بَعد بيّه حِزن يِنكتب مَا ينشَاف حِزن محَد أضَن شافهَ
حِزن شَفاف
وتعّب مستوطِن بِروحي
متلفّلف عليّه لفاف
حِزن مِثل الله مَا ينشاف .
______________
( المـاضي )
- جابت ايناس بـ خير و سلامة ، و بليل امي جابت وياها
ايليا ، شلتة بين أدية اللهم صلِ على مُحمد و الـ مُحمد
شنو من جمال ابيض و عيونة كبار و حلكة صغيرر
بقيت شايله أيليا و افتر ورا امي و احجي وياها
ديانا : ماما منو بقى يم ايناس ؟
دُرية : عمتج ام حسن خطية ما قبلت ترجع و كالت أبات يم ايناس
ديانا : يا بعد روحي عمة ، لو شنسويلها ما نكدر نجازيها ما نكدر
نرجع ولو شي بسيط من افضالها
دُرية : اي و الله ما تتجازة هيَ بـ كُلشي ويانا لو تشوفيها شتسوي هناك
بس تصيح أيناس من الوجع هيَ تمسح على راسها و تقرا ايات
ديانا : فدوه اروحلها عمتي الحنينة، لو شافتنا نبچي تبچي لو شافتنا نضحك تضحك
دُرية : اصيلة ام حسن
- بقيت أسأل بـ امي و نسولف بـ مواضيع عامة
شوي و حجت
دُرية: راح انام لان باچر ايناس تطلع من المُستشفى
ديانا : نامي نوم الهنى
-طفيت الأرضية و سديت الباب
و صعدت اني و أيليا يمي رحت
للغرفه ، سديت الباب و شلت ايليا و اغنيلة
- و يمة الولد فدوة الولد
و يسوى البنات بلا عدد
و بأچر يشب مثل الأسد
و يصيرلچ عون و سند
و ايلياتي هيل و فُستقه
و يسوى شباب المنطقة
- أثناء ما اغنيله و مسويتلة اجواء بقى يبچي و يعيط
و فزيت على عطيه امي و راد يوكع مني ، رحت الها و اني شايله
ايليا الي خبص الدنيا بـ البچي ، اشرت الي انطيها ايليا و هيَ تحچي
دُرية : شبي ليش يبچي ؟ شسويتي الة
ديانا : هددتة كُتلة إذا تبچي أرميك و هَو بچة
من هسة يعاند
دُرية : لج دياناا احجي شسويتي الة ؟
ديانا : يمه قايل شسويت؟ هَو بقيت أغنيله و اهوسلة و فجأة
صار يبچي يمكن نعسَس
دُرية : دنطينا و روحي نامي باچر يجون بيت خالاتج و خوالج
و بيت عمامج كُلهم
ديانا : دخيلك يا علي اي والله دخيلك يمه شنيه هوايي شني دكة عشائرية
و ان شاء الله كُلهم اخدمهم!
دُرية : لا ما يعوفنج البنات ، دروحي نامي يا امي حتى تلحكين
تكعدين
- عفتها و رحت نمت ، ثاني يوم كعدت لكيت امي تحضر
ريوك و راح نسيم يجيبهم من المستشفى ، بدون ريوك بديت اشتغل
انضف و اركض على جُلنار و
ايليا
بالأخير بديت بـ نفسي سبحت و رتبتها
نزلت لكيت ايناس موجوده ، بس شنو ميته تعب
و عيونها صاير جواها
اسود و كوه تتحرك ، كعدتها بالغرفة و بقت ترضع بـ ايليا
YOU ARE READING
ومق الدُليار
Mystery / Thrillerفَتاه قوية و لكِن القدر أقوى مِنها غدرت مِن اقرب الناس ، تعذبت و ضلمت مِن اشباه الرِجال كانت تحب لكن طعنت فدخل رجال آخر رغما عِنها هل ستقع في الحُب مرة أخرى ؟ - مَريم العَّليْ
