في المستشفى
كان عبدالرحمن قد نسي أحد التقارير في المكتب فعاد ليأخذها و لكن رأى نهلة تدخل المكتب و تغلقه و سمع ما قالت ثم سمعها تصرخ ففتح الباب و دخل
نهلة ببكاء مصطنع : اهئ اهئ عبدالرحمن إلحقني جوز أختك اتهجم عليا و قطع هدومي
حازم بسرعة : و الله يا عبدالرحمن ما حصل دي هي اللي دخلت المكتب و قطعت هدومها و صرخت أنا معملتش حاجة و الله العظيم
نهلة : طيب و الخرابيش اللي في وشك دي ايه ده دليل دفاعي عن نفسي
عبدالرحمن بهدوء : حازم لو سمحت اطلع بره دلوقتي
حازم : عبدالرحمن أنت هتصدقها
عبدالرحمن : حازم لو سمحت قولت اطلع بره
خرج حازم بحزن ظننا منه أن عبدالرحمن لم يصدقه
تقدم عبدالرحمن من نهلة و عينه لم ترفع من الأرض ثم أعطاها البالطو قائلاً : خدي غطي نفسك و اعدلى حجابك
اخذت نهلة البالطو و عدلت الحجاب ثم تحدثت
قائلة : شوفت اللي عمله فيا أنا لازم أبلغ المدير و لازم أبلغ البوليس و
لكن قاطعها عبدالرحمن قائلاة: ليه عملتى كده ليه ؟
نهلة : عملت ايه ده هو اللي كان
عبدالرحمن مقاطعاً حديثها : نهلة أنا شوفتك لما دخلتى المكتب و قفلتي الباب و سمعت حازم و هو بيقولك سيبي الباب مفتوح فردي عليا ليه عملتي كده ليه عايزة تؤذي حازم و توسخي سمعته حازم عمره ما أذاكي أو ضايقك ليه كده ؟
نهلة وقد تجمع بها كل الغضب : ليه كده عايز تعرف ليه أيوه أنا عايزة أدمره و أدمر أختك كمان عايزة قلبها يتكسر زي ما قلبي انكسر لازم تحس باللي أنا حسيت بيه ليه هي تتجوز اللي بتحبه و أنا لأ ليه حازم يحبها كل الحب ده و أنا لأ ليه ؟
عبدالرحمن : طيب إذا كان في حد جرحك هما ذنبهم ايه ؟
نهلة ببكاء حقيقي هذه المرة : الذنب ذنب أروى لأنها أختك أنت اللي جرحتني أنت اللي كسرت قلبي طول أيام الدراسة كنت بحبك و بحاول ألفت نظرك و أقرب منك بأي طريقة بس أنت كنت دايماً تبعد عني و عمرك حتى ما عبرتني ليه أروى تأخد الحب و أنا لأ ليه حازم يحبها و أنت متحبنيش حتى عاطف كان بيحبها و اتقدم لها هي أحسن مني فيه ايه
عبدالرحمن بصدمة : انتي بتقولي ايه ؟
نهلة : ايه اتفاجئت مش كده كنت فاكر إني بحب حازم مش كده لكن أنا عمري ما حبيته أنا محبتش حد غيرك بس أنت عمرك ما بادلتني الحب ده
عبدالرحمن : يعني أنا علشان مش ببادلك الحب تقومي تدمري حياة ٣ أشخاص
نهلة باستغراب : ٣ أشخاص !؟
عبدالرحمن : ايه استغربتي حياة حازم و أروى و حياتك انتي كمان تفتكري إنكِ لو نفذتي خطتك و بلغتى المدير و البوليس و حازم و أروى حياتهم اتدمرت انتي فكرتي في حياتك فكرتي في نظرة الناس لكِ فكرتي في نظرة أهلك لكِ لما أقول اللي شوفته و سمعته فكرتي في نظرتك لنفسك و إنتي ظالمة واحد ملوش ذنب كنتي بتقولي إن أروى أحسن منك في ايه أيوه هي فعلاً أحسن منك لأن أختي عمرها ما سببت الأذى لحد و لا ممكن ترخص نفسها و توصل للمستوى ده إنتي عارفة إنتي عملتى إيه إنتي رخصتي نفسك أوي و رخصتي سمعتك و شرفك علشان ترضي غرورك ، المسلمة عفيفة و غالية و بتحافظ على نفسها بس إنتي عملتي ايه لأول مرة هقولهالك من أول ماشوفتك في الجامعة و كنتي بتيجي و عايزة تكلميني أنا و حازم و أنا ببعد عنك عارفة ليه مش استحقار لأ أنا كنت بحافظ عليكي لأن ده ديني و لإني محبش أشوف واحدة من أخواتي كده كنت دايما بقول إنك إنسانة كويسة و فيكي خير من جواكى و كنت بدعيلك ربنا يهديكي و يرشدك للخير لكن النهاردة باللي عملتيه ده متتصوريش نزلتى من نظري إزاي يا خسارة يا نهلة عمري ما تخيلت إنك توصلى للمستوى ده طول عمري شايفك إنسانة كويسة و طيبة بس النهاردة بعترف إني غلطت حقيقي يا خسارة خسارتك يا نهلة لأنكِ أغلى من إنكِ تعملي كده و تخلى نفسك رخيصة كده طول عمري شايفك غالية بس خسارة
ثم تركها و ذهب
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
