لقد راودتني رغبة جامحة في عناقكَ الآن
أنْ أضعَ رأسي على صدرك
دونَ أنْ يفصلهما قطعةُ قماش
أنْ أغمضَ عينايَّ
واشتمَ عَبق رائحة جلدك
وأذهبَ في سُباتِِ شتوي عميق
عينايَّ نِعسة ليسَ لدي خيار آخر
سوىٰ النوم حالاً
بنيةِ استحضارِ طيفك فيِ المنام
الذي هَو ملجأ كل خيالاتي ورغباتي
نلتقي هُناك
{راح اتُرك الكم سكرين الاعتَراف بـ نهاية الـبارت } 🔥♥️.
______________
ديانا :
- وصيه رسول الله اخذتلي صفنه عليها كلت هاي رساله من رب العالمين خزنت الصوره دزيتها
الغياث بنص السوالف بدون كلام دزيتله
ديانا : احبك احبك
- هَنا اني خجلت توترت و ماعرف ليش اعترف رُغم كلت مراح اعترف
رأساً جاوبني مصدوم ممصدك
غياث : ها
ديانا : باي باي
- غلقت الجهاز نهائياً ، و تمددت بـ مكاني و صافنه بالفراغ شعَور حِلو و محَلو ، الـ حِلو اعترفت و بعد كُلشي أكدر احچِي ويا بدون ما أتقيد
و شعور محَلو هَو الخوف الي بـ داخلي
- ماعرف الي سويته صح لو غلط و شِنو تكون نتيجته
مَرت ساعه تقريباً و فتحت جهازي ما كدرت أنام صار عندي
فضول أشوف شِنو رد فعل غياث
بـ هاي الأثناء دُخلت قمر ، أشرت الها تحچي
قمر : أبوي يكول خل ديانا تجي تسويلي عصِير
- باوعت الـ ساعه بـ 12:30 د ، حاچيتها بـ رفعة حاجب
ديانا : شِنو أبوية حلمان يريد عصير هسه
- حچَت قمر و هيَ عاكدة الـ نونة ، كزكزت عليها مِن تعصب تصير تجنن
قمر : شمدريني هسه شطالب مِنج هَو عصير لو اعرف چان سويت
ديانا : يُمةة شلون اخليج تسوين ما اتعبجَ
قمر : كولي أخاف مِن بابا
ديانا : ملعونة شلون كشفتيني؟
قمر : لان بابا يحبني و يخاف عليَّ و ما يقبل احد يصخرني
- ضحكت على سوَالفها ، رحت سويت عصير الي و الامِي و ابويَّ
و رحت اركض للغرفه اريد بَس اشوف شِنو رد فعلة
ما تفاجئت مِن شفت هواي مسجات مِنة و حتى متصل ، اقرة
بـ المسجات و الابتسامة شكت حلگي ، جان محتوى الـ مسجات
غياث : " ما مصدك انتِ تحبيني ، اليوم احلى يوم بـ حياتي كُلها
أني طلبتچ مِن الامام العباس (عليه السلام) حتى تصيريلي
رومايتي إذا انتِ تحبني فـَ أني اموت عليچ ، وينج جاوبي
عود صُدك تخجلين مِني و اني راح أصير رُجالج ، و لچ فرحنتي ما تنوصف "
- اخذت نفس اهدئ نفسَي بي ، و ايدي صارت ترجف بَس هاي الـ مرة رجفة " حُب" جاوبته
ديانا : ها
غياث : ها يا بعدهن كُلهن ، ولچ فرحتي ما تنوصف
ديانا : بعد گلبي
غياث : ولچ مو هيچ مو كُلهن سوى بعد گلبچ و تحبني هواي والله
- ضحكت بـ صَوت و هِيچ احس فراشاتتت بـ گلبي صارت
و كتبت الة
ديانا : شوف عيني
غياث : تروحلچ فدوة عيني أحچي و أني أشوف و أسمعَ
ديانا : صح احبك بَس كلامنا يبقى طبيعي ماريد تغيرة و تحاچيني كأنو زوجتك ماحب هِيچ ، الحد ما أنت تشوف طريقه تجي تُخطبني بيها
غياث : هاي هيَّ يابه متفقين عمي لا أتغزل و لا احچِي المُهم ضمنتَج الي
ديانا : الله كريم
- طفيت الجهاز و نَمت بـ راحة و الابتسامه ما فارقت وجهي
كعدت ثاني يوم مثل طير الـ طاير انضف و اشُتغل براحة و حتى اُمي استتغربت وضعي و حاچتني
دُرية : شعجب اليوم هيج نادرية خير شكو ؟
ديانا : مادري كعدت مُرتاحة و حَبيت أنضف
- كملت شُغلي و أمي طبخت الـ غده ، حاچيت اُمي خاف
تريد شي كالت لاو رحت طلعت أغراض تنضيف الـ جَسم
و كعدت أسوي بـ رجلية و أحچي بـ قهر
ديانا : ليش بس احنى هيج نتوجع و ليش الله خلقلنه شعر شنو فأدتة ؟
- لزكت الـ شيرة على رُجلي و غمضت عيوني و تقريباً ما خليت أية قُرأنية حتى ما اتوجع بَس ما يفيد ورانا ورانا الوجع
بـ هاي الأثناء دخلوا ساهر و نسيم دخلوا عطت بيهم بَس هم ماعدهم أحساس و معتبريني أخوهم ، نوب أني أستحيي أسوي كدامهم
- حچة نسيم و هَو يكعد بـ صفي
- نسيم : والله بس نريد نشوف رجلج شلون تطلع، و إذا تستحين فـَ عادي انتِ اخونا الرابع بَس متحوله الـ بنيه
نوب كعد ساهر و هَو يضحك و يجاوب بـ نسّيم
ساهر : ي شبيج امي بالمطبخ ما تدري
ديانا : تره عِيبب شوكت تكبرون انتُو؟
نسيم : تره اني صغير و ساهر چَبير خل يطلع شعنده جاي؟
- حچِت و أني الزك الشيرة مرة لخ بـ رجلي
ديانا : صح انتَ صغير بس سرسري و ساهر افقر منك
نسيم : حبابه خل اني اشلعها
- فتحت عيوني و ردت أغم كُصتي بَس لازمه بيها ثوبي مغطيه رُجلي مطلعه بَس شوي منها ، و جاوبته
ديانا : ولكك انتَ ليش سرسري شتشلع؟
نسيم : حبابه شبيج هسه ماشيفين رجليج احنى
- مد ايده شلعها و أحسسس شلع جلدي وياها عطت و ضربته
و هَو عادي عنده يضحك و يغور بـ ساهر ، و هذاك طنكر شلون
نسيم يشلع و اني ما اشلع ؟
ساهر : هيَ شنيه بَس هٰذا المسربت يشلع چَا و انه
ديانا : حَبيبي ترة هيَّ مو شي حِلو و تشلع و
- بعدني ممكمله الكلمة سحب الشيره مِن ايدي و لزكها بـ رُجلي
وعادت مأساتَي ، حچِت و اني عيوني مدمعة بسبب الوجع
ديانا : كون ابوي يجي و يشَوفكم هِيچ ، حتى يركع راس بـ راس
- بـ هاي الأثناء مِن كملت جُملتي سمعت صوت أبوية
و ما أشوف غير التراب وراهم صار طُشارهم مالة والي
ضحكت عليهم و على خوفهم مِن أبويه يعرفون بي ميقبل
عليهم مِن يسون هيج ، كملت جَسمي بـ سرعة و اخذت ملابس و سبحت
طلعت سلمت على أبوية
ديانا : الله يساعدك بابا
عبد الوهاب : هَلاو
- حضرت الـ غده وي اُمي ، چنة مسوين بانية و تمن
كعدنا كُلنا على غده مِن غير ساهر لان ما يحب البانيه
صاح أبوية على ساهر لان نسحب بـ هدوء ، اجة ساهر
عبد الوهاب : ليش ما اجِت كعدت ويانا تاكُل؟
ساهر : ما اشتهي يابه مو جوعان
عبد الوهاب : اكعد كدامي و اُكل ساهرر
- ساهر صار يبلع بـ ريگة ، كوة كعد بَس مياكُل بَس صافن
عبد الوهاب : الصفنه مو الك ، و اكِل ليش متآكل ؟
- احنى لازمتنا الضُحكة ، بَس مسوين نفسنا ناكُل
ساهر : بابا حباب عوفني بدون أكل ، و لتكلي اكُل بانيه
- امي ساكته متكدر تحچي لان بَس تحچي ابوي يرجع
عليها و يكُلها كُلها مِن وراچ ، علمتي هَو و صافي ما يأكلون ويانا اكُلهم خاص ، فـَ لذالك ما تدخلت ابداً
ابوي مِن شاف ساهر هِيچ وضعه شال ماعون الثريد مال بانيه
و قدمة الـ ساهر و هَو يحچي
عبد الوهاب : يلا عفيه بـ وليدي السَبع هاك هٰذا ثريد بانيه أريدك تمسح الماعون
- ساهر صار ياُكل بَس وجهة احمر ، و ادموعه تنزل بـ غرازة
حچة و هَو مخنوك بسبب الكل و البچي
ساهر : بابا و الله متنبلع اللكمةَ عوفني
- نسيم طكها بـ ضحكة عالية خزرة ابوي ، تنهدت اُمي
تعرفون بعد گلب والده ما تتحمل تشوف دموع ابنها ، وحچَت وي ابوي
دُرية : كافي عوفة لياكل تدري بي ميحبها كوم يمه ساهر لتاكل
- كام ساهر كأنما سجين وتحرر ذب اللكمه من حلكه
وراح ركض دخل جوه بالغرفة
- كملنا غده و غسلت مواعين و شربنا چَاي ، شوي و دخل صافي
جاي مِن الشغل تعبان ، بعده بالمطبخ صاح بـ صوت عالي
صافي : ديانااا فدوووة غده ميت مِن الجوع
ديانا : لك عِيناي مو تددللل يخسى الجَوع
هسه دقايق و يكون الغده جاهز
- رحت سويت الة مخلمة ، لان الأخ همَ ميحب الـ بانية
لكيتة كاعد يم أهَلي قدمت الة الأكل ، و رحت اسويله چاي
صافي : عاشت ايدج دودي
ديانا : بالعافية عمريي
صافي : بَس بلا زحمة ستكان چاي مِن ايدج الحلوة
ديانا : دلل هَو الچاي على نار هسه أصبة الك
- صبت الة چاي شرب و كمل و غسلت المواعين
كاعدين بـ هدوء كُلنا بَس ابوَي نايم
تنهَدت بـ صوت عالي باوعلي نسيم و هو يحچي وي صافي
نسيم : طبعاً هاي ديانا عبالك وحده مطُلقة 24 ساعه بَس ضايجة
و تجر حسراتت
ساهر : السفُن غرگانة يم ديانا
- صافي طنشهم و باوعلي بـ معنى شَبيج
ديانا : و الله ضوجة خل نطلع نفتر
صافي : اي مو تدللين چنج على طلعه هسه نسّوم يكوم
مثل الورد يحاچي حضره الوالد و نطلع
نسيم : هَو بـ كلشي مخلين نسيم ، بسَ صار اروح احاچي
ساهر : نروح اني وياك و نسيم و امي و ديانا و قمر
صافي : و تخلي ابوك يكش ذبان؟
ساهر : ابوي رجال تعبان مابي حيل
نسيم : دكول يخرب طلعتنا و يشبعنا رزايل عليمن مستحي
- ساهر غطه وجه و طلع بَس عيونة غير صوته و يحچي
ساهر : مو خاف عيبببب اويي اخجل أخجل
نسيم : رجولتك وين ؟
ساهر : تبرعت بيها الك
- متناااا ضحك على سوَالفهم ، كعد أبوي العصر و كعد ساهر
مقابيلة و نسيم بصفة ، تحمحم ساهر
ساهر : بابا اريد نطلع اني و ديانا و امي و نسيم و صافي
- ابوي باوع على ساهر صفح و حچة ويا
عبد الوهاب : وين ترحون
ساهر : نفتر شوي و نغير جو ، لان خطيه ديانا ضايجة
عبد الوهاب : انتووو شنوووو ماعدكم غيرة
- تقرب نسيم كعد بـ صفي و همسَ بـ صوت ناصي
نسيم : لا ماعدنا غيره
- كوه لزمت ضحكتي ، و رجعت ملامح وجهي جامده
عبد الوهاب : شلون تخلون اختكم تطلع بالشارع وين شواربكم!
نسيم : ماعندي شوراب
عبد الوهاب : ماكو طلعة ، انتُو طلعوا عود و ديانا تروح
وي امها البيت خالتها ومِن ترجعون تروح عليهن تجيبوهن
- صح ضجت بَس يلا عادي أحسن مِن كعدة البيت
رحت بدلت و نسيم النذل يقهرني يكول راح نطلع وانتُ ترحون بيت خالتي
طلعنا البيت خالتي و بالطريق اخذت إندومي ، لان راسلت ريتاج
كُتلها راح نجي حضري جدرجَ حتى تسويلي أندومي
- وصلنا و بين سلام و كلام و ضحك نسحبنا اني و ريتا و رِيتاج
و سالي بـ هدوء بالغرفة
حچِيت الهن كُلشي و عن الصار بيني و بين غياث ، صدمتني
رد فٍعل ريتاج
ريتا : ديانا انتِ مخبله عاقلة كُل عقلج يعني يخطبج هيج مصدكته؟
عود صدُك تحجينننن
ديانا : أي هيج مبين عليَّ يحبني و ما يضحك عليَّ
ريتا : اي بعدين تتندمين
سالي : دكليهااا لعد و تعالي لطمي هنااا
ديانا : اشششش معليچ
- حچَت رِيتاج عرفت بيَّ ضجت
رِيتاج : كافي شبيجن سكتن يلا و اكلن الاندومي مو بَس تعبتني
ريتا : ترة هو إندومي و بّس تخلين ميَ حار و تخلي على نار
وين التعب ؟
سالي : لا ترا صدُك إندوميها طَيب
- اخذت جهازي شفت مسج مِن غياث كاتب بي
غياث : حبيبي وينچ
ديانا : يم رِيتاج اني
غياث : يبوو علىٰ رِيتاج هاي يراد الها أشوفلها رجل يمنا
و أجيبها يمج
ديانا : اي والله ياريت و الله ما اكدر اعوفها بلكت تشوف ابن عمك
ياخذها وياي
غياث : اي حتى تعوفيني وترحين تنامين يمها ، رومايتي
اكدر اتصل ؟
- رفعت راسي اباوع على بنات ، نطت سالي تحچي
سالي : ها تردين تخابرين مو؟
ديانا : اي يريد يتصل
سالي : اي اتصلي عيني اتصلي بلكت امج تسمعج
- اهتز الجهاز بـ ايدي ، سويت الهن أشَش راحت ريتا
ركض على باب قفلته و اجن كُلهن يمي حتى يسَمعن
اخذت نفسَ و تشجعت و جاوبته
ديانا : احم الووو غياث
غياث : ها يا بعد روحة الـ غياث فدوه اروح الـ هٰذا الصوت
ديانا : غياث هاي شنو اني شكتلك مو كتلك نحجي طبيعي
غياث : چَا اني شحاجي مو طبيعي
ديانا : اي كُلش طبيعي واضح
غياث : ماكدر اعذريني ، غير احبج و أتغزل بيج
- بقينا نسولف هوه يحجي ويتغزل واني مبتسمه
واشوف سالي وريتا يهزن بيدهن ماعاجبهن الوضع
غياث : كومي اكعدي بـ غير غرفة مو يمهن
ديانا : ليشش
غياث : دكومي و معليچ
- كمت و هَن صارن يرافسنن ما يقبلن اروح
عفتهن و رحت للغرفه الثانيه و حچَت
ديانا : ها غياث كمت كول شتريد
غياث : بداعتي كولي احبك
ديانا : غيااااث اني شكلت
غياث : عليج الله بس هالمره كوليها وكافي
ديانا : مااكدر الكلمه ما تطلع وياي ما اكدر انطقها
غياث : ادري حبيبي تفشرين انتِ و ما تكدرين تنطقيها
هيَ احبك شكايله قابل
ديانا : مادري شو احسها صعبه متطلع
- مِن بعد ملحة بالكوة نطقتها و صوتي رايح
ديانا : احبك
- هَو ضحك بـ صوت عالي و اني بّس كلتها سديته ورحت يم
البنات ، هن يسألن بَس ما جاوبتهن
بنص السوالف وي البنات وصل مسج مِن غياث
چَان داز صورته ضعفان و متغير و صاير حِلو بَس لازم جُكارة
انصدمت هَو ما يدخن رأساً كتبت الة
ديانا : شنوووووو تددخنننن
غياث : عفتي كلشي و ركزتي على جكارة
ديانا : احجي ليييش تدخن تره اموت من واحد يدخن
غياث : والله ماجنت ادخن من عرفتج وحبيتج
شربت الجكاره ووعد من اخطبج اعوفها
- لا اردياً ابتسمت و كتبت الة
ديانا : هاي هيَ متفقين
غياث : يلا حَبيبـي رايح ادُرس
- راح يدُرس و لان هَو سادس و مُضاهرات التهة
يا دوب يقرى ساعه يقشمر نفسة بيها
رِيتاج : كوموا نروح يم خالتي عيب
- رحنا كعدنا يم اُمي و خالتي بين سوالف و ضحك
ما انحسَس الا الباب تفلششش ، كامت سألي تفتحة
دخلوا ساهر و نسيم ، نسيم يضحك لان طلع
راح ساهر يسَلم على خالتي و نسيم الشعار سلم و هَو بمكانه
ام ريتاج : شني خالة تعال أبوسك
نسيم : ماكدر ماكدر ام الجهال تغار
- ضحكنا كُلنا و سالي دكُلة
سالي : و هاي مِنو تقبل بيك و تغار عليك
نسيم : هاي وحده تعرفت عليها كُتلها اني ضابط
و ابوي عميد و امي دكتورة ، بَس تحبيني اعيشجَ ملكة
شو هاي بسرعة حبتني
سالي : غلط يمه هاي مو حبيتك هاي ضحكت عليك
نسيم : جرحتييي مشاعرييي ، بلا شلون ضحكت عليك
سالي : حستك چذاب و كالت خل اكسب اجر بي
افرحة بـ كم كلمة و بعدين ازحلكة
- باوع عليها مصدوم و رجع باوع على ساهر و جاوبها
نسيم : كوليييي والله يعني انضحك عليَّ
ساهر : عادي مو جديده عليك انتَ مضحكة
- هَو مِن الصدمة تربع بالكاع و احنى متنا ضحك عليَّ
بَس صدمنا مِن كال
نسيم : تره ماكو غيركم مضحكة چَذب ماكو وحده بحياتي
اُمي &خالتي : ياعع سويتنا مضحكة؟
نسيم : انتن تاج راسَي و علي
بَس هذن المضحكة
- اهتزّ الـ جهاز بـ ايدي يعلن عن اتصال
للحضة خفت اشوف مِنو المتصل عبالي غياث بس شفتها ايناس
جاوبتها و اشرت الهم ينصون صوتهم و هٰذا الشعار يضحك حتى ما اسمع
ايناس : الووو
ديانا : هلاوو عينيي شعجب متصله اليوم
ايناس : شلونكم اشو ماكو صافي كال محد بالبيت
ديانا : اي يم بيت خالتي و هسه راح نُرجع
ايناس : ها تكدرون تجوني؟
ديانا : شعجب تجين عمتج قبلت
ايناس : معليَّ بـ عَمتي تجوني لو أجر تكسي
ديانا : فهمتتت اي اي نجيج هسه اخابر صافي يروح يجيبج
- سديته منها ، و اُمي سألت انطيتها مُختصر و
خابرت صافي و راح قبلنا ، حچَت ريتا و هيَ ضايجة
ريتا : ماما خل اروح وي ديانا راح تجي انوو
- حچة نسيم بـ أندفاع ، و هَو ينكت ملابسه
نسيم : وين وين يمعوده شكو جايه حتىٰ ما تلحكين تشتاقين
ريتا : ليش يمه جايه عليك اني؟ اشَتاق الك اني اشو عايش اللحضه
نسيم : خاب باع هاي بَسسس هوسة بنت انو و عياطها كافي
نوب علينا ريتا و خواتها
- لطمت اُمي على خدها و هيَ فشلانه مِن خالتي ، بَس خالتي تعرف بي يتشاقة ما تزعل ، هزت ايدها رِيتاج و جاوبته
رِيتاج : انتَ تضل همجي ؟ تضل متعرف تستقبل الخُطار
نسيم : اسُكتي عيني المذغفه معليه و الحُسين ما تجون ديلا
تره اخذ هدومي و اروح يم ام فروخي
ساهر : مو على اساس چَذب ماكو وحده بحياتك
نسيم : جاي اقصد الـ مستقبله شبيك خوية
- لزمت راسي انسطرت بسبب سوالفهم، و اخيراً اجه صافي انقذنا
هَو و ايناس ، و نسيم مِن شاف ايناس دفعها على ريتا و هو يحچي
نسيم : هاي ايناس اجتج شوفيها اشبعي منها بس لا تجين
- عافته مجاوبته ريتا و راحت تسلم على ايناس مِن الباب و رجعنا البيتنا
دخلت الغرفه حتى احاچي ايناس شفتها تبدل و انصدمت بـ الي
تشوفه عيني ! و شهكت بـ قهر و رحت ركض عليها
رفعت ايدي التلمَس الاثار الضرب ، حچِيت بـ قهر وياها
ديانا : هاييي شنِو ايدج ايناسسس رجع يضربج ميثم!
ايناس : لا لا ماضاربني نركعت بـ يدة الباب
ديانا : چذابة اششَ چذابة لتتبررين الة
- جريت ايدها و رفعت أردانها و نصدمت عباره عن نيليه
ديانا : هااا هم كولي مركوعة بـ يدة الـ باب
ايناس : اييي ضربنييي
- دنكت على رُجلها و رفعت الدشاشه و شفت رُجلها نيلي همَ !!!
دخلت اُمي و هَم بقت مصدومة و صافنه
دُرية : هاي شنو و ليش ضاربج
- كعدت ايناس على جُرباية و هيَ تبچي و تشهك ، بقت
تباوع على بنتها النايمة مِثل الملاك و تحچي شِنو السبب
ايناس : جاي امسح و اني ميته تعب هٰذا الحمل تعبني حِيل
و تنضيف البيت جاي يزيد و عمتي ما ترحمني تريد كُل ساعه تنضيف
و رُغم البيت نضَيف تريد ترجع انضف مرة ثانيه
فَ كملت مسح و رحت احضر ملابس ميثم على جية
سمعت صوت عمتي تصيح طلعت اركض اشوف شبيها
شفتها ذابه مي بالكاع و طابه بـ نعالها للصاله و صايره لويسة
تنهدت بـ تعب و فحَطت مِن الركضة و حچِيت وياها بـ هدوء
ايناس : عمة ليش ذبيتي مي مو هستوني كملت مسح
ام ميثم : ما تعرفين تمسحيننن البيت كاتلة الوصخ وانتِ حايره بالنوم
ايناس : عمة وين نايمه اني و هسه كملت كُلشي و اريد احضر
ملابس الـ ميثم و اسوي الغده حتى نفسَي هاملتها
ام ميثم : و الچ عيننن تحچينن فوك شينه كوة عينه
دخل يجييي ميثممم و اكُلة عليچ تتجاوزين عليَّ
- اخير كلمة عاطتها بـ صوت عالي ، على اثرها دخل ميثم يركض
بدون ما يفهم الموضوع ركض عليَّ ضربني و سحلني للغرفة
بقيت خايفه على طفل مو على نفسَي ، اعيط و أبچِي أريدة يفهمني
بسَ ماكو چَان فاقد و اسمع عمتي تصيح عليَّ دكول
