ومق الدُليار

الدُليار تسعة عَشر .

مُشكلتي احس افراكنه بي رجعه
يالغيري عندك وانت وحدك عندي
عندك الحب حسيته مثل المشروع
من يفشل تخطط لثاني وتبدي
شسويتلك؟ سودت حلمي الوردي
متعود الزم ايدك من احجي وياك
شكد صعبه لمن نحجي والزم حدي.

_________________

ديانا :

- يعني سواها ؟ هَاي هيَ بعد ماكو غياث لا سوالفه
و لا غزله و لا حُبة و بعد اكدر احاچي و لا اشتاق الة و لا اغار
لان مو مِن حقي راح الـ غيَري هيَ راح تغازله و تحبه
و تداري !
رجفت ايدي ، كلبي يدك سريع رجعت اشتغل وي البنات
و اني بالي مو بَمهم
و صديقتي كُل شوي تدغني حتىٰ انتبه و اني اريد بس ارجع للـ بيت
حتىٰ استوعب المصيبه

- اخيراً رجعت للـ بيت بدلت ملابسي و مصدومه بس صافنه لا اكدر ابجي و لا اكدر احجي الـ الاحد صاحتني امي للـ غدة و جاوبتها

ديانا : لا يمة ما اريد ما اشتهي

- عافتني ما ضغطت عليَّ صار العصر و بعدني علىٰ نفس وضعي
كمت و كفت مقابيل الـ مراية و صفنت علىٰ شكلي و حچِيت وي نفسي

ديانا : شبيج ديانا شبيج ليش هيج مصدومه ابجي حبيبج راح،  الـ شخص الي حبيتي و تعبتي علىٰ موده و ضحيتي و غيرتي قوانين العائلة على مودع راح  خلص راح صار  ملك غيرج و مالج حق تدخلين بي بعد

- بس حچِيت هيج رجفه سارت أنحاء جسمي ، و رأسًا نزلت يم امي
و حچِيت وياها

ديانا : يمه عدنه طحين و لحم مثروم

دُرية : اي موجود ليش شسوين بي

ديانا : اريد اسوي لحم بعجين و هم البنات يردن بـ المدرسه لان باجر راح نحتفل  لان راح نطب بـ السنه الجديده

دُرية : سوي براحتج

- كمت عجنت العجينه و سويت الحشو علىٰ النار  و امي كاعده تخيط و اني افتر فوك راسها  بعدين حچيت

ديانا : اكُلج يُمة ؟

دُرية : ها يُمة

ديانا : يُمة ما مرتاحة

دُرية : ليش اسم الله

ديانا : كلبي عاصرني من السنه الجديده ما اريدها تجي

دُرية : يمه عليمن   و شوفي انتِ سادس اذا طلعتي معدل حلو تصير سنه حلوه و اذا ماطلعتي معدل فَ  تصير مو حلوه قابل شعدج انتِ يا امي

ديانا : والله ما اعرف يُمه بس ما مرتاحه ابد احس راح تصير اشياء هواي
مو حَلوة