بارت²⁸
لِـ «كيـان فريـدة».
بقلم منارجمال"شجن".
فريدة بصوت عالي نسبيًا بتنادي علي الكل: يلا يا جماعة احضروا عشان هنبدأ حالًا.
الكل انتبه ليها ووقفوا جمب بعض وفريدة وجويرية كانوا واقفين قصادهم وبيتهامسوا وبعد دقيقه جويرية هزت دماغها بموافقة لفريدة علي كلامها ورجعت بصت للكل واتكلمت: دلوقتي هنبدأ بأول تحدي ومش بمزاج حد هل هيوافق عليه ولا لأ لانه اجباري علي العيلة كلها دي أول حاجه.
كملت فريدة ومبتسمة بحماس: ومحدش يقلق كل واحد عارفين إيه نوع التحدي الل هيناسبوا والل هيقدروا عليه.
مركزين جدًا مع كلامهم وجويرية شاورت علي زين: بابا ساعدنا كتير وخلينا نقول هو كان رأس المال لينا عشان نقدر نجهز كل الل مخططين ليه سقفة بقا.
ضحك زين بقلة حيلة والكل سقف ليه بحب وسعادة ورجعوا يكملوا انتباه مع كلام جويرية وفريدة.
فريدة بابتسامة: نبدأ بأول تحدي وهيكون بين شخصين.
كملت جويرية وشاورت: موسي ونوح تشجيع.
نوح وموسي قربوا منهم بثقة وكبرياء وعلي وشهم ابتسامة عريضة ولابسين شورت وفانلة حمالة، الجميع بيشجع فيهم ونوح وموسي بيهزوا دماغهم ويرفعوا ايدهم ويحطوا ايدهم علي جسمهم ويبصوا لبعض بتحدي ويعملوا علامات علي رقبتهم.. مع انشغال العيلة في تشجيع نوح وموسي جي شابين حطوا ترابيزة واتنين كرسي ووقفوا علي جمب، شاورت فريدة وجويرية لنوح وموسي عشان يقعدوا وبالفعل قعدوا جمب بعض وجويرية اتكلمت وبتشرح: ودلوقتي خلينا نوضح نوع التحدي هيكون إيه.
فريدة بجدية: في البداية عشان نكون متفقين فـ هنبدأ بشرح الجوايز هتكون إيه للفائز والعقاب للخسران برضوا هتكون إيه؟.
جويرية بحماس: عربية لامبورجيني أحدث نوع و100 دولار للفائز.
وقف نوح وقاطعهم: والل بيحب الموتسيكلات يحبايبي.
فريدة بنفاذ صبر: لسه مكملناش كلامنا.
نوح بسخرية: المايك معاكم بس لو مفيش متوسيكل أحدث موديل مش لاعب.
جويرية بغيظ: وإنت ضامن إنك هتفوز منين؟.
نوح بهمس: اقولك ومتزعليش.
فريدة بجدية: خلاص كفاية مشاغبة باقي كلامنا كان هو انه لو الفائز موسي هتكون العربية ليه ولو إنت هيكون ليك موتسيكل أحدث نوع زي ما قولت وهيتم استلامه وقت رجوعنا مصر وال100 دولار هتستلموها بعد ما تخلصه التحدي مباشرةً.
نوح قعد وحط رجل علي رجل: ما علينا يلا عشان مستعجل الدلاورات بتنادي عليا.
موسي بص ليه: حصل وانا شاهد.
اتنهدت فريدة وجويرية شاورت للشابين وبعد دقايق رجعوا وفي ايدهم صينية كبيرة وبيقدموا الاطباق لي نوح وموسي.
نوح بسعادة: الله هناكل دا إيه التحدي الجامد دا.
جويرية ضحكت بخبث: بنحبك يا نوح.
نوح بص ليها بقلق من ضحكتها ونظرتها وهي بترفع حاجبها ليه، بص لموسي وهو بيتكلم: نوع الأكل إيه بقا عشان مش مطمن.
فريدة ابتسمت بسعادة: الاندومي الكوري الحار.
بلع نوح ريقه ببطء وموسي تنح والكل مذهول وبيضحك عليهم.
نوح بصوت خارج منه بالعافية: قولتي مين؟ اندومي بالخضار!!.
جويرية وقفت جمبه وابتسمت بِـ شر: تؤ تؤ اندومي كوري حار.
بص ليها وشفايفه بتتهز بخوف ومش قادر ينطق، موسي بص للشابين وهما بيجهزوا الاندومي ليهم وكيس الشطة الل بيدلقوه بالكامل علي الاندومي وكان أحمر جدًا وشكله مُريب وبص لجويرية: هو هناكل طبق واحد صح؟.
فريدة بنفي: 3 إطباق من الكبير والاندومي الحجم الأكبر والل هيخلص الاطباق كلها هو الفائز.
هز دماغه بتوتر وبص لنوح الل تقريبًا شفايفه مش موقفة اهتزاز من الرعب وبيشاور علي الاكل وبيكلمه: بتقول..... اندومي.... كوري.... و (كمل بحسرة) وحااااار.
الكل واقف متحمس وابتدي التحدي والاطباق جهزت وجويرية صفرت: يلا كُلوا.
نوح بص ليها بعصبية: ياكلك قطر يا بعيدة.
فريدة بنظرة ثاقبة: بدأ العد التنازلي للتحدي يلا...
موسي غمض عيونه ومسك المعلقة ببطء وبيشم في الطبق وفجأة رجع لورا: أحيه.
نوح ايده بترتعش وبيقربها من المعلقة ببطء شديد وفتح عيونه علي آخرهم لما شاف ماية الاندومي حمرا جدًا وشبه الدم ومتردد ياكل وجويرية زعقت فيه: ما تخلص وتطفح يالااه.
نوح بلع ريقه بخوف وبص ليها: لا حضرتك انا باكله بطعم الدود عندكم النوع دا؟.
فريدة وهي بتقلده نوح: الموتسيكل وال100 دولار بينادوك يا نوح.
نوح بص لموسي: موسي إنت لسه عايش.
موسي وهو متنح وعيونه في الاندومي وبيهز دماغه وساكت.
بعد دقيقتين أخيرًا اتشجعوا وبياكلوا بصعوبة كبيرة جدًا والاتنين مايلين علي الطبق وبياكلوا بسرعة ورا بعض والعيلة مراقباهم بتركيز ودقة، بعد ما قدروا ياكلوا نص الطبق الأول وقفوا أكل فجأة وروح بنت خالد وجنة ضحكوا وبصوا لبعض.
جنة: حان وقت التقاط الصور الفاضحة.
روح بضحك: وتسجيل الفيديوهات الساخرة.
خرجت كل واحدة فونها واستعدوا للتصوير في نوح وموسي.
ياسمين بقلق وهي عيونها علي ابنها: ياسين هو نوح لسه عايش ولا لسه؟.
ياسين بجدية وهو عيونه عليه: إبنك دا محظوظ آه والله.
ياسمين باستغراب: مش فاهمة محظوظ إزاي يعني؟.
ياسين علي نفس الوضع: هيموت في المالديف وبفكر لو ادفنه هنا عشان لما اجي ازوره ابقي أصيف بالمرة بدل ما اضرب مشوار علي الفاضي.
روح الجارحي بخوف: يالهوي يا زين موسي الحقه.
زين وهو مركز معاهم: دا لسه مخلصش طبق واحد للدرجادي معرفتش أربي طول عمري أقول الواد دا خِلفة مهببة من وقت ما كان في بطنك وقعدتي تتوحمي علي فسيخ ورنجة مع الفجر.
روح وهي عيونها علي موسي: وبصل أخضر.
ضحك زين بصوت عالي بيأس وهي كملت: حبيبي يابني كنت غالي ابن غالي والله يا زين ابننا حرام عليك ازاي توافق علي حاجه زي كدا.
زين بضحك: ادعي بس يفوز عشان العقاب اصعب بكتير من أكل الاندومي دا.
بصت ليه برعب: إنت هترعبني ليه؟ هو العقاب عبارة عن ايه؟.
قطع حديثم صوت ضرب.
