ومق الدُليار

الدُليار الرابَع .

لقد راودتني رغبة جامحة في عناقكَ الآن
أنْ أضعَ رأسي على صدرك
دونَ أنْ يفصلهما قطعةُ قماش
أنْ أغمضَ عينايَّ
واشتمَ عَبق رائحة جلدك
وأذهبَ في سُباتِِ شتوي عميق
عينايَّ نِعسة ليسَ لدي خيار آخر
سوىٰ النوم حالاً
بنيةِ استحضارِ طيفك فيِ المنام
الذي هَو ملجأ كل خيالاتي ورغباتي
نلتقي هُناك

______________

ديانا :

- وصيه رسول الله اخذتلي صفنه عليها كلت هاي رساله من رب العالمين خزنت الصوره دزيتها
الغياث بنص السوالف بدون كلام دزيتله

ديانا : احبك احبك

- هَنا اني خجلت توترت و ماعرف ليش اعترف رُغم كلت مراح اعترف
رأساً جاوبني مصدوم ممصدك
غياث : شنو !

ديانا : باي باي

- غلقت الجهاز نهائياً و تمددت بـ مكاني و صافنه بالفراغ شعور حلو و محلو ،
الـ حلو اعترفت و بعد كُلشي أكدر احجي ويا بدون ما أتقيد
و شعور محلو هوَ الخوف الي بـ داخلي و خوف من المُستقبل
مِن المُمكن هاي الـ أربعة احرف توكعني بـ تهلُكة ؟

- ماعرف الي سويته صح لو غلط و شنو تكون نتيجته
مَرت ساعه تقريباً و فتحت جهازي ما كدرت أنام صار عندي
فضول أشوف شنو رد فعل غياث
بـ هاي الأثناء دخلت قمر ، أشرت الها تحچي

قمر : أبوي يكول خل ديانا تجي تسويلي عصِير

- باوعت الـ ساعه بـ 12:30 د ، حاچيتها بـ رفعة حاجب
ديانا : شنو أبوية حلمان يريد عصير هسه

- حجت قمر و هيَ عاكدة الـ نونة ، كزكزت عليها من تعصب تصير تجنن
قمر : شمدريني هسه شطالب منج هوَ عصير لو اعرف چان سويت

ديانا : يُمةة شلون اخليج تسوين ما اتعبج

قمر : كولي أخاف من بابا

ديانا : ملعونة شلون كشفتيني؟

قمر : لان بابا يحبني و يخاف عليَّ و ما يقبل احد يصخرني

- ضحكت على وَالفها ، رحت سويت عصير الي و الامي و ابويَّ
و رحت اركض للغرفه اريد بس اشوف شنو رد فعلة
ما تفاجئت من شفت هواي مسجات منة  و حتى متصل ، اقرى
بـ المسجات و الابتسامة شكت حلگي ، جان محتوى الـ مسجات

غياث : " ما مصدك انتِ تحبيني ، اليوم احلى يوم بـ حياتي كُلها
أني طلبتچ مِن الامام العباس (عليه السلام) حتى تصيريلي
رومايتي إذا انتِ تحبني فـَ أني اموت عليچ ، وينج جاوبي
عود صدك تخجلين مني و اني راح أصير رجالج ، و لچ فرحنتي ما تنوصف "