ومق الدُليار

الدُليار ثامن عشَر .

تِسألني الشوارع
وين الحباب
وين اليوگفون بعتبة
الباب ابشرك سلموني
بحلكِ الذياب
نِسو انة چِنت في
يوم خِلهم ما ضلي
اهل حتىٰ ارجعلهم
انة احباب گلبي
رحلو كِلهم .

___________

ديانا :

-بس حچيت هيج صفن عليَّ و رجع ضحك و جاوبني
عبد الوهاب : شبيج بابا انسى عَود مِن تكبرين تتزوجين الأحسن مِنه

ديانا : ما اريد الاحسن اريدة ، و أنَي ما اتزوج غيرة
و بعد لا تجيبلي طاري الزواج

عبد الوهاب : اي لا تزوجين ابقي بـ البيت

- تحمحم صافي  و فرك وجهة و حچة وياي بـ هِدوء
صافي : ديانا تره طبعهم مو مثلنه الناس عشاير حتىٰ لهجتهم تختلف ما تكدرين تعيشين وياهم

- ما جاوبته حچت امي
دُرية : زين هسه اذا خابرو  خل اكللهم من تخلص سادس خطبو خل نكللهم لان تدرس و ابوها يريدها تكمل دراسة

عبد الوهاب : لا تكليلهم  الابنيه  و ابوها رافضين ،  الابنيه تريد تريد  تدرس و هاي هيَ ا نتهى الموضوع

- عفتهم و رحت للـ غرفة صافنه و اصلاً ما اعرف شوكت
و شلون غيرت ملابسي ، كعدت علىٰ الجُربايه احس اكو شي غلط
سرعان ما اتذكرت انُ ابويَّ رفضهم و بعد مُستحيل يرجعون يتقدمون
رأسًا بچيت بـ حركة كلب بچيت بـ انهيار بـ وِجع روح
بچيت علىٰ أحلامي و حُبي الـي راح ، بقيت ابچي انهاريت بـ المعنىٰ
الحرفي و انتضر غياث شوكت يوصل حتىٰ اعرف شيحچي شيكول !

- بقيت علىٰ هٰذا الحال للـ ليل ، اجت ايناس ما طلعت يمها
و لا سلمت عليها و لا حجيت باقيه بـ الغرفه منتضره غياث و ابچي
كوه شلت نفسي من الجربايه احس نفسي واحد شامِرني من جبل و
متكسره تكسر ، غسلت و رحت بـ المطبخ كعدت بدون كلام و اسمع
اُمي و ايناس يسولفن

- سمعت ايناس تحچي بـ هَمس وي امي
ايناس : يمه ليش ما قنعتي ابوي مو تدرين بي شكد يحبها و يريدها

دُرية : شسوي سويت كل الي اكدرله و ما قبل شبيدي اني

- اسمعهن و گلبي نار يغلي، حچيت بـ نتر وياهن
ديانا : كاااافي الموضوع سدووو مو رفضتو و ارتاحيتوو بعد شكوو لحد يضل يحجي كدامي

ايناس : والله احنىٰ وياج بس شنسوي ما تكليلي هٰذا طبع ابويَّ

- رأسًا خنكتنَي العبره و احس بلعومي جَمر ، صرت احچي
و ابچي دموعي عشَره عشَره

ديانا : ليش مو امي جانت تكدر تقنعه ليش ما قنعته ها ليش امي ليش

- باوعتلي امي بـ حيره و قهر و حچَت
دُرية : ولج يمه ليش تبجين صدك يعني تبجين علىٰ موده !!