نوح فجأة ضرب موسي علي قفاه وبيزعق بصوت عالي ويضرب في أي حاجة جمبه وجويرية وفريدة بعدوا عنه وبيضحكوا عليه، موسي بيضرب راسه في الترابيزة اللي قدامه وبيصرخ وفجأة مسك دراع نوح وبيعض فيه ويصرخوا الاتنين مع بعض وفاتحين فمهم علي الآخر من شدة الالم والوجع من الشطة الحارة.
بعد دقايق رجعوا يكملوا باقي الطبق وبياكلوا بسرعة كبيرة جدًا عشان يخلصوه كله وشكلهم غير قابل للشرح نهائي وشهم بقا أحمر جدًا وعيونهم برضوا بنفس الشكل وراسهم في الطبق ومكملين أكل ووشهم غرقان مايه من العرق، أخيرًا خلصوا الطبق كله وشدوا الطبق التاني وأكل منه موسي معلقتين ووقف فجأة علي الكرسي الل كان قاعد عليه وبيضرب نفسه ويشد في شعره ويصرخ.. نوح مكمل أكل وبعد ما خلص نص الطبق التاني وقف وبيجري حوالين الكرسي بتاعه ويتنطط من الألم، رجع موسي يكمل وبياكل بسرعة وخلص الطبق كله وعيونه كانت كلها دموع وبيبكي من حرقان زوره ويلطم علي وشه والكل بيضحك عليهم ويصور فيهم للذكري، نوح رجع مكانه وبص لباقي طبقه التاني وبيضرب علي قفاه، قعد ومسك المعلقة وبياكل وفجأة رمي دماغه علي الترابيزة وبيصوت: اااااااااه الحقووووني.
موسي ماسك لسانه وبيشد فيه بشكل يضحك جدًا وبيتألم، رجع نوح يكمل الطبق التاني ومقدرش ومكمل صراخ وبيضرب علي الترابيزة، موسي هز دماغه وبيضرب علي راسه عشان يفوق ويكمل ورجع كمل بالفعل في الطبق التالت وبعد أول معلقة وقف وضرب الكرسي بتاعه برجله وقعد علي الرمل اللي علي الشاطئ الل هما فيه وبيتمرمغ فيه، نوح رجع ياكل من طبقه التاني وخلصه ودخل علي التالت وخلص نصه وفجأة وقف أكل وتنح وباقي الاندومي في فمه ووقف يتنطط زي الهنود الحُمر ويشد في هدومه وفي الآخر قلع الفانلة بتاعته وجري علي البحر ونط فيه والكل مذهول وانفجروا في الضحك، رجع موسي وكمل طبقه التالت كله ورا بعض من غير ما يقف وبعد ما خلص من التحدي وقف وجري علي العيلة وقرب من الترابيزة الل عندهم ومسك الماية والعصاير والبيبسي وكل حاجه تتشرب وبيشرب منها.
بعد تقريبا ساعة كان قاعد نوح وموسي ومرمين علي الكراسي بتاعتهم ويشبهوا للاموات وفاتحين فمهم وبيطلعوا في لسانهم.
قربت جويرية وفريدة منهم واتكلمت جويرية: خلصنا التحدي باقي العقاب للخاسر الل هو سعادتك (شاورت علي نوح).
نوح بتعب: أي عقاب مفيش حاجه هتكون أصعب من اللي عدي عليا من شويه دا (صرخ) ااااااه يا حنكي الل راح.
ضحكت فريدة وجويرية عليه وموسي مغمض عيونه وحط إيديه علي رجل نوح: فريدة وجويرية ميجيش من وراهم حاجه سهله.
نوح بص ليه وتنح ورجع بص للبنات: طبعا دا واحد حقد منه وانتم هتثبتوا غير كدا صح؟.
جويرية وفريدة بصوا لبعض شويه ورجعوا بصوا لنوح وفريدة اتكلمت: هنخليك تحكم بنفسك.
هز دماغه وفريدة بعتت مسدج لحد وبعد وقت قصير الكل كان واقف ومراقبين اللي هيحصل وجي ليهم شاب وكان ماسك بوكس كبير نسبيًا ومش باين منه أي حاجة وحطوا علي الترابيزة قصاد نوح وجويرية اتكلمت: نوح هتفتح البوكس وإنت مغمي عيونك وهتطلع اللي فيه.
نوح بص ليهم بقلق: فيه إيه البوكس دا الأول.
فريدة مطت شفايفها: لازم إنت الل تعرف وتقولنا بعد ما تمسكه.
قرب الشاب من نوح وربط شريط علي عيونه بإحكام وفتح ليه البوكس وموسي وقف وبص فيه وفجأة جري من جمب نوح بفزع وخوف والعيله قربت يشوفوا فيه إيه والبنات جريوا هما كمان كلهم ومعاهم ياسين اللي بيخبط علي راسه ويصوت: يا مصيبتك السودا يا نوح.
رجع باقي الشباب والرجالة لـ ورا وهما كاتمين ضحكتهم بصعوبة ونوح مد إيديه قدام البوكس وياسمين زعقت: نوح.
نوح كشر وهو مغمي عيونه: إيه فيه إيه؟
ياسمين برعب لسه هتتكلم منعها كيان وهي قلبها هيخرج من مكانه من الخوف علي إبنها.
كيان بهدوء: متقلقيش مش هيتأذي اوعدك.
ياسمين بقلق وخوف: إزاي و...
كيان بجدية: التعبان مش من النوع السام متخافيش أكيد دكتور زين مش هيوافق علي ان حد من عيلته يتضر.
بصت ليه بتوتر ورجعت ركزت مع إبنها وهو بيمد أيده جوا البوكس بحذر وكان جواه تعبان حجمه كبير وثابت مكانه مش بيتحرك، قرب نوح ايديه أكتر وهو مش شايف حاجه وفجأة سحب ايده لفوق بسرعة وياسمين اتفزعت ونوح اتكلم: حاسس بحاجه سخنة تحت ايدي هو البوكس فيه حاجه كانت في الفرن ولا إيه؟.
عبدالله بخبث: امسك وشوف وإنت هتعرف.
نوح كشر بضيق ورجع دخل إيديه ومسك الشيء اللي حرارته عالية دا ورفعه لفوق بصعوبة لانه كان تقيل شويه وبيمشي إيديه عليه بهدوء وبيبتسم: الله دافي.
حطه علي خده والكل فاتح عيونه ومصدوم ونوح مستمتع بدفا التعبان وهو لسه مش عارف انه تعبان.
نوح باستغراب: بس ملاحظ انه نوع حيوان صح؟.
جويرية: حاجه شبه كدا.
نوح بتخمين: شبه كدا يعني انا صح.
كيان قرب منه: إيه هو بقا الحيوان دا لو إنت حاسس انه حيوان.
نوح بيمشي إيديه علي جسم التعبان بحذر ومش قادر يخمن واتكلم: جسمه نعومته غريبة مفيهوش رجل كنت فاكره كلب.
فريدة بحذر: طب حاسس انه إيه غير الكلب.
نوح بتفكير ولسه بيمشي إيديه علي جسم التعبان من فوق لتحت: سمكة بس كبيرة ونوع مختلف من اللي شوفناه هنا؟.
جويرية بنفي: لأ يا نوح حاجه أحلي.
نوح بنفاذ صبر: مش مرتاحلك يابت.
ياسين وهو مش قادر ينطق من اللي شايفه وابنه ماسك التعبان بالشكل دا وصرخ: ماسك مصيبة يا قلب أبوك.
نوح مركز مع نبرة صوت ياسين وقلق، قرب إيديه من راس التعبان وفجأة سمع صوت الفحيح بتاعه وهو بيخرج لسانه واتكلم بتلعثم: هو... هو... هو... اللي في ايدي دا من الزواحف!!.
حازم بجدية: أيوه يا نوح.
نوح وهو واقف متصنم مكانه وبيتكلم: ونوعه خطير وبيموت!!.
عبدالله بهدوء: شاطر قربت من الاجابه الصحيحه.
نوح بلع ريقه بخوف أكبر: بيسم الل يقرب منه؟.
فريدة: بالظبط.
نوح اتجمد ونطق آخر كلماته: ت...ت...تعبان!!
ياسين لطم: آه يا روح امك.
وفي لحظة نوح هز دماغه بنفي بسرعة وشال الشريط اللي علي عيونه وبص للتعبان اللي في إيديه ومخرج لسانه، نوح لسه مش قادر يستوعب اللي هو فيه وضرب التعبان بخفة: إنت لعبة مش كدا.
التعبان حرك جسمه ونوح كمل وعيط: بالله عليك قولي إنك لعبة.
في ثانية نوح استوعب الحقيقة وبيجري بالتعبان علي الكل ويصرخ ويزعق: الحقوني، يا ماما يا بابا.
بيصرخ ويصرخ ولسه ماسك التعبان ومن صدمته مش قادر يسيبه ولا عارف يسيبه إزاي وبيجري ورا العيلة وكلهم بيجروا منه.
بعد ساعة كان الكل متجمع، ونوح في حضن ياسمين ومش بينطق غير جملة واحدة بس طول الساعة دي.
_مسكوني تعبان حقيقي ياماااه.
قربت جويرية من موسي وسلمت ليه ال100 دولار واتكلمت: العربية بابا هيحجزها ليك وهتستلمها لما نرجع مصر.
هز دماغه وبص لنوح وبيضحك عليه وفريدة كملت: نبدأ في تاني تحدي!!.
ركزوا معاها وزين وقف: اقعدي انا اللي هقدم التحدي التاني.
قعدت فريدة وجويرية جمب غيث ومُغيث وزين اتنهد واتكلم: تاني تحدي بين الشباب والبنات وهو شد الحبل.
قرب شاب وكان ماسك حبل كبير وسميك والكل بص ليه ورجع زين كمل كلامه:( فريدة، جويرية، روح خالد، جنة، روڤانا) ضد (كيان، موسي، حازم، نوح).
رزان باستغراب: بس كدا خمس بنات قصاد اربع شباب.
زين بتوضيح: كيان وحازم وموسي قوة جسمهم من قوة فريدة وجويرية بس، لكن روح وجنة وروڤانا مش بنفس القوة وكمان ضدهم نوح.
وقف غيث ومُغيث: إحنا هنكون مع الشباب برضوا.
زين اتنهد: انتم ليكم تحدي مختلف لسه.
غيث ومُغيث قعدوا مكانهم وزين شاور للبنات تقف في جمب والولاد في جمب ورمي ليهم الحبل وابتدوا يشدوا قصاد بعض.
عبدالله وقف بتعب وماسك كتفه وعيونه عليهم: تفتكر حد فيهم هيفوز..
زين بص ليه وابتسم بخبث وعبدالله فهم ابتسامته وهز دماغه بيأس: يا أخي يخربيت دماغك بقا..
ضحك زين: ركز بس عليهم.
بص ليه بغيظ ورجع بص للشباب والبنات.
حازم واقف أول واحد من النص وقصاده روح ووراه كيان وموسي ونوح، أما روح وراها فريدة وروڤانا وجنة وجويرية.
بيشدوا الشباب بقوة والبنات بيقربوا منهم بتعب وفي لحظة فريدة وجويرية وجنة بيشدوا أكتر والشباب يقربوا منهم بتهالك
روح وهي بتشد: فريدة انا مش قادره.
فريدة بتشد بقوة وتحدي: اجمدي عشان لو خسرنا هبهدلك.
نفخت روح بضيق وبصت لحازم اللي بيشد قصادها: طب اعمل حركة إغراء لحازم عشان يستسلم أحسن.
فريدة بصت ليها بغيظ: دا وقته محن يا حيوانه إنتِ شدي يابت كويس.
روح بتأفف: حاضر.
بصت فريدة لكيان بنظرات التحدي المعتادة منها ليه وحازم بيشد وكيان وراه وعيونه علي فريدة بنفس التحدي والعناد.
نوح بيروح ويرجع مع الشباب وهو ماسك الحبل بتراخي: ولا هنعرف نخلص في اليوم اللي مش فايت دا.
موسي بغيظ: بزمتك إنت بتشد أصلا معانا!!.
نوح بملل وتعب: هو انا عاد فيا حيل منكم لله.
جنة بقلق: انا خايفة نخسر ونتعاقب زي نوح.
جويرية وهي بتشد بقوة: مفيش عقاب هيتكرر في التحدي اللي بعد اللي فات.
اتنهدت جنة براحة وروڤانا اتكلمت بهدوء وبتشد: يعني لينا عقاب برضوا!!.
جويرية بعدم معرفة: مش عارفه لان بابا مقالش علي التحدي دا لينا فيه عقاب لحد فينا ولا لأ.
هزت روڤانا دماغها وكملت شد، استمر التحدي بين الشباب والبنات لمدة ساعة الا ربع ومفيش حد فيهم بيستسلم، فريدة وجويرية التحدي منهم قوي وكمان كيان وحازم مش بيستسلموا وهما اللي رافضين حد يخسر من الفريق.
استمروا في التحدي لمدة نص ساعة كمان ولسه مفيش فايدة.
نوح ساب الحبل وقعد علي الرمل وحط إيديه علي خده: انتوا حوراتكم كترت وانا كائن فرهود لما تخلصوا قولولي.
روڤانا هزت دماغها بتعب وسابت الحبل: مش قادرة كفاية كده.
باقي البنات بتشد والشباب قصادهم لسه، عبدالله نفخ بضيق: إحنا لو قعدنا للصبح قصاد تحدي بين فريدة وكيان مش هنخلص.
زين عيونه عليهم بمكر: نصبر شوية كمان وبعدها هتصرف.
روح بصت ليه بغيظ: أنا مبقتش فاهمة دماغك فيها ايه؟.
زين ببراءة: دماغي أنا!! دانا غلبان
عبدالله بخبث: غلبان!! دانت مفيش امكر منك وعايز الحقيقه إنت خسارة في الطب إنت مكانك في شغلي مش في المستشفي.
زين ببرود: تعرف تخرس شوية وتخليك في مراتك وتسيبني مع مراتي من غير تطفل منك؟.
عبدالله بابتسامة عريضة: لأ.
زين كز علي سنانه بغيظ منه ورجع بص لروح وهي بتكلمه: خليك معايا هنا عشان منكدش عليك دلوقتي إنت ناوي تعمل إيه طالما العيال دول فقدنا الأمل في انه حد فيهم يكسب.
زين بتوضيح: هتعرفي دلوقتي.
وقف عبدالله وحط إيديه في جيبه بغموض ومركز مع ملامح فريدة وكيان وهما بيتحدوا بعض وزين وقف جمبه: فريق الشباب يكسب.
عبدالله بنفي: لأ فريق البنات.
زين برفض: الشباب بقولك.
عبدالله ببرود: البنات.
بعد مناوشات بين زين وعبدالله الكل ركز مع خناقهم ونفخوا بضيق ووقفت ورد: انتوا بجد فايقين تعاندوا بعض وسايبين الشباب والبنات وداخلين في ساعتين بيشدوا في الحبل ومحدش فيهم ناوي يستسلم وكملت بخناقكم عايزين مين فيهم يفوز.
زين بص ليها: نعمل تحدي ونلغي شد الحبل دا ولو فازوا فيه يبقي كدا هنعرف مين اللي يستحق لقب الفائز.
ورد وروح اتكلموا بصوت واحد: هو إيه؟.
عبدالله وزين بصوا لبعض وبيتهامسوا ويتفقوا علي حاجه ومع همسهم زين ملامحه كلها غضب ومعارضة لرائيه وعبدالله بيحاول يقنعه والكل مراقبهم وبعد دقايق عبدالله وزين بصوا ليهم.
عبدالله: خلاص إحنا عرفنا هنعمل ايه.
زين وقف التحدي بين الشباب والبنات وقربوا منهم وهما مش فاهمين حاجه واتكلم: دلوقتي احنا هنلغي تحدي شد الحبل وهنعمل تحدي تاني عشان نشوف مين اللي هيفوز طالما مفيش أمل من خسارة حد من اي فريق عشان التاني يكسب.
كيان بعدم فهم: تحدي إيه دا؟.
عبدالله بص ليه: تحدي زين.
فريدة بقلق: نعم إزاي!!.
عبدالله بتوضيح: يعني هيحصل مبارزة ما بين واحد من فريقك هتختاروه وواحد كمان من فريق كيان واللي هيقدر يقاومه ويكسبه فريقه هو اللي هيكون كسبان.
الكل متنح ونوح رجع لورا: انا مش معاهم.
موسي بخوف: وانا بنسحب.
جويرية بلعت ريقها بتوتر ورجعت لورا: وانا مع نوح وموسي.
جنة وروڤانا وروح برضوا انسحبوا من فريق فريدة وحازم اتكلم بتوتر لانه عارف المبارزة مع زين مش هتكون سهلة نهائي دا بطل عالمي في الملاكمة ومستحيل حد يقدر عليه: أنا برضوا هنسحب.
اتبقي كيان وفريدة اللي واقفين مش بينطقوا.
فريدة عارفة يعني إيه تحدي لزين وصعب تتغلب عليه ومترددة جدًا، وكمان كيان للحظة جي في باله وقت ما كان في بيت زين لما راح لمامته وقت حفلة خطوبة روح وحازم ولما هجم علي عبدالله بحركة واحدة من زين قدرت تخليه يفقد توزانه وهنا فهم انه عارف إيه هي نقاط الضعف في جسم الإنسان وممكن يستغلها فاق من شروده علي صوت فريدة: أنا مش هقدر علي بابا شوفوا تحدي غير دا.
كيان هز دماغه بموافقة: وكمان انا مش هقدر حضرتك صعب حد يواجهك وعارف نقاط ضعف الانسان وكمان لياقة جسمك مهما اتدربنا وبقينا بنعرف نبارز معاك مش هنقدر إنت خبير في كدا لكن إحنا لسه متدربين.
زين بص لعبدالله برفع حاجب: اتفرج الفريقين انسحبوا.
عبدالله بضيق: طب هنعمل إيه؟.
واقف الكل يفكر وقاطعهم غيث: هو مش ممكن عمو عبدالله ينافس بابا هو قوي زيه صح؟.
ورد بقلق: أيوه بس عبدالله مش بكامل صحته ومش هيقدر لأ.
رجعت بصت لعبدالله وفهمت نظراته وهزت دماغها برفض: عبدالله متفكرش سامع انا بحذرك.
زين بص ليه وابتسم بخبث: هنافس بإيد واحدة والشمال زيك كمان وهتاخد دلوقتي حقنه هتخليك كإنك بكامل قوتك.
عبدالله بغموض وحماس: هكون تبع فريق البنات.
زين بابتسامة هادية وتحدي: وانا مع الولاد هجهزلك الحقنة.
مشي زين وعبدالله واقف مكانه وورد قربت منه وشكلها يقلق وغضبانه جدًا: هو إنت اتجننت عايز تنتحر ولا إيه مش فاهمه؟.
عبدالله بهدوء: اهدي بس زين محدش هيقدر عليه غيري وانا قدها.
ورد بعصبية: قدها لو إنت كويس مش واخد رصاصة من يومين ولسه تعبان.
عبدالله بتبرير: ما قالك أهوه هيديني علاج مفعوله قوي.
ورد بتحذير: ارجع عن اللي في دماغك عشان مش هسمحلك فاهم.
عبدالله بخبث: يا نوحي يا نوحي إنتِ خايفة عليا.
ورد بارتباك وقلق: مش وقته هزارك دا انا بتكلم بجد يا عبدالله انا خايفه عليك.
ابتسم بحب ومسك راسها باسها من جبينها: متقلقيش.
بعدت عنه ببطء وركزت في عيونه: عشان خاطري بلاش.
عبدالله وهو بيطمنها: اهدي بقا لو زين حس إني مش هقدر أكمل مش هيكمل انا واثق فيه.
لسه هترد جي زين وقاطعهم وماسك الحقنة: اديني فخدة من فخادك.
عبدالله ببرود: عندي شد عضل.
زين بنفس بروده: طب بلاها منافسة.
عبدالله بحرج مصطنع: بتكسف بس تعالي في حتة متدارية اصل فخادي دي شرفي.
ورد ضربته في بطنه بغيظ وهو بص ليها: عايزة إيه؟.
ورد بنرفزة: اتلم شوية.
عبدالله بتذكر: فكرتيني صحيح( بص لزين) قولي يا زين الحقنة دي مفعولها هيكون لحد أمتي!.
زين بعملية: ست ساعات.
عبدالله: طب عال أوي (بص لورد بخبث) دي هتبقي ولا الألف ليلة وليلة النهاردة.
ورد قلقت منه وجريت قعدت جمب روح وكانت بتأكل غيث ومُغيث.
زين بجدية: ما تخلص عشان مفعولها يبتدي..
عبدالله: طب انا راضي زمتك ترضاها علي فخدة من فخادك إنك تبقي قدام الكل كدا بلبوص.
ضحك زين بيأس: بصراحه لأ تعالا معايا.
مشيوا وبعد وقت قصير كانوا واقفين قصاد بعض في مكان محدد ليهم يشبه للحلبة وفيه علامات علي الرمل لو حد فيهم تخطاها يبقي خسران.. العيلة كلها متجمعة حواليهم وفريق البناب بيشجع عبدالله وفريق الشباب بيشجع زين.
واقف زين وايديه اليمين ورا ضهره وبيستعد بالشمال بس، وعبدالله واقف بنفس الشكل بس إيديه اليمين لابس فيها سنادة دراع وبيحرك الشمال بس، إدت فريدة إشارة وكيان صفر وابتدي التحدي بين زين وعبدالله.
بيلفوا قصاد بعض واللي بدأ بالضرب كان عبدالله وزين تفاداها، ردها ليه زين وبرضوا مجتش في عبدالله، رجعوا لورا هما الاتنين وجري زين علي عبدالله وضربه في خده وعبدالله ردها ليه، الكل واقف قلقان لان قوة عبدالله وزين تشبه لبعض ومع كل ضربة ياخدها واحد فيهم التاني يردها ليه بنفس الطريقة، زين مال بجسمه وعبدالله ضرب في الهواء ورجع زين اتعدل واخد لكمة سريعة من عبدالله في عينه، ضربه زين ضربة أقوي بايده الشمال في انفه وعبدالله اتألم جدًا من أثر ضربته دي، استمروا في منافسة بعض لوقت محدود وعبدالله قدر يضرب زين ضربه تانية وزين اتألم منها ورجع ينافسه، عبدالله قد يلف دراع زين الشمال وضربه بجبينه في وشه وزين لف دراعه بسرعة جدًا وقبل ما عبدالله يستوعب حاجة كان واقع في الأرض من قوة ضربة زين ليه.
شهقت ورد بفزع وايدها علي فمها برعب: عبدالله.
كيان عدل نفسه وبص ليهم بدقة أكبر وعيونه علي أبوه اللي واقع في الأرض وزين مد ليه إيديه عشان يقومه وعبدالله حط إيديه في ايدين زين وشده وقعه وفي ثواني كان قاعد فوق زين وبيضربه ويضحك: غدار أيوه.
زين هز دماغه بقلة حيلة وابتسم وضربه برجله وقعه جنبه وبقا هو اللي فوقيه وبيضرب فيه: هقل منك قدام إبنك.
عبدالله وهو بيضحك: ما عاش ولا كان
زين بسخرية: كدا طب خد.
فجأة ضرب عبدالله في جبينه وصرخ: يخربيتك بهزر...
وقف زين من فوقيه ورفع حاجبه بملل: قوم إنت بقا.
وقف عبدالله بتهالك وتعب وبينهج: متخيلتش تفضل محافظ علي قوتك لحد دلوقتي وتبقي دارس فنون قتال وإنت اعتزلت لعب كمال الاجسام من سنين.
زين بجدية: بس لسه بتدرب في اوقات فراغي مش شرط اسيب هوايتي المفضلة واهمل صحتي.
ضرب عبدالله في بطنه وعبدالله بادله نفس الضربة بس تحت الحزام برجله.. الجو مشحون بالتحدي اللي بيزيد بين عبدالله وزين ومحدش بيستسلم فيهم، بعد نص ساعه كمان زين حس ان عبدالله فقد سيطرته وتعب وابتدي يخفف من قوته ويبقي في نفس مستواه، عبدالله بص ليه بغيظ: متحاولش تساوي قوتك بقوتي وانا ضعيف عشان هزعلك.
زين هز دماغه علي صاحبه اللي فهمه واتكلم: واثق إنك لو بصحتك كنت هتقدر بس اهدي شويه.
عبدالله فجأة ضربه ووقعه في الأرض وخرج زين برا المكان المحدّد وخسر.. بص ليه عبدالله بغضب لانه لاحظ ان زين عمل دا بمزاجه عشان ينهي المنافسة ويريحه لانه كان تعبان فعلًا وكتفه ابتدي يشد عليه من الألم ووقف زين وقرب من عبدالله اللي بيهدده: أعمل حسابك اني مش موافق علي اللي حصل دا وفيه منافسة تانية هتحصل لما اتحسن.
ابتسم زين واومأ: اتفقنا معنديش مشكله بس كان لازم دا يحصل عشان ننهي المنافسة وإلا كنا هنعمل زي كيان وفريدة.
فريق البنات كله بيتنطط من الفرحة لانهم كدا كسبوا بسبب عبدالله اللي فاز بالنيابة عن فريقهم والشباب مبتسمين ليهم وقعدوا يرتاحوا.
بعد ساعة وبعد ما العيلة أكلت وأدوا فرضهم وقدروا يريحوا جسمهم شوية قعدوا مع بعض الكل وابتدوا في التحدي التالت واتكلم زين وشاور علي غيث ومُغيث: التحدي ليكم وبالنسبالي هيكون أفضل تحدي في حياتي كلها.
غيث ومُغيث بصوا لبعض بحماس وغيث اتكلم: جاهزين.
زين ابتسم: بما انكم بتحبوا القصص الدينية وبقا عندكم كم من المعلومات الجميلة هنسألكم عن حاجات معينة بمعناها ايه وتفسروها وكل واحد ليه سؤال مختلف وهيجاوب عليه واللي ميعرفش التاني هيجاوب بدلا منه وهياخد نقطة في صالحه لحد ما نخلص الاسئلة ونعرف مين الفايز جاهزين!!.
هز دماغهم بفرحة وزين بص لروح: ابدئي إنتِ.
روح ابتسمت بحب وبصت لمُغيث: السؤال الأول لمُغيث وهو حديث وإنت هتفسر معناه.
مُغيث مركز جدًا مع كلام مامته وهي بتتكلم.
_ عن جرير ابن عبد الله الجبليّ رضي الله عنه وقال: كُنَّا عند النبيﷺ فَنَظَرَ إلَي القَمَرِ لَيْلَة البّدْرِ، فَقَالَ: إنَّكُمْ سترون ربكم كما ترون هذا القمر، لا تضامون في رؤيته فإن استطعم أن لا تغلبوا علي صلاة قبل طلوع الشمس وقبل غروبها فافعلوا.
وفي رواية أخري" فنظر إلي القمر ليلة أربع عشرة".
لا تضامون: يعني لا تتزاحمون.
روح ببسمة: معني الحديث!!.
مُغيث بلهفة وحماس: إنه الرسول ﷺ بيقول انه اللي بيحافظ علي صلاة العصر وصلاة الفجر هيري وجه الله يوم القيامة رؤية واضحة زي ما كان بيشوف القمر وكمان بيأكدلنا اننا هنشوف ربنا بوضوح لدرجة اننا مش هنتزاحم عشان نلحق نشوفه، يعني المفروض انه لما حد بيشوف حاجة غريبة وأول مرة تحصل بيقعد ينادي علي اصحابه وقرايبه واهله عشان يشوفوا معاه وبنكون مزدحمين جدًا لدرجة اننا ممكن نوقع بعض عشان نشوف بوضوح الحاجة دي ومن حكمة وقدرة وفضل ربنا انه هيخلينا نشوف وشه من غير ما نكون في زحمة ولا حاجه وكل واحد بيحافظ على صلاة الفجر والعصر هيشوف وجه ربنا براحة واطمئنان وسكينة ومفيش حد هيمنعه من انه يشوفه ويوقعه.
وقال رسول الله ﷺ « من ترك صلاة العصر حبط عمله».
روح بدموع وسعادة وبتسقف لإبنها بفخر: برافوا يا مُغيث.
الكل ابتسم وسقف ليه وابتدي زين بالسؤال التاني لابنه غيث وبيتكلم: السؤال التاني لِـ غيث.
غيث ابتسم ببراءة ومركز مع كلام زين بدقة وهدوء.
_ قولي علي أسماء زوجات النبي عليه الصلاة والسلام كلهم.
غيث سكت شوية وبيفكر وبيعد علي إيديه ويهمس لنفسه وبعد دقايق بص لزين وابتسم:"خس مع جزر صحه"
الكل بص ليه باستغراب باستثناء روح اللي غمزت ليه وهو كمل: دا اختصارهم عشان افتكرهم زي ما ماما قالتلي قبل كدا "خديجة بنت خويلد، سودة بنت زمعة، ميمونة بنت الحارث، عائشة بنت أبي بكر، جويريه بنت الحارث، زينب بنت جحش، و زينب بنت خزيمة، رملة بنت ابي سفيان، صفية بنت حيي، حفصة بنت عمر، هند بنت ابي اميه (ام سلمه).
كيان قاعد ومذهول جدًا من التؤام وعيونه جت علي روح اللي ضمت ابنها ليها جدًا بفرحة وسعادة باينه عليها.
فريدة اتنهدت: سؤالي أنا بقا وهقوله لمُغيث.
مُغيث ببسمة بريئة: ماشي قولي.
فريدة بحب: علمنا رسول الله صلى الله عليه وسلم إذا حسينا بوجع في جسمنا نعمل حاجه إيه هي؟.
مُغيث بجدية: نحط ايدنا مكان الألم ونقول" بسم الله" ثلاث مرات ونقول برضوا " اعوذ بعزة الله وقدرته من شر ما أجد وأحاذر " سبع مرات.
فريدة بفرحة: صح.
موسي: سؤالي لغيث.
غيث بص ليه ورفع ايده بتحذير: مش تقولي سؤال صعب يا موسي عشان إنت رخم.
ضحك موسي: لأ متقلقش دا سؤال إنت سالته ليا قبل كدا وجاوبتك عليه عايز اعرف إنت فاكره ولا لأ.
غيث ببراءة: ان شاء الله فاكره قول.
موسي بهدوء: معني الوضوء إيه؟!.
غيث قعد دقايق يفكر ويجمع افكاره وبص لموسي: اول حاجة هي غسل اليدين ومعناها اللهم ناولني الكتاب باليمين وبعدين المضمضــة يعني اللهم ثبت لساني بالنطق بالشهادة وبعدها الاستنشــاق وهي اللهم استنشقني رائحة الجنة وبعدين الاستنثــــار ومعناها اللهم نجيني من رائحة الزقوم.
سكت شوية ومعرفش يكمل وبص لموسي بحزن: مش فاكر الباقي.
مُغيث بلهفة: انا فاكر غسل الوجه يعني اللهم بيض وجهي يوم تسود الوجوه وتبيض الوجوه وغسل اليدين إلى الكوع الايد اليمين معناها اللهم اجعلني من أصحاب اليمين والايد الشمال يعني اللهم نجيني من أصحاب الشمال ولما نمسح راسنا تبقي بمعني اللهم اعتق رقبتي من النار اللهم ردني مرد المؤمنين ولما نغسل رجلنا معناها اللهم لا تزل قدمي عن الطريق المستقيم.
العيلة كلها سقفت ليهم وزين ابتسم: اطلبوا أي حاجة عايزينها وهجيبها ليكم.
غيث ومُغيث سكتوا لدقايق وكل واحد فيهم بيفكر هو عايز إيه واتكلم غيث الأول بسعادة: عايز تعملي ملعب في القصر لما نرجع مصر والعب فيه وتجيبلي مدرب يدربني علي الكورة.
زين ابتسم واتنهد: موافق وإنت يا مُغيث.
مُغيث مط شفايفه ولسه بيفكر وبص لزين بقلق: هتحققلي أي حاجة أي حاجة!! مش هترفض اكيد؟.
زين ببساطة وبسمة: لا مش هرفض يلا قولي.
مُغيث بلهفة وحماس: تعلمني من دلوقتي إزاي أكون قادر اعمل اسعافات اولية لو فيه حد متصاب زي ما حضرتك عملت لعمو عبدالله لما اتضرب بالنار.
لحظة صمت من الكل وروح بصت لمُغيث وبتحاول معاه عشان يطلب طلب تاني غير دا: بس مُغيث حبيبي إنت لسه صغير جدًا ومينفعش تعمل حاجه زي دي و...
قاطعها زين: موافق يا مُغيث.
روح بصت ليه بدهشة ومُغيث مبسوط جدًا: بجد يا بابا.
زين بإيماء: بس بشرط.
مُغيث بحماس: أكيد موافق.
زين ابتسم: لازم تسمعه الأول.
هز دماغه وزين كمل: هعلمك حاجات بسيطة الأول تقدر عليها وبعدين مع الوقت هعلمك كل فترة حاجة تانية واصعب من اللي قبلها يعني انا اللي اقرر تتعلم ايه امتي وإزاي مفهوم.
مُغيث بسعادة وموافقة: مفهوم يا زين.
روح بصت لزين بضيق: زين إنت بتعمل إيه الولد لسه طفل مكملش العشر سنين وعايزه يتعلم الطب.
زين بتوضيح وهدوء: حبيبي أنا عارف بعمل إيه واكيد مش هخلي ابني مُحبط ويحس انه حلمه ابوه مش عايز يحققه ليه.
روح برفض: لا يا زين الولد لسه طفل مش عايزاه ينسي طفولته ويبقي جد من اولها كده.
زين بجدية: إنتِ شوفتي الشغف والحماس اللي كان ظاهر علي ملامحه وهو بيطلب مني حاجة نفسه فيها وكمان خوفه وهو متوتر وقلقان أرفض ليه حاجه مهمة بالنسباله بالشكل دا؟.
روح بحنق: أيوه بس...
قاطعها زين: أنا مش عايز الحماس والشغف اللي كان ظاهر عليه يختفي وهقولهالك تاني طول مانا بإيدي احقق حلم لولادي هما بيتمنوه مش هتردد لحظة وهفضل جمبهم مهما كان حلمهم الكل شايفه غلط ومرفوض انا مش هرفض وهفضل جمبهم في أي قرار هما عايزينه.
جي الليل علي الكل وكانوا قاعدين علي الشاطئ تحت ضي القمر وبعض الانوار الهادية وكلهم حوالين بعض وجت ليهم فريدة وهي مبتسمة: دلوقتي هنعمل آخر تحدي النهاردة وهيكون خاص بالازواج بس.
جويرية باستغراب: هو عمو عبدالله وورد فين بقالهم ساعة مش ظاهرين.
ابتسمت روح بهدوء وبصت لجويرية: شوية وجايين.
جويرية بغموض: اممممم دا مش بيضيع لحظة عبدالله دا.
روح بحدة مصطنعة: بنت اسكتي.
جويرية اتنهدت: لا بقولك إيه انا رايحة اناديهم عشان نخلص.
لسه روح هتمنعها زين ضحك وحط إيديه علي فم روح: سيبيها لانها احتمال ترجع علي كرسي متحرك من عبدالله.
روح شالت إيديه بغيظ: زين إنت رخم البت بقت رخمة وشوف الحيوانة والحيوان التاني اللي جريوا وراها ومصدقوا.
شاورت علي نوح وفريدة وهما بيجروا ورا جويرية ورايحين معاها.
زين بخبث: انا بقول نطلع إحنا كمان.
روح عيونها وسعت بذهول وزقته وبتكز علي سنانها: كلمة تانية ووالله ها...
قاطعها ومسك ايدها باسها: خلاص انا غلطان ياستي راسك ابوسها.
باسها من راسها بغيظ وبيكتم غضبه: بس وحياة امك حاضر.
وصلت جويرية لجناح عبدالله وبصت لنوح وفريدة: حد فيكم عنده خطة.
نوح بغموض: أنا عندي.
فريدة بصت ليه وابتسمت بخبث: ناوي علي إيه؟.
نوح بابتسامة شر: هقولك.
بعد دقايق كان واقف نوح قصاد باب اوضة عبدالله وبيخبط بقوة: الحق يا عبدالله مصيبة.
عبدالله ببرود وهو بيرد عليه بصوت عالي نسبيًا: العب غيرها يا نوح.
نوح بص لفريدة وهي هزت دماغها وإدت إشارة لجويرية وكانت بتفصل النور والتكيفات من جناح عبدالله ودخلت فريدة لمكان تاني وكانت ماسكة فونها وفتحت علي فويس لصوت صراخ ناس
نوح بيخبط أكتر ويزعق: افتح يا غول بالله عليك فيه حريقة في المكان هنا وحصل ماس كهربي والكل بيهرب.
بعد دقايق فتح عبدالله ليه ونوح تنح وحط إيديه علي عيونه: استر نفسك معانا حريم.
عبدالله بيكز علي سنانه بغيظ منه ومسكه من قفاه: فاكرني مش عارف انها خطة منكم.
نوح بيحاول يلهي عبدالله في الضلمة وفريدة وجويرية دخلوا من جنبوا بدون ما يحس وقفلوا الباب وهو برا مع نوح.
بعد وقت كانت فريدة وجويرية بيجروا ونوح بيصرخ ويقول الحقوني وينط لفوق وهو بيجري وعبدالله بيضرب عليهم نار بمسدسه.
ورد مش قادره توقف ضحك وبتمنعه: يا عبدالله حرام عليك كفاية.
عبدالله بغضب: سيبيني دلوقتي عشان مخرجش عصبيتي كلها عليكِ
ورد وهي بتشده: خلاص بقا إنت اتجننت افرض رصاصة جت في حد فيهم دلوقتي.
عبدالله بنرفزة: يبقي يستاهلوا عشان يحرموا يقربوا من جناحي تاني.
اتنهدت بقلة حيلة: اهدي عشان خاطري انا نازلة وحصلني.
بص ليها بعصبية: مش متزفت.
ابتسمت وباسته برقة ومسكته من خده بخفة: هتنزل مستنياك.
شدها ليه ولسه هيبوسها شاف فريدة وجويرية رجعوا ليه ومسك المسدس وبيسحب الزناد وهنا جريوا تاني.
ضحكت ورد ومشيت وراهم وهو نفخ بضيق وطلع جناحه.
بعد نص ساعه الكل كان حاضر وفريدة اتكلمت: دلوقتي كل واحد وكل واحدة هياخد notes صغيرة وقلم.
جويرية بتسلم كل الازواج notes وقلم وبتلف عليهم وفريدة مكملة كلامها: نوع التحدي هيكون الزوج يعرف مراته بنسبة كام في المية معانا اسئلة هنسالها ليكم وعلي حسب السؤال هتجابوا في الورق اللي معاكم وبعدين نشوف الاجابة متطابقة مع الزوجين ولا حد فيهم مختلف وهيجاوب غلط وكل سؤال صح هيكون طبعا في صالح الكابلز وبعدين في الآخر هنعرف مين الزوج اللي حافظ كل تفاصيل مراته بالمللي.
جويرية وقفت جمب فريدة وشاورت: معانا فريق حازم وروح، وعمو سليم ورزان، وعمو ياسين وياسمين، وبابا وماما روح، وعمو عبدالله وورد.
هزو دماغهم بحماس وفريدة سلمت الاسئلة لكيان: دورك في إنك تسألهم دي كل الاسئلة وانا هسجل الاجابات الصح والغلط وجويرية هتابع معاهم وهتقرأ اجاباتهم.
بص ليها كيان ورجع بص للاسئلة اللي في ايده وابتسم: تمام.
كيان بص ليهم: أكتر لون مراتك بتحبه.
كل واحد بص لزوجته وبيفكر.
ياسين: الاخضر لأ الأحمر.
جويرية بحدة: مينفعش تسألها يا ياسين هي هتكتب اكتر لون بتحبه من نفسها وانت هتجاوب من نفسك أي كلمة هتخسر.
ياسين بغيظ: هربيكِ لما أخلص حاضر.
ابتدي كل زوج يكتب في الورقة وكل زوجة برضوا تكتب وبعد دقايق لفت عليهم جويرية ورفعوا ليها الورق اول اجابة كانت من سليم ورزان وكاتبين نفس اللون "الأصفر".
جويرية بحماس: إجابة صح لأول كابل.
بتسجل فريدة وجويرية بتمر علي الباقي وكان تاني حد هما ياسين وياسمين، ياسين كاتب الأحمر وياسمين كاتبة البنفسجي.
جويرية بحزن: اجابة غلط يا ياسين.
ياسين بص لورقة مراته بغيظ: إنتِ مش لسه قايلة بحب الأحمر يولية من يجي كام يوم.
ياسمين بغيظ: فكرني كدا قولتلك بحبه امتي وإزاي!!.
ياسين بتفكير: لا لحظة تقريبا انا اللي قولت مش إنتِ.
وصلت جويرية لعبدالله وورد وكانوا كاتبين نفس الاجابة" البُني".
جويرية بتشجيع: اجابة صح لعبدالله وورد.
سجلت فريدة ووصلت جويرية لروح وزين وكانت نفس الاجابة "الازرق".
جويرية بسعادة: روح الزين برضوا إجابة صح.
قربت من حازم وروح وكانت اجابة مختلفة حازم كاتب الأصفر وروح كاتبه الاورنج.
جويرية: غلط يا حازم.
روح بضيق: وتقولي بحبك.
جويرية بصت لكيان: السؤال التاني.
كيان ببسمة: الكلمة المفضلة وبيقولوها ليكم أو لغيركم دايمًا.
زين بقلق: إيه السؤال الصعب دا.
سليم بص لرزان وضحكت: انا نفسي مش فاكره.
ياسين بثقة: العبد لله عارف دي مش بتقول غيرها.
حازم بص لروح وضحك: مينفعش تتبدل بالكلمة اللي انا بقولها ليها دايمًا.
روح بصت ليه بغيظ: حااااازم.
ابتدوا يكتبوا ولفت عليهم جويرية وأول حد كانوا عبدالله وورد وكاتبين نفس الجملة « مش هسمحلك يا عبدالله».
ضحكت ورد وبصت ليه بيأس وجويرية قربت من تاني كابل وكانوا سليم ورزان وكاتبين جمل مختلفة سليم كاتب «إنت كدا جامد يعني» ورزان كاتبة« خلاص يا روش».
جويرية: غلط يا سليم.
ياسين وياسمين كاتبين نفس الاجابة وكانت «يا حيوان».
ضحك الكل علي ياسين وهو بيقلد مراته وهي بتقولها.
قربت جويرية من حازم وروح وكانت نفس الجملة « حبيب هارتي».
وصلت لزين وروح وكانت نفس الجملة « يا جامد و يا وعدي ع الجمال».
صفر موسي وهو بيقلد مامته: حلاوتك يا جامد.
كيان بحماس: السؤال التالت اكتر حيوان مراتك بتحبه.
الكل بيكتب وجويرية قربت من سليم ورزان وكاتبين نفس الجملة « العصافير».
روح وحازم كاتبين «السلحفاة»، ياسين وياسمين كاتبين« الباندا»، عبدالله وورد كاتبين«الكلاب» روح وزين كاتبين اجابتين« القطط والكتاكيت الصغيرة».
جويرية: كلهم صح.
كيان كمل: رابع سؤال صبح ولا ليل؟؟.
رد ياسين: صبح.
ياسمين بايجاب: صح.
حازم: ليل
روح ببسمة: صح برضوا.
سليم: رزان بتحب الصبح.
رزان بضحك: صح.
عبدالله بتفكير: صبح برضوا.
ورد هزت دماغها: صبح فعلًا.
زين بص لروح: ليل طبعا.
روح ابتسمت بحب ليه وهزت دماغها بإيجاب.
بتسجل فريدة وكيان بيسأل: خامس سؤال إيه نوع المسلسلات أو الافلام المفضلة اللي بيميلوا ليها أكتر.
بص كل زوج لمراته وجاوب سليم أول واحد: بالترتيب كدا رومانسي، عائلي، اكشن.
ياسين: رعب، كوميدي، رومانسي.
حازم بص لروح: مش عارف بس تقريبا رومانسي وكوميدي.
روح اتنهدت: صح.
عبدالله بملل: تركي وكوميدي ودراما.
زين بجدية: كرتون، كوميدي، ورومانسي، وفيه خيال علمي برضوا.
كيان اتنهد: سادس سؤال spice ولا عادي.
عبدالله: لا سبايسي.
زين: سبايسي برضوا.
ياسين: عادي.
حازم: الاتنين هي مش بتقف علي حاجه.
سليم: عادي.
كيان ببسمة: سابع سؤال أكتر flavour بتحبه في الشيبسي.
زين بسرعة: لا دي بقا هرمونات مرة خل وملح ومرة تانية جبنة متبلة مرة تالتة طماطم.
ضحكت روح: اديله 2points يا فريدة عشان هو صح.
عبدالله بتفكير: تقريبا شطة وليمون.
ورد بضيق: غلط.
ياسين: جبنة متبلة.
سليم: جبنة متبلة برضوا.
حازم: جمبري وشطة.
كيان بحب: تامن سؤال غروب ولا شروق.
زين: غروب.
عبدالله: شروق.
سليم: شروق.
ياسين: غروب.
حازم: شروق.
كيان: السؤال التاسع أكتر بلد حابة تزورها.
زين: تركيا وباريس.
عبدالله بص لورد: فرنسا.
ياسين: امريكا.
سليم: الهند.
حازم: لبنان.
كيان: عاشر سؤال أكتر حاجه ممكن تصرف فيها فلوسها.
زين: اللبس والاكل والروايات والكتب واللعب وأي حاجة تافهة هي بتشتريها.
عبدالله: الاكل واي حاجه شبابي.
سليم: الحلويات
ياسين: اللبس والميك أب.
حازم: أي بنطلون تشوفه هي عايزاه.
كيان: السؤال الحادي عشر أكتر حاجه هي بتخاف منها.
زين: الحشرات.
عبدالله: الفار.
سليم: القطط.
ياسين: الاماكن المغلقة عندها فوبيا منها.
حازم: الديك الرومي بتترعب منه.
كيان: أكتر مادة كانت بتحبها في ايام الدراسة.
زين: الجبر.
عبدالله: لا مش عارف.
ورد كشرت: كنت بحكيلك علي فكرة.
عبدالله بنسيان: مش فاكر لأ.
سليم: علم النفس باين.
رزان: غلط.
ياسين: النحو.
ياسمين: غلط القراءة.
حازم: العلوم كانت بتحبها جدًا في اعدادي.
كيان ابتسم: إيه الحاجة اللي ميقدروش يعيشوا من غيرها هتكتبوا المرة دي.
كتبوا وظهروا الاوراق لجويرية.
سليم ورزان كاتبين نفس الجملة« النوم».
ياسين وياسمين جمل مختلفة« الأكل»،« الشغل».
حازم وروح كاتبين نفس الجملة«الشغل».
عبدالله وورد نفس الجملة«الخناق».
بصوا للي كاتبه زين وكان أول مرة يجاوب غلط من وقت ما ابتدي التحدي كاتب «البيبسي» وروح كاتبة «زين».
الكل ابتسم وزين بص لورقتها وفتح فمه بحب وسعادة: يا حياة قلبي.
ضحكت روح وهو ضمها ليه بعشق وباسها من جبينها.
♡♡♡♡♡♡♡♡♡.
«في مصر تحديدًا في شقه هشام».
واقفة حياة في المطبخ وسمعت صوت الباب اتفتح وخرجت لبرا: هشام إنت جيت..هش...
لحظة ذهول منها وهي واقفة متنحة مش قادرة تنطق بلعت ريقها برعب واتكلمت بالعافية: ت.. تا..تامر.
تامر بحب مصطنع: حياة تامر فاكرة إني مش هقدر اوصلك لما تتجوزي ولا إيه.
حياة بترجع لورا ورفعت ايدها وبتحذره: ابعد عني وامشي من هنا احسنلك والا هشام لو جي هيقتلك يا تامر.
ضحك بصوت عالي وشر: هشام طب مش لاقيه غيره وتتجوزيه دانتِ أكتر واحدة عارفه انه مستحيل يقرب منك عشان بيحب واحدة تانية من سنين علي حسب كلامك وكان صعبان عليكِ جدًا.
حياة برعب: تامر إنت لازم تمشي من هنا عشان هتندم.
بيقرب منها بخبث ويهز دماغه بنفي: تؤ سبق وقولتلك مش هسيبك ولولا سي هشام اللي انقذك مني اول مرة مان زماني سايبك في حالك كان لازم يعني يعمل فيها رامبو أهوه جيت تاني وكمان في بيته وهاخد اللي انا عايزه وبمزاجي.
حياة واقفة مش بتنطق وبتفتكر اخر حدث كان بينها وبين تامر.
«Flash back»
قاعدة حياة مع تامر في العربية قصاد العمارة اللي فيها شقته واتكلمت بقلق: تامر إنت جايبني هنا ليه؟.
تامر بحب: ماما عايزة تشوفك من زمان وكل شويه اقولها حجة شكل لحد ما خلاص مبقتش عارف اقولها إيه تاني وقولت اجيبك ليها وتتعرفوا علي بعض.
حياة بقلق: أيوه بس كان ممكن اقابلها برا مش في بيتك.
تامر بصدمة: إنتِ مش واثقة فيا يا حياة.
حياة بتوتر: تامر افهمني أنا مقدرش اطلع معاك شقتك و..
تامر بحزن: خلاص يا حياة انا كنت فاكر إنك واثقة فيا ومكنتش اتخيل أبدا إنك مش بتآمني ليا كدا وعشان تتأكدي من نيتي هخليكِ تكلميها دلوقتي.
مسك فونه وعمل اتصال واتكلم: أيوه يا ماما حياة معايا تحت اهي وحابة تتاكد انك موجودة فوق ولا لأ.
سلمها الفون وهي مسكته منه بقلق وإحراج وكلمت مامته: الو ايوه يا طنط...لا والله خالص بس تامر عارف إني متوترة بس...تمام طالعة لحضرتك معاه.
قفلت معاها وسلمته الفون واعتذرت ليه: تامر آسفة بجد مقصدش ازعلك.
تامر ببسمة: ولا يهمك يا قلبي دا حقك ولازم تتاكدي.
ابتسمت ليه ولسه هيقرب منها زقته بغيظ: وبعدين قولتلك مبحبش كدا يا تامر.
بعد عنها بحزن: مش قصدي بس انا بحبك وعادي.
حياة اتنهدت: قولتلك لأ طول ما مفيش حاجه رسمي يبقي لأ يلا عشان اشوف مامتك لاني اتاخرت جدًا ولازم امشي.
نزلت من عربيته وهو كز علي سنانه بِـ شر: ماشي يا حياة دقايق معدودة وهتعرفي مين هو تامر.
نزل وراها وطلعوا مع بعض ودخلوا الشقة وتامر بيمثل ان مامته موجوده في الشقة وبينادي عليها: ماما حياة معايا اهي.
قفل الباب وحياة قعدت في الصالون وابتسمت ليه ورجعت كشرت: هي مش بترد ليه.
تامر ببسمة: لحظة هجيبها دلوقتي دي هتموت وتشوفك تشربي إيه الأول.
حياة بتوتر: معلش يا تامر مش هقدر خليني اشوف مامتك بس عشان أمشي.
تامر بنفي: لا طبعا لازم تشربي حاجة هشربك عصير ماما بتعمله هيعجبك جدًا لحظة.
سابها ودخل المطبخ وخرج ليها بعصير وسلمه ليها: اشربي لحد ما ارجعلك هشوف ماما.
هزت دماغها ومسكت الكوباية وتامر واقف ورا السور ومراقبها عشان تشرب من العصير وبيبتسم بنصر، لسه حياة هتشرب فونها رن وسابت الكوباية وردت وكان هشام: الو هشام...لأ انا لسه خارجة من شويه من المدرسة...طيب نص ساعة وجاية وهكلمك.
قفلت معاه وحطت الفون في جيبها ولسه هتمد إيدها وتشرب العصير والكوباية وقعت اتكسرت، كز تامر علي سنانة بغضب وخرج ليها وبيتصنع انه قلقان عليها: مالك فيه إيه.
حياة بتوتر: الكوباية وقعت بالغلط و..
قرب منها وقومها: اهدي بس حصل خير.
بيرجعلها شعرها بهدوء وعيونه علي ملامحها وهمس: حياة إنتِ جميلة اوي.
حياة اتوترت وبعدت إيديه عنها بخوف: تامر مينفعش كدا.
بعدته عنها واتكلمت باستغراب: اومال فين مامتك
تامر بيكور إيديه بغضب وبيقرب منها: كفاية تبعديني عنك يا حياة وماما مش هنا دي مجرد خدعة مش أكتر.
حياة برعب: ت...تقصد إيه بخدعة.
تامر برغبة: يعني خدعة عشان تبقي معايا هنا ونقضي وقت حلو مع بعض.
للحظة حياة جسمها انتفض من الخوف وبتهز راسها بنفي وجريت علي الباب وبتفتحه ومش بيفتح ورجعت بصت لتامر بخوف: تامر افتح الباب إنت ازاي تعمل حركة حقيرة زي دي معايا...
تامر قرب منها وظهر علي حقيقته وشدها من شعرها: اسمعي يا روح امك مانتِ مش هتخرجي من هنا غير لما احقق مُرادي سامعة ولا لأ.
بصت ليه بهلع وزقته بقوة وجريت منه وبتصرخ: إنت أكيد اتجننت أو شارب حاجه.
تامر جري عليها ووقعها في الأرض وهي بتقاومه وتصرخ: سيبني يا تامر الحقووووني.
مع مقاومتها قدرت تعضه في كتفه وتجري منه في الشقة وبيجري وراها، دخلت أول اوضة شافتها وقفلت الباب وواقفة وراه وتامر بيزعق ويخبط علي الباب: افتحي بالزوق والا هكسر الباب يا حياة.
واقفة مرعوبة وبتبكي بندم وحسرة مش عارفه تتصدم منه ولا تتصرف ازاي في الحالة دي، ابتدي تامر يكسر في الباب وهي بتزعق وتبكي، خرجت فونها بسرعة وافتكرت انه معاها واتصلت بأول رقم قابلها وكان هشام بعد وقت قصير رد عليها وهي صرخت بصوتها كله: الحقني يا هشام.
هشام برعب عليها: إنتِ فين.
حياة برعب: في شقة تامر التجمع الخامس و....
إدته العنوان وفونها وقع في الأرض وبتصرخ وتامر بيكسر في الباب وهي واقفة وراه وبتسند الباب برعب وخوف...
بيسوق هشام بسرعة كبيره جدًا وفي دقايق وصل للعمارة وطالع يجري علي السلالم زي المجنون وصل للشقة وبيخبط علي الباب ومفيش حد بيرد خرج مسدسه وضرب علي الباب وضربه برجله كسره دخل يجري جوا ويصرخ باسمها: حياة إنتِ فين؟.
دخل يجري في كل اوضه وبيدور عليها ولاحظ ان باب اوضة مكسور دخل بسرعة وشافها مغمي عليها وجري ناحيتها ورفعها: حياااااة.
يُتبع.....
شُكر خاص لصاحبة فكرة الاندومي «بسمة حسن وهبة» طلبت مني اعمله في موسي ونوح والنتيجة قدامكم 😂❤.
ملحقتش اجهزلكم ميمز ع البارت دا للأسف تتعوض مرة تانية.