ومق الدُليار

الدُليار العَاشر .

الليّل مد روحَه بغرفتي
وجاب حزن الناس كلها
حطها يمي و سد أذانه
ياهو مابي حيل يبچي؟
خلي ابچيله بمچانه
الليله مابيّن الجثث
حلمان گلبيّ
شارد من الخوف يركض
ليل ومضيع نهاره
الليله تطفيني الجكاره .

__________

ديانا :

- جانت كلمات صغيره بس هدمت كُل أحلامي و حطمتني، كسرتني
هاي الكلمات بعدني صغيرة و ماريد غير غياث ، هَو اول شخص يدُخل
حياتي اول شخص احبة و أتعلق بي ، اول شخص اخذ مكان جبير ب
گلبي ، و هسة شنو هسة يردون اتزوج غيرة
لعد و أحلامي ! و طموحي و حياتي ؟ كُلهم يرحون هيج

بس لا مو اني  الي أتخلى عن أحلامي و حياتي و حُب عمري
أني اوكف شوكة بـ عينهم ..

- رأسًا لطمت على وجهي و بقيت اعيطط و ابچي حرفياً فقدت بـ اللطم
باوعت على امي و ايناس و حچيت بـ كسرة

ديانا : هاي عود انتو اقرب ناسي و تعرفون شكد رافضة فكرة
الزواج و هسة جاين بـ كُل فخر دكولون انطينا الموافقة الا ابوج؟
ليششششش هيججج تسوننن هسه اكتل روحييي و أخلصكم مِن حملي
و بعدين منووو كلكم انييي قابلة
اشو تتصرفون بكيفكم ؟ وحق الله ما أوفق و لا تخلوني اروح بـ نص بيتهم و أرفضة
اني ديانا ما ارضى بـ ياهو الجآن خلوها بـ بالكم ، و انتِ عود اختي مو لازم تصرين وياي ! اشوووو جاية و مكيفة

- حجت ايناس بـ عصَبية و صوت عالي
ايناس : ليش هٰذا العناد هسه العالم تكول عدهااا شي ليش هيج معاندة
و ما تتحاچينن

ديانا : طُز بـ العالم و طُز بـ الدُنيا ما اريدد ما يهمني الناس ، اني تهمني
حياتي اني اريد ادخل جامعة اريد اكون محامية ناجحة ما اريد اتزوج افهموا
عاددددد

دُرية : احنى على مودج هيج حجينة الابوج على موافقة

ديانا : يمة والله اكتل روحي لا تضغطونن عليَّ

دُرية : على كيفج وي نفسج جذب ما كلنا الـ ابوج على موافقتج نريدچ توافقين ، اليوم ابوج يحچي وياچ و تفاهمي انتِ ويا  و وافق

ديانا :  يمةةة تفهَموني ما  اريد

- على صوتنا دخل صافي يركض باوع على حالي و جهي احمر من اللطم
و عيوني دم من البچي ، أنصدم و حجة ويانا

صافي : شكو شصاير شبيها ديانا شبيكم صوتكم عالي ! شصايررر

دُرية : جاينها خطابه و ما تريد توافق ، فَ كنالها انطينا موافقتج
الـ ابوج و هَو جذب بس نريدها توافق اليوم ابوها يفتح الموضوع وياها