و مر يوم آخر بلا شئ جديد و جاء يوم الجمعة
استيقظ الجميع قبل صلاة الفجر و صلوا قيام الليل
بعد فترة كان آذان الفجر قد اقترب ليذهب باسم و عبدالرحمن إلى المسجد
خرج الاثنان و اتجها إلى شقة عمرو
باسم : افتحي يا سوسو ده أنا اللمبى العشق يا بت نوسه
فتحت سعدية الباب
باسم : صباح الورد عليكى يا زوجتى المستقبلية
عبدالرحمن : صباح الفل عليكى
سعدية : صباح النور على عيونكم
باسم : هو عمرو فين ؟ الفجر هيأذن
سعدية : أهو مرمي جوه هدخل انادى عليه و اجي معاكم
باسم : لأ يا حبيبتي الجو برد عليكي خليكي انتى و صلى مع البنات جماعة
سعدية : بس
باسم بمقاطعة : أنا أحب مراتي تسمع كلامي يلا ادخلي نادي على عمرو و خدي مدام مريم و روحوا صلوا جماعة
سعدية : حاضر
عبدالرحمن بتأثر : ياه ده الحب ولع فى الدرة خالص
باسم : اه الحب ده شئ جميل يا بودي ادعيلي يجمعنا بيت أنا و سوسو يارب
خرج عمرو إليهما بعد مدة قصيرة
عمرو : يا صباح الخير
باسم : صباح الفل يلا علشان ننادي حازم و والده
نزل الثلاثة إلى الدور السابق حيث شقة حازم
عمرو : أهم حاجة مش عايزين صوت عالي علشان محدش ينزعج
باسم و عبدالرحمن : تمام
ثم بدأ الثلاثة ينادون بأعلى صوت على كل سكان العمارة قائلين : يا عبده اصحى يا عبده أنت و حازم
يا عم محمود ياللى ساكن في الدور الخامس اصحى و صحي ابنك عامر الفجر هيأذن و صحي عمى شاكر يا عم صبحي ياللى في التانى اصحى الفجر هيأذن و صحي عمى جمال اللي قصادك يلا الفجر هيأذن
عمرو بمزاح : يا على يا علاء اصحوا البيت بيولع
يلا يلا يلا يلا نهارنا أبيض يلا نهارنا فل
فتح عبدالعظيم والد حازم الباب واتجه إليهم
عبدالعظيم : يا ساتر يا رب هو كل يوم كده شوية مجانين عايش معاهم انتم دكاترة انتم حتى الحيوان اللى جوه أهبل برده
حازم وهو يخرج من الشقة : تعيش يا حاج بس أرجوك ما تمدحنيش أكتر من كده
عمرو : لمؤاخذة يا عبده قلقنا منامك
عبدالعظيم : عبده في عينك يا قليل الأدب ده أنا خالك احترمني شوية يا حيوان
حازم : افوش أوي عبده يلا يلا علشان نلحق الفجر
نزل سكان العمارة للذهاب إلى صلاة الفجر
عامر : صباح الخير يا شباب
عمرو بمزاح : مش تحدد يا عامر يعنى صباح الخير يا شباب إلا واحد يعنى عبده شباب برده أنت هتكدب على الصبح ده الراجل مهكع خالص
عبدالعظيم : صدق أنا غلطان أنا لو كنت أعرف إن لما أبوك هيتجوز أختي هيخلفوا الخلفة اللى تعر دى مكنتش وافقت
عمرو : ياه يا عبده ده أنت بتحبنى أوى بتموت فيا
عبدالرحمن بضحك : معلش يا عمي ما أنت عارف عمرو يلا بينا علشان نلحق الصلاة
اتجه جميع رجال العمارة إلى المسجد لأداء الصلاة
و صعدت والدة حازم إلى بيت أروى لأداء الصلاة معا
انتهت النساء من الصلاة و جلسن معا يتحدثن
والدة حازم : إلا قوليلي يا صفاء امتى بقى هنفرح بأروى و حازم ؟
صفاء : قريب إن شاء الله عبدالرحمن قال لحازم لما يخلص الموبيليا يبقى يتفق مع حازم و والده على الفرح و بعدين اعتبريها من دلوقتي فى بيتكم
والده حازم : تعيشي يا حبيبتي ده يوم المنى هو أنا عندى أغلى من أروى دى بنتى اللي مخلفتهاش
ابتسمت صفاء و حمدت الله أنه جعل لابنتها أم ثانية فحماتها طيبة و تحبها كثيرا
بعد مدة اتجهت والدة حازم إلى بيتها بعد أن تحدث مع أروى و باقي البنات
مريم : معلش بقى يا خالتى هخلي الولاد عندك النهاردة
صفاء : معلش إيه يا مريم ده انتى بنتى يعنى ولادك أحفادي
