صمتت جنة لفترة ثم تحدثت
" أنا بردو أوافق على المعفن ده ليه من قلة الرجالة في البلد ولا إيه ؟ "
لينظر آدم له باستخفاف ويتحدث بسخرية
" ده في أحلامك "
شعر كل من هاني ولمار بالغضب ونظر كلاهما لنادرة بحقد
" إيه اللى بيحصل ده ؟ "
" انتي بتخدعيني يا نادرة ماشي "
" اكتب الكتاب يا حضرة الشيخ سواء وافقت أو لأ هتبقي بردو مراتي يا جنة "
اتجه آدم إليه بغضب شديد و بدأ في ضربة بعنف بينما اتجهت جنة و نادرة إلى لمار و هجمتا عليها
جاء الرجال ليهجموا على آدم و لكن لم يستطيعوا بسبب سعدية و لواحظ فهجمتا على الرجال بشدة
جنة و هي تشد لمار من شعرها وتتحدث بغضب كبير
" يتجوز مين يا معفنة و قال إيه بحبك يا آدم ده أنا هطلع البلاء الأزرق على جتتك لأ و بتخطفيه كمان يا بجاحتك ايدك معايا يا منقرضة يلا "
أمسكت نادرة لمار لجنة ونظرت لها بتشفي
" كمان يا جنة اديها تستاهل "
بينما آدم كانت يصرخ في هاني بغضب وهو يضربه
" تتجوز مين ده في أحلامك ده أنت حتى مش هتحضر فرحنا أنا بقى هوريك إزاي تخطفها أو حتى تفكر تقرب منها "
و عند سعدية و لواحظ بدأت كل منهما الضرب في الرجال و هي تندب حظها
" بقى يا معفن منك له يا تربية الشوارع بترفعوا علينا السلاح لأ و تخدرونا و تخطفونا بالك لو كان غرضك شريف و عايز تتجوزني كنت سامحتك لكن تخطفوا البت و الواد ده أنا هربيكم "
" اه يا بغل منك له ده أنا هطلع عينكم "
صرخ أحد الرجال بألم بسبب ضربها له بالحذاء
" اااه كفاية يا ولية منك لها "
" يارب يولولو عليك ساعة و يسكتوا ولية في عينك قليل الأدب أعمى القلب و النظر بقى ليدي جميلة زيي يتقال عليها ولية "
في هذه الاثناء
رأت جنة أحد الرجال يقترب من آدم و هو يحمل سكيناً ليخلص هاني من آدم
فاتجهت جنة إليه و بحركة قتالية ماهرة كان الرجل على الأرض يتألم بشدة
لينظر لها آدم بابتسامة" عاش يا كوتش "
أقل ما عندي حوش بقى اللي وراك "
اجتمع بعض الرجال حول آدم و جنة و بدأ القتال
فكان آدم يضرب بقوة و جنة تضرب بمهارة حتى اسقطا الرجال أرضا ولكن آدم قد تعرض للضرب أكثر من مرة حتى يحمي جنةبعد مدة ليست بالقصيرة وصل الشباب إلى المكان و اتجهوا إلى الداخل
ليجدوا بعض الرجال على الأرض و كذلك هاني الذي وجهه بالكامل مملوء بالكدمات و الرجال الآخرين يصرخوا بشدة من سعدية و لواحظ اللتان قامتا بضربهم بشدة بينما جنة و نادرة تضربا لمار بشدة و آدم يجلس على أحد الكراسي و يشاهد بمتعة
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة