ក្រោយពីបញ្ចប់កិច្ចការនៅខាងនោះហើយ ពួកគេធ្វើដំណើរត្រឡប់មកដល់វិមានវិញ ដោយមាន Mareal មកជាមួយ ព្រោះ Rose សុំឱ្យហៅនាងមកលេងជាមួយបានជាគ្នា ដូចដែលដឹងថាលោកប៉ារបស់នាងនឹងមិនប្រកែកជាមួយអ្វីដែលកូនសុំនោះឡើយ ។
« អូនចង់សម្រាកសិនទេ?? » ពេលដើរមកដល់មាត់ជណ្តើរផ្លូវត្រូវបំបែក Jungkook ក៏ងាកមុខទៅសួរ Tae ក្រែងគេនៅមិនទាន់ស្រួលចង់សម្រាកបន្តអ្វីបែបនឹង បើមិនសម្រាកទេ គេនឹងនាំទៅបន្ទប់ហាត់បាញ់កាំភ្លើងតែម្តង ។
« អត់ទេ » បន្ទាប់ពីទទួលចម្លើយពីប្រពន្ធបានហើយ Jungkook ក៏ដើរមកឈរទល់ពីមុខកូនស្រី ព្រោះគេមានរឿងខ្លះត្រូវនិយាយជាមួយនាង ។
« ប៉ាអនុញ្ញាតិឱ្យនាងនៅលេងទីនេះជាមួយកូនសិនបាន តែល្ងាចនាងត្រូវទៅផ្ទះវិញ ហើយកុំនាំនាងដើរទៅណាផ្តេសផ្តាសឮទេ?? ស្តាប់បង្គាប់របស់ប៉ា »
« ចាស លោកប៉ា » Rose អោនក្បាលចុះទទួលស្តាប់រាល់បង្គាប់របស់លោកប៉ា ហើយក៏ដឹកដៃ Mareal រត់ឡើងទៅតាមផ្លូវជណ្តើរមួយទៀត ដោយមាន Vanilla នៅដើរតាមពីក្រោយទាំងមុខក្រញូវមិនបាត់នោះទេ ។
« មើលទៅ Vanilla មិនចូលចិត្តនាងទាល់តែសោះ អូនចង់ឱ្យកូនមានមិត្តភក្តិខ្លះណា៎បង » ពេលឃើញ Jungkook ឡើងមកដល់កន្លែងខ្លួន Tae ក៏ចាប់ផ្តើមនិយាយឡើង ។ ខ្លួនបានសង្កេតមើលយូរណាស់ហើយតែ Vanilla នៅតែបែបនេះ កាន់តែធំនាងកាន់តែចម្លែកឡើងៗ សូម្បីតែខ្លួនជា Appa ក៏តាមមិនចង់ទាន់នាងដែរ ។
« តាមតែកូនចុះ បងថាពួកយើងមិនគួរចាត់ចែងរឿងអស់ទាំងនោះឱ្យកូនទេ ត្រឹមតែមើលថែរនិងការពារកូនទៅគឺបានហើយ »
« មិនបាច់ឆ្ងល់ទេថាកូនខូចមកពីអ្នកណា គឺមកតែពីបងនឹង » នាយយូច លើកដៃចង្អុលទៅចង្អុលចំទ្រូងរបស់គេ រួចក៏បើកទ្វារចូលទៅបន្ទប់ហាត់សមបាញ់កាំភ្លើងមុនគេ តែគេក៏មិនបានទៅណាឆ្ងាយដែរ ព្រោះថ្ងៃនេះមានតួនាទីជាគ្រូត្រូវបង្រៀននោះអី ។
« បងខុសត្រង់ណា?? បងតាមចិត្តកូនរបស់បងមានអ្វីត្រូវខុស លោកប៉ាក៏ត្រូវស្រឡាញ់កូនបែបនឹងហើយ » គេលើកចញ្ចើមសួរជាសំណួរបកទៅប្រពន្ធវិញ គេមិនដែលគិតថាគេខុសឡើយដែលគេផ្គាប់ចិត្តកូន ។ ពួកគេជាកូនរបស់គេណា៎ មកពីស្រឡាញ់ទើបគេធ្វើបែបនឹងនោះ ។
« ឆឹស!! គេថាបងលម្អៀងមិនខុសសោះ »
« បងមិនដែលថាបងល្អទេ អូនមកចងឱ្យបងបន្តិចមក » Jungkook ញាក់ស្មាឡើងបន្តិចទាំងញញឹម ហូតកន្សែងពណ៌ខ្មៅដែលគេប្រើទុកសម្រាប់ចងភ្នែកយកមកកាន់ ហៅឱ្យប្រពន្ធមកជួយចង ព្រោះគេគិតចង់សាកទឹកដៃបន្តិច ។
« ចាំបាច់ចងដែរឬ?? »
« ប៉ុន្នានថ្ងៃនេះបងរវល់នៅក្នុងមន្ទីរពេទ្យជាមួយអូន ទើបចង់សាកវិញខ្លះ »
« អ្នកណាៗក៏ដឹងថាបងពូកែខាងបាញ់កាំភ្លើងប៉ុណ្ណា ឥឡូវក៏សាកបង្ហាញឱ្យអូនឃើញទៅមើល៎ អូនឈរនៅចំកណ្តាលដប បាញ់ទៅ »
« អូនចង់ឱ្យបងធ្វើបែបនឹង?? » គេត្បកសំណួរសួរក្នុងន័យបញ្ជាក់ឱ្យកាន់តែច្បាស់ ថាប្រពន្ធពិតជាព្រមឱ្យគេធ្វើបែបនឹងមែន ។
« អឹម!! »
« ក៏បាន បងមិនឱ្យអូនមើលងាយសមត្ថភាពបងទេ » Jungkook ងក់ក្បាលយល់ស្របតាមអ្វីដែល Tae ចង់បាន ហូតកាំភ្លើងពីចង្កេះខោយកមកកាន់នឹងដៃជាប់ ។
« ចុះបើបងបាញ់ត្រូវអូនមិនមែនជាដបបងគិតយ៉ាងម៉េច?? » នាយតូច ចោទជាសំណួរទៅកាន់គេ តែគេក៏ស្ងាត់មិនទាន់តបវិញឡើយ តែគេក៏បោះជំហានដើរមកឈរទល់មុខខ្លួន ដោះអាវក្រៅមកក្រោបពីលើ នាយតូច ទុកដើម្បីការពារកុំឱ្យអំបែងកែវខ្ទាតត្រូវ រួចទើបគេដើរបកទៅកន្លែងដើមវិញ ។
មានម្តងដែលខ្លួនធ្លាប់ឮគេនិយាយថាគេធ្លាប់រស់នៅដូចជាមនុស្សពិការដោយការចងភ្នែកជាប់បែបនេះអស់រយៈពេលកន្លះឆ្នាំពេញ ហើយថ្ងៃនេះខ្លួនក៏ពិតជាបានឃើញគេបានដើរមកតាមរយៈការស្តាប់សម្លេងយ៉ាងត្រឹមត្រូវមែន ។
« គ្មានថ្ងៃនោះទេ បាំងៗ* » បញ្ចប់ប្រយោគ ម៉ាហ្វៀរូបសង្ហា ក៏កេះកៃកាំភ្លើងបាញ់ទៅដបនៅអមសងខាងប្រពន្ធរបស់គេបែកខ្ចាត់ខ្ចាយអស់ រួចទើបគេទាញកន្សែងរុំភ្នែកចុះ លើកចញ្ចើមម្ខាងដាក់ប្រពន្ធយ៉ាងច្រឡើមអួតប្រាប់ថាគេពិតជាពូកែខ្លាំងណាស់ ។
« ធម្មតាៗ »
« ធម្មតា?!! អូនគិតថាធម្មតាឬ?? » Jungkook បើកភ្នែកក្រឡោតឡើងមកធំៗព្រមជាមួយភាពភ្ញាក់ផ្អើល ។ សឹងតែពេញមួយជីវិតគេទៅហើយ គេមិនដែលមានអ្នកណាមកថាការបាញ់កាំភ្លើងរបស់គេធម្មតាអ្វីបែបនេះ តែប្រពន្ធគេបែរជាថាវាធម្មតា?? មិនមែនគ្រប់គ្នាសុទ្ធតែចេះទេ!!! ត្រូវសរសើរថាគេអស្ចារ្យទើបត្រូវ ។
« ត្រូវហើយ យ៉ាងម៉េច?? បងចង់ធ្វើអ្វីអូន? » Tae បែរខ្នងមកប្រឈមមុខជាមួយអ្នកកំពុងកើតទុក្ខមិនសុខចិត្តដែលខ្លួនមិនព្រមសរសើរវិញ ជ្រួញចញ្ចើមសម្លឹងមើលគេធ្វើឱ្យគេទន់ល្ហក់ដូចជាចាហួយវិញ គេអាចខ្លាំងជាមួយគេគ្រប់គ្នាបាន តែមិនមែនជាខ្លួនទេ ត្រឹមតែមើលមុខក៏គេបាក់ស្បាតបាត់ទៅហើយ ។
« អូនគួរតែសរសើរបង »
« បងដឹងទេថាបងរឿងច្រើនជាងអូនទៅទៀត?? » នាយតូច ងាកមុខទៅថាឱ្យគេម្តងទៀត គ្រាន់តែពាក្យសរសើរមួយម៉ាត់សោះក៏គេតាមរករឿងបានដែរ ប្រកាន់ក៏ច្រើនទៀត យ៉ាប់ពិតមែនហើយខ្លួនគួរតែប្រដៅគេឱ្យបានច្រើនជាងនេះ ទុកបែបនឹងទៀតមិនកើតទេ ។
« អត់ទេ ត្រូវហើយៗ បងរឿងច្រើន » នៅក្បាលប្រយោគគេក៏មានចេតនាចង់ប្រកែក តែខ្លានៅនឹងមុខគេនេះក៏បញ្ចេញរិទ្ធឱ្យគេឆ្លើយចាក់បណ្តោយតាមទាំងមិនចង់ ។ គេឯណារឿងច្រើននោះ?? គេពិតជាអស្ចារ្យមែន សរសើរក៏គ្មានអ្វីខុសដែរ ។
« មកបង្ហាត់អូនមក ប្រញាប់ចេញទៅវិញ បងនេះអូសក្រឡាយូរសម្បើមណាស់ » នាយតូច ដើរមកឈរនៅកន្លែងហាត់សមបាញ់ ដោយមិនភ្លេចហៅគេឱ្យមកតាម គេបាននិយាយថានឹងបង្រៀនៗតែមើលចុះគេអូសក្រឡាមិនចង់បង្រៀនទេ ។
« អូនកាន់សិនទៅ »
« កាន់បែបនឹងឬ?? »
« ... » ស្ងាត់ឈឹងគ្មានការតប.ត ។ ព្រោះបបូរមាត់គេកំពុងជាប់រវល់ថើបប្រដេញកញ្ចឹង.កស.ខ្ចីពីក្រោយថើរៗថ្នមៗ ។ ការដែលគេមកឈរកៀកៗបែបនេះក្លិនក្រអូបចេះតែភាយមកប៉ះច្រមុះគេរហូត គេឯណាទៅទ្រាំបានទៅ??
« បង!! ឱ្យមកបង្ហាត់អូនបាញ់កាំភ្លើងមិនមែនឱ្យមកថើបទេ ចេញកុំមកប៉ះ អូនឱ្យអ្នកផ្សេងបង្ហាត់ក៏បានដែរ ចេញ!! » នាយតូច ងាកមុខតែស្រែកចាចៗដាក់គេទាំងខឹង មូលក្តិចដើមដៃគេព្រោះតែក្រឺតជាមួយខ្លាំងពេក មិនដឹងថាថ្ងៃនេះបង្រៀនបានអ្វីខ្លះទេ បើមាត់គិតតែពីថើបកញ្ចឹង.កខ្លួនមិនដកបែបនេះ??
