ومق الدُليار

الدُليار خامسَ عشَر .

أوج واليمي ما يدرون
مثل شمعة صبح روحي
مو اعمى وكمت ماشوف
بس يمكن طفت روحي
لو عدها كرامة تموت
جسمي يطرد بروحي
الجلد من يبتسم مجروح
كامت تضحك جروحي
مو بالكيف اقنع الروح
وبضحكاتي اغافلها
ترا المراية ماتختار
الوجوه التكابلها .

__________

ديانا :

- راد يوكف گلبي بسرعة بچن امي و حچت بـ غصه
دُرية : ولج عدها فشل بـ الكبد

- دخت و حسيت عيوني غوشن و كأنما نضربت علىٰ راسي
حچيت بـ قمة صدمتي
ديانا : شلونن يمة شلون شنووو

- رأسًا فات ميثم و ايناس و سكتت من راحوا امي حچت تحذرني
دُرية : اششش لا تبينين الها ما كنالها

- رحت  يم ايناس بس تعبها واضح و ما ينوصف ، سلمت عليها
و هي تحچي بـ الكوة
ايناس : ديانا شو اني مدري شبيه شو امي و ميثم طلعو ضايجين و من اسئلهم شكالكم  الدكتور  يكولون ما كال شي بس على مود  الحمل صاير خربطه ونوب الدكتور يريد باجر يدخلني مستشفى

ديانا : اي دخلي مستشفى لعد احسن من ما تتأزم حالتج

ايناس : اي راح اروح للبيت حتىٰ  احضر ملابسي و ملابس للجهال  جُلنار خليها يمج بس ايليا يم ميثم لان ما يعرف  ينام اله يمه

ديانا : ميخالف يمعوده بس ارتاحي

- تمددت وجها اصفر عيونها ذبلانه هاي مر اسبوع عليها و هيَ كلشي ما تاكل  ابد تشرب بس مي و اول ما تشربة  تتقيئ و اذا تشتم ريحه اي اكل هم تتقيئ
طلعت مِنها مِن بعد ما طفيت الضوة و سديت الباب ، البيت صار هِدوء
و محد يحچي لان الكل مصدوم بـ مرض ايناس ، شَوي و دخلت عمتي
اُم حسن عيونها مدمعة تلكتها امي من المطبخ و بدون سلام حچت