ومق الدُليار

الدُليار الثالث .

هَلي انتُم سبّب حَزني
عكس ماريد تدعولي
على المصلى
طحت طيحة دمع
على كاع محد كالي اسم الله
هَلي خلوا الحچِي مدثَر
أنا شبيدي العُمر ركضة
هَلي لو بيدي ما اكِبر
هَلي كبل لا احچَو حسو بيه
هَلي مو مال اوصيِكم عليه .

_____________

ديانا :

- سمعت صوت عياط و ضرب و بچي
كلبي صار بين رُجلية ، سديته بدون ما اجاوب و طلعت ركض
آشوف شصار و جان أنصدم بـ الي تشوفة عِيوني !

-ابوي خانك صافي و وجه صافي صاير احمر دم  ، بسبب قبضه ايد ابوي
القويه ، العجيب صافي ساكت و هادء حيل بس عيونه تحچي غير شي
حولت نضري الأمري تبچي وتحاول تخلص صافي مِن ايد ابوي
و اختي الصغيره تخاف تتقرب لا يلوحها طُشار
فزيت مِن مكاني على عيطه صافي الكتومة عاط مو مِن
الألم لا مِن القهر ! التفت شفت ابوي لازمه مِن شعرة
و يحچي ويا بـ عصبية

عبد الوهاب : محد طلع عينك غير الجامعة ، فسدت أخلاقك
شعرك تزينة صُفررررر سمعتتتت صافيييي و حضك اطيحة
إلا أعيد تربيتك

-ورجع يخنك بي صافي صار وجهة أزرك واحسة كوة يسحب بالنفس
ركضنا عليَّ نسحب بـ ابوي بس چان ابوي قوي ، أثناء ما نسحب ب ابوي
دخلوا بيت خالتي اهل رِيتاج و ام حسن اجت وياهم ، احس رب العَالمِين دزهم النا

-عمتي شافتهم بـ هٰذا الوضع لطمت على صدرها وراحت الأبوي ركض
تسحب بي سحبت صافي ورا ضهرها و هيَ صارت
بالنُص حچت وي ابوي بـ عصبيه وقهر

ام حَسن : ليششش هِيج تسوي ويا عبد شسوالكك ، العالم تتمنى عدها
مثل صافي ، مثل هدوئة و اخلاقه ، تشوف الولد شيسون ؟
الحَمدُلله صافي مو هيج ، الحَمدُلله ابنك لا جاب الك الحچاية الـ موزينه
ولا نزل راسك و لا جاب الك العيبة

-أبوي ما حچة شي وي عمتي ، بس چانت نضراته على صافي يخزر بي ونضراته كُلها كره وحقد ، عافهم وراح الـ غرفتة و هَو يحچي
عبد الوهاب : انتَ انُتقام اليه الله انتقم مني و خلاك ابني

-حاولنا نغلس كعدنا كُل وأحد بـ جهة ، راحت عمتي
يم صافي حاوطت أكتافة و هيَ تحجي ويا بحنية
-ام حَسن : شبيك يمة شبي ابوك هيج عصبي و خانكك؟

جَر نفس بـ حسر و دنك راسة يتلافه نضراتنا ، بَس عيونه تحچي الي بداخلة
-صافي : ماعرف عنه ماعرف ابويه راح يخبلني ، ليش هيج يحجي
وياي ابويه شنو مسوي الة ؟ عمة انتِ مربيتنا كُلنا من احنى صغار و تعرفيننا
شفتي شي عليَّ سويت شي غلط ؟ ليش هيج ابويه يعاملني انه ما جايب
العيبة الة

-حضنته عمتي وهيَ تحاول تهدي بي
ام حَسن : لا والله يروح عمتك انتَ ماكو منك وين اكو
مثلك ومثل طيبه گليبك وين اكو مثل أخلاقك
اشو أخلاقك يا محلاها وكِلها تحچي بيك بالزين ، بس شنسوي
هٰذا طبع ابوك عصبي وانتَ متعود عليَّ