ومق الدُليار

الدُليار رابعة عشَر .

اخاف احَلم حلم مو زين
خلي ايدج على عيونيّ
واخاف امشي بدرب بي ناس
لا ترّحين من دونيّ
بس انتِ الوحَيده الما مشت
دّمعه عَلى جفونيّ
تعَبت من الوكت والناس
هاي الناس اذا اصّفن يأذوني
خليني بأديج أسوار مِن اي لون
ودكي عيونيّ على البيبان
سبع عيون واحضنيني طّفل
يجّفل مِن اليمشون .

__________

ديانا :

- فجأة هز راسة  و ابتسم و حچة
غياث : اوكِ حبيبي روحي ارتاحي و بعدين احجي وياج

- سديته منة و أني الفرحة ما سايعتني . عيوني مدمعة رحت حضنت
رِيتاج و اضحك و هيَ ضحكت و حجت
رِيتاج : الف مبروك يروحي مهناية

- طفت ريتا الديجي و سالي تباوعلي و تهوس
سالي  : نسمع احلى هلهولة للغالي الحِلو طولة

ريتا : ايعع خل يولي شنو غالي ، اسمعي اسمعي عروستنا گمر فِدوة الـ حلاها

- ضحكت و ما زعلت لان كالت خل يولي أصلاً ما هامني شي فرحتي
عاميتني ، باوعت رِيتاج على بنات و حچت
رِيتاج : بنات خل ننزل يم عمتي نساعدها بـ العشة

- نزلنا كُلنا ، و كُلنا الضحكة ما مفارقة وجهنا حتىٰ عمتي حست اكو شي
باوعتنا و هيَ تنقل المواعين بـ الصينيه و حچت
اُم حسن : ها اشو تبتسمن و موردات شبيجن

- حاولت اخفي ابتسامتي و حچيت
ديانا : لا ما بينه شي بس جنه فوك نسولف سوالف عاديه قابل شعدنه ؟

رِيتاج : شعدنة قايل عدنة شي

ريتا : منيلنا هوَ احنى فارغين

سالي : اي صحيحححح

اُم حسن : خوش دكعدن تعشن

- تعشينا و بين سوالف و ضحك كمت اول وحده أني صعدت حتىٰ
ما اجذب النضر ، لان الابتسامه شاكه حلكي و عيوني تلمع بـ الحُب
لكيت غياث يتصل عليَّ شلته و جاوبت
ديانا : ها غياث

غياث : حبيبتي امي و خواتي يردن يحاچنج يفتحن كامرا

- اني ابداً ممستعده انُ احجي وي امة لان ما جاي أطيقها بس سكتت
لان اريد أتعرف علىٰ خواته حچيت ويا
ديانا : تمام حبيبي ما عندي مُشكلة

- خليت الشال علىٰ راسي و هوَ صاح الأمه و أخواته ، فتحت الكاميرا
طلعت بـ وجهي امة سبحان الله وجها ما بي اي قبول مخليه مكياج
كُلششش قوي و مسوية تاتو و صابغه شعرها اصفر
عرفت تريد تغيضني و تصغر نفسها ويايّّ لان راح اصير چنتها
لان هيَ من أجتنا ما مسويه تاتو ، اخذت نفس و ابتسمت بـ تصنع
و سلمت عليها
ديانا : هَلاو خالة شلونج شخبارج

ام غياث : هلا بيج جنتي حبيبتي ، انتِ شخبارج شنو شعورج

ديانا : الحمدلله زينه ، ان شاء الله فرحانه