ومق الدُليار

الدُليار الخَامس .

‏شكد صَار أَعْرِفُك مَا عَرَفْتُك
‏شكد رُدَّت افهمك مَا فهمتك
‏اهل الْهَوَى يشوفوننا ثنين
‏ويجوز حسبونا سعيدين . .
‏الناس الْهَمّ نَظَرِه الْعَيْن
‏وانت أَبْعَدُ مِنْ النَّجْم عَنِّي
‏ياخوفي أَضْيَع مِن المشيتين
‏ويا خَوْفِي بيك يَخِيب ضَنِي
‏لا ظرفك يُشَابِه ظروفي
‏ولا حَسْرَتِي تُعَادِل حسرتك
‏شكد صَار أَعْرِفُك مَا عَرَفْتُك

____________

{ هامم، راح اترك صورة بـ نهاية البارت ، عادي اخفضوها يمكم ❤️}

————————
- سنة 2007 ، مثل كُل بيت عراقي هادء و عائلة حنونة
أبوي بـ الشغل امي تطبخ ، و اني و صافي و ديانا نلعب
چان صافي شايل ديانا و يلعب وياها و هيَ تضوج بسرعة و تبچي
و هَو يرجع يسكتها ، شفت صافي عاف ديانا و كعد بـ مكانه و صفن
رحت يمه احچِي اريد اعرف شَبي ليش صفن

ايناس : ليش عفت ديانا و صفنت اكو شي ببالك

صافي : اريد اعرف احساس صدام حسين من نعدم شلون جان

ايناس : هاي شبيك شهل تفكير صافي ؟ تره صدام شنقوا

صافي : اييي ولج ايي اريد اجرب الشعور

ايناس : لا لا تموتت شبيك صافي تموت والله

صافي : لا ما اموت اني من اختنك اكلج نزليني بس على كيفج
لا امي تسمع

- امي صاحت عليَّ
دُرية : كااافي سكتو و العبوا بـ هدُوء

صافي : هااا مو كتلج كافي اسكتي لا تسمعنا امي و سمعتنا

ايناس : لا ماكو شي ماما جاي نلعب

- هَو راح جاب ربطة امي مِن المطبخ و جاب الماصة " طبلة"
و ديانا واكفة على صفحة تباوع بـ هٰذا الوقت چان عُمرها 4 سنوات

صافي : شوفي أيناس راح اوكف على ماصة و الف الربطة
على ركبتي من اكلج وخري الماصة وخريها و انتضريني اني
اكلج وخري الربطة منن ركبتي وخريها

ايناس : اي يلا بس لتتأخر لا تجي اُمي و تشوفك

صافي : اي يلا تعاي اوكفي يمي حتى توخريها بسرعة

- صعد على ماصة و لف الربطة على ركبتة ، اشر الي اوخر الماصة
وخرتها ماحَس الاا صافي تصَنم و وجهك صار أزرك و عيونة طلعن
منن مكانهن ، لزمت ايده احاچي

ايناس : ها صافييي كافي اوخرك؟ ها و هسة اوخرك؟

- فجأة طلع وغف من حلكة ، صحت بـ علو صوتيَي
ايناس : ولجججججج يمااااااا تعااالي صااافي ماااات

- اجت امي تركض شافت صافي وجهه ازرك وفصوص عينه
طالعه ونازل وغف من حلكه ضلت تلطم شالت الربطه من ركبه
صافي راسا صافي وكع بالكاع وغمض عيونه ضلت تلطم و صاحت