في المستشفى
وصلت أروى إلى المستشفي مع أخيها ثم اتجه كل منهما إلى عمله
اتجهت أروى إلى مكتبها وقابلت فاطمة
فاطمة : روري عاملة ايه
أروى : كويسة
فاطمة : ما تولعى انتي أنا قصدي عاملة ايه أكل ؟
أروى : بقى أنا أولع اه يا منبع الأوبئة يا بئر الفيروسات يا مستنقع الميكروبات يا مستوطن الحشرات
فاطمة : ايه ايه حيلك كل ده انتي مركبة شريط شتايم
أروى : يعني تدعي عليا و اسكتلك
فاطمة : لأ إزاي انتي تسكتي استغفر الله دي تبقى كارثة المهم تعالي نشوف المريضين اللي في الأوضة ٣٠٠ علشان هنتابع حالتهم
أروى : تمام يلا
نظرت هي في اثرهم بغيظ و من غيرها نهلة
عاطف : زي ما اتفقنا عارفة هتعملي ايه ؟
نهلة : أكيد
ثم اتجهت إلى مكتب حازم و انتظرت خروج عبدالرحمن من المكتب ثم دخلت لحازم
حازم بتساؤل : دكتورة نهلة خير فيه حاجة ؟
نهلة و هي تغلق الباب : كل خير
حازم : لأ سيبي الباب مفتوح
نهلة بضحك : هههههه هو هيتفتح فعلا بس لما أخلص اللي جاية أعمله
ثم قامت بشد حجابها وقطعت جزء من بلوزتها و اتجهت لحازم و قامت بخربشة وجهه و رقبته كل هذا حدث في مدة قصيرة فلم يستوعب حازم ما حدث ثم بدأت نهلة بالصراخ بصوت عالي
نهلة بصراخ : الحقوني الحقوني الحقوني
فجأة فتح شخص الباب
___________________________________________
عند ليلى
كانت هناك ساعة راحة فقامت ليلى وصلت الظهر ثم بدأت بتناول بعض السندوتشات التي أعدتها قبل أن تأتي فهي لم تتناول فطورها
ولكن وهي تأكل دخل عمر مكتبهاعمر : ايه ده ايه اللي بتعمليه ده ؟
ليلى ببرود : سلامة النظر بعمل ايه بأكل
عمر : و انتي جاية هنا تأكلى و لا تشتغلي
ليلى : إحنا عندنا دلوقتي break
عمر : و ال break بقى هتقضيه أكل
ليلى : و الله أنا حرة أقضيه أكل نوم براحتي
عمر : طيب أنا عايز أوراق الصفقة الجديدة هاتيهم دلوقتي ضروري
ليلى : لأ أنا بأكل دلوقتي لما أخلص يكون وقت الراحة خلص ابقى أجيبهم
عمر بغضب : قولت دلوقتي
ليلى : سبحان الله و هو أنت مفطرتش و لا حاجة فجاي تعطلني عن الفطار و لا أنت جعان و عينك على أكلي بس أرجح التانية ده أنت عينك هتطلع على سندوتش طب كنت قول على العموم أنا بعمل سندوتشات احتياطي اتفضل واحد
ثم مدت يدها إليه بواحد
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة