أنهى باسم المحاضرة و خرج من المدرج
في نفس الوقت كانت علياء تتحدث مع دينا فى الطرقةدينا : خلاص يا علياء اهدي بقى
علياء بغيظ : اهدى اهدى إزاى بقى المعفن ده يطردني من المحاضرة و يقول لو اتكررت تاني يبقى متحضروش ليه هو فاكر نفسه مين زويل محسسنى إن الولا عبقري و هنموت لو محضرناش محاضرته
أنا مش عارفة إزاى ده دكتور ده مينفعش يكون حتى فراشرأت دينا باسم الذي كان يقف خلفهم
دينا بخوف : خلاص يا علياء
علياء : خلاص إيه أنا مش عارفة إزاي ده يدرس للطلبه ده متحرش و قليل الأدب هو ده شاف بربع جنيه تربية أصلا
دينا : علياء اسكتي
علياء : خليني أخلص
أنا مش عارفة الأمن سابوه إزاى أكيد لما شافوا الكارنيه افتكروه محترم ميعرفوش حقيقته ده واحد غبي و مغرور و شايف نفسه بس أنا مش هسكت أنا هوريه هخليه يكره نفسهلتسمع صوت من خلفها يقول : و الله طيب إزاى بقى ؟
التفتت علياء لتراه خلفها يستند على الجدار و يكتف ذراعيه و يبدو على وجهه الغضب
باسم و هو يشير لدينا : اتفضلي انتى يا آنسة
ذهبت دينا بسرعة و جاءت علياء لتمشيباسم : استني عندك أنا مقولتش امشي
علياء و هى تمشى و لا تلتفت له : و أنا مش هاخد اذنك علشان امشي
ثم غادرت و تركته يستشيط من الغيظ_____________________________
عند ليلى
عادت ليلى إلى الشركة و اتجهت إلى مكتب عمر لتعطيه بعض الملفات المهمة لتجده يعد لنفسه القهوة
ابتسمت ليلى فرآها عمرعمر : بتضحكي ليه ؟
ليلى : لأ حضرتك مفيش حاجة دى الملفات اللى كنت عايزها
عمر : بتضحكي على ماكينة القهوة مش كده ؟
أصل في حد قال إن أنا أجيب ماكينة قهوة و أعملها لنفسي و أهو بالمرة أمشي رجلي شويةشعرت ليلى بالخجل من حديثه فهو يقصدها
ليلى : الملفات هسيبها على المكتب ثم غادرت
ابتسم عمر بعد أن خرجت ثم تابع عمله
بعد انتهاء العمل ذهبت ليلى إلى المول لتساعد فاطمة و بعد الانتهاء ذهبت مع أروى إلى البيت
____________________________
في المستشفى
كان عمرو يقوم بعمل جبيرة لطفلة صغيرة
والد الطفلة : حضرتك هو كده فى خطر ؟
عمرو : لأ خالص إن شاء الله حاجة بسيطة و بعد أسبوعين تيجي و تفكها و أسبوعين علاج طبيعي و هتبقى زي الفل
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة