ربع دستة مجانين ( جاري التعديل )

part 23

فتحت نجاة الباب لتجد ليلى تبكي بشدة

نجاة : مالك يا حبيبتي فيه ايه ؟

ارتمت ليلى في أحضانها وظلت تبكي

اخذتها نجاة إلى الداخل و أجلستها

اخذت تربت عليها بحنان إلى أن هدأت

نجاة : إيه يا حبيبتي بتعيطي ليه ؟

ليلى : لأ يا نوجه مفيش

نجاة : عليا برده اممم بتحبي حد

ليلى بسرعة : لأ لأ

نجاة : يبقى بتحبي هتقولي و لا أخليكي تقري بطريقتي

ليلى : مش عارفة أقول ايه أقولك إني حتى معرفش امتى حصل أنا كنت فاكرة إني أعجبت بيه لكن لما قال النهاردة إنه هيخطب حسيت إن قلبي انكسر

سمعوا صوت يقول : إن شاء الله هو ( مين ده 🤔)

_____________________________

عند باسم

وصل باسم إلى الكلية و اتجه إلى المدرج

دخل باسم و بدأ في الشرح و رآها تجلس في المقدمة و لكن لم يعيرها أي اهتمام

بعد مدة كان قد انتهى من المحاضرة و اتجه إلى مكتبه

سمع باسم أحد يطرق الباب فأذن له بالدخول

علياء : دكتور باسم بعد اذنك عايزة اكلمك

باسم : لو حاجة لها علاقة بالمنهج يبقى اتفضلي غير كده متضيعيش وقتي و اخرجي

علياء : لأ ملهاش علاقة بالمنهج أنا كنت جاية

باسم بمقاطعة : أنا قولت لو ملهاش علاقة بالمنهج يبقى اخرجي يلا يا ريت تتفضلي

علياء : أنا كنت جاية اعتذر لحضرتك

باسم بسخرية  : على إيه بقى على إنكِ من أول ما شوفتي وشي و انتي نازلة فيا شتيمة و لا على إنكِ ناديتي الأمن و اتهمتيني إني بعاكسك ولو هما مش عارفين إن أنا دكتور هنا كان زماني دلوقتي محبوس في القسم و لا على إنكِ اهنتيني في التليفون ولا لإني كنت جاي انبهك في الفرح إن فستانك مفتوح و لما شوفت حد جاي قولت اداريكي انتي برده زي أختي تقومي تشتميني و تضربيني قلم على وشي
انتي عارفة أنا اللي مصبرني عليكي حاجة واحدة إنكِ صاحبة أخواتي البنات و إن جنة طلبت مني مضايقكيش و أنا جنة أغلى من روحي لولا كده كان بقى ليا تصرف تاني معاكي اتفضلي يلا بره

جاءت علياء لتتحدث و لكن قاطعتها باسم

باسم بصوت عالي : قولت بره و ياريت تعرفي كويس إن أنا الدكتور بتاعك و تتصرفي ضمن الحدود دي و كأي طالبة لو احتجتي حاجة في المنهج أنا موجود غير كده لأ

خرجت علياء و هي تبكي و تشعر بالأسف فلأول مرة تكون في موقف مثل هذا نعم معه كل الحق فقد أهانته كثيرا