Dedicated kay ArleneDeligero kasi sobrang excited siya sa update. Special mention na rin kay chillzre kasi sabi niya cute daw ang story. Ganun na rin kay bugsbunny07 at jiangarci kasi kinilig sila sa last update.
P.S.
Ito lang nakaya ko. Kagagaling ko lang kasi sa exam, hindi pa nakakapagpahinga. Sana matuwa pa rin kayo kahit na konti.
--------------------------------------------------------------------------------------------
Albert's POV
Andito kaming dalawa ngayon ni Dominic sa labas ng bahay ni James. Hindi kami sigurado kung papasukin na kami pero susubukan lang din namin. Namiss na kasi namin siya eh. Joke. Wala lang talaga kaming maasar. Sobrang boring nga sa school kanina eh.
Kaya naman pagkahatid kay Diana ay naglakwatsa na kaming dalawa. Kagagaling lang namin sa bar. Siyempre ano pa bang ginawa namin sa bar? Eh di uminom at nambabae. Ay wag nga pala iyong huli. Uminom lang kami.
Nagkatinginan na lang kaming dalawa ng bumukas na ang gate. Kung ganun magaling na siya. Pinapasok na kami eh. Iba na talaga ang nagagawa kapag may personal nurse ka. Kita mo, dati ilang araw din yan bago gumaling tapos ngayon hindi pa man natatapos ang araw ay okay na siya. Kumuha na rin kaya ako ng nurse ko? Gusto ko madami. Wahahahaha.
Hindi ko talaga naisip na mabilis din sa babae itong si James. Akala ko gwapo lang siya eh. Isipin niyo yun, girlfriend na agad niya si Diana eh parang kahapon lang halos magatayan na silang dalawa.
Mukhang effective nga talaga iyong pasuplado effect niya. Konti lang naman lamang niya sa akin sa kagwapuhan pero mas madami talaga nahuhumaling sa kanyang mga chicks. Sinubukan ko naman iyang style niya na magsuplado kaso tingin yata ng mga chicks ay nagbibiro lang ako kaya pinagtatwanan lang nila ang pagsusuplado ko. May problema kaya sa mukha ko? Tingin kasi nila lahat ng ginagawa ko biro eh?
Mamaya ko na nga lang isosolve yan. Kakapagod mag-isip eh. Nababawasan kagwapuhan ko.
"Nandiyan pa ba si Diana." tanong ko sa isa sa mga maids. Baka andiyan pa siya eh, makaistorbo pa kami. Lagot kami kay James pag nagkataon.
"Umalis na po siya Young Master. Mga two hours ago pa po." So bago mag six. Malapit nang mag eight eh.
Dumiretso na sa kusina iyong isa kaya sinundan ko na siya. Gutom na yata tong isa to.
"Young Master ano pong gusto niyo? Ipaghahanda ko po kayo."
"Ano to?" turo niya sa nasa casserole.
"Chicken and rice porridge po."
"Yan na lang. Dito na rin lang ako kakain." Gutom na nga. Ayaw nang pumunta sa dining table eh. Naglagay na iyong maid sa bowl. Nagutom ako sa amoy kaya pati ako nanghingi na rin. Naupo na kami at nagsimulang kumain. Nakailang subo pa lang kami ay nakita ko na papalapit na sa amin si James.
"ANONG GINAGAWA NIYO?" Nagulat kami. Sinigawan niya kami tapos bigla pa niyang inagaw iyong bowl namin.
"Wala namang ganyanan James. Kita mong kumakain kami eh." sabi ko.
"AT SINONG MAY SABI SA INYO NA PWEDE NIYO TONG KAININ?"
Anong problema nito? Kelan pa siya nagdamot ng pagkain sa'min? Tapos lugaw pa talaga ipinagdadamot niya.
"Okay sa'yo na yan kung gusto mo. Meron pa naman dito eh." sabi ni Dominic sabay kuha nung casserole. Nagpakuha ulit siya ng bowl sa maid. Nanlaki naman ang mga mata ni James.
"HUWAG MO SIYANG BIBIGYAN NG BOWL. AKIN NA YAN."
"Ano bang problema mo James? Para kakain lang kami ah."
"Kainin niyo na lahat ng gusto niyo basta huwag niyong pakikialaman yan."
"Ang alin? Itong lugaw?"
"Oo. Akin na yan. " Hindi na siya nakatiis siya na mismo ang kumuha ng casserole kay Dominic. Kung hawakan niya iyong casserole parang gold ang laman nun. Ano bang meron sa lugaw na to at nagkakaganyan siya? Mukhang sobrang plain naman niya. Parang hindi nga gawa ng chef niya eh.
Umalis si James dala iyong casserole tsaka iyong bowl namin. Nasapian yata siya eh.
"Anong bang meron dun sa lugaw at ipinagdadamot iyon ni James.?" tanong ko sa maid.
"Hindi po ko sigurado pero si Miss Diana po ang nagluto nun eh."
Nagkatinginan na naman kami. Nasapian nga siya. Nasapian ng love.
"Iyan na nga ba ang sinasabi ko eh. Tinamaan lang ng pana ni kupido nasiraan na ng bait si James. Parehong-pareho na sila ni Stephen."
"Buti na lang magaling tayong umiwas.Hindi tayo tinatamaan. Kung hindi magiging baliw na rin tayo."
