عاد الجميع إلى البيت بعد صلاة العصر ولكن لم يجدوا أيا من الثلاثة لتسأل الأم
بتعجب
" هي جنة فين ؟ "
نظر عبدالرحمن إلى هاتف جنة الموضوع على الطاولة و تحدث بهدوء
" مش عارف يا ماما يمكن تكون عند خالتي هنزل أشوفها "
نزل عبدالرحمن إلى شقة خالته و سألها
فأخبرته أنها غير موجودة فاتجه إلى بيت حازم و سأل والدته ولكن هي أيضا لم تعرف مكانها
كانت أروى و مريم قد عادتا إلى البيت فسأل عبدالرحمن أروى و طلب من عمرو أن يسأل مريم و لكن لم تعرف أيا منهما مكانها فقرروا الاتصال على رنا و لكن عبير قد جاءت مع رنا لتسأل عن والدتها
شعر الجميع بالقلق فهاتفها ملقى بالبيت هي و سعدية و لواحظ
اتصل باسم على علياء و سألها إن كانت جنة قد جاءت إلى عزة و لكن أخبرته علياء بأنها غير موجودة و عزة لم تر جنة منذ الأمس في العمل
اتصل عبدالرحمن على نهلة ليسألها عن جنة فأخبرته أنها لم تر جنة منذ يومان
فاتصلت صفاء على الدكتورة سلوى
" السلام عليكم ورحمه الله وبركاته "
" و عليكم السلام ورحمه الله وبركاته "
" سلوى معلش لو ازعجتك بس هي جنة عندك ؟ "
" لأ مجتش عندي "
" طيب معلش لو آدم عندك قوليله يمكن طلب منها تروح مكان علشان الشغل "
سمعت صفاء صوت سلوى و هي تبكي فشعرت بالقلق و سألتها ببعض الخوف
" فيه إيه يا سلوى ؟ مالك بتعيطي ليه ؟ حصل حاجة ؟ "
تحدثت سلوى ببكاء شديد
" آدم مختفي من امبارح بالليل و محدش عارف يوصله خالص ولا حد عارف هو فين "
سمع الجميع ما قالته الدكتورة سلوى و شعروا بالصدمة الشديدة و اتجه عبدالرحمن إلى والدته و طلب منها الهاتف ليتحدث مع سلوى
" السلام عليكم ورحمه الله وبركاته معلش حضرتك ممكن بس توضحي إيه اللى حصل "
" امبارح كنت عازمة آدم على العشاء عندنا هو و كريم فقال هيخلص شغل و يعدي علينا ، و المفروض يخلص شغل الساعة خمسة و يعدي علينا على بعد صلاة العشاء بس انتظرناه لحد الساعة عشرة و مجاش و كريم هو اللي جه
، و فضلنا نتصل به لحد ما حد رد و طلع من الأمن بتاع الشركة و قال إنه
لقى التليفون جنب عربية آدم عند الباب الخلفي للشركة و كان التليفون واقع على الأرض و جنبه دم على الأرض و باب العربية مفتوح
، و لما روحنا على الشركة لقينا المنظر ده اتصلنا بكل معارفنا بس محدش يعرف عنه حاجة بلغنا البوليس بس قال لازم ننتظر ٢٤ ساعة "
أنت تقرأ
ربع دستة مجانين ( جاري التعديل )
Humorيقولون من الصعب التعايش مع مجنون تحت سقف واحد ولكن ماذا يحدث اذا كان يوجد ٣ بنات مجانين في أسرة واحدة تحت سقف واحد وكيف ستكون الحياة