مريم : ربنا يباركلك يا خالتي و يديمك لنا يارب
ثم استأذنت و أخذت سعدية و رحلت
بعد مدة عاد الرجال من المسجد و اتجه كل منهم إلى شقته
_____________________________
في شقة الثلاثي جلس الجميع لقراءة القرآن إلى وقت الضحى ثم صلوا الضحى و اتجهوا إلى النوم
عند الثامنة صباحا استيقظ الثلاثي و والدتهم و قاموا بتحضير الفطور
و بعد مدة استيقظ عبدالرحمن
عبدالرحمن : صباح الخير
الجميع : صباح النور
صفاء : حبيبي هو باسم لسه نايم ؟
عبدالرحمن : أيوه يا أمى حاولت معاه بس مش راضي يقوم
جنة : سيبولى الطلعة دي
ذهبت جنة إلى المطبخ و أحضرت قطعتان من الثلج و اتجهت إلى غرفة باسم
اقتربت جنة منه و هو نائم ثم وضعت قطعتا الثلج في ثيابه
باسم بفزع : هااااح ايه ده حرام عليكي يا شيخة
جنة : صباح الفل يا بيسو اصحى علشان تفطر
باسم : لا والله يعنى بعد الطريقة دي فيه صباح الفل و بيسو
جنة : يعنى بلاش احترمك
باسم : لأ يا اختى احترميني
ثم اتجه إلى الحمام ليغسل وجهه
و فى هذه الأثناء كانت أروى تقوم بدور مدحت شلبي
أروى : لأ لأ قام من نومه و نزل من على السرير دخل الحمام لأ مش ممكن مش ممكن خرج من الحمام لأ و جاى علينا ده قعد على السفرة روعة يا ابنى روعة الله عليك تسلم رجليك إذا كان عندهم كريستيانو عندنا باسميانو عندنا باسميانو بيسو من قلقي و خوفى عليك يا جميل من فضلك إلبس قطونيل
ضحك الجميع على طريقة أروى فهى بارعة فى التقليد
ثم أنهت الحوار قائلة : كابتن مدحت شلبي يحييكم و مساء الأنوار
باسم : شكرا يا كابتن على المجهود الفظيع ده
أروى : الشكر لله ده أقل واجب
تناول الجميع الفطور و بعدها اتجهت الفتيات لتنظيف البيت
جنة : الخطة كالتاتى هنغسل الهدوم و بعدين الكنس و التنفيض و بعدين المسح
ليلى و أروى : تمام
بدأ الثلاثي بالغسيل
كانت جنة تغنى وهى تقلد إعلان ڤانش هى و أختيها
ليلى : واحد اتنين تلاته أربعة خمسة موااه
جنة : فاكرة زمان البقع كانت في كل مكان فاكرة
أروى : بقعة توت و شوكولاته و قهوة و الرمان شايفة
ليلى : دلوقتي خلاص قلقك ده ممكن تنسيه
الثلاثة : ڤانش بخمسة جنية أيوه بقى ما تستخدميه
ڤانش بخمسة جنية انسي البقع لو تغسلي بيه
جنة : اسكوزمى متنسيش اللى قولتلك عليه
ثقي فى فانش و انسى البقع
الأم : لو مش هزعج روح الفنانات اللى جواكم خلصوا الشغل يلا
البنات : حاضر ثم اكملن العمل و بعد مدة طويلة انتهين لتقترب صلاة الجمعة و يتجه جميع الرجال إلى المسجد
بعد انتهاء الصلاة بفترة سمعوا صوت طرق الباب
فاتجهت جنة لتفتح فوجدت مريم و أولادها و سعدية
جنة : حبايب هارتي ادخلوا يلا
دخل الثلاثة و جاءت مريم لتتحدث
مريم : شكرا يا جنة وخلي
جنة بسرعة و هى تغلق الباب فى وجهها : خلاص بقى اتكلي محسساني إنك من جاردن سيتي كل شوية شكرا و بعد اذنكم
مريم باندهاش : اه يا جزمة بتقفلي الباب فى وشي ماشى ثم رحلت
مالك : نانا أنا عايزك تقعدي معانا علشان تعلمينا انجلش علشان انتى شاطرة فيه
سعدية : مالك مجتهد كده ليه ده أبوك مكنش يرتاح غير لو اترفد من المدرسة خمس ست مرات
جنة : سوسو
watch your language قدام الأولاد
سعدية : ساندوتش ايه اللي عايزاه ؟
أروى بضحك : ساندوتش شاورما سوري
سعدية : بقى بتضحكوا عليه يا معفنة انتى و هي
جنة : هو إحنا نقدر برده يا سوسو
