سرين بصدمة : أنا !؟
الضابط : أيوه انتي يلا اتفضلي معانا
سرين : لأ أكيد أنت غلطان ليلى هي المتهمة هي اللي لازم تتحبس مش أنا
الضابط : بس الآنسة نانيس مقدمة البلاغ فيكي
نظر الجميع إلى نانيس بصدمة و اتجهت سرين إليها
سرين : نانيس إيه اللي عملتيه ده ؟
نانيس ببرود : اللي لازم يتعمل
الضابط : يلا يا آنسة معانا
سرين : ليه إيه تهمتي ؟
الضابط : مش تهمة واحدة انتي سرقتي ملفات من الشركة هنا و اتلاعبتي في الحسابات و حاولتي
تلفقي التهمة للآنسة ليلى محمد يوسف انتي و المحامي و السمسار و كمان تهمة اختلاس مبلغ مليون
جنيه من نانيس و قسمتوه انتي و هما الاتنين بس المحامي و السمسار كانوا معانا و الآنسة نانيس هي
اللي جابتهم علشان توقعك
نظرت سرين إلى نانيس بغضب شديد ثم تحدثت : إيه الدليل على كده ؟
أخرج الضابط الدليل ألا و هو فيديوهات تعترف فيها سرين بأنها هي من سرقت الملفات و آخر و هي تتفق مع السمسار و المحامي على إعطائهم مبلغ مالى مقابل أن يتهما ليلى
الضابط : أظن شوفتي الدليل ثم أشار إلى رجاله بأخذها
أخذ رجال الشرطة سرين و غادروا
اتجه عمر إلى نانيس وتحدث بغضب : ممكن تفهميني إيه اللي حصل ده ؟ من شوية تتهمى ليلى و بعدين تبلغي عن سرين ايه اللي بيحصل بالظبط ؟
نانيس : اللي أنت شوفته سرين هي اللي سرقت الملفات اللي ليلى جهزتهم للصفقة والعرض التقديمي و راحت لمدير شركة فيوتشر و باعت كل الملفات مقابل مبلغ كبير مش بس كده دي جت اتفقت معايا على خطة علشان تتخلص من ليلى
ليلى : بس انتي اتهمتيني من شوية
نانيس : أنا آسفة يا ليلى كان لازم اعمل كده علشان أوقع سرين
عمر : و ليه وقفتي مع ليلى ؟
نانيس : إيه يا عمر أنت فاكرني إيه أنا عمري ما أذيت حد و لا أقدر اتحمل إني اظلم حد أو أكون السبب في إن انسان برئ يتعاقب على حاجة برئ منها
ثم اتجهت إلى ليلى و قالت لها : ليلى عايزاكي تعرفي حاجة مهمة و هي إن أنا مش بكرهك ولا ممكن اتسبب في أي أذى لكِ بالعكس أنا بحبك و معجبة بذكائك و اجتهادك و أنا عمري ما اقدر أفكر إني أعمل فيكي حاجة بشعة كده
رحلت نانيس و بقى عمر و ليلى
عمر : ليلى انتي كويسة ؟
ليلى : الحمد لله و شكرا لحضرتك على وقفتك جنبي النهاردة و ياريت تقول لخطيبتك شكرا لأنها مشيت بسرعة قبل ما أشكرها و أنا لما ترجع كمان هشكرها بنفسي بعد إذنك
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
