اتجهت سعدية إلى حسين والد عمر
سعدية : مساء الخير
حسين : مساء النور
سعدية : ألا أنت تبقى والد الملبس ده ؟
حسين بتعجب : ملبس !؟
سعدية : أيوه أبو عيون زرقاء حتى شبهك
حسين : اه تقصدي عمر أيوه أنا والده
سعدية : طيب فين والدته ؟
حسين : الله يرحمها اتوفت من مدة كبيرة
سعدية بتأثر : يا عيني تعيش و تفتكر أنا كمان الحاج الله يرحمه مات و سابني في عز شبابي
حسين : الله يرحمه بس حضرتك كنتي عايزة حاجة ؟
سعدية : أنا لا تسلم أنا بس حبيت أشاركك أحزانك و تشاركني أحزاني أهو نواسي بعض
نظر حسين لتلك المرأة بتعجب
أكملت سعدية : أصل الوحدة وحشة أوى وأنا أكتر واحدة تحس بك
كانت جنة تقف على مقربة مع نهلة التي أصبحت صديقة مقربة منها و من الجميع
جنة : هههههه سوسو مش بتضيع وقت خالص
نهلة : هههههه والله إنتي حرام عليكي إنتي اللي قولتلها تعمل كده
جنة : يا بنتي هي عندها ميول الانحراف و أنا بس وجهتها هههههه
ظلت سعدية تتحدث مع حسين و لكن لم تجد فائدة
فقررت أن ترحل إلى آدم و كريم
سعدية : يا مساء الباشميل على الكريم كراميل
كريم : مساء النور إزيك يا تيتة
سعدية : تيتة إيه ما تحسن ألفاظك يا بغل أنت
كريم : بغل !
سعدية : هو أنت شايفني عجزت و لا ايه
آدم : لأ خالص ده انتي قمر
سعدية : لما أنا قمر يبقى أنت إيه يخربيت جمال أمك إيه ده مهلبية ملبن لوز فراولة هو فيه كده
ضحك كريم بشدة و ضحكت جنة و عزة و رنا و نهلة فكن على مقربة حتى يرون ماذا سوف تفعل سوسو
آدم : شكرا ده من ذوقك
سعدية : ذوق إيه ده أنت و هو ماشاء الله اللهم بارك موز انتوا مرايات بيتكم مكسرة خالص كده ده أنت مز آخر حاجة
تعجب آدم و كريم من تلك المرأة خفيفة الظل
سعدية : ألا قولي يا أبو عيون خضراء منورة أنت تبقى مدير جنة صح ؟
آدم : أيوه
سعدية : طيب هو أنت و لا هو حد فيكم مرتبط ؟
آدم : لأ ليه عندك عروسة ؟
سعدية : و أي عروسة دي قمر قمر
كريم : مين بقى ؟ و لمين فينا ؟
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة