أولاً نقول السلام عليكم ورحمه الله وبركاته
ثانيا النهاردة يوم مميز علشان النهاردة آخر بارت في الرواية هتوحشوني أوي اليومين دول
القراء : يومين إيه ؟
أنا : مش أنا قولت إن آخر بارت هقول فيه معاد الرواية الجديدة و النهاردة آخر بارت
الرواية الجديدة اسمها ( عمارة الفنانين) رواية كوميدية اجتماعية بالعامية المصرية
الرواية إن شاء الله هتبدأ يوم الجمعة بالليل أول بارت هينزل بإذن الله و بعد كده المواعيد هتبقى
الإثنين و الخميس و إذا لقيت تفاعل كبير المواعيد هتبقى الأحد و الثلاثاء و الخميس اتمنى الرواية دي تكون عجبتكم و اتمنى بردو الرواية الجديدة تعجبكم
بالمناسبة على صفحتي على الفيس هتلاقوا بوستات
مضحكة عن الروايات و عن حاجات تانية
نبدأ بقى على بركة الله علشان أنا رغيت كتير
بسم الله الرحمن الرحيم
الأخييييييييير
_____________________________
انتهى العرس و أخذ عبدالرحمن زوجته و عادا إلى منزلهما ليبدأ معها حياة جديدة
ابتسم عبدالرحمن لها و تحدث بحب
" مبارك يا قلبي "
ابتسمت نهلة بخجل و تحدثت بصوت منخفض
" الله يبارك فيك "
طلب عبدالرحمن منها الجلوس و جلس على الأريكة المقابلة لها و تحدث بلين
" حبيبتي أنا عايز اتكلم معاكي شوية "
نظرت نهلة له بقلق فنظر لها بحب و ابتسم قائلا :
" مفيش حاجة تقلق ده كلام لازم أقوله بصي يا نهلة النهاردة أول يوم لنا سوا علشان كده أنا حابب نتفق سوا على حاجات علشان الشيطان ميدخلش بينا أبدا بصي يا حبيبتي أعاهدك إن أنا عمري ما هضايقك ولا ازعلك أبدا و إن شاء الله أكون خير زوج و أؤكد لكِ إني أعاملك بما يرضي الله و اقتدي بالرسول صلى الله عليه وسلم في كل حاجة و في معاملته لزوجاته أمهات المؤمنين
رضي الله عنهن و إن حياتنا الجاية إن شاء الله نساعد فيها بعض على طاعة ربنا سبحانه وتعالى و أنا و انتي واحد يعنى مفيش خوف أو سر لأ إحنا واحد انتي مني و أنا منك هنساعد بعض في كل حاجة و حتى أولادنا إن شاء الله هنربيهم سوا و نعلمهم أنا عمري ما أقول انتي الست عليكي تربية الأولاد و أنا أشتغل لأ إحنا شركاء في كل حاجة في حياتنا و إن شاء الله ربنا يقدرني و أسعدك يا حبيبتي "
نظرت له نهلة و الدموع تملأ عينيها فهل هو جيد إلى هذه الدرجة ؟ هل هو حقا إنسان عادي ؟ هل هي تستحقه ؟ فهو حقا شخص لا مثيل له ابن بار و خير
أخ يحب الجميع و يتعامل بكل لين و رفق
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