« សឺត!! បងធ្វើលេងទេ ចាំបងបង្ហាត់អូន អូនតម្រង់ឱ្យត្រង់ទៅ Okay!! បែបនឹងហើយ » ម៉ាហ្វៀរូបសង្ហា សើចចេញមកហ៉ឹសៗនៅក្នុងដើម.កចេញមកតិចៗ កាន់ដៃតូចស្រឡូនបង្វែរឱ្យទៅចំគោលដៅដែលត្រូវបាញ់ ។
« បែបនឹង?...ដកដៃចេញភ្លាម បង្រៀនស្អីបងដៃចូលដល់ក្នុងអាវអូននឹង?? អូនបាញ់ដៃបងជំនួសឥឡូវហើយដកចេញ!! »
Jungkook ដកដៃចេញពីក្នុងអាវរបស់ Tae មកវិញ តែគិតថាគេនឹងស្តាប់ត្រឹមតែពាក្យគម្រាមបែបនឹងឬ?? គួរតែដឹងឱ្យច្បាស់ថាគេខូចរកលេខដាក់គ្មានទេ កូនចង់បួនទៅហើយ អាយុក៏មិនតិចទៀត តែគេច្រឡើមជាមួយប្រពន្ធជាងក្មេងៗរៀនវិទ្យាល័យទៅទៀត ។
« រៀនប៉ុន្នឹងសិនបានហើយ »
« អេ៎!! អូនមិនទាន់បានបាញ់មួយគ្រាប់ផង » Tae អើតមុខតាមមើលកាំភ្លើងដែលគេហូតយកពីដៃទៅទុកវិញទាំងអាឡោះអាល័យ រៀនស្អីគេមិនទាន់បានចេះកាន់ស្រួលបួលផងគេក៏ឈប់បង្រៀនបាត់ទៀតហើយ ។
« យកអូនទៅណា?? Jungkook!! » ក្រោយពីយកកាំភ្លើងទុកហើយ គេក៏ដើរបកទៅបីមនុស្សយកទៅម្តងមិនឱ្យប្រកែកតវ៉ាចង់បានកាំភ្លើងអ្វីវិញទាន់ទេ ។ Tae ប្រញាប់ប្រញាលសកដៃទៅអោប.កគេជាប់ព្រោះតែខ្លាចធ្លាក់ ទោះជាដឹងថាគេនឹងបណ្តោយឱ្យខ្លួនធ្លាក់ក៏ដោយក៏ចេះតែការពារទៅ ។
រាងសង្ហា បន្ទាបប្រពន្ធទៅដាក់លើសាឡុងទំហំធំថ្នមៗ ហើយក៏អោនទៅតាមថើបបបូរមាត់ទន់ល្មើយយ៉ាងតក់ក្រហល់ ដាក់ខ្លួនជ្រៀតចូលទៅចន្លោះភ្លៅតូចស្រឡូន ដៃក៏កំពុងប្រលេះលាវអាវនៅលើដងខ្លួនតូចស្រឡូនចេញនឹងអាលបានគេចាត់ការតាមក្រោយ ។
« ហ្ហឹម!! » នាយតូច ងើបមុខកម្រើកបបូរមាត់តប.តស្នាមថើបជាមួយគេវិញសឹងតែមិនទាន់ចង្វាក់ លូកដៃទៅប្រលេះលាវអាវគេវិញបានតែមួយគ្រាប់គត់ ក៏មានសម្លេងមកបង្អាក់បានជាមុន...
« លោកប៉ា!!! » Jungkook ស្ទុះដកបបូរមាត់ចេញមកវិញទាំងប្រហោងពោះដោយសារតែខ្លាចថាកូនបើកទ្វារចូលមកទាន់ប៉ុន្តែតាមពិតគេបានចាក់សោរពីខាងក្នុងជាប់ហើយ តែម្យ៉ាងគេឮសម្លេងកូនស្រែកខ្លាំងគិតថាមានរឿងអ្វីនៅខាងក្រៅ ទើបគេហេចេញមកសឹងតែបាក់.កនេះ ។
« អ្នកដឹកការ៉េមតេមកប្រាប់ថាមកការ៉េមមកដល់ហើយ លោកប៉ាគិតលុយឱ្យគេផង កូនទៅវិញហើយ » តែពេលចេញមកដល់ Jungkook ក៏ដកដង្ហើមធំចេញមកព្រមជាមួយការហួសចិត្ត ព្រោះ Rose មករកគេដើម្បីឱ្យតែគិតលុយថ្លៃការ៉េមតែប៉ុណ្ណោះ មកប្រាប់ហើយនាងក៏កាន់ការ៉េមត្រឡប់ទៅវិញបាត់ទៅ ។
« កូនកើតអីបង?? » Tae ដើរចេញមកឈរពីក្រោយខ្នងគេទាំងដៃកំពុងក្តោបអាវជាប់ ដោយសារតែមុននេះប្តីមិនមែនប្រលេះធម្មតាទេទាញសឹងតែដាច់អស់ទៅហើយ ទើបគេមិនហ៊ានចេញមក ។
« គិតលុយថ្លៃការ៉េម » ម៉ាហ្វៀរូបសង្ហា លើកវិក័យប័ត្រគិតលុយមកបង្ហាញឱ្យប្រពន្ធមើល លិតបបូរមាត់ផ្នែកខាងលើរបស់ខ្លួនបន្តិច រួចទើបដើរទៅរកទូរស័ព្ទ call ប្រាប់ Night ឱ្យគេទៅគិតគូរថ្លៃការ៉េមជំនួស ។
____________________
TO BE CONTINUED... 👉❤️
#ស្រឡាញ់អ្នកអាន 💗
AERA ROSAA 𐤀