Nagtawanan na lang kaming dalawa sa huling sinabi ni Dominic. Kaya nagkakasundo kami nito eh. Parehas kaming gwapo.
Diana's POV
Malapit na ang foundation day ng school. Kaya naman sobrang busy na halos lahat ng clubs. Magkakaroon ang drama club ng presentation kaya overtime kami ngayon sa theater hall. Siyempre as usual nasa decorations lang kami since hindi namin kami marunong umarte.
Nasa taas ako ng stage at naglalagay na ng ibang decorations ng marinig ko na tumili ang iba naming kasama. Lumingon ako at nakita ko na pumasok sina Dominic, Albert at Stephen.
Kaya naman pala.
Pero napakunot ang noo ko. Wala yata siya? Tsssk. Eh ano naman ngayon kung wala siya? Pakialam ko. Buti nga eh. Kumaway si Albert sa'kin kaya nginitian ko lang siya. Tapos tumalikod na ulit ako.
Napahawak ako sa dibdib ko sa sobrang gulat ko.
"Anak ng pangit na palaka!! Ano ka ba? Bakit ka ba nanggugulat diyan?" Muntik na akong atakihin sa puso eh.
"Anong nanggugulat ka diyan? Nakatayo lang ako dito eh."
"At bakit diyan ka sa likuran ko nakatayo. Bigla ka pang susulpot diyan. Sinong hindi magugulat niyan."
Hindi ko alam kung anong pumasok sa isip ko pero bigla ko na lang sinapo ang noo niya. Feeling close lang?
"Wala ka nang lagnat. Mabuti naman."
"Nag-alala ka ba?"
"Hindi ah. Bakit na naman ako mag-aalala sa'yo?" Di ba?
Nilagpasan ko na siya at bumalik ulit sa ginagawa ko. Muntik ko na makalimutan na may ginagawa pala ako. Kaya lang hindi naman ako makapagconcentrate sa ginagawa ko. Paano ba naman kasi. Nakatitig lang siya sa akin. Titig talaga ha hindi simpleng tingin lang.
"Ano ba."
"Bakit?" Nagtanong pa talaga siya.
"Huwag mo nga ako tingnan."
"Bakit bawal ka bang tingnan?"
"Ewan ko sa'yo. Bakit ka ba kasi andito?"
"I wanted to see you."
Nanlaki mga mata ko. Ano daw? Nabibingi na yata ako. Kung anu-anong naririnig ko eh.
"Bakit mo naman ako gustong makita?" I manage to ask. "Ano na namang kailangan mo?"
"Wala."
"Wala?"
"Sinabi ko na di ba. I just wanted to see you."
Waaaaaaaaaaaaaaaaaahhhhhhh. Could someone care to explain kung anong nangyayari?Masisiraan na ako ng bait dito eh.
Sinapo ko ulit noo niya.
"Wala ka na ba talagang lagnat?"
"Ha?"
"May lagnat ka pa yata eh. Kung anu-anong kalokohan ang sinasabi mo diyan."
Pagkasabi ko nun ay tinalikuran ko na naman siya ulit. Ayoko na siya kausap. Kung anu-anong sinasabi niya. Ginugulo lang yata niya ako eh. Ginugulo niya isip ko pati ang puso ko. Tsssk. Saan nanggaling yun? Hindi kasali iyong puso. Isip lang.
Hindi ko rin nagawa ng maayos ang trabaho ko. Kahit anong gawin ko ay hindi talaga ako makapagconcentrate. Bakit ba naiilang ako? Sobrang nabobother ako na andiyan siya.
Nakahinga lang yata ako ng maluwag ng sinabi ni Annika na uuwi na kami. Kaso yung relief ko biglang naglaho ng hilahin niya ako papunta sa kotse niya.
"Anong ginagawa mo?"
"Ihahatid kita."
"Bakit mo naman ako ihahatid?"
"Dahil gusto ko." Tapos binuksan na niya iyong passenger seat. Hindi talaga niya ako tatanungin kung papayag ako?
"Hindi pwede." Talagang hindi pwede. Bukod sa ayoko siya kasama ay malamang doon na naman niya ako ihahatid sa maling bahay. Hindi ko naman masabi sa kanya na hindi talaga iyon ang bahay namin. Ang hirap pala bawiin ng kasinungalingan.
"Sumakay ka na nga lang."
"Eeeehhh. Nat naman eh. Huwag ka na kasing makulit. Hinihintay na ako ng sundo ko."
"Just text him."
"Hindi nga kasi pwede." Hindi makaintindi?
"Sino ba kasi iyang sundo mo? Don't tell me na siya na naman yun?"
"Sinong siya?"
"Iyong Edrian."
"Hindi siya no. Iyong driver namin. Kanina pa yun naghihintay." Eh ano naman ngayon kung si Edrian sumundo sa akin di ba?
"Tssk. Fine. Umuwi ka na." Tinaboy na talaga niya ako. Parang nagdadalawang isip naman ako. Mukhang nagalit kasi siya eh. Tsssk. Eh ano naman ngayon kung magalit siya di ba? Kelan pa ko nagkaroon ng pakialam dun?
"O sige na nga. Ihatid mo na nga lang ako."
Nakita ko na biglang nagliwanag ang mukha niya tapos ngumiti pa siya. Hindi ko naman alam kung anong isisipin ko or mararamdaman ko. Ano ba talagang problema niya?
He's giving me goose bumps sa ikinikilos niya.