« ក្រាក* ប៉ាៗ » នាងតូចរូបស្រស់បើកទ្វាររត់ចូលមកស្រែកហៅប៉ាៗតាមទម្លាប់តែបើកទ្វារមកលើកនេះក៏ឃើញថាប៉ាៗរបស់នាងកំពុងគេងសម្រាកនៅលើគ្រែ មុខក៏មិនស្រស់បស់ដូចរាល់ដងទើបនាងស្ទុះរត់ទៅជិតដើម្បីមើលឱ្យច្បាស់ មុខប៉ាៗនាងស្លេកដូចមនុស្សចាញ់កូនអញ្ចឹង ។
« ប៉ាៗចាញ់កូនមែនទេ Appa?? » Rose ចងចញ្ចើមងើយមុខទៅសួរ Appa ទាំងជ្រួញចញ្ចើមចូលគ្នាជាប់រហូត ឮសំណួររបស់កូនបែបនេះ Tae ក៏សើចដើរមកឈរក្បែរនាងមុននឹងឆ្លើយ ៖
« ស៊ូត!! Rose ប៉ាកំពុងសម្រាកណា៎ ឃើញទេថាប៉ាមិនស្រួលខ្លួនទេ ថ្ងៃនេះកុំរំខានប៉ាឮទេកូន?? ចាំបន្តិចទៀត Appa នាំកូនទៅខាងក្រៅ » Tae លើកដៃមកដាក់លើមាត់បម្រាមកូនកុំឱ្យនាងស្រែកទៀត ស្រួលមិនស្រួលភ្ញាក់អ្នកដែលគេងនៅលើគ្រែមកឥឡូវហើយ គេកំពុងតែមិនស្រួលខ្លួនចង់ឱ្យសម្រាកឱ្យបានច្រើន មើលទៅចាញ់លើកនេះទ្រោមសម្បើមណាស់ ។
« Okay Appa » Rose ញញឹមចេញមកពង្រាយរត់ចូលទៅខាងក្នុងឡើងទៅលើគ្រែគេងក្បែរលោកប៉ាជាទីស្រឡាញ់ ដែលក្អួតចាញ់កូនជំនួសប្រពន្ធដល់ថ្នាក់សន្លប់ហើយនៅព្យួរស៉ី
« ទៅណា Vanilla?? » Tae ដើរចេញពីខាងក្នុងមកតាមកូនស្រី ចងចញ្ចើមសួរនាងពេលឃើញនាងមិនឡើងទៅគេងជាមួយប្អូនជិតលោកប៉ា ។ កាន់តែធំនាងកាន់តែមិនសូវមាត់.ក កាន់ទៅតាមលោកប៉ាអសរលីងហើយកូនម្នាក់ៗ ។
« កូនឈឺក្បាលចង់គេង » Vanilla បង្វែរខ្នងបែរមកឈរទល់មុខ Appa វិញ ឆ្លើយនឹងសំណួរទាំងមុខស្មើចែស ប៉ុន្តែសម្រាប់អ្នកជា Appa គេច្បាស់ជាយល់ហើយ ព្រោះមុខកូនស្រីកណ្តាលម្នាក់នេះតែប៉ុន្នឹងនាងមិនសូវជាចូលចិត្តញញឹមប៉ុន្នានទេ ។
« មកគេងជាមួយប្អូននៅទីនេះក៏បាន » នាយតូច ដាក់ខ្លួនមកអង្គុយក្បែរកូន សកដៃទៅវែកសក់នាងទៅកៀនទាំងញញឹមស្រាលៗ ទោះជានាងជា Alpha តែនាងស្រស់ស្អាតណាស់ធ្វើយ៉ាងមិចបើនាងជ្រុលកើតមកជាស្រីទៅហើយមានតែបែបនឹងឯង បើនាងជាប្រុសមិនដឹងថាសង្ហាប៉ុណ្ណាទេ ។
« អត់ទេ!! Appa កូនចង់គេងនៅបន្ទប់ » នាងក្រវីក្បាលប្រកែកប្រាប់ទៅ Appa ថាមិនចង់គេងទីនេះ បែបនេះគាត់ច្បាស់ជាឱ្យទៅបន្ទប់ដោយមិនបាច់ដេញដោលអ្វីច្រើនទៀតទេ ។
« អឹម!! តាមចិត្តកូនចុះ » Tae ងក់ក្បាលអនុញ្ញាតិឱ្យនាងទៅអើតមុខទៅថើបថ្ពាល់នាងបន្តិចហើយក៏ងើបឈរឡើងវិញតាមមើលដំណើរកូនដើរចេញទៅទាំងឆ្ងល់ក្នុងចិត្តតិចតួចដែរ មើលទៅនាងដូចជាធម្មតាទេតែនាងបែរជាថាឈឺក្បាល នាងកំពុងតែលាក់អ្វីពីខ្លួនឮ??
មកដល់ក្នុងបន្ទប់ Vanilla ក៏ទាញទ្វារបិទចាកសោរពីខាងក្នុងជាប់ ដើរទៅយក IPad របស់នាងមកកាន់ឡើងទៅគេងឃ្លុំភួយជិតឈឹងនៅលើគ្រែយ៉ាងស្ងៀមស្ងាត់មិនដឹងទេថានាងកំពុងតែធ្វើអ្វី ។
« Win Sara »
ម៉ាហ្វៀរូបសង្ហា ដែលសន្លប់អស់ដល់ទៅពីរម៉ោងក៏ភ្ញាក់ដឹងខ្លួនមកវិញទាំងនៅធីងធោងៗព្រោះគេមិនទាន់មានកម្លាំងវិញ គេទប់ខ្លួនក្រោកអង្គុយងាកឆ្វេងងាកស្តាំមើលបន្តិចក៏ឃើញកូនស្រីនៅគេងក្បែរដៃគេក៏ញញឹមយ៉ាងណាក៏គេមិនក្អួតពេលនៅក្បែរកូនដែរ បើសូម្បីតែកូនក៏គេនៅជិតមិនបានគេដាច់ខ្យល់ស្លាប់មុនមិនខានទេ ។
Jungkook លើកដៃម្ខាងទៀតឡើងបំណងចង់អង្អែលសក់កូនតែ...
« ស្អីគេ?!!! » Jungkook បើកភ្នែកធំៗភ្លាត់មាត់ស្រែកឡើងខ្ទរពេញបន្ទប់ ដោយសារតែឃើញដៃគេមានដោតម្ជុលភ្ជួរស៉ឺរ៉ូម ព្រះជាម្ចាស់!!! គេដល់ថ្នាក់ដាក់ស៉ឺរ៉ូមផងឬ?? ងាប់ហើយគ្មានរស់ទេ ។
« ប៉ាៗ »
« កូនប៉ាភ័យឬ?? ប៉ាសុំទោស កុំភ័យអីៗ » គេភ្ញាក់ខ្លួនដឹងថាមុននេះគេជ្រុលមាត់ស្រែកខ្លាំងដល់ថ្នាក់កូនភ្ញាក់ពីគេមកទៅហើយ មិនដឹងព្រលឹងកូនហោះទៅដល់ណាអស់ហើយទេបើគេស្រែកយ៉ាងនឹងៗ ។
ម៉ាហ្វៀរូបសង្ហា ទាញស៉ឺរ៉ូមចេញពីដៃរួចក៏លើកកូនមកដាក់លើភ្លៅថើបសក់ស្រីបណ្តូលចិត្តស្រាលៗ លួងឱ្យនាងស្ងប់ចិត្តវិញសិន មាត់ចង្រៃស្រែកមិនដឹងថាកូននៅជិតចំមែនហើយ ។
« មិនអីទេប៉ាៗ Appa ផ្តាំប្រាប់ថាបើប៉ាៗភ្ញាក់ឱ្យចុះទោខាងក្រោមញ៉ំាបាយផង ប៉ាៗក្រោករួចទេ?? » Rose ញញឹមចេញមកយ៉ាងស្រស់ ក្រវីក្បាលតិចៗប្រាប់ថាមិនបានភ័យ ប្រាប់ឱ្យគាត់ចុះទៅខាងក្រោមតាមអ្វីដែល Appa ប្រាប់មុននាងគេងលក់ ។
« ហេតុអីប៉ាក្រោកមិនរួច?? ឡើងខ្នងប៉ាមកទៅញ៉ំាជាមួយប៉ា » Jungkook លើកដៃទៅញីសក់កូនលេងបន្តិច រួចទើបបង្វែរខ្នងឱ្យនាងឡើង ។
« ហិកៗ » នាងតូច សើចចេញមកកក្អឹកសកដៃទៅតោង.កប៉ាៗជាទីស្រឡាញ់ពីក្រោយឱ្យគាត់អៀវចុះទៅខាងក្រោមជាមួយគ្នា ។
« Appa ធំ » គ្រាន់តែលោកប៉ាអៀវចុះមកដល់ខាងក្រោមភ្លាម Rose ក៏រមួលខ្លួនខំចុះ រត់ត្រុយទៅរក Appa ធំរបស់នាង ដាក់ខ្លួនប៉ុកអង្គុយក្បែរគាត់ចាប់អោបផងថើបផងធ្វើដូចជានឹកខ្លាំងណាស់អញ្ចឹង ។
« មានរំខានប៉ាទេកូនកំហូច ប៉ាកំពុងឈឺណា៎ »
« អត់មានទេ Appa ធំ »
« ក្មេងឆ្លាត អេ៎!! ចុះឯណា Vanilla?? » Rose ក្រវីក្បាលតិចៗបញ្ជាកថាមិនដឹង ព្រោះនាងរវល់តែគេងជាមួយលោកប៉ាទើបតែក្រោក បងស្រីនៅឯណាក៏នាងមិនដឹងដូចគ្នា ។
« សឺត!! អ្នកណាឱ្យអូនធ្វើទៀតហើយ?? » ខណៈដែលកូនកំពុងតែលេងជាមួយ Appa គេក៏ឆ្លៀតដើរមករកប្រពន្ធនៅក្នុងផ្ទះបាយ សកដៃមកអោបយ៉ាងណែនពីក្រោយថើបកញ្ចឹង.កស.ខ្ចីពីក្រោយខ្សឺតៗមិនដឹងថានឹកអ្វីណាស់ណាទេសន្លប់តែពីរម៉ោងសោះ ។
« បងមានយ៉ាងមិចទៀតទេ?? ធូរច្រើនទេ?? ហើយស៉ឺរ៉ូមអស់ឬនៅបានជាបងដក? » នាយតូច មិនបានឆ្លើយនឹងសំណួរគេវិញឡើយ គឺមានតែបង្វែរខ្លួនមកឈរទល់មុខគេសួរពីអាការៈរបស់គេជំនួសវិញ លើកដៃស្ទាបមុខស្ទាបក្បាលគេដើម្បីឱ្យប្រាកដចិត្ត ។
« បងអស់អីហើយ ហើយស៉ឺរ៉ូមនោះក៏អស់ដែរ » គេឆ្លើយចោលដើម្បីយករួចខ្លួន រឿងស៉ឺរ៉ូមអស់មិនអស់គេមិនបានចាប់អារម្មណ៍ទេ ឃើញភ្លាមគេទាញចេញភ្លាមតែម្តងនឹង ។
« ហាមកុហកអូន បើអូនឡើងទៅឃើញនៅមានអូនមិនឱ្យបងគេងជាមួយទេ »
« អូនក៏ដឹងថាបងមិនចូលចិត្ត »
« តែបងកំពុងឈឺ មិនចូលចិត្តក៏ត្រូវតែដាក់សិនដែរ ឥឡូវលែងស្តាប់សម្តីអូនហើយឬ?? លែងស្រឡាញ់អូនហើយឬ?? »
« លើកក្រោយបងមិនដកទៀតទេយ៉ាងមិចដែរ?? សឺត!! ឈប់ខឹងបងបានហើយ » Jungkook អើតមុខទៅថើបប្រពន្ធមួយខ្សឺតយ៉ាងវែង ហើយ Tae ក៏សើចផ្តល់ជាសញ្ញាថាឈប់ខឹងហើយ តែតាមពិតគេក៏មិនបានខឹងទេ គ្រាន់តែធ្វើពុតដើម្បីឱ្យប្តីតាមចិត្តតែប៉ុន្នឹងឯង ។
« មកញ៉ំាអីសិនមកបងមិនទាន់បានអ្វីចូលពោះទេតាំងពីថ្ងៃ » Tae រុញគេឱ្យខិតចេញបន្តិចមកអោបស្និតតតាត់បែបនេះខ្លួនទៅធ្វើអ្វីកើត ។ នាយតូច ឈោងដៃទៅយកចានមកដួសអាហារដែលខ្លួនធ្វើមកដាក់ចានដឹកដៃប្តីឱ្យដើរមកអង្គុយដូចជានាំកូនទោញ៉ំាបាយទៅហើយ ។
« នេះម៉ោងប៉ុន្នានហើយ?? Won និង In មិនទាន់មកវិញទៀតឬ?? » និយាយដល់រឿងម៉ោងគេក៏នឹកឃើញដល់កូនដែលនៅខាងនោះល្មម ដូចជាមិនឃើញពួកគេនៅផ្ទះទេ ឬក៏នៅទីនោះនៅឡើយ??
« កូនថាស្អែកទើបមកវិញ » Jungkook ងក់ក្បាលឆ្លើយទៅប្រពន្ធវិញតិចៗ ចាប់ផ្តើមញ៉ំាអាហាររបស់គេដោយសារតែគេក៏ឃ្លានដែរ ពេលនេះក្នុងក្រពះប្រហែលជាគ្មានអ្វីទេបើគេក្អួតមកវិញអស់ទៅហើយ ។
[ S K I P ]
« នាងទៅបានលេខយើងមកដោយរបៀបណា?? »
( បានមកដោយរបៀបណាវាមិនសំខាន់ទេ រឿងសំខាន់គឺចិញ្ចៀនរបស់គូដណ្តឹងលោកទៅវិញទេ ចង់បានវិញឬអត់?? មកយកនៅកន្លែងដែលខ្ញុំប្រាប់លោកមក )
Jungwon ចុចទូរស័ព្ទបិទវិញ ងើបចេញពីលើសាឡុងដើរទៅរកគូដណ្តឹងនៅក្នុងបន្ទប់រេភ្នែករកមើលចិញ្ចៀននៅនឹងដៃគេហើយក៏ឃើញថាវាពិតជាបាត់មែន ។ មិនចាំយូរគេក៏ដើរទៅយកអាវក្រៅពីក្នុងទូមកពាក់សាងជាចម្ងល់ដល់គូដណ្តឹងមួយរំពេចព្រោះតែឆ្ងល់ថាគេចង់ទៅណាទាំងថ្មាលនេះមេឃក៏ជិតងងឹតហើយតើ ។
« បងប្រុសទៅណា?? នេះមេឃជិត... » Insu ហាមាត់និយាយលែងចេញពេលឃើញគេដើរមកកញ្ឆក់សោរឡាននៅលើតុដើរចេញទៅធ្វើដូចជាមិនឃើញខ្លួន សូម្បីតែមុខក៏មិនមើល ឆ្លើយតែមួយម៉ាត់ក៏មិនឆ្លើយ អ្វីដែលគេបានបន្សល់ទុកឱ្យគឺមានតែភាពស្ងៀមស្ងាត់តែមួយមុខគត់ ។ ដែលខ្លួនសួរក៏មិនមែនចង់ឃាត់ តែសួរក៏ព្រោះតែបារម្ភមិនចង់ឱ្យគេចេញទៅណាទាំងថ្មាលនេះតែប៉ុណ្ណោះ
_____________________
TO BE CONTINUED... 👉❤️
#ស្រឡាញ់អ្នកអាន 💗
AERA ROSAA 𐤀