بصى بقى أنا عايزاكي تنتشري فى المكان و اعملى كل اللى انتى عايزاه اخنقي ليلى كسري أروى اقتلى باسم براحتك خالص و أنا هشوف مالك ومسك و جاية هوا
سعدية : من عنيا
اخذت جنة الأولاد و دخلت إلى الغرفة بعد نحو ساعة دخلت ليلى لتنادي عليها فالجميع ينتظرهم على الغداء فسمعتها تتحدث مع الأولاد
مالك : اهى الجملة دى
The car is not my car
يعنى ايه بقى ؟
جنة : سهلة يا لوكه اكتب الترجمة الكار ده مش كاري
مالك : طيب و الجملة دى ؟
we are very tired
جنة : احنا اتنفخنا من التعب
ليلى : ايه اللي بتهببيه ده ؟ الكار ده مش كاري و اتنفخنا هو ده اللى بتعلميه للعيال ؟
جنة : و إيه يعنى مش ده الصح
ليلى : صح ايه ده انا هسيحلك
ثم خرجت لتخبر الجميع
خرجت جنة و الأولاد
صفاء و هى تمسك جنة من بيجامتها : يعنى هبلة و قولنا ماشي لكن عايزة تطلعي العيال هبل زيك
جنة : مصري stop it مصري stop it الشاكت الشاكت ( بصوت ايمى سمير غانم)
باسم : انتى إزاي تعملى كده في الkids ؟
مالك : لأ يا تيتة هى كانت بتعلمنا صح بس إحنا كنا بنهزر شوية
صفاء : بجد يا حبايبي يعنى ده هزار ؟
مسك : أيوه يا تيتة
جنة بدرامية وهي تشاور على والدتها و ليلى : هما دول يارب هما دول اللي ظلموني طيب أعمل إيه احسبن عليهم لأ مش قادرة دول أمي و أختي برده
سعدية : معلش يا حبيبتي دول عالم ظلمه يلا يا حبيبتي علشان نأكل
ثم اتجه الجميع إلى الغداء
بعد صلاة العصر
عاد باسم إلى البيت و اتجه إلى غرفة البنات و طرق الباب
جنة : ادخل
دخل باسم و اندهش مما رأى
كان الثلاثى يجلسن هن و سعدية و يرتدين بيجامات طفولية و يضعن بونيه على شعرهن و ماسكات بألوان مختلفة و قطع من الخيار على عيونهم
باسم بضحك : هو أنا دخلت فيلم حريم كريم ولا ايه ؟
سعدية : بيسو لأ يا حبيبي ده إحنا بنعمل جلسة تنضيف للبشرة
باسم : دول عايزين جلسة لتنضيف اللسان مش البشرة
أروى : طيب ما تيجي تعمل تنضيف اللسان معانا
ليلى : لأ ده لسانه عامل زي قشر السمك عايز سكينة تنضفه
سعدية : بنت عيب كده لما تغلطي فيه ده هيبقى جوزي
ليلى : سوري يا سوسو
جنة : كنت عايز إيه ؟
باسم : كنت جاى عايزك تعمليلي نظام زى اللي عملاه على اللاب بتاعك لأنه عجبني
جنة بفخر : والله الواحد مش عارف إيه اللى كان هيحصل لو أنا مش موجودة
باسم بضحك : أكيد كانت الدنيا هتبقي أحلى
جنة : أحلى يا ابنى دول لما كانوا بيغنوا لمصر و يقولوا فيها حاجة حلوة كانوا يقصدوني
باسم : طبعا طبعا
جنة : اسبقني أنت و شوية و جاية
باسم : ماشي ثم خرج
أروى: إلا قوليلي يا سوسو هتلبسي إيه بقى في فرح فاطمة ؟ دي أصرت عليا إنك انتى أول المدعوين
سعدية : مش عارفه لسه بس إحتمال فستان كشمير
أصلى شوفت صورته في المجلة و اتصلت بالمندوب و هيوصله بكرة بالكتير
ليلى : بتشتري أون لاين يا سعدية لأ لأ الله يرحمك يا حاج فتحي لما كان يشتريلك فستان بكرانيش كنتي تاخدي الشارع كله رقص
سعدية : ااه الله يرحمه و لا يوم من أيامه
جنة : لأ لأ كده خيانة الحاج الله يرحمه اتكل من زمان و انتى دلوقتي هتبقي في عصمة راجل يبقى ميجيش غير اسمه على لسانك إحنا بنغير
سعدية : عندك حق يا نانا سوري يا حياتى يلا بقى خلينا ندخل على الخطوة التانية علشان نخلص الجلسة
البنات : اوكيه
جاء المساء و عادت مريم مع زوجها و ذهبوا إلى منزل الثلاثي و اخذوا الأولاد و سعدية و عادوا إلى منزلهم
