ربع دستة مجانين ( جاري التعديل )

part 22

فيه حاجة حبيت اوضحها فيه مواقف بيحدث فيها غيبة و ده غلط أكيد مفيش مبرر للغيبة أبدا لأن ده أكيد حرام بس هنا كان قصدي الجانب الكوميدي مش أكتر
و لازم دايما نتذكر قوله تعالى

( بسم الله الرحمنالرحيم) {ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم} [الحجرات (12) ] .

وعن أبي موسى - رضي الله عنه - قال: قلت: يا رسول الله أي المسلمين أفضل؟ قال: «من سلم المسلمون من لسانه ويده» . متفق عليه

عن أبي هريرة - رضي الله عنه -: أنه سمع النبي - صلى الله عليه وسلم - يقول: «إن العبد ليتكلم بالكلمة ما يتبين فيها يزل بها إلى النار أبعد مما بين المشرق والمغرب» . متفق عليه.

و حاجة لازم تكون واضحة لأي حد بيقرأ الرواية أو هيقرأ ليا أي عمل
محدش كامل كون الشخص يبقى متدين مش معنى كده إنه ملاك مش بيغلط مش بيشتم مش بيغتاب كلنا عندنا عيوب و أخطاء
و الشخصيات أكيد لها عيوب
كل الحكاية إني بحاول أوضح و أضيف جانب ديني و أضيف بعض المعلومات الدينية بهدف الإفادة لكم جميعا فمحدش ياخد شخصية قدوة سواء في رواياتي أو أي رواية اللي أنا عايزاه إننا ناخد منهم الجانب الكويس و نتعلم عن ديننا و نتعمق أكثر و ربنا يهدينا جميعا و يرشدنا للصواب
__________________________

محمد : ده يا ستى إبن خالتي الباشمهندس كريم الشاذلي و ده الباشمهندس آدم البحيري ( مين كان متوقع و الله توقعتوا )

دول أكتر أصحاب قريبين من قلبي

فاطمة : أهلا وسهلا فرصة سعيدة

كريم و آدم : مبارك يا دكتورة ربنا يتمم على خير

جلس آدم و كريم على إحدى الطاولات
بعد مدة جاء اتصال لآدم فخرج ليجيب

آدم : أيوه يا لمار لأ أنا في فرح زميلي أوكيه هبقى اكلمك باي

جاء آدم ليدخل القاعة و لكن اصطدم بأحد و أوقعه

جنة : ااااه إيه يا بنى آدم أنت مش تحاسب ثم رفعت نظرها لتراه أمامها

كان الاثنان في صدمة فجنة لم تتوقع أن تراه هنا

أما آدم كان فى صدمة من تلك الجميلة
فكانت جميلة بشدة رغم أنها لم تضع أى مستحضرات تجميل و لكن كانت رائعة في هذا الفستان فبدت كأميرة

جنة وهى تنهض : أنا قولت كده لازم مفيش يوم يعدي غير لما أشوف وشك يعني مش كفاية كنت بتعاكس فيا في التليفون لأ و كمان جاي ورايا لحد هنا

تعجبت جنة عدم رده فهو فقط ينظر إليها بدون رد

جنة : الصمت ده معناه إنك حاسس بالغلط اللى عملته

فاق آدم و قام بالرد : غلط غلط إيه و بعدين بعاكس مين هعاكسك انتي ليه من قلة البنات

جنة : صحيح أنت مهما عملت مش هتوصل للمستوى بتاعي أصلا و بعدين تفسر بأيه إنك جاي ورايا لحد هنا