ព្រឹកព្រលឹមថ្ងៃថ្មី Omega តូចរូបស្រស់ក៏ជាអ្នកភ្ញាក់ពីដំណេកមុន Jungkook តាមធម្មតាគេមិនងាយក្រោកយឺតជាង Tae ឡើយ លុះត្រាតែថ្ងៃសម្រាកទើបគេគេងយូរ ប៉ុន្តែធ្វើយ៉ាងម៉េចបើសុខភាពគេមិនសូវស្រួល មួយថ្ងៃៗដាក់ស៉ឺរ៉ូមអស់បី បួនទៅហើយ ។ អាណិតប្តីក៏អាណិតតែគេជាអ្នកចង់បានកូនខ្លួនឯងទេ ទ្រាំទៅជួយក៏ជួយមិនកើតដែរ ។
« អរុណសួស្តី!! លោកម៉ាហ្វៀ » Tae អើតមុខទៅថើបថ្ពាល់គេមួយខ្សឺត រួចទើបទប់ខ្លួនក្រោកចុះពីលើពូកចូលបន្ទប់ទឹករៀបចំខ្លួន ព្រោះខ្លួនត្រូវទៅមើលក្រុមហ៊ុនជំនួសស្វាមី ទោះជាគេមិនព្រមឱ្យទៅក៏ខ្លួនមិនស្តាប់ដែរ គេនឹងមិនខឹងដោយសារតែរឿងប៉ុន្នឹងទេ តែបើបន្ទោសគឺច្បាស់ជាបន្ទោស ។
« Jung? បងមានពិបាកក្នុងខ្លួនឬអត់?? » បន្ទាប់ពីចំណាយពេលងូចទឹករៀនចំខ្លួនអស់មួយសន្ទុះធំហើយនៅតែមិនទាន់ឃើញគេក្រោក Tae ក៏ដើរហួសទៅសួរនាំគេខ្លាចក្រែងគេមិនស្រួលខ្លួន តែស្ទាបមើលក្បាលនិងថ្ងាសរបស់គេដូចជាមិនឃើញក្តៅទេ ចុះបើគេមិនស្រួលក្នុងខ្លួនអ្នកណាទៅដឹង?
« បងងងុយ » Jungkook ចាប់ដើមដៃតូចស្រឡូនទាញមកអោបជាប់ទ្រូង បិទភ្នែកសំងំគេងបន្តទាំងមានប្រពន្ធនៅក្នុងរង្វង់ដៃ ។
« បងអត់មានពិបាកក្នុងខ្លួនទេត្រូវទេ?? កុំកុហកអូនណា៎ » នាយតូច អើតមុខចេញពីក្នុងប្រអប់ទ្រូងគេសួរបញ្ជាក់ម្តងហើយម្តងទៀតដើម្បីកុំឱ្យគេកុហក ឃើញគេគេងយូរបែបនេះខ្លាចតែគេពិបាកក្នុងខ្លួនទេ ។
« គេងវិញចុះ » ពេលឃើញគេក្រវីក្បាលបញ្ជាក់រួចហើយ Tae លើកដៃទៅអង្អែលខ្នងគេទៅវិញទៅមកស្រាលៗ លួងឱ្យគេងវិញនឹងអាលខ្លួនក្រោកចេញពីលើគ្រែរួច អោបដូចខ្លាចខ្លួនរត់ចោលទៅហើយមើលចុះ ។
មិនយូរប៉ុន្នានគេក៏បានគេងលក់ស្កប់ស្កល់ទៅវិញ ទើប នាយតូច អាចក្រោកចេញពីក្នុងរង្វង់គេមកវិញបាន ។ Tae រៀបចំសម្លៀកបំពាក់ឱ្យស្រួលបួលវិញ រួចទើបបើកទ្វារដើរចេញទៅខាងក្រៅ សម្តៅទៅរកបន្ទប់ Rose ព្រោះត្រូវនាំនាងយកទៅជាមួយដែរ ទុកនាងឱ្យនៅទីនេះខ្លាចថានាងរំខានលោកប៉ា ។
« ជួយធ្វើស៊ុបមួយចាន ទឹកដោះគោមួយកែវ ហើយជួយរៀបចំយកទៅជាមួយនាំឱ្យ Jung ផងណា៎ » មុននឹងរៀបចេញទៅ Tae ក៏ផ្តាំអ្នកបម្រើឱ្យរៀបចំអាហារនិងថ្នាំទុកឱ្យ Jungkook ជៀសវាងគេក្រោកមកមិនឃើញបាយទឹករៀបចំហើយ ។
ចំណាយពេលធ្វើដំណើរចាកចេញពីក្នុងវិមានរហូតមកដល់ក្រុមហ៊ុន គ្រប់ជំហានដែល Tae ដើរគឺតែងតែមាន Mera និង Night នៅតាមជាប់រហូត ។ ទោះជាទីនេះជាក្រុមហ៊ុនរបស់លោកម្ចាស់ពួកគេក៏ដោយក៏ពួកគេមិនអាចធ្វេសប្រហែសជាមួយសុវត្ថិភាពម្ចាស់តូចពួកគេបានដែរ ។ ត្រឹមតែមកធ្វើការជំនួសនេះទៅដល់វិមានវិញពួកគេច្បាស់ជាត្រូវមាត់ 100% តែម្តង ។
« Night ជួយទៅមើលខាងនោះឱ្យខ្ញុំបន្តិចផង អា៎!! មួយទៀត កុំភ្លេចបញ្ចូនមនុស្សថ្មីឱ្យទៅមន្ទីរពេទ្យផ្លាស់អ្នកម្សិលមិញផង ហើយត្រូវឱ្យពួកគេសម្រាកញ៉ំាអ្វីផងណា៎ »
« បាទ!! ម្ចាស់តូច Mera មានអ្វីប្រញាប់ទាក់ទងទៅខ្ញុំ » Night ចំកោងខ្នងអោនទទួលបញ្ជា ហើយក៏អោនមកខ្សឹបផ្តាំ Mera បើមានរឿងអ្វីត្រូវប្រញាប់ទាក់ទងទៅគេ ។
« ម្ចាស់តូច ជួយស៉ីញ៉េឯកសារនេះផង »
« ខ្ញុំសុំពេលពិនិត្យបន្តិច » Tae ដាក់ខ្លួនអង្គុយទៅលើសាឡុង បើកឯកសារពិនិត្យមើលដើម្បីឱ្យច្បាស់តែក៏ភ្ញាក់ផ្អើល ព្រោះថានេះជាឯកសារលក់កោះទេតើ ។
« លក់កោះ? Jung ដាក់លក់តាំងពីពេលណា?? » នាយតូច ងើបមុខចេញពីឯកសារងាកទៅសួរ Mera ទាំងជ្រួញចញ្ចើម តាមធម្មតាបើសិនជា Jungkook លក់គេច្បាស់ជាប្រាប់ខ្លួនឱ្យដឹងដែលហើយ តែហេតុអ្វីក៏រឿងនេះខ្លួនមិនដឹង??
« ចាស!! គឺមុនខួបអ្នកប្រុស In »
« អ៎!! ខ្ញុំចាំបានហើយ នេះ!! អរគុណច្រើន » Tae ងក់ក្បាលតិចៗហើយក៏នឹកឃើញវិញ Jungkook ធ្លាប់និយាយប្រាប់គេម្តងហើយ ចេះភ្លេចទៅកើតចំមែន ។
« ម្ចាស់តូច 10 នាទីទៀតគឺដល់ម៉ោងញ៉ំាអាហារហើយ » Mera តឿនប្រាប់គេជៀសវាងកុំឱ្យគេខកម៉ោងបាយ ឃើញគេជក់ធ្វើការបែបនេះបើមិនតឿនគេច្បាស់ជាភ្លេចមិនខានទេ ។
« កម្មង់តែពីរ បីមុខបានហើយ Mera »
« ចាស!! ម្ចាស់តូច » Mera អោនក្បាលគំនាបទទួលបញ្ជា រួចក៏ទាញទូរស័ព្ទទាក់ទងទៅកម្មង់អាហារមកឱ្យ ម្ចាស់តូច របស់នាងហើយក៏ប្រញាប់ដើរទៅតាមគេបន្ត ។ ការងារនៅក្នុងក្រុមហ៊ុនគឺមិនមែនតិចឡើយ បានគេមកធ្វើជំនួសតែប៉ុណ្ណេះគឺវល់ពេញតែម្តងមិនបានសម្រាកទេ ។
« មានបានយកទឹកអប់ទៅដាក់បន្ថែមឬនៅ?? »
« គឺរួចរាល់ហើយ ម្ចាស់តូច »
« ល្អណាស់ ចុះនាឡិកាម៉ូដចុងក្រោយវិញមានចេញឬនៅ?? »
« កំពុងរៀបចំ វានឹងចេញនៅពេលឆាប់ៗខាងមុខនេះ »
« ម្ចាស់តូច អាហារមកដល់ហើយ » Mera លូកដៃទៅយកអាហារពីដៃកូនចៅមកពិនិត្យមើលជាមុន ទាល់តែប្រាកដចិត្តថាវាគ្មានអ្វីទើបបក់ដៃដេញឱ្យគេទៅធ្វើការអ្វីផ្សេង ។
« Rose មកញ៉ំាបាយកូន » Tae បក់ដៃហៅកូនស្រីឱ្យមកញ៉ំាបាយជាមួយខ្លួន នាំនាងចូលទៅខាងក្នុងបន្ទប់ធ្វើការផ្ទាល់ខ្លួនរបស់ស្វាមី ពេលរួចរាល់នឹងអាលបានទៅមើលការងារបន្ត ។
« Mera មើលទៅរកអ្វីញ៉ំាផងណា៎ »
« ចាស ម្ចាស់តូច » Mera ញញឹមតបទៅគេវិញស្រាលៗ តែក៏មិនទាន់ទៅណាដែរ ព្រោះ Night នៅមិនទាន់មកដល់វិញ នាងត្រូវនៅមើលខុសត្រូវសុវត្ថិភាព ម្ចាស់តូចនិងអ្នកនាងតូច ទៅណាក៏មិនទាន់បានដែរ ។
« ឯងបំផ្លាញយើង ល្មមដល់ពេលដែលឯងទទួលវិញហើយ » ??
[ S K I P ]
ក្រឡេកមកមើល ម៉ាហ្វៀរូបសង្ហា ដែលនៅក្នុងវិមានឯណេះវិញ ភ្ញាក់បើកភ្នែកឡើងមកគេក៏រកប្រពន្ធមុនគេបង្អស់តែក៏មិនឃើញ សូម្បីតែកូនក៏បាត់ ទើបគេចុះពីខាងលើមករករឿងអ្នកបម្រើផ្អើលពេញវិមានកាត់ព្រលឹម ។ តាមធម្មតាគេក៏កាចស្រាប់ទៅហើយ ហើយពេលនេះគេក៏ទទួលមុខងារចាញ់កូនជំនួសប្រពន្ធទៀត អារម្មណ៍គេមិនសូវជាល្អទេ មួយថ្ងៃម៉ួម៉ៅសឹង 24 ម៉ោងដូចខ្មោចចូលអញ្ចឹង ទាល់តែប្រពន្ធនៅជិតទើបខ្មោចចេញវិញ ។
« លោកម្ចាស់ មានទូរស័ព្ទ » Jungkook ទាញម៉ាសយកមកពាក់ ព្រោះគេកំពុងរៀបចំខ្លួនចេញទៅក្រុមហ៊ុនតាមប្រពន្ធ ។ លូកដៃទៅទទួលទូរស័ព្ទពីដៃកូនចៅយកមកមើលលេខក៏ឃើញថាជាលេខចម្លែកទើបចុចទទួលនិយាយតែម្តង ។
« អាឡូ?? »
( លោកម្ចាស់... )
« មានការស្អី?? »
( លោកម្ចាស់ ខឹងហើយឬ?? កុំទាន់បិទអីទាន!! ខ្ញុំគ្រាន់តែ call មកប្រាប់ក្នុងបំណងល្អតែប៉ុណ្ណោះ )
« បើមិនចង់ឱ្យយើងបាញ់បំបែកបំពង់.កឯងចោលទេ ក៏ប្រញាប់និយាយមក » Jungkook គំហកឡើងខ្លាំងៗបង្ហាញពីការម៉ួម៉ៅចេញមក ទាញទូរស័ព្ទមកពិនិត្យមើលលេខនេះម្តងទៀត រួចទើបដាក់ទូរស័ព្ទផ្អឹបនឹងត្រចៀកវិញ ។
( គឺ...ប្រពន្ធនិងកូនលោកម្ចាស់... )
« ឯងមានន័យយ៉ាងម៉េច?!! »
( ហាសហា!! )
« ប្រាវ!!!* ចង្រៃយ៍!!! » គ្រាន់តែខ្សែរយៈម្ខាងទៀតចុចទុរស័ព្ទបិទភ្លាម Jungkook ក៏យាដៃបោកទូរស័ព្ទទៅលើឥដ្ឋមួយទំហឹងទាញអាវក្រៅមកពាក់ហើយក៏ប្រញាប់កញ្ឆក់យកសោរឡានដើរចេញទៅខាងក្រៅយ៉ាងលឿន ។
« រឺងៗ* » ដើរចេញមិនទាន់ផុតផង ទូរស័ព្ទដៃផ្ទាល់ខ្លួនរបស់គេក៏រោទិ៍ឡើងមកម្តងទៀត បំណងដែលមិនចង់លើកក៏ត្រូវតែលើក ព្រោះនេះជាលេខរបស់ Tae ទើបគេប្រញាប់ប្រញាលចុចទទួល...
( លោកម្ចាស់ មានរឿងធំហើយ... )
( Mera...ខ្ញុំឈឺពោះណាស់..ហ៉ឹក... ) សម្លេង Mera បន្លឺឡើងមិនទាន់ផុតស្រួលបួលផង សម្លេងមួយទៀតក៏បន្លឺឡើងមកបន្តពីក្រោយ ការស្រែកត្អូញត្អែរដែលពោរពេញទៅដោយការឈឺចាប់ក៏ឮខ្ទរពេញត្រចៀករបស់ម៉ាហ្វៀរូបសង្ហារំងំមិនបាត់ទៅណានះឡើយ ។
Jungkook ក្តាប់ទូរស័ព្ទក្នុងដៃខ្លាំងឡើងៗ ខឹងឡើងញ័រដៃទទ្រើត បើប្រពន្ធកូនរបស់គេកើតអ្វីតែបន្តិច កុំសង្ឃឹមថាអ្នកធ្វើរឿងអស់នេះរស់ដល់ថ្ងៃស្អែកឱ្យសោះ វាត្រូវតែងាប់ដោយវេទនាបំផុត ។
____________________
TO BE CONTINUED... 👉❤️
#ស្រឡាញ់អ្នកអាន 💗
AERA ROSAA 𐤀