ومق الدُليار

الدُليار الثامن .

راح ابقة احبك لو تضل
بس ساعة وحدة بعمري
و اصبر واشگ حلك الصبر
و اغلب ايوب بصبري
عيونك اهم من العمر
تدري انتَ لو ما تدري

_____________

ديانا :

ما احس إلا لزمني مِن خاصرتي ، بدون اي تردد او خوف
عطت و عمتي ام علي شافتني اجت يمي  تحجي
ام علي : شبيج عمة شكو شصار

ديانا : هذا صارله ساعه يمشي ورايَّ و لزم خاصرتي

- عصبت حيل و دارت وجها تدور على هٰذا القذر و صاحت بـ صوت
اُم علي : وينةةةةةة

- ما اشوف غير الولد يشرد  بس ام ما سكتت شافتة ركض و عاطت
اُم علي : ششرطةةةة لزموا بسرعة لزموا

- و شالت عبايتها و طكتها بـ ركضة تريد تلحك بـ الولد و عافتنا وحدنا
اني و ريتا ، باوعت على ريتا و هيَ باوعت عليَّ و ميتات ضحك
الموقف كُلش يضحك يعني اُم علي من كُل عقلها شايله العبايه و تركض
تريد تلزمة !!
بس سترت علينا الـ كمامة و الناس تجمعت علينا حتى تعرف شكو
تقرب رجال  كبير بـ العُمر و حجة ويايَّ

الرجال : عمو شكو شسوالكم

ريتا : عمو حَرامي و باگ من عدنا أشياء

- هز راسة و راح و الناس خفت و اني و رينا بقينا نضحك و شفنا
من بعيد اُم علي اجت سكتنا اجت خطيه فحطانه و ضايجة شافتنا و حجت

اُم علي : ابن الـ گلب ما لزمتة شرد اخخخ لو لزمتة إلا ادرس ببطنة

- ريتا بـ الكوة حابسة ضحكتها و اني هم حابستها باوعت عليَّ اُم علي
و حجت

اُم علي : امشي بسرعة و ليش ما كلتيلي هٰذا يمشي ورانا !

ريتا : والله عمة ما ندري عبالنا يمشي طبيعي الحد ما لزم ديانا
عرفنا مُتحرش

اُم علي : يلا أمشن بسرعة و اي واحد يوصل يمچن كللي

ديانا & ريتا : صارر

- طلعت جهازي ردت اراسل غياث على الأقل رجال ويانا
اتصلت عليَّ و حجيت

ديانا : الو غياث وينك

- بعدني ما مكملة طفه الجهاز تنهدت و رجعته بـ مكانة باوعتلي ريتا
و حجت مُتسأئلة

ريتا : شكو ليش اتصلتي على غياث ؟

ديانا : اريد أكلة يجي يمنا ما شفتي هٰذا شسوه؟

ريتا : خوش حتى واحد يتحرش بينا و غياث تشيله الغيرة
و يتعارك و نصير بـ موقف و  شنكول الـ عمتي

ديانا : هم صدُك شلون ما فكرت بيها بَس يلا ما كتلة طفى الجهاز

ريتا : اي من تصالحون عود كوليلة