang kita din ang saya sa mukha ng mga bisita lalong lalo na sa kanyang ina na tuluyan ng umiiyak.
"My one and only beautiful daughter" pagsabi ni tito nun ay nakatingin siya kay heven kaya lumakad na si heven papuntang stage para sa kanyang speech.
Umiiyak siyang naglakad sa stage habang nagkatinginan sila ng kanyang ama.
Pero bago pa nakarating si heven sa tapat ng kanyang ama ay nagulat ako sa sunod na sinabi ni tito. Hindi lang pala basta ako ang nagulat.
KAMING LAHAT AY NAGULAT.
"Brazen Joyce Eastwood"
To be continued . . .