ربع دستة مجانين ( جاري التعديل )

part 16

في الصباح تناول الجميع الفطور و ذهب كل منهم إلى عمله و لكن بقيت جنة فاليوم أعطاهم المدير إجازة ليذهبوا إلى حفلة الإفتتاح

جنة : صافي يا قلبي أنا هدخل أنام بتاع خمس تسع ساعات و وقت آذان الظهر ابقى أصحى

الأم : لا و الله و لحد ما الهانم تصحى مش عايزة من الدادة حاجة

جنة : هو انتي جبتي دادة ؟

الأم : بت أمور الاستهبال دى مش معايا فاهمة

جنة ببكاء مصطنع : أنا أنا لأ حرام عليكي ده أنا حتى طيبة خالص

الأم : طيب يلا يا طيبة روقي البيت

جنة : حرام كده يعني هما راحوا الشغل و ارتاحوا و أنا اليوم اللى مش هروح فيه الشغل اتبهدل في ترويق البيت

الأم و هي ترفع أبو وردة : بتقولي حاجة ؟

جنة : أنا خالص ده أنا حتى بقول تأمري بحاجة تاني

ثم تذهب و تبدأ بالتنظيف

_____________________________

عند ليلى

وصلت ليلى إلى الشركة و اتجهت إلى مكتب المدير لتخبره بقرارها

كان عمر في نفس الوقت قد وصل إلى الشركة ليخبر والده عن بعض الصفقات الجديدة و اتجه إلى مكتب والده ليسمع ليلى و هي تتحدث مع والده

ليلى : حضرتك أنا جيت ابلغك بقراري

حسين : اتفضلى يا بنتي

ليلى : حابة تبلغ أستاذ عمر إنى موافقة أرجع الشغل معاه بس عندي شروط

عمر من خلفها : اتفضلي قولى الشروط
شعرت ليلى بالفزع فلم تدرك أنه خلفها ثم أخذت نفس و تحدثت : حضرتك اعتذرت عن اللي حصل و أنا تقبلت اعتذارك و كنت بقول لوالدك إنى موافقة أرجع الشغل معاك بس عندي شروط و هى

أولا حضرتك اهنتني قدام سرين فياريت ترد اعتباري برده قدامها

ثانيا أتمنى اللي حصل ده ميتكررش يعنى إن حضرتك تتهمني كده أو تغلط فيا بالشكل ده

ثالثا ياريت معاملتك معايا يبقى فيها احترام و مش كل شوية تقولي إلزمي حدودك لأنى عارفة حدودي كويس

رابعاً أتمنى إنك تهتم بمعرفة مين اللي أخد الملفات لأن الشخص ده كان قاصد يسبب ليا أذى

خامسا و أخيرا لما يكون عندنا صفقة مهمة ابقى اهتم شوية بعنصر الآمان يعنى الورق يبقى في مكان فيه كاميرات أو عليه حد من الأمن
بس هى دي شروطي

نظر عمر لها بتعجب فلم يسمح لأحد من قبل أن يفرض عليه شروط و هي لم تطلبهم كطلب بل كشروط يجب تنفيذها فكر عمر للحظة ثم تحدث

عمر : تمام ياريت بقى تتفضلي على الشركة علشان الشغل

ليلى باندهاش : يعني أنت موافق ؟