ذهبت جنة إلى غرفة باسم لتعد له البرنامج
جنة : خلاص كده يا كبير خلصت
باسم : شكرا يا نانا
جنة : على ايه ده أقل واجب مسيو جاسم
عبدالرحمن بضحك : هههههه يا بنتى حرام عليكي مرة واحدة اتكلمي جد انتى و أخواتك
لاحظ عبدالرحمن أنها شردت في شئ
عبدالرحمن : ايه روحتى فين ؟
جنة : أصل بكرة أول يوم دراسة فى الجامعة و أنا خلصت ياه مش هروح الجامعة تاني
عبدالرحمن : مش كان زمانك انتى و صاحبتك معيدين فى الجامعة دلوقتي ليه ترفضوا بس ؟
جنة : يا ابنى أنت مستوعب اللى بتقوله أنت عايزني أقف أشرح للطلبة و يسألوني و أفضل أفهم فيهم ليه هو اللى عملته فى المدرسين و الدكاترة هيطلع عليا بقى و بعدين العميد قال إن فى عجز فى المعيدين يعنى ممكن يطلبونا أن و عزة و منقدرش نرفض صحيح بمناسبة عزة بكره علياء هتروح الجامعة لما أقوم اغلس عليها شوية
بيسو بقولك خد بالك منها بقى
باسم : من مين ؟
جنة : علياء أخت عزة ما أنت هتدرس لها أصلها قسم كيمياء و فى الفرقة الرابعة ده أنا هقولها تتنطط على زمايلها و لا يهمها و أى حد يكلمها تقوله أنها تبعك ولا ليه دى ما تروحش الكلية خالص وأنت تنجحها
باسم : أنا مليش فى الواسطة كل الطلبة عندى واحد
جنة : أنت بقيت تنك كده ليه صدق علياء هى اللى هتربيك
باسم : علياء مين اللي هتربيني دي ؟ هي اسمها علياء إيه ؟
جنة : لأ دي مش محتاجة إنى أقول اسمها دى هتعرفها لوحدك ثم تركته و غادرت
ذهبت جنة إلى غرفتها و اتصلت بعلياء
علياء : السلام عليكم ورحمه الله و بركاته
جنة : و عليكم السلام ورحمه الله وبركاته
أهلا بالناس اللى هتروح الكلية بكرة و هتصحى بدري هههههه
علياء : ده انتي فرحانة فيا بقى ؟
جنة : جدا جدا متتصوريش أنا مستنية اللحظة دى من أد ايه كل اخواتى كانوا خلصوا و أنا كنت لسه فى الدراسة أخيراً جت اللحظة اللي الدراسة هتبدأ فيها و أنا مش هروح الجامعة يااااه كان نفسي اذل حد و بما إنك الوحيدة اللى لسه بتدرسي قولت أذلك نيههههها هههههههههههه
و على فكرة أنا بأكدلك إن السنة دى المتعة هتتضاعف
علياء : ليه يعنى ؟
جنة : أصل ابن خالتى و أخي الحبيب هيدرس للفرقة الرابعة عندكم
علياء : بجد طيب اسمه إيه ؟
جنة : هتكتشفي بنفسك و هتحسي بمتعة رهيبة
علياء : يااااااه شوقتيني أكيد سوف استمتع متعة لا مثيل لها
جنة : متأكدة من كده
يلا بالتوفيق يا حبيبتي ربنا يسعدك و يوفقك
علياء : حبيبتي يا نانا ربنا يديمك ليا يا قلبي
جنة : لأ كده هعيط اقفلى بقى
علياء : اوكيه
جنة بسرعة : لأ إحنا نعد واحد اتنين تلاتة و نقفل سوا
علياء بضحك : هههههه عمرك ما هتتغيري
ثم اغلقوا معا
إلى هنا ينتهي البارت أراكم في آخر جديد بإذن الله
و دلوقتي المتعة الحقيقية انسوا اللى فات علشان اللى جاى حاجة تانية خالص كل اللى جاى حماده تاني خالص
معلومة (صاحب لقب شيخ المرسلين هو سيدنا نوح عليه السلام.)
(أول من قدّر الساعات الاثنى عشرة هو نوح عليه السلام في السفينة ليعرف موقيت الصلاة .)
يا رَبِّ إِن عَظُمَت ذُنوبي كَثرَةً
فَلَقَد عَلِمتُ بِأَنَّ عَفوَكَ أَعظَمُ
إِن كانَ لا يَرجوكَ إِلّا مُحسِنٌ
فَبِمَن يَلوذُ وَيَستَجيرُ المُجرِمُ
أَدعوكَ رَبِّ كَما أَمَرتَ تَضَرُّعاً
فَإِذا رَدَدتَ يَدي فَمَن ذا يَرحَمُ
ما لي إِلَيكَ وَسيلَةٌ إِلا الرَجا
وَجَميلُ عَفوِكَ ثُمَّ أَنّي مُسلِمُ
# أبو نواس
# ربع دستة مجانين
بقلمي/ سمية محمد
수마이야