ام ميثم : اييي ربيهااا اكتلها شوفها عين حمرة تتجاوز على اُمك
- لزمت ايده اريده بَس ينتبه عليَّ و احچِي و صوتي كوه يطلع
ايناس : و و الله مصار هيج شي ميثم والله مصار
بَس اسمعني ميثمممم الطفللل ليصير بي شي
- اخير شي شال راسي و ركعة بـ جُرباية بنتي و هو يغلط وَ يفشر
أدركت هَنا مُستحيل راح يهدء ، وكف يلهث يحچي وياي بـ حقد
ميثم : هسه هسه تتلمين ملابسج و تولين الاهلج يربوچ
- لميت ملابسَي و خابرتج و هٰذا كِل الصار ، هيَ تحچي و اُمي تبچي
و اني صافنه رحت يمها حضنتها
مسحت دموعها اُمي و هيَ تحچي وياها
دُرية : اكول لابوج لان اذا ضربج هسه يضربج مره ثانيه
ايناس : لا يمه لا هَو عصبي و تبقى اُمة و هسَه يصالحني و يعتذر
ديانا : شتحچين انتِ شيفيد الاعتذار و الله الاا اكول الأبوي
دُرية : هسه تشوفين مدام ضربج راح تاخذ ايده على الضرب
لان ضربج وماسويتي شي و من صالحج قبلتي بسرعة
- بقينا نحچي وياها بـ الأخير عفناها تُرتاح و بعدين نشوف حَل
______________
فيِ مكان أخر . .
أيناس :
- كعدت من النوم تعبانه بسبب الحمل وفقر دم عندي حاد
وجسمي نحلان ، اخذت جهازي اشوف الساعه بيش ،
لكيتها بال9:9 تخبلت كمت مثل المخبله ،
شلون عدت الـ 9 واني الـ هسة نايمه
عمتي ما تقبل ابقى للـ 9 ، و إذا مكعدت قبل الـ 9
تدفر الباب عليَّ و تبقى تصيح و كلامها المُزعج
اُم ميثم : كومييي شِنو الـ هسة نايمة ما تشبعين نومممم
- كمت بـسرعة بسرعة بدلت ملابسي و غلست ونزلت
نزلت لكِيت عمتي گالبة وجها عليَّ ، و اني كُلش مالي خُلك عيوني كوة
مفتحتهن ، و احس روحي تعبانه حِيل و ثگلانة
- تمنيت لو اكدر ارجع انام ، لو اكدر ما اشُتغل اليوم
بَس شيخلصني مِن عمتي صرت عبد مأمور عدها
أني ماحب اتريك ، غسلت الصيحات و بديت أمسح
تعبت حِيل مَنا الحمل متعبني و منا المسح
- بقيت أمسحَ شوية و ارتاح شوية
اجت عمتي شافتني هيج بقت تحچي عليَّ
ام ميثم : ليشش تصفنين كملي شغلج
ايناس : عمه و الله تعبت ما اكدر أضل مُستمرة بالمسح گلبي
راح يوكف اريد ارتاح
ام ميثم : كومي شغل و روحي انطمني
- عجزت أقنعها انُ بَس ارتاح و ارجع اكمل بَس هيَ هاي عمتي
مِن يوم يومها هيج اسلوبها بـ الأيام القادمه راح نتعرف عليها
بقيت امسح بَس شِنو گلبي يريد يطلع مِن جسمي يرجف
كوة كوة كملت مسحَ
- رحت تمددت بـ الغرفه شوي و دخل زوجَي راجع مِن الشغل
شافني ضايجة سألني
ميثم : شَبيج ضايجة ؟
ايناس : امك ليش هيج ويايَ اني تعبت مليت من تعاملها وياي
ميثم : تحملي شسوين لعد هَو هٰذا طبعها
ايناس : اني شنو ذنبي اتحملها مترحم اني تعبت منها
- سكت ما حچة شِي عافني و طلع ، تنهدت بـ قلة حِيرة
وكمت صبت غده و عمتي تعوفني بـ حالي
؟ طبعاً لا كُل شوي و ذابه كلمه
لو تحاسب على شي تافه ، تريد كُلشي يمشَي مِثل ميل الساعه
و اني مرة اتَحمل و مرة احچِي و تصير مُشكلة و هيَ هٰذا الي تريدة
- غسلت المواعين و اريد اروح للغرفة ارتاح حَسيت نفسي دخت كُلش
ما اكدر أقاوم بعَد صحت على ميثم
ايناس : ميثم تعال حباب مدري شبيه
- هَو خطية اجاني ركَض ، و نخبص وياي
ميثم : شَبيج شَبيج تعالي كعدي هنا
- شالني كعدني على تخَم ، و جابلي ميَ و كُل هٰذا و عمتي و اكفه
حتى ما باوعت عليَّ و لا كالت شبيها و لا سوت اي رد فعل
بَس مِن شافت ميثم اهتم بيَّ و خاف عليَّ بقت تحچي
ام ميثم : مابيها شي شبيك صار وجهك اصفر
- و هيَ تضحك و تحچي بـ استهزاء اني كُلش انقهرت مِن موقفها
ميثم غلس و اخذني للمضمد
طلع عندي هبوط حاد ، اخذت مغذي و علاج شوي اتحسنت و رجعت
رجعت للبَيت تعبانه حيل و مالي خُلك لفيت راسي و نمَت
- ثاني يوم هَم كعدت على عركة و بخصوص ااتنضَيف
بَس هيَ مو على مود التنضيف هَي ما تحبني عكس ضرتها الثانيه
عمتي عدها هَوس نضافه بحيث زوجها عافها و تزوج عليها
بسبب هٰذا الشي ، بسَ زوجته الثانيه تجننن هيَ وبناتها
- و زوجي عصبي حِيللل بَس كلبة طيب ، يضرب و يغلط
ورا شوية يرجع يعتذر و يصالح و يحضن و يبوس
صارت المُشكلة و ضربني و رحت الأهلي زعلانه
و اُمي رادت تحچي الأبوي و ما خليتها اعرف راح أتأذى اني
- بين النايمه و الكاعده حسيت صوت عياط و غير كلمه صارت تترد
بـ أذني
- يمةةة اخوچ شنَققق روحة
- يتبع | بـ قلمي مَريم العَّليْ .
__________
راح اكلك اني احبك
واعترف طحت بهواك
وراح اكلك كلشي اكلك
من تعب كلبي ولكاك
سهرت عيني ليالي
بس اعد نجم بسماك
وانت ماادري تحبني
لوتحب غيري وشراك
احجي كول بصوت احبك
احجي بس كون برضاك
خلي افرح ولو مرة
واغفة بفراشك معاك
واحجي كلمة وبيهة اكلك
والله بطران ال نساك
وميت خسران اليبيع
والف ربحان ال شراك
غالي مو بس غالي انت
انت مااصار بغلاك
واني حالف لو عفتني
مااحب واحد وراك♥️
___________
سكرين الاعتراف 🌚🤏🏻♥️♥️
السَلام علِيكمممم حَبايبي ، شلونكم ؟ 😞🩷🩷
شلونه الـ بارت كُلش تعبت عليَّ ، بس تستاهلون
المُهم توقعاتكم حُب حياتي ، مِنو الشنق نفسة؟
حَبايب صوتولي ، و علقوا على كُل الـ فَقرات 🩷
استَودعكم اللهُ 🔥🥹 .
الباقيات الصالحات
سبحان الله
الحمدُلله
لا إله إلا الله
الله أكبر
استغفر الله العظيم واتوب اليه
لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
ياحي ياقيوم برحمتك أستغيث
اللهم صلَّ على محمد وآل محمد🩷🩷.
و لتنسون تضِيفوني على انستا ، حُب چَبير 🥹🩵🩵🩵🩵.
وها ترا غيرنا الصوره و